عشان يعدى القطر


شعر /سمير الأمير


الخلق صاحيه النهارده بتحسب الحسبه


والسوق بوااقى برتقان ولمون


وكان زمان البرتقان ع الشجر


وكان زمان مواويل


00000000000


لوعشت انا ف الذاكره مين اللى يسعى على عيالى


الفكره حلوه قوى بس السؤال علقم


إدينى عقلك يا عصفور الجنان


خبط الحلل زهقنى من صوتى


فعملت نايم عشان يعدى القطر


وام العيال زعقت نكشت ف أحزانى


كان خادنى حلم و شدنى للموت


والوهم كان مخلوط عسل و أغاني


واسأل "محمد سعيد"


عن اللي كان بيصلى فرض بفرض


وعن اللي نط قدامه ع المكتب


وقاله مين علمك تتكلم كما الأنبيا


يومها اتهبلت"ياحمدى ياقناوى"


وقلعت قبقاب الصعيد


عشا ن يغنى" الشيخ إمام" ف الجامعة


وعشان" سمير الأمير " يشق الغيطان و يجيلك


ويحط قلبه ف قصيده


الشعر فيها بتخنقه الشعارات0



000000000000000000


لو عشت انا ف الذاكره 00الوقت يسرقنى


ملحقش اجيب جزم العيال ف العيد


مشاركنى ليه يا وطن فى رزق نساني النشيد


سيبنى أنام يا وطن علشان يعدى القطر


و بلاش أمانه عليك

تقلقنى ف منامى" بحمدى قناوى و" محمد سعيد

فعلا يا أستاذنا الناس مهمومين بلقمة العيش والجرى وراها ، بجد جميلة جدا تسلم ايديك ودائما فى انتظار أعمال حضرتك
http://www.topforums.net/gallery/files/1/0/0/0/0/3/2/0/9/7/zzzzzzzzpv9.gif

أشكر لك اهتمامك وأدعو الله أن يحفظك ويرعاك وأن يحفظ عليك نعمة الإحساس بنبض بلادنا الحبيبة التى تستحق أفضل مما هى فيه ، فمصر هى فجر ضمير الإنسانية وهى أولى أمم الموحدين و ما يحدث من تشتيت لشعبها وراء لقمة العيش هو مؤامرة تتم بأيدى قليل من أبنائها الذين لا يعلمون قدرها ولذا هم فى طغيانهم يعمهون

جمييييييييييييييل هذا التعبير

فعلا يا أستاذنا الناس مهمومين بلقمة العيش والجرى وراها ، بجد جميلة جدا تسلم ايديك ودائما فى انتظار أعمال حضرتك
http://www.topforums.net/gallery/files/1/0/0/0/0/3/2/0/9/7/zzzzzzzzpv9.gif
عايزه أأقول لحضرتك إن هذا الشاعر القدير أستاذى
أفتخر جدا بذلك
تعلمت منه الكثير كمعلم لغة إنجليزية ودارس قدير للأدب الانجليزى
وأعجب دائما بأعماله الجميلة خاصا الشعر والتراجم

شكرا للشاعر العظيم

على فكرة أنا اتفرجت على البرنامج(أجندة) اللى سجل لك على النيل الثقافية

وسمعت نفس القصيدة دى وأنت تقولها

على فكرة سماع الشعر - خاصة من الشاعر نفسه - لها تأثير بارع فى نقل الاحاسيس والمشاعر الطبيعية التى يشعر بها الشاعر

لذا أقترح على المشرفين على هذا القسم المبدع دائما فكرة

(ممكن أن يسجل كل شاعر قصيدته بصوته ثم يحملها على أى موقع ثم يحاول رفعها على المنتدى - فى هذا القسم وداخل الصفحة التى تحتوى على كلمات القصيدة)

أعتقد نبرة الصوت وحسن الالقاء أكثر تأثيرا من مجرد قراءتها

سماع القصيدة بصوت كاتبها تجعلنا نعيش مع الشاعر تجربته وكل أحاسيسه

يارب تكون سهلة الفكرة فى التنفيذ

تحياتى وتمنياتى بالتوفيق للجميع

قصيدة رائعة استاذ / سمير
وسعداء بتواجد حضرتك بالمنتدى
ونامل من شعراء الموقع
تنفيذ اقتراح الاستاذة / هدى برفع
قصائدهم صوتية

الله الله عليك بجد رائعه جداجدا
انا انسانه اكره الشعارات والكلام الفاضي
وما اكثر شعاراتنا واللي هي مجرد مظاهر
ياستاذي الرائع اعذرني لان كلامك اكبر مني واعظم من كلامي
لان لااستطيع اعطاء حق قصيدتك الرائعه
ومااعرف ليه بعض الاساتذه زيك الردود تكون قليله على كتاباتهم
الرائعه والتي تعالج قضايا صميميه من واقع مر يمر به البلد
تقبل تحياتي

الله الله عليك بجد رائعه جداجدا
انا انسانه اكره الشعارات والكلام الفاضي
وما اكثر شعاراتنا واللي هي مجرد مظاهر
ياستاذي الرائع اعذرني لان كلامك اكبر مني واعظم من كلامي
لان لااستطيع اعطاء حق قصيدتك الرائعه
ومااعرف ليه بعض الاساتذه زيك الردود تكون قليله على كتاباتهم
الرائعه والتي تعالج قضايا صميميه من واقع مر يمر به البلد
تقبل تحياتي

أشكرك يا أستاذة نغم مرة أخرى وسوف يسعدنى متابعة نزف وجدانك الذى أثق أنه رائع ككلماتك الطيبة