مشاهدة النسخة كاملة : عاااااااااااااااااااااااااااجل
طارق الادريسى 08-02-2010, 02:10 AM نا ممن سجل بياناته على موقع وزارة الانصالات بمنحة icdl تبعاً لوزارة التربية والتعليم
وقدمنا الاوراق المطلوبة فى قسم التطوير التكنولجى بالادرة التعليمية
فلما لم يردوا علينا قدمت بمركز خارجى وتدربنا وكله تمام
المشكلة هنا تروح المركز علشان تطلع السكيل كارد يقولك لا أنت تبع التربية والتعليم
وانا ماقدرش أطلع لك سكيل كارد علشان أنت واخد رقم فى المنحة المقدمة من وزارة الاتصالات
هل المركز ضحك علينا وعايز يلهف التأمين ولا الكلام ده مضبوط
وبما تنصحونى
ملاحظة نحن حوالى 5 أفراد ومعانا أيصالات التأمين
ولك جزيل الشكر والتقدير
Hassaan EL-NAKIB 08-02-2010, 02:14 AM السلام عليكم
يا اخى الكريم انا اللى اعرفه انك طالما سجلت وأخدت رقم سكيل كارد فى اى جهة كانت سواء حكومية او خاصة
بيتم تسجيل بياناتك على الانترنت بحيث انك مش تقدر تطلع سكيل تانى لان الجهة اللى هاتمتحنك جهة واحدة بس
وهى منظمة اليونسكو
فمش معقول هاتكون متسجل مرتين
فاهمنى انت؟
يعنى بياناتك بتتسجل مرة واحدة بس ولذلك ممنوع تتسجل مرتين لان جهة الامتحان واحدة
ابوعمر السعدنى 08-02-2010, 07:13 AM ياخى اللى اعرفه إن الاسكيل كارد بتاعك بيتفتح عند امتحان اول مديول
فازاى حضرتك مفتحتش الاكيل كارد بتاعك وبيقلك الكلام ده
الا اذا كنت دخلت وفتحت الاسكيل كارد بتاعك
mr_mostafa84 08-02-2010, 07:28 AM يعنى انت فتحت اسكيل تبع التربية و التعليم !!
و بعدين اساسا انت قدمت تبع المنحه ازاى دول بيطلبو انك مش مأمن عليك ولازم متكونش موظف
خليها فى سرك و متقولش لحد
و بعدين انت على حسب ما سمعت انت ليك اتنين اسكيل كارد فقط مدى الحياه واحده عربى و التانيه انجليزى فممكن تطلب تفتح اسكيل عربى
حاول كده
نسمات هادئة 08-02-2010, 08:14 AM شوف يااستاذ طارق انا كنت سجلت في منحة وزارة الاتصالات واسمي اترشح لمركز كمان ورجع الازهر رشحني لمنحة تبع وزارة التنميةالمهم اني اخدت المنحه الي تبع الازهر فلما جم يسجلوا الاسماء علي الاسكيل قابلتهم نفس مشكلتك دي وهيا ان ليا رقم متسجل بس المشكلة اتحلت بان فيه مشرف علي المنح دي تبع المحافظة الي انت فيها بتروح له وهو بيكلم الوزارة وبيتلغي تسجيلك وانا كمان بعت اكتر من ايميل لوزارة الاتصالات والحمد لله اخدت ال icdl
فوفا20 08-02-2010, 10:01 AM المهم تاخدوا الشهاده اللي تثبت انكم اجتزتوا الموديولات السبعه هو ده المهم وبعدين ممكن يطلعوا حراميه وياخدوا التامين مش مشكله بس المهم الشهاده متضعش عليكم علشان مش هتعرفوا تفتحوا سكيل كارد تاني وربنا معانا جميعا
مسيو عاطف 08-02-2010, 10:25 AM نفس المشكلة انا واكتر من 30 فى سوهاج سجلنا فى التربية والتعليم ولما اتأخرت قدمنا فى مركز خاص وبعد التدريب رجعوا وقالو اننا مسجلين تربية وتعليم ومش هنقدر ناخدها الا هناك قلنا طيب هاتوا فلوسنا (200 ج) قالوا لأ انتو اتدربتوا وده تمن التدريب وروحوا امتحنوا فى تربية وتعليم المهم اننا تايهيين ومش عارفين نعمل ايه
مع العلم انى والله لم اتدرب عندهم لانى طلبت امتحن تمهيدى او تجريبى ومش عاوز تدريبهم وفعلا امتحنت تجريبى ونجحت فى الاكسس وجبت 96%
fefe_2006 08-02-2010, 10:51 AM انا قدمت فى التربية والتعليم ولما اتأخر روحت اتدربت فى مركز خاص بس هامتحن فى جهه معتمدة زى المحافظة او الجامعه تفتكرو ممكن يقابلنى نفس المشكلة .... اه كمان.... معلش سؤال للى من سوهاج انا سألت فى محافظة قالو روحى التطبيقيين ده فعلا معتمد ولا ايه
Observer 08-02-2010, 11:26 AM منك لله يا جمل
moha_5500 08-02-2010, 12:15 PM فعلا و الله منك لله يا جمل انت السبب فى الامتحانات دى و صاحب الفكره الهباب اللى اسمها امتحانات الكادر . فعلا ربنا ريحنا منك و يارب بعد بدر ما يخلع يبعتولنا وزير يكون اشتغل فى مهنه التدريس يعنى بأختصار دخل الفصل و مسك طباشيره . مش مهندس و لا دكتور و لا محامى و لا كمثرى و لا..................... .
ahmed salh 08-02-2010, 12:19 PM منك لله يا جمل
لا لا يا استاذ عفواااااااا الجمل ليس له علاقه بهذا اااا الموضوع اللي عمل كده وزير التنميه الاداريه لان ده شؤون اداريه للعاملين في الدوله ووزير التعليم للتنفيذ فقط
shaimaa zaki 08-02-2010, 12:42 PM ياخى اللى اعرفه إن الاسكيل كارد بتاعك بيتفتح عند امتحان اول مديول
فازاى حضرتك مفتحتش الاكيل كارد بتاعك وبيقلك الكلام ده
الا اذا كنت دخلت وفتحت الاسكيل كارد بتاعك
معلش انا ليا تعليق بالنسبة للسكيل كارد
انت بمجرد ما تسجل بيانات في مركز خاص بيطلع لك سكيل كارد بدليل ان بيديلك رقم السكيل كارد بتاعك
بس مش ينفع تأخده غير لما تمتتحن على الاقل مديول واحد عنهم وتنجح فيه
طيف عابر 08-02-2010, 11:29 PM ارجو الافاده فى الشرقيه طلبو مننا محو اميه 5 افراد فهل الطلب ده ضرورى لتجديد العقد ان شااااااء الله لما ننجح ولا ملوش تأثير وهل ده فى كل المحافظات ؟
ارجو الافاده
نسمات هادئة 09-02-2010, 07:13 AM يا استاذ طارق التدريب تبع الازهر بيتم في مراكز بييجي عليها مشرف من المحافظة يشوف اي مشاكل بتواجهنا وبيسال عن التدريب في المركز علشان لو دون المستوي يسحبوا منه المنحة المهم ان انت لو سالت في الادارة عندكم هتعرف والمسئول ده بيكون في مبني المحافظة نفسه في ادارة الحاسب الالي وده الايميل الي تبعت عليه لوزاوة الاتصالاتicdlcomplain*mcit.gov.eg ولو احتجت اي استفسار ابعت لي رقمك في رساله لاني معنديش صلاحية ابعت رسايل علي الخاص
هشام الجازوى 09-02-2010, 10:09 AM الحقونا يا جماعة محافظ الفيوم طلب مننا لازم كل متعاقد يمحو امية عشـرة ولا وانتو طبعا عارفين الباقى مش عارفين عايزين يعملوا فينا اية تانى ربنا يستر فى محافظات تانية فيها الكلام دة ؟
|