طبعا عارفين انا مين
الكبار قبل الصغيرين
انا المفتش كرومبو يامتعاقدين
طبعا كلكلو على احر من الجمر منتظرين
تعرفو كشوف النتيجه راحت فين
دا كانت مفاجاه بالنسبه ليه انا كمان
كنت ماشى فى شارع جامعه الدول فى الميدان
اشجع فريقنا الهمام
زى كل مصرى فرحان
بعد فوزنا اربعه على فريق الخرفان
و فاجاه لقيت 180 ميسد كول من رقم تمام
رديت لاقيت وزيرنا الجديد بن وزيرنا القديم
و طبعا كلكو عارفين انا اقصد مين
المهم لاقيته بيصرخ و بقول انت الحل ياكرومبو
الحقنا كشوف نتيجه المدرسين المتعاقدين اتسرقت من عربيه نقل بمقطورتين
و هيه فى طريقها راجعه من المطار للمتحف المصري
قولتله و هيه كانت فى المطار بتعمل ايه
قالى غالى بيقول انها كانت فى سويسرا بيحللها يشوف عندها انفلونزا الخنزاير
لانه خايف على الماعاقدين
طيب وراحه المتحف المصري ليه قال ما هو غالى قال علقوها فى المتحف و اعملوا التذكره ب 100 جنيه
امال هاجيب مرتباتهم منين
و الدكتور يسرى الجمل وافق
و هيه فى الطريق اتسرقت هيه و العربيه من ميدان التحرير الدهر الحمر الساعه 2
و لما الدكتور يسرى ماعرفش يرجعها قالو الحل ابن الوزير القديم
و انا بصراحه ياعم كرومبو حمارى غلب و روحى هاتطلع و دماغى هاتنفجر من كتر التفكير
ماعدش فيه مكان ما دورتش عليها فيه غير تحت ابو الهول و الهرمين
بس ابو الهول حلف ماشافش نتايج من قرنين
قولتله انا بقى بحدقتى عرفت اللى سرقها مين؟
هو
اما
1- فريق الجزائر 2- الموساد الاسرئيلى 3- وزير الم....
قاطعنى و قالى اسكت ياكرومبو هاتودينى و تودى نفسك ورا الشمس انت مش عارف انت بتتكلم على مين و حافظ على برنامجك و اتمنعت الحلقه من الاذاعه و لحد الساعه مفيش لا نتيجه و لا بتاعه

هههههههههههههههههه
جامدة يا وجدى..

والله تأخير النتيجة ده جه بفايدة.. طلعلنا شوية مواهب شديدة..

استمر..

يااخي اتقي الله ولاتحدث بالكذب هاداك الله وهادني
وحتي لو من باب الضحك

ربنا يهدينى و يهديك يا ابو ثابت بس على كده المفتش كرومبو كداب كدب الابل

يا سلاااااااااااااااااااااااااااااااااااااااااااااااا ااااااام
هي الحكاية كده

وعن بهز بن حكيم عن أبيه عن جده قال: قال رسول الله -صلى الله عليه وعلى آله وسلم-: http://www.taimiah.org/MEDIA/H2.gif ويل للذي يحدث فيكذب ليضحك به القوم ويل له ثم ويل له (javascript:OpenHT('Tak/Hits24012888.htm'))http://www.taimiah.org/MEDIA/H1.gif أخرجه الثلاثة وإسناده قوي.

انا فعلا اول مره اعرف الحديث ده جزاك الله كل خير

هل معنى الحديث ان تاليف القصص الكوميدية حرام

يااخي اتقي الله ولاتحدث بالكذب هاداك الله وهادني
وحتي لو من باب الضحك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
الاخ الاستاذ الذى يتكلم دائما بالصدق و الصرامة
ثم يذكر حديث عن الرسول عليه الصلاة و السلام
و كأن زميله اجرم جرما كبيرا
ما حكاه زميلك ... حدث بالفعل .... و اكتر من اللى حكاه كمان
ازااااى ؟؟؟؟؟؟؟؟؟؟؟؟؟؟؟؟؟؟؟؟
تعرف الونش اللى بيطلع الخرسانة للادوار العليا ؟؟؟ حجمه كبير جدا ... قد ونش او بلدوزر الحفر حوالى 3 مرات
كان واقف فى شارع رمسيس و فى ميدان باب الحديد مكان مسجد الفتح حاليا و قبل بناء المسجد بعامين تقريبا و فى عز الضهر سنة 1979 و انسرق ... و لحد الآن 30 سنة مش عارفين راح فين ... و الله ,,, اسأل قبل ما ترد و اتاكد من كلامى !!!!!!!!!!!!!!!!

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
كان واقف فى شارع رمسيس و فى ميدان باب الحديد مكان مسجد الفتح حاليا و قبل بناء المسجد بعامين تقريبا و فى عز الضهر سنة 1979 و انسرق ... و لحد الآن 30 سنة مش عارفين راح فين ... و الله ,,, اسأل قبل ما ترد و اتاكد من كلامى !!!!!!!!!!!!!!!!

طيب طالما هو كان فى شارع رمسيس فمن حقه ينسرق لأن الحرمية كلهم عايشين فى رمسيس:078111rg3::abdoog8:
وبعدين الغريب مش فى أنه انسرق الغريب فى أنه كيف الغاية الآن مش عارفين مكانه:d "أنت أكيد عارفنى أقصد إيه"

عَنْ أَبِي أُمَامَةَ (http://www.thanwya.com/vb/RawyDetails.php?RawyID=3929)، قَالَ : قَالَ رَسُولُ اللَّهِ صَلَّى اللَّهُ عَلَيْهِ : " أَنَا زَعِيمٌ بِبَيْتٍ فِي رَبَضِ الْجَنَّةِ لِمَنْ تَرَكَ الْمِرَاءَ وَإِنْ كَانَ مُحِقًّا ، وَبَيْتٍ فِي وَسَطِ الْجَنَّةِ لِمَنْ تَرَكَ الْكَذِبَ وَإِنْ كَانَ مَازِحًا ، وَبَيْتٍ فِي أَعْلَى الْجَنَّةِ لِمَنْ حَسُنَ خُلُقُهُ " .

إسناده حسن رجاله ثقات عدا أيوب بن موسى السعدي وهو صدوق حسن الحديث.