النهاردة الغزل فاز [الأرشيف] - بوابة الثانوية العامة المصرية

Golden Eagle

08-02-2010, 11:22 PM

النهاردة يا رجالة الغزل فاز
لكن الاهلي ما خسرش
لسبب بسيط
النادي الأهلي في عدم وجود كلا ً من :
1 - أحمد حسن
2 - معتز إينو
3 - سيد معوض
4 - جيلبيرتو
5 - ابو تريكة
6 - عماد متعب
7 - أحمد شكري
يبقي فين النادي الأهلي دا ؟؟؟
عمري ما شفت نادي عنده الاتنين اللاعيبة اللي ف نفس الجناح يتصابوا ( سيد معوض و جيلبيرتو )
ضربة الجزاء أنا اللي شفته إن أحمد علي كان باصص وراه ع الكورة أصلا ً يعني ما فيش نية لعرقلة الخصم
خط هجوم الاهلي ضعيف جدا ً و أصلا ً معظم أهداف الاهلي ف الدور الاول من خط الوسط لأن متعب كان مصاب غالبا ً و فرانسيس مش قد كدا و محمد فضل برضو مش قد كدا
بس الهدف التاني بتاع الغزل كان روعة
مش الروعة الهدف
الروعة الشوطة اللي لبست ف العارضة
و الحكم كان كل ما حد يقول أي يحسبله فاول
لــــــــــكــــــــــــــن للحق الأهلي ما كانش يستاهل المكسب
لسبب بسيط عدم وجود صانع ألعاب جاهز في خط وسط الأهلي
حتي احمد شكري اللي مش بيشارك مع منتخب مصاب
إيه أم النحس دا ؟؟؟
و الماتش دا شبه ماتش الاهلي و فرقة تاني ف إسكندرية ( اعتقد الاتحاد ) الاهلي خسر برضو واحد و كان نجم المباراة ساعتها أمير
بس احمد عادل ما كانش نجم المباراة و لم يتم إختباره خالص
و لاعيبة الاهلي إتفرجوا علي ماتش مصر و الكاميرون و عملوا زي الكاميرون
إستحواذ من غير خطورة
و شوية شبيطة يفرقع
و شوية مش عارف مين ينفخ
بس كانت مباراة تحت المتوسط

و الناس اللي بتهاجم البدري
نسيوا كل حاجة و مسكوا ف الماتش دا
و البدري مش بيعرف يقرا المباراة و حاجات كدا
لكن فين البدائل اللي كانت ع الدكة ؟؟؟
غياب معوض و جيلبرتو أثر كتير جدا ً ............... ليه ؟؟؟
1 - إضطر يحط عبد الله فاروق ف مركز غير مركزه
2 - إضطر يلاعب احمد علي اللي قبل الايقاف أصلا ً ما كانش بيلعب ليه ماتشين تلاته و كان بينزل بداله فاروق
دا غير طرد وائل كمان
يعني غير المستشفي اللي فوق واحد إتطرد
و مش أي واحد
دا وائل جمعة
مدافع النادي الاهلي و منتخب مصر و منتخب افريقيا
و التغيير الاضطراري بخروج احمد علي اللي كان أداؤه كارثي النهاردة
علشان ينزل محمد سمير قلب دفاع

بعيدا ً عن الماتش
و بعيدا ً عن جمهور المحلة
الواد عبد الله فاروق بيحارب ع الكورة بشكل جميل و الله
واد راجل راجل راجل
و الأهلي لسة في مقدمة الدوري اعتقد بفارق 4 نقط عن اللي تحته
هو الماتش الجاي مع مين ؟؟؟
إوعوا تنسوا يا ريت تقروا و تمشوا علشان أنا مش بحب أشوف ردود حد غيري ف مواضيعي :)

Golden Eagle

08-02-2010, 11:42 PM

صح نسيت أقول حاجة
وائل جمعه لعب زي ما كلنا شفنا ضد الجزائر و ما خرجش عن شعوره
إزاي يخرج النهاردة عن شعورة و ياخد كارت أحمر
سايبلكم الرد

Golden Eagle

08-02-2010, 11:57 PM

نسيت اقول حاجة تاني ( معلش الزهايمر إشتغل بقي )
الهزيمة النهاردة كويسة جدا ً
علشان الفرقة تفوق
و خصوصا ً لللاعيبة الدولية
آه حققوا بطولة افريقيا
بس في نادي ليه عليهم حقوق
أممممممممممم
بس كدا

mr_moh55555

09-02-2010, 06:41 PM

لماذا كل هذه المبررات الاهلي افتقد التناغم و التناسق فخسر
و المحلة استغل سؤء حالة الاهلي و الاهلي قادر يكسب المحلة بهذا الفريق لو كان اللاعبين في مستواهم

اما وائل فعبد الحميد شبانة استفزه امام الحكم ف ع اتوبيس الدلتا

خير ان شاء الله

mr_moh55555

09-02-2010, 06:43 PM

صح نسيت أقول حاجة
وائل جمعه لعب زي ما كلنا شفنا ضد الجزائر و ما خرجش عن شعوره
إزاي يخرج النهاردة عن شعورة و ياخد كارت أحمر
سايبلكم الرد
فعبد الحميد شبانة استفزه امام الحكم ف ع اتوبيس الدلتا

Golden Eagle

10-02-2010, 09:33 AM

لماذا كل هذه المبررات الاهلي افتقد التناغم و التناسق فخسر
و المحلة استغل سؤء حالة الاهلي و الاهلي قادر يكسب المحلة بهذا الفريق لو كان اللاعبين في مستواهم
مش مبررات
دي ظروف ماتش
و إختيار الحكم أصلا ً كان غلط لأنه كان لسه عامل معاهم مصيبة ف الماتش اللي قبله ( طرد لاعب و حسب 3 ضربات جزاء )
لو المحلة كان خسر ما كانش الحكم دا طلع م الملعب سليم
و بعدين اعتقد إن حتي البطل من حقه إنه يلعب ف جو تحكيم كويسلكن الحكم يحسب ف أول 10 دقايق ضربة جزاء وهمية
و بعد كدا شاف وائل و هو بيضرب بالكوع و ما شافوش و هو بيضرب علي ضهره ( هاجيب صور )
دي غلطات فادحة
بس اصل كل شوية يطلع واحد و يرمي ع البدري علي هزيمة الماتش دا
زي ماتكون نهاية العالم علشان خسر و هو ناقص 7 م الفريق الاساسي و خصوصا ً جلبيرتو و سيد معوض هما اللي قلبوا الدنيا ( خد بالك إني ما حسبتش شريف إكرامي لأنه مصاب برضو )
اما وائل فعبد الحميد شبانة استفزه امام الحكم ف ع اتوبيس الدلتا
بقولك ما لعيبة الجزائر إستفزوه برضو ف الماتش ما ضربش حد ليه
علشان كان في حكم بياخدله حقه
خير ان شاء الله
خير إن شاء الله
الماتش الجاي مع الشرطة يكون حد م المستشفي دي خف
نورت التوبيك

Bent 3bdo

11-02-2010, 01:45 AM

صح نسيت أقول حاجة
وائل جمعه لعب زي ما كلنا شفنا ضد الجزائر و ما خرجش عن شعوره
إزاي يخرج النهاردة عن شعورة و ياخد كارت أحمر
سايبلكم الرد
روح الفانله الحمرا بقى :d

Golden Eagle

11-02-2010, 12:12 PM

روح الفانله الحمرا بقى :d
ما تتكلميش عن حاجة غابت عن فريقك 6 سنين
الروح :d
و علي الرغم من إن كل الاصابات بسبب منتخب مصر ( ما عدا جيلبرتو و احمد شكري و شريف اكرامي )
ما حدش طلع و قال شحاته خسرني فلان و فلان و فلان
قال المنتخب خسره ميدو و شيكابالا نفسيا ً
نسي إن ميدو راح إنجلترا خلاص

صحيح هو كالابا جه ولا لسه ؟؟؟

ع العموم ع رأي الاخوة اللي وحشوني بزاف بزاف بزاف
الهدرة ف الميدان:)

Bent 3bdo

12-02-2010, 03:33 AM

ما حدش طلع و قال شحاته خسرني فلان و فلان و فلان
قال المنتخب خسره ميدو و شيكابالا نفسيا ً
نسي إن ميدو راح إنجلترا خلاص

ع فكرة قال خسرنى ميدو نفسيا قبل مايسافر انجلترا
وبعدين مش حاسه انو قال حاجه غلط ياعنى عادى
مدير فنى و بيتكلم عن الظروف قبل الماتش والمشاكل اللى كانت ماقبلاه

شوف ده كده هو ملوش علاقه بالكورة بس بالسله (انا عارفه سيرة السله مش بتحبوها)
بس اتخبطت فيه صدفه وانت بتكلم ع نقطه المنتخب

أرجع العامري فاروق عضو مجلس إدارة الأهلي سوء النتائج التي حققها فريق كرة السلة بسبب تضحية النادي بفريق السلة من أجل صالح منتحب مصر الوطني.

وقال فاروق في تصريحات لبرنامج مساء الأنوار على قناة مودرن سبورت إن الأهلي رفض التعاقد مع لاعب محترف أجنبي لدعم صفوف الفريق حتى لا يؤثر ذلك بالسلب على ضيق الاختيارات للجهاز الفني لمنتخب مصر من بين اللاعبين المصريين للمنتخب.

وأضاف العامري أن الأهلي كان بإمكانه التعاقد مع لاعب أجنبي ولكنه رفض ذلك من أجل صالح المنتخب الوطني الذي يمر بمرحلة عدم توازن، وهو ما أثر على الفريق بالسلب ولم يكن هناك تكافؤ فرص لكون باقي فرق الدوري تمتلك لاعبا أجنبيا.

وأنهى الأهلي الدوري في المركز السابع، ليفشل في دخول الدورة النهائية لتحديد بطل الدوري، ويشارك مع فرق المؤخرة الستة في دورة لتحديد الهابطين للدرجة الثانية.

كما ودع الأهلي بطولة كأس مصر من الدور قبل النهائي على يد الجزيرة.

وحول تعاقد الأهلي مع لاعبين أجانب في كرة القدم بعكس كرة السلة أوضح العامري أن قوائم فرق الكرة تضم 30 لاعبا، بعكس قوائم فرق السلة التي تضم 15 لاعبا فقط، وهو ما يحصر اختيارات الجهاز الفني للمنتخب في عدد قليل من اللاعبين.

وتنص لوائح اتحاد كرة السلة على التعاقد مع لاعب أجنبي واحد لكل فريق.

صحيح هو كالابا جه ولا لسه ؟؟؟

لو كان يعرف ان انت شخصيا مهتم بيه ماكنش اتأخر كده :d

الاستاذ عوض على

12-02-2010, 07:18 AM

لله فى خلقه شئون

Golden Eagle

12-02-2010, 11:36 PM

ع فكرة قال خسرنى ميدو نفسيا قبل مايسافر انجلترا
وبعدين مش حاسه انو قال حاجه غلط ياعنى عادى
مدير فنى و بيتكلم عن الظروف قبل الماتش والمشاكل اللى كانت ماقبلاه
صح ما قالش حاجة غلط
بس أنا بقول أمال البدري يعمل إيه ؟؟؟
و بعدين حسام و ابراهيم عاملين شغل بسم الله ما شاء الله تمام
بس عيبهم الوحيد الكلام الكتير
لو يعملوا ف صمت و الله يبقوا نموذجيين
شوف ده كده هو ملوش علاقه بالكورة بس بالسله (انا عارفه سيرة السله مش بتحبوها)
بس اتخبطت فيه صدفه وانت بتكلم ع نقطه المنتخب

أرجع العامري فاروق عضو مجلس إدارة الأهلي سوء النتائج التي حققها فريق كرة السلة بسبب تضحية النادي بفريق السلة من أجل صالح منتحب مصر الوطني.

وقال فاروق في تصريحات لبرنامج مساء الأنوار على قناة مودرن سبورت إن الأهلي رفض التعاقد مع لاعب محترف أجنبي لدعم صفوف الفريق حتى لا يؤثر ذلك بالسلب على ضيق الاختيارات للجهاز الفني لمنتخب مصر من بين اللاعبين المصريين للمنتخب.

وأضاف العامري أن الأهلي كان بإمكانه التعاقد مع لاعب أجنبي ولكنه رفض ذلك من أجل صالح المنتخب الوطني الذي يمر بمرحلة عدم توازن، وهو ما أثر على الفريق بالسلب ولم يكن هناك تكافؤ فرص لكون باقي فرق الدوري تمتلك لاعبا أجنبيا.

وأنهى الأهلي الدوري في المركز السابع، ليفشل في دخول الدورة النهائية لتحديد بطل الدوري، ويشارك مع فرق المؤخرة الستة في دورة لتحديد الهابطين للدرجة الثانية.

كما ودع الأهلي بطولة كأس مصر من الدور قبل النهائي على يد الجزيرة.

وحول تعاقد الأهلي مع لاعبين أجانب في كرة القدم بعكس كرة السلة أوضح العامري أن قوائم فرق الكرة تضم 30 لاعبا، بعكس قوائم فرق السلة التي تضم 15 لاعبا فقط، وهو ما يحصر اختيارات الجهاز الفني للمنتخب في عدد قليل من اللاعبين.

وتنص لوائح اتحاد كرة السلة على التعاقد مع لاعب أجنبي واحد لكل فريق.

ما حدش مهتم بالسلة قوي فكل واحد واخد حريته ف الكلام
و انا ما اعرفش منتخب السلة اخد كام واحد م الاهلي
و الناس اللي اخدها دي ليها بدائل كويسة ولا لأ
و ما اعرفش المراكز الحساسة ف اللعبة ( زي مركز حراسة المرمي ف القدم مثلا ً لو الحارس اتصاب تبقي مشكلة خصوصا ً ف الأهلي قبل شريف )

لو كان يعرف ان انت شخصيا مهتم بيه ماكنش اتأخر كده :d
ربنا يعزك شكرا ً
نورتي التوبيك

Bent 3bdo

13-02-2010, 03:13 AM

بس عيبهم الوحيد الكلام الكتير
لو يعملوا ف صمت و الله يبقوا نموذجيين

بالعكس بقى انا شايفه انها نقطه ايجابيه
الزمالك مشكلته انى مش بيلاقي حد يجبله حقه
وطول م الناس عندنا ساكته الناس بتزيط
ع عكس الاهلى لو حد اتكلم نص كلمه بيلاقى اللى يصده فبيتكتم
دلوقتى كل واحد هيفكر الف مرة قبل مايجى يغلط ف الزمالك علشان عارف ان فيه ناس هترد وهيرد جامد كمان

ما حدش مهتم بالسلة قوي فكل واحد واخد حريته ف الكلام

_تقصد مين بأى واحد؟؟
لو كنت تقصد حد م النادى ياعنى او مجلس الادارة
فالمفروض ان واحد ف مركزه ياخد باله م كلامه كويس وأظن لعبه محسوبه ع النادى

و انا ما اعرفش منتخب السلة اخد كام واحد م الاهلي
و الناس اللي اخدها دي ليها بدائل كويسة ولا لأ
و ما اعرفش المراكز الحساسة ف اللعبة ( زي مركز حراسة المرمي ف القدم مثلا ً لو الحارس اتصاب تبقي مشكلة خصوصا ً ف الأهلي قبل شريف )

_ انا مش بتكلم ع حاجه م اللى بتقولها خلاص
انت قريت الخير اللى انا حطاه ؟؟
انا بتكلم ع حته ان انت كنت بتقول ان حسام حسن مش ينفع يقول ان المنتخب خسره ميدو وشيكا

Golden Eagle

13-02-2010, 04:18 AM

بالعكس بقى انا شايفه انها نقطه ايجابيه
الزمالك مشكلته انى مش بيلاقي حد يجبله حقه
وطول م الناس عندنا ساكته الناس بتزيط
ع عكس الاهلى لو حد اتكلم نص كلمه بيلاقى اللى يصده فبيتكتم
دلوقتى كل واحد هيفكر الف مرة قبل مايجى يغلط ف الزمالك علشان عارف ان فيه ناس هترد وهيرد جامد كمان

هم كدا كدا عاملين اللي عليهم ف الفرقة
بس برضو حاسس إن كلامهم الكتير وحش

_تقصد مين بأى واحد؟؟
لو كنت تقصد حد م النادى ياعنى او مجلس الادارة
فالمفروض ان واحد ف مركزه ياخد باله م كلامه كويس وأظن لعبه محسوبه ع النادى

للأسف لعبة محسوبة ع النادي

_ انا مش بتكلم ع حاجه م اللى بتقولها خلاص
انت قريت الخير اللى انا حطاه ؟؟
انا بتكلم ع حته ان انت كنت بتقول ان حسام حسن مش ينفع يقول ان المنتخب خسره ميدو وشيكا
بس ما طلعش و قال نفسيا ً
أنا حاسس إن حسام ما كانش لاقي حاجة يقولها ف قام ضارب نفسيا ً دي
خصوصا ً إن حسن شحاته قال شيكابالا كان مبسوط ساعت الرجوع و بتاع ( شفتها ف موضوع كدا )
و ميدو مع احترامي لتاريخه ما عملش حاجة للمنتخب
ولا لما كان ف الزمالك كان كويس
انا كنت عايزة ينضم قلت ف المعسكر هيحصل انسجام
لكن هل هو دا الاساس ؟؟؟
ان لاعب ظاهر بشكل متوسط يقوم ينضم للمنتخب و يتحسن بعدها ؟؟؟

Bent 3bdo

14-02-2010, 01:18 AM

بس ما طلعش و قال نفسيا ً
أنا حاسس إن حسام ما كانش لاقي حاجة يقولها ف قام ضارب نفسيا ً دي

مالقاش حاجه يقولها ازاى؟
ع اساس انه كان مهزوم وبيبرر الهزيمه مثلا

خصوصا ً إن حسن شحاته قال شيكابالا كان مبسوط ساعت الرجوع و بتاع ( شفتها ف موضوع كدا )

اه الزمالك كان واحشه :d

و ميدو مع احترامي لتاريخه ما عملش حاجة للمنتخب

او دخلنا ف نقاش ف موضوع ميدو مش هنخلص وخصوصا ان انا مقتنعه جدا بيه وعندى استعداد افضل ادافع عنه للاخر
شوف ميدو لعب كام ماتش مع المنتخب وجاب كام جول
و قارنها باحصائيات عمرو ومتعب
ميدو م وهو 18 سنه وهو كان نجم المنتخب
2006 ميدو كان بيلعب
2008 كان مصاب
2010 ربنا يسمحه بقى اللى كان السبب
ميدو قدم سبت وحد واتنين وايام الاسبوع كلها وملاقاش حاجه ف الاخر
والله كان ناقص يبوس رجل حسن شحاته
ميدو باستثناء مشكله 2006 ملوش اي مشكله مع المنتخب

ولا لما كان ف الزمالك كان كويس
انا كنت عايزة ينضم قلت ف المعسكر هيحصل انسجام
لكن هل هو دا الاساس ؟؟؟
ان لاعب ظاهر بشكل متوسط يقوم ينضم للمنتخب و يتحسن بعدها ؟؟؟

بقى ميدو ماكنش كويس مع الزمالك؟
انت متأكد انك شوفت اخر 5 ماتشات للزمالك؟
لو ميدو ماكنش كويس امال مين اللى كان كويس بقى
وبعدين ماخلاص عرفنا ميدو مانضمش للمنتخب ليه
علشان مابيلعبش ليبرو http://www.thanwya.com/vb/images/smilies/lolzz.jpg
حسن شحاته مع مصطفى عيده امبارح مش عارف يلاقى سبب لاستبعاده
عمال يلف ويدور ف الكلام ومش لاقى سبب
ميدو اتظلم بجد ف 2010
وربنا يوفقه ان شاء الله ويثبت نفسه تانى

Golden Eagle

14-02-2010, 12:18 PM

مالقاش حاجه يقولها ازاى؟
ع اساس انه كان مهزوم وبيبرر الهزيمه مثلا

خالص ( خالص دي للنفي )
بس مع إحترامي شايف فعلا ً إن مالهاش لازمه
و فكرني بالإخوه اللي ما يتسموا
كسبانين ماتش 3 / 1 ( ف تصفايت كاس العالم ) و قالوا الحكم ارهقنا
إنت يا عمي طالع كسبان قول اللاعيبة أدت و لعبت كويس
فلان كان جيد و فلان كان جيد و كدا
مش يقول المنتخب خسرني اتنين نفسيا ً

اه الزمالك كان واحشه :d

مش الزمالك
دا بطل افريقيا
هو و السيد حمدي و احمد عيد عبد الملك فعلا ً إتظلموا
بس مجرد إنه ف الاحتياطي دا برضو شئ كويس
مش طموحه بس الحكاية بالتدريج

او دخلنا ف نقاش ف موضوع ميدو مش هنخلص وخصوصا ان انا مقتنعه جدا بيه وعندى استعداد افضل ادافع عنه للاخر
شوف ميدو لعب كام ماتش مع المنتخب وجاب كام جول
و قارنها باحصائيات عمرو ومتعب
ميدو م وهو 18 سنه وهو كان نجم المنتخب
2006 ميدو كان بيلعب
2008 كان مصاب
2010 ربنا يسمحه بقى اللى كان السبب
ميدو قدم سبت وحد واتنين وايام الاسبوع كلها وملاقاش حاجه ف الاخر
والله كان ناقص يبوس رجل حسن شحاته
ميدو باستثناء مشكله 2006 ملوش اي مشكله مع المنتخب

أنا مش عارف ليه ميدو مش بيظهر مع المنتخب كويس
دا راجل مهاجم ف الدوري الانجليزي
يعني المفروض بصمته تظهر
لا ظهر ف المنتخب ولا ف الزمالك
بس لو كنا رجعنا بالزمن
برضو كنت هاقول ميدو بدل جدو
لأن شحاته أخد مهاجم واحد ( متعب ) و الباقي خط نص ( محمد زيدان برضو خط نص )
بس حسن شحاته أدي المطلوب منه و هو الفوز بالبطوله
و ف طريقه للفوز كسب 3 من الفرق الاربعه اللي ف كاس العالم
و من التلاته دول لزق الخضرا 4
يبقي هو صح و أنا غلط و إستبعاده لميدو كان صح
بس لا خلاف علي سوء الطريقة

بقى ميدو ماكنش كويس مع الزمالك؟
انت متأكد انك شوفت اخر 5 ماتشات للزمالك؟
لو ميدو ماكنش كويس امال مين اللى كان كويس بقى
وبعدين ماخلاص عرفنا ميدو مانضمش للمنتخب ليه
علشان مابيلعبش ليبرو http://www.thanwya.com/vb/images/smilies/lolzz.jpg
حسن شحاته مع مصطفى عيده امبارح مش عارف يلاقى سبب لاستبعاده
عمال يلف ويدور ف الكلام ومش لاقى سبب
ميدو اتظلم بجد ف 2010
وربنا يوفقه ان شاء الله ويثبت نفسه تانى
إنتي بتقولي كويس مع الزمالك لأنك بتقارني بين حالته ف أول الموسم لما كان وزنه زايد و حالته بعد كدا لما إتظبط شوية
ميدو دا خسر الزمالك كتير و كان ممكن يخسر الزمالك اكتر
ف ماتش الأهلي و الزمالك ( ما شفتش غيره للزمالك ) ميدو ضيع قد ما ضيع احمد حسن + بلال + احمد شكري
و ف ماتش المقاولين لو كان الحكم طرده كان الزمالك يلعب ناقص
و من رأيي حسن شحاته مش مطالب بالتبرير لسبب إنه عمل المطلوب
لو كان خسر ف النهائي مثلا ً كان اتنفخ و مش علشان ميدو بس
ميدو و حمص و وليد سليمان و محمد و احمد شعبان و ناس كتير
أنا عن نفسي مش مقتنع بحسام غالي
لعيب مهاري بس دا ينفع مع ناس عايزة كورة حلوة مش ناس عايزة تكسب
ميدو ما فيش خلاف ربنا يوفقه يا رب
بس انا اللي زعلان عليه اكتر عمرو زكي
علشان مهاجم يجيب 10 أهداف ف الدوري الانجليزي دا يبقي غير عادي
لكن لما يضيع كل دا سلوكه خارج الملعب يبقي الذكاء خارج الملعب صـــــــــفـــــــــر
ربنا يوفقهم هما الاتنين

Bent 3bdo

15-02-2010, 03:47 AM

أنا مش عارف ليه ميدو مش بيظهر مع المنتخب كويس
دا راجل مهاجم ف الدوري الانجليزي
يعني المفروض بصمته تظهر
لا ظهر ف المنتخب ولا ف الزمالك

مع المنتخب
انا مش فاكرة انى شفت ماتش لميدو مع المنتخب أصلا:d
هو كان ماتش زامبيا والفرقه كلها كانت زفت أصلا
وماتش الجزائر اللى هناك مش فاكرة هو لعب ولا ملعبش ولا كان معاهم ولا لأ أصلا
بس قولتلك بص ع الاحصائيات ونتكلم بالارقام
مع الزمالك بقى
فأنت ماشفتوش مع الزمالك

بس لو كنا رجعنا بالزمن
برضو كنت هاقول ميدو بدل جدو
لأن شحاته أخد مهاجم واحد ( متعب ) و الباقي خط نص ( محمد زيدان برضو خط نص )
بس حسن شحاته أدي المطلوب منه و هو الفوز بالبطوله

وانا لحد دلوقتى بقول ان ميدو المفروض يبقى مع المنتخب

بس حسن شحاته أدي المطلوب منه و هو الفوز بالبطوله
و ف طريقه للفوز كسب 3 من الفرق الاربعه اللي ف كاس العالم
و من التلاته دول لزق الخضرا 4
يبقي هو صح و أنا غلط و إستبعاده لميدو كان صح
بس لا خلاف علي سوء الطريقة

أوك أدى المطلوب منه
بس ده مش معناه ان عدم ضمه لميدو كان صح
لان محدش يعرف لو ميدو كان راح كان هيعمل ايه؟
ومعتقدش أنه كان هيبقى أسوء م متعب ياعنى

إنتي بتقولي كويس مع الزمالك لأنك بتقارني بين حالته ف أول الموسم لما كان وزنه زايد و حالته بعد كدا لما إتظبط شوية
ميدو دا خسر الزمالك كتير و كان ممكن يخسر الزمالك اكتر

طب ع فرض ان انا بقول افتراض ع كده
انت بتقول افتراض ع ايه؟ وانت بتقول انك ماشوفتش غير ماتشنا مع الاهلى

ف ماتش الأهلي و الزمالك ( ما شفتش غيره للزمالك ) ميدو ضيع قد ما ضيع احمد حسن + بلال + احمد شكري

بلاش سيرة الماتش ده
ده لوحد كفيل أن الواحد يكره ميدو

و من رأيي حسن شحاته مش مطالب بالتبرير لسبب إنه عمل المطلوب
لو كان خسر ف النهائي مثلا ً كان اتنفخ و مش علشان ميدو بس

مطالب بالاعتذار لحمص بس

بس انا اللي زعلان عليه اكتر عمرو زكي
علشان مهاجم يجيب 10 أهداف ف الدوري الانجليزي دا يبقي غير عادي
لكن لما يضيع كل دا سلوكه خارج الملعب يبقي الذكاء خارج الملعب صـــــــــفـــــــــر

عمرو بجد عمره ماهيبقى حاجه بتصرفات الاطفال اللى بيعملها دى
رايح يستخبى ومرة يخش يتخانق مع مدير النادى
تليق عليه أوي أغنيه مش عارفه مين اللى بتقول
كلامنجى أوى وبتحب تبان واحد غلبان وانا باجى عليك لحد اخر الاغنيه اللى انا مش حفظاها
بجد ياعنى الواحد عداله كتير
وهو مابيتعلمش
ياعنى مايجيش ياعمل حاجه عدله تحبب الواحد فيه الا ولازم بعدها ع طول ينيل الدنيه
ربنا يهديه
و الله انا نفسى بس يجيب اجوان هناك علشان ناخد الفلوس اللى ف العقد (ولو ان شكله مش هيجيب حاجه)
علشان نبقى أستفدنا منه بحاجه

ربنا يوفقهم هما الاتنين

امين

Golden Eagle

15-02-2010, 12:39 PM

مع المنتخب
انا مش فاكرة انى شفت ماتش لميدو مع المنتخب أصلا:d
هو كان ماتش زامبيا والفرقه كلها كانت زفت أصلا
وماتش الجزائر اللى هناك مش فاكرة هو لعب ولا ملعبش ولا كان معاهم ولا لأ أصلا
بس قولتلك بص ع الاحصائيات ونتكلم بالارقام
مع الزمالك بقى
فأنت ماشفتوش مع الزمالك

طيب مستواه ف الزمالك زي مستواه دلوقتي ف إنجلترا ؟؟؟

وانا لحد دلوقتى بقول ان ميدو المفروض يبقى مع المنتخب

لا دلوقتي لأ
لأني شفت إن النجوم ما عملوش حاجة ( دروجبا و يحي توريه و إيتو و الناس دي )

أوك أدى المطلوب منه
بس ده مش معناه ان عدم ضمه لميدو كان صح
لان محدش يعرف لو ميدو كان راح كان هيعمل ايه؟
ومعتقدش أنه كان هيبقى أسوء م متعب ياعنى

متعب جايله عرض من جنوى :)
+
علاء صادق اللي ما بيعجبوش حد بيقول عليه ملك التحركات
إحنا كمشاهدين بنبص ع الكورة
أكيد أنا مش باتفرج علي ماتش اشوف متعب فين و هو مش معاه كوره
لكن الناس دي بتاخد بالها
+
مش ممكن يكون شحاته غلط + صادق غلط + بتوع جنوى غلط

طب ع فرض ان انا بقول افتراض ع كده
انت بتقول افتراض ع ايه؟ وانت بتقول انك ماشوفتش غير ماتشنا مع الاهلى

المهاجم يا إما بيجيب أجوان
يا إما بيصنع
يا إما متعب ( بيتحرك )
ميدو لا جاب و لا صنع
و وزنه زايد يبقي مش هايتحرك
+
كان مركز شوية ع الشو الاعلامي و كان واضح ف ضربة الجزاء

بلاش سيرة الماتش ده
ده لوحد كفيل أن الواحد يكره ميدو

:)

مطالب بالاعتذار لحمص بس

أممممممم
مش فاهم :)

عمرو بجد عمره ماهيبقى حاجه بتصرفات الاطفال اللى بيعملها دى
رايح يستخبى ومرة يخش يتخانق مع مدير النادى
تليق عليه أوي أغنيه مش عارفه مين اللى بتقول
كلامنجى أوى وبتحب تبان واحد غلبان وانا باجى عليك لحد اخر الاغنيه اللى انا مش حفظاها
بجد ياعنى الواحد عداله كتير
وهو مابيتعلمش
ياعنى مايجيش ياعمل حاجه عدله تحبب الواحد فيه الا ولازم بعدها ع طول ينيل الدنيه
ربنا يهديه
و الله انا نفسى بس يجيب اجوان هناك علشان ناخد الفلوس اللى ف العقد (ولو ان شكله مش هيجيب حاجه)
علشان نبقى أستفدنا منه بحاجه

مع كل إحترامي إدارة الزمالك ما كانش فيها حزم قبل حسام و إبراهيم
و بعد ما جم برضو هو متعود ع الدلع
المفروض الأمور ما تبقاش بالطريقه دي هو مستعجل ع الاحتراف و دا حقه بس طول ما في عقد يربطه بنادي يبقي النادي ليه حق عليه لما ما يروحش و يقفل دا غلط
لأن الخير مش ف إنه يطلع برا و خلاص
بس ما فيش خلاف علي إنه لاعيب جامد جوا الملعب
امين

.................................................. ............

Bent 3bdo

16-02-2010, 02:09 AM

طيب مستواه ف الزمالك زي مستواه دلوقتي ف إنجلترا ؟؟؟

ماشفتلوش ولا ماتش هناك
شفت صور بس :d
فمش هينفع أحكم
بس كل المواضيع اللى قريتها ع مطشاته بتقول انه لعب حلو و قريت تعليقات جمهور ويست هام ع اول ماتش وكانوا كاتبين كلام حلو عنه
عايز توصل لأيه ياعنى م السؤال ده؟

لا دلوقتي لأ

لا دلوقتى اه
وجهات نظر بقى

لأني شفت إن النجوم ما عملوش حاجة ( دروجبا و يحي توريه و إيتو و الناس دي )

ده استثناء مش هنعممه

متعب جايله عرض من جنوى :)

وميدو أساسى مع ويست هام :d

+
علاء صادق اللي ما بيعجبوش حد بيقول عليه ملك التحركات
إحنا كمشاهدين بنبص ع الكورة
أكيد أنا مش باتفرج علي ماتش اشوف متعب فين و هو مش معاه كوره
لكن الناس دي بتاخد بالها

وانا مالى ومال علاء صادق مين ده ياعنى علشان اخد ع رأيه ؟
ده حايله كان حته حكم درجه تانيه وخاد بالجزم ومعتبهاش تانى

+
مش ممكن يكون شحاته غلط + صادق غلط + بتوع جنوى غلط

طب أنا بقول ميدو ماكنش هيبقى أسوء م متعب
ايه دخل جنوى وعلاء صادق ف النص؟
عايز تقول ياعنى ان متعب لعيب كويس
ماعترضتش بس ميدو أحسن
ربنا مايرحمناش م تحركاته

المهاجم يا إما بيجيب أجوان
يا إما بيصنع
يا إما متعب ( بيتحرك )
ميدو لا جاب و لا صنع
و وزنه زايد يبقي مش هايتحرك

لا ميدو جاب اي نعم جول مايلاقش بواحد زيه بس الظروف يقى
وصنع اخر ماتشات هو اللى عامل معظم الاجوان تقريبا
وبيتحرك برده
ووزنه كان زايد ف الاول لانه ماكنش بيدرب(محضرش فترة اعداد ) بس بعد كده ظبطه

+
كان مركز شوية ع الشو الاعلامي و كان واضح ف ضربة الجزاء

وهو ميدو لما يجيب جون م ضربه جزاء هو ده اللى هيديله شو؟
ليه بتفرتض سوء النيه
ميدو كان نفسه هو اللى يحط جون المكسب علشان يفرح الجماهير اللى كانت فرحانه بيه وجات تستقبله وكانت مستنيه منه انه يحقق أحرمها

أممممممم
مش فاهم :)

ده لما كان مع مصطفى عبده يوم الجمعه
فكان بيكلمه ف موضوع ميدو وبتاع
فقال طب مانا استبعدت حمص
وانا بقوله اسف يا حمص
هو انا مسمعتش اسف ياحمص دى
كان عندنا دوشه اوى ساعتها بس قريت كذا حد كاتبها

وحته ان كان مطالب يبررلنا او لا
فانا شايفه انه مطالب

مع كل إحترامي إدارة الزمالك ما كانش فيها حزم قبل حسام و إبراهيم
و بعد ما جم برضو هو متعود ع الدلع
المفروض الأمور ما تبقاش بالطريقه دي هو مستعجل ع الاحتراف و دا حقه بس طول ما في عقد يربطه بنادي يبقي النادي ليه حق عليه لما ما يروحش و يقفل دا غلط
لأن الخير مش ف إنه يطلع برا و خلاص
بس ما فيش خلاف علي إنه لاعيب جامد جوا الملعب

لا معلش متلبسهاش ف اداره الزمالك
عمرو لما ساب التمرين اخر مرة واختفى ومحدش عرف هو فين
كان بعد ماحسام وابراهيم جم
وهل لما كان ف انجلترا مع ويجان وكان بيتأخر عن الرجوع ليهم بعد تجمعات المنتخب كان علشان ادارة الزمالك؟؟
ده قعد معاهم موسم واحد وبالرغم م انه كان متألق وجايب 10 اجوان ف نص سيزون
بروس طلع قال عليه أسوء محترف قابلته

prof.ahmed4d

16-02-2010, 12:05 PM

SA3EEDY

17-02-2010, 02:18 PM

شكرااااااااااااااااااااااااااااااااااااااااااااااا ااااااااااااااااااااااااا

Golden Eagle

17-02-2010, 03:23 PM

ماشفتلوش ولا ماتش هناك
شفت صور بس :d
فمش هينفع أحكم
بس كل المواضيع اللى قريتها ع مطشاته بتقول انه لعب حلو و قريت تعليقات جمهور ويست هام ع اول ماتش وكانوا كاتبين كلام حلو عنه
عايز توصل لأيه ياعنى م السؤال ده؟

عايز اوصل لإنه وقت ما كان ف الزمالك و حسن شحاته بيختار للفريق ما كانش مستواه عالي

ده استثناء مش هنعممه

كل المحترفين اللي ف أفريقيا إستثناء و ميدو هو القاعدة ؟؟؟!!!

وميدو أساسى مع ويست هام :d

مع إحترامي
ويست هام هو و فريق زكي مهددين بالهبوط

وانا مالى ومال علاء صادق مين ده ياعنى علشان اخد ع رأيه ؟
ده حايله كان حته حكم درجه تانيه وخاد بالجزم ومعتبهاش تانى

ع الأقل ف المشكلة بتاعت السودان شلبي قال هاتبقي بفرق الأهداف
و علاء صادق قال مباراة فاصله
يبقي علاء صادق بيفهم
بس لسانه طويل شويتين

طب أنا بقول ميدو ماكنش هيبقى أسوء م متعب
ايه دخل جنوى وعلاء صادق ف النص؟
عايز تقول ياعنى ان متعب لعيب كويس
ماعترضتش بس ميدو أحسن
ربنا مايرحمناش م تحركاته

لا ميدو مش أحسن :)

لا ميدو جاب اي نعم جول مايلاقش بواحد زيه بس الظروف يقى
وصنع اخر ماتشات هو اللى عامل معظم الاجوان تقريبا
وبيتحرك برده
ووزنه كان زايد ف الاول لانه ماكنش بيدرب(محضرش فترة اعداد ) بس بعد كده ظبطه

اللاعيب اللي يعمل كدا يبقي مهمل
شوفي ميدو محترف من إمتي
كام مرة بدأ الموسم وزنه زايد ؟؟؟
أنا عن نفسي ما سمعتش حكاية زي دي

وهو ميدو لما يجيب جون م ضربه جزاء هو ده اللى هيديله شو؟
ليه بتفرتض سوء النيه
ميدو كان نفسه هو اللى يحط جون المكسب علشان يفرح الجماهير اللى كانت فرحانه بيه وجات تستقبله وكانت مستنيه منه انه يحقق أحرمها

نادي الزمالك فريق
زي كل نادي
فيه 11 لاعب
لما الفريق يكسب يبقي كلهم كسبوا
لما الفريق يخسر يبقي كلهم خسروا
و بعدين في إختيار للاعب اللي يشوط ضربة الجزاء
يمشي هو كلامه علي المدير الفني ؟؟؟
يعني ابو تريكة لما شارك ف ماتش الجزاير مصاب الدنيا إتقلبت عليه مع إنه برضو كان عايز يفرح الجماهير
بس الاتنين غلطانين

ده لما كان مع مصطفى عبده يوم الجمعه
فكان بيكلمه ف موضوع ميدو وبتاع
فقال طب مانا استبعدت حمص
وانا بقوله اسف يا حمص
هو انا مسمعتش اسف ياحمص دى
كان عندنا دوشه اوى ساعتها بس قريت كذا حد كاتبها
غباء
طالما إعتذر يبقي يعتذر للكل
وحته ان كان مطالب يبررلنا او لا
فانا شايفه انه مطالب
لا رأيي مش مطالب
الهدف إنه يضم ميدو كان إيه ؟؟؟ إنه يشارك و خلاص ؟؟؟ ولا المكسب ؟؟؟
الراجل كسب و أدي المطلوب يبقي شكرا ً ليه

لا معلش متلبسهاش ف اداره الزمالك
عمرو لما ساب التمرين اخر مرة واختفى ومحدش عرف هو فين
كان بعد ماحسام وابراهيم جم
وهل لما كان ف انجلترا مع ويجان وكان بيتأخر عن الرجوع ليهم بعد تجمعات المنتخب كان علشان ادارة الزمالك؟؟
ده قعد معاهم موسم واحد وبالرغم م انه كان متألق وجايب 10 اجوان ف نص سيزون
بروس طلع قال عليه أسوء محترف قابلته
هناك ع الأقل كان بينافس علي الهداف
ممكن إتغر شوية لأنه بشر ف النهاية
لكن هنا ما عملش حاجة و برضو مش ملتزم

Golden Eagle

17-02-2010, 03:35 PM

بسم الله الرحمن الرحيم

ايه الحوار الجامد ده

ممكن بس اتكلم شوية على الاهلى والزمالك ونشوف راي بعض

نتكلم عن الزمالك الاول :

بالنسبة لميدو بصراحة مش مقتنع بيه خالص في الزمالك ومكنش عامل اي شغل في اي مباراة لعبها مع الزمالك استثناء مباراة او اتنين ومينفعشى لاعب زى ده يبقى مش عارف ايه الوزن المظبوط الى مفروض ينزل بيه في الملعب وانا بفسر لعبه مع الزمالك في اول مباريات الدورى بالوزن ده علشان الاعلام مش اكتر لانه بالعقل كدة ازاي اساسا مدرب ينزل لعيب مش جاهز طبيعى ايحصل خلل في الفريق

بالنسبة لعمرو بصراحة كنت شايفه من افضل اللعيبة في الزمالك بس الشوشرة الى كان بيعملها بعد كل ماتش فعلا اثرت عليه جامد في الفرقة

بالنسبة للزمالك وحسام حسن طبعا محدش يقدر ينكر ان الزمالك مستواه اترفع جدا وبقى في لعب جماعى الى حد ما وكل اهم حاجة انه يطلع من المباراة واخد ال3 نقط تمام

بس الاول نشوف الزمالك لعب مع مين اخر 6 مباريات من اول ما تولى حسام حسن الادارة

اول مباراة الحرس وطبعا هو ملوش ذنب فيها خالص لانه كان لسة جديد وطلع مهزوم
بالنسبة للاهلى كانت مباراة ضعيفة من الفريقين
نشوف بقى ال3 مباريات دول ( المصرى - بترول اسيوط - المنصورة ) اعتقد ان دول اخر 3 فرق في الدوري المصري فلما فريق زى الزمالك يفوز على الفرق يبقى عادى الى حد ما مع انه اتظبط شوية الفريق مع حسام

نيجى لمباراة انبى كانت مباراة سهلة جدا والزمالك برده قدر يكسب وكسب برده في اول مباراة في الدورى مع انبى

حسام حسن مش ايقدر يثبت نفسه صح غير لما يلعب على اول 4 فرق في الدورى ويفوزز عليهم واعتقد انه لغايت دلوقتى ملعبش اي فريق منهم فانا مش اقدر احكم عليه من المباريات دى بصراحة

كلام جميل بس مش معناه إن حسام وحش

نيجى بقى للاهلى : انا مش مقتنع لا بعماد متعب ولا اسامه حسنى ولا محمد فضل مش عارف الناس دى مهاجمين ازاي يعنى ولا حد منهم سريع كل واحد عاوز ياخد الكورة ويبقى قدام الجون علشان يدخل
نسيت فرانسيس :)
الى عاجبنى صح في الاهلى الناشئين عيال سريعة وبصراحة عملوا مباراة ممتازة مع اتحاد الشرطة
آه و الله ممتازين
عفروتو بالاضافه للمهارة و السرعة مميز ف الضربات الثابته
شكري دا ............. مش عارف
رائع
واحد زى عفروتو بصراحة لو فضل بمستواه كدة ايعمل اسم جامد قوى وخصوصا انه صغير ولعيب سريع ومهارى لحد كبير وقدر يجيب هدفين وضربة جزاء يعنى غير مسار الماتش بالكامل

وبرده احمد شكرى عاجبنى جدا وحاسس ان الاتنين دول عفروتو وشكرى ممكن يعملوا شغل جامد قوى مع بعض وخصوصا انهم كانوا مع بعض في الاهلى الناشئين وايضا المنتخب المصري ففاهمين بعض كويس جدا

الاهلى في ناس كتير بس زى ما تقولوا كدة قدموا الاهلى عاوز تجديد وعاوز صفقات وبصراحة كدة الاهلى مستواه في الدورى من الاول متوسط معملشى مباراة قدر يثبت فيها قوة هجومه او خد الوسط بتاعه باستثناء مباراة او اتنين برده
مافيش هجوم خالص
متعب بيتحرك كويس بس بيسجل قليل
الباقيين مش بيعرفوا يسجلوا
بس اعتقد ان شوية العيال الناشئين دول ممكن يعملوا شغل كويس مع الاهلى ولا ايه ؟
إن شاء الله بس عايزين مهاجم و نبيع كل اللي عندنا ما عدا بلال
كفاية دلوقتى علشان رايح اصلى الظهر

السلام عليكم
و عليكم السلام و رحمة الله و بركاته
نورت

Bent 3bdo

18-02-2010, 04:09 AM

بسم الله الرحمن الرحيم

ايه الحوار الجامد ده

ممكن بس اتكلم شوية على الاهلى والزمالك ونشوف راي بعض

نتكلم عن الزمالك الاول :

بالنسبة لميدو بصراحة مش مقتنع بيه خالص في الزمالك ومكنش عامل اي شغل في اي مباراة لعبها مع الزمالك استثناء مباراة او اتنين ومينفعشى لاعب زى ده يبقى مش عارف ايه الوزن المظبوط الى مفروض ينزل بيه في الملعب وانا بفسر لعبه مع الزمالك في اول مباريات الدورى بالوزن ده علشان الاعلام مش اكتر لانه بالعقل كدة ازاي اساسا مدرب ينزل لعيب مش جاهز طبيعى لايحصل خلل في الفريق

مباره او اتنين بس؟؟

بالنسبة لعمرو بصراحة كنت شايفه من افضل اللعيبة في الزمالك بس الشوشرة الى كان بيعملها بعد كل ماتش فعلا اثرت عليه جامد في الفرقة

هو لاعيب
بس ربنا مسلط عليه دماغه

بالنسبة للزمالك وحسام حسن طبعا محدش يقدر ينكر ان الزمالك مستواه اترفع جدا وبقى في لعب جماعى الى حد ما وكل اهم حاجة انه يطلع من المباراة واخد ال3 نقط تمام

بس الاول نشوف الزمالك لعب مع مين اخر 6 مباريات من اول ما تولى حسام حسن الادارة

اول مباراة الحرس وطبعا هو ملوش ذنب فيها خالص لانه كان لسة جديد وطلع مهزوم
بالنسبة للاهلى كانت مباراة ضعيفة من الفريقين
نشوف بقى ال3 مباريات دول ( المصرى - بترول اسيوط - المنصورة ) اعتقد ان دول اخر 3 فرق في الدوري المصري فلما فريق زى الزمالك يفوز على الفرق يبقى عادى الى حد ما مع انه اتظبط شوية الفريق مع حسام

نيجى لمباراة انبى كانت مباراة سهلة جدا والزمالك برده قدر يكسب وكسب برده في اول مباراة في الدورى مع انبى

حسام حسن مش ايقدر يثبت نفسه صح غير لما يلعب على اول 4 فرق في الدورى ويفوزز عليهم واعتقد انه لغايت دلوقتى ملعبش اي فريق منهم فانا مش اقدر احكم عليه من المباريات دى بصراحة

هو انا اصلا مش مقتنعه بحسام حسن
ياعنى أوك هو مدرب حلو وبتاع
بس مش الزمالك
ياعنى الزمالك المفروض ياخد مدرب كبير
مش مدرب لسه بيجرب نفسه يجرب معانا
الفكرة دى بصراحه اتغيرت بعد الكام ماتش دول
ياعنى طلع بجد مش روح بس لأ ده بيغير ف الخطه ع حسب كل ماتش و ف جمل حلوة بتتلعب
بس مش أوى برده
ياعنى المفروض ياخد دورات تدريبه ف حاجات كتير مهمه غير الفاانيات
لازم يعرف ازاى يظبط اللياقه بتاعه اللاعيبه والفتنس والحاجات دى
ياعنى ستر ربنا معاه انه ماعندوش ضغط ماتشات والزمالك مابيلعبش ف افريقيا السيزون ده والكاس لسه ماتلعبش
ده فترة التوقف
كان داخل سحب ع الماتشات الوديه
كل ما أفتح موقع الزمالك
ألأاقى الزمالك يلعب ماتش ودى غدا
يلا ربنا يوفقه ويوفقنا

.................................................. ....................................

عايز اوصل لإنه وقت ما كان ف الزمالك و حسن شحاته بيختار للفريق ما كانش مستواه عالي
كنت فاكرة حاجه تانيه
لا مستواه كان عالى
ده كان واخد مان اوف ذا ماتش 3 ماتشات ورا بعض
أكيد ماكنوش بيقارنوا بين مستواه ساعتها ومستواه اول الموسم

كل المحترفين اللي ف أفريقيا إستثناء و ميدو هو القاعدة ؟؟؟!!!
مش قصدى ميدو
قصدى مش ان النجوم معملوش حاجه وحد عادى عمل حاجه
ان احنا نقول النجوم ملهاش لازمه ومبتعملش حاجه

مع إحترامي
ويست هام هو و فريق زكي مهددين بالهبوط

مع أحترامى
أتخن لاعيب ف منتخب مصر يتمنى يروح يلم كور ف واحد فيهم

ع الأقل ف المشكلة بتاعت السودان شلبي قال هاتبقي بفرق الأهداف
و علاء صادق قال مباراة فاصله
يبقي علاء صادق بيفهم
بس لسانه طويل شويتين
يا سلام ؟
دي
لوائح وقواعد محطوطه
مش شايفه انه جاب الديب م ديله لما قال كده ياعنى

لا ميدو مش أحسن :)

هو فيه وجه مقارنه أصلا (yz)

اللاعيب اللي يعمل كدا يبقي مهمل
شوفي ميدو محترف من إمتي
كام مرة بدأ الموسم وزنه زايد ؟؟؟
أنا عن نفسي ما سمعتش حكاية زي دي

كام مرة؟؟؟

نادي الزمالك فريق
زي كل نادي
فيه 11 لاعب
لما الفريق يكسب يبقي كلهم كسبوا
لما الفريق يخسر يبقي كلهم خسروا
و بعدين في إختيار للاعب اللي يشوط ضربة الجزاء
يمشي هو كلامه علي المدير الفني ؟؟؟
يعني ابو تريكة لما شارك ف ماتش الجزاير مصاب الدنيا إتقلبت عليه مع إنه برضو كان عايز يفرح الجماهير
بس الاتنين غلطانين

طيب

لا رأيي مش مطالب
الهدف إنه يضم ميدو كان إيه ؟؟؟ إنه يشارك و خلاص ؟؟؟ ولا المكسب ؟؟؟
الراجل كسب و أدي المطلوب يبقي شكرا ً ليه

ماشى
بس مطالب برده

التوبيك ده هيجيب اخرة الماوس الجديد
بكليك يمين اللى بعملها عشرميت مرة دى

Golden Eagle

18-02-2010, 01:04 PM

كنت فاكرة حاجه تانيه
لا مستواه كان عالى
ده كان واخد مان اوف ذا ماتش 3 ماتشات ورا بعض
أكيد ماكنوش بيقارنوا بين مستواه ساعتها ومستواه اول الموسم
أخدت بالي :)
بس لا و الله ما كانش قصدي غير اللي قلته
مش قصدى ميدو
قصدى مش ان النجوم معملوش حاجه وحد عادى عمل حاجه
ان احنا نقول النجوم ملهاش لازمه ومبتعملش حاجه

قصدي إن إتنين محترفين ف الفريق مش هما اللي هايغيروا سير اللعب ( بإعتبار إن الدوري السعودي مش إحتراف )

مع أحترامى
أتخن لاعيب ف منتخب مصر يتمنى يروح يلم كور ف واحد فيهم

هههههههههههههه

يا سلام ؟
دي
لوائح وقواعد محطوطه
مش شايفه انه جاب الديب م ديله لما قال كده ياعنى
طالما شلبي غلط فيها يبقي الموضوع مش سهل
خصوصا ً إنه طلع بعد كدا و قال إن الفيفا بتشوف الرأي العام و بسبب كلام صادق عملوها كدا .......... جاهل شلبي دا
هو فيه وجه مقارنه أصلا (yz)

لا طبعا ً

كام مرة؟؟؟

أنا اللي سألت الأول

طيب

ماشى
بس مطالب برده
ههههههههههههه
كدا مش هانخلص
التوبيك ده هيجيب اخرة الماوس الجديد
بكليك يمين اللى بعملها عشرميت مرة دى

لا لسة شوية إن شاء الله
:)

Bent 3bdo

19-02-2010, 01:32 AM

طالما شلبي غلط فيها يبقي الموضوع مش سهل
خصوصا ً إنه طلع بعد كدا و قال إن الفيفا بتشوف الرأي العام و بسبب كلام صادق عملوها كدا .......... جاهل شلبي دا

رأي عام؟؟؟
وكمان الرأى العام هو علاء صادق
طيب

لا طبعا ً

تقارن واحد لاعب أكتر م 100 مباره وديه بواحد بيتحرك
بظلمك يا متعب معايا والله

أنا اللي سألت الأول

يا سلام
طب أنا معرفش
بدامك بتكلم بثقه كده المفروض تبقى عارف ياعنى
عامه ميدو الى زود وزنه ف المواسم اللى فاتت زى ما أنت بتقول
الاصابه
شئ طبيعى ان أي لاعيب راجع م أصابه وزنه بيبقى زايد
وبعد كده بيظبطه
غير كده ماعتقدش انه ميدو كلاعيب محترف كبير و بيلعب ف احسن دروى ف العالم
كان هيسمح لنفسه وهو كويس او ناديه يسمحله انه يبتدى الموسم ووزنه مش مظبوط

لا لسة شوية إن شاء الله

أنا ف التوبيك ده بالذات هتصرف وكأن الماوس بايظ واشتغل م الكيبورد زي زمان
علشان ماعنديش استعداد ابقى انا السبب ف تبويطه

Golden Eagle

19-02-2010, 01:32 PM

رأي عام؟؟؟
وكمان الرأى العام هو علاء صادق
طيب

تقارن واحد لاعب أكتر م 100 مباره وديه بواحد بيتحرك
بظلمك يا متعب معايا والله

بقارن واحد بيلعب ف المنتخب بواحد ماشموش
فعلا ً بظلمه

يا سلام
طب أنا معرفش
بدامك بتكلم بثقه كده المفروض تبقى عارف ياعنى
عامه ميدو الى زود وزنه ف المواسم اللى فاتت زى ما أنت بتقول
الاصابه
شئ طبيعى ان أي لاعيب راجع م أصابه وزنه بيبقى زايد
وبعد كده بيظبطه
غير كده ماعتقدش انه ميدو كلاعيب محترف كبير و بيلعب ف احسن دروى ف العالم
كان هيسمح لنفسه وهو كويس او ناديه يسمحله انه يبتدى الموسم ووزنه مش مظبوط
راجع من إصابه آه
طيب مش المفروض الناس المصابه دي يمشوا علي نظام اكل علشان ما يزيدوش جامد ؟؟؟
ما بركات بيتصاب و وزنه ما بيزيدش
عمر جمال بتاع الاسماعيلي رباط صليبي 6 شهور و لعب إمبارح متظبط
إشمعني ميدو ؟؟؟

أنا ف التوبيك ده بالذات هتصرف وكأن الماوس بايظ واشتغل م الكيبورد زي زمان
علشان ماعنديش استعداد ابقى انا السبب ف تبويطه
خلاص أنا مش هارد تاني يا ستي
ردي إنتي و هايبقي آخر رد ليكي و خلاص
نورتي التوبيك
:)

Bent 3bdo

19-02-2010, 07:30 PM

بقارن واحد بيلعب ف المنتخب بواحد ماشموش
فعلا ً بظلمه
ماشمهاش؟؟
ما أنا فاصصتهالك ف الصفحه الاولانيه
وع فرض ياعنى
كون ان ميدو مانضمش للمنتخب حاجه ماتقللش منه
لو سألت أى عيل صغير ف الشارع ميدو ماتخدش المنتخب ليه هايقولك؟؟
ان كان متعب محتاح المنتخب علشان يوري نفسه للناس بره
ف ميدو الناس عارفاه م غير لا منتخب ولا بتاع

راجع من إصابه آه
طيب مش المفروض الناس المصابه دي يمشوا علي نظام اكل علشان ما يزيدوش جامد ؟؟؟
ما بركات بيتصاب و وزنه ما بيزيدش
عمر جمال بتاع الاسماعيلي رباط صليبي 6 شهور و لعب إمبارح متظبط
إشمعني ميدو ؟؟؟

طبيعه جسم كل واحد بقى
ميدو طبيعه جسمه كده
ومش معنى كده انه لازم يكون ماممشاش ع نظام غذائى
واحد متعود ع مجهود معين شئ طبيعى ان لما المجهود ده يقل وزنه هيزيد
ومين اللى قالك ان بركات وعمر جمال وزنهم مازدش وعملوا فترة تأهيل ورجعوا ظبطوا ووزنهم تانى
ومعتقدش اصلا ان ميدو بدأ مواسم كتير بوزن زايد
لان انديه هناك مش هتسمحله أصلا

خلاص أنا مش هارد تاني يا ستي
ردي إنتي و هايبقي آخر رد ليكي و خلاص
نورتي التوبيك
:)

أز يو ليك :d

Golden Eagle

20-02-2010, 11:31 AM

ماشمهاش؟؟
ما أنا فاصصتهالك ف الصفحه الاولانيه
وع فرض ياعنى
كون ان ميدو مانضمش للمنتخب حاجه ماتقللش منه
لو سألت أى عيل صغير ف الشارع ميدو ماتخدش المنتخب ليه هايقولك؟؟
ان كان متعب محتاح المنتخب علشان يوري نفسه للناس بره
ف ميدو الناس عارفاه م غير لا منتخب ولا بتاع

الغرض من الانضمام للمنتخب مش الشهرة

طبيعه جسم كل واحد بقى
ميدو طبيعه جسمه كده
ومش معنى كده انه لازم يكون ماممشاش ع نظام غذائى
واحد متعود ع مجهود معين شئ طبيعى ان لما المجهود ده يقل وزنه هيزيد
ومين اللى قالك ان بركات وعمر جمال وزنهم مازدش وعملوا فترة تأهيل ورجعوا ظبطوا ووزنهم تانى
ومعتقدش اصلا ان ميدو بدأ مواسم كتير بوزن زايد
لان انديه هناك مش هتسمحله أصلا

ممكن

أز يو ليك :d
نورتي التوبيك ( كلهم ع بعض ما يجوش سطر واحد و حفاظا ً ع الماوس ماترديش :d )