http://www8.0zz0.com/2010/02/10/09/361943235.gif باسم الله والحمد لله والصلاة والسلام على رسول الله سيدنا محمد وعلى اله وصحبه وسلم

اما بعد:

الله عزوجل يقول فى كتابه الكريم :"...محصنات غير مسافحات ولا متخذات اخدان...."

والخدن هو: الصاحب او العشيق.

ويقول عزوجل: "ويوم يعض الظالم على يديه يقول ياليتنى اتخذت مع الرسول سبيلا *

يا ويلتى ليتنى لم اتخذ فلانا خليلا "

فالذى جعلهم يتحسرون على عدم اتباع الرسول "صلى الله عليه وسلم "

هو اصدقاء السوء نسال الله السلامة

لا اطيل عليكن الموضوع يدور فى عدة عناصر هى :

1/الصحوبية بين الاولاد والبنات _دوافعها _واسبابها _حكمها فى شريعة الله _العلاج.
http://www8.0zz0.com/2010/02/10/09/492219669.gif

*2/الحب والفلنتاين _ضحايا الحب_هل سنرفع شعار:
http://www13.0zz0.com/2010/02/10/09/772942908.gif

3/حامل المسك ونافخ الكير .

ان شاء الله نناقش كل هذا من خلال حلقات مسلسل .


http://www8.0zz0.com/2010/02/10/09/663620859.gif


لماذا هذا الموضوع؟؟؟

هذا الموضوع اهداء الى :

ا/كل اخت نسيت مراقبة الله عزوجل وهتكت ستر ربها عليها.

ب/كل اخت ملتزمة نقول لها:حفظك الله بطهرك وعفافك لكن كما قال الله تعالى :

"ياأيها الذين امنوا خذوا حذركم...."

ج/لاخت عزيزة على قلبى كانت بالامس تحذر اخواتها وتشد على ايديهن ثم اصبحت اليوم

تحتاج الى من يشد على يدها ويقول لها:

إلى من حاد عن صفّي و ولّى تاركـا كفّـي

ضللت الدرب يا صاحي وخنت العهد يا إلفـي

إلى من قال لي يومـا يمين الله لـن أخنـع

سأبقـى ثابتـا دومـا وللشيطان لن اركـع

نسيت القول يا صاحي وصرت اليوم مفتونـا

فسال الدمـع مـدرارا وبات القلب محزونـا

أتانـا العلـم انـكـم تركتم عفـة البصـر

وصرتم تتبعون العين منظر فاتـن الصـور

أراك اليوم قد فتـرت قواك وزارك الخطـر

وسرت وراء شيطـان بزي الإنـس يستتـر

فكيف الملتقـى خَبِّـر وكيف نكـون اخوانـا

وليـل الذنـب تهـواه ونحن الفجـر يهوانـا

نتمنى ان نجدك بيننا قريبا .
http://www8.0zz0.com/2010/02/10/09/663620859.gif

الموضوع بفضل الله ليس منقولا ولكن حلقات المسلسل هى التى ستكون منقولة ان شاء الله تعالى

اتمنى ان اعرف رايكن فى الموضوع

ان اخطات فنبهونى ولا تنسوا انى بشر وهذه سجيتى

سبحانك اللهم وبحمدك اشهد ان لا اله الا انت استغفرك واتوب اليك

السلام عليكن ورحمة الله وبركاته.
http://www8.0zz0.com/2010/02/10/09/144974374.gif


سيقدم لكم الحلقات باذن الله تعالى اخواتكن "رولا4"&"لن يسبقنى الى الله احد"&"إلا رسول الله"
نتمنى ان تنال اعجابكم ولا تحرمونا من تعليقاتكم.

..منقوله من احد المواقع الالكترونيه..

وانا عايزة اعرفكم ان فيها الفاظ مخالفة للعقيدة عاوزين نعلق عليها ربنا يكرمكم يارب.

ولو ليكوا راى فى الموضوع ياريت تنبهونا بارك الله فيكن.

كتابتها: رفيف الخميسى

حكاية اتنين متصاحبين و ازاي الصحوبية بتاخدك خطوة بخطوة وراها و الشيطان بيزينها للناس من غير ما يحسو حتى الناس المحترمة عن طريق حكاية مني واحمد وازاي عرفو بعض وحبو بعض في حلقات

يا رب تعجبكو



الحلقه الاولى



المكان : كلية تجارة بأي جامعة في اي مكان في مصر

الوقت :اول يوم في الدراسة

الشخصيات:

احمد امام : "سقيط كبير" شاب في الثالثة والعشرين ولازال في السنة الثالثة بالكلية.

مني ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.

كريم : صديق احمد بالسنة الرابعة وهو طبعا اصغر من احمد.

شيرين : صديقة كريم واحمد ,بالسنة الثالثة , قريبة لمني من بعيد.

********************

حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية

احمد وهو يلتفت بجسده وعينيه خلف فتاة تسير امامه نافثا دخان سيجارته

احمد: الدفعة الجديدة شكلها جامد مووووت.

كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.

احمد: ايه السيرة الغم دي , النهاردة اول يوم , خليك خفيف كده عشان احبك.

كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.

كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.

*********************

مني: انا خايفة يا شيري اني ميبقاليش اصحاب في الكلية.

شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .

مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......

شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.

مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.

شيرين بصوت خافت: انا قلت برضه انتي هتتعبيني.

ثم بصوت عالي : ايه ده كريم وايمو اهم .......هااااااي.

مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.

*******************

اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد

ضربت شيرين بكفها علي كف احمد وهي تقول:

شيرين : ايمووو انت فين ياراجل .

رد عليها برتابة: في الدنيا هكون فين يعني ؟

شيرين :ايه الغلاسة دي وبعدين كريم ماله كده جري زي الي عليه فلوس لحد .

احمد: اصله افتكر واحد صاحبه كان مستنيه .

شيرين : اه.

احمد بتسبيل : مش تعرفينا .

شيرين : لا مش هعرفك ,مش سكتك خالص على فكرة .

شعرت مني بالحرج من الكلام الذي يدور وحاولت ان ترد بأي شيء فصمتت

اخرجت شيرين تليفونها المحمول وطلبت رقماً:

شيرين: ايوه يا واطي ..... جريت ليه اول ما شفتني ........يا راجل ...

ومدت برجليها بعيدا قليلا عن احمد ومنى

احمد: انتي بقي سنة اولي ؟

احمد في رأسه* اكيد والا كنت شفتك .

منى بخجل :اه

منى في رأسها *يوه يا شيرين خلصي بقي.

احمد: معاكي الجدول ولا اجيبهولك .

مني وقد ارتبكت : لا ... ماهي شيرين هتيجي معايا... يعني ..هنشوفه .

احمد: طب استني خليكي هنا.

وانطلق كالصاروخ مغادرا اياها ,في نفس الوقت الذي انهت فيه شيرين المكالمة

شيرين:الله؟ فين الواطي التاني؟

منى : معرفش , قالي استني وجري و بعدين امسكى لسانك شويه ..


شيرين: منى خاليكى كول يا ماما مفيهاش حاجه بلاش تحبكيها الحاجات دى دلوقتى مبقتش عيب سيبك دلوقتى قوليلى هو قالك انه راجع ولا قال ايه؟

منى: مقالش حاجة يلا نمشي بقي.

شيرين : لا استني اهه, ماله بيجري كده ليه ؟

وصل احمد لاهثاً ومد يده بورقة الي مني

احمد: اتفضلي يا ستي , جدول سنة اولي.

نزعت شيرين الورقة من يده وهي تجذب يد منى بعيدا

شيرين: متشكرين يا سيدي , بس ريح نفسك , قلتلك مش سكتك .

اعترض طريقهم قبل ان تغادرا

احمد : ايه ايه , رايحين فين ؟

شيرين : انت مش جبت الجدول , يلا باي بقي البنت جديدة وهلففها في الكلية.

تجاوزتاه وهو يتابعهما ببصره قائلا

احمد : اجي معاكو.

شيرين تهتف وهي تجر مني ورائها جراً

شيرين : لا شكراً.

ظل احمد يتابعهما ببصرة وهو يقول في نفسه

*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.

مني وهي تكاد تركض خلف شيرين , التي انطلقت وكأن كلب يجري خلفها

*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟

تابعوها............. و يا رب تعجبكم

جزاكم الله خيرا وجعله فى موازين حسناتكم يوم القيامه

ونفع بكم الاســلام والمسلمين

جزاكم الله خيرا وجعله فى موازين حسناتكم يوم القيامه



ونفع بكم الاســلام والمسلمين



وجزاكي مثله ان شاء الله وتسلمي ع مرورك الطيب ومستنين باقي الاخوات ومستنين المناقشات الطيبه

دمتم في طاعه الرحمن

موضوع فى قمة الروعة جزاكن الله كل خير .

ممكن اعقب على الحلقة ؟؟؟

الحمد لله والصلاة والسلام على رسول الله "صلى الله عليه وسلم "

اما بعد:

سبحان الله وان كانت القصة غير حقيقية الا انها تحكى واقع كثير من شباب المسلمين "الا ما رحم ربى "

الذى ليس له هم لا يعرف عن امر دينه شئ ولا حول ولا قوة الا بالله .

لذلك من الواجب على كل اب وام ايضا ان يراعى اولاده منذ الصغر حتى لاينحرفوا عن الطريق المستقيم

لكن للاسف الاباء هم الذين يحتاجون الرعاية فى هذه الايام والله المستعان.

ان شاء الله نكمل تعليق فى الحلقات القادمة

وجزاكن الله خيرا على هذا المجهود الاكثر من رائع.

تقبوا مرورى .

السلام عليكم ورحمة الله وبركاته.

التوبيك دا شكله كدا من اوله جاااااااامد

وهيعرفنا حاجات كتيره بمعني اصح

قضايا العصر

انا يعنى لسه صغير موصلتش لا كليات ولا جامعه بس لازم يكون عندي فكره قويه


بس الجمله دي لفتت نظري اوي

شيرين: منى خاليكى كول يا ماما مفيهاش حاجه بلاش تحبكيها الحاجات دى دلوقتى مبقتش عيب سيبك دلوقتى قوليلى هو قالك انه راجع ولا قال ايه؟

يلا يلا انا متابع حضرتك

جزيتم خيرا يا بنوتات

متابعة معاكم ان شاء الله

موضوع فى قمة الروعة جزاكن الله كل خير .


ممكن اعقب على الحلقة ؟؟؟

الحمد لله والصلاة والسلام على رسول الله "صلى الله عليه وسلم "

اما بعد:

سبحان الله وان كانت القصة غير حقيقية الا انها تحكى واقع كثير من شباب المسلمين "الا ما رحم ربى "

الذى ليس له هم لا يعرف عن امر دينه شئ ولا حول ولا قوة الا بالله .

لذلك من الواجب على كل اب وام ايضا ان يراعى اولاده منذ الصغر حتى لاينحرفوا عن الطريق المستقيم

لكن للاسف الاباء هم الذين يحتاجون الرعاية فى هذه الايام والله المستعان.

ان شاء الله نكمل تعليق فى الحلقات القادمة

وجزاكن الله خيرا على هذا المجهود الاكثر من رائع.

تقبوا مرورى .

السلام عليكم ورحمة الله وبركاته.



وجزاكي مثله بأذن الله

اسعدنا مرورك

ومستنين باقي التعليقات

التوبيك دا شكله كدا من اوله جاااااااامد

وهيعرفنا حاجات كتيره بمعني اصح

قضايا العصر

انا يعنى لسه صغير موصلتش لا كليات ولا جامعه بس لازم يكون عندي فكره قويه


بس الجمله دي لفتت نظري اوي

شيرين: منى خاليكى كول يا ماما مفيهاش حاجه بلاش تحبكيها الحاجات دى دلوقتى مبقتش عيب سيبك دلوقتى قوليلى هو قالك انه راجع ولا قال ايه؟

يلا يلا انا متابع حضرتك




جزاك الله خير وبارك فيك وبأذن الله نستفيد كلنا من الموضوع ده

الحلقه الثانيه




لم ير احمد الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف عليها, فهو من أثارات كلية التجارة ,مضى حوالي الاسبوع الي ان لمحها تسير بين فتاتين تتوجهان قرب الكافيتيريا وقرب مكانه العتيد بجانبها.
******************
لم تشغل منى بالها بما حدث هذا اليوم كثيرا ولكنها احتفظت بالجدول ,ورأت احمد عدة مرات بالكلية فهو لا ينفك يدور بالكلية يسلم علي اصدقائة من كل السنوات الدراسية , وكانت تشعر بالفضول كلما رأته خاصة والسلوك الغريب الذي انتاب شيرين حين حاول التعرف عليها .
هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟, هل سيشيح بوجهه بعيد , يا ربي انه يبتسم.
******************
ابتسم احمد فيما اقتربت الفتيات منه وهن مستغرقات في الحديث الا مني التي تعلقت عيناها بعينيه , فابتسم لها , اطلت من شفتيها ابتسامة مترددة ,فانتبهت صديقتها ان مني لا تسمعها فالتفتت لتري لمن تبتسم فقالت :
سارة: ايمو ازيك؟
احمد وهو لا يذكر اسم الفتاة التي تسلم عليه ولكن لم يبد عليه شيئاً
احمد: الحمد لله , ازيك انتي ؟
سارة:كويسة .
نظر الي مني مباشرة في عينيها وقال :
احمد: ازيك؟.
تمتمت مني بشيء في خفوت معناه الحمد لله فقالت سارة
سارة: ايه دا انتو تعرفة بعض؟
منى :اه
بينما قال احمد :لا
فتورد وجهها احمراراً فسارع احمد يقول
احمد : قصدي اتعرفنا علي بعض بس منعرفش اسامي بعض
سارة: بسيطة ...احمد امام .....منى ممدوح.
مد احمد يده *ايوه كده تمام
احمد:فرصة سعيدة.
مدت مني يدها بتردد* انا مبحبش الي بيسلمو بالايد
مني : شكراً.
ضغط احمد كفه برفق وفي سرعة على يدها اصابعها التي بالكاد لامست يده وتركها سريعا كأن لم يضغط مما جعل وجهها يحمر قليلاً
احمد* اول مرة بنت تحمر عشان سلمت عليا
منى *ايه الولد دا
*****************
بعد هذا اليوم بأيام رأي احمد منها , لم يرها صدفة , بل كان ينتظرها المدرج , وقد قارب موعد انتهاء محاضرتها , وقد لا حظ انها من هواة حضور المحاضرات, وهذا شيء غريب على غير الصف الاول في الكلية ,لم ينتظر كثيرا كان متوقفا مع "شلة" من اصحابه في السنة الثانية بالكلية اذ لا حظ نزول الصف وبينهم مني, لم يتحرك نحوها , بل توقف في مكان يراه فيه النازلين من المدرج , واثقا من انها ستراه فيه.
رأت منى احمد , اول ما نزلت من المدرج وجدته امامها واقفا يضحك ويهزر بصوت عال مع اصدقائه , تعلقت عيناها به بينما قالت سارة
سارة: الواد دا زي العسل انا يوم ماعرفته مبطلتش ضحك.
قالت فتاة اخري معهما
ميرنا: مين؟ ايمو؟ , دا زي القمر انا كنت هموت عليه في اول اسبوع بس قالولي مالوش في السن الصغير.
سارة: انتي متعرفيش اصله كبير عننا اصلا دا بقالة ميت سنة بيسقط , قولي يمكن دلوقتى عنده 22 ,23 سنة.
ميرنا: تعالي تعالي نسلم عليه.
وتجاوزا منى متوجهتان صوب احمد , وهي كالمصدومة خلفهما , الي اين هما ذاهبتان , لا , سأنصرف انا.
التفتت اليها سارة ملاحظة تجمدها في مكانها
سارة: فيه ايه يا بنتي متنحة ليه ؟ اتحركي.
مني: بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.
سارة: طيب مش هنتأخر.
وتوجهتا نحوه وسارة تسمع صوتهما :
ايمو , ازيك .
*انا ماليش دعوة عايزين يقفو معاه هما حرين انا ماليش في الناس الي بتسقط.
وقف احمد مترقبا منى والحديث الذي يدور بين الفتيات من بعيد , يبدو انه عليه , فتعمد اعلاء صوته بالضحك والهزار , جيد ,ها هن الفتيات يقتربن , ما هذا ؟ لماذا تسمرت منى؟ مالذي يحدث؟,لا لا لا الي اين هي ذاهبة؟
يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟.
*ماشي يا مني بتحلقيلي انا هوريكي , مش انا الي يتعمل معاه كدة


تابعونا وعايزين تفاعل وتعليقات بارك الله فيكن

يريت يا جماعه القراءه متكونش لمجرد انكم بتقرأو قصه يريت القراءه تكون فيما بين السطور وجزاكم ربي الجنه ومستنين المناقشات والتعليقات الطيبه

بارك الله فيكن اخواتي الحبيبات

والله للاسف هذا صار حال كثير من بناتنا

وابنائنا اللهم سلم سلم يارب

وهذه احداث تحدث في واقعنا

فعندما تغيب مسؤليه اولياء الامور

نحو توجيه ابنائهم نجد كوارث كثيره

وللاسف الشديد اللي متمسك ومحافظ

علي الشرع والدين من عدم الاختلاط

وخلافه يقولون عليه <<غير متحضر>>

ولاحول ولاقوة الابالله العلي العظيم

اللهم اهد ابناء وبنات المسلمين

لما تحب وترضي يارب العالمين

وجزاكن الله كل خير حبيباتي

تقبلن مروري

انا اللي مستغرباه في القصة بحالها

كلام البنات مع الولد بالطريقة دي .. زي مايكونوا بيكلموا صاحباتهم البنات

وللأسف .. ل ده بيحصل يبقى ربنا يستر

شكرا يا فتيات الاسلام

جزاكن الله خيراً .. متابعة ان شاء الله

متشوقة لاسمع الباقى

والله اكتر من رووووووووووووووووووووووووووووووووووووووووووووعه ومستنين الباقى

تمــــــــــــــــــــــــــام

طبعا البرنس احمد مش هيسكت

هيقلب الدنيا

ف انتظار الاقى...

اول حاجه احب اشكركم على هذا العمل الرائع
جزاكم الله الفردوس الاعلى
تاني حاجه احب اعلق على الحلقات

1-الالفاظ :طبعا هيا دي بقت الفاظ مجتمعنا حاليا ومعتش حد بيتلفظ ابدا بالفاظ كويسه ولا حتي محترمه
كل حاجه يقولوا ايه (دي الفاظ شبابيه)
2-الاصحاب:الصاحب ساحب لو هيا كانت الانسه مني اختارت الصحبه من الاول ماكنش حصلها مواقف محرجه
كمان احب انوه ان حتي لو ماكنش في دين يبقي في مبادئ عند الانسان لازم حتي يتقيد بيها

طبعا للاسف هوه دا بقي حال مجتمعنا
كل لما نصلح حته تفسد من النحيه التانية حتي سبحان الله
هيا كانت داخله (الانسه منى)عندها مبدا انها مش هتكلم صبيان واخواتها محذرينها
وع ذلك كلمت وسلمت واتعرفت وتبص بعنيها كمان وتنسي روحها
يعني كمان ماشاء الله مشيت شمال خالص
ربنا يهدي شباب وبنات المسلمين
ويبعد عنهم المعاصي والذنوب
واحب اقول ياجماعه انتي داخله الجامعه عندك مبدا مش هتكلمي مش هتتعرفي هتشوفي طريق الالتزام والصلاح هتتعرفي على بنات
ليه لما تدخلي الجامعه وجه نظرك تتغير ليه؟؟؟؟
ليه تقولي اجرب ....اكلم مش عارفه مين... احب مين
طيب انتي بتكلميه ؟؟؟؟
ليه بتكلميه ليه بتحبيه؟؟
مش هيجوزك ولا هيبص ليكي خااااااااااالص
يبقي من الاول لا تكلمي
ولا تصاحبي
ولا تتعرفي
ولا تسؤي سمعتك خااااااااالص وخليكي
لؤلؤه مكنونه مصانه محفوظه
اسال الله ان يحفظنا من الذنوب والمعاصي
احبكم في الله
معلش طولت عليكم واعذروني وده كان رأيي في الحلقتين
منتظره حلقاتكم الجديده

بارك الله فيكن اخواتي الحبيبات

والله للاسف هذا صار حال كثير من بناتنا

وابنائنا اللهم سلم سلم يارب

وهذه احداث تحدث في واقعنا

فعندما تغيب مسؤليه اولياء الامور

نحو توجيه ابنائهم نجد كوارث كثيره

وللاسف الشديد اللي متمسك ومحافظ

علي الشرع والدين من عدم الاختلاط

وخلافه يقولون عليه <<غير متحضر>>

ولاحول ولاقوة الابالله العلي العظيم

اللهم اهد ابناء وبنات المسلمين

لما تحب وترضي يارب العالمين

وجزاكن الله كل خير حبيباتي

تقبلن مروري





جزاكي الله خير اللهم امين يارب ونسالكم الدعاء

انا اللي مستغرباه في القصة بحالها

كلام البنات مع الولد بالطريقة دي .. زي مايكونوا بيكلموا صاحباتهم البنات

وللأسف .. ل ده بيحصل يبقى ربنا يستر

شكرا يا فتيات الاسلام

جزاكن الله خيراً .. متابعة ان شاء الله



العفو حبيبتي وجزاكي مثله ان شاء الله
الله يبارك قيكي وينفعنا واياكي والجميع بهذه الحلقات التي اسأل الله ان يجعلها في ميزان حسناتنا وفي ميزان حسنات كاتبها اللهم امين

والله اكتر من رووووووووووووووووووووووووووووووووووووووووووووعه ومستنين الباقى



انتي اروع حبيبتي الله يبارك فيكي انتظرينا

تمــــــــــــــــــــــــــام

طبعا البرنس احمد مش هيسكت

هيقلب الدنيا

ف انتظار الاقى...


اسعدنا مرورك جزاك الله خير

ولكن يريت ميكونش قرأتك للقصه من باب القراءه العاديه ومنتظرين تفاعلك ومناقشاتك بما يدور داخل الحلقات من اشياء ما انزل الله بها من سلطان

اول حاجه احب اشكركم على هذا العمل الرائع

جزاكم الله الفردوس الاعلى
تاني حاجه احب اعلق على الحلقات

1-الالفاظ :طبعا هيا دي بقت الفاظ مجتمعنا حاليا ومعتش حد بيتلفظ ابدا بالفاظ كويسه ولا حتي محترمه
كل حاجه يقولوا ايه (دي الفاظ شبابيه)
2-الاصحاب:الصاحب ساحب لو هيا كانت الانسه مني اختارت الصحبه من الاول ماكنش حصلها مواقف محرجه
كمان احب انوه ان حتي لو ماكنش في دين يبقي في مبادئ عند الانسان لازم حتي يتقيد بيها

طبعا للاسف هوه دا بقي حال مجتمعنا
كل لما نصلح حته تفسد من النحيه التانية حتي سبحان الله
هيا كانت داخله (الانسه منى)عندها مبدا انها مش هتكلم صبيان واخواتها محذرينها
وع ذلك كلمت وسلمت واتعرفت وتبص بعنيها كمان وتنسي روحها
يعني كمان ماشاء الله مشيت شمال خالص
ربنا يهدي شباب وبنات المسلمين
ويبعد عنهم المعاصي والذنوب
واحب اقول ياجماعه انتي داخله الجامعه عندك مبدا مش هتكلمي مش هتتعرفي هتشوفي طريق الالتزام والصلاح هتتعرفي على بنات
ليه لما تدخلي الجامعه وجه نظرك تتغير ليه؟؟؟؟
ليه تقولي اجرب ....اكلم مش عارفه مين... احب مين
طيب انتي بتكلميه ؟؟؟؟
ليه بتكلميه ليه بتحبيه؟؟
مش هيجوزك ولا هيبص ليكي خااااااااااالص
يبقي من الاول لا تكلمي
ولا تصاحبي
ولا تتعرفي
ولا تسؤي سمعتك خااااااااالص وخليكي
لؤلؤه مكنونه مصانه محفوظه
اسال الله ان يحفظنا من الذنوب والمعاصي
احبكم في الله
معلش طولت عليكم واعذروني وده كان رأيي في الحلقتين
منتظره حلقاتكم الجديده




نورتي حبيبتي الموضوع وما شاء الله تعليقاتك جميله ونسألك الدعاء

متشوقة لاسمع الباقى


اسعدنا مرورك ومنتظرين تعليقاتك

الحلقه الثالثه




لم يغمض لاحمد جفن منذ ذلك اليوم, اولا هو لم يحاول اغواء فتاة من قبل , على الاقل منذ بضعة سنوات ,فهو "سمعته تسبقه" في كل مكان, ومنذ فترة لم يعييه الحصول على بنت , آلمه غروره , مع ان في الحقيقة لم يحدث امر يحرجه او يغضبه لان شيئا لم يحدث اصلا على الاطلاق , لكنه هو الوحيد الذي يعلم نيته ومراده , وقد جرح الامر كرامته امام نفسه فاقسم ان يصلح مظهره امام نفسه على الاقل.
رأها , كانت جالسة وحدها , فرصة ذهبية , اقترب بخفة وجلس بجانبها على الكرسي , رفعت عينيها عن تليفونها المحمول الذي كانت تعبث به.
******************
جلست منى تنتظر صديقاتها علي مقعد بالكلية, لم تكن الكلية مزدحمة يومها ولا كان عندها محاضرات اصلاً,
شعرت بشخص يجلس على المقعد غير بعيد منها , فرفعت عينيها عن تليفونها فاذا به احمد , ارتجفت , مالذي اتي به , اقتضبت ابتسامة سريعة علي فمها .
******************
احمد: منى, ازيك؟
منى: الحمد لله.
احمد:قاعدة لوحدك ليه ؟
منى:عادي.
* قاعد انت جمبي ليه؟
* انتي هتردي كل سؤال بالعافية.
احمد : امال اصحابك فين؟
منى : لسه مجوش.
احمد: طب ما تيجي تقعدي معانا لحد ما ييجيو.
مني : لا معلش هستناهم هنا عشان يلاقوني.
* ايه البت الرخمة دي؟
احمد: طب هقعد انا معاكي لغاية ماييجو.
* ييييه ياريتني قلتله ماشي.
منى: مبتشوفش شيري .
احمد وقد انبسطت اساريره لفتحهها موضوع للتحاور
احمد: لا والله من ساعة ما شفتها معاكي وهي مطنشاني , هي قريبتك؟
منى : اه, من بعيد , هي طيبة اوي .
احمد : فعلاً , هي بنت جدعة .
ساد صمت محرج قليلاً
*فكر ياواد يا ايمو متقعدش ساكت كده .
*ايه يا مني ؟انتي خرسا ليه؟ عمرك ماكنتي رخمة كده ,فكي شوية اكيد حيقول عليكى معقده , بس انا عمرى ما اتكلمت مع ولاد كده .. ايه هو انا حتكلم كلام خارج ... ابوس ايديك انطقى قولى حاجه.
مني: انا شفتها النهاردة .
احمد :هي مين دي؟
مني : شيري .
احمد : اه فين؟
مني : لمحتها عند البوابة الصبح.
احمد التمعت عيناه , وقد اضائت فكرة برأسه
احمد: لما تشوفيها تاني قوليلها اني عايزها ضروري , ولا اقولك رني عليا وانا اجي اقفشها.
منى وقد فهمت مقصده وحاولت التهرب منه
مني : اه حاضر, ان شاء الله
* ايه ده , هي تصيع عليا.
فقال مباشرة
احمد: انتي معاكي نمرتي.
شعرت مني انه اسقط في يدها فهزت رأسها نفياً ,فبكل بساطة مقصودة امسك تليفونها من بين يديها وسجل نمرته ورن على هاتفه وقال لها في "استعباط" تام
احمد: اول ماتشوفيها رنيلي , انا همشي دلوقتي ماشي .
وانصرف عنها وهي تكاد تغلى غضباً مما فعل
* قشطة كدة.
* ايه الواد البجح دا اللى انا عملته ده بس!!

معذره يا جماعه علي عدم مشاركات الاختين لن يسبقني الي الله احد والاخت الا رسول الله فكان من المفترض ان يشاركوني ولكنهم مشغولون نسألكم الدعاء لهم بالتوفيق وانتظرو مشاركتهم قريبا

جزاكم الله خيراً .

ندخل على التعليق :

فى الاول المفروض كده كانت منى مدامت صاحبة مبدأ مكنتش اتنازلت لان صاحب المبادئ لايتنازل

كانت قابلته بالصد منذ البداية .او كانت سابت المكان ومشيت .على الاقل.

تانى حاجة المفروض كانت اخدت ردة فعل جامدة لما اخد تيليفونها

جزاكم الله خيراً .

ندخل على التعليق :

فى الاول المفروض كده كانت منى مدامت صاحبة مبدأ مكنتش اتنازلت لان صاحب المبادئ لايتنازل

كانت قابلته بالصد منذ البداية .او كانت سابت المكان ومشيت .على الاقل.

تانى حاجة المفروض كانت اخدت ردة فعل جامدة لما اخد تيليفونها


وجزاك مثله

احسنت التعليق ما شاء الله ومستنين باقي تعليقاتكم علي باقي الحلقات والله المستعان

جزاكم الله خيرا على هذه القصة الرائعة

ماشاء الله الحلقه جميله جدا
وتعليقي عليها
اول حاجه زي ماقولنا هيا كان ليها مبدا
وهيا خلاص اتنازلت واكلمت وكده
طبعا هيا لما رفعت الانسه وشها من الجوال وشافت الافندي
ضحكت
هيا اللي فتحت الطريق اهو
لو كانت ماضحكتش ولفت وشها مكانش هيحصل كده
يبقي من الاول مانبصش اصلا على حاجه ماتهمناش
تاني حاجه هوه جه وبدا يكلم معاها لو هيا مش عايزه ماتردش
او تقوله انا قولتلك مش عايزه اكلم مع حد
ثالث حاجه
يعني ايه ياخد الجوال من ايديها ويحط النمره ويتصل
مش عارفه تقوله لا
الصراحه انا مش عارفه اقول ايه في الحته دي
لان بجد فين شخصيتها ان هيا تسيبوه ياخد الجوال كده بالسهوله دي
دا كان تعليقي على الحلقه
يارب اكون ماطولتش عليكم
وربنا يرجع
لن يسبقني الي الله احد و الا رسول الله
بخير يارب ولعل المانع ان شاء الله خير
اسال الله ان يحفظكم من كل شر
وان يجعل الفردوس منزلكم

جزاكن الله خيراً

ولعل المانع خير ان سارة والا رسول الله مبيدخلوش

وبارك الله فيكي يا رولا

بالنسبة للحلقة دي بقى ..

كان المفروض ان منى متفتحش معاه في الكلام أصلا

هي لو كانت صدته بأي كلمة كان قام مشي من بدري

أو كان ممكن تقوم من جنبيه خالص ..

كان ممكن تعمل أي حجة علشان تقوم من جنبه أو تقفل معاه في الكلام بمعنى أصح

متابعة معاكي يا حبيبتي

معذره يا جماعه علي عدم مشاركات الاختين لن يسبقني الي الله احد والاخت الا رسول الله فكان من المفترض ان يشاركوني ولكنهم مشغولون نسألكم الدعاء لهم بالتوفيق وانتظرو مشاركتهم قريبا


جزاكى الله كل خير اختى رولا وان شاء هبدأ اتابع معاكم.

جزاكم الله خيرا على هذه القصة الرائعة

وجزاكم مثله اسعدنا مرورك العاطر ومستنين تعليقاتك على الحلقات.

ماشاء الله الحلقه جميله جدا
وتعليقي عليها
اول حاجه زي ماقولنا هيا كان ليها مبدا
وهيا خلاص اتنازلت واكلمت وكده
طبعا هيا لما رفعت الانسه وشها من الجوال وشافت الافندي
ضحكت
هيا اللي فتحت الطريق اهو
لو كانت ماضحكتش ولفت وشها مكانش هيحصل كده
يبقي من الاول مانبصش اصلا على حاجه ماتهمناش
تاني حاجه هوه جه وبدا يكلم معاها لو هيا مش عايزه ماتردش
او تقوله انا قولتلك مش عايزه اكلم مع حد
ثالث حاجه
يعني ايه ياخد الجوال من ايديها ويحط النمره ويتصل
مش عارفه تقوله لا
الصراحه انا مش عارفه اقول ايه في الحته دي
لان بجد فين شخصيتها ان هيا تسيبوه ياخد الجوال كده بالسهوله دي
دا كان تعليقي على الحلقه
يارب اكون ماطولتش عليكم
وربنا يرجع
لن يسبقني الي الله احد و الا رسول الله
بخير يارب ولعل المانع ان شاء الله خير
اسال الله ان يحفظكم من كل شر
وان يجعل الفردوس منزلكم


ماشاء الله لاقوة الا بالله جزاكم الله كل خير اختى على هذا التعليق

الاكثر من رائع اسعدنا مرورك جدا.

والحمد لله انا رجعت لموضوعنا تانى شكرا لسؤالك حبيبتى فى الله.

جزاكن الله خيراً

ولعل المانع خير ان سارة والا رسول الله مبيدخلوش جزاكم الله خيرا

وبارك الله فيكي يا رولا

بالنسبة للحلقة دي بقى ..

كان المفروض ان منى متفتحش معاه في الكلام أصلا

هي لو كانت صدته بأي كلمة كان قام مشي من بدري

أو كان ممكن تقوم من جنبيه خالص ..

كان ممكن تعمل أي حجة علشان تقوم من جنبه أو تقفل معاه في الكلام بمعنى أصح

متابعة معاكي يا حبيبتي

تسلمى يااختى على مشاركة

الطيب ومشكورة على سؤالك.ربنا يكرمك.

جزاكم الله كل خير اخواتى على ردودكم الطيبة وتفاعلكم مع الموضوع

واشكر اختى رولا على مجهودها الطيب .

وانا دلوقتى ان شاء الله هنزلكم الحلقة الرابعة .

كريم: مالك يا بني, سيب الموبايل مش هتتصل.
احمد: هي مين دي الي مش هتتصل.
كريم: ها هاي الي انت مستنيها.
احمد: انا مش مستني حد يتصل ,وبعدين مين قال انها مش هتتصل ؟
كريم : اهه يعني فيه حد هيتصل.
احمد: وانت مالك اصلا ياغلس .
*****************
منى :شيري ....شيري ..
شيرين: مينوووو .
اقبلت شيرين وقبلت منى على وجنتيها
شيرين: انتي فين يا كلبة.
منى:انتى عالطول كده الشتيمه فى بقك , و بعدين انتي الي مبتسأليش .
وبعد ان قاربتا على انهاء حديثهما قالت منى
منى: اه على فكرة , احمد امام عايزك ضروري .
شيرين: ودا عايز ايه دا كمان ضروري كده .
*****************
شيرين : انت ياواد انت.
احمد: بت يا شيرين , ازيك انتي فين؟
شيرين: كنت مسافرة , ايه اخبارك؟ عايزني في ايه؟
احمد : عايزك ايه؟
شيرين :انت مش قلت لمني تبلغني انك عايزني ضروري .
احمد: لا انا .......أهههه....لا ولا تحطي في دماغك.
شيرين: ايمو .... جري ايه , انت هتعط من ورايا؟
احمد : ههههه.. لا يا بنتي مفيش حاجة.
شيرين: احمد يا امام انا بتكلم بجد ابعد عن مني دي بنت ناس.
احمد: منى ايه وعيال ايه يا بنتي انتي , وبعدين ايه يعني بنت ناس هو انا الي كنت اعرفهم ولاد ايه.
شيرين: لا دي مؤدبة ومش حملك لو فيه حاجه في دماغك ياريت تطلعها لو سمحت.
احمد: يا بت بجد مفيش حاجة.
شيرين : اصل انا مش عرفاك , ايه مالك؟ ايه الي هيموتك عليها كده , انها مؤدبة , وحياة ابوك تخليهالي كده دي امانة.
احمد: يعني ما هو انا لو مستلمتهاش هيستلمها غيري , هي داخلة كلية شرعي؟؟.
شيرين: ايمو ... عشان متخسرنيش , شوفلك حدوتة تانية اليومين دول.
احمد: انا اقدرارفضلك طلب ياقمر.
******************
سارة : مين دا يا بنتي الي اداكي نمرته انتي بتهزري, دا واد تنك جدا وما افتكرش انه هيديكي رقمه.
منى: والله العظيم اخد موبايلي من ايدي كده بالظبط وكتب نمرته , اتصلك بيه يعني عشان تتأكدي.
سارة: اكيد عشان كان عايز شيرين في حاجة , وعشان كده بس عمل كده.
منى: يا بنتي كان باين اوي انها حجة, انا مش هبلة.
سارة : طب وانتي عملتي ايه بالنمرة؟
منى: مسحتها اول ما مشي .
سارة: يخرب عقلك انتي اتجننتي .
منى : يعني كنتي عايزاني اعمل ايه يعني؟
سارة : معرفش بس مكنتيش تعملي كده دى نمرة احمد امام يا بنتى .
سكتت مني قليلا ثم قالت
منى :و انا اعماله ايه يعنى , بس عموما انا حفظت النمرة قبل ما امسحها
*****************
*جبت جون ياواد يا ايمو

تمت بحمد الله

فى انتظار ارائكم الرائعة.

استودعكم الله

السلام عليكم ورحمة الله وبركاته.

بوركتي يا حبيبتي "الا رسول الله "

انا اللي مضايقني .. انها بتدلع الولد أحمد بــ "إيمو" :d

المفروض ان ده دلع ايمان :d

لا بجد

حلقة مشوقة

ومتشوقة لأسمع الباقي ..

بس منى غلطانة انها تحفظ النمرة قبل ما تمسحها ..

طالما حفظتها يبقى ده بداية غير مبشرة بخير


جزاكن الله خيرا

متاااااااابعة ان شاء الله

جزاكم الله كل خير اخواتى على ردودكم الطيبة وتفاعلكم مع الموضوع

واشكر اختى رولا على مجهودها الطيب .

وانا دلوقتى ان شاء الله هنزلكم الحلقة الرابعة .


نورتي حبيبتي الله يكرمك

بوركتي يا حبيبتي "الا رسول الله "

انا اللي مضايقني .. انها بتدلع الولد أحمد بــ "إيمو" :d

المفروض ان ده دلع ايمان :d

لا بجد

حلقة مشوقة

ومتشوقة لأسمع الباقي ..

بس منى غلطانة انها تحفظ النمرة قبل ما تمسحها ..

طالما حفظتها يبقى ده بداية غير مبشرة بخير


جزاكن الله خيرا

متاااااااابعة ان شاء الله



بأذن الله تعجبك باقي الحلقات

اسعدنا مرورك

جزاكم الله خيرا على هذه القصة الرائعة


وجزاكي مثله ان شاء الله

اسعدنا مرورك

انتظروناااااااااااااااااااااااا في الحلقه القادمه

جزاكم الله خيرا ونورتى يا حبيبتى (الا رسول الله)
وتعليقى على الحلقة ان المفروض منى تمسح رقمه اساسا ومن الاول من غير ما تحفظه
ومنتظرين باقى الحلقات ان شاء الله

قصة تحفة اوى اوى اوى

جزاكم الله كل خير على الافادة الرهيبة دى
النصيحة بتوصلوها بطريقة جميلة

بالله عليكم متتاخروش علينا بالباقى
انا عايزة اعرف ايه اللى حصل بفارغ الصبر

الحلقه الخامسه



ما زادت تحذيرات شيرين احمد الا فضولا, ومازاده الفضول الا رغبة في التقرب من منى , ورغم وعده شيرين انه سيترك مني في حالها , الا انه قرر ان ينتقل بما بينهما الي قليل من الخصوصية , فقرر الاتصال بها.
*****************
تسمرت مني امام تليفونها والهاتف يرن ,لقد تعرفت على الرقم جيدا, فقد حفظته رغم انفها ,ماذا عساها تفعل؟؟, ترددت قليلا قبل ان تصمت صوت الهاتف لتتركه وتبتعد.
*****************
لم ترد , ماذا افعل ؟, لا لليأس سأتصل مرة أخري ,مالذي سأخسره ؟ , ليس هناك شيء غير عادي , اني اتصل بها لاسأل عليها لا غير .
*****************
لا ....غير معقول انه مصر, حسناً ...سأرد ,مالذي سأخسره؟ ,ليس هناك شيء غير عادي , سأرد لأعرف ماذا يريد.
*****************
مني بصوت مرتعش
منى: ....الو.
احمد: مني ؟
مني : ايوة مين معايا؟
*انا هعمل نفسي مش عارفة
احمد: انا احمد امام .
*ايه الكسوف دا ياريتني ما اتصلت
مني: اه ازيك ؟ اخبارك ايه؟
احمد: الحمد لله انتي ازيك؟
منى :تمام , ايه فيه حاجة؟
قال وقد بدا عليه شيء من نفاذ الصبر والغيظ الي شعر به
احمد: يعني هو فيه حد في الدنيا بيقول الو فيه حاجة؟
مني :ههههه لا والله عادي انا بس قلت فيه حاجة.
* خفي يا مينو شوية على الولد دا شكله ظريف و مفيهاش حاجه يعنى لو اتكلمتى بلطف شويه
احمد :لا يا ستي انا مش متصل عشان حاجة , انا متصل اسأل عليكي.
منى:...............
* اوباااا
*ايه يابو حميد متسكتش حور
احمد: مش انا النهاردة شفت ميرنا صاحبتك
منى: اه .... بجد؟
احمد: انتو هتطلعو الرحلة؟.
منى : رحلة ايه؟
احمد: العين السخنة , انتي مش طالعة , دي ميرنا قالتلي النهاردة انكو طالعين.
وطبعا كان هو الذي ارسل كريم ليقنع ميرنا واصحابها واستغل الامر
منى : مش عارفة ؟ هسأل ماما .
*متزنش خليها تيجي منها.
احمد: طب لوهتطلعي ابقي بلغيني عشان اظبتكو قبل العدد ما يبقي كومبليت .
منى: اوكاي.
احمد : ماشي يا موني , عايزة حاجة؟
* اههه احنا فينا من موني
منى : لا شكراً , سلام .
احمد: ايه دا انتي عايزة تقفلي كده ليه ؟
منى :...... مفيش , عادي.
احمد: هو كل حاجة عادي, ما علينا هبقي اكلمك تاني, باي باي.
واغلق السماعة وكلمة " هكلمك تانى " ترن في اذنها.

بالله عليكم يا جماعه يريت متقرأوش الموضوع لمجرد انكم بتقرأو حلقات مسلسل وخلاص بالله عليكم الموضوع ده مهم جامد في حيات كل بنت وكل ولد في الزمن ده وانا عايزه منكم تعليقات بالله عليكم ومنا قشات ومن يستطع الاتيان بأيات واحاديث وكلام للعلماء فالباب مفتوح لكل من له اضافه بارك ربي فيكم

ونسألكم الدعاء

بارك الله فيكي أختي رولا

جزاك الجنة ومن معك في هذا العمل

تعقيبي ..

المفرووووض ان منى مكانتش ترد على التليفون "حيث انها تعرف انها نمرة الولد "

لأن هي كده هتديله الفرصة انه يتصل بيها

ويكررها اكتر من مرة

ده غير ان اللي عملوه ده هيبعدها عن دينها وعن أخلاقها

لأنها ردت على ولد

متااااااابعة معاكم ان شاء الله

ربنا يوفقهم جميعا

امال لما هو زكي اوي كدا
ماتنيلش ليه ونجح :d

والله انا بصراحة مش عارف اعلق اقول ايه

بس التعليق ان شاء الله في النهايه كدا يعنى

بارك الله فيكي أختي رولا

جزاك الجنة ومن معك في هذا العمل

تعقيبي ..

المفرووووض ان منى مكانتش ترد على التليفون "حيث انها تعرف انها نمرة الولد "

لأن هي كده هتديله الفرصة انه يتصل بيها

ويكررها اكتر من مرة

ده غير ان اللي عملوه ده هيبعدها عن دينها وعن أخلاقها

لأنها ردت على ولد

متااااااابعة معاكم ان شاء الله


نورتي الموضوع حبيبتي

الحلقه السادسه



قررت منى منذ حادثها ان تذهب الرحلة , ولكن , لم تكن تريد ان تبدو متلهفة , فآثرت الانتظار فترة حتى لا يبدو عليها ,ولكنها اخبرت سارة الامر.

سارة: وانتي بقي مالك من ساعتها .
منى : شايفاني بقي بتنطط من الفرحة ولا مالي يعني.
سارة : لا , شايفاكي هتطقي كأنه قالك تعالي نتجوز عرفي , دا واحد كل الي عمله انه اتصل بواحده يعرفها من بعيد بيستهبل, عايز يلم عدد للرحلة الي هو مطلعها , مالك واخدة الموضوع كأنه شخصي اوي؟ , وكأنه مطلع الرحلة مخصوص علشانك.
منى : انتي ايه؟ , بلدوزر محدش يعرف يتكلم معاكي ابدا.
سارة: انا عشان بقولك الحق ابقي بلدوزر ,بدل ما تحمدي ربنا ان ليكي صاحبة خايفة على مصلحتك, طيب يا ستي انتي حرة, والرحلة بتاعتك دي انا مش طلعاها.
منى : انتي بتهرجي , لا طبعا هتطلعي.
سارة: طب والله منا طالعة وخلي ست ميرنا تنفعك.
**********************

قبل الرحلة بيوم

كريم: يا ابني كلمها اسألها هتطلع ولا لأ.
احمد: قلتلك ميت مرة مش هتصل , مينفعش ,هو انا هتحايل عليها؟, وبعدين احنا مفيش بينا كلام اصلا الا من بعيد لبعيد.
كريم:امال ايه بقي نرفزتك دي عليا من ساعة ما عرفنا من ميرنا ان احتمال هي بس الي تطلع؟
احمد:انا مش متنيل متنرفز وبعدين ايه يعني ما عنها ما طلعت معادش الا عيلة كمان الي هتوجع لي دماغي.

وانصرف عن كريم غاضبا.
كريم يتمتم لنفسه

كريم: لا ابدا ,لا متنيل متنرفز ولا كان هيضربني ولا حاجة.
*********************
بعد قرار ساره انها لن تذهب الرحلة , اضطرت منى للامتثال بها ,بعد ان اقنعتها بأن من الافضل الا تنجرف لمشاعرها التي ستؤذيها ,وانها يجب ان تعود لعقلها وبالفعل قررت منى ان تنسى احمد ,وتقتنع بأنه لم يفعل شيئاً اصلا ليعلقها به ,وأن الأمر كله عادي , وماتتوهمه هو من نسج خيالها فقط, وانها لم تعد طفلة , انها فتاة كبيرة وتعرف حدودها جيدا.

*********************
مر يوم الرحلة على احمد كسابق الرحلات,جميل ظريف ,بل والادهي انه مليء بالوجوه الجديدة , ومر عليه اليوم وقد نسي غضبه,بل نسي وجود مني اصلا.
*********************
صحيح ان منى قررت الا تفكر في احمد , الا ان عقلها الباطن كان ينتظر منه مكالمة يستفقدها في الرحلة, الم يتصل بها مخصوص ليدعوها , وتعب عقلها الباطن من التفكير طوال اليوم ,مما اوصلها لحالة من الانكار الشديد لما يحدث لها.

*انت عبيطة؟, احمد مين دا الي بيفكر فيكي؟, اسمعي كلام سارة , مفيش حاجة من الي في دماغك اصلا, وبعدين مش انتي مش بتاعة الكلام ده, بتفكري فيه ليه بقي دلوقتي ؟؟؟ّّّّّ!!
وقررت غلق الموضوع والالتفات لدراستها فقط.
********************
بعد هذا اليوم , عاد احمد ومني كل لحياته, صحيح ان منى تراه كثيرا في الكلية , وكيف لا ؟وهو مثل بخارالماء , الا انها قست نفسها واعانتها سارة على ذلك , اما احمد فكاد ينسي منى لولا انه كان يلمحها في بعض الايام , اما داخلة الكلية , اوخارجة , او عند الكافيتيريا , لكنه لم يشغل باله ان يتكلم معها.

* والله انا عرضت عليها وهي الي رفضت, بتتنك على ايه انا مش فاهم, خلى الادب ينفعها, انا عمري ما اتحايلت على بنت , وبعدين البنات اكتر من الهم على القلب

جزاك الله كل خير رولا
جزاك الله كل خير " الا رسول الله "

مجهود طيب ماشاء الله
اسال الله لنا ولكم التوفيق

لكن ..........

اعتذر منكما اختىّ ومن كل اعضاء المنتدى

لن اتمكن من المشاركة فى الموضوع لظروف خاصة

ارجو ان تتقبلوا اعتذارى

اسال الله ان يسدد خطانا

وان لا يجعلنا من الاخسرين اعمالا الذين يحسبون انهم يحسنون عملا

ربنا تقبل منا الصالحات ................ واعف عنا فى الخطايا والسيئات

جزاكم الله الفردوس الاعلى من الجنة- حبيباتى فى الله - ..
وجمعنى بكم فى مستقر رحمته

جزانا واياكم ....

وعما قريب سوف نقوم بحذف الموضوع ....!!

فنحن يا اخوات كنا نريد من الموضوع ان يكون هدافا وظننا ان اليوميات على مبتغانا ....

ولكن اشارت علينا بعض الاخوات ان الموضوع لن يوصلنا الى مبتغانا ....

نسال الله لنا ولكم السداد فى القول والعمل ..

وكما قالت اختنا "لن يسبقنى الى الله احد" :

اللهم لا تجعلنا من الاخسرين اعمالا الذين يظنون انهم يحسنون صنعا

اللهم اغفر لنا وارحمنا وسدد خطانا !!

واجمعنا على الخير يارب العالمين .

اولا .. جزاكن الله خيراً حبيباتي

و هباكم الله جنة الرضوان وإيانا اللهم آمين


جزانا واياكم ....

وعما قريب سوف نقوم بحذف الموضوع ....!!

فنحن يا اخوات كنا نريد من الموضوع ان يكون هدافا وظننا ان اليوميات على مبتغانا ....

ولكن اشارت علينا بعض الاخوات ان الموضوع لن يوصلنا الى مبتغانا ....

نسال الله لنا ولكم السداد فى القول والعمل ..

وكما قالت اختنا "لن يسبقنى الى الله احد" :

اللهم لا تجعلنا من الاخسرين اعمالا الذين يظنون انهم يحسنون صنعا

اللهم اغفر لنا وارحمنا وسدد خطانا !!

واجمعنا على الخير يارب العالمين .

ثانياً .. بجد والله العظيم الموضوع رائع

والقصة مفيدة جداً لكل بنت

وبتأكد على الاوهام اللي بتبقى في حياة بعض البنات

وان في الآخر ما هي الا سراب

بلاش تزيلوا الموضوع

لأنه بجد رائع

وجزاكن الله خيراً