انا لقيت على شباب تجاره ان مفيش محاضرات تانى لانتساب فى الجامعه وبيقولو ان المصدر جريده الاخبار ولما قريت الخبر فى الجريده طلع صحيح فعلا ان انتساب ملهمش محاضرات تانى فى الجامعه ولقيت موافقة مبدئية من وزير التعليم العالى على القرار ده واللى يحب يتأكد:
1 -ده لينك الخبر فى جريده الاخبار:
http://www.akhbarelyom.org.eg/gamea/2.pdf
2-ده لينك الخبر على شباب تجاره:
http://www.shtegara.com/forums/showthread.php?t=38990
ولو ركزتو هتلاحظو ان تاريخ الخبر ده 13/2/2010

ربنا يستر وانا عارف الانظمه والكلام ده علشان اللى بيعدوه بيزيدو وبردو هيعملو زى الترم الاول وهينزلو محاضرات يوم الجمعه علشان يسكتونا والزحمه هيا هيا بس دى حجه وربنا يستر والناس هتدعى عليهم اد كده والسلام عليكم وبالوفيق ب الله

السلام عليكم ورحمه الله وبركاته
ازيكم يا رجاله والله واحشني كلكم
بس الشُغل بقي ....
انا كنت معدي كده من علي المنتدي قلت لما اخش و اسلم
بص يا احمد يا عيد ،
في اول سطر في الخبر مكتوب
"ابتداء من العام الجامعى القادم لن يكون هناك إنتساب موجه بجميع الجامعات "
يعني مش السنة دي يعني لازم نشد حيلنا السنادي ونحول انتظام علشان وجع الدماغ ده
وانا قرأت الخبر ده امبارح يجي مرتين تلاتة علشان افهمة كويس
والسنة اللي جاية مش هيبقي في محاضرات " لـ إنتساب _ التعليم المفتوح "
وكله هيبقي نت ودش و الكلام ده
ومتقلقوش يا جماعة وشدوا حيلكم التيرم الثاني علشان نحول بإذن الله
وسلامي للكل " مينا ، فامبير ، المخترع ، احمد عيد ،محمود خضر، الجميل ، خلود ، منار ، بيرو ، شيكولاته ، وكل اللي نسيت اكتبه "
وسلام بقي علشان الحق الشُغل " ـههههههههههـ "

واللهي بالنسبه ليا مش فارقه كتير لان كده كده مش بنحضر نصها بس هي مهمه بردو فى بعض المواد بس احنا مش عارفين مواد الترم الثاني دي هاتبقى عامله ازاي يلا ربنا يستر