بما اننا فى القسم الاسلامى وممكن اغلبكم يقول ان الموضوع مكانه مش هنا بس انا حبيت اكتبه هنا عشان عايزه رأي يرجعنى لديني من تانى
انا عندى مشكلة كبيره اوى وعايزه اتكلم مع حد بصراحه انا فى اولى ثانوى عندى 16 سنه للاسف طول عمرى اختياراتى دايما بتكون غلط مش عارفه ليه دايما لما بتكلم مع اى حد فى البيت بيعاملنى على انى طفله ودايما كلامها ملوش لازمه تفاهه واى حاجه غلط دى تبقه قله ادب للاسف ابتديت انى الجئ للى بره الصراحة انا عارفة اللى بعمله ده غلط بس انا مش عارفه ليه بعمل كده يعنى وانا فى اولى اعدادى كنت لسه خارجه من مرحله الابتدائى وطلعت بقه بعيد عن البيت عشان المدرسة وعرفت بنات للاسف مش كويسه مشيت فى سكتهم شباب وخروج ولبس مش كويس مش عارفه ليه كنت بعمل كده بس كنت دايما بحس بحريتي وانا بره المشكلة بقه انا عرفت شاب هو اكبر منى ب 4 سنين هو انا زى اى بنت بتتمنى حاجات معينه فى فارس احلامها شكله واستايله واسلوبه وكل حاجه فيه لقيتها بس للاسف اخلاقه مكنتش اللى بتمناها كان بيطلب منى حاجات دايما متنفعش انها تحصل حاجات يرفضها الدين والمجتمع والمبدء نفسه سبته وسبت اصحابى دول كلهم ودخلت مرحله ثانوى والمشكلة انى بحبه بجد بحبه اوى اوى اوى بس احنا رجعنا تانى انا وهو ووعدنى انه مش هيعمل كده تانى والمشكله حتى انى عارفه انه كداب فى كل كلمة بيقولها لانه عمره ما قال كلمة صدق ابدا وكمان سنى ودراستى يمنعونى من انى اتخطب او اتجوز والكلام ده وهو شكله مش واخد الموضوع جد وانا نفسى ابعد عنه لانه انسان فاشل فى كل حاجه بس انا اتخدعت فيه وفى كل حاجه وانا نفسى ابعد عنه وابعد عن الناس كله لانى كل لما بشوفه بقرف من نفسى بس فى نفس الوقت بحبه ازاى مش عارفه انا اتخنقت وزهقانه بس انا لازم ابعد لازم لازم لازم مفيش اى قرار تانى بس كل لما باخد القرار ده تانى ولما بشوفه مش بقدر
ارجوكم عايزه اى كلمة تساعدنى بدون انكم تنقدونى وتقولو انتى مراهقه او طفله زى الناس كلها ما بتقول انا عايزه كلام يقنعنى انا عارفه انى انسانه وحشه جدا لانى بعمل الحاجات اللى تغضب ربنا وانا عارفه ان ربنا مش راضى عنى وانا تعبانه بجد اوى
ساعدونى

اعقلى واتركى هذه الأوهام من عقلك ثم اقتربى من الله عز وجل

كيوت بنوت
هقولك حاجتين وبس
سبب اختياراتك الغلط ممكن يرجع لحاجتين
ان اللى فى البيت مش بيتكلموا معاكى فلو جيتى تاخدى قرار مش بتلاقي حد تناقشيه ده صح ولا لا
عشان كدة لجأتى للى برة بس اللى برة مش دايما كويسين
وان معظم الاهالى مش بتصدق ان بنتهم كبرت ودايما بيعاملوها على انها طفلة ومش تعرف مصلحتها وهما مسؤلين عنها لازم يمشوا حياتها على الاساس اللى هما شايفينه صح
انتى اثبتي لهم انك كبرتى وقرارك صح
كلميهم .... ناقشيهم .... شاركيهم معاكى حتى لو مشكلة بسيطة
حسسيهم ان ليهم دور فى حياتك او اهمية بالنسبة ليكى وهتلاقي معاملتهم اتغيرت ان شاء الله
وعرفي الناس كلها انك مراهقة عاقلة لانك دلوقتى بقيتى*امرأة* مش طفلة
تاني حاجة
انتى عارفة صفات الولد ده كويس بعيدا عن شكله لانه مش هو اللى خلق نفسه حلو او وحش*كداب - اخلاقه مش كويسة - فاشل*
بس لو انتى متأكدة انه صادق بجد فى انه يتغير ويكون معاكى فى طريق صح *سنك سن خطوبة* يبقي خليه يكون رسمى
لو مش جاد فى كدة سيبيه وربنا ان شاء الله هيرزقك الاحسن منه مليون مرة
انك خرجتى معاه دى كانت محتاجة رقابة من الاهل شوية بسبب السن ده عايزة تنطلقى
بس اتحررتى من قيم واخلاق كتير جواكى بس كنتى بتداريها *اكبر دليل انها موجودة جواكى انك حاسة بالذنب وانك عملتى حاجة غلط*
ممكن تكونى بتحبيه لانك اتعودتى وجوده فى حياتك او اتعلقتى بيه الفترة اللى كنتى معاه فيها
قربي لربنا اوى وكلمى اى حد حواليكى تثقي فيه بس تكون بنت
احمدى ربنا ان ربنا بيحبك لانه هداكى لطريقك


ربنا يوفقك يا قمر وابقي قوليلنا عملتى ايه

بصراحه ساسو وضحت كل حاجه انا عجبنى رايها
وبعدين اى بنت مهما كبرت اهلها بيحسسوها انها لسه طفله ومحتاجه رقابه مش هقولك انك طفله انتى كبيره لكن حاولى بجد تقربى من اهلك حسسيهم انك كبيره وقربى من ربنا وبجد ربنا بيحبنا كلنا وبيجبك لانه هداكى اهو عايزه تعرفى طريق تبعدى عن الغلط وبعدين واجهى حبيبك دا قوليله تعالى قول لاهلى لو بيحبك مش هيسيبك ومش هيتردد يعلن حبه لحد ومش تطاوعيه فى اى حاجه غلط وحاولى تصاحبى بنات كويسين لانك بتاخدى سلوكهم وهيحاولى يغيروكى بجد

تقبلى مرورى

حبيبتى انا سنى قريب منك اوى وحاسة بيكى اوى انا هقولك رايى ويارب اقدر اساعدك بيه
انا شايفة ان اللى انتى فيه دة بيحصل لكل البنات اللى فى سننا كلنا بنبقى حاسين ان احنا كبرنا وعايز ناخد قراراتنا لوحدنا وممكن توصل لدرجة اننا نكره اهلنا مع بعض الناس لانهم بيحسسونا ان احنا صغيرين وان احنا مبنعرفش نختار اى حاجة صح حتى اصحابنا بس اللى اقدر اقولهولك ان ربنا بيحبك اوى وهتحسى بده اكيد حتى لو مش حساه دلوقتى واكبر دليل انك عارفة انك اتكلمتى وقلتى انك غلطانة ومفيش غير سبب واحد انك لسة بتحبى الشاب دة ان الشيطان بيزينهولك كل ما تشوفيه رغم انك عارفة انه مش كويس بس انا شايف ان هو ما يستحقش حبك ليه وارتباطك بيه لانه مابيحبكيش هو لو بيحبك كان خاف عليكى وكان جيه خطبك او على الاقل اتعرف على اهلك
حاولى تحافظى على نفسك من الشيطان وقربى لربنا اكتر لانه اكتر واحد بيحبكوقولى الدعاء ة دايما (اللهم انى اعوذ بك من الشيطان من همزه ونفثه ونفخه)
ويارب اكون قدرت افهمك وعايزة اعرف رايك بعد ما تفكرى كويس

بما اننا فى القسم الاسلامى وممكن اغلبكم يقول ان الموضوع مكانه مش هنا بس انا حبيت اكتبه هنا عشان عايزه رأي يرجعنى لديني من تانى
دى فى حد ذاتها خطوة ايجابية من اكتر من ناحية :av4056bb7jp3:
اولا : انك عندك شعور ان فى حاجة غلط
ثانيا :انك بتسألى عشان توصلى للصح
ثالثا : انك متمسكة ان حياتك ينظمها الدين
لأن المشكلة حتبقى اكبر لو رضيتى بالغلط و اخذتى قراراتك لوحدك دون استشارة احد
انا عندى مشكلة كبيره اوى وعايزه اتكلم مع حد بصراحه انا فى اولى ثانوى عندى 16 سنه للاسف طول عمرى اختياراتى دايما بتكون غلط مش عارفه ليه
انا طبعا مش معاكى خالص لأن مافيش انسان كل قراراته غلط يبقى
1- يكون فى ثقة فى الله اولا (لأن كل شىء بيده ) ثم فى نفسك
2- نحن لا نعلم الغيب لذلك كل انسان بيكون فى قرارات صحيحة وقرارات غلط
3- اى انسان فى جزئين فى حياته ،جزء مظلم وجزء مضىء ولازم تكون نظرتك لنفسك متوازنة تفاؤل بالايجابيات ومعالجة للسلبيات
دايما لما بتكلم مع اى حد فى البيت بيعاملنى على انى طفله ودايما كلامها ملوش لازمه تفاهه واى حاجه غلط دى تبقه قله ادب:stickjo4:
ده خطأ منتشر بين معظم الآباء والامهات لكن بايدنا نثبت العكس وده طبعا لازم يبدأ بالثقة ويتطور بالحرص على تحمل المسئولية تجاه نفسك اولا يعنى لو انتى مهتمة بمذاكرتك مثلا مافيش حد يقولك ذاكرى لو مهتمة بالصلاة وآداء الواجبات و..... دى حاجات بتفرض على الآخرين احترامك لأنهم شايفين انك على قدر المسئولية
للاسف ابتديت انى الجئ للى بره الصراحة انا عارفة اللى بعمله ده غلط بس انا مش عارفه ليه بعمل كده يعنى
مش غلط انك يكون ليكى اصدقاء واصحاب بنات محترمين:078111rg3: بالعكس ممكن يكونوا بالنسبة ليكى شىء جميل بس المهم انهم يكونوا كويسين جدا وعلى خلق ومهتمين بنفسهم وبدراستهم مش مستهترين ولا ....
وانا فى اولى اعدادى كنت لسه خارجه من مرحله الابتدائى وطلعت بقه بعيد عن البيت عشان المدرسة وعرفت بنات للاسف مش كويسه مشيت فى سكتهم شباب وخروج ولبس مش كويس مش عارفه ليه كنت بعمل كده بس كنت دايما بحس بحريتي وانا بره
عملتى كده لأنك
· كان عندك فراغ فى حياتك لأن الانسان اجتماعى بطبعه يعنى لازم يكون فى حوار فى حياتك داخل البيت فى جو الاسرة او خارج البيت مع اصدقاءك المقربين ((مش اى اصدقاء طبعا )) وبحدود ((مش اى حد نقول ليه اى حاجة ))
· لازم يكون ليكى هوايات مفضلة ووقتك يكون منظم شوية وبكل الطرق تقضى تماما على اى وقت فراغ فى حياتك .
المشكلة بقه انا عرفت شاب هو اكبر منى ب 4 سنين هو انا زى اى بنت بتتمنى حاجات معينه فى فارس احلامها شكله واستايله واسلوبه وكل حاجه فيه لقيتها
لازم تحطى قاعدة مهمة امام عينيكى ليل نهار حتى تتفوقى فى حياتك المقبلة وهى
هذا التفكير له وقت مناسب واى تفكير فى هذا الموضوع فى غير وقته لن تفوزى منه الا بالضرر
ولأن التفكير ليس بيد أحد فان القضاء عليه يكون بان تشغلى نفسك بما هو مفيد ، بصداقتك لأصحابك المخلصين ، واهم حاجة هى الدعاء
فى كل امر اجعلى الله امام عينيكى والجأى اليه فى كل صلاة بأن يوفقك ويثبتك
بس للاسف اخلاقه مكنتش اللى بتمناها كان بيطلب منى حاجات دايما متنفعش انها تحصل حاجات يرفضها الدين والمجتمع والمبدء نفسه سبته وسبت اصحابى دول كلهم ودخلت مرحله ثانوى والمشكلة انى بحبه بجد بحبه اوى اوى اوى
بتغالطى نفسك لأن ده مش حب لأسباب كتير وأنا اؤكد لكى ان الفراغ الاجتماعى فى حياتك هو السبب الذى جعلكى تتعلقين بأول شىء وجدتى فيه نفسك ، ومن باب التجربة وحب الاستطلاع خاصة وانتى تشاهدين الكثير من البنات تفعلن ذلك
بس احنا رجعنا تانى انا وهو ووعدنى انه مش هيعمل كده تانى والمشكله حتى انى عارفه انه كداب فى كل كلمة بيقولها لانه عمره ما قال كلمة صدق ابدا
كويس انك قدرتى تحكمى عليه من غير ما تغلب عليكى العاطفة
بالنسبة له هو مجرد تسلية ولا يمانع فى التسلية بان يحلف لكى مع كل جملة ويوعدك مع كل كلمة وهو لايمانع ان يكرر التجربة مع الف بنت فى نفس الوقت ويعتقد ان هذا فخر له
وكمان سنى ودراستى يمنعونى من انى اتخطب او اتجوز والكلام ده وهو شكله مش واخد الموضوع جد
لايمكن ياخد الموضوع جد ، لأن فى حاجات كتير ومسئوليات تحكم الموضوع ويوم ما حيفكر وده بعد عمر طويل حيقولها لنفسه ( هى كلمتنى ومشيت معاى يبقى اكيد حتمشى مع غيرى واخلاقها مش كويسة حتى لو حلف الف مرة انك ملاك لكنه لن يقتنع )
وانا نفسى ابعد عنه لانه انسان فاشل فى كل حاجه بس انا اتخدعت فيه وفى كل حاجه وانا نفسى ابعد عنه وابعد عن الناس كله لانى كل لما بشوفه بقرف من نفسى بس فى نفس الوقت بحبه ازاى مش عارفه انا اتخنقت وزهقانه بس انا لازم ابعد لازم لازم لازم مفيش اى قرار تانى بس كل لما باخد القرار ده تانى ولما بشوفه مش بقدر
تبعدى عنه ده قرار مش محتاج كلام لكن تبعدى عن الناس هو ده الغلط بالعكس عشان تقدرى تبعدى وماتفكريش لازم تنقلى اهتمامك الى اشياء كثيرة مفيدة واصدقاء تتحدثين معهم وطبعا الدراسة حتبدأ . سيبك منه وركزى فى دراستك
ارجوكم عايزه اى كلمة تساعدنى بدون انكم تنقدونى وتقولو انتى مراهقه او طفله زى الناس كلها ما بتقول
كلمة مراهقة مافيهاش حاجة دى مرحلة عمرية الانسان بيمر بيها
لكن الكبير كبير بعقله وتصرفاته لكن لازم تشيلى من دماغك فكرة حب او علاقات
انا عايزه كلام يقنعنى انا عارفه انى انسانه وحشه جدا لانى بعمل الحاجات اللى تغضب ربنا وانا عارفه ان ربنا مش راضى عنى وانا تعبانه بجد اوى
برضه مش معاكى فى انك تقولى انك انسانة وحشة لأن كل انسان معرض للخطأ لكن المهم انه يحاول يستفيد من غيره ويرجع عن الخطأ فورا ويتوب الى الله والا ما شرع الله التوبة لعباده بالعكس ان الله يفرح بتوبة العبد بس التوبة ليها شروط
الندم على المعصية – الاستغفار – العزم على عدم العودة الى المعصية
ومع حرصك على آداء كل صلاة فى وقتها وما تستطيعى من القرآن و الاذكار
عليكى بالدعاء
المهم القرار اللى تاخديه انك تبعدى عن الموضوع ده نهائى وتقفلى اى طريق يساعدك ليه يعنى لو فى اصحابك بنات مش كويسين سيبيهم
لو بيكلمك فى التليفون ماترديش طبعا ولو موبايل غيرى الخط
التحدى الحقيقى فى قرارك ده انك تكونى قده وواثقة انك صح
ساعدونى




اتمنى اكون ساعدتك برايى المتواضع :078111rg3:
واسال الله ان يوفقك فى دينك ودنياك

السلام عليكم
ربنا يكرمك يا أختي ويهديكي إلى الطريق المستقيم

تقبلي نصيحتي التزمي في صلاتك لو أنتي بتصلي - ولو انك لا تصلين فحاولي بشتى الطرق أن تصلي وتخلصي لله عز وجل في صلاتك ( إن الصلاة تنهى عن الفحشاء والمنكر... )
فكري جيدا في كل أفكارك وأفكار أهلك من حولك ، وياريت لا تقارني نفسك بأي بنت تعرفينها أو تقارني أهلك بأي أهل بنت أخرى

وبالنسبة لموضوع الحب والكلام ده فهو وهم بالنسبة لك انتي تحاولين أن تجدديه كل شوية وده أكيد لأن وقتك فاضي أو أن الشخص ده لسانه أو كلامه حلو وجميل علشان كده عرف نقطة ضعفك أن محدش بيسمعك كلام حلو
وطبعا أي بنت أو امرأة مهما كانت تحب الكلام الحلو ولو نفاقا
لو وقتك فاضي : اشغليه بحب الله وحب القرآن وقراءته وسماعة بصورة مستمرة ، وكذلك حب النبي صلى الله عليه وسلم الذي خلص البشرية من جهل الجاهلين وظلم الظالمين
ولو أن الشخص ده كلامه حلو : فحضرتك مش هتنتظري تسمعي أي كلام من واحد بيسمعه لأي بنت فهو نفسه شيطان للأنه يطلب ويفعل أشياء تغضب الله تعالى

وتأكدي أنك في زمن قريب سوف يكون لك رأي يحترمه الجميع لأنك الآن في فترة سكون في الكلام وطبعا دوام الحال من المحال ، وتذكري أن الله تعالى يقدر الخير لعباده ( وما ربك بظلام للعبيد )
وأنا كنت مثلك في موضوع الرأي - يعني محدش كان بسمع لي -
الآن ولله الحمد ناس كتير تأخذ برأيي وأخذت وضعي في بيئتي
وكمان طالبات عندى في مدرسة إعدادي بيأخذن برأيي في مواقف كثيرة تخص الدنيا والدين (لأني معلم لغة عربية)
فاصبري وكوني قوية واحمدي الله على نعمة الإسلام

السلام عليكم
ربنا يكرمك يا أختي ويهديكي إلى الطريق المستقيم

تقبلي نصيحتي التزمي في صلاتك لو أنتي بتصلي - ولو انك لا تصلين فحاولي بشتى الطرق أن تصلي وتخلصي لله عز وجل في صلاتك ( إن الصلاة تنهى عن الفحشاء والمنكر... )
فكري جيدا في كل أفكارك وأفكار أهلك من حولك ، وياريت لا تقارني نفسك بأي بنت تعرفينها أو تقارني أهلك بأي أهل بنت أخرى

وبالنسبة لموضوع الحب والكلام ده فهو وهم بالنسبة لك انتي تحاولين أن تجدديه كل شوية وده أكيد لأن وقتك فاضي أو أن الشخص ده لسانه أو كلامه حلو وجميل علشان كده عرف نقطة ضعفك أن محدش بيسمعك كلام حلو
وطبعا أي بنت أو امرأة مهما كانت تحب الكلام الحلو ولو نفاقا
لو وقتك فاضي : اشغليه بحب الله وحب القرآن وقراءته وسماعة بصورة مستمرة ، وكذلك حب النبي صلى الله عليه وسلم الذي خلص البشرية من جهل الجاهلين وظلم الظالمين
ولو أن الشخص ده كلامه حلو : فحضرتك مش هتنتظري تسمعي أي كلام من واحد بيسمعه لأي بنت فهو نفسه شيطان للأنه يطلب ويفعل أشياء تغضب الله تعالى