أنقذونا نحن أهالي قرية رأس الخليج البلد - مركز شــربين - محافظة الدقهلية .
يباع الرغيف المدعم فى رأس الخليج بمبلغ سبعة قروش تقريبا لصالح مين وهذا على علم جميع المسئولين فى القرية من تموين وخلافه .
ما يحدث فى رأس الخليج يباع العيش المدعم من الأفران فى رأس الخليج البلد - شربين - دقهلية مقابل جمع مبلغ ثلاثة جنيهات من كل مواطن فى نهاية كل شهر يوم 28 و 29 و 30 بحجة التكيس ويدفع المواطن مبلغ 75 قرش يوم بعد يوم لاستلام خمسة عشر رغيف مدعم أى يقف الرغيف المدعم على المواطنين فى رأس الخليج بمبلغ سبعة قروش وليس خمسة قروش كما تقول الدولة ووزارة التموين ونسمع أو يتردد بين الناس أن مكتب تموين رأس الخليج شريك فى هذا الموضوع وكذلك رئيس الوحدة المحلية ورئيس المجلس الشعبي المحلى وكل واحد يأخذ حصته من المبلغ المحصل شهريا منهم من يأخذ ألف جنية أو ألفين جنية أو خمسمائة جنية حسب منصبة وسيطرته ......
عدد الأرغفة التى يحصل عليها الفرد فى الشهر = 15 رغيف × 15 يوم = 225 رغيف
المبالغ المحصلة فى الشهر من كل مواطن = 75 قرش × 15 يوم + 300 قرش = 1425 قرش
ثمن الرغيف المدعم الذى يباع فى رأس الخليج = 1425 ÷ 225 = 6.333 قرش
مكسب الرغيف الواحد = 6.333 – 5.00 = 1.333 قرش
عدد الأرغفة فى اليوم = 2 فرن × 9000 رغيف حصة الفرن الواحد فى اليوم = 18000 رغيف
عدد الأرغفة فى الشهر = 30 × 18000 = 540000 رغيف
العائد الشهرى من بيع العيش المدعم فى رأس الخليج البلد =
= 540000 × 1.333 = 719820 قرش = 7198.2 جنيه
أين مكتب التموين برأس الخليج وأين تموين شربين وأين تموين الدقهلية وأين وزارة التموين .

:abdoog8:

كلمة حق
الى كل معارض من اجل المعارضة الى كل متسلق يبحث عن لقمة العيش فى معارضة العمل الصحيح
اخوانى المواطنين من العقلاء الى كل من لدي عقل يوزن بة الامور اليكم كلمة الحق
ردا على الاخ المحاسب الذى يتكلم عن رغيف العيش فى رأس الخليج البلد التى كانت فى غيبوبة وغفلة والجميع نائمون وعندما بدأت الصحوة والنشاط يسرى فى دماء بعض المخلصين الذين لا ينامون فى خدمة اهالى القرية بدأت من هنا يدا خفية معذرا يدا ملوثة نحن نعرفها وهم من الذين ليس لهم اى اهمية فى المجتمع ولايجيدون القرأة ولا الكتابة ارادو هؤلاء القلة المبعثرة ان يستغلو النشاط لصالحهم وليس للقرية كما يزعمون ارادو ان يتربحو من النشاط (بالبهالة) معذرة اخى الكريم فليس هناك لفظ اخر يطلق علية غير هذا
المهم
انا احد الاشخاص الذين لهم صلة بالموضوع ولان انا فى معزل عن هذا اقول ان القرية كان يباع فيها رغيف الخبز فى الافران حيث الهمجية والسرقة فى الدقيق وكانت الغلبة للقوة فالزى يستطيع ان يحصل على الخبز هو القوى جسمانيا ولا يكون للفقير حظ منها والان اخى الدكتور المحاسب هيا بنا الى الحسابات الصحيحة وليست المفبركة لاثارة الجماهير
وهناك سؤال يفرض نفسة وهو اين يذهب مبلغ 3 جنية ؟
اقول لكم 1-هناك منفذ مؤجر بمبلغ 100 جنية شهريا
2-هناك اربع عمال فى اربعة منافذ يتقاضون مبلغ 1200جنية شهريا
3-هناك نقل للخبز من الافران الى المنافذ بمبلغ 1200 شهريا
4-هناك اكياس لتعبئة الخبر لكى يصلح للنقل 200كيلو بمبلغ 2000 شهريا
5- هناك بطاقات توزيع الخبز والادوات الكتابية (اقلام -واوراق وخلافة ......) بمبلغ 400جنية شهريا
6- وهناك مصاريف اخرى نثريات تختلف من شهر لشهر
7- كما ان هناك فى بعض الاحيان يكون هناك عجز فى الخبز وعجز فى الفلوس
8- وهو البند الاهم ان هناك اشخاص فى رأس الخليج يحصلون على باقة العيش مجانا وكذللك الخبز طوال الشهر
واخير
كل الاعمال مهما كانت صالحة وكانت هادفة لاتصل فى اى حال من الاحوال الى الكمال فالكمال للة وحدة ولابد من ان هناك نواقص فى اى عمل فيا اخى المواطن وكما اخبرتك من قبل اذا كنت صالحا ولديك فكر يطور العمل تقدم بة ولاتنتظر مقابل مادى افضل من تعطيل الاعمال لغرض الشهرة وابتزاز الاموال فنحن لانعطيك ولا فلس احمر مهما صنعت

السلام عليكم ورحمة الله وبركاتة انا حابب ارد على الاخ الاول والاخ الثانى انا من راس الخليج بس مسافر حاليا وممكن اكون مش متابع ذى اللى موجود فيها بس انا حابب اتكلم بصراحة الاخ بيقول لما يحصل حاجه كويسه لازم نقول ان فى حاجه صح اتعملت ومش انتقاد عمال على بطال بس لازم نعرف احنا واقفين فين وبقالنا اد ايه والخدمات اللى اتقدمت عباره عنم ايه والهدف اللى احنا عايزين نحققه ايه
احنا لسه بنتكلم على العيش وازاى يتوزع ومشاكل توزيعه احنا متاخرين اوى اوى مشكلتنا فى راس الخليج ان ما فيش شغل يعنى ما فيش فلوس يعنى ما فيش خدمة كويسه بتتقدم
وداه معناه ان ما فيش حد شغال فى مكانه الصح تلاقى المحاسب شغال نجار والنجار شغال فى المجلس المحلى والدنيا ملخبطه
انا مسافر فى دولة خليجية مش ها قولك ان لازم الكفاءة عشان تشتغل بس انت بتفهم فى ايه هو داه المعيار وبالتالى تشتغل فيه وبالتالى تكتسب خبره وبعدين يزيد دخلك وبعدين مش ها تبقى المشكله هيا توزيع العيش ها تستغربو انى بربط بين الشغل والعيش
انا رايى ان احنا فاهمين الحكاية بالمشقلب يا جماعة نتكلم فى توفير شغل ومصانع وبعدين الدنيا ها تتغير تلقائى
وبعدين بلاش نشكك فى بعض وانتماء بعض ونوايا بعض هو بيوضح المشكله من وجهة نظره وانت بتوضحها من وجهة نظرك بس ياريت نتكلم على اصل المشكلة مش على اعراض المشكله لو احنا عايزين حل وتحياتى للسنجاوى والجزار

ربنا معاكم

مساء الخير على الجمبع

يا ترى حد كان بيشجع الجزائر النهارده .

سلامى للجزار والسنجاوى ومحبة اللغة وربنا يوفق الجميع وياريت نبقى فى تواصل دايما