واقعة غريبة من نوعها شهدتها إحدى المدارس الابتدائية بمنطقة فوريست هيلز بمدينة نيويورك، عندما قامت الشرطة بالقبض على الفتاة "أليكسا جونزاليز" البالغة من العمر 12 عاماً وتقييدها بالكلبشات من داخل المدرسة.

الواقعة تعود -وفقاً لموقع الـcnn- إلى قيام الفتاة بكتابة التالي على المكتب الخاص بها في المدرسة: أنا أحب صديقتيّ "آبي" و"فيث".. ووقّعت باسمها ليكس 2 يناير 2010.

المدرسة اعتبرت ما فعلته الفتاة تخريباً لممتلكاتها فقامت باستدعاء البوليس الذي قام بالقبض على الفتاة وتقييدها بالكلبشات، واقتيادها إلى قسم الشرطة على مسمع ومرئى من الطلاب.

الفتاة من جهتها قالت -بينما هي تجهش بالبكاء: "لقد وضعوا الكلبشات في يدي، ولم أصدّق ما يحدث، لم أكن أرغب أن يراني زملائي بهذا الشكل ويظنوني فتاة سيئة".

الفتاة تم إطلاق سراحها في وقت لاحق، ولكن وسط غضب شعبي من التطبيق المتعسف للقوانين في المدينة؛ حيث إنها لم تكن المرة الأولى التي يتم القبض فيها على أطفال في مثل هذا السن واقتيادهم إلى قسم الشرطة، حيث سبق وتم القبض على أكثر من 25 طالباً في إحدى مدارس "إلينوي" بينهم طلاب لم تبلغ أعمارهم 11 عاماً؛ بسبب مشاجرة حول الطعام.

لو القانون ده اطبق يوم واحد عندنا
حيبقى في ازمة سكانية في الأقسام :d

لو القانون ده اطبق يوم واحد عندنا
حيبقى في ازمة سكانية في الأقسام :d
كل اللى جواه اى كلمة يكتبها على الديسكات او حائط الفصل
مش بتعرف لون الديسك من الكتابة اللى عليه
احنا فى نعمه

http://www.scs.uiuc.edu/ethics/where1_files/image002.jpg
الغش داء الدول المتخلفة

انا كنت بلاحظ فى احدى المدارس الكبيرة وكنت موجود فى احدى الفصول بالطابق الارضى فشاهدت تلاميذ المرحلة الاعدايه اثناء الفسحة وهم يقومون بتخريب المعلب وشد الجون وسط الفناء وعملوه مرجيحة وسط سخب التلاميذ والضرب على النافدة التى يؤدى امتحان الابتدائى بها واللعب بسارى العلم ولم يملك احد من الملاحظين الكلام ......لماذا لأن هذه المدرسة خاصة وبمصروفات ومعظم الاولاد ولا د ناس وعجبىىىى

والله انا مش عارفه اقوول ايه ..

بس مش للدرجه دى يعنى ..
!!!!!!
شكرا ..

انا بشوف طالبات كتير بيعملوا كده
لو القانون ده كان عندنا كان الفصل زمان الفصل كله فى السجن

ده او كان القانون ده بيطبق عندنا
كان زماني مقبوض عليا دشليون مرة
منا كنت مخربة برضه :d
بس برضه مش للدرجة دي
امال لو كانت كسرت الازاز بتاع الشباك ولا حاجة كانوا عملولها ايه

مشكور على الخبر
وان كان فى تعسف
ولكن يوضح مدى احترام السلطة لتطبيق
القانون على الجميع والحفاظ على ممتلكاات الدولة

انا كنت بلاحظ فى احدى المدارس الكبيرة وكنت موجود فى احدى الفصول بالطابق الارضى فشاهدت تلاميذ المرحلة الاعدايه اثناء الفسحة وهم يقومون بتخريب المعلب وشد الجون وسط الفناء وعملوه مرجيحة وسط سخب التلاميذ والضرب على النافدة التى يؤدى امتحان الابتدائى بها واللعب بسارى العلم ولم يملك احد من الملاحظين الكلام ......لماذا لأن هذه المدرسة خاصة وبمصروفات ومعظم الاولاد ولا د ناس وعجبىىىى

يا اخى لا تتعجب
انى كنت مراقب فى احدى اللجان وفى اخريوم من الامتحان
تم تجميع التخت فى احد الفصول وتم اشعال النيران فيها من قبل الطلاب
وهناك ايضا من كان يقوم بالقاء التخت من الدور الرابع والخامس

ياجماعة دول في امريكا
لا داعي للتعجب
لا داعي للمقارنة

دول ناس و احنا ناس تانية

احنا بنتعجب شويتين لما نعرف ان في الهند ناس بتعبد البقر دول ناس و احنا هنا ناس تانية

برضة لما نشوف الخبر دة نتعجب شوية و نعديها

تاني كمان مرة دول ناس و احنا ناس تانية خاااااااااااااااالص

ارجو مراجعة توقيعي علشان تستريحوا

مشكورين على مروركم

انا بقى طالب شاطر مش بكتب انا بحب ماما و بابا انا بكتب المنهج على الديسك يو الامتحان شوفوا الفرق بقى بيني و بينها دنا المفروض اخد نوبل لأن الى انا بكتبه ده مش حيفيدنى انا بس ده حيفيد الاجيال القادمه كمان :]
ولا ايه رأيكوا و عمار يا مصر

لاحول ولاقوة إلا بالله
ربنا يخلى لنا الناس اللى هنا وياخد الناس اللى هناك
طيب خلى عسكرى بس يروح أى مدرسه لأى سبب حتى لو بيمنع مشاجره بين الطلبه
واخوانا البعده يشوفوه فى الفضائيات والصحف إياها
إما عملوا منها موضوع ولبسوه قضيه وخربوا بيت أبوه
قوانين إيه اللى هتتنفذ وإحنا فى عز الفوضى دى
ربنا يصلح الأحوال فليس لنا سواه وربنا يلطف بينا

لاحول ولاقوة إلا بالله

يا سلام ادي الدول اللي بتحكم ميش عندنا

كل طالب يكتب براحته على الديسك ومرة قلت واحدة في الفصل ليه كدا

اقل اجابة تقلها وانتي مالك هي كانت من فلوسك

يلا

والله كويس البنت بقت رد سجون وهي لسه ابتدائي علي العموم المفروض الشعب المصري بيحب الذكريات والكلام ده موجود كان عند الفراعنه كمان ان المدارس تعمل دفاتر كبيره وكل طالب يكتب فيها صفحه مختصره عن ايامه اللي كانت في المدرسه وبعد كده الطلاب اللي المراحل الجايه يشوفوها او الكاتب يبقي يطلع عليها بعد مرور وقت ودي بدل ما نكتب الاسامي علي الجدران وعلي فكره في مواقع انترنت بتعمل كده بحيث تخليك تكتب رساله نفسك وتبعتها لبريدك الالكتروني بعد عدد محدد من السنين وعلي فكره بالمناسبه كمان انا لسه رساله وصلتني من شهرين كنت كاتبها لنفسي قبل نتيجه الثانويه العامه بيوم

هايل القانون دا لو بيطبق فى مصر يبقى المدارس هتكون فاضية

هههههههههههه
يجوا يشوفوا دسكى مفيهوش حته مش كاتبه فيها حاجه

بكرة احمد زكى بدر ( من غير دكتور ) ينزل القانون ده

عشان يخلص مننا

النظام والاخلاق مفيش احسن منها .بس القانون ده متعسف اوووي للاطفال .

:049gc0::049gc0:
عندنا ياسيدي الفاضل التلاميذ بتحفر في الديسكات مش بتكتب عليها فقط لآن النحت في الصخر وترك البصمات على كل شيء من مواهب المصري عبر الأجيال:stickjo4::stickjo4::stickjo4: