مشاهدة النسخة كاملة : ننشر جداول مواعيد امتحانات الثانوية العامة
سمير الجابرى 20-02-2010, 05:32 PM تبدأ 12 يونيو.. ويوم واحد قبل "الفيزياء"..
ننشر جداول مواعيد امتحانات الثانوية العامة
http://www.youm7.com/images/NewsPics/large/s120106195116.jpg وزير التعليم
حصل اليوم السابع على الجدولين اللذين اقترحتهما وزارة التربية والتعليم لمواعيد امتحانات الثانوية العامة المقبلة بمرحلتيها الأولى والثانية وأرسلتهما، اليوم، السبت، إلى المديريات التعليمية بالمحافظات تمهيدا لاستطلاع آراء شريحة من طلاب الثانوية فيهما، وذلك لمدة 4 أيام ثم إخطار الوزارة مرة أخرى برأى الطلاب فى الجدول الأنسب فيهما تمهيدا لاعتماده.
وبحسب الجدولين المقترحين من جانب الوزارة تبدأ امتحانات الثانوية العامة المقبلة فى موعد موحد هو السبت 12 يونيو المقبل بمادة اللغة العربية للمرحلة الأولى "الصف الثانى الثانوى"، ومادة التربية الدينية للمرحلة الثانية "الصف الثالث الثانوى"، وفى الأحد 13 يونيو امتحان التربية الدينية للمرحلة الأولى، واللغة العربية للمرحلة الثانية.
فيما حددت الوزارة موعدين مقترحين لنهاية الامتحانات إما يوم الأحد 27 يونيو بامتحان "علم النفس والاجتماع" للمرحلتين الأولى والثانية أو يوم الإثنين 28 بامتحان مادة "الجغرافيا" للمرحلتين، بمعنى أن مدة عقد الامتحانات ستصبح 15 يوماً تبدأ فى 12 يونيو وتنتهى 27 من الشهر ذاته بحسب الجدول الأول، أو تنتهى 28 من نفس الشهر بحيث تصبح مدتها 16 يوما بحسب الجدول الثانى.
وتقترح الوزارة عقد امتحان مادة الفيزياء للمرحلة الثانية فى يوم السبت 19 يونيو ولمدة 3 ساعات ويسبقه يوم أجازة واحد هو يوم الجمعة وهو موعد موحد بالجدولين.
أما مادة "رياضة 2" لطلاب المرحلة الثانية فتقترح الوزارة عقدها على 3 امتحانات هى التفاضل والتكامل يوم الخميس 17 يونيو أو الأحد 20 يونيو، والميكانيكا يوم الاثنين 21 يونيو أو الأربعاء 23 يونيو، والجبر والهندسة الفراغية فى اليوم التالى الموافق الثلاثاء 22 من نفس الشهر أو اليوم التالى 24 يونيو.
فى الوقت نفسه أفادت مديريات التربية والتعليم بالقاهرة الكبرى بأن الجدولين المقترحين وصلا من الوزارة صباح اليوم إلى المديريات ومنها إلى الإدارات التعليمية على أن يبدأ طلاب المدارس فى إبداء رأيهم فى أنسبهما بدءا من غد الأحد ولمدة 4 أيام، وستسمح المديريات للطلاب بتقديم مقترحات بوضع مادة بدلاً عن مادة ويوم مكان يوم، ثم ترسل كل مديرية آراء طلابها إلى الوزارة تمهيداً لاعتماد الجدول النهائى لامتحانات الثانوية العامة المقبلة.
الجدول الاول
http://www.youm7.com/images/issuehtm/images/youm/gadwalemthanat2022010/2.jpg
الجدول الثانى
http://www.youm7.com/images/issuehtm/images/youm/gadwalemthanat2022010/1.jpg
Prof.Dr/A.T.M 20-02-2010, 05:51 PM ايه الجدول العبيط ده تانية وتالتة هيمتحنوا فى نفس اليوم طيب ليه اللخبطة دي
لا وحش
BaNZeR 20-02-2010, 08:20 PM ايه الجدول العجيب ده
ويعدين امتحانات النقل بدري
المفروض يبقى بدري عن كده
Łosт Mεмoяч 20-02-2010, 08:43 PM ايه الجدول الرخم ده
يوم واحد قبل الفيزياء لا كتير بجد كتيررررررررررررررررررررررر
هما مش ناوين يلغو الثانويه دى ويرحمو الناس شويه
يلا ربنا مع الطلاب ان شاء الله:bosyht9:
Bent 3bdo 20-02-2010, 08:43 PM الناس دي يا بتستعبط يا بتستعبط
الفيزيا قبلها يوم واحد
لا كتير بصارحه
يلا ربنا معاهم كلهم ان شاء الله
بركاتك يا زكى يا بدر
Mr Hamada Hashish 20-02-2010, 09:20 PM beltawfeek
ياسمينايا 21-02-2010, 04:42 PM هما ايه مش عايزين الطلبه ينجحو!!!!!!
شكرا..
زائر غير مسجل 21-02-2010, 07:49 PM ايه الجدول ده
والله العظيم حرام
ازاي نص يوم بس قبل الاحياء في الجدول الاول
او يوم ونص في الجدول التاني
ده ماينفعش
المفروض يرفضوا الاقتراح ده
بجد حرااااااااااااااااااااااااااااااااااااااااااام
Mr Hamada Hashish 21-02-2010, 09:11 PM جدول ما ينفعش لاي طالب
boy.bird 21-02-2010, 10:21 PM bgd
انت تماااااااام
كنا محتاجينو اوىىىىى
محمد النجدي2 22-02-2010, 02:08 PM بركات ................ الجديد علي العموم انا ارجح الجدول الاول للملرحلة الاول فقط واللة يعين بتوع المرحللة الثانية
boy.bird 22-02-2010, 02:16 PM بركات ................ الجديد علي العموم انا ارجح الجدول الاول للملرحلة الاول فقط واللة يعين بتوع المرحللة الثانية
الجدول الاول
اللى فية
فرنساوى وبعدها جبر وبعدها احياء
بجد حـــــــــــــــــرام على الدولــــــــــة
والوزير دة ربنا هيحاسبة
:stickjo4::stickjo4::stickjo4:
حازم 93 22-02-2010, 02:53 PM حسبى الله ونعم الوكيل
هما عارفين المواد الصعبة والمواد السهلة والمفروض ينزلوا جدول يساعدنا مش يعجزنا
وبجد حرام اصلا ان سيادة الوزير يعمل نظام جديد من الترم التانى ويقول الامتحان هييجى صعب ولازم انضباط
طبعا مصر كلها عارفه ان طلبة الثانوية وكل الطلبة مكنوش بيذاكروا اوى فى اول السنة على اساس ان الامتحانات للطالب المتوسط وقلنا هنذاكر اخر 3 شهور ,, يقوم يضيع كل ده ويقولنا لازم نروح المدرسة كل يوم طب يبقى ذاكرنا امتى وعملنا ايه فى سنة المستقبل كله وبعدين مش كل المدرسين اللى فى المدارس كويسين طبعا كلهم على راسنا لكن الثانوية بالذات عايزة مدرس متمكن
اقسم بالله انا عندى مدرسين بنصححلهم ومدرسين نسوا المنهج اصلا
مع احترامى لوزير التعليم والعاملين بجهاز التعليم ويارب يكون صوتى وصوت الطلبة وصل
وياجماعة ياريت حد يوصل صوته للوزير ويقوله يعمل استفتاء للطلبة واولياء الامور كمان ويشوف اذا كانت المدارس هتجيب نتيجة كويسة ولا لا ..
lover rose 22-02-2010, 05:19 PM ايه الجدول ده؟
بجد جدول عبيط اوى
جايبنلى فى الاول فرنساوى وبعده جبر وبعده احياء
ازاى اصلا هنذاكر يعنى؟؟؟؟؟؟؟؟؟؟؟؟؟؟؟؟؟؟؟؟
ده احنا مش هنلحق نستريح من الامتحان اللى قبله
lover rose 22-02-2010, 05:28 PM وبعدين ايه حكايه اننا هنفضل نروح المدرسه دى
وهنذاكر امتى اصلاااااااااا وكمان بالجدول ده والله حرام كده
BaNZeR 22-02-2010, 05:30 PM طبعا مصر كلها عارفه ان طلبة الثانوية وكل الطلبة مكنوش بيذاكروا اوى فى اول السنة على اساس ان الامتحانات للطالب المتوسط وقلنا هنذاكر اخر 3 شهور ,, يقوم يضيع كل ده ويقولنا لازم نروح المدرسة كل يوم
وممكن حضرتك تقول قصدك مين بطلبة الجمهورية كلهم ؟
من امتى احنا بنذاكر عشان الامتحان في مستوى الطالب المتوسط ؟؟
منتا محضرتش دفعة تالتة ثانوي التاريخية 2008
ومحضرتش يسري الجمل لما قال حنرجع زمن الامتحان لما كان الاول بيجيب 70%
لو حضرتك مستني آخر تلات شهور عشان تذاكر يبقى قول للوزير خلي الثانوية العامة 4 شهور بس
3 مذاكرة وواحدة امتحان
ووفر بقية السنة للأجازة !
اي نعم احنا معظمنا بيعمل كده او عمل كده
بس متبررش غلطك وتجعله سبب !
وبعدين ماحنا طول عمرنا بنروح المدارس في الثانوية
الوزير انا ماقلتش إنه كل اللى قالو صح
بس مننكرش ونقول كل اللى بيقوله غلط !
εїз فيونكة فوشية εїз 22-02-2010, 06:47 PM ليه كته بس؟؟!!
هو فيه طار بايت بين الوزير وبينا
هو لازم يراعى اننا ف تانيه ثانوى يعنى شهاده
وكفاية اللى قاله عن الغياب و الامتحانات
لا المصيبه الجدول العجيب ته
يالا ربنا معانا وتعدى السنه تى على خير
زائر غير مسجل 23-02-2010, 05:55 PM يا جماعة التاريخ 13باب حرام يومان او ثلاثة بالله عليكم يزيدوا الله يكرمك
زائر غير مسجل 23-02-2010, 07:47 PM وبعدين ايه حكايه اننا هنفضل نروح المدرسه دى
وهنذاكر امتى اصلاااااااااا وكمان بالجدول ده والله حرام كده
وما العيب أو الخطأ في أن الطلاب سيذهبون إلى المدارس؟؟
على الأقل يقل نظام التسيب الذي أودى بالتعليم إلى حافة الهاوية
و من أرد أن يذاكر ، فليذاكر من بداية العام وليس أيام الامتحانات أو قبلها بأربعة أشهر!!
زائر غير مسجل 23-02-2010, 08:01 PM لو الجدول دة فضل كدة ومش هيغيروة انا مش مدخل الامتحانات وايل يحصل يحصل بقي ما هي كدة كدة بايظة
samar ragab 23-02-2010, 08:04 PM لو الجدول دة فضل كدة ومتغيرش انا مش داخلة الامتحانات وايل يحصل يحصل بقي ما هي كدة كدة خربانة
عمرو ع 23-02-2010, 08:13 PM ايه الجداول العبيطه دى
شكله كدا هيزود البله طين بعد يسرى الجمل
بركاتكوا يا وزرا
عقبال ما يشيلوا وزير التعليم العالى بتاعنا يا رب
عشان يحرم يقول الجامعات تمتحن فى اسبوعين بس
ميدو قناوى 24-02-2010, 11:17 AM يا جماعه والله بعد ما شوفت الجداول دى انا بجد بقيت حزين انى دخلت ثانوى والله حراااااااااام المفروض الوزير المعفن ده يقيلوه فورااااااا ازاى يعنى الرياضة والكيميا قبلهم يوم واحد ده السنين اللى فاتت كان قبلهم 10 ايام للكيميا و7 ايام للرياضة والله حراااااااام بس هو ممكن يغير الجداول دى فى حالة واحده لو ابن وزير فى سنة تانية ارارهن انه هيغيرهم والله العظيم لو الامتحانات كده والله ولا واحد هيسيب الوزير واكيد هيحصله حاجة فاحسنله يخلى الامتحانات زى السنين اللى فاتت .
BOSY3 24-02-2010, 11:21 AM الانجيلزي لا يكفي لمراجعته يوم واحد
ولا الكيمياء يومين
سارة مصلح 24-02-2010, 01:42 PM انا مش هاقول غبر حسبنا الله ونعم الوكيل فى الرجل دة ومنة لله
وربنا مع الجميع ومحدش يقلق احنا هنعمل الى علينا والباقى ربنا هيدبروهلنا
rasha_212 24-02-2010, 11:18 PM حسبىىىىىىىىىىىىىىىى الله ونعم الوكيل
دا اللى هقدر اقوله هما عاوزين يوصلوا لايه نسيب التعليم خالص يعنى ونريحهم اكيد دى سياسة متابعة كان زمان ايام الاحتلال كانوا بيكرهوا المصريين فى التعليم علشان منطالبش بحقنا والايام بترجع تانى بس من مصريين زينا عاوزين البلد ليهم هم وولادهم وبس (( وال ايه دا اللى هيصلح الثانوية العامة ))
s alone in the dark 24-02-2010, 11:42 PM طبعا حرام بالثلث احنا ذنبنا ايه بعني احنا عملنا فيه حاجه واحنا مش واخدين بالنا ولا ايه بجد حد يقولي ااعما ايه وانا كده ابيض
الشفق الباكي 24-02-2010, 11:45 PM دا مش جدول دا انتقام
بجد وحش جدا جدا
لايوصف يعنى
انا كان ادام امتحان الاحياء بتاعى 9 ايام
هنا مفيش ولايوم
اه هم 9 كتير بزياده
بس على الاقل يومين الناس تلحق تراجع اى حاجه فى اى حاجه
والدين ليه يمتحنوه فى يوم لوحده
ايه الجدول الملخبط فى بعضه دا
جدول وحش بجد
dr.abdullah 24-02-2010, 11:46 PM بجد ربنا معاكم
موفقين في الأمتحانات أن شاء الله
king_star140 25-02-2010, 12:09 AM السيد الوزير فى أول تصريح بعد توليه الوزارة وعد بعودة المجاميع الى 75% مرة أخرى ومع الجدولين المقترحين فانا أؤكد كولى أمر عاش تجربة الثانوية العامة مرة مع الوزير يسرى الجمل وأتحرق أعصابة هو وأسرته سنتين كاملتين وهذه المرة الثانية مع الوزير الجديد والذى بدأ توليه مباشرة بحرق أعصابنا وتوترنا انه لن يكون هناك مجاميع أكثر من 60 % ومدام اولادنا حقل تجارب ونحن معهم ايضا فيحق لكل وزير ان يفعل بنا مايشاء كأنه قادم من كوكب آخر والذين اقترحوا الجدولين وضعوهم لدولة أخرى
king_star140 25-02-2010, 12:29 AM هو مفيش فى مصر غير شهادة الثانوية العامة أللى كل سنة بيجرى عليها تجارب واقتراحات والوزارة ملهاش سياسة تعليمية خالص ميلغوها لحد ميخلصو تجارب ومقترحات ، الوزير يتولى الوزارة ويفاجئنا بمقترحات غريبة وعجيبة ودايما قبل الأمتحانات مباشرة ، طيب انا بقترح على سيادته ينسى أنه وزير التربية والتعليم عشر دقايق فقط وانه له أبن أو بنت فى الثانوية العامة علمى أو أدبى على حد سواء وبيخدو رأيه فى الجدولين المقترحين هيرد يقول أيه على واضع الجدولين
وائل غالى 25-02-2010, 01:03 AM كل جدول وفيه ميزه لناس وعيب لناس ثانيه
فالجدول الاول مناسب لطلبه الكيمياء وسيئ لطلبة الاحياء اما الجدول الثانى فهو جيد لطلبةالاحياء وسيئ لطلبة الكيمياء فياريت يتم المساواه بينهم ثم ان الجدول هايكون فيه ظلم للطلبه ثالثه ومعاهم مواد من تانية
يالا بينا 25-02-2010, 02:26 AM الحمد لله الذي عفانا
اللي يشوف بلاوي الناس تهون عليه بلوته:d
ربنا معاكم
ومعانا برده:blush:
moon light14 25-02-2010, 04:18 PM ياجماعه والله حرام فعلا الاحياء منلحقش نراجعها ف اسبوع وهما حاطين يوم واحد ومش الاحياء بس مواد تانيه كتير .وبالنسبه لان في طلبه بتذاكر اخر السنه بس فدول اساسا مكانوش يدخلوا ثانويه لان الثانوية عايزة مذاكرة بجد(اللى بيذاكر طول السنه بيبقى خايف و مرعوب طيب اللى بيذاكر اخر السنه بس يبقى عامل ايه؟؟؟؟) وبالنسبه لاننا نروح المدرسه فده صعب جدا لان كده نص اليوم يضيع ف المدرسه والنص التانى تعبنا على ماجينا من المدرسه و اسفه جدا على التطويل بس الجدول يحرق الدم
نوسيله 26-02-2010, 01:09 PM الجدل سىء للغاية اعتبرنا لم نز اكر فى الترم الاول
عاصم1 26-02-2010, 01:40 PM حسبنا الله ونعم الوكيل
الطامعة بالفردوس 27-02-2010, 11:45 AM حراااااااااااااااااااااااااااااااااااااااااااااام بجد قبل الكمياء يوم واحد حرااااااااااااااااااااااااااااااااااااااااااااااام هنراجع 9ابواب فى يوم للللللللللللللللابجد جدول عبيط
د.سارة 01-03-2010, 02:05 AM نعم ايه التهرج ده الانجليزي نص يوم ولا ياريتها جت ع قد كده ده احنا داخلين ع ايام سودا
Habiba20 01-03-2010, 09:21 AM والله حرام هما بيعاقبونا ان احنا دخلنا ثانوى واحياء ايه اللى قبلها نص يوم نص يوم ده لو لحقت اذاكر فيه بابين ومن غير ما احل يبقى معجزة حرام بجد حرام عليهم انا قريت الجدول الاولانى ومقرتش التانى كمان وقعدت اعيط والله انا قلت لماما انا مش داخلة الامتحان انا هموت من الخوف والله حرام مش كفاية شدة الاعصاب اللى احنا فيها بيحرقوا دمنا زيادة هما بيعذبونا ولا ايه كفاية كده بقى حرام يعنى مش طول السنة محروق دمنا وبناخد دروس بقد كده وفى الاخر يجيلنا جدول منيل بنيلة يحرقلنا دمنا زيادة ولا موضوع الامتحانات التجريبية اللى عملنهالنا دى احنا هنخلص المنهج اللى لسه مخلصش ولا نمتحن احنا لسه مش مستعدين للامتحانات حرام عليهم بجد حسبى الله ونعم الوكيل
hamada_zamalek52 01-03-2010, 11:22 AM واللهى ربنا قادر عليه وعلى امثاله بجد احنا عيشين فى دوله غريبه
محمد كمال عطية 01-03-2010, 01:45 PM الأحياء أكتر مادة مظلومة
يوم و نص و التاني نص يوم
علي أساس
إن الأحياء صفحتين
دول 300 صفحة في كتاب المدرسة
tieto 01-03-2010, 07:07 PM بصراحه ده افتره هو الوزير ده مقدرش على جامعه عين شمس جاى بقى يفترى علينا *والله حرام عليك* *ارحموا من فى الارض يرحمكم من فى السماء*
tieto 01-03-2010, 07:36 PM انا نفسى الوزير ده ميجربش كتير كده فى الطلبه ويركز ويفهم ويقارن بين التعليم بالخارج والتعليم بمصر
طالبة ولكن 01-03-2010, 07:37 PM adee ya gamaaa
el modoa bseet khales blash nedkhol
emthanat el sana de
jongoma 03-03-2010, 02:25 AM حرام عليكم الجدول دة نلحق نراجع امتى ارحمونا شوية
|