لأول مرة فى مصر .... إنتخابات حرة ونزيهة ... إنتخب بدون بطاقة إنتخابية [الأرشيف]

الاستاذ على الدين يحيى

22-02-2010, 01:38 PM

الآن ولأول مرة فى جمهورية مصر العربية الانتخابات حرة ونزيهة

بضمان سرية التصويت كاملة

وضمان نزاهة فرز الأصوات

أختر الخيار الذى تراه مناسباً حسب رأيك دون ضغط أو إكراه

لا تخف فصوتك سرى لن يتعرف عليه أحد

هذه الانتخابات لجميع أعضاء المنتدى بلا إستثناء

سواء معاك بطاقة إنتخابية أم لا

فقط ضع صوتك بالاستطلاع الموجود بالأعلى

وسوف ترى فوراً نتيجة الاصوات دون تدخل من أحد

فى انتظار تفاعلكم

المجاهد فى سبيل الله

22-02-2010, 01:44 PM

ارشح الدكتور البرادعى لانه افضل من على الساحه او ممن قالوا انهم سيترشحون ولكنه ليس افضل المصريين ممن يستطيعون تحمل هذا الحمل الثقيل

BaNZeR

22-02-2010, 01:51 PM

εїз فيونكة فوشية εїз

22-02-2010, 02:05 PM

انا من رأيي جمال مبارك

مسيو إيهاب

22-02-2010, 03:46 PM

انا قلت الريس اتجنن وقال يعمل مرة تصويت نزيه بين الشعب :d

أكيد طبعاً لو الخيار بين مبارك والبرادعي يبقى مبارك
الراجل العسكري وليس العالم
الرجل المصري وليس الامريكي
الراجل اللى تعب في بلده مش اللى تعب لبلد غيره

أا بقا مخالف لحضرتك
ممكن حضرتك تراجع نظام مبارك الفاسد
وما وصلنا إليه
حضرتك لو شفت البلد هتعرف بجد أحنا وصلنا لأيه
أما الكلام اللى بيقول أن مبارك رمانة الميزان وراجل عسكرى والكلام ده فأنا أحب أقول لحضرتك كفاية أنك تنزل الشارع وانا منتظر ردك
البرادعى ولا مبارك ؟

muslim and masry

22-02-2010, 05:55 PM

مش هقدر أقول اسمي مش عشان خوف عشان انا مش عايز أأذي كليتي اللي بحبها
اسمي أحمد كلية علوم بس مش هقول الجامعة
بختار الدكتور محمد البرادعي لأن مصر مش هينهضها رقص وأداء عسكري بس
مصر محتاجة 5 % عسكرية و 95% علم ونهضة علمية شوفوا بقي كام برئ بينتحر كل سنة في الثانوية
ولما تدخلوا الجامعة هتتفرجوا علي المعامل اللي يدخل منكم علوم بيوزعوا الكيماويات بالقطارة وأجهزة بايظة
وتعالوا بصوا علي الوزير الجديد اللي نازل افتري علي الطلبة اللي عضمهم طري وتعالوا بصوا علي مجلس الشعب الفاااااااااااااسد
والجثث الفاضية اللي بيلاقواها كل شوية سارقين اعضائها وبتتباع برا في السوبر ماركت والطب الفاسد دكاترة بيغتصبوا ومستشفيات فاسدة
كلوا باااااااااااااااايظ والعيش اللي كان بيترمي في عهد السادات بنموت بعض عليه دلوقت والبترول مش لينا وشوية هيلفوا الاثار في اكياس ويبيعوها للأجانب والشعب كله هيسافر عشان يتقدم علف للبهايم برا اعملوا خطوة بقي وحدة صح أنا مش بشتم في حد بالعكس الرئيس محمد حسني انسان محترم بس اللي حواليه بيضللوه اذن لو ابنه مسك اللي حواليه ماسكين من الاول فهي هي الحكاية واتفرج علي فيلم طباخ الريس كلاكيت تاني مرة

miss heba

22-02-2010, 06:41 PM

رأيك صحيح مسيو إيهاب وبعدين مصر محكومة حكم عسكرى منذ قيام الثورة إيه رأيكم نغير شوية

*هبة الرحمن*

22-02-2010, 06:58 PM

والله انا مشفتش رحولة ولا شهامة زي ابن البلد جمال مبارك
كفاية انه وين مايروح المنتخب معاه
ده ومش لوحده ده كمان هو وأخوه
شوفوا تربية مبارك
يا جماعة مبارك مش وحش
لالالالالالالا
اللي حولينه من وزراء هما اللي وحشين ونعاتبهم ونقول الكلام اللي فوق عليهم
لكن جمال ولا البرادعي لالالا طبعا جمال
كفاية انه متربي في بيت السياسة كلها عارف كل كبيرو وصغيرة
مش واحد جا من أمريكا ولا يعرف اي حاجة عن البلد وبكل سهولة نديله أصواتنا ونقول ايوة هو ده اللي هيبقى
ريسنا ياريت تعيدو نظركم وتشوفوا بعين الحق مش بالعين اللي مش بيرضيها أي حاجة مهما كانت كويسة وتحسب للحكومة
ارجوا ان تتقبلوا رأي

مريم عمر عادل

22-02-2010, 06:59 PM

'طبعا وبلا تفكير الدكتور الحاصل على نوبل محمد البردعى
لانه قادر على ان يجعل مصر افضل وافضل ياريت كان عندى
بطاقه انتخابيه كنت فديته بصوتى ولكننى لم اصل الى السن ا
القنونى لذلك ......

تنتخبوا ميان البردعى

Gehad Mostafa

22-02-2010, 07:41 PM

أكيد طبعاً لو الخيار بين مبارك والبرادعي يبقى مبارك
الراجل العسكري وليس العالم
الرجل المصري وليس الامريكي
الراجل اللى تعب في بلده مش اللى تعب لبلد غيره
تمام

يا جماعة مبارك مش وحش
لالالالالالالا
اللي حولينه من وزراء هما اللي وحشين ونعاتبهم ونقول الكلام اللي فوق عليهم

الكلام دة انا على طووول بفكر فيه
مشكلة مبارك الحاشية
و انعدام السيطرة الكاملة

-------------
فليبق الوضع كما هو عليه لحين ظهور المنتظر

BaNZeR

22-02-2010, 11:49 PM

أا بقا مخالف لحضرتك
ممكن حضرتك تراجع نظام مبارك الفاسد
وما وصلنا إليه
حضرتك لو شفت البلد هتعرف بجد أحنا وصلنا لأيه
أما الكلام اللى بيقول أن مبارك رمانة الميزان وراجل عسكرى والكلام ده فأنا أحب أقول لحضرتك كفاية أنك تنزل الشارع وانا منتظر ردك
البرادعى ولا مبارك ؟
مش حجاوبك غير لما تقولي مصر في عهد البرادعي كان شكلها ايه !!
هو حضرتك عرفت منين إنه البلد في عهد البرادعي حتبقى الحياة لونها وردي ؟
كفاية إنه مبارك قدر يوصل بمصر سياسياً لحوالي تلاتين ولا اربعين سنة من غير احتلال !!!
طول عمرنا بندرس التاريخ كله احتلالات
البرادعي إن شاء الله حيحقق حلم اسرائيل في احتلال مصر !

انتو ليه حاطين العلم وحده كافي ليحكم مصر ؟
كان في مادة عندي في كلية الهندسة اسمها "تاريخ العلوم الهندسية"
كان بيقول المهندسين مينفعش يمسكو البلد

بغض النظر عن كونه هو ايه بس انا شايف إنه ميمسكهاش غير راجل عسكري
مش "فافي" مدلع طول حياته في امريكا

*هبة الرحمن*

23-02-2010, 06:52 PM

مش حجاوبك غير لما تقولي مصر في عهد البرادعي كان شكلها ايه !!
هو حضرتك عرفت منين إنه البلد في عهد البرادعي حتبقى الحياة لونها وردي ؟
كفاية إنه مبارك قدر يوصل بمصر سياسياً لحوالي تلاتين ولا اربعين سنة من غير احتلال !!!
طول عمرنا بندرس التاريخ كله احتلالات
البرادعي إن شاء الله حيحقق حلم اسرائيل في احتلال مصر !

انتو ليه حاطين العلم وحده كافي ليحكم مصر ؟
كان في مادة عندي في كلية الهندسة اسمها "تاريخ العلوم الهندسية"
كان بيقول المهندسين مينفعش يمسكو البلد

بغض النظر عن كونه هو ايه بس انا شايف إنه ميمسكهاش غير راجل عسكري
مش "فافي" مدلع طول حياته في امريكا

كلام مظبوط وؤايده بشدددددة

Eng_lfc

23-02-2010, 08:19 PM

Gehad Mostafa

23-02-2010, 08:25 PM

احنا عايزيين رجل عسكرى و سياسى

نحن بحاجة إلى من هو قادر على ادراة بلد كامل

ولحين ظهور من يستحق ... أؤيد بقاء الوضع كما هو عليه

Eng_lfc

23-02-2010, 08:40 PM

نحن بحاجة إلى من هو قادر على ادراة بلد كامل

ولحين ظهور من يستحق ... أؤيد بقاء الوضع كما هو عليه

صعب جدا تلاقى واحد كامل فيه كل السيمات الناجحه يعنى مثلا:
تلاقى فى الريس مبارك انه سياسى درجه اولى و بيعرف يحافظ على مصالح البلد الخارجيه
و عندك البرادعى راجل علم و سياسى برده بس مش زى مبارك
و عندك جمال مبارك يعنى ماليل اقتصادى شويه و بيعمل مشاريع و حاجات ترفع الاقتصاد المصرى
يعنى ماتلاقيش حد معاه كل حاجه و مافيش حد منهم بيهتم بالشئون الداخليه لان دى وظيفه الوزرا
الجحيم اللى انتوا بتشوفوا الناس عايشينه فى العشوائيات و الللى قربت على المجاعات دى وظيفه الوزرا و الحاشيه الللا تحت احمد نظيف كلها لما تبصوا للعيب شوفوا المسؤل يعنى اكتر العيوب اللى انتوا شايفنها فى البلد دى سبابها الدكتور احمد نظيف و الوزرا بتوعه
اما رئيس الجمهوريه فانا شايفه انه وجه البلد بره بس ده اللى كل الدنيا ماشيه بيه
فيبقى احس واحد سياسى يمسك البد هو مبارك
و شكرا

ahmedkuwit

23-02-2010, 09:09 PM

حسني مبارك

والمقوله الشهيره :- اللي نعرفه أحسن من اللي منعرفوش

مريم عمر عادل

23-02-2010, 10:36 PM

يعنى بصراحه الى كل واحد حينتخب مبارك يجاب على الاسئله دى ؟؟
عجباك عشتك ؟ راضى عن حكم مبارك الفاسد...
بتحب بلدك وعايزلها الاحسن ؟
بتحب مصر ولا لا
يرضيك اللى بيحصل لطلاب الثانويه العامه كل سنه؟
يرضيك دخول اسرائليين للحفر عن اسراهم فى سيناء
ومبارك نيم فى العسل .... واين اسرانا الشهداء ؟؟
البردعى مجرد موظف دولى لا يحق له التدخل فى سياسات امريكا
ليس له صله بضرب العراق ؟؟
البردعى : انتم ذهبتم للجهه الخطىء لماذا عندما قمتم بتوقيع الحد من انتشار الاسلحه النوويه
لم تمضى اسرائيل معكم ؟؟؟
البردعى رجل علم لديه الخبر الكافيه للنهضه بالدوله غير ذالك انه حاصل على نوبل للسلام ..
وهو ايضا مواطن مصرى يحب بلده ...
البردعى الامل القادم لهذه البلد حتى ينهض من جديد من موتها الذى بات اكتر من اربعين سنه
وتعود الى الحيا ه تعود عظيمه كما كانت قويه كما تعودنا عليها ؟؟؟؟؟
البردعى لا تتركنا !!!

BaNZeR

24-02-2010, 04:27 PM

استاذة مريم عذراً
ألا ترين أن هناك بعض السقطات في كلماتك ؟

يرضيك دخول اسرائليين للحفر عن اسراهم فى سيناء
ومبارك نيم فى العسل .... واين اسرانا الشهداء ؟؟
البردعى مجرد موظف دولى لا يحق له التدخل فى سياسات امريكا

الرد على الجمل دول هو جملتك الاخيرة برده
اللى حيحرر اسرائيل اللى ضرب اسرائيل قبل كده ولا اللى شغال مع حلفاء اسرائيل ؟

البردعى رجل علم لديه الخبر الكافيه للنهضه بالدوله غير ذالك انه حاصل على نوبل للسلام ..
وهو ايضا مواطن مصرى يحب بلده ...

هو أي واحد معاه شوية علم يبقى بيعمل كل حاجة في الدنيا؟
ولا العلوم لا تندرج تحتها ما يسمي بالعلوم "السياسية" وهي تختلف عن العلوم "النووية" كثيرا؟

البردعى الامل القادم لهذه البلد حتى ينهض من جديد من موتها الذى بات اكتر من اربعين سنه
وتعود الى الحيا ه تعود عظيمه كما كانت قويه كما تعودنا عليها ؟؟؟؟؟
البردعى لا تتركنا !!!

ابقو قابلوني :d

صوت الامة

24-02-2010, 05:26 PM

البراااااااااااااااااااااااااااااااااااااااااااااا اااااااااادعى

مس رانيا حسن

24-02-2010, 06:19 PM

السلام عليكم ورحمة الله وبركاته
اولا ارحب بحضرتك استاذى الفاضل
منور الموقع والقسم العام كله
ثانيا بالنسبة للتصويت
انا لا ارشح اى منهما
اتمنى وجود رئيس فى جرأه عبد الناصر
وذكاء السادات وصبر مبارك
فى امان الله

sony bony

24-02-2010, 06:27 PM

طبعا الترشح لمباااااااااااااااااااااااااااااااااارك بدون نقاش

مستر/ عصام الجاويش

24-02-2010, 06:59 PM

اذا كانت الانتخابات بين السيد جمال مبارك والدكتور البرادعى ساختار الشاب الطموح جمال مبارك بالتأكيد لانه اكتسب خبره اداره البلد من الرئيس مبارك بارك الله فى عمره

vampire1188

24-02-2010, 08:48 PM

احلي حاجة انكوا عمالين تتناقشوا في جمال ولا البرادعي وكدا كدا بعد شهرين ولا تلاته

هاتتلاقوا حسنى مبارك طالع وبيعلن ترشيح نفسه عن فترة رئاسية جديدة !!

حد فيكوا يقدر يقولي التعديل الدستوري اتعمل ليه ؟ .. اكيد طبعا عشان انتخابات 2011

دكتور البرادعي فيه سلبيات وعيوب وفي نفس الوقت فيه مميزات

العيوب :

1- راجل مقضي نص حياته بره مصر .. ومش عايش فيها ولا شارب من نيلها

2- فكر غربى الى حد كبير .. ودا كان واضح في اللقاء اللي عمله مع منى الشاذلى في العاشرة مساءاً

3- داخل مصر وايده فاضيه .. بمعنى ان مافيش كوادر هوا معتمد عليها في حالة تنصيبه رئيس لمصر

المميزات :

1- راجل ليه علاقاته الدبلوماسية مع العالم كله بحكم رئاسته لهيئة الطاقة الذرية

2- درايته بمجريات الشئون السياسية في العالم (يعني فاهم وواعى كويس للي بيحصل)

لكن لو جيبت واحد زي جمال مبارك .. انا شايف ان دا اصلا لسه شاب

وماوصلش لدرجة النضج اللي تخليه يمسك رئيس لمصر

غير كدا مش عشان هوا تربى في بيت الرئاسة يبقى دا معناه انه يطلع رئيس جمهورية

طب مانا ابويا مدرس .. هل دا شرط كافى عشان اطلع انا كمان مدرس ؟!

واديني دخلت تجارة مع ان كان قدامي كلية الاداب

وفي الاول والآخر هارجع واقول حسنى مبارك هوا اللي هايكمل لغاية مايلقى وجه الكريم

وكعادة كل انتخابات بتحصل .. العملية هاتتظبط والاربع او الخمس ايام بتوع الانتخابات هايجروا زي الصاروخ

والمشرف ع الانتخابات يطلع ويقول الفائز بالانتخابات محمد حسنى مبارك وييجيب شوية ارقام وتخلص الليلة على كدا

وكل سنة وانتوا طيبين !

الشفق الباكي

24-02-2010, 10:58 PM

رأيى
لا دا ولا دا
مجرد رأى
الاتنين ماينفعووووووووووووووووش

ahmedkuwit

25-02-2010, 01:47 AM

انا نفسي أعرف اللي بيقول الرادعي هو يعرف ايه عنه غير العلم ده عايش طول عمره بره

مفيش غير في بطاقته او باسبوره بس الجنسيه مصري غير كده مفيش

هو شكله فلس فقالك لما أجي اسرق من مصر شويه هي جات عليي يعني خصوصا بعد ما ساب الوكاله

احذروا ولا تغركم الشعارات الكذاااااااااااااااابه والمنظره

شمس بياض

25-02-2010, 04:39 PM

بسم الله الرحمن الرحيم
اهلا بحضرتك استاذى الفاضل
واتمنى ان تكون فى اسعد حال
وكل عام وحضرتك والمسلمين بالف خير

ثانيا
انا لا انتخب ايا منهم فلا احد منهم يصلح
لاجمال ولا ابو ه ولا البرادعى اللى مانعرفشى اى شئ عنه غير انه واحد من اصحاب
العلم فى القانون ونال جائزة نوبل
المهم

ياريت نجتمع على حد احنا اللى نرشحه بنفسينا ونقوله تعال تحمل المسئوليه
وارشح بشدة

عمرو موسى
مين معى ؟؟؟فى ذلك
تحياتى لشخصكم الكريم

kalefam

25-02-2010, 05:46 PM

ماذا فعل جمال لمصر ؟
ماذا فعل البرادعى لمصر ؟

الاستاذ على الدين يحيى

25-02-2010, 06:33 PM

فى أمريكا وفى أحد الانتخابات
أنتخب الشعب الأمريكى ممثل !! ليكون رئيساً
رونالد ريجان .... وأصبحت أمريكا فى عهده أقوى مما كانت فى كل شيئ
ونحن مازلنا نقول اللى نعرفه أحسن من اللى منعرفوش !!!!!
الانتخابات معناها أن نأتى برئيس فإذا لم يعالج مشكلاتنا ننتخب غيره وهكذا
كل مرشح بيكون له برنامج بيقدمه وننتخبه على أساسه
مثل الرئيس مبارك نفسه كان له برنامج انتخابى ... فهل تحقق هذا البرنامج أم لا ؟
إذا كان قد تحقق فلنا أن ننتخبه لفترة ثانية ( وأؤكد هنا على كلمة ثانية ) وليس مدى الحياة
وإذا لم يكن قد حقق البرنامج فليذهب معززاً مكرماً وليأتى غيره ممن يستطيعون القضاء على الفقر والفساد والديكتاتورية وغيره
بذلك فقط نتقدم
ــــــــــــــــــــــــــــــــ
تقبلوا تحياتى

سمير الجابرى

26-02-2010, 01:11 AM

اين الاختيار الثالث؟؟؟؟؟؟؟؟؟

ASHASH666

26-02-2010, 03:08 AM

و الله كل اللى هيصوت
و لا يعرف ده و لا يعرف ده
كله على السمع بس الله أعلم

ibrahimkrna

26-02-2010, 10:56 AM

يا ريت كل رئيس مصرى ميستناش فى اكثر من 4 أو 5 سنين , حتى لو عانينا منه منبقاش عانينا فترة طويلة , زى فترة مبارك , دا الواحد حاسس انه عايش غريب فى البلد , لو عايز يقضى مصلحة ياخد واسطة معاه أو يضرب ايده فى جيبه , كمان نطلع من أزمة الغاز ندخل فى أزمة الدقيق وبعدها ازمة الميه والله المدرسين لما رنة عربية الانابيب سابوا الفصول ورمحوا علشان يحصل كل واحد انببة , يبقى ازاى كل واحد يقدر يؤدى عمله وهو بيفكر فى احتياجات بيته الضرورية , انا مش حاتكلم عن الغاز اللى بيروح اسرائيل ولا الوحدات السكنية اللى بتتباع للاجانب ولا ارضنا اللى بيقطع منها صاحب مصانع الاسمنت ويودى بلده والا العرب اللى بييجوا مصر علشات يهتكوا الاعراض , يبقى التغيير واجب وتحديد فترة الرئاسة لازم , وربنا يصلح الحال .