الدكتور النشائى: البرادعى لا يصلح رئيساً للجمهورية.. وأتمنى اختيار جمال

الخميس، 11 فبراير 2010 - 23:36

http://www.youm7.com/images/NewsPics/large/smal420098214018.jpg النشائى
محمد البديوى
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml) انتقد الدكتور محمد النشائى -أستاذ بمؤسسة سولفاى للطبيعة والكيمياء بجامعة بروكسل الحرة ببلجيكا- اختيار النخبة للبرادعى كمرشح لرئاسة الجمهورية فى الانتخابات الرئاسية المقبلة، لأنه على حد قوله «كان يرأس منظمة شاركت فى الحرب على العراق»، مؤكداً أن العلماء لا يجب أن يكونوا رجال سياسة، لأنهم وقتها سيكونون نصف علماء ونصف سياسيين.

ورأى النشائى أن الرئيس حسنى واحد من ثلاثة أشخاص فقط يفهمون ما يحدث فى الشرق الأوسط، وبالتالى من الطبيعى أن يكون هو الشخص ألأقدر على قيادة مصر فى الفترة الحالية والمقبلة.

أما فى حال عدم ترشحه فقال النشائى إنه يتمنى أن يختار الشعب جمال مبارك، مرجعا ذلك إلى أنه تربى فى بيت عسكرى، وبذلك يكون جمع لأول مرة لما نحتاجه فى الفترة الحالية بين المدنية والتربية العسكرية.

وحول رؤيته لدور أحزاب المعارضة فى تولى الحكم اعتبرها النشائى أحزابا «عايزة تفرج علينا العالم»، مشيراً إلى أن حزباً ضرب أعضاؤه بعضهم بالأحزمة، لا يستحق مطلقا أن يتولى الرئاسة، وهذا ينطبق على كل ألأحزاب بخلاف الوطنى الذى فى ظل هذا الواقع المرير لا أجد أمامى سواه.

باين وش إنه كلام مصلحة :d
اي نعم البرادعي مينفعش
واي نعم مبارك اكثر خبرة بالشرق الاوسط
بس الباقي لأ

في انتظار رابط الخبر :)

http://www.youm7.com/News.asp?NewsID=187798

ههههههههههه
كلام مسيس من الدرجة الاولى
انا برضه زيك يا محمد يعنى قولت لو البرادعى اترشح حنتخبه لانه حيكون افضل المرشحين وليس افضل الموجودين
بس الى بيسمى نفسه دكتور و بيتكلم دا نسى ان الحزب الوطنى هو الى ضرب اعضائه بالجزمة و منهم من سب الدين ومنهم من اتهم بالفساد و الرشوة و المحسوبية ومنهم من فى السجن الان بتهم مخلة بالادب و الشرف
ومنهم من دخل السجن بتهمة القتل ومنهم من مات مقتولا ومنهم من مات منتحرا ومنهم من مات والى الان لم يعلموا من قتله
هولاء هم الحزن الوطنى
ولا ننكر ان فيهم نخبة لا مثيل لها فى الوطن العربى من الدكاترة و الساسة بس قليلين جدا

انا لا اوافقك الراى على ان مبارك هو الافضل
هل يعجبك حال مصر الان وقبل عشرين سنه طبعا لا
حالها لا يصلح حبيب ولا عدو كما يقولون لماذاااا
بسبب حكومات مبارك الفاسده
ولذا انا مع البردعى لاسباب كثييره اهمها انه رجل علم
وانهة كان فى اهم المناصب الدوليه التى لم يصل اليها عربى من قبل
وهذا كله يجعله قادرا على اخذ منصب الرئاسه عن جداااااااااااره
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اا

اداره دوله بحجم مصر تحتاج لقائد ذو خبره ولن نجد افضل من الرئيس مبارك لحكم مصر واذا لم يرشح الرئيس مبارك نفسه انا ارشح السيد جمال مبارك لانه تعلم السياسه صح من الرئيس مبارك بارك الله فى عمره

انا لا اوافقك الراى على ان مبارك هو الافضل
هل يعجبك حال مصر الان وقبل عشرين سنه طبعا لا
حالها لا يصلح حبيب ولا عدو كما يقولون لماذاااا
بسبب حكومات مبارك الفاسده
ولذا انا مع البردعى لاسباب كثييره اهمها انه رجل علم
وانهة كان فى اهم المناصب الدوليه التى لم يصل اليها عربى من قبل
وهذا كله يجعله قادرا على اخذ منصب الرئاسه عن جداااااااااااره
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اا
هذه ليست مقارنة منصفة
فإن قارنت البرادعي أنه رجل علم
فحسني مبارك رجل عسكري
وإن كان حال مصر في ال20 سنة الأخيرة "زفت"
فما أدراك أنه في ال20 سنة القادمة للبرادعي ستكون "أفضل"
ثم ماذا تقصد بالمناصب الدولية التي حصل عليها ؟
اتعني أنه كان يعمل لدى الامم المتحدة ؟
هل تقبل برئيس لك لا يعرف عن مصر سوى أنها موطنه ؟
أين البرادعي من خبرة مبارك ليتحمل مسؤولية مصر اصلاً

شكرا للمرور الكريم
ولمن يتوهم ان البرادعي هو الساحر والمخلص والمهدي المنتظر
اقول لهم ما رأيكم في اوباما؟

شكرا للمرور الكريم
ولمن يتوهم ان البرادعي هو الساحر والمخلص والمهدي المنتظر
اقول لهم ما رأيكم في اوباما؟
محدش قال ان البرادعى هو المنتظر يا استاذ علاء
بس هو بوابة لتغيير الحكم او اسلوب تغيير الحكم
فمحمد نجيب كان عسكرى
و خلفه عبد الناصر عسكرى ومن بعده السادات عسكرى ومن بعده مبارك عسكرى
فلو اتى بواحد مدنى نجرب ومش حنخسر حاجه
و يكسرنا عامل العسكرية الى جبتنا ورا دى لعل وعسى ياتى من بعده راجل اخر خير منهم

فلو اتى بواحد مدنى نجرب ومش حنخسر حاجه
و يكسرنا عامل العسكرية الى جبتنا ورا دى لعل وعسى ياتى من بعده راجل اخر خير منهم
بقولك ايه
انا فكرت في فكرة جديدة
بصفتي مهندس بفكر إني أبني مباني بشكل مايل بزاوية صغيرة
المباني دي حتكون لمشاريع كبيرة والهدف إننا نستغل الطاقة الشمسية

أي نعم أنا مجربتش بس عادي لو وقع على اللى فيه نبقى نشوف ايه العيب مش مشكلة
هو أي نعم حيبقى شغال فيه بتاع 3 آلاف عامل حيموتوا بس عادي يعني

يعني ايه يا احمد كلمة "نجرب"
لو احنا بنلعب في مشروع بخمسة مليون ماشي
لكن انت عايز تجرب في دولة كاملة احوالها سيئة واحوالها الخارجية اسوأ
انت بتلعب بشعب وكيان دولة كاملة !!

لو مصر عايزة تتصلح تجيب حد أكثر حزماً من مبارك وأكثر دراية منه
مش واحد ميعرفش حاجة اي حاجة ونقول "تغيير"

احسبها بعقلك يا احمد مش بعواطفك

بقولك ايه
انا فكرت في فكرة جديدة
بصفتي مهندس بفكر إني أبني مباني بشكل مايل بزاوية صغيرة
المباني دي حتكون لمشاريع كبيرة والهدف إننا نستغل الطاقة الشمسية

أي نعم أنا مجربتش بس عادي لو وقع على اللى فيه نبقى نشوف ايه العيب مش مشكلة
هو أي نعم حيبقى شغال فيه بتاع 3 آلاف عامل حيموتوا بس عادي يعني

يعني ايه يا احمد كلمة "نجرب"
لو احنا بنلعب في مشروع بخمسة مليون ماشي
لكن انت عايز تجرب في دولة كاملة احوالها سيئة واحوالها الخارجية اسوأ
انت بتلعب بشعب وكيان دولة كاملة !!

لو مصر عايزة تتصلح تجيب حد أكثر حزماً من مبارك وأكثر دراية منه
مش واحد ميعرفش حاجة اي حاجة ونقول "تغيير"

احسبها بعقلك يا احمد مش بعواطفك
وانت محموق اوى ليه كدا يا محمد
ما هى كدا كدا بايظه
يعنى نخرج و ننقتل ولا نقعد و نموت
وليه اصلا حكمت عليه انه موت او انه ميعرفش حاجه عن اى حاجه
وليه حكمت انه مش احسن من مبارك
و ليه بتجيب سيرة الشعب دوقتى ما الشعب دا بيتظلم بقاله اكتر من 35 سنه جى دوقتى و تقول كفاية او تقول مينفعش نجرب عليه
ياخى انا بحسم الامر بعقلى و عواطفى لانى فرد من الشعب المطحون دا بخلاف الى بيقول اه مبارك و ياعالم تلاقيه شغال وزير ولا شغال ايه ولا شوف مرتبه اد ايه دا مش حقد
ولا حسد دا نق بس
يعنى لو حد حاسس بالشعب صدقنى مش حيقول نستنى على مبارك لحظه كمان

http://img30.imageshack.us/img30/5361/rody.gif

بصراحه انا لسه مش من حقى انتخب ولكن اذذا كنت هنتخب حد اكيد مش هيبقى حسنى ولا حد من عيلته لان ده يعتبر اعاده لتوريث الحكم فى مصر ....وأفتكر انه ده اتلى من زمان... انا نفسى اعرف يعنى ايه انتخب واحد بحجه انه متربى تربيه عسكريه طب لو انتخبته ولده برضه هيبقى متربى تربيه عسكريه وعلى كده احنا مطلعناش بره وهيتورث الحكم فى مصر وانا عن نفسى عارف من يوم مسمعت ان البرادعى هيترشح لمنصب الرئاسه انه هيعمل زى ايمن نور وهيلفقولو قضيه وهتبقى محبوكه وكلنا هنصدقها لا فى ناس كبيره كتير قوى فى البلد ماشيه تحت ايديهم واخير ا هى النتيجه معروفه قبل متبدأ الانتخابات اصلا ويمكن من السنه اللى فاتت كمان ان .........................هو اللى هيفوز أظن انتوا عارفين قصى مين

[quote]انا نفسى اعرف يعنى ايه انتخب واحد بحجه انه متربى تربيه عسكريه طب لو انتخبته ولده برضه هيبقى متربى تربيه عسكريه

لأ في فرق
الاول متربي تربية عسكرية في الاصل
لكن التاني حيكون متربي تربيه مترفة رئاسية وليست عسكرية

ولكن هذا لا يعني ايضاً انني مع سياسة التوريث

طبعا مش عايزين نجرب فى البرادعى
احنا عايزين حد يحس بينا يا ناااااااااااااااااااس والله
ولا جمال ولا البرادعى هيصلحوها يعنى
جمال مين حرام عليه؟؟؟؟؟؟؟
تربى فى بيت بابا حسنى وماما سوزان
عسكرى مين بقى؟

هذه ليست مقارنة منصفة
فإن قارنت البرادعي أنه رجل علم
فحسني مبارك رجل عسكري
وإن كان حال مصر في ال20 سنة الأخيرة "زفت"
فما أدراك أنه في ال20 سنة القادمة للبرادعي ستكون "أفضل"


وانا أوافقك الرأي

انا مع مبارك دورة جديدة لحين ظهور مرشح قاااااااااادر على ادراة الدولة
الدكتور البرادعي له مني كل احترام لكنه لا يصلح الا في مجاله العلم فقط

نحن بحاجة لمن هو قادر وعالم بشئون الدولة عسكريا وسياسيا

ولا زلت في انتظار هذا المرشح

سؤال ملح اليس لجوء غالب قوي المعارضة هو هروب الى الامام ويدل على عدم وجود كوادر لديها ومدى ضعفها؟؟؟؟
اما الاخ اللي بيقول قضية ايمن نور ملفقة؟؟؟ فالقضية صدر فيها حكم نهائي ونقذ
كمان ايمن نو نفسة الفترة السابقة كان بيبايع مبارك مدى الحياة وصور الزفة اللي عملها له منشورة