مسلسل الظلم يتكرر فى المنصوره انا طالب فى احد معاهد المنصوره الثانويه وللاسف اتظلمت فى تصحيح اوراق الاجابه والنتيجه فى الكنترول حاجه واللى بيعطوهالنا حاجه تانيه خالص فهل من مراقب لهذه الافعال وقبل دخول الامتحان انا اتمنعن من دخول امتحان الشفوى بدعوى انى مكنتش بحضر فى المعهد انا وبعض اصدقائى ورحنا للمنطقه قالوا مفيش حاجه زى كده لان الغياب مكنش بيتاخد :abdoog8:

الله يكون فى عون الازهرية

ده مش فى المنصوره بس
الازهر كده فى كل حته
وخصوصا حكايه ان الدرجات فى الكنترول غير اللى بتطلع لانى قبلتها شخصيا انا واصدقائى
معرفش امتى هيتعدل الازهر
ربنا يكون فى عونا

فعلا الازهر امتى هيتعدل حاله
انا كمان نفس الحكايه بتظلم فى درجاتى وبينقصونا درجات علشان يذودوا لناس تانيه وكوسه ولما نتيجتى بانت روحت للشيخ قلتله انا عايزه درجاتى قاللى ما هى فى ايدك اهى قلتله لا دى مش درجاتى وساعتها زعقت واتخانقت وقلبت عاليها واطيها وبرده مزدتش نص درجه

أنا كشفت على ورقى الترم الأول وكنت ناقص فى البلاغة 9 درجات وطلع انا المدرس مش عارف يجمع الدرجات فالحمد لله المعهد اتعاقد مع مجمع درجات ودى كانت بدايه الاحتراف فى الازهر فشيخ المعهد بتاعى أخذ شنطته وراح مدرسة قريبه من معهدنا واتعاقد مع مدرس بورقة بسكويت وحاجة ساقعة ودى أغلى سفقة فى تاريخ الأزهر وربنا يستر على الكلام اللى انا قولته ده بس دى الحقيقة أكذب يعنى ؟ أكذب ؟ متقول لهم يا ....... .

والله أنا نفسى الأزهر يتعدل . أنا مبقولش على الأزهر فالأزهر كان ومازال وسيظل منارة التعليم فى مصر والعالم العربى والاسلامى ولا أبالغ ان قلت العالم كله . بس فيه شويه ناس فى المعاهد الأزهرية محتاجين الــ........ بس دوم مش كل الأزهرية فية ناس كتير كويسه ولكن ماحال جلباب بيضاء لطخت ببقعة سوداء .

الحمد لله أنا مش لوحدى وده أحلى مافى الموضوع فكل الحبايب هنا مظلومين فى الدرجات فلا بد أن نرفع هذا الأمر للقضاء العالى و أنا سأترافع عن كل الأزهرية بدون أتعاب .
بس انتم جايين امته تقولو الكلام ده جايين فى سنة تانية ثانوى بس الحمد لله.
طبعا كل واحد من زملائى الأعزاء بعد أما بيتظلم فى الدرجات ويروح للمعهد بتاعه علشان يشوف الموضوع ده طبعا كل المدرسين يقوموا واقفين ضحكين عليك ويقولولك يا عم دى مش شهادة بس انت ركز فى سنه تالته وخلاص مش هو ده اللى بيحصل معاكم ولا ده بيحصل معايا أنا وبس .

هههههههه عندك حق والله الكلمه دى زهقت منها
ابله الفصل تقابلنى ايه يا ملك خير اقولها تقوللى يا بنتى تالته جايه
وبعدين الامتحانات خلصت خلاص ركزى انتى بس فى اللى جاى
دول البؤين اللى بسمعهم كل مره

انت عارفة البؤين دوم هما اللى بيعنوا مدرسى الأزهر طبعا مش كلهم أنا بتكلم على معهدنا بس .
والباقى أدرى بمعهده .
اللى يحفظ الجمله دى يعينوه والجملة دى شخصيا بتأحبطنى مش عارف ليه كده ويلا بإذن الله ربنا يهديهم .

عايزين الازهر يتظبط وكل واحد ياخد حقه امنعوا الغش فى لجانكم ومعاهدكم هوه ده الحل لان الكل عنده احساس ان مش دى درجات الطالب الحقيقية لانه اكيد غاشش يبقى انت يا طالب جاى تتكلم فى ايه

لكن لما الطلبة تمنع الغش وتبعث فاكسات لشيخ الازهر ان فيه غش فى معهدها ساعتها بس الامور هتتظبط وكل واحد ياخد حقه