رايك فى ترشيح الدكتور محمد مصطفى البرادعى رئيسا للجمهورية [الأرشيف]

مشاهدة النسخة كاملة : رايك فى ترشيح الدكتور محمد مصطفى البرادعى رئيسا للجمهورية

نزيه الصعيدى

23-02-2010, 06:36 PM

مارايك فى ترشيح الدكتور محمد مصطفى البادعى رئيسا لجمهورية مصر العربية
اوافق بشدة
اوافقق
ارفض
ارفض بشدة

سميرعماره

23-02-2010, 09:34 PM

بسم الله الرحمن الرحيم
( وقد خاب من افترى )
طبعا لازم المعارضة المصرية التى نجح النظام فى تفتيت أوصالهاتجرى وراء الدكتور البرادعى
ولكن اسمحوا لى بطرح هذه الاسئلة قبل الانحيازلأحد
أولا : الدكتور البرادعى كان رئيسا لمنظمة الطاقة الذرية وتم فى عهده
1- ضرب العراق بحجة البحث عن أسلحة الدمار الشامل
2- تم عض النظر إلى برنامج إسرائيل النووى
3- ما موقف البرادعى من احتلال العراق
4 - ما موقف البرادعى من برنامج اسرائيل النووى
5- ما هو برنامج البرادعى للتغير الداخلى والخارجى يعنى برنامج واضح وواقعى لحل المشكلات الداخلية والخارجية
6- ماموقف البرادعى من الصراع العربى الصهيونى
7 - ما موقف البرادعى من معاهدات الإستسلام للصهاينة
نعم للتغير ولكن للأفضل
لقد نجحت الحكومة فى بث روح الصراع داخل كل أحزاب المعارضة المصرية
فهل تستوعب المعارضة الدرس وتوحد صفوفها من أجل التغير الحقيقى
ألم يخرج رجل من المعارضة يصلح ليكون زمزا للتغير الحقيقى يكون له برنامجا كاملا يواجة به تحديات العصر الحالى .
على فكرة والله أنا طول عمرى معارض لسياسة الحزب الوطنى أ/ سميرعماره

يالا بينا

23-02-2010, 09:55 PM

الدكتور محمد البرادعي قيمة مصرية كبيرة جدا ومهمة جدا
وعالم يفتخر بيه كل مصري وكل عربي

لكن بخصوص ترشحه للرئاسه:
انا بشكل شخصي شايفة ان احلامه وردية بعض الشيء
مش عيب طبعا انه يفكر يرقى بالبلد
لكن الخوف انه ميكونش على دراية كافية بالاحوال الداخلية

لكن على كل حال .. ياريت يكون المتنافسين على كرسي الرئاسة كلهم شخصيات من الوزن ده
هتبقى حاجة مهمة جدا

مستر/ عصام الجاويش

23-02-2010, 10:07 PM

الرئيس مبارك افضل رئيس لمصر
لذلك ارفض بشده ترشيح الدكتور البرداعى ياجماعه الخير استقرار بلد كبير مثل مصر ليس امر هين
الرئيس مبارك بارك الله فى عمره رجل حكيم فعلا قاد مصر الى بر الامان والاستقرار فهو رجل واقعى جدا قراراته تتميز بالحكمه
وفى رأى هو افضل رئيس دوله عربيه لانه يعمل لمصلحه مصر والتى تطمع فيها كل القوى الكبرى لكن الرئيس مبارك بذكائه وحكمته فوت الفرصه على كل هؤلاء الطامعين فى مصر

fattah5000

23-02-2010, 10:28 PM

فعلا نعم الاب يقودنا الى بر الامان اما بالنسبة الى ترشيح د. البردعى فهو لم يقدم شيى الى مصر وهو فى الطاقة الذرية ولم تستفد الام بإبنها فكيف افكر ولو مجرد لحظة ان انتخبة بلاش تجريح على فكرة الى نعرفة احسن من الذى لم نعرفة وشكرا
عبدالفتاح الصاوى الدقهلية

BaNZeR

24-02-2010, 12:26 AM

انا زهقت من كثرة المواضيع اللى تتحدث بنفس الشأن
وزهقت أيضاً من تكرار الرد !!!

المجاهد فى سبيل الله

24-02-2010, 11:37 AM

انا زهقت من كثرة المواضيع اللى تتحدث بنفس الشأن
وزهقت أيضاً من تكرار الرد !!!
وانا زيه
بس حقول اننا عايزين تجديد و تغيير
لذالك فانا اوافق و بشده لترشيحة
وكل ما كتب فى الموضوع دا
هى اشاعات اطلقتها الحكومة فور علمها انه سيترشح ضد فلان وفلان مهما كان مين
لان موقف الدكتور البراعدى واضح فى سجلات الهيئة الذرية من القضايا دى
ولكن مثل ما لم تهتم اسرائيل بقرارات مجلس الامن فامريكا لا تهتم باراء موكلى هيئة الطاقه الذرية ولكن الاوراق الموجوده فى الهيئة تؤكد عدم موافقت الدكتور البراعدى على الحرب على العراق او تايدها
انا لست مع او ضد احد ولكن كلامى دا اظهارا للحق

sony bony

24-02-2010, 12:22 PM

انا راى ان مبارك يستمر فى الرئاسة احنا قاعدين اكتر نت 20 سنة بدون حرب ولو جه واحد جديد منعرفش هيعمل اية ممكن يكون اوحش من مبارك

سميرعماره

24-02-2010, 08:40 PM

وانا زيه
بس حقول اننا عايزين تجديد و تغيير
لذالك فانا اوافق و بشده لترشيحة
وكل ما كتب فى الموضوع دا
هى اشاعات اطلقتها الحكومة فور علمها انه سيترشح ضد فلان وفلان مهما كان مين
لان موقف الدكتور البراعدى واضح فى سجلات الهيئة الذرية من القضايا دى
ولكن مثل ما لم تهتم اسرائيل بقرارات مجلس الامن فامريكا لا تهتم باراء موكلى هيئة الطاقه الذرية ولكن الاوراق الموجوده فى الهيئة تؤكد عدم موافقت الدكتور البراعدى على الحرب على العراق او تايدها
انا لست مع او ضد احد ولكن كلامى دا اظهارا للحق
الأخ المجاهد فى سبيل الله
د/ البرادعى لم يكن عضوا عاديا بل كان رئيسا للمنظمة الدولية
يعنى مسئول عن كل قرارات المنظمة الدولية
لك منى أجمل تحية

إيساف

24-02-2010, 08:46 PM

أوافق طبعا

الشفق الباكي

24-02-2010, 11:18 PM

تانى
نفس التوبيك تقريبا
انا شخصيا زهقت من نفس نظام الرئاسه العالم كله بيتغير من حوالينا
ومفيش حد اسمه خايف هيخصل ايه فى النظام الجديد
يعنى ايه الرئيس الجاى الله اعلم هيعمل فى بلدنا ايه ويدخلنا فى حرب ولالا
طب ماكل الد\ول المحترمه فى العالم الرئيس بتاعها مابيقعدش 10 سنين حتى وعادى وبيشوفوا غيره
علشان التجديد
احنا شعب نايم اساسا
كل ماكان فى روح جديده كل ماكان افضل للبلد
لان كل واحد فى الفتره الاولى من مايمسك البلد
بيدى احسن مااعنده
ولما يعرف ان غيره اتشال باراده الشعب دا هيبقى خايف من زعل الشعب دا
لكن لو شاف اللى قبله قعد 30 سنه ومحدش اتحركله ساكنه وقال تغيير
يبقى الطبيعى انه يعمل زيه
اشمعنى يعنى
دا بس علشان انا شخصيا برفض مبدأ اللى معانا من 30 سنه اكتر واحد فاهم

اما بالنسبه لدكتور البرادعى فانا مش موافقه على ترشيحه
مش لاسباب حرب العراق والنظام دا
كله كلام حكومه كده مايأكلش عيش من الاخر
يعنى مجرد اشاعه شويه اخبار حول الخصم ليس الا هذه هى مصر
انا فاكره بردو اللى كان حصل مع ايمن نور الانتخابات اللى فااتت
واى شخص فى بلدنا دا لو اترشح بردو ممكن يطلعله جد اسرائيلى وهو مش عارف
ماعلينا
انا مش معاه وخلااااااااااااااص
ولا مع غير جدو ولاعمو ولا خالو ولاعيله مبااارك كلها
علشان تقريبا عايزه اغير الاسم دا ودنى تعبت منه
تقبل مرورى وردى

سعيد منار

25-02-2010, 06:49 PM

انا ارشح البرادعي بشدة لانني اريد التغيير للافضل واتمنى ان يتم توزيع الخيرات في مصر بالعدل على جميع المصريين حتى نعيش حياه افضل ونتنفس جميعا هواء نقي .
لاننا نعيش الان في كبت وبطاله وفقر .
ولي سؤال برئ اين ذهبت ابتسامة المصريين.......................................... ........

اسماعيل البدرى

25-03-2010, 01:31 AM

انا برشح البردعى بشدة ولو فية اكتر من بشدة هرشحة بردة

وحكاية الرئيس اللى نعرفة احسن من اللى منعرفهوش دية قدمة اوى بقى واسطوانة زهقنا منها

واللى بيقول اعدين عشرين سنة فى حكم مبارك من غير حرب

يعنى البردعى مثلا اول ما يمسك الحكم هيطلع 40 طيارة لتدمير واشنطن مثلا

يا عم دة واحد عاش حياتة كلها فى امريكا وعارف يعنى اية نظام وقرار وان شاء الله البلد تتغير على ايدة للاحسن

على فكرة مبارك مبيعرفش يتكلم انجليزى

مستر هانى الباسل

25-03-2010, 03:13 AM

وللأسف ... رغم قيمة البرادعى العالمية الا أنه لا يصلح لقياااااادة مصر
فمصر لابد لها من قائد عسكرى يقودها

مستر هانى الباسل

25-03-2010, 03:16 AM

ياااااااااااااااااارب نجى مصر من أى سوء علشااااااااااااااااان الشعب الغلبااااااااااااااااان دا

الأميـرمحمد

25-03-2010, 04:48 AM

sympathique

26-03-2010, 04:20 PM

طب انا راى

ان البرادعى عمره ما هيكون رئيس للجمهورية

استحالة هيكون رئيس

وانا اتحدى

مستر ايمن محمد راشد

27-03-2010, 09:25 AM

اعتقد البرادعى متمكن فى مجال معين الا وهو الطاقة النووية والذرية !!! فهل يوجد علاقة بين مجال عمله وبين السياسة الداخلية والسياسة الخارجية والاحوال الاقتصادية والعسكرية ..... رأيى انه لا يصلح لعدم خبرته بالمجال العسكرى والسياسى
والرئيس مبارك افضل

نزيه الصعيدى

31-03-2010, 11:49 PM

اوافق بشدة

hkazaz

09-04-2010, 01:50 AM

اوافق او لا اوافق المهم اننا نعرف اننا نوافق او نرفض ايه يا جماعة القضية ليست قضية اشخاص ده ينفع او ده ما ينفعش لازم نتحرك صح لمصلحة البلد ومصلحة البلد لن تتأتي الا بالتغيير علي راي المثل (الغربال الجديد له شده ) اكيد اللي جاي احسن.
مين هو ؟ اكيد لما يكون في انتخابات حرة ونزيهه ورقابة قضائية والتصويت بالرقم القومي - لابد ان تكون دي مطالبنا وهي دي برنامج او فكرة البرادعي والرجال لم يقول حتي الان انه مرشح للرئاسة ولكن هدفه ارساء حياة حرة وديمقراطية حقيقية وعلي الشعب ان يختار رئيسة مفيش احسن من كده وارجو ان نعي ذلك جيدة وبالتوفيق للجميع وكفاية ترديد اشاعات علي الراجل بدون وعي وبدون توثيق وهي ادعاءات معروفة المصدر

مشتاقه لمصر

09-04-2010, 04:13 AM

يا جماعه اسمحولى اقول رأى
احنا افضل من بلاد تانيه كتير
ومشاكلنا موجوده فى كل الدنيا
بس احنا اتعودنا ان احنا نحط ايدنا على خدنا ونشكى
وياريت الشكوى بتكون مع بعضنا دى الدنيا كلها بتتفرج علينا
ويقولو دى مصر ودول المصريين
ويا رتنا بعد ما يتفرجو علينا بنحلها يبقى استفدنا حاجه
ومع انهم عندهم اكتر من مشكلنا
بس مبينشروش غسلهم ال......
مع ان كل الدول فيها فساد وزى مصر واكتر
هتقلى الحكومه فيها فساد والدنيا بايظه فى مصر
معاكم فى الموضوع ده
بس الحكومه دى مش مستورده دى مننا من شعبنا
يعنى يا جماعه التغيير لازم يكون من نفسنا
لازم نحس ان التغيير ده مسئوليتنا كلنا
لا يستقيم الظل والعود اعوج
يعنى بامانه لو افراد الشعب غالبيتهم من المجتهدين ( طالب او عامل او مدير او دكتور او مدرس او مهندس او ربة بيت او ........................
واللى بيراعو ربنا فى كل كبير وصغيره فى حياتهم
هيخرج منهم حكومات فاسده
مش معنى كده انه هينتهى الفساد
بس صدقونى مش هيقدر يعيش براحته زى الايام دى
والله يا جماعه الموضوع مش بتغيير الرئيس
الموضوع فينا احنا بس احنا مكسلين نفكر ان احنا السبب
اصل نتعب
وبعدين نقول ده مفروض احنا اللى نبدأ مش حد تانى
علشان كده انا ارفض رئيس غير محمد حسنى مبارك
على الاقل هيحمينا من السياسات الخارجيه المتربصه بينا
لحد ما نفوق ونعرف ان احنا مفروض نتغير مش هو اللى يتغير
والله الكلام اللى بقوله ده من قلبى
ومصر والله عظيمه عظيمه وتستاهل مننا كل خير

M.Ahmed Elsaid

09-04-2010, 04:32 AM

اول كلمة هقولها من غير رياء ولا نفاق ولا مجاملة .. انا بأيد الرئيس محمد حسنى مبارك

وبالراحة وبالعقل كدا هنقول ليه احنا مع مبارك ...وبعيد عن السياسة والكلام الكبير

بس الاول نتكلم عن الدكتور البرادعى .. والله انا بحترم الدكتور محمد جدا لانه من ضمن الناس اللى شرفتنا فى يوم من الايام و حصوله على جايزة نوبل للسلام او منصبه كمدير الوكالة الدولية للطاقة الذرية .. حتى لو للوكالة دى مساوئ بسبب حرب العراق او غيرها .. بس اهو الراجل مصرى وخلاص ... ولازم الناس تعرف ان الدكتور البرادعى طول عمره عايش برة مصر وعن نفسى مسمعتش انه وصل مصر وظهر على الساحة غير دلوقتى بعد موضوع الترشيح للرئاسة .. طيب هو فين من مشاكل الشعب .. فين من مطالب الشعب .. فين من معاناة الشعب .. فين من حاجات كتير .. ولا بعد ما بقى مدير سابق للوكالة دلوقتى افتكر مصر .

اكررها تانى والله مع احترامى الشديد لك يا دكتور بس كلميتن كدا لحضرتك .. انا عايز المرشح للرئاسة مننا يعنى ايه مننا .. يكون بياكل فول وطعمية وكشري، وبيشرب من القلة والزير وبيلبس جلابية ويكون اتقرص من البراغيت ويكون جاله بلهارسيا وخد التطعيم وعايش وسط المصريين .. مش كان بيسمع عن مشاكل مصر فى التليفزيون وهو قاعد برة .. مش هننتخب رئيس سميع .. لا هننتخب واحد من وسطينا .. واحد حاسس بينا ..

انا واحد من المؤيدين للدكتور البرادعى جدا لكن فى مجاله بس انه يمسك منصب محترم فى الحكومة زى وزير الطاقة ..
واعترافا بقدراته فى المجال النووى .. عايزين يبقى لينا قيمة نووية زى بقية الدول .. لان دا اللى ماشى اليومين دول ..

عن الرئيس حسنى مبارك .. يكفينى انه سياسى دولى محنك من الدرجة الاولى ... لاننا من حرب اكتوبر 73 اللى كان واحد من ابطالها واحنا مستهدفين ولولا ستر ربنا مع خبرة مبارك كنا حالنا هيبقى اصعب من حال اخواننا فى فلسطين .. ويكفينى خبرته العسكرية اللى ملهاش حدود .. يكفينى وعيه للمبادئ السياسة والدبلوماسية ..

وعاوز اقول حاجة .. يا مصريين مبارك مش هو كل الدولة .. وراه حاشية كبيرة .. الحاشية دى عبارة عن رئيس وزراء .. ووزراء .. محافظين .. رؤساء مجالس مدن .. رؤساء احياء ..

والحكومة هى ايه غير الشعب .. يبقى احنا عايزين حكومة بجد تعيش مع الشعب

انا مع الرئيس حسنى مبارك الى ان يتوفاه الله .. اطال الله لنا فى عمره .. يارب

مصر هى مبارك مع حكومة قريبة من الناس

mrweb

09-04-2010, 07:52 PM

أولا : مصر هي مصر وليست مصر مبارك ولا مصر البرادعي. مصر للمصريين فقط

ثانيا : السؤال الأهم هل يستطيع الدكتور البرادعي أو اي شخص أخر ترشيح نفسه للانتخابات؟ الاجابة الصادمة لا. لماذا؟ لأن الدستور الحالي يمنع حوالي 95% من الشعب المصري من الترشح للرئاسة. وهذا خطأ جسيم لابد من تصحيحه, نعم لابد من وجود ضوابط للترشح لكنها يجب أن تكون عقلانية. لكن وضع شروط تحرم اغلبية الشعب من الترشيح هذا وضع غير عقلاني.

ثالثا : لو تمكن الدكتور البرادعي أو غيره "باستثناء مرشح الحزب الوطني" من الترشيح بوسيلة أو بأخرى هل هناك ضمان لوجود عملية انتخابية سليمة بدون تزوير وفي ظل العمل بقانون الطوارئ؟ الاجابة صادمة مرة أخرى لا يوجد أي ضمان لنزاهة الانتخابات. الموجود فقط رقابة شكلية من القضاء على اللجان المركزية فقط دون الفرعية وكلنا يعلم ماذا يحدث في الانتخابات من بلطجة ومنع الناس من الوصول لصناديق الاقتراع. فبالتالي هذا وضع يجب أن يتغير أولا.

رابعا : عندما يعلم الكثيرين منا ان حوالي 40% من الشعب المصري يعيش تحت خط الفقر "على حوالي 10 جنيه أو اقل في اليوم منهم جمعة الشوان نفسه" وفقا لتقارير الأمم المتحدة وتقارير للجهاز المركزي للتعبئة والإحصاء فأي كلام عن الاستقرار والأمان هو مزحة لا أساس لها.

خامسا : وهي أهم نقطة في نظري ان الرئيس الحالي "82 سنة اطال الله عمره" فبكل تأكيد سواء اتفقنا مع ساسيات الرئيس الحالي أو اختلفنا معها فان الوقت الحالي هو وقت نقل السلطة لشخص أخر وهو الدكتور البرادعي "من وجهة نظري الشخصية" وأتمنى أن يحدث هذا الانتقال في وجود الرئيس مبارك لضمان انتقال سلسل و بدون مشاكل للرئيس الجديد.

يجب أن نقف مع مطالب التغيير لاننا من يدفع ثمن الفشل دائما وندفعه وحدنا. والمطالب السبعة للتغيير تضمن ان الشعب سيكون له دور أصيل وأساسي في حكم بلده وليس متفرج دائما ينتظر ما سيفعله به حكامه.

المطالب السبعة:

1. إنهاء حالة الطوارئ
2. تمكين القضاء المصرى من الاشراف الكامل على العملية الانتخابية برمتها.
3. الرقابة على الانتخابات من قبل منظمات المجتمع المدنى المحلى والدولى.
4. توفير فرص متكافئة في وسائل الإعلام لجميع المرشحين وخاصة في الانتخابات الرئاسية.
5. تمكين المصريين في الخارج من ممارسة حقهم في التصويت بالسفارات والقنصليات المصرية.
6. كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.
7. الانتخابات عن طريق الرقم القومي.

ضمان حرية ونزاهة الانتخابات هو أهم شيء يجب الحديث عنه الان قبل الاختلاف أو الاتفاق على اسم المرشح

hkazaz

10-04-2010, 06:37 PM

ايد كل ما عرض العضو mrweb (http://www.thanwya.com/vb/member.php?u=384387) في راية وده راي وسبق اني ناديت به باننا لسنا مع احد ضد احد نحن مع مصر والمصريين وشكرا

زائر غير مسجل

11-04-2010, 01:06 PM

لوليه لا--- ياخد دوره زى غيره --- ودمتم -- ويجعله عامر

أ/رضا عطيه

11-04-2010, 01:14 PM

وليه لأ ---- ياخد دوره زى غيره === ودمتم === ويجعله عامر

محمد عبد النبي 2010

11-04-2010, 05:19 PM

انا ارفض بشدة ده انسان ****

ايه كمال

11-04-2010, 06:04 PM

hkazaz

12-04-2010, 05:19 PM

يا جماعة ارجو ان تتريثوا في الرد والمشاركات ولاتندفعوا سواء مؤيد او معارض لطرح
اسم الدكتور محمد البرادعي
حيث ان الراجل ليس هدفه الحالي هو الترشح لرئاسة الجمهورية ولكن هدفه الاول هو
تغيير الدستور وهو ده برنامجه
واللي عايز مصلحة مصر يجب الا يعترض علي هذا المطلب وهو مطلب ليس شخصي لانه في هذه الحالة سوف بترشح للرئاسة اي مواطن مصري :039uw8:وعلي الشعب ان يختار حاكمه :039uw8:
انا شايف ان ده مطلب عادل لجميع المصريين ويجب عليهم الالتفاف حوله ولا ننظر له علي انه المرشح القادم ده موضوع سابق لاوانه
:028ja7:مش عارف الناس زعلانه ليه:028ja7:

نزيه الصعيدى

16-04-2010, 10:54 AM

hkazaz

16-04-2010, 05:28 PM

التغيير التغيير التغيير وبعيدين يحلها حلال في صندوق الانتخابات ليه نضايق ونغضب ونزعل
ونختلف مع بعض الصندوق يقول كلمته واقول للحزب الوطني لاتخاف علي مصر واحنا المصريين ويهمنا مصلحة مصر ثم مصر لان مصلحتنا من مصلحة مصر وليس الفساد هو المصلحة
وشكرا

http://up3.up-images.com/up//uploads4/images/images-24e23e033f.gif

توتة احلى بنوتة

17-04-2010, 01:09 AM

انا صوت ارفض بشدة
لان انتو يا جماعة
مش عارفين ان
الدكتور البرادعى
صاحب موقع على النت
اسمه (اقباط ضد تطبيق الاسلام )
او حاجة زى كدة
ازاى بقى عاوزينو يبقى رئيس مصر القادم

hkazaz

17-04-2010, 05:53 PM

مفيش حاجة اسمها صاحب موقع على النت
اسمه (اقباط ضد تطبيق الاسلام )
او حاجة زى كدة
هي اتهامات وخلاص ومين قال انه رئيس مصر مفيش حد كلف نفسه وقراء الموضوعات السابقة التي انتهيت فيها الي انه راجل قادم للتغير

hkazaz

25-04-2010, 12:35 AM

ارجو صياغة السؤال ما رايكم في ما ينادي به البرادعي بخصوص تغيير الدستور هل هذا مطلب شرعي ام لا
ليس وقت طرح اسمه كمرشح رئيس جمهورية