السلام عليكم ورحمه الله وبركاته

أولاً أنا عايز أسأل لو حد عنده أي معلومة هي الإمتحانات التجريبية هتكون إمتي تحديداً

ثانياً بقي والأهم..تفتكروا إحنا ممكن ناخد الإمتحانات دي إزاي..بجد ولا عادي ولا أي كلام ومش هي دي إللي أنا أهتم بيها، وإيه هي أفضل الأساليب عشان نستعد ليها كويس كأنها إمتحان آخر السنة قدامنا وإحنا بنذاكر وبنجهز له كويس أوي..وده خاصة إن الوقت ضيق وإحنا عرفنا بالموضوع ده قبل أسبوعين من الإمتحان

ودي مناقشة عامة أتمني الكل يشارك فيها إن شاء الله..

اللى اعرفة انة حصل من سنة او سنتين الامتحان التجريبى

لكن الطلبة محدش راح خااااااااااااااااااااااااااااالص وعادى

وهو هيكون الاسبوع اللى بعد اللى جاى

واستعداد انك تزاكر اللى اخدتوة وخلاص مش مهم امتحان امتى زاكر والسلام

انا على حسب علمى وعلم المستر بتاعى
ان الامتحانات التجربية دى هتكون يوم 28الشهر الى جاى شهرمارس
وانا عن نفسى متحمس جدا للامتحانات دى عايز احس بجو الامتحانات وبالمرة اعرف مستوايا بجد ولو فى حاجة يبقى قدامى وقت اعدلها بس انا خايف وحاسس ان المدرسين مش هيهتموا بالحكاية دى بس يارب يهتموا
وبالمنسبة المستر قال ان الامتحنات اجبارى على كل الطلبة يعنى لازم نمتحن

ربنا يستر يا جماعة .... وانا خايف بجد من جدول الامتحان الجديد... يعنى ايه كل يوم امتحان ؟؟؟ حراااااااااام بجد
يعنى الواحد يذاكر السنة كلها وفى الاخر ينقص فى المادة عشان مقدرش يراجع... دى مادة زى التاريخ عالاقل ايزة اسبوع مراجعة ... رنا يكون فى العون وربنا معانا جميعا ان شاء الله ...

احنا المدير بتاعنا عامل لنا امتحان تجريبي غي امتحانات الوزارة الاسبوع الجاي وبعدها امتحانات الوزارة وبعدها الامتحان الكبير يعني هنتهري امتحانات ربنا يكون في عونا بس هي فكرة جميلة اوي عشان الواحد يعرق مستواه

بالنسبة لفكرة الإمتحانات دي فهي في حد ذاتها فكرة حلوة وليها أكتر من فايدة " منها التدريب علي شكل الإمتحان في "لجنة الإمتحان"، ومعرفة مستوانا الحقيقي، نحدد إيه نقط الضعف بتاعتنا إللي لازم نعالجها بسرعة، إزالة الرهبة والخوف من وضع إمتحانات الثانوية وزي ما بيقولوا كده "العتبة بتبقي عاملة إزاي"

لكن المشكلة كلها في المعاد نفسه، ماينفعش يبلغونا إن الإمتحانات بعد أسبوعين ياجماعة والحضور إجباري، أنا من وجهة نظري كان الكلام ده يكون من قبلها بشهر علي الأقل علشان نستعد كويس وناخدها بجد جداً

نقطة أخيرة..أنا شايف فيه "محمد" هنا بيقول إنها هتكون 28 من شهر مارس...للأسف يابو حميد هتكون بعد أسبوعين، بس ياريت بقي حد يفيدنا ويقلنا هتكون يوم إيه تحديداً

ولو حد عنده تعليقات بخصوص أسلوبه في المذاكرة الأسبوعين دول هيكون عامل إزاي ياريت يقولها وإن شاء الله هنفيد بعض

بجد يا جماعة انا مش عارف اعمل انا خايف جدا جدا جدا وبدات ققلق جامد
ولو فى حاجة مش عرفها وانا بذاكر ممكن تجيلى حالة واقفل المذاكر واعد مضايق واحس انى مش عارف حاجة

دي فرصه كبيره يا جماعه علشان تذاكروا وتراجعوا وتعرفوا مستواكم واللي يلاقي انه مش محصل كويس للامتحان التجريبي يقدر لحق نفسه ويعوض اللي فاته
اهتموا بيه واعملوا اللي عليكم وكثفوا مذاكرتكم وربنا معاكم

انا فاكرة كنت رايحه المدرسه صدفه
مش فاكرة كان ليه
اجيب ورق املى استمارة حاجه كده
ولسوء حظى ان المديرة عارفانى
فاشفتنى حاكتلى ع القصه دى
وقالتلى مش عارفه يوم ايه والموضوع بسيط وبتاع
قولتلها حاضر
ومروحتش

[]هو الامتحانت التجريبيه هتبقى امتى؟

انا فاكرة كنت رايحه المدرسه صدفه
مش فاكرة كان ليه
اجيب ورق املى استمارة حاجه كده
ولسوء حظى ان المديرة عارفانى
فاشفتنى حاكتلى ع القصه دى
وقالتلى مش عارفه يوم ايه والموضوع بسيط وبتاع
قولتلها حاضر
ومروحتش

طب أيامها الموضوع كان إجباري برضه؟

وسؤال تاني بعد إذنك..مش موضوع الإمتحانات التجريبية ده أول سنة يطبق هو السنادي؟ يبقي إزاي كان فيه إمتحانات برضه أيامك؟

طب أيامها الموضوع كان إجباري برضه؟

وسؤال تاني بعد إذنك..مش موضوع الإمتحانات التجريبية ده أول سنة يطبق هو السنادي؟ يبقي إزاي كان فيه إمتحانات برضه أيامك؟

أنا زائر لمنتداكم ولاحظت موضوعك
كانت تجرى امتحانات تجريبية في كل محافظة
وليس في كل المواد ،، وكانت بالأخص في اللغة الفرنسية وعلم النفس والاجتماع
وذلك حسب كل محافظة ،، والتقدم لها اختياري وليس اجباري

ولا أعلم من قال لك إنها امتحانات اجبارية ؟؟

هل من سيغيب عن هذه الامتحانات سوف يحرم من الامتحانات ؟؟ أم ماذا ؟؟

طب أيامها الموضوع كان إجباري برضه؟

لا مكنش اجبارى كان عادى
ياعنى هى قالتلى وانا مرحتش عادى محصلش حاجه

وسؤال تاني بعد إذنك..مش موضوع الإمتحانات التجريبية ده أول سنة يطبق هو السنادي؟ يبقي إزاي كان فيه إمتحانات برضه أيامك؟

ياعنى هما مطبقينه ع المدرسه كلها عندكوا ولا نظامو ايه؟
معرفش انتو قصدكوا اللى انا اقصده ولالا
بس انا فاكرة كان اسمها كده برده
االله اعلم بقى
وبعدين انا مش م زمان اوى ياعنى ده هما سنتين:d

انا بردة يا جماعة كل شوية بعمل بحث عن الموضوع دة وبسال المدرسين بس محدش بيفدنى بس فى مدرس قلى انها بعد اسبوعين بس مينفعش كدة خالص احنا مش هنعرف نراجع يعمى مفروض يعرفونوا راسنا من رجلينا وياريت لو اى حد عرف يقولنا اوكى

اللي أنا اعرفه ان الامتحان التجريبي يوم13 وهيكون اجباري
بس المدرسين بيقولوا لنا ان منبينش التفوق اوي يعني في الامتحان ونحل وحش شوية
علشان لما يشوفو المستوى ده يجيبو امتحانات سهلة شوية اخر السنة :049gc0:

سمعنا ان الامتحان التجريبى سيعقد فى الشهر الحالى وانى أتساءل هل يمكن شرح المواد بعد الامتحان والطالب حيذاكر امتى وما العقوبات التى يتلقاها الطالب الل ميحضرش الامتحان وكيف سيجرى الامتحان .

والله يا جماعة انا اللى اعرفه ان الامتحان يوم 13 مارس وطبعا ده بالنسبة لى مشكلة جامدة جدا لان من ناحية أ نا كان نفسى فى امتحان زى ده علشان اقدر احدد مستوايا و هل انا فعلا اقدر اعمل حاجة فى ا متحان اخر السنة لكن طبعا المشكلة الحقيقية انى لسة مش مراجعة كويس لدرجة انى ادخل امتحان وانا خايفة لو انا دخلت و مش حليت كويس اتعقد و افقد الثقة فى نفسى ماحوظة يا شباب لو دخلتو الامتحان التجريبى متحلوش كويس اوى يعنى علشان الوزير ناوى يحطلنا الامتحان النهائى على اساس الامتحان ده وربنا يكرمنا كلنا:bosyht9::bosyht9:

في مدرستنا قالولنا إن الإمتحانات التجريبية هتكون يوم 15 مارس


كنت عايز أخد رأيكم في حاجة بقي..


إنتوا تبع الفئة إللي بتقول إن إحنا ندخل الإمتحان ونحل وحش ونشخبط وأسلوبنا يكون سىء عشان إمتحان آخر السنة يكون سهل


ولا تبع الفئة إللي بتقول إن إحنا لازم نحل بجدية وقوة عشان نختبر مستوانا وإمتحان آخر السنة ييجي زي ما ييجي


أنا شخصياً هاخدها بجدية كإمتحان عادي بيدربني علي إمتحان آخر السنة وكيفية التعامل معاه، وفي نفس الوقت أشوف أخطائي ونقط ضعفي وإزاي أعالجها بحيث إنها ماتتكررش إن شاء الله مرة تانية، لكن ف نفس الوقت مش هاخدها بجدية وتنشنة و كإنها هتحدد مجموعي في آخر السنة، ومش هخشها علي أساس إني رايح أخد منها الثقة و رايح أكتسب منها كل الإيجابيات الممكنة، وده عشان الأمور تاخد وضعها بعدل وموضوعية..وإن شاء الله خير يارب :)

إنتوا بقي؟

بالنسبة للأخ أحمد اللى بيسأل فأنا رأى اننا حتى لو حلينا وحش فالحركات دى مش هتعدى عليهم وأصلا لو انت حليت وحش فمليون طالب غيرك هيحلو كويس اوى و فى الحالة دى انت مش هتبقى استفدت حاجة فنصيحة منى حل كويس أحسن وشوف مستواك واوعى تقول انك هتعرف الاسئلة وتحلها كويس مع نفسك وفى الامتحان تحل أى كلام وده لأن التصحيح بيكون ليه اعتبارات تانية خالص احنا مش عارفينها بس أنا نفسى بس هما ينزلوا جدول و لا ميعاد محدد بدل اللخبطة اللى احنا فيها دى وربنا يستر

والله يا جماعة انا اللى اعرفه ان الامتحان يوم 13 مارس وطبعا ده بالنسبة لى مشكلة جامدة جدا لان من ناحية أ نا كان نفسى فى امتحان زى ده علشان اقدر احدد مستوايا و هل انا فعلا اقدر اعمل حاجة فى ا متحان اخر السنة لكن طبعا المشكلة الحقيقية انى لسة مش مراجعة كويس لدرجة انى ادخل امتحان وانا خايفة لو انا دخلت و مش حليت كويس اتعقد و افقد الثقة فى نفسى ماحوظة يا شباب لو دخلتو الامتحان التجريبى متحلوش كويس اوى يعنى علشان الوزير ناوى يحطلنا الامتحان النهائى على اساس الامتحان ده وربنا يكرمنا كلنا:bosyht9::bosyht9:

ياجماعة نرجومن جميع الطلاب يحلو وكل حاجة بس بس مش لدرجة انكو تحلو الامتحان كلو صح علشان الامتحان لو كلنا حلنا صح امتحانات اخرالسنة هتبقى زى الزفت الكلام دة مش من عندى دة المدرسين كلهم قالولنا كدة وربنا يسترها معانا يارب

اعدت مديرية التربية والتعليم بالقاهرة جدولاً استرشادياً للامتحان التجريبي الذي يعقد لطلاب المرحلة الأولي والثانية من
الثانوية العامة اعتباراً من يوم السبت القادم ويستمر حتي الخميس 25 مارس.

الجدول يتضمن: السبت 13 مارس امتحان اللغة العربية للمرحلتين الأولي والثانية. الأحد 14 مارس اللغة الأجنبية الأولي للمرحلتين. الاثنين 15 مارس. اللغة الأجنبية الثانية للمرحلة الأولي. الفيزياء للمرحلة الثانية. الثلاثاء 16 مارس تفاضل وحساب مثلثات للمرحلة الأولي. جبر وهندسة فراغية للمرحلة الثانية. الأربعاء 17 مارس جبر للمرحلة الأولي. ميكانيكا للمرحلة الثانية. الخميس 18 مارس دين للمرحلة الأولي. تفاضل للمرحلة الثانية. السبت 10 مارس تاريخ للمرحلتين وأحياء للمرحلتين. الأحد 21 مارس كيمياء وجغرافيا للمرحلتين. الاثنين 22 مارس جيولوجيا وعلم نفس واجتماع للمرحلتين. الثلاثاء 23 مارس فلسفة ومنطق للمرحلتين. الاربعاء 24 مارس تربية وطنية للمرحلة الثانية. الخميس 25 مارس الاقتصاد والاحصاء للمرحلتين.

علماً بأن كافة الامتحانات تبدأ من الساعة 9 صباحاً وفق نفس المدة الزمنية المحددة لكل مادة في جداول امتحانات الثانوية العامة

ربنا يسترررررررررررررر

طب ايه اللى هيبجي في الإمتحانات دي ؟؟؟
يعني أني جزء من المنهج ؟
بتاع الترم الأول بس ولا ايه ؟

حراااااااااااااااااااااااااااااااااااااااااااااااا ام والله كدة الواحد مش عارف يحل كويس ولا وحش ولكن يجب علينا كطلاب سنوية عامة أن نتحد معا ولا نحل فى هذا األأمتحان ولا يتفلسف أحد فى هذا الأمتحان لكى لا يودينا فى داهية خصوصا أنهم ابلغونا عن الأمتحان هذا اول امبارح فقط حررررررررررررررررررررررررررررررررررررررررررررررررر ررررررررررررررررام

طب ايه اللى هيبجي في الإمتحانات دي ؟؟؟
يعني أني جزء من المنهج ؟
بتاع الترم الأول بس ولا ايه ؟

الإمتحانات هتشمل الجزء الخاص بدروس الترم الأول بس يا طارق

هو الامتحان التجريبى عادى لو مرحتهوش
بس انا شايفة انه كويس
لانه بيعرفك على مستواك

هو الامتحان التجريبى عادى لو مرحتهوش

بس انا شايفة انه كويس

لانه بيعرفك على مستواك


لأ يا فندم، الإمتحان إجباري لجميع الطلبة..

ياجماعه حد يقولى هوالجدول موحد ولالالالالاايه
احنا وصلناااااااااااجدول وحش جداااااااا من السبت للخميس وكل يوم ماااااااااااده ياريت حد يرد ضضرورى
بس بكده مش هنلحق نراجع وخصوصاااااانى ناسيه الى فات لانى اتشغلت بالجديددد والدروس
وربناااااااااااااااااااااااااااااااااااااااااااااا ااااااااااااااااااااااااا
يسسسسسسسسسسسسسسسسستررررررررررررررر

عملتوا إيه ياشباب النهاردة، وإيه الأجواء وأخبار الإمتحان والطقوس العامة؟


عندنا في المدرسة مفيش نظام خالص وكإنه أقل حتي من كونه إمتحان شهري..الإستفادة من وجهة نظري كانت ممكن تكون أحسن 100 مرة من كده، أنا ماحستش إني بشيل إحساس الرهبة من الإمتحانات ولجانها، من كتر الهرجلة والتهريج وعدم النظام..


بالنسبة للإمتحان نفسه كان طويل بس سهل، الطالب المتوسط هيحل كويس فيه بس مش هيقفله، الطالب المتميز الكلام ده مايكلش معاه من الآخر!! ولو هو ده فعلاً مستوي إمتحانات آخر السنة يبقي الوزير كان بيهزر معانا ! وأنا عن نفسي عاوزه إمتحان فعلاً تقيل عشان يفرق بين كل واحد والتاني، أنا ماتبسطش بصراحة وأنا نازل من الإمتحان والناس كلها بتقولي "شاطر أو مش شاطر أو حتي فاشل" إمتحان زي الفل ويتحل بسهولة..


حركة ملهاش لازمة علي فكرة إنهم ياخدوا مننا ورقة الأسئلة، فيه ناس جاية الإمتحان عشان تتسفاد من أخطائها وتراجع بعض النقط المعينة وأنا واحد من الناس عايز الورقة عشان أحلها أكتر من مرة وأشوف إيه الحتة إللي أنا مش زي غيرها فيها!


عندنا في المدرسة مشينا الساعة 2 تقريباً عادي جداً رغم إن إحنا خلصنا الدين في ربع ساعة تقريباً ومحدش رضي حتي ياخدوا الورق بعد نص الوقت، وبكرة مثلاً عندنا Trig-Diff ومدته ساعتين..هفضل مستني من 11 لحد الساعة 2 مبعملش حاجة زي النهاردة وأضيع وقتي سواء في المذاكرة أو الراحة؟ حرام بصراحة..

حرام عليكم مش ينفع نمتحن فى اسبوعين وكل يوم امتحان مادة ذى الجولوجيا وعلوم بيئة المفروض يبقى راحة اسبوع على الاقل المفروض نحس بناس