بسم الله الرحمن الرحيم

مقدمه عن الموضوع






اياك تذاكر من البدايه
وهتتعب نفسك ليه ؟!!!





طبعا الكلام ده اللى بيقولوه الناس اللى مش بتحب المذاكره وبتكره النجاح
ولكن مع هذا الموضوع بفضل الله تعالى هتكون شخص تانى خالص وهتتغير



للافضل بإذن الله


( دعوه للمذاكره من البدايه )
او
( حمله ذاكر من البدايه )




ده اسم الموضوع



الهدف العام للموضوع
هو
المذاكره من البدايه
(بداية الترم)



الاهداف الدقيقة للموضوع

هى



- التحفـيز -
والتوجيه للمذاكره الجيده والفعاله




- المتابعة -
والمناقشه فى المذاكره
(من خلال الاعضاء)




ويجب على كل الاعضاء ان يقومون بتحفيز بعضهم على ان يكون الموضوع للافضل دائما



1- البدايه(التحفيز)
كيفية تحفيز نفسك على المذاكره فيما يلى:



مقدمة صوتيه هامه جدا عن الموضوع



رابط مقدمه الموضوع تحفيز اضغط هنا (http://www.4shared.com/file/229611474/310e9df2/__1.html)



الاستماع اون لاين او تحميل. جميع الروابط تعمل هكذا


عايزك تفتح عقلك

(حوار العقل للعقل)
وتفهم انا عايز اوصلك ايه حتى تخرج من الموضوع مقتنع تماماً






يجب أن



تحسم الامر لنفسك وتقرر وتعاهد نفسك وتعاهد الله على انك بعد هذا الموضوع سوف تحقق الكثيرمن التقدم




موضوع التحفيز هام جداً
ولايمكنك ان تذاكر الماده جيداً الاَّ إذا كنت مستعد لها نفسياً أومؤهل لها نفسياً





فالاستعداد النفسى لا ياتى الا إذا وصل لك شعور الاحساس ذاته



( إذا وصلك شعور الحماس تجاه المذاكرة )
ولا يمكن أن أوصلك كل الاحساس بالكلام
فهذا صعب عملياً ولكن بقوة الكلام يمكن أن أجعلك متحمس للمذاكرة






عن طريق عدة نقاط :
1- الاساس والدافع الاقوى فى التحفيز للمذاكره
(الدافع او الاساس الدينى)
وأعنى بذلك السعاده الدينيه تجاه المذاكره
(يعني تبقى سعيد ولديك شعور الراحه النفسيه من حب ربنا ليك ورضاه)
وده طبعا سيأتى من طاعة الله
إذا اردت ان تعيش فى الدنيا سعيدا .. لاسعادة لاحد مثلك من قبل, فيجب ان يرضى الله عليك.




يجب ان تطيع الله وقت اليسر ووقت السرور حتى يقف معك وقت الشده والعسر. ده اذا كان فيه شده!!
( يعنى تكون رغبتك للمذاكره معمره بحب الله وثقته وده فى كل الاوقات مش فى وقت ووقت )





2- يجب تعلم انك


مسئول امام الله على كل ما تفعله

ويجب تحمل المسئوليه ومعرفة اهدافك من الحياه
(يعني تكون عارف انك مسئول عن كل حاجه بتعملها فى حياتك اللي من ضمنها مذاكرتك)
وايضا المسئولية تبعد اللامبالاه تجاه المذاكرة وتجعلك فى حالة مذاكرة دائمة






3-


وضع الاهداف التى تحققها من مذاكره الماده والانتهاء من مذاكرتها

( بمعنى انك تخلى فكرة الهدف واللذَّه من الماده قائمة فى ذهنك دائماً )
وايضا النتيجه من المذاكره من خلال اهداف المذاكرة
(سيتم مناقشة هذا الموضوع بالتفصيل).






4- أ


مَّا هذه النقطة الهامة سيتم فيها شرح التحفيز وما سيواجهك قبل المذاكرة بالتفصيل

لأنه أهم جزء فى مراحل المذاكرة
( يعنى لو رغبتك فى المذاكره قويه هتذاكر كويس جداً وهتكون سعيد بالمذاكرة )
أ) الابتعاد عن كل المشاكل ( شخصيه ، عائليه ، اجتماعيه )
بمعنى يكون ملكش دعوه بالمشكلات دي قبل المذاكره وفى وقتها بمعنى انك تكون مفهم نفسك ان وقت المذاكره هو (وقت مقدس) لان العمل عباده




وبجد لازم تكون حاسس بأنك ميهمكش من كل المشاكل
اصل المشاكل بتيجى وبتتحل فى الاخر
(بتيجى وتروح)




وبردو مش فكره بتتعطل منها لان انت اللى بتعطل نفسك وبتقف فى الاخر امام اهدافك
ولو عندك مشكله وتقدر تحلها فى وقتها حلها ولا تنتظر
( ولو هتضيع وقت يبقى وقتك اهم من ده كله )
ولا تكن شخصيه ناظره للمذاكره على انها ستزيد من مشكلاتك (وهضايقك اكتر)
لاء بالعكس ستزيد ثقافتك وعلمك وهتكون واعياً أكثر أن الحياة لا تحتاج الى كل هذا الضيق ويجب استغلالها فى الخير والسعادة وليس الحزن
وحاول ان تكون سلبى تجاه اى مشكله تقابلك طالما انت ستذاكر (سلبية النجاح)



ب)
حق الثقة فى

(الله،النفس،الاهل)
وحبهم والرغبه فى رضاهم من خلال تحقيق الهدف
ويجب أن يكون إحساس نابع من القلب
( وتكون حاسس فعلا بكده )




يجب ان تكون الثقه هي الصفه الاساسيه لك
(بمعنى ان يكون لديك احساس الثقه والقدرة من داخلك أمام المذاكرة ، وتلك الثقه نابعة من
( حب ربنا لك وحب عائلتك لك وحب الاصدقاء والاخرين لك ) وتشجيعهم لك .. حيث ان (مشاعر الانسان مصدر متجدد كالشمس لا تنتهى بفقدان الاشخاص الذين نحبهم)
فيجب ان تكون مشاعرك معمَّرة بالفعل بحب الله والخوف منه فإنَّه الباقى الذى لا يفنى
(احاسيسك بتتغير دايما فحاول انك تغيرها بحب ربنا وثقته وان كل اللى بتعمله من تعب ومذاكره ومحبه للاخرين هو أيضاً محبة لله)
فكيف تصل الى الرقى الاخلاقى بالفعل من حب الله وثقته
فطالما (واحد بيخاف من ربنا اوى وفى نفس الوقت بيحبه وفى نفس الوقت واثق من انه مش هيخذله ، وفعلا الاحساس مش هيكون الا من واحد مطيع لله ومطيع للوالدين ومش بيعمل ذنوب )




لو غير كده يحاول انه يعمل كل خير ويكون نيته صافيه دايماً فاستحاله ربنا مش هيقف بجانبه اكيد هيساعده ليكون الافضل دائماً وان احساس اللذه من حب الله وحب الاخرين هى ستكون سبب النجاح.
ج) الرقى الاخلاقى والاحساس بالرغبه فى النهوض والابداعيجب ان تكون اخلاقك راقيه جدا بمعنى
(لا تكون مثل الاطفال بمعنى ان مش اى حاجه صغيره تشغل بالك وتعطل فكرك) تجاه هدف ما بعد المذاكره




ويجب ان تكون شخصيه مراقبه لأفعال نفسك اذا كانت صحيحة أو خاطئة
(لوانت هتعمل فعل معين تقوم داخل نفسك بتفكير بسيط وتتسائل مع نفسك اذا كان صحيحا او خاطئا وطبعاً ده قبل ما تعمل الفعل)




ومراقبة نفسك فكرياً سيساعدك على ان تتوصل الى احداث لم يتوصل أحد اليها بعد
وستحاول التصحيح من نفسك فى مواقفك وليس هذا فقط بل جرب هذه الفكره على كل امور حياتك
(فمن صفات العلماء التساؤل دائما بلماذا وكيف)
فيراقبون كل فعل ويتسائلون حوله




ويجب ان يكون احساس المذاكره والقوه والقدره والصبرعلى المذاكره دائما فى فكرك
( يكون تفكيرك عالى وراقى واحساس الفخر والقوه والابداع وانت بتذاكر وانك تقدر على كل شىء وتكون عارف ومتاكد انك تقدر تنجز كتيروتبدع وتعطى الافكار الجديده وتحقق طموحاتك انك تكون مثلا حد مشهور بعلمه)




ويكون رغبتك دى جايه من حبك ( لربك ولبلدك ولاصدقائك )



وانك عايز تحقق حاجه جديده
مش انك بتذاكر وخلاص علشان الامتحان وبس
يعنى انت بتذاكر علشان تعمل حاجه جديده تفيد الناس كلها
وفيه معلومه صغيره كل اللى بيذاكر كويس وحل كويس ومجابش مجموع - ده افتراض - (اصلا استحاله انه يحصل)
ولو حصل هيكون اختبار من الله وميقلقش ويعرف ان كتير من العلماء كانو فاشلين فى الدراسه ولكن العبره فى انهم اصبحوا علماء بعلمهم وحصلوا على معلومات جديده وحققوا انجازات عاليه بسبب اجتهادهم وتوفيق ربنا ليهم
بس انتا اعمل اللى ربنا يقدرك عليه وانتا هتكون زيهم وهو ده الرقى الاخلاقى
5- يجب ان تسأل نفسك
( لماذا لا نحتاج الى كل هذا الكلام ايام الامتحانات )
هقولك ليه
لان خوفك من الامتحان بيديلك تحمل المسؤليه وبتكون خلاص امام الامر الواقع
هقولك مثال حقيقى
(انتا خايف من يوم القيامه اوى مش مطمن خالص ده ليه؟ علشان انتا لم تطع الله بضمير وعصيت ربك كتييير اما لو انتا عملت كل اللى ربنا طلبه منك هتكون مطمن ولو لدرجه بسيطه من التفاؤل)




ده زي انك خايف من الامتحان علشان انتا مذاكرتش بضمير وهزرت طول السنه
اما لو انتا ذاكرت صح وواثق من مذاكرتك كويس ومعصتش ربك هتكون مش خايف خالص ومطمئن انك داخل امتحان يعنى لازم تكون عامل حساب ليوم الامتحان دايما فى بالك لكى ترتاح دائماً




وايضا كما فى الحال مع الله وعايز تشوف تعبك نتيجته ايه وطبعا (ان الله لايضيع اجر من احسن عملا)
وركز اوى على كلمه احسن يعنى مش اى عمل





6- وفى الحقيقه هناك كثير من طرق التحفيز
وتوجد طريقه قويه وهى
( رؤيه مفصله لتاريخ العلماءوليس العلماء وحدهم بل كل من تعب فى توريث العلم لهم )
الذين لم تكن الظروف واقفةً معهم
ولكن صعدوا بقوة رغبتهم حتى وصلوا الى ما هم عليه ولكننا لم نستطيع عرض تاريخهم العظيم
ولكن سوف نعرض اهم اقوالهم التى تعبر عن تاريخهم العريق من خلال المقطع الصوتى التالى الذى يبين
(التحفيز ونصائح المذاكره )
وايضا به الحكم التى عرفت منذ القدم واقوال العلماء




المقطع الصوتى التالى:



رابط اقوال وحكم العلماء ونصائح للمذاكره اضغط هنا (http://www.4shared.com/file/230048738/6411cc2e/___.html)



استماع وتحميل



ولو تحفيزك قل اقرأ جزء التحفيز مره اخرى

( ليعود لك الاحساس من جديد )



بعد ما حصلت على الحماس تجاه المذاكره تعالى نذاكر






2-التوجيه للمذاكره




مقدمه



1- المذاكره من بداية الترم
(والله لو بأقل مجهود وعملت اللى عليك)
هتيجى فى النهايه وترتاح
ومش هتبذل مجهود كبير وهتكون فاهم وواعى لكل الاحداث (المكان المضىء) عكس (الانسان الذى دخل مكان مظلم وصعب عليه اضائته)
وهتجيب تقدير فى النهايه بإذن الله







2- انزع مصطلح المذاكرة ، وضع مصطلح التعلم (او الثقافه)
يعنى حاجه برضاك مش غصب عنك




اذا قلت لنفسك (سأتعلم وأتثقف حتى انفع نفسى) فذلك افضل






قد يقول البعض المناهج فرضت علينا ولا نحبها
فكيف نحب ونبدع فى شىء فرض علينا ؟





الحياة ..هل اخترناها ام فرضت علينا ؟
بالطبع اختارها الله لنا ومع ذلك فالناس يتفننون فى السعاده بها وكيفيه قضاءها بكل سرور
كذلك المنهج الدراسى مفروض علينا
لكن البارع هو الذى يتفنن فى اعمال عقله لفهمه وادراكه





3- المذاكره هيا شغلنا (وظيفة) كطلبه مثل وظيفة او عمل ابائنا فلماذا نضيع عملنا ولا نجتهد ونتفانى فيه؟!



4- المذاكره بتركيز وذكاء ودهاء وصبر وعدم يأس


(( ولا تيأسوا من روح الله إنه لا ييأس من روح الله إلا القوم الكافرون )) يوسف



(وَمَا يُلَقَّاهَا إِلا الَّذِينَ صَبَرُوا وَمَا يُلَقَّاهَا إِلا ذُو حَظٍّ عَظِيمٍ))فصلت



والمثابره خير لك من المذاكره بإهمال
يعنى تكون عارف مصلحتك فين وتذاكر بضمير
( أمامك العلم ومعك العقل ..ها ..أرنا كيف سيدرك هذا العقل هذا العلم ليجعله علما نافع )




5- تحديد الهدف من المذاكره
(استحاله يجيلك احساس بالملل طالما محدد هدف واضح من المذاكره)
ولو عندك فكرة ان المذاكره ممله (من غير تحديد هدف)
مش هيجيلك احساس السعاده من ممارسه المذاكرة




انتهت المقدمه



نبدأ .. المفهوم الحديث للمذاكره
هو عملية تلقى المعرفه (بطرق سهله) من خلال الكتب ، فى وقت محدد
ونعنى بذلك أن التعلُّم ذاته والمذاكرة أصبحت بالنسبه اليك هى الثقافه (برغبه ذاتيه من الشخص نفسه)
واكتشاف الجديد من المعلومات والتطوير فى العلم ذاته




- اهداف المذاكرة -



(وهيا دى اهدافك من المذاكره اللى لازم تحققها)


1- تحقيق الرقى للمجتمع والتقدم

( الاخلاقى ، العلمى ، الثقافى ، الدينى ، .. الخ )
على مستوى الفرد
( نكون مهذبين خلقياً وعلماء ومثقفين ويرضى الله عنا الى يوم الدين)
وكل فرد فينا يحاول يفيد البلد العظيمه دى
2- تحقيق الاهداف الشخصيه بالعزيمه وبالمثابره
(يعنى تستمر فى عملك لتحقق الهدف وتبذل محاولات وتكرر فيها والمحاولة مع بعض التغيير فيها)
لكى تتوصل للجديد فى المذاكرة
(مثلاً لما تكون حد مشهور بعلمك)
كل اللى بتتمناه هتلاقيه جالك فى سهوله وكل الناس اللى انتا متتوقعش ابداً انهم يكلموك او يعرفوك اصلا هتلاقيهم هما اللى محتاجينك وبأفضل العروض
ويكن لك الاختيار
وطبعا انتا بالطموح والحلم هتحقق كل رغباتك وطبعا لازم يكون ليك هدف
3- طبعا غير التفوق فى الدراسه وحب الاصدقاء ليك فى الجامعه وحب الاهل ليك لان دى قاعده
( المتفوقين معروفين )
ليه انتا متبقاش منهم ؟؟




والله سهله بس تركز كويس فى حياتك



4- المذاكره ليست لهدف الامتحان فقط

ولكن
المذاكره (بالثقافه)هتخليك تستفيد من المعلومه نفسها عملياً
فى حياتك وهتفيد غيرك بعلمك
مش لانك بمجرد ما كتبت المعلومة فى ورقة الامتحان نسيتها خلاص
لاء لازم هتكون فاكرها وكمان تتناقش بيها
وبكل معلومه انتا حصلت عليها..امثله كتيره هتلاقيها فى حياتك.





لماذا نكره المذاكره (كثقافه) مع انها تعطينا كثيرا من الفوئد وتعود بالخير لنا ؟؟!



لن تجد الرد على هذا السؤال


وإليك الطرق التى من خلالها تستطيع المذاكره

وايضا الطريقه هيا (


مفتاح حب المذاكره نفسها)

وهذه من أفضل الطرق وأسهلها وعليك اختيار أفضلها الذى يتناسب معك شخصياً




اولاً




الطريقه الافضل على الاطلاق
(انك تألف بنفسك طريقه تتناسب مع شخصيتك وطريقة تفكيرك) ودى طبعا بتكون للى بيذاكر من اول السنه علشان كده اللى بيذاكر من اول السنه بيكون من المبدعين والمتفوقين
(وسيساعد هذا الموضوع فى الذاكره من بدايه العام)




ولكن يجب ان تراعى الاتى
وده علشان تحفز نفسك اكتر على المذاكره الفعاله وتبدع ويكون عندك احساس التجديد والابداع




1- لا تخرج عن الاطار العام للمذاكره
وتتبع منهج علمى فى تحقيق الهدف
(متكونش بغرض غير المذاكره طبعاً
وعلشان تحقق هدف النجاح والتفوق)




2- لا تخرج عن الطرق العامه للمذاكره والطرق التى حددها علماء النفس
(يجب ان تبدع بنفسك)
3- يجب أن لا تخاطر بمستقبلك بطرق غير فعَّالة
ويجب أخذ آراء الآخرين فيها




ويجب ان تراعى هذه النقاط
(ممكن تستفيد من النقاط الجايه دى فى ابداع طريقة جديدة)




وسائل تزيد من قوه التركيز اثناء المذاكرة
(ده المحور الاساسى للمذاكرة الفعَّالة)





1- تهيئة الجو والوقت المناسب
(اعمل جدول)
لعدم تشتيت التركيز
( بمعنى انك تجهز مكان يكون هادىء ويمنع الشتتات فى التركيز وتحدد وقت حقيقى للمذاكرة )
2- اضافة عنصر التشويق والاستمتاع بالمنهج الدراسى وطريقة المذاكره
(حاول تستمتع نفسياً وتبدع فى طريقتك للمذاكرة




3- ملحوظه هامه جدا جدا
لعدم الملل من كثرة المذاكره يوجد روشته للقدره على الاستمرار فى المذاكره دون ملل




تمرين
فى وقت الراحه ما بين ساعات المذاكره
(نبدأ نطفى نور الحجرة بدل من مشاهدة التلفاز التى تتعب العين)
ثم نقوم بوضع السجود لمدة 10 دقائق
وهى أفضل وضعية لتخرج موجات ألفا
ثم نأخذ شهيقاً مكتوماً ونخرجه زفيراً طويلا من الفم (تاخد شهيق عادى وتكتمه بسيط وتخرجه ببطىء) مع عدم التفكير فى اى شئ
وبعد ال10 دقائق ستشعر بحاله من الصحوة الجديده وتستكمل مذاكرتك




4- طريقتك من خلال شخصيتك



(يعنى لو انتا بتحب المذاكره بصوت عالى او صامت على حسب تركيزك)



5- طريقة المذاكرة بالورقه والقلم فى الجامعه

(تكون فى كتابة العناصر فقط لتساعدك على تذكر التفاصيل) ولايجوز ان تذاكر بها وتكتب كل الكتاب مثلا
فمن الصعب ذلك ويأخذ وقت كبير
(اما فى مرحلة ما قبل الجامعة تجوز هذه الطريقة)




6- تحديد وتنظيم الوقت المناسب
فالمذاكره النهارية يعيبها عدم القدره على التركيز
ولكن الليل افضل لك
(اوقات من 10 مساءا وحتى 8 صباحا)
يمكنك المذاكره فى أى من الاوقات التالية
لأن نسب التركيز عاليه فيها
(ولكن يجب أن لا تتعارض مع ساعات نومك)




والمذاكره تحت سطح القمر تساعد فى المذاكره بقوة تركيز عاليه(لان القمر لديه قوة جذب تجذب الدم السائل الغنى بالاكسيجين الى المخ )
ولكن القمر لا يوجد فى جميع اوقات السنه كما نعلم




وسيتم شرح كيفية عمل جدول للمذاكره وكيفية قضاء اليوم على افضل حال



عن طريق الفيديو التالى مشاهده اون لاين وتحميل



رابط عمل جدول اضغط هنا (http://www.4shared.com/file/226803134/8826abf/__online.html)


ويمكنك سماع الفيديو علشان تفهم بعض المعلومات فى عمل الجدول من خلاله


7- يجب أن تتعود على نظام الامتحان
وتحدد نظام لكل ماده من خلال
(تعتمد على الحفظ اكثر من الفهم فكر فى طريقتك فى تكرار المعلومات التى تحتاج الى حفظ)
مثال (الموارد اقتصاديه وحفظ الارقام ...الخ)
لو الطريقه تتعتمد على الفهم اكثر
يجب ان تعتمد على فهم ماذا تدور حوله الفقره نفسها




ووضعها فى تخيل فكرى فى ذهنك المثال فى الحاسبة (عرفة المدين والدائن ومتى يكون كذلك وتتغير بعد ذلك الجمل من خلال فهمك....والخ)



8- معلومه ونصيحه أخيرة

(يجب أن تبدع بالفعل ولاتتعود على الاستقبال فقط من الدكتور أو المدرس دون الارسال)
يعنى تكون عندك قدره على شرح ما تعلمته وابدعته لغيرك
وتتعود على انك تشرح لنفسك ولغيرك
وهذه مرحله أخرى من الابداع




النصيحه
للحصول على طريقه عبقريه فى المذاكره
يمكن الاستفاده من
(التنميه البشريه،تنمية المهارت الفكريه والحفظ..الخ)




هام جدا



وطبعا ايام الامتحانات بيكون
(ليس وقت الابتكارولايوجد وقت له)
ولاتفيد هذه الطريقه فى وقت الامتحانات
بقدملك الطرق العامه التى تفيد اى شخص وجربها الكثيرمن البشر وهى طرق علميه تم اختيار ادقها
ويمكنك المذاكره بإحدى الطرق العامة من بداية الترم
وهذا ايضا سيؤدى الى التفوق لان هذه الطرق العامة لا تختلف كثيراً




الطرق والقواعد العامه فى المذاكره



الاولى
طريقة الالوان والمسح الشامل



1- المسح الشامل

عن طريق قراءه الملزمه
(المحاضره مثلا20 او10صفحات تقراهم كلهم)
زى قراءة الجرنال
وتقراهم بسرعه لو20 يأخذو10 ولو10 صفحات فى 5 دقائق من غير محاوله للحفظ او التركيز
(الغرض إحداث راحه نفسية
وألفة بين القارئ وبين الورق وهذه المرحله هامه جداً)




2- مرحلة التلوين
تلوين العناصر الرئيسيه والفرعيه والنقاط (الكلمات) الهامه فى الفقرات
حيث يفضل اللون



الاصفر ومشتقاته

(له كثير من الفوائد فى الحفظ والتركيز ويسر الناظرين)
هذه المرحله تعرِّف الطالب الاطار العام للمحاضرة
وتعطيه شيئا من السيطره على المحاضرة
(وتزيد من الألفة والمحبة والراحة النفسية بين القارئ والورق) وايضا تاخذ هذه المرحله نفس وقت المرحله السابقة

3- مرحلة الاستيعاب السريع
يبدأ بقراءة المحاضرة بطريقة بطيئة نسبياً
(بس مش تقعد نص ساعة فى الصفحة ، بالكتير اوى 7 دقائق للصفحة الواحدة)
ملحوظه
( عدم السرحان فى المحاضره وما وراء السطور ولو لزم الأمر تأجيل فهم بعض نقاط المنهج
وأنه مع التقدم فى المنهج سوف يُفَك غموض الاجزاء القديمة مجملاً )



4- المسح الشامل
(يعنى ترجع تقرا الورق من تانى زى الخطوه الاولى مره تانيه)

5- تترك الورق (المحاضره)تماماً
وبعد(4 أو 5 أيام بس متأجلش عن كده)
تعمل مسح سريع مرة أخرى فى 10 دقايق
وتكرره كل عدة ايام
(ممنوع التأجيل)
لان التأجيل ممكن يأثر على طريقه مذاكرتك وحفظك

مدمنو الطريقه الكلاسيكيه
(طريقة الحفظ التام)
تُخَزَّن المحاضره لـ10 ايام بعد ذلك يتم نسيانها
(ده كلام علماء النفس ودا طبيعى عند البشر)
ويظنون عدم جدوى طريقة المسح الشامل
ولكن طريقة المسح والتلوين تخزن المعلومات (المحاضره)
لفترات أكبر
وبكثير من هذه الطريقة لا تقل عن تقدير الامتياز

ملحوظه هامة
لكى تغير طريقتك التقليدية لهذه الطريقة
(ستتغير تدريجيا وتكرر وتحاول وتصبر حتى تتعود عليها )

الثانيه
طرق واقعية وعملية من خبرات سابقه

الحاجات اللى كانت بتتذاكر كويس كانت كالتالى
ودى طريقة فعلا جميلة جدا
بس عايزة اللى يصبر عليها شوية والنتيجة بتاعتها مذهلة حقيقى

وده كلام كتير من اللى جربوها
اللى هى
اننا نقرأ أو نتصفح المحاضرة مثلاً فى وقت قصير جداً
ثم نلخصها كلها
(مثلا هى 20 ورقة) فى ورقة واحدة وش وظهر
حتى لو مفيهاش حاجة ممكن تُختصر
نكتبها كلها فى مكان واحد بخط صغير يدوب يتقرا

وده فايدتته ايه ؟؟

أولا
كتبت الحاجة بإيدك فحتبدأ تستوعبها أكتر
وكلمة كنت قاريها بسرعة بشكل خاطئ مثلاً وانت بتكتبها ومركز فيها صلحت معلومتك

ثانيا
قبل الامتحان الموضوع ده بيقى
"المنقذ الرهيب"
واسترجاع المعلومة من دماغك بتبقى سهلة جدا
حتى لو كنت سايب المحاضرة من اول السنة مبصتش عليها غير اخر السنة
برده حتلاقيها مستساغة جداً لانها بايدك
وانت هاتلاقى نفسك فاكر اللى انت كتبته
بمعنى انك هاتلاقى ان انتا المعلومات دي مش جديده عليك

ده لكل المواد بشكل عام
ويكون ناجح فى المواد اللى فيها شوية المفروض تحفظ

بعد كدا جمع ورق كل ماده مع بعضه بحيث انك متتلغبطش

طريقه اخرى

فى طريقه حلوة هي انك ممكن تحدد من الكتاب سطر خفيف بالقلم الرصاص على العناوين والحاجات المهمه فى الماده اللى هي لازم متتنسيش

شئ جميل انك تتجمع انت واصدقائك كلهم فى تجميع وتلخيص مادة بحيث ان لو الوقت مش كافى لانك تلخص الماده لوحدك
أو لو الوقت مش حيسعف لكل المواد
اختاروا اكتر المواد اللى محتاجينها



الطريقه التاليه دى تم ( تجميع اهم الطرق المفيده والاستفاده منها ) فى هذه الطريقه.....ثلاث خطوات






الخطوة الأولى


القراءة الثقافية
تقرا المحاضرة قراءه ثقافيه
(كأنك تقرا جرنال او مجله)
وبتركيز وتاخذ المعلومه باستمتاع وتحاول تكون فاهم وانتا بتقرا (القراءه بصوت يتسمع حتى تستخدم الذاكره السمعيه والصوتيه)وتحسس نفسك بنجاح مستمر وبانك انجزت فعلا فى الورق ده
والهدف معرفة فكره او موضوع المحاضره
وتستغرق(5 صفحات 5 دقائق)
لانك بتقوم بالقراءة بشىء من التركيز وايضا تعتبر نفس خطوة المسح الشامل

الخطوه الثانية
التلوين والكتابه
تبدأ من بداية ما قرات ومن خلال (قراءة الثقافه) مره اخرى واثناء هذه الخطوه (تحاول ان تتذكر شيئا من معلومات الخطوه الاولى)
وتبدأ فى
التخطيط والتلوين باللون الاصفر
قلم اسمه (قلم اظهاراو يختلف اسمه اللون الاصفر المائل للبرتقالى اوالمائل للاخضر) حول العناصر
وتقراها جيدا وتكتب العناصر فى ورقه خارجيه بخط سريع(تستخدم الذاكره البصريه وارتباط الذاكره بايدك)
وتركز عليها كخطوه فى عقلك
(تضع العناصر كفكره فى عقلك)
لما يحتاج للحفظ
وتضع ايضا لون
(خط بالقلم على الكلمات الهامه فى كل سطر)
ومش مهم تكتب الكلمات نفسها يكفى (فكرة الفقرة) نفسها )
"والكلمات الهامه دى هيا مفتاح الجمله"
(مفتاح الجملة هى الكلمة اللى لو نسيت الجمله كلها وافتكرت الكلمه دى باذن الله سوف تجعلك تتذكر الجمله كلها )
من خلال هذه الكلمة لانك بتربط الجمله بالكلمه

ودى طبعا فى المواد التى تحتاج حفظ (او اغلب المواد)
ويجب ان تضع دائره بالقلم الازرق (
الجاف العادى)
حول الكلمات الهامه (اللى هيا بردو مفتاح الجمله)
وهتمكنك من السيطره على الورق من خلال بعض الكلمات البسيطه
وتستغرق (نفس وقت المسح 5صفحات 5دقائق)




الخطوه الثالثة



الحفظ والتسميع والتخيل

تبدأ بعد الخطوه الثانيه
ونبدأ بالقراءة (والحفظ الدقيق لو ماده حفظ اوى)
وبالتسميع لنفسك من خلال الافكار التى وضعتها من فكره العناصر والخطوه الثانيه والاولى ايضا
(يعنى تسمع لنفسك الافكارالى فهمتها ووضعتها فى ذهنك وتحاول تقولها من غير ما تشوفها ولو فى فكره تعسرت؟ يجب ان تراها وتسمعها ايضا وهذه هى خطوة الحفظ الدقيق)
وتستغرق(7 دقائق للصفحه ويجب ان يكون وقتك دقيقا)

وفى الحفظ الدقيق يتم
حفظ شكل الجملة ومكان السؤال ومكان الاجابه فى الورقه
وهذه تكوِّن صورة بسيطة داخل المخ تتخيلها اثناء الحفظ
(يعنى تصور شكل الصفحه وتتخيله فى عقلك)
وبعد ذلك نترك الورق

وايضا فى المراجعه سيتم مراجعه الكلمات الملونة ورسمة الفقرة والمفاتيح وده اللى هتفتكره يوم الامتحان
(هتفتكر شكل الصفحه نفسهاوستكون داخل عقلك تنظر اليها وستستدعى منها كل المعلومات التى تحتاجها )

طريقة المتفوقين والعباقره فى الحفظ


وسيتم شرح هذه الطريقه بالتفصيل عملى على مقطع الفيديو التالى مشاهده اون لاين او تحميل



روابط

طريقه مفيده للمذاكره ج1 للمشاهده اضغط هنا (http://www.4shared.com/file/227683260/dcd3c5bf/_13.html)

طريقه مفيده للمذاكره ج2 اضغط هنا (http://www.4shared.com/file/227650230/4b815aa5/__23.html)

طريقه مفيده للمذاكره ج3 او الاخير2 اضغط هنا (http://www.4shared.com/file/227657534/d474b080/__2.html)
ويمكنك مشاهده الفيديو للاستفاده منه ومعرفة الطريقه

مرحلة المراجعة

كثيراً من الطلاب يعتقدون أن المراجعة تكون أيام الاختبارات فقط حيث يعللون ذلك بأنه
ما الفائدة من المراجعة طالما أنهم ينسون ما يقرؤونه بمرور الوقت
وهذا خطأ

فأريد توضيح أن المراجعة توفر لك الكثير من الوقت والجهد خاصة وأن وقت الاختبار لا يكفي لمراجعة كل ماهو مطلوب الاختبار فيه



تذكر أخي الطالب أنه قد تمر بك ظروف صحية أو ظروف محيطة (كوفاة قريب أو ظروف أخرى)
وهذه هى الاختبارات الالهيه لك فتعيق مراجعتك أيام الاختبارات فيكون مصير هذه المادة مهدداً ما لم تكون ذاكرت منها ما يكفى للامتحان
من هنا تتضح أهمية المراجعة على مدار العام الدراسي
ولا نعني بذلك أن تحمل نفسك أكثر من طاقتها وأن ترهق نفسك بأكثر من قدرتها
بل خذ الأمور ببساطة وأعط لجسمك ونفسك حقهما من الراحة وكل ما يُطلَب منك هو تنظيم وقتك
مع تخصيص وقت للراحة والاستجمام وخاصة أيام العطلات


ولكي تكون مراجعتك أكثر فائدة ننصحك بما يلى



1- عندما تبدأ المراجعة تصفح أولاً العناوين الرئيسية ثم العناوين الفرعية



2- اقرأ المواضيع بسرعة مع وضع علامة أو خط تحت النقاط التي ترى أنها ضرورية أو التي ركز عليها الدكتور أثناء الشرح
3- حاول حفظ النقاط التي تحتاج الى ذلك كالنظريات والمعادلات والتواريخ
4- اقرأ النقاط التي تجد أنها صعبة أكثر من مرة وإذا تعذر فهمها حاول تذكر كلام الدكتور حولها
أو ضع علامة أمامها واسأل فيها أحد أقاربك أو زملائك أو الدكتور فى الجامعة
5- حاول الإجابة عن بعض الأسئلة الموجودة في نهاية كل موضوع أو التي سبق وأن كتبها لك الدكتور
6- اطلب من أحد أفراد أسرتك أو زملائك ويسمع لك أو يسألك في بعض النقاط
وإذا لم تجد من يقوم بذلك (سمع لنفسك واعتمد على نفسك افضل) حسب طريقتك
اكتب ما تريد حفظه على ورقة خارجية ثم افتح الكتاب وتأكد مما كتبت
7- حاول الإطلاع على اختبارات الأعوام السابقة إن أمكن
(والنقطة دي مهمة جدا جدا جدا لأقصى درجة)
8- حاول تذكر النقاط المهمة في الدرس وتسجلها على ورقة خارجية

أهمية المراجعة
تتمثل أهمية مراجعة الطالب للمواد الدراسية فيما يلى

1- الاقتصاد في الوقت والجهد

الأمر الذي يعطي الطالب فرصة مناسبة للترفية والتنزه



2- تثبيت المعلومات التي تم استذكارها
3- تفيد في سهولة استحضار المعلومات إلى الذاكرة
وهذه النقطة بالذات لها فائدة ملحوظة وكبيرة
وخاصة أثناء الإجابة عن الأسئلة
4- تساعد الطالب على فهم الجديد من الدروس والقدرة على متابعة المدرِّس أثناء شرحه للدرس
5- تساعد الطالب على تنظيم أوقات الاستذكار بطريقة عملية
6- تقلل من رهبة الامتحانات وتعمل على زيادة ثقة الطالب بنفسه وتصرفه عن الدروس الخصوصية
7- تضفي جوّاً من الاطمئنان على الأسرة
إذ من الملحوظ أن غالبية الأسر إن لم يكن كلها تصاب بالتوتر من جراء عدم اهتمام الطالب باستذكارالمواد الدراسية ومراجعتها

عزيزي الطالب

إن إعداد برنامج للمراجعة يلعب دورا كبيراً في الاستعداد للامتحانات ويتم إعداد برنامج أو جدول المراجعة تبعاً لمقدرة كل طالب وتبعاً لنوعية المواد التي سيجرى فيها الامتحان على أن يكون في الشكل التالي
1- المذاكرة المنتظمة لجميع المواد المقررة من أول العام الدراسي
2- حصر مواد الامتحان وترتيبها تبعاً لقربها الزمني من تاريخ الامتحان
وتحديد المواد التي تحتاج لمجهود ووقت أكبر في المراجعة
3- تحديد الزمن المتبقي على كل مادة وتقسيمه تبعا لها
4- وضع المادة الصعبة مع مادة أقل صعوبة في يوم المراجعة الواحد
5- تحديد فترات في الجدول للراحة ولممارسة هواية محببة وللاستحمام والنظافة الشخصية مما يساعد على تهيئة الجسم والذهن للاستيعاب الأفضل
6- تجنب أسباب التشتت الذهني وأحلام اليقظة أثناء المراجعة فمن يعمل ليس لديه وقت للأحلام
7- احذر أن تقلد زملاءك في طريقة مراجعتهم
فلكل إنسان طريقته ومقدرته التي تميزه
فإن طريقتك الخاصة في هذا الوقت هي أفضل الطرق
8- اجعل مراجعتك لكل درس بأن تضع هيكلاً للدرس في عناوين رئيسة وفرعية
ثم ابدأ بمراجعة كل ما يخص كل عنوان على حدة بعد أن تكون قد وضعت الهيكل الأساسي للمادة ككل
فهذا يساعدك إن شاء الله على تذكر كل النقاط الخاصة بكل درس عند الإجابة في الامتحان

ويجب ان تكون لديك قدر من الراحة النفسية قبل الامتحان نفسه (يعنى قبل الامتحان بساعتين متوطرش نفسك ومتفكرش خالص كتير فى المذاكره وانصح بعدم مذاكره شىء جديد "واضحك وهزر" علشان متنساش اى معلومه من المتراجع عليه)

وسنحصل على المزيد من طرق المذاكره الفعاله ولكن فيما بعد للاستفاده من باقى الكتب العلميه

واليك مقطع صوتى يوضح النصائح الغذائيه هتفيدك فى المذاكرة

رابط الصحه الغذائيه هادئ اضغط هنا (http://www.4shared.com/file/228522054/71c7fb88/__1.htm)


{3}. المتابعه والمناقشه(الخاص بالاعضاء والكل مشارك)






فى البدايه يجب ان



يعلم كل الاعضاء ان هذا الموضوع فى الاساس قد تم انشائه لهذا الجزء الهام جدا جدا جدا ولايمكن ان نتخيل المذاكره بدون متابعه (فالمتابعه هتفيد الناس انها تنجز الكثير) واليكم الفوائد التى تعود الينا من هذا الجزء:

اولا:






على جميع الاعضاء ان يقومون بتحفيز بعضهم البعض ومن يقل تحفيزه من الاعضاء يتم تحفيزه من باقى الاعضاء لفرفع مستواه الكلى مره اخرى وذلك عبر الاتصالات المختلفه(رسائل عامه اوخاصه واتصالات الموبايل).
وسيتم ارسال تحذيرات بكل ما هو جديد بالنسبه للموضوع عبر الرسائل الخاصه وبالنسبه للمضايقات .....والخ


















ثانيا:جميع الاعضاء فى هذا المنتدى الرائع



اصدقاء(بل اخوه) ويجب احترام مشاعر بعضنا البعض

ثالثا:ويجب الاعتماد على بعضنا البعض بمزيد من الحب والخوف على مشاعر الاخرين

رابعا:












نقطه هامه جدا "يجب ان يكون بين الاعضاء عنصر المنافسه(الهادفه) التى تحقق الكثر من الانجاز








خامسا: من خلال هذا الجزء يتم اضافة للمذاكره و للمنهج نوع من التشويق والمتعة.





نبدأ بكيفية المتابعه من خلال المنتدى:




وهذا يوجد فى قسم المتابعه (من هذا الموضوع) وهذا من خلال الرابط




1/



يقوم الاعضاء بطرح الاسئله او اى سؤال عن اى معلومه عن المنهج والدراسه لكى نتمكن من فهم المنهج اكثر ويقوم باقى الاعضاء بحل هذه الاسئله والمشاركه فيها لكى نتمكن من الفهم الصحيح (اذا تم الحل يتفق الجميع عليه ومنعا لحدوث الجدل) ،وحتى نتمكن من حفظ المعلومه لتساعدنا يوم الامتحان.


2 /



من حق الاعضاء السؤال (عن اى معلومه تدور فى فكرهم او سؤال يحيرهم فكريا) عن المنهج لكى يتم الفهم الصحيح ويفيد ذلك فى منع (عدم الثقه فى المنهج والتواصل مع الاصدقاء والثقه فى ما تذاكر منه وعدم شعور الخوف والرعب قبل الامتحان) والمعلومات المختلفة.


3 /



لا تسال سؤال يمكنه احداث اختلاف كثير فى الاراء (لمنع حدوث جدل) ويتم الاستفسار عن هذا النوع من الاسئله فى الحوارات الخاصه(يعنى رسائل خاصه للاعضاء ومكالمات تليفونيه بين الاعضاء والخ) ويتم احترام جميع الاسئله طالما تكون اسئله هادفة.


4 / ملحوظه هامه:



يجب على الاعضاء اعلان ما انجزه من المنهج بنوع من التحفيز للاخرين والمنافسه بينهم حتى يجعل الكل ينجز فى المذاكره والكل يستفيد من هذا الاعلان.
وليس بغرض اخر.


5 / المناقشه حول المنهج:



وحول كل ما يريد الاعضاء مناقشته من المذاكره وكل ما يتعلق بالمنهج وذلك بنوع من احترام وجهات نظر الاخريين حتى يمكن الاعضاء من التواصل الاكثر فيها بينهم.


6 /



ويمكن للاعضاء تقديم الاقتراحات فيما بينهم بما يتعلق بالمذاكره والمنهج


وجزء المناقشه يتم (عبر هذ الرابط)




(تم بحمد الله هذا الموضوع)



.


ونحب ان نقدم الشكر لكل من



ساهم فى الموضوع من الاصدقاء وهم (مروه شوكليت،مى طالبه فى كلية التجاره جامعة المنصوره،منار،خلود،نودى،)ثم الطلبه(مينا توتى،احمد عيد،محمود خضر طبعا،الامير محمد،احمد الجميل،محمد بيرو،محمود المصرى،على المحترف وهناك الكثير الذين لهم الافضال على الموضوع)

ونحب ان نقدم



الشكر الخاص للطالب العبقرى (امين محمود صبرى مؤلف كتاب الطالب العبقرى) الذى ساعدنى شخصيا

وايضا نقدم



الشكر الخاص (للدور القوى الذى قام به المشرف :فمبير) والذى تم به فى اداره وتنسيق هذا الموضوع


واحب ان اقدم المراجع التى استفدت منها كثيرا واشكر بالفعل اصحابها لنها ساعدتنى فى اعداد هذا الموضوع:




كتاب الدكتور احمد زويل (عصر العلم) وكتاب(كيف تكون الطالب العبقرى) للدكتور امين محمود صبرى




وهذه اسامى المراجع والمواضيع والروابط التى استفدت منها عبر النت



:


كيف يتفوق الطالب فى المرحله الثانويه؟ عصام جاويش (بوابة الثانويه العامه)


عوامل النسيان وزيادت مهارات الذاكره وعلاج النسيان و تنشيط الذاكرة - شبكة المستخدم العربي

كيفيه مراجعه المواد الدراسيه ؟؟













http://forum.z88z.com/t22286.html))








نصائح عامه للذاكره




http://www.lamasatco.com/vb/showthread.php?p=129934))

طرق واقعية وعملية من خبرات سابقه(منتدى طيق العلوم)


مقالات موقع استراتيجيات المذاكرة - خيرية العوامية













http://awamiach.org/?act=artc&id=3682))








ذاكر بذكاء وليس بجهد - منتديات النبراس


أساليب المذاكرة(













http://u055075.jeeran.com)








ليه بنكره المذاكرة ؟؟؟؟ سؤال محيرنى!!! - منتدى فتكات منتدى نسائي للمرأة فقط


للي عايزين يذاكروا (افضل طريقة للمذاكرة) - منتديات عريش اون لاين(













(http://3rishonline.com/vb/t9766.html (http://3rishonline.com/vb/t9766.html)








أفضل طرق المذاكرة -




PalRap - منتديات شبكة الراب و الهيب هوب الفلسطينيhttp://www.palrap.net/vb/showthread.php?t=17193))

اساليب عبقريه فى المذاكرة - بحث




Google


طريقه تساعدك فى المذاكره بافضل الطرق(




http://www.elazayem.com/new_page_200.htm)

نصائح طبيه هامه للذاكره (




http://www.elazayem.com/new_page_200.htm)


وهذا رابط لملف مضغوط يمكنك الاستفاده منه ومن كل المعلومات التى تم الاستفاده منها.





رقم الايداع (011كفايه كده) (




ههههه)


ويمكن الاستفاده من هذه المراجع للحصول على التفاصيل فى الموضوع ذاته ولو اى معلومه امكن ان تعرف تفاصيلها وانصح فى اوقات الفراغ بالاستفاده من هذه المراجع المهمه.

والسلام عليكم ورحمة الله وبركاته

الموضوع ممتاز وجارى قرأته

ونرجو التفاعل من الاعضاااااء

الموضوع طبعا كنا مستنينه من زماااااااان والحمد لله نزل وبالتوفيق ليك ولكل الاعاء وان شاء الله هيفيدنا كتييييييير الحمد لله

السلام عليكم ورحمه الله وبركاته
" عودنا من جديد "
أزيكم يا جماعة عاملين أيه ؟؟ وإزي المخترع و خضر ومينا وعيد وإزي فامبير و ندي وخلود وإزي منار وبيرو وإزيكوا
عاملين أيه ؟؟ و الله واحشني ...
حبيبنا و أخونا العزيز / المُخترع
تسلم يا حوده ع الموضوع والله الموضوع ممتاز ويستحق التثبيت ...
وكنا كلنا منتظرينه منذ أخبرتنا عن البدء فيه _ فاكر _ و شكرا لفامبير مؤسس قسم " ذاكر معنا " اللي إن شاء الله هيفدنا كلنا
الموضوع لسه ما خلصتش قرأته ، قرأت حوالي نصفه
ومن أهم كلام المُخترع في هذا الموضوع " انزع مصطلح المذاكرة، وضع مصطلح التعلم (او الثقافه) يعنى حاجه برضاك مش غصب عنك " لأن من يتعّقل هذه الجملة سوف يُغير نظرته تماماً للتعلم " المذاكرة سابقاً "
وطبعاً لا يوجد أفضل من كلام الله " عز وجل " ( إن الله لا يُضيع أجر من أحسن عملا ) صدق الله العظيم
و ع العموم إن شاء الله سوف أُكمل باقي قرأت الموضوع لأنه عاوز تركييييز جيد جداً
وكل عام أنتم بخير
في رعاية الله
والسلام عليكم ورحمه الله وبركاته

جزاكم الله كل خير على هذا الموضوع الرائع

يا جامد ياحوده بصراحه انا متخيلتش انو هايبقى بالجمال ده استمر يا ريس

طبعا انتا عارف رأيى من البداية في موضوع هايل زي دا

الموضوع اتثبت يا مان

وبالنسبة للتنسيق سامحنى لو ماكنتش كملته دلوقتى ..

عشان الموضوع كبير وطويل وعنيا تعبت

الســـلامـ عليـكمـ ورحــمــة الله ،،
فلا أجد من الكلام حلواً كى أشكرُ
به "محمود" صاح الموضوع الهايل
وهو كان قالى أه عمل موضوع مفجاءة
وهو كذلك فعلا ويحتاج إلى أ يقرأ بعناية
شكراً يا حودا وجعله الله فى موازين حسناتك
ننتظرُ الجديد
لى عودة أخرى إن شاء الله
دمـــــــــــتـ بـخـــيـــرــ

المجهود المبذول فى الموضوع ده عالى اوى يا جماعه وخصوصا فامبير والمخترع هما اللى عملوا اعلى جهد بصراحه بجد

والتنسيق بتاع الموضوع كمرحلة اولى جامد يا فامبير كويس اوووووى

اولا السلام عليكم جميعا
مش عارف اعبر عن سعادتى وسعادت الاصدقاء
وده بيت شعر كده من قلبى والله:) علشان اعبر عن سعادتى وعن فضل الله علينا جميعا
نحن ابناء الفراعنه على الصعاب قادرينا :
بفضــل الله عليـــنا وبرحمته قــد سقينا. :022yb4:
والموضوع ده نزل فى يوم بارك وقت (مولد النبى عليه صلوات الله وتسليمه)




السلام عليكم ورحمه الله وبركاته





" عودنا من جديد "
أزيكم يا جماعة عاملين أيه ؟؟ وإزي المخترع و خضر ومينا وعيد وإزي فامبير و ندي وخلود وإزي منار وبيرو وإزيكوا
عاملين أيه ؟؟ و الله واحشني ...
حبيبنا و أخونا العزيز / المُخترع
تسلم يا حوده ع الموضوع والله الموضوع ممتاز ويستحق التثبيت ...
وكنا كلنا منتظرينه منذ أخبرتنا عن البدء فيه _ فاكر _ و شكرا لفامبير مؤسس قسم " ذاكر معنا " اللي إن شاء الله هيفدنا كلنا
الموضوع لسه ما خلصتش قرأته ، قرأت حوالي نصفه
ومن أهم كلام المُخترع في هذا الموضوع " انزع مصطلح المذاكرة، وضع مصطلح التعلم (او الثقافه) يعنى حاجه برضاك مش غصب عنك " لأن من يتعّقل هذه الجملة سوف يُغير نظرته تماماً للتعلم " المذاكرة سابقاً "
وطبعاً لا يوجد أفضل من كلام الله " عز وجل " ( إن الله لا يُضيع أجر من أحسن عملا ) صدق الله العظيم
و ع العموم إن شاء الله سوف أُكمل باقي قرأت الموضوع لأنه عاوز تركييييز جيد جداً
وكل عام أنتم بخير
في رعاية الله
والسلام عليكم ورحمه الله وبركاته

وعليكم السلام يا محمد والله واحشنى اوى وكلنا الحمد لله بخير ايوه كده يا محمد بجد الموضوع هيفيدك جدا وهوا افادنى كتير وحبيت انه يفيد كل الناس وبجد سعيد جدا لانك فتحت يوم الجمعه ووفقك الله الى الافضل ووفقنا جميعا الى عمل الخير
جزاكم الله كل خير على هذا الموضوع الرائع
وجزاك الله ايضا اكثر من ذلك وشكرا جزيلا لمرورك معنا ايها النجم الرائع :) وبجد نرجو التفاعل مع المزيد من الاعضاء
يا جامد ياحوده بصراحه انا متخيلتش انو هايبقى بالجمال ده استمر يا ريس
100000 شكر يا حودا بس بجد ده كله بفضل الله اولا وثانيا بفضلكم انتم ايها الاصدقاء الطيبين ووفقنا الله الى صنع الخير
طبعا انتا عارف رأيى من البداية في موضوع هايل زي دا

الموضوع اتثبت يا مان

وبالنسبة للتنسيق سامحنى لو ماكنتش كملته دلوقتى ..

عشان الموضوع كبير وطويل وعنيا تعبت
اسامحك!!!!!يا حودا يا فمبير انتا عملت مجهود عظيم فى هذا الوضوع ولك جزيل الشكر والاحترام والتقدير طبعا
وربنا يوفقنا جميعا الى فعل الخير ونشر العلم





الســـلامـ عليـكمـ ورحــمــة الله ،،





فلا أجد من الكلام حلواً كى أشكرُ
به "محمود" صاح الموضوع الهايل
وهو كان قالى أه عمل موضوع مفجاءة
وهو كذلك فعلا ويحتاج إلى أ يقرأ بعناية
شكراً يا حودا وجعله الله فى موازين حسناتك
ننتظرُ الجديد
لى عودة أخرى إن شاء الله
دمـــــــــــتـ بـخـــيـــرــ

ودمت بخير ايها الصديق العزيز وبجد ده بفضل دعوات الاصدقاء ليا ومجهودهم طبعا ووفقنا الله الى الافضل دائما
المجهود المبذول فى الموضوع ده عالى اوى يا جماعه وخصوصا فامبير والمخترع هما اللى عملوا اعلى جهد بصراحه بجد

والتنسيق بتاع الموضوع كمرحلة اولى جامد يا فامبير كويس اوووووى




يا مينا انتم بركة الموضوع ولولاكم الموضوع لم يكن له فائده اصلا ولازم اقول الحق بردو التنسيق اكثر من الممتاز الرائع

وحبيت اوضح نقطه :)صغيره بعد ازنكم طبعا:
يا جماعه الجزء ده من الموضوع للمشاركه عن الموضوع نفسه والابلاغ عن الروابط التى:d تعمل وهى كلها مشاهده اون لاين وتحميل
و عن ابداء الاراء وسوف احترم كل الاراء طبعا
وايضا للمناقشه حوله واللى عمله سمو الامير محمد ده كده كويس علشان هوا كده عرف هوا خلص ايه وناقصله ايه وبردو اكد على نقاط مهمه وسوف يخصص جزء للمناقشه حول الموضوع ونقاطه ب الله طبعا :022yb4:
وارجو من الاعضاء تقييم الموضوع والاشتراك فيه:)
والسلام عليكم جميعا ايها الاخوه الكرام والمقربين الى قلبى ووفقنا الله

بارك الله فيك موضوعك جامد

السلام عليكم ورحمه الله وبركاته
" عودنا من جديد "
أزيكم يا جماعة عاملين أيه ؟؟ وإزي المخترع و خضر ومينا وعيد وإزي فامبير و ندي وخلود وإزي منار وبيرو وإزيكوا
عاملين أيه ؟؟ و الله واحشني ...
حبيبنا و أخونا العزيز / المُخترع
تسلم يا حوده ع الموضوع والله الموضوع ممتاز ويستحق التثبيت ...
وكنا كلنا منتظرينه منذ أخبرتنا عن البدء فيه _ فاكر _ و شكرا لفامبير مؤسس قسم " ذاكر معنا " اللي إن شاء الله هيفدنا كلنا
الموضوع لسه ما خلصتش قرأته ، قرأت حوالي نصفه
ومن أهم كلام المُخترع في هذا الموضوع " انزع مصطلح المذاكرة، وضع مصطلح التعلم (او الثقافه) يعنى حاجه برضاك مش غصب عنك " لأن من يتعّقل هذه الجملة سوف يُغير نظرته تماماً للتعلم " المذاكرة سابقاً "
وطبعاً لا يوجد أفضل من كلام الله " عز وجل " ( إن الله لا يُضيع أجر من أحسن عملا ) صدق الله العظيم
و ع العموم إن شاء الله سوف أُكمل باقي قرأت الموضوع لأنه عاوز تركييييز جيد جداً
وكل عام أنتم بخير
في رعاية الله
والسلام عليكم ورحمه الله وبركاته











ازيكم جميعا ياجماعة ومحدش يزعل منى بسبب عدم وجودى لانى بجد كنت عندى ظروف وموضوع ممتاز والف شكرا بالنيابة عن كل الاعضاء مشكووووووووووور جدا يامخترع

بجد موضوع هايل انا مكنتش متصورة انه هيبقى بالجمال ده قرات جزء منه بس فادنى كتير والف الف مليون مبروك على الانتهاء من المووع وتقديمه بهذة الصورة ومفيش كلمة تقال اكثر من جزاك الله كل خير

الحمد لله الحمد لله الموضوع ماشى تمام اوى وياريت لو اى حد عنده اى اقتراحات يقولها للمخترع

السلام عليكم جميعا يارب تكونو بخير


بارك الله فيك موضوعك جامد
1000000 شكر وارجو مرورك ثانيا وشكرا على ذوق حضرتك يا استاذ محمد

ازيكم جميعا ياجماعة ومحدش يزعل منى بسبب عدم وجودى لانى بجد كنت عندى ظروف وموضوع ممتاز والف شكرا بالنيابة عن كل الاعضاء مشكووووووووووور جدا يامخترع
لالا يا محمد محدش يقدر يزعل منك وربنا ييسرلك الظروف والف سلامه لعمك وربنا يشفى مرضانا
والشكر لله طبعا وده كله علشان رضا الله وافادة الناس
بجد موضوع هايل انا مكنتش متصورة انه هيبقى بالجمال ده قرات جزء منه بس فادنى كتير والف الف مليون مبروك على الانتهاء من المووع وتقديمه بهذة الصورة ومفيش كلمة تقال اكثر من جزاك الله كل خير
وجزاكى الله اكثر من الخير وشكرا يا خلود على مرورك ونرجو رؤيتك مره اخرى وتشرفينا بردد
الحمد لله الحمد لله الموضوع ماشى تمام اوى وياريت لو اى حد عنده اى اقتراحات يقولها للمخترع
الحمد لله على كل شئ طبعا ولسه لما فمبير يكمل تنسيق الموضوع وطبعا انا تحت امر اى حد يقول اقتراحات وسنتقبلها جميعا

السلام عليكم ورحمة الله وبركاته

استكمالا لمجهودات محمود المخترع ومحمود فامبير وكل الاعضاء اللى شاركت فى هذا الموضوع القيم احب اقدم هذه المشاركه التي تحتوي علي مجموعه من الكتب القيمه جدا ولها علاقه بالموضوع ويارب تفيدكم ونجد مزيد من التفاعلات فى الموضوع
الكتب كلها تحميل مباشر






لمن يريد النجاح فقط .. (http://www.fiseb.com/visit.php?lid=382)



مائة طريقة لتحفيز نفسك (http://www.fiseb.com/visit.php?lid=300)



كيف تقوي ذاكرتك (http://www.fiseb.com/visit.php?lid=290)



100 فكرة لإدارة سلوك الطلاب (http://www.fiseb.com/visit.php?lid=358)



متعة الفشل .. استمتع بالفشل ولا تكن فاشلاًً (http://www.fiseb.com/visit.php?lid=341)



صناعة النجاح (http://www.fiseb.com/visit.php?lid=351)



حتى لا تكون كلاً .. طريقك إلى التفوق (http://www.fiseb.com/visit.php?lid=401)



عصرالعقل (http://www.fiseb.com/visit.php?lid=3946)

السلام عليكم جميعا (هام لكل الاعضاء)
يا جماعه بدانا روح التنافس الى بنقول عليها

بالنسبه لنقطه هقولها طبعا
الكل بيقول ان الموضوع عيبه انه طويل وده طبعا حاجه اكيده
ولكنك لو قريت الموضوع كله وفكرت فى المعلومات اللى مينفعش انها تتشال او تتضغط هتلاقيها معلومات كتيره وبعدين انا حاطت مقاطع صوتيه علشان لو حد مل من القراءه يسمع المقاطع وبعدين يقرا
حاجه مهمه هقولها ولازم الكل ينتبه لها وهعلمها لون واضح
ليه مسئلتوش نفسكم علمنا الموضوع (لغه عربيه فصحى سهله وبها مزيج باللغه العاميه)
اقولكم ليه
بس هسال بيها اسأله وانتو هتجاوبوها هتلقو الاجابه لغه عربيه اكثر من عاميه
1/المواد اللى بتذاكروها مكتوبه بلغه ايه؟
2/كل البرامج والكتب الثقافيه زى(الجرايد والكتب والانترنت) مكتوبه لغه ايه؟
3/ الاديان وطرق العبادات (لغة القرآن الكريم)؟
4/ المثقفون بيتكلمو بانهى لغه؟
5/ ما اللغه التى لاتعرف الهمجيه والجعجعه ولا السخريه القويه (وتعرف الحكمه واداب النقاش)يعنى بها سلاسه فى التعبير؟ فهى الفصحى
السؤال الاخير
ما هى لغة العقول والقلوب وعامة الناس (بل ليست البشريه كلها تتحدث بها وليسو الكل)؟
هى اللغه العاميه
وعلشان كده كتبت الموضوع باللغه العربيه واللغه العاميه فلازم نهتم بلغة الدين والثقافه والحكمه
حاجه مهمه
وعلشان نتعود على القراءه عملت الموضوع طويل
ولكن القراءه اللى بتديلك معلومات كثيره مش معلومات ليس لها فائده
وده نموذج حى لموضوع جامد جدا وعجبنى بس بجد مش كل الناس هتفهمو!!!!! :bosyht9::friendsxs3:
والموضوع كله معلومات ومن الله التوفيق

وانا والله قريت موضوعات كتيره واخدت منها المفيد والموضوعات اللى قريتها على المنتديات
جبتلكم موضوع وربنا يباركله صاحب الموضوع

http://www.thanwya.com/vb/showthread.php?t=99258 (http://www.thanwya.com/vb/showthread.php?t=99258)
عن المذاكره بس طبعا الموضوع بتاعنا موحود فيه معلومات اكثرمنه وواضح اكثر منه مع ان الموضوع اللى فى الرابط ده كبير بردو وفعلا لغه عربيه صعبه مش سهله زى اللى فى موضوعنا احنا وشوفو بنفسكم الموضوع وقارنو ومنتظر المقارنه منكم

وجزاك الله خيرا وافاد الله بنا الناس جميعا وادخلنا الجنه بهذه الاعمال الطيبه فى نقل العلم
بجد يا (محمود خضر) اكيد كتب جامده جدا بس ارجو منك المذيد من الكتب وايضا باقى الاعضاء اطلب منهم الاهتمام :022yb4:
هخلى فمبير ينقلهم للموضوع الاصلى ب الله

ان شاء الله فى مزيد من المشاركات فى الفتره القادمه ونريد من الاعضاء مزيد من التفاعل فى الموضوع بالمشاركه

موضوع رائع جزاكم الله خيرا

بجد التوبيك جااامد جدا يا محمود ورائع
وربنا يفتح نفسنا على المذاكرة

جزاك الله خيرا

اشكرك على مجهودك

تسجيل متابعة

الموضوع ممتاز يا مخترع وعامل شغل جامد مع الناس والله عملتلك شير فى كل حته

يلا نبدأ يا جماعه الدراسه ابتدت اهى ومش عايزين نسيب الموضوع كده

جزاكم الله كل خير على هذا الموضوع الرائع

انا بجد مش عارفه اقولك ايه انا اصلا كنت داخله ومتاكدة انى محدش اهتم اصلا
ودخله الموضوع ونا اعندى حاله يأس فظيعه جدا جدا لان الاسبوع دة عندى كميه احباط مش قادرة اقولك عليها وانت بجد فجئتنى
بمجهودك الجبار دة بجد انا فرحانه اووووى وهبتدى واقولك انا عملت ايه بالظبط وبجد ميرسى ليك اوووووى بجد عاجزة عن الشكر
ومهما اقولك مش هقدر اوصف قد ايه انا فرحانه
وانا هنوى ونيتى خالصه لله انى هبتدى بجد
شكرا شكرااوووووووى

انا بجد مش عارفه اقولك ايه انا اصلا كنت داخله ومتاكدة انى محدش اهتم اصلا
ودخله الموضوع ونا اعندى حاله يأس فظيعه جدا جدا لان الاسبوع دة عندى كميه احباط مش قادرة اقولك عليها وانت بجد فجئتنى
بمجهودك الجبار دة بجد انا فرحانه اووووى وهبتدى واقولك انا عملت ايه بالظبط وبجد ميرسى ليك اوووووى بجد عاجزة عن الشكر
ومهما اقولك مش هقدر اوصف قد ايه انا فرحانه
وانا هنوى ونيتى خالصه لله انى هبتدى بجد
شكرا شكرااوووووووى
الشكر لله فى البدايه وللاصدقاء الطيبين اللى ساعدونى ووقفو معايا جامد ولحضرتك على ردك اللى اثر فيا كتير ورجعلى التفائل والامل اكثر من الاول وياريت تتبعينا

السلام عليكم جميعا
الموضوع ده مهم جدا (هيرجعلك الحماس من تانى بأذن الله تعالى)
ودخله الموضوع ونا اعندى حاله يأس فظيعه جدا جدا لان الاسبوع دة عندى كميه احباط مش قادرة اقولك عليها
وبنقول يا جماعه والله العظيم (واقسم بالله ان الاحباط بيكون سبب للفشل واقسم ايضا انه ملوش اى لزمه فى الاخر واننا كلنا هنندم جامد اننا احبطنا نفسنا فى يوم او يأسنا وكل ما نفتكر اننا احبطنا نفسنا هنزعل جامد اننا متفائلناش ساعتها وهنقول يااااااااه لو كنا تفائلنا سعاتها بدل من حرقة الدم )
ياااااااااه لو يكون تفكيرنا راقى زى ما قولت ويكون تفكيرنا زى العلماء ومش تفكيرنا بس ده احساسنا كمان
تفتكرو العلماء والانبياء تعبو اد ايه الانبياء تعبو تعب محدش من البشريه بحالها تعب قده ولكن هما صممو
وبمساعدة ربنا ليهم نجحو.... خير مثال (النبى عليه الصلاة والسلام) واحد هيقولى طب هو اانا هاجى زى النبى؟؟ انتا مش زييه اكيد.. بس ربنا مفرقش بين حد وحد غير بالعمل الصالح والعلم بس انتا بعملك الصالح وبحماسك انك تكون حاجه كويسه لو صممت هتكون زى العلماء اللى هما ورثة الانبياء لان مفيش حد هيكون زى الانبياء بس تكون حد من العلماء وتكون راضى عن نفسك
وان زى ما قولنا ان العلماء مفرقتش معاهم النتيجه او المدرسه ومأحبطوش من نظام التعليم واصبحو علماء كبار
بحماسهم وكفاحهم وتفكيرهم وعدم الاحباط ومتنسوش ان الفشل طريق النجاح
انا هعمل موضوع هنا هيكون جامد هيخلى الناس تتعلم من اخطائها وانا عن نفسى هقول اخطائى كلها والكل يقول اخطائه ونتعلم كلنا منها (لان العلماء بردو كانو بيتعلومو من اخطائهم علشان كده بقو علماء)
فخلى نفسك حاسس بالامل والتفائل وحط نفسك مكان العلماء دول وبجد تبقى احمق لو احبط نفسك!!!
لان الااحباط مش هيفيدك والاحمق هوا اللى بيحسس نفسه باحساس مش هيفيده وهيوصله للفشل!!!!
وانا لو شايف نفسك لما تحبط وتقول مثلا انا هعيش حياتى وهقديها مذاكرة ايه يا عم انا عملت ايه لما ذاكرت يعنى؟!!!!! هقولك حاجه بالله عليك انتا هتكون راضى عن نفسك كده وربنا تتخيل انه يكون راضى عنك وولدك ووالدتك ومتضحكش على نفسك او الشيطان يهيئلك ان راضى عن نفسك احسبها صح وذاكر ومتحبطش واتعلم من اخطائك.
انا فرحانه اووووى وهبتدى واقولك انا عملت ايه بالظبط وبجد ميرسى ليك اوووووى
كلنا فرحنا بيكى لانك حسبتيها صح فعلا وربنا بيحبك جدا وبيختبرك على فكره وانتى الحمد الله نجحتى فى الاختبار بس تكملى نجاح للنهايه
هيا فى البدايه كانت محبطه جدا ولما قرأت الموضوع حاولت تحفز نفسها لانها فعلا من جواها عايزه النجاح ومفيش حد ابدا من جواها عايز يفشل .... وعايزه يكون ربنا راضى عنها وعائلتها راضيه عنها وعرفت ان الاحباط ملوش لزمه ومش هيؤدى الى اى نتيجه غير الفشل.
فأتنو ليييييييييه متعملوش زيها وزيي وزى الاصدقاء الكويسين وتكونى انتو بتبنو مستقبلكم بأديكم
والله يا جماعه الطريق امانا طويل وربنا بيختبرنا والله والذكى والناصح اللى زى صديقتنا العزيزه هذه هوا اللى هينجح فى اختبار ربنا ليه
وتفتكرو ده بعد ايه عندى كميه احباط مش قادرة اقولك عليها ده بعد ما كان عندها كمية احباط شديده جدا واستحاله عمليا ان حد يوصف او يوصل احساسه كامل للى امامه بس هيا احبتط كتير وفعلا كلنا احبطنا
بس لما اتكلمنا مع بعض وشكينا لبعض همومنا وحسينا وبحبنا لبعض وخوفنا على بعض وفعلا اننا عايزين نحقق شىء كويس ونعوض النتيجه
بدانا نتحفز من جديد ونزاكر من جديد وهيا بعد ما كانت محبطه جدا ومش قادره تسمع حد بقت فرحانه جدا زيي الحمد لله طبعا:d ونتمنى ان يكون الكل سعيد دائما ومتفائل
(لان التفائل يأتى بالسعاده والفرح)
وانا هنوى ونيتى خالصه لله انى هبتدى بجد
هيا قالت نيتى خالصه لله هيا كويسه جدا ولكن بقول انتا علشان تذاكر تحاول تبدا وقتها من غير نيه اصلا او تقول انا هنوى لان الشيطان بيلعب دوره ويحاول يوقع حماسك وتحفيزك فى سعاتها وبينتهز الفرصه فى الفتره اللى انتا بتكون ناوى فيها دى
اما لو انتا بدأت فى وقتها ولو بدات قريت صفحه واحده من غير مذاكره حتى يعنى تقرأ قراءه ثقافيه بس
عارف هيحصل ايه؟ هيكون افضل بكتيييير وحماسك هيزيد اكتر وهتحس بأحساس الفخر والسعاده النفسيه اللى احنا قولنا عليه
بدل من التأجيل والتسويف وده حتى نفس الحال فى الصلاه ونفس التدخل من الشيطان فى ضرب الحماس
ومتنساش ان ربنا هيساعدك فى وقتها وهتتعود على انك تذاكر دايما بسبب انك ذاكرت فى وقتها ومتسوفتش
وبكده يكون مش ناقصك حاجه وتحتفظ باحساس الحماس تجاه المذاكره والتفوق

وربنا يوفقنا جميعا وارجو ان اللى عنده اى سؤال او حاجه عن الموضوع اوالمعلومات الى فى الموضوع.
جزئيه معينه مثلا محتاجه توضيح او عنده مشكله فى حاجه يقولها واحنا هنحالها ب الله طبعا.
(يعنى اى سؤال انا وكل الاعضاء تحت امره):)
والسلام عليكم جميعا

اولا ردك كويس جدا ونا عندى تعليق كدة على كام حاجه معلش هتعبك معايا شوية

اول حاجه انا عجبانى اوى فكرة الموضوع اللى انت بتحضرها وانا معاك وعمرى ما هتكسف اقول اخطائى لانى بحب اواجها عشان اتعلم منها والموضوع دة هيبقى كويس جدا جدا

تانى حاجه
لان الااحباط مش هيفيدك والاحمق هوا اللى بيحسس نفسه باحساس مش هيفيده وهيوصله للفشل!!!!
عندك حق انا فعلا كنت لما بتخنق من المذكرة بقول خلاص هعمل ايه يعنى لكن كنت ببقى من جوايا نفسى اوووى اكون مجتهدة
تالت حاجه
هيا فى البدايه كانت محبطه جدا ولما قرأت الموضوع حاولت تحفز نفسها لانها فعلا من جواها عايزه النجاح ومفيش حد ابدا من جواها عايز يفشل

انا فعلا كنت محبطة جدا لكن ف نفس الوقت كنت بدور على اى كلام علشان احفز نفسى به وكان اهم كلام قدامى هو انى اقول لا بلاش كدة هتتخلى عن حلمك طب اهلك هيقولوا ايه طب باباكى اللى عنده امل فيكى هتخيبى امله بطريقتك دى لحد بقى ما لقيت موضوعك يا محمود يمكن ربنا حطك قدامى كالرساله وكانه بيقولى انا جمبك
هيا قالت نيتى خالصه لله هيا كويسه جدا ولكن بقول انتا علشان تذاكر تحاول تبدا وقتها من غير نيه اصلا او تقول انا هنوى لان الشيطان بيلعب دوره ويحاول يوقع حماسك وتحفيزك فى سعاتها وبينتهز الفرصه فى الفتره اللى انتا بتكون ناوى فيها دى
ههه فعلا كلامك للمرة المليون صح لانى لما قولت كدة وعمل الجدول وخلاص هبتدى اكتشفت انى عندى امتحان تجريبى ودى هيعطلنى شوية علشان المذكرة بتعتى الصبح والمدرسة ف نفس الميعاد فعملت واحد تانى من غير ما انوى وربنا يوفقك الناس كلها بكرة انشاء الله
عندى سؤال؟
هو ايه عدد الساعات اللى مفضله ف المذكرة؟
انا عمله 8ساعات على فترتين هل دة صح؟
وميرسى مرة تانيه ومش اخيرة ليك يا محمود ومبروك لنتيجه الترم
وانشاء الله انا مستنيه الموضوع اللى انت هتنزله
ميرسى ليك

الحمد لله الناس ابتدت تهتم بالمواضيع اللى بتهتم بالمستقبل والمذاكره والتفوق ومتهيألى لو كلنا مشينا ورا المواضيع اللى زى دى اكيد مش هنندم ونجيب تقديرات عاليه بفضل الله
بس كنت عايز اقول لمحمود حاجه بس ان موضوعك ده جه متأخر شويه ياريتك كنت عملته قبل بدايه الترم الاول

وانشاء الله انا مستنيه الموضوع اللى انت هتنزله
ميرسى ليك
كلنا مستيين موضوعك ياد انت اخلص بقى

thx ya ma3lem 3ala el kalam el gamed dah

السلام عليكم جميعا
عاملين ايه؟؟
quote]عندى سؤال؟[/quote] سؤال بس انا عايز اسئله :022yb4:

هو ايه عدد الساعات اللى مفضله ف المذكرة؟


انا عمله 8ساعات على فترتين هل دة صح؟


هوا مش شرط تذاكرى بعدد ساعات معين انا قولت قبل كده المهم انتى انجزتى اد ايه فى الساعه اللى انتى بتذاكريها

وعلى العموم انتى لازم تذاكرى برضا +انجاز+وقت كويس (يعنى بلاش تضييع وقت)=مذاكره فعاله وقويه
انا كنت فى 2ثانوى كنت بذاكر فى اليوم 6 ساعات بس!!
وانجزت كتير
وانصحك انك تذاكرى وتنجزى وتوفقى ما ببن وقتك ومذاكرتك
وعلى فكره8 ساعات كويس جدا بس هلى يا ترى هيفضلو زى ما هما ايام الامتحانات ولا؟؟:) بس تكونى بتنجزى جامد فيهم
يعنى تحلى كتير تخلصى وتنجزى فى الكتاب او الملزمه والخ

بس ممكن توضحى يعنى ايه فترتين بالظبط :)



وبمناسبه المذاكره الفعاله والوقت والتحفيز

انا كنت صحيت من النوم متأخر شويه (يعنى على الساعه 11) وكنت صاحى مضايق جدا جدا ومكنتش عارف لييييه؟؟ المهم

لما بمجرد ما افتكرت انى ذاكرت الصبح وانجزت انجاز كويس فى الماده راح جالى احساس بالسعاده الزهنيه على طول يعنى من جوايا حاسس بالامل والتفائل (اللى هوا احساس الفخر والانجاز) تجاه نفسك والاحساس ده عباره عن(قوه،انجاز،اعتزاز بالنفس،سعاده عقليه فخر نفسى)
وعلى فكره
(ده طبعا لانى بدات اول ماده ازاكرها وكنت على فكره ذاكرت قراءه بس ومكنتش هذاكر اصلا!! دى المعلومه اللى هيا بتاعت انك متنويش المذاكره ذاكرى على طول ولو قراءه)
وعلى فكره لما مثلا تجاوب سؤال ااستاذ سأله وقال السؤال ده للعباقره وانتا طبعا مذاكر كويس فأكيد هتعرف تجاوبو
اول ما تجاوبه عارف هتحس بأيه هتحس انك(عندك حاس اكثر وحاسس بالفخر وانك مميز عن الغير وده طبعا احساس متع وفى غاية الجمال) او بردو طلبة الجامعات لما يقومو يتناقشو مع الدكتور فى المدرج وقدام الناس كلها يعنى 2000 طالب مثلا تخيل!!
فبيكون احساس رائع فعلا والانسان بطبعه بيحاول يكرر الاحساس ده تانى فبيحاول يذاكر اكتر وينجز اكتر علشان يحصل نفس الموضوع مره تانيه

(وهيا دى طبيعة الانسان الراقى اخلاقيا والسعاده العقليه والنفسيه الداخليه)
وبالتوفيق باذن الله


الحمد لله الناس ابتدت تهتم بالمواضيع اللى بتهتم بالمستقبل والمذاكره والتفوق ومتهيألى لو كلنا مشينا ورا المواضيع اللى زى دى اكيد مش هنندم ونجيب تقديرات عاليه بفضل الله




بس كنت عايز اقول لمحمود حاجه بس ان موضوعك ده جه متأخر شويه ياريتك كنت عملته قبل بدايه الترم الاول


المستقبل بيهتمو بيه الدول المتقدمه ولو مهتموش بيه يحسو انهم ماشيين فى طريق مظلم زي الدول النون:)

يا احمد خليك متفائل وتفائل خيرا والموضوع ده اصلا جاتنى فكرته
قبل الامتحانات بشهر كده بس الحمد لله انا بقيت اهتم كتير

بس هوا فعلا جه فى وقته علشان نتعلم من اخطائنا لو علناه فى اول السنه مش هيبقا احساسنا زى دلوقتى واذا كان على التفوق يبقى نتفوق فى الترمك ده اكييييييد والثقه دى نابعه من حب الله والثقه به انه لا يخزل احد

كلنا مستيين موضوعك
يا احمد المفروض مايكنش عندك فكرة الاستقبال مسيطره عليك ومتعتمدش على حد غير نفسك
بس ده طبعا فى النجاح واستقبال المعلومات وزى ما قولت 100 مره لازم تكون بتحفز نفسك وتثق فى نفسك
ان انتا عندك قدرات بس مش عارف تطلعها صح او تستغلها ولازم تكون عندك روح الابداع هيا اللى مسيطره عليك وتقبل ردى بس حبيت اوضح نقطه معينه ظاهره من ردك (خليك متفائل:p) حبيبى انتا يا احمد والله

بالنسبه للموضوع هو الحمد لله نزل
تعلم من اخطائك (الفشل طريق النجاح) تعالى نفضفض(مـتـجــدد) اضغط هنا</STRONG> (http://www.thanwya.com/vb/showthread.php?t=193548)
والسلام عليكم

انا بقى هفضفض بجد بس محتاجه حد يفهمنى مش يهاجمنى
انا بقى مشكلتى كبيرة اوى بجد ومش عارفه اتخلص منها
اول حاجه
انا ببقى ف لحظة عندى حماس واقول هذاكر وهعمل وهعمل وفجاه مفيش حاجهمن اللى قوتلها بتحصل خالص والله
تانى حاجه لما آجى اقول النهاردة انشاء الله هذاكر كذا برضه ولا بذاكر ولا حاجه ومش عارفه ايه اللى بيجرالى

تالت حاجه بقى ودى بجد مهمه اوووووووووى وممكن تكون عند ناس كتيرة
هو انى اعد اذاكر اذاكر بالايام ولما اروح الامتحان او الميس بتعتى تسمعلى اول ما بتصلى بنسى كل شىء وخوفى تملى بيقضى على اللى بذكره
حتى ف الامتحان كدة برضه مفتكرش غير لما اطلع من اللجنه ومش عارفه دة سببه ايه بالظبط دة كل اللى بيحصلى والله بتفصيل ودة الغلط اللى للاسف كل يوم بحاول اتخلص منه لكن بفشل

انا بقى هفضفض بجد بس محتاجه حد يفهمنى مش يهاجمنى
انا بقى مشكلتى كبيرة اوى بجد ومش عارفه اتخلص منها
اول حاجه
انا ببقى ف لحظة عندى حماس واقول هذاكر وهعمل وهعمل وفجاه مفيش حاجهمن اللى قوتلها بتحصل خالص والله
تانى حاجه لما آجى اقول النهاردة انشاء الله هذاكر كذا برضه ولا بذاكر ولا حاجه ومش عارفه ايه اللى بيجرالى

تالت حاجه بقى ودى بجد مهمه اوووووووووى وممكن تكون عند ناس كتيرة
هو انى اعد اذاكر اذاكر بالايام ولما اروح الامتحان او الميس بتعتى تسمعلى اول ما بتصلى بنسى كل شىء وخوفى تملى بيقضى على اللى بذكره
حتى ف الامتحان كدة برضه مفتكرش غير لما اطلع من اللجنه ومش عارفه دة سببه ايه بالظبط دة كل اللى بيحصلى والله بتفصيل ودة الغلط اللى للاسف كل يوم بحاول اتخلص منه لكن بفشل

اهلا يا y0oya :)

منورة المنتدى بوجودك

وطبعا انا مش بنهدم بالعكس احنا بنحاول نبنى ونصلح الحاجات اللى بنقع فيها

نفس الحاجات اللى بتحصلك تقريبا بتحصلى دايما يعنى انتى بتقولى ان بيبقى عندك احساس الانجاز وانك عايزة تزاكرى بسرعه وكده بس للاسف مش بتحافظى على الاحساس ده او مثلا بتقولى كده وتفضلى تأجلى تأجلى لحد ما اليوم يضيع ومتزاكريش
طيب احنا المفروض نعمل ايه ؟؟؟؟؟؟

اول ما يجيلنا احساس الحماس والرغبة فى الانجاز والمذاكرة مش نفضل نأجل ......لاء نبتدى على طول نزاكر
يعنى دلوقتى انا جالى الاحساس ده انى هزاكر يبقى لازم اقوم دلوقتى حاااااالا ازاكر عشان الاحساس ده ميروحش ويبقى كأننا معملناش حاجه خاااالص


بالنسبة لتالت حاجه بقى دى راجعه للثقة فى النفس خليكى واثقه فى نفسك يعنى مثلا لو الميس بتسمعلك
مش لازم تبصى فى عينها وتفضلى قاعده كده مترقبة اللى هيحصل لا عااااااادى جدا فى حالة ان لو فى حد بيسمعلك انتى بتبقى رايحه وانتى عارفه انتى هتقولى ايه من غير لا خوف ولا قلق من اى حاجه لازم تعتبرى الاختبار ده ايا كان يعنى من الميس شفوى يعنى او تسميع او امتحان تحريرى انه مجرد اختبار لا اكتر ولا اقل
وانك تعودى نفسك دايما اثناء مزاكرتك انتى بينك وبين نفسك على موقف الضغط اللى انتى بتبقى فيه ده اثناء الامتحان او لما حد بيسمعلك يعنى وانتى بتزاكرى تخيلى الموقف ده انها قدامك او ورقة الامتحان قدامك وهاتى حد يسمعلك كمان عشان تتعودى فلما تبقى معاهم الضغط ده يقل خااااالص

وطبعا لسه فى ناس كتير هترد عليكى وهيقولوا على حاجات احسن من اللى انا قولتها دى مليون مرة طبعااااا

بس انتى جربى كده وتابعينا دايماااااااااا

ونورتى المنتدى مرة تانيييييييييية:022yb4:

اولا شكرا يا محمود على الافادة
ثانيا مينا المنتدى منور علشان فيه ناس بتحب الخير شبهك بالظبط كدة يا جميل
وانا فعلا يعنى بحاول اعمل دةبشكل او بآخر ويعنى انا بحب ديما اسمع للناس واحاول اقتنع بكلامهم علشان كدة بحب اسئل كتير
وف المنتدى دة انا بجد ببقى ف امان لما بسئل ببقى مطمنه علشان ببقى عارفه ان في ناس حلو زيكم كدة هترد عليا بجد ميرسى يا مينا وانا حبيت ااخطائى دى علشان ممكن يكون حد عندة هى هى المشكله ولكن خايف يقول او محرج

السلام عليكم
يارب تكونو بخير (كويسين؟؟:d)
انا بقى مشكلتى كبيرة اوى بجد ومش عارفه اتخلص منها
بصى منطقيا كل مشكله ولها حل بفضل الله وطالما احنا نثق فى ربنا كويس يبقى اكيد ليها حل
مهما كانت المشكله كبيره وملناش دخل بيها اوتسبب القدر بها (او ابتلاء واختبار من ربنا لينا فلازم ننجح فى الاختبار ده ونكون مؤمنين) واكيد هنتخلص من اى مشكله تقابلنا مهما كانت
انا ببقى ف لحظة عندى حماس واقول هذاكر وهعمل وهعمل وفجاه مفيش حاجه من اللى قوتلها بتحصل خالص والله
هقولك السبب ان دى طبيعه بشريه اصلا وان كل انسان (بينسى ومتردد فى افعاله وكمان احساسه ومش صادق دايما مع نفسه وطبعا زى ما قولنا ان الشيطان بيلعب دور جامد وعارف عيوب الانسان فبيدخلنا من عيوبنا واحنا بردو لازم ندخله من عيوبه (طبعا احنا عارفين عيوبه ايه) ونتحكم فى سلوكنا وونسيطر على احساسنا
وقولت لو حد عايز يجدد احساسه (يسمع اى حاجه تخليه متحمس للمذاكره يعنى مثلا الموضوع ده يقراه تانى او يسمع قران مثلا او كلام اصدقائه ويتناقشو ويسال نفسه هوا ليه مش بيذاكر وافتكرو اهدافكم انكم تكونو (علماء) واعملو اي حاجه تجدد حماسكم وخلاص
تانى حاجه لما آجى اقول النهاردة انشاء الله هذاكر كذا برضه ولا بذاكر ولا حاجه ومش عارفه ايه اللى بيجرالى
بردو موضوع النيه محدش ينوى انه يذاكر وبقول (لا تؤجل عمل دلوقتى الى بعد شويه) ولو لقيت اى دقيقه او ساعه تعرف تذاكر فيها فى وقتها من غير نيه تفنح الكتاب وتذاكر على طول تخليك حاطت جوه نفسك انك تقدر تسيطر على الظروف مش هيا اللى بتتحكم فيك بردو افتكرو احساس العلماء اللى قولنا عليه.
يا جماعه كل ما تلقو نفسكم مش عارفين تذاكرو افتكرو4 حاجات مهمه( افتكرو ربنا كويس والعلماء اللى تعبو و انكم عايزين تبقو زيهم وده هدفكم وافتكرو بردو اصحابكم المتفوقين وقول ليه مبقاش زييهم وحاجه مهمه افتكرو انكم لسه خارجين من امتحانات وافتكرو الاحساس بتاع المذاكره ايام الامتحانات وقتها) وده يكون احساس من جوه القلب مش مجرد كلام داخلى
وبعد كده على طول ذاكرو ولو هتذاكرو مجرد وقت قليل بس تبدأو وربنا هوا المستعان وانتا اكيد من جواك هيكون احساسك انك تنجز.
هو انى اعد اذاكر اذاكر بالايام ولما اروح الامتحان او الميس بتعتى تسمعلى اول ما بتسمعلى بنسى كل شىء وخوفى تملى بيقضى على اللى بذكره حتى ف الامتحان كدة برضه مفتكرش غير لما اطلع من اللجنه
لو واثقه كويس جدا من ربنا ومن نفسك ومن قدراتك ومن مذاكرتك وبتذاكرى مذاكره من الطرق اللى قولنا عليها
هتكونى مطمنه دايما والخوف هيمشى على طول وبلاش تحطى فى دماغك فكرة الخوف اصلا طالما هيضرك
حتى ف الامتحان كدة برضه مفتكرش غير لما اطلع من اللجنه
دى مشكلة طريقة المذاكره نفسها وعدم الثقه زى ما قولت وانتى بتضغطى على نفسك فى المذاكره اكيد
بلاش ضغط طالما انك متعبه لان اى مذاكره بعد كده مش هتفهمى زى الاول
ودى الاخطاء اللى للاسف كل يوم بحاول اتخلص منها لكن بفشل
والله لام الانسانيخطأ بس لازم يحل خطاه وميكررش الخطا ده وهيا دى الحكمه وافتكرو الحكمه اللى بتقول
اذا استطعت تدوين فترة تغيرك من السلبيه الى الايجابيه ونقلت احساسك حقا للناس اذا فأنت حكيم وعبقرى وستصبح عالم فى المستبقل
يعنى لو انتا اتغيرت من انك مش بتذاكر وبقيت بتذاكر وقدرت تكتب احساسك بالظبط وتكتب اسباب تغيرك يبقى انتا كده خلاص هتاثر على ناس كتير جدا اذن انتا حكيم وانتا كده عالم لان العلماء هما اللى يعرفو ياثرو فى الناس ودى طبعا حكمه تنفع لكل حاجه مش المذاكره بس
والله يا جماعه انا نفسى وكل الاصدقاء بنقرا الوضوع ده دايما علشان نجدد احساسنا وانا والاصدقاء بردو بشر يعنى بنخطأ
وافتكرو النقط المهمه دى
رابط اقوال وحكم العلماء ونصائح للمذاكره اضغط هنا (http://www.4shared.com/file/230048738/6411cc2e/___.html)

رابط الصحه الغذائيه هادئ اضغط هنا (http://www.4shared.com/file/228522054/71c7fb88/__1.htm)
ويكون رغبتك دى جايه من حبك ( لربك ولبلدك ولاصدقائك )

مسئول امام الله على كل ما تفعله
الرقى الاخلاقى والاحساس بالرغبه فى النهوض والابداع
يجب ان تكون اخلاقك راقيه جدا بمعنى
تمرين

فى وقت الراحه ما بين ساعات المذاكره

(نبدأ نطفى نور الحجرة بدل من مشاهدة التلفاز التى تتعب العين)
ثم نقوم بوضع السجود لمدة 10 دقائق
وهى أفضل وضعية لتخرج موجات ألفا
ثم نأخذ شهيقاً مكتوماً ونخرجه زفيراً طويلا من الفم (تاخد شهيق عادى وتكتمه بسيط وتخرجه ببطىء) مع عدم التفكير فى اى شئ
وبعد ال10 دقائق ستشعر بحاله من الصحوة الجديده وتستكمل مذاكرتك


الطرق والقواعد العامه فى المذاكره

ونتمنى لكم من خالص حبى وقلبى بالنجاح والتفوق

ربنا يكرمك يامحمود انت ومينا ويوفقنا كلنا يارب وينجح كل اللى مش جاب النتيجه لسه يارب

السلام عليكم
النهارده صحيت من النوم بدرى الحمد لله
وصليت وعملت تمارين الصباح وذاكرت
كده انا يبقى بالى مرتاح خلاص

اقرا ده مهم
لماذا لا تذاكر ؟؟ ؟؟؟
مقتبس عن اشخاص ترد على السؤال

مذاكرة إيه يا عم ..أنا لله فلله كده بكره قعدة المكتب بالفطرة !

حبيبى ..تعالى نؤصل لماذا ...هب أنك تلعب لعبة Game لو انك لا تعرف قواعد تلك اللعبة ولا تفهمها مؤكد انك ستخسر فيها باستمرار وبالتالى تكرهها ..أما إن جربت أن تلعب لعبة تفهم قواعدها ستربح فيها بل وستستمتع بها وبقانون تكاثر الافعال ...المكسب يدفعك للقيام بالعمل مرة أخرى ..أتمنى ان تكون فهمت قصدى فالمذاكرة كذلك عندما لا تفهم قواعدها ستخسر فيها وبالتالى ستكرهها
فلازم تعرف طريقه للمذاكره تناسبك.

يا عم انا بملّ منها عمليه تجيب ملل !

صديقى ...انا معك ان الانسان يمل من الشىء الذى اعتاد عليه وألفه ..لكنه ابدا لا يمل من الشىء الذى يطوره ويجدد فيه باستمرار حينما تتبع سيستم معين فى مذاكرتك لكل المواد وبكل الاوقات فمن الطبيعى ان تمل ذلك الاسلوب والنظام ...فما أريد ان تدركه هو ان طريقتك هى السبب فى الملل واتباعك لاسلوب واحد تقليديى اعتدت عليه من سنين هو السبب
تطور من طريقة مذاكرتك وابدع فيها ومارس تمين عدم الملل وجدد احساسك بالحاس.

أنا اتعقدّت من نظام الشرح والتدريس حفظ فى حفظ ونظام الامتحانات عايز صمّ وكرّ !


عزيزى ...أتحب ان تكون المتحكم ام المحكوم بالظروف ؟ وإذا انصرف ظرف ما عن ما خططت هل ستكون مرنا للتوفيق بين الظرف والخطة ؟ أنا أوافقك الرأى أن أردء طرق تدريس هى الطرق التى نتلقاها فهى لا تسمن ولا تغنى من جوع بل وتصيب بأمراض فكرية مثل السرطان الفكرى والصداع العلمى والصدىء الذى يمنع التخيل والغباء العاطفى المتعب ....
إذا كان ذلك كذلك فأين مناعتك لهذه الامراض ...نحن نعيش والامراض حولنا فى كل مكان الهواء والماء ...لكن الحماية الربانيه فى اجسامنا تقوم بالواجب ...لذلك حينما حينما يشرح الدكتور بطريقة قذره تسبب عقم فكرى ..فلك أن تتأثر بالفيرس أو لا
لا تجعل طرق التدريس المشلولة تؤثر على عقلك العبقرى !
بالاراده وقوة العقل والعبقريه النابعه من حب الله هنعدى ونذاكر ونجيب درجات عاليه وتقديرات عاليه.

انا كاره المذاكرة بسبب الدرجات تعبت وجبت تقدير مش كويس هذاكر ليه

الدرجات ..!! موضوع غير قياسى ونحن هنا نعانى من التخلف الفكرى المتأصل فالشخص المتميز هو صاحب الدرجات الاكثر ..فى حين أن اديسون كان أغبى طالب فى مدرسته وطرد رونتجن مكتشف اشعه اكس وفصل من مدرسته وظل اينشتين ناقما على نظام التدريس هؤلاء هم العلماء الذين خلدت اسمائهم اما استاذ الجامعه المتعنت المغرور والذى يحب ان يرى الطلبه ان باستطاعته ان يجعل الشىء بكن فيكون فى الكلية فاولئك ليس لهم ذكر فى تاريخ البشرية وستمحى اسمائهم من القلوب
العقاد كان أديبا عملاقا ولو سألناه ما مؤهلك ؟ سيقول الابتدائيه !!
ذاكر ..وإلم تحصل على درجات مرتفعه فلا تيئس صحيح ان الناس سينظرون اليك نظر المغشى عليه من الموت ..لكن رضا الناس غايه لا تدرك
دعك من الناس فهم سبب رئيسى للفشل فى حالات كثيره لويكن شعارك
إنه لا ييئس من روح الله الا القوم الكافرون
ودائما امنح نفسك طعم الصبر وقل
فصبر جميل والله المستعان على ما تصفون

وفكر فى بكره ومستقبلك ومش بسبب خطأ تخطأ تانى واتعلم من اخطائك

ما سبق هو تذكير ببعض النقاط
والتركيز فى القادم.
د.امين محمود صبرى
فى ال18من عمره
حقق كل ذلك ربنا يحميه ويبارك فيه
مؤسس علم الديناتولوجى
ومخترع لغة البرانكا وهى
(تحدث الاصم مع الاعمى والعكس)
ومؤلف كتاب دليل الطالب العبقرى
ومؤلف كتاب 30 قانون فى المذاكره الفعاله
وجائزة نوبل باذن الله (ادعو له)
فلماذا لا تصبحون مثله؟!!

والسلام عليكم

بسم الله الرحمن الرحيم
يجب ان تفهم جيدا وتفكر كويس فى اللى انا هقولهولك ده وتحاول تحس معايا الاحاسيس دى بجد.
اولا: اسأل نفسك الاسئله دى وحاول انك تجاوب نفسك؟
1/ ليه انا مش بذاكر؟!!
2/ لحد امتى هكون طالب فاشل او مش بذاكر؟!!
3/ هوا انا ليه مفكرش انى اكون زى الطلبه العباقره والطلبه المتفوقين واكون زيهم فعلا او اكون عالم او مبتكر مثلا ؟!!
4/ ليه انا مش عارف مصلحتى كويس ومش بحس انى ملزم بأى مسئوليه و انى هتسأل يوم القيامه عن نفسى (جسمى ،عمرى،......) وانى هتسأل على علمى عملت بيه ايه؟!!
5/ هو على حالى ده ربنا راضى عنى؟!!
6/ هوا الطلبة اللى بيذاكرو دول بيستفادو ايه؟!!
7/ لحد امتى هيكون الناس تفكيرهم رجعى ومش عارفين مصلحتهم كويس؟!!
8/ هوا امتى البلد دى هتتقدم بينا؟!!!!!
9/ ليه مقولش مصر المباركه الطيبه وفيها علماء زينا مثلا واحنا اللى هننهض بيها؟!!
10/ هوا انا مش ممكن بمذاكرتى اكون زى العلماء دول؟!!
11/ هما العلماء دول ناس حمقا او اغبياء لانهم اختارو فعل الخير واختارو انهم يساعدو بلدهم ويساعدونا شخصيا عشان نعلم حاجه كويسه نشرف بيها بلدنا؟!!
12/ هوا انا ليه احساسى تجاه المذاكره بيقل دايما وتجاه الحاجه الكويسه بيكون اتجاهى مفيش حماس قوى؟!!
13/ وليه انا لما بذاكر كويس وحماسى يكون قوى بيضعف تانى؟!!
14/ هوا عمل الخير دلوقتى بقى حماقه ......ولا الانسان هوا اللى جاهل.. ولا ايه السبب؟!
15/ طب وليه مبقاش صريح مع نفسى دايما وصريح مع ربى ويكون احساس الصراحه حقيقى تجاه كل امور حياتى وحتى تجاه المذاكره ؟!!
16/ وهل من حماقة الانسان ان يفعل الخير ويترك الشر... او يفعل الشر ويترك الخير (مثل ترك الصلاه)؟!!
17/ ليه محسش كويس جدا بمحبة ربنا ليا او محبتى ليه؟!!
18/ ليه مش حاسس كويس بالمسئولية اللى عليا من (بلدى وربى واهلى) اللى حقهم عليا والمطلوب منى
تجاههم ؟!!
19/ ليه ميكونش ليا دعوه بالافكار الشيطانيه اللى بتسبب دمار للفرد والبلد؟!! (فكر كويس فى دى!!)
20/ وده اخر سؤال لازم اسئلو كويس لنفسى وكل شويه يتكرر جوايا وهوا
(ليييييييه انا مصمم انى اكون احمق او غبى ومش بفهم اللى المفروض اعمله ومش بستوعب الاسئله دى كويس؟!!!!!)
اسف جدا على اللفظ ده بس مضطر لكده علشان نعرف كويس احنا بقينا فين بسبب تخلفنا وعدم تقدمنا امام العالم والعالم كله بيتقدم حولينا واحنا لسه زى ما احنا (بلاش اغلط تانى).

ودى معلومه او موضوع مهم هقوله علشان يزود حماسك على المذاكره (ومن خلاله هجاوب اجابه دقيقه على بعض الاسئله السابقه)
من السؤال رقم 16 نستنتج ان:
(المذاكره مثل الصلاه)
احساس قبل المذاكره نفس احساس ما قبل الصلاه ازاى؟ لو قارنت بين حماسك قبل ما تصلى اصلا ويكون الشيطان متربصلك وعاي يسيطر عليك بكلامه ويقولك مثلا متصليش ويقعد حط فى دماغك افكار غريبه وانتا بتقنع نفسك وتصدقها!!!!!!.
اما لو انتا بتحب ربنا حقا ونفسك تكون فى الجنه ومتشوفش النار خالص وبتحب الصلاه مش بتصلى اجبار او كده
اكييد هتصلى وهتتقن فيها ومش هتسمع للشيطان اصلا.
نفس الحال فى المذاكره، والله هتلاقى الشيطان عمال بيصورلك حجج و افكار ملهاش لزمه ويفكرلك فى اى طريقه علشان يغلبك بيها ويخليك متعملش الطاعه دى (المذاكره يعنى).
طب نشوف اصل الحكايه من الحكمه الالهيه من حديث وتحدى الشيطان لله سبحانه وتعالى:
قَالَ فَبِعِزَّتِكَ لَأُغْوِيَنَّهُمْ أَجْمَعِينَ (٨٢) إِلَّا عِبَادَكَ مِنْهُمُ الْمُخْلَصِينَ (٨٣) قَالَ فَالْحَقُّ وَالْحَقَّ أَقُولُ (٨٤) لَأَمْلَأَنَّ جَهَنَّمَ مِنْكَ وَمِمَّنْ تَبِعَكَ مِنْهُمْ أَجْمَعِينَ (٨٥) قُلْ مَا أَسْأَلُكُمْ عَلَيْهِ مِنْ أَجْرٍ وَمَا أَنَا مِنَ الْمُتَكَلِّفِينَ (٨٦) إِنْ هُوَ إِلَّا ذِكْرٌ لِلْعَالَمِينَ (٨٧) وَلَتَعْلَمُنَّ نَبَأَهُ بَعْدَ حِينٍ (٨٨) صدق الله العظيم سورة (ص)
ولو شوفنا التفسير هنفهم القصه صح
نجد ان الشيطان بيحلف بعزة ربنا انه هيخلى البشر كلهم يسمعو كلامه ويتبعوه بغير الحق بمعنى (يغويهم)
ونعرف الشيطان كده واثق من نفسه اوى وثقه قويه لانه حلف بعزة ربنا وانه بردو ما كنش قليل لان كان طاووس الملائكه لانه كان اعلم واحد فيهم ،بس بردو قال الا عبادك المخلصين يعنى مش هيغوى الكل يعنى مهما كان ثقته بنفسه قويه مش هتكون اقوى من ارادة خالق العزه والفخر،وان الخير هوا اللى هيكون فى النهايه وطالما ان الخير بنتصر على الشيطان والقوه والحكمه الالهيه اقوى منه وهى الحق والخير وهم موجودين فى الدنيا
اذاً لازم ننتصر على الشيطان ونسيطر احنا عليه بخيرنا وحقنا فى ذلك وعشان ونذاكر صح ومنسمعش كلام الشيطان خالص لكى نكون احنا (عباد الله المخلصين).
وان يكون تذكر لايات الحق ذى ما ربنا قال انها تذكره للعالمين واننا هنشوف فعلا ان الخير سينتصر والله سينتصر فى النهايه ولا ننسى ان الشيطان سيقول ( إني بريء منك إني أخاف الله رب العالمين)
فلازم تكون ذكى وتذاكر وتتفوق علشان تغلب الشيطان بالحق(المذاكره والصلاه)
وبجد يا جماعه اللى مش هيفهم فكرة الموضوع ده يحتاج الى دروس متخصصه فى
(الدين،التنميه البشريه والصفات الاساسيه زى الحق والحكمه والثقه والمسئوليه ويعرف اصلهم كويس وهكذا)
ونتمنى ان فكرة الموضوع الناس كلها تفهمها كويس.
والسلام عليكم

بسم الله الرحمن الرحيم


يجب ان تفهم جيدا وتفكر كويس فى اللى انا هقولهولك ده وتحاول تحس معايا الاحاسيس دى بجد.



ماشي يا سيدي هحاول



اولا: اسأل نفسك الاسئله دى وحاول انك تجاوب نفسك؟



هحاول بردو


1/ ليه انا مش بذاكر؟!!

مين اللى قالك اني مش بذاكر ان الحمد لله بدات اذاكر اهو بس انتا عارف بقى لسه مدخلناش فى الجد


2/ لحد امتى هكون طالب فاشل او مش بذاكر؟!!

مانا قولتلك اني بدات اذاكر اهو


3/ هوا انا ليه مفكرش انى اكون زى الطلبه العباقره والطلبه المتفوقين واكون زيهم فعلا او اكون عالم او مبتكر مثلا ؟!!

والله فكرت يا حوده بس اهو لسه الواحد بيحاول وانا مقدرتش يكفيني شرف المحاوله واكيد هستفاد برضو



4/ ليه انا مش عارف مصلحتى كويس ومش بحس انى ملزم بأى مسئوليه و انى هتسأل يوم القيامه عن نفسى (جسمى ،عمرى،......) وانى هتسأل على علمى عملت بيه ايه؟!!





عارف يا محمود لو كل واحد خد باله من النقطه دي بالذات هايبقى من الاوائل ع الكليه ومش بعيد الاول كمان لكن تقول ايه بقى فى ناس دماغها مش فى المذاكره خالص اللى هي اصلا عملنا الفتر


5/ هو على حالى ده ربنا راضى عنى؟!!

والله نفسي يكون راضي عني بس لو فعلا الواحد عايز يعرف يبص لنفسه ويبص لكل حاجه هو بيعملها ويشوف هي ترضي ربنا ولا تغضبه


6/ هوا الطلبة اللى بيذاكرو دول بيستفادو ايه؟!!






بيستفادو كتيير اولا استفاده عمليه لان فى مواد الواحد فعلا بيلاقيه فى حياته العمليه وكمان بيستفادو منها انهم بينجحوا ويجيبوا درجات عاليه


7/ لحد امتى هيكون الناس تفكيرهم رجعى ومش عارفين مصلحتهم كويس؟!!



8/ هوا امتى البلد دى هتتقدم بينا؟!!!!!



دي اجابتها متكونش عند واحد بس لا لازم الكل يعرف هو عليه ايه ويعملو صح وبعد كده نشوف النتيجه هتبقى ايه وهي معروفه طبعا

9/ ليه مقولش مصر المباركه الطيبه وفيها علماء زينا مثلا واحنا اللى هننهض بيها؟!!



10/ هوا انا مش ممكن بمذاكرتى اكون زى العلماء دول؟!!
11/ هما العلماء دول ناس حمقا او اغبياء لانهم اختارو فعل الخير واختارو انهم يساعدو بلدهم ويساعدونا شخصيا عشان نعلم حاجه كويسه نشرف بيها بلدنا؟!!




الواحد طبعا ممكن بمذاكرته وارادته وحماسه ومعارفه للاشياء الصحيحه يكون عالم وزي مانت قولت احب الخير واحاول ادور على حاجه اعملها تشرف بلدي

12/ هوا انا ليه احساسى تجاه المذاكره بيقل دايما وتجاه الحاجه الكويسه بيكون اتجاهى مفيش حماس قوى؟!!



13/ وليه انا لما بذاكر كويس وحماسى يكون قوى بيضعف تانى؟!!




الحماس ده لازم يكون نابع من داخل الفرد ويجي لو الانسان فعلا عندو ارداه للحاجه اللى هو بيعملها مهما كانت صعوبتها ومشكلتنا ان احنا دايما بنبص للمذاكره على انها حاجه مفروده علينا يعني بنعملها وخلاص


14/ هوا عمل الخير دلوقتى بقى حماقه ......ولا الانسان هوا اللى جاهل.. ولا ايه السبب؟!


عمل الخير عمره ما كان حماقه ولا الانسان جاهل بس كل واحد مبيبوصش لنفسه بيبص لغيره يقول اشمعنا انا اللى اعمل كده طيب ماغيري اهو مبيعملش


15/ طب وليه مبقاش صريح مع نفسى دايما وصريح مع ربى ويكون احساس الصراحه حقيقى تجاه كل امور حياتى وحتى تجاه المذاكره ؟!!



16/ وهل من حماقة الانسان ان يفعل الخير ويترك الشر... او يفعل الشر ويترك الخير (مثل ترك الصلاه)؟!!
17/ ليه محسش كويس جدا بمحبة ربنا ليا او محبتى ليه؟!!


قلما ما تجد من هو صريح مع نفسه لان فى اغلب اعمال الخير النفس بتكون ضد الانسان بمعني ان الواحد لازم يكون قنووع باللى ربنا قسمهوله فى كل حاجه سكنه واهله وجامعته واصحابه
والانسان لو فعل الشر وترك الخير يبقى فعلا احمق لانه بيعمل الخطأ
ومحبة ربنا ورضاه عننا زي ماقولتلك فوق الواحد ممكن يسطنبطه من اعماله


18/ ليه مش حاسس كويس بالمسئولية اللى عليا من (بلدى وربى واهلى) اللى حقهم عليا والمطلوب منى



تجاههم ؟!!
19/ ليه ميكونش ليا دعوه بالافكار الشيطانيه اللى بتسبب دمار للفرد والبلد؟!! (فكر كويس فى دى!!)




فعلا يا محمود فى ناس كتيير مش حاسه بالمسئوليه وبتبص ع الفتره اللى احنا فيها دي على انها فتره وهتعدي وخلاص ومتعرفش ان فى تحمل مسئوليه لو مش فى الفتره دي يبقى جاي بعد كده وكتيير مننا ميعرفش انو ممكن يندم على كل لحظه ضيعها من غير مذاكره ومن غير عمل صح يرضي ربنا وينفه فى الدين او الدنيا

20/ وده اخر سؤال لازم اسئلو كويس لنفسى وكل شويه يتكرر جوايا وهوا



(ليييييييه انا مصمم انى اكون احمق او غبى ومش بفهم اللى المفروض اعمله ومش بستوعب الاسئله دى كويس؟!!!!!)



اكيد ده مش ليا لان انا حاولت اني اوصلك اجباتي عن بعض الاسئله اللى انتا قولتها ويارب يكون حد فهمني


والسلام عليكم


والسلام عليكم انا كماان واتمنى التوفيق للجميع وشكرا للطرح المتميز للاسئله

علية النعمة انت المفروض تبقة من ادارة المنتدى
مية مية
مع انى ماقرتوش لانى مش فاضى اوى
لكن هقراة برواقة بكرة

مشكوووووووور ورائع

جزاك الله خيرا يا مخترع طبعا انا صديقك وحبيبك محمد عز وحبيت ابدى رائى واعجابى بالموضوع الرائع ده
سلام يا حودا

موضوع جامد

موضوع جامد
اى خدمه يا جيمى ولسه القادم افضل باذن الله

الله الله علي الموضوع ده
بارك الله فيك
وجزاك عنا كل خير

موضوع متميز

ومجهود رائع

هى دى المواضيع ولا بلاش بجد موضوع للحماس اللى انا محتاجه خصوصا السنة اللى جاية جزاك الله خيرا

موضوع أكثر من رائع

مقاطع فيديو تنميه بشريه
للدكتور ابراهيم الفقى هتفيدك ايام الامتحانات
سلسلة نجاح بلا حدود
(شاهد كل يوم مقطع وطبقه صح فى حياتك)

التوكل على الله.
(توكل على الله حقا...ايام الامتحانات محتاجين ده)
(معلومات رائعة جدا)
1/ الدكتور ابراهيم الفقي - التوكل على الله 1 اضغط هنا (http://www.youtube.com/watch?v=Rz9gAxv73wY)
2/ د. ابراهيم الفقي - التوكل على الله 2 اضغط هنا (http://www.youtube.com/watch?v=ZbEHESzti7k&feature=related)
4/ د.إبراهيم الفقي - التوكل على الله - 3 اضغط هنا (http://www.youtube.com/watch?v=rZkvItduQ_A&feature=related)

ما هو النجاح (النجاح بالنسبالنا ........ رائعه)
1/ د. إبراهيم الفقي - ماهو النجاح1 اضغط هنا (http://www.youtube.com/watch?v=c5lyeptyf2g&feature=related)
كمل من اليوتيوب باقى الاجزاء

الصبر طريق النجاح.
(انت محتاج صبر شديد ايام الامتحانات اصبر وما صبرك الا بالله ..حقا)
1/ د. إبراهيم الفقي - الصبر طريق النجاح 1اضغط هنا (http://www.youtube.com/watch?v=Upr_5wigwJs&NR=1)
باقى الاجزاء فى الموقع

السعاده والالم.
1/ د/ إبراهيم الفقي... تنمية بشرية ...السعادة و الألم 1 اضغط هنا (http://www.youtube.com/watch?v=O0_-XM9LNak&feature=related)
كمل باقى الاجزاء على اليوتيوب
سلسلة نجاح بلا حدود (شاهد كل يوم مقطع وطبقه صح فى حياتك)
1/ نجاح بلا حدود 2د. إبراهيم الفقي - الثقة في النفس اضغط هنا (http://www.youtube.com/watch?v=1TG9ZBk3FFU)
2/نجاح بلا حدود 1 د. ابراهيم الفقي - عيش حياتك اضغط هنا (http://www.youtube.com/watch?v=T3bsVG3kaQE&feature=related)
3/ نجاح بلا حدود 3 د. إبراهيم الفقي -- أساليب الطاقة اضغط هنا (http://www.youtube.com/watch?v=Cqi4Ijl-QQ8&feature=related)
4/ نجاح بلا حدود 4 د.إبراهيم الفقي الدوافع الداخلية والطاقة اضغط هنا (http://www.shtegara.com/forums/نجاح%20بلا%20حدود%204%20د.إبراهيم%20الفقي%20الدواف ع%20الداخلية%20والطاقة)
نظام يومى سليم
5/ نجاح بلا حدود 5 - إبراهيم الفقي (تنفس وتمارين) اضغط هنا (http://www.youtube.com/watch?v=QyRfpi8B7Sg&feature=related)
والسلام عليكم ومع كل تفاؤلى بالنجاح والتفوق بفضل الله

منقووووووووووول بس جااااااامد اووووووى

)أخذ أحمد بالبكاء ، أحاطت به سلاسل من القنوط ، وغمت عليه غشاوات الهموم عندما لم يستطع أن يتحصل على ما تحصل عليه زملاءه من ظفر بتخريجهم من إحدى الكليات ، تخلف عنهم وهم الذين رافقوه مسيرة العلم والتحصيل .

فأمام احمد طريقين :
الاول : أن يستسلم لحالة الوهن النفسى ، ويمتلكه الشعور بالذنب والاخفاق ،فلا يستطيع إلى تجاوز محنته سبيلا .

الثانى : أن ينفض عن نفسه ما اعتراه ، ويتطلع إلى النجاح.

الزمن الذى على أحمد ان يعوضه ليس بقليل فهو ثلاث سنوات دراسية ، فى بادئ الامر اختار الطريق الاول ، وتعامل مع فشله كانه القدر الذى لا انفكاك عنه ومنه ، زاد البون بينه وبين زملائه وغير توجهه واستفاد من فشله أبتسم وعالج المشكلة بهدوء ووضع جدولا لحل مشكلته بعد تجزئتها حقق أول نجاح وعوض بعض الوقت ازداد حماسه فلون هذا النجاح وجعله أكثر رونقا وزاد معدل نجاحه إلى أن تعدى زملائه فى نفس المواد تخرج أحمد بمعدل عالى فكان من هيئه أعضاء التدريس وتم ترشيحة ليكون معيدا بالكلية وأكمل دراسته العليا وها هو يحاضر فى نفس الكلية بعد أن شكر الفشل الذى تعرض له ، وكم كان الفشل لذيذا وخاصة الفشل المبكر .
لانه فرصة النجاح المبكر(

أهلا بك أخى الطالب كيف حالك ، كل عام وانت بخير ؟
الان بعد أن سمعت هذه القصة ، هل فهمت ما أريد أن اوصله اليك فى هذه القصة ؟
اجابة صحيحة ، فأنا أعلم حالتك الان فالامتحانات قد اقتربت وانت لا تستطيع ان تذاكر ، وتشعر بالهزيمة النفسية ومنكم من يقول لنفسه الان أنا فاشل ولا أستطيع أن أنجح هذا العام لذلك عرض عليك أن تستمتع بالفشل الذى يحولك إلى النجاح إن شاء الله كما فعل أحمد عندما اتخذالطريق الثانى

والان لا داعى ان نجلس ونضع ايدينا على خدنا أونبكى فمنا من لم يستطيع أن يذاكر بسبب ظروف معينة ومنا من يتمنى بتقدير عالى فى الكلية ومنا يريد ان يعوض رسوبه بنجاح يفوق السحاب ومنا يرى ان نفسه قد اقتربت من ذلك الفشل ، أو من الذين يعانون الان فأنا أقصد أبطال الثانوية العامة ها ها ها


الأمتحانات على الأبواب



كلمة وما أشهرها عند أقتراب الامتحانات مما يجعلنا فى خوف ورعب فالكل ينطق بها فى المنزل ، فى الكلية ، فى المدرسة ، فى الدروس ، حتى الاصدقاء فأنت لم تذاكر حتى الان ، و منا من يفكر الان فى عدم دخوله الامتحان هذا العام ، أو من كتر الخوف لا استطيع ان اذاكر .
أقول لكم تعاملوا مع الامتحانات بكل رفق ! فطالما الامتحانات على الابواب ، خلاص عندما تأتى تقدم لتفتح لها الباب ها ها ها .
نعم ، لماذا الخوف ؟ بمعنى اصح هى الامتحانات لو مجتش من الباب حتيجى منين من الشباك ؟
لا طبعا ، فكر بإيجابية افضل من ذلك .

أعلم



الدراسة متعة .. وهـى أول طريق النجاح :
المرحلة الدراسية من أمتع لحظات الحياة ، ولا يعرف متعتها إلا من مر بها والتحق بغيرها ومتعه التعلم لا تضاهيها متعه فى الحياة خصوصا لو أرتبطت عند صاحبها بالعبادة فطالب العلم عابد لله .


وأعلم أيضا



المذاكرة وسيلة النجاح :
قل لى ، كيف ينجح الطالب فى الامتحانات ؟
الاجابة : اكيد بالمذاكرة
ولو لم يذاكر ؟
اكيد : مش حينجح .
فبذلك اصبحت المذاكرة الوسيلة الوحيدة للنجاح هذا العام .




الهدف
The goal


حدد هدفك :

فى البداية ما هو هدفك هذا الترم ؟
هل تريد النجاح فعلا ؟
اجلس مع نفسك قليلا ، هل تريد او تريدى الحصول على تقدير معين ؟
- منا من يحلم بأمتياز - ومنا من يحلم بجيد جيد
- ومنا من يحلم بجيد
- ومنا ........... أظن كده كفاية علشان اقل من كده يبقى ( يارب انجح )

امكانياتك ايه :
هل تدرك امكانياتك حقا ؟ يعنى مستواك الدراسى يؤهلك حقا لتحقيق هدفك ؟
المقصود هنا لكل فرد منا امكانيات عقلية وذهنية تؤهله للنجاح ولكن باختلاف التقدير و نسبة النجاح ، فمنا من مستواه يؤهله لجيد مصلا ومنا من يؤهله الى امتياز ، فمستواك يؤهلك الى اى مدى ؟
اعرف قدراتك وامكانيك كى تسهل عليك نحديد الهدف .
اسمع هذه القصة :
فى عام 1948 ذهب مجموعه من الجيولوجيين إلى افريقيا بحثا عن الماس والاحجار الكريمة النادرة وكان مابين هذه المجموعه شاب قد ناهز الثلاثين من عمره اسمه ( يوكى) وكان مليئا بالحماس والحيوية ، وعرف بالمثابرة وحبه للمغامرة ، وطول هذه الرحيى يبحث يوكى على احجار ثمينة
وفى أخر يوم أخذ يبحث ولكن لا فائدة فقرر أن يعود إلى الفندق ليغادر البلاد وفى الطريق وجد طفل صغير وفى يده حجر كبير لامع ذو شكل غريب فأخذ ( يوكى ) الحجر من الطفل مقابل قطعة من الحلوى ، فذهب بها يوكى إلى الفندق وأخذ يفحصها وعندها لم يصدق ( يوكى ) عينيه فلقد وجد
( يوكى ) أكبر ماسة شاهدها فى حياته ، والتى تزيد قيمتها عن العشرة ملايين من الدولارات !!
وبعده كتب يوكى فى بحثه أن الطفل كان يملك ثروة كبيرة ، ولكنه لم يكن يعرف قيمتها قفد باعها بأرخص الاثمان ولو كان يعرف قيمتها لم يكن ليفرد فيها ولكان اغنى رجل فى العالم
صديقى أعلم انك بك قدرات يجب ان تكتشفها وأقتنع بالمثل الصينى الذى يقول
( بداخل الطين كنز ) فانت بداخلك كنز .

التحدى ... يجلب النجاح



تعلم من النملة والعنكبوت :
يقول دكتور ابراهيم الفقى :
كنت فى احدى المرات اجلس فى حديقتى الصغيرة ووجدت نملة تمشى وتحمل شيئا اكبر منها ، فجلست قرب النملة وبدأت اسد عليها الطرق فلم تتحطم النملة بل بدات تشق طريقا اخر فسددت الطريق الاخر فوجدت انها تسلك طريق اخر .
فهلا فعلا اخذنا هذه النملة قدوة لما فى تحدى انفسنا لصناعة النجاح والتفوق .
واما العنكبوت فهو عندما يهدم بيته لاول مرة هل يشعر بالاحباط واليأس ويترك الدنيا ويذهب ليشتكيك الى يائيسين من العناكب الاخر ؟ ابدا بل يبدأ من التو والحظة فى بناء بيت جديد .(1)
فلماذا لا تكون نملة هذا الترم ؟ ههههههههههه ،او عنكبوت يبنى النجاح ؟
تحدى نفسك الان ....... قل لها انا قادر على النجاح ؟ انا قادر على التفوق ؟
فالتقدير الذى اخترته هو الذى سوف احصل عليه .

ابدأ وعينيك على النهاية :
استراتيجية جميلة ان ننظر الى اهدافنا وكا اننا حققناها بالفعل حينما نتخيل اننا وصلنا الى الذى نريد ، وصلنا الى النجاح الذى نريد ، وصلنا الى التقديى الذى نريد الحصول عليه ، فكل ذلك يشجعنا على التقدم والبدء فى العمل .


اترك الافكار السلبية .... واقتل هذا العدو


1- اترك الشعارات السلبية :
كثيرا منا من يرفع شعارات عند أقتراب الامتحانات وهو لا يدرى إن هذه الشعارات
قد تؤثر عليه بالسلب وقد تعوق نجاحه ومن أهم هذه الشعارات :



من طلب العلا سهر الليالى .... بات للعام التالى
بالله عليكم هو كده صح أكيد الذى يريد العلا فيسهر الليالى سوف ينجح وليس يبيت إلى العام التالى .

ذاكر تنجح .... غش تجيب مجموع
يا سلام .. ما أجمله من شعار فعلا إذا ذكرت حنجح وإذا غشيت حجيب مجموع
طيب أزاى تيجى دى

و إلى الاخيرة التى كنت أرددها دائما ولكن كيف وهى
نام وارتاح يأتيك النجاح .... ذاكر وموت يأتيك السقوط

أخى الطالب أنت لا تدرك كيف تؤثر عليك هذا الشعارات فعلا بالسلب ولكى
قلبى يطمئن عليك خذ عهد أن لا تكرر هذه الشعارات مرة أخرى


2- التفكير السلبى يحجب النجاح:
اليك هذه القصة :
( كان هناك شاب يدرس فى أحد الجامعات وفى يوم من الايام كان فى محاضرة وشعر بالارهاق الشديد فانام فى المحاضرة واستيقظ فى اخرها فنظر الى الدكتور فوجد انه كتب مسالتين ... فنقل هاتين المسألتين ليحلهما فى المنزل ........ وفى المنزل اخذ يحاول هذا الفتى فلم يعرف حلهم وفى اليوم التالى ذهب الى مكتبه الجامعة واخذ يبحث عن حل للمسالتين ويستشير بعض الاصدقاء ولكن لا جدوى وبعد اسبوع حل مسألة واحدة من الاثنين فى اربع صفحات ...... وفى محاضرة الاسبوع التالى ذهب الشاب الى الدكتور وقال له انه قام بحل مسألة واحده ولم يعرف حل الاخرى .. فقال له استأذه مسألتين أنا لم اعط واجب؟

وسادت الحيرة على الاثنبن ، حتى طلب الاستاذ من الطالب ان يريه حل مسالة ماذا ؟
تعجب الاستاذ واخبره أنه لم يكونا واجبا بل نموذج ... أتدرون نموذج لماذا ؟ لقد كانا نموذج لـ ( مسائل عجز العلم عن حلها ) ، وجميع الجامعات تسير على نهج هذا الحل فى حل المسألة .



أترى لو كان يعلم هذا الشاب أنه نموذج لمسائل عجز العلم عن حلها هل كان فكر من الاصل فى حلها ، أكيد لا ، لان التفكير السلبى انه لا يستطيع حلها كان سوف يسيطر عليه
المهم ياصديقى أملا عقلك بالاعتقادات الايجابية وانك تستطيع أن تعمل وتنجح وتصنع بيديك أشياء كثيرة تراها عينيك بفرحه .(1)

هيا نقتل هذا العدو :
كيف تغير معتقدك السلبى عن نفسك الى معتقد ايجابى :
1- الاعتقاد السلبى:
1- دون اعتقادا سلبيا يحد من قدراتك ولا تساعدك على النجاح.
2- دون 5 أشياء سلبية تحدث لك بسبب او عندما تفتكر هذا الاعتقاد.
3- اغمض عينيك وتخيل مفسك بعد الامتحانات والنتيجة وانت بنفس الحال .
4- ارجع الى وقتك الحالى وافتح عينيك وتنفس بعمق 3 مرات .

2- الاعتقاد المرغوب فيه :
1- دون اعتقادا ايجابيا ترغب فيه .
2- دون 5 فوائد للاعتقاد الجيد .
3- اغمض عينيك وتخيل نفسك بعد الامتحان وبعد النجاح وانت بهذا الاعتقاد الايجابى.
4- عد للحاضر افتح عينيك وتنفس بعمق 3 مرات.

3- عملية الاعتقاد نفسها :
1- دون على الاقل 5 مصادر يمكنها ان تساعدك على احداث التغيير .
2- دون على الاقل 5 مشاكل تعةقك او تواجهك اثناء احداث التغيير .
3- دون على الاقل 3 حلول لكل مشكلة.
4- اغمض عينيك وتخيل نفسك بالاعتقاد الجديد .
5- تنفس بعمق وردد بقوة ( انا قادر على التغيير )
6- الفعل : ابدا فورا وقم بتنفيذ التغيير الان . (2)



الدافعية
بداية وقبل أن تبدأ عملية الاستذكار يسألك علماء النفس سؤال :
هل لديك دافع الاستذكار ؟
فمن المعروف أن الانسان يتعلم إذا كانت لديه الرغبة فى التعلم
لذا لا استذكار بدون دافع حقيقى
فالدافع شرط ضرورى لكل تعلم واستذكار ... وكلما كان الدافع قويا زادت فاعلية المذاكرة .... أى مثابرة الطالب واهتمامه بها .
ثم إن الدافع القوى للاستذكار يزيد من اليقظة وتركيز الانتباه ، ويؤخر ظهور التعب ، ويحول دون ظهور الملل ، ويجعل الطالب أكثر تقبلا وهضما لموضوعات المادة .
أراك تسأل : ومن أين آتى بالدافع للمذاكرة ؟
اقول لك: 1- الرغبة المشتعلة .
واذا أردت ان تعرف من اين تأتى بالرغبة المشتعلة
أقرا هذه القصة
( ذهب شاب إلى عالم صينى ليعلمه من أين يأتى بالدافعية وعندما ذهب إلى منزله تركه العالم الصينى 3 ساعات جالس لوحده فى المنزل ثم دخل عليه وقال له ماذا تريد ؟فقال الشاب : أريد أن اعرف من إين آتى بالدافعية فقام العالم الصينى وآتى بطبق كبير ووضع فيه مياه وطلب من الشاب ان يضع راسه داخل الماء ، وعندما فعل الشاب ذلك ضغط العالم على راسه داخل الماء وفى خلال ثوانى ادرك الشاب خطورة ذلك وانه لا يعرف يتنفس وانه ممكن ان يموت اخذ يقاوم داخل الطبق الكبير واخرج نفسه من ذلك الطبق ، ثم اخذ يعارك العالم ويقول له : اتريد ان تقتلنى ؟ فقال له العالم : هل تقل لى ماذا تعلمت من هذه التجربة ؟ قال الشاب : لم اتعلم شئ ، سوى أنى كنت سوف أموت ، فقال له العالم: عندما أدركت أنك ممكن أن تموت فأصبح عندك دافع أن تعيش فاصبح لديك رغبة مشتعله لكى تخرج من هذا المآزق ) والواضح من هذه القصة هو ان بكون لديك رغبة مشتعلة للنجاح هذا الترم.
2- خاطب نفسك بقوة :
اى برمج عقلك الباطن واليك الطريقة :
1- يجب ان تكون رسالتك واضحة ومحددة. 2- يجب ان تكون رسالتك ايجابية
3- يجب ان تكون رسالتك فى الوقت الحاضر . ( بمعنى : انا قادر على النجاح )
4- يجب ان تصاحب رسالتك الاحساس القوى بمضمونها ( حتى يقبلها عقلك الباطن )
5- يجب ان تكون الرساله عدة مرات الى ان تتبرمج تماما .(1)
واخيرا .... ابنى حياتك فى هذه الفترة على الجملة النبوية الكريمة ( تفاءلوا بالخير تجدوه ) .

مكان الاستذكار وصفاته
لايكفى وجود الرغبة المشتعلة فقط ، بل وينصحك اساتذة علم النفس بتهيئة مكان الاستذكار
وبالتالى يأتى هذا السؤال منك :
كيف يتم تهيئة المكان للاستذكار ؟
ولكن قبل ان اقولك لك انصحك بنصيحة واحدة وهى
اعمل على حل جميع مشكلاتك بقدر المستطاع قبل المذاكرة
فالمشكلات تؤثر باثر بليغ عليك اثناء المذاكرة وخاصة المشكلات العاطفية ففى هذه الفترة يهتم الطالب
او الطالبة بالجنس الاخر فينصرف الذهن بذلك ، وذلك من الناحية النفسية .
أما من الناحية تهيئة المكان :
أ- تهيئة جو الغرفة الهادئ :
ويحسن أن تكون حجرة مستقلة – إذا تيسر – فالضجيج ينتج عنه مضايقات تؤثر فى عملية التركيز أثناء المذاكرة لتداخله فى منطقة الشعور التى تحتلها عملية الاستذكار .
ب - ألاضاءة :
أولا : لا تجعل الأضاءة خفيفة وضعيفة لأنها تبعث عليك النوم وتعوقك هذه الاضاءة عن وضوح الرؤية ويدفع العين الى التحديق وكثرة الرمش والزغللة .
ثانيا : أحذر الضوء القوى أثناء المذاكرة يسبب زغللة العين أيضا وأستمرار القارة به يسبب أستمرار
أ نقباض انسان العين مما يؤدى إلى صداع وإجهاد غير ملحوظ .
ثالثا : يجب أن يكون الضوء مناسب مثل ضوء النهار أو ضؤء مصابيح الفلورسنت (1)
افضل الطرق المثلى للأستذكار :
• طريقة الاستذكار المكز ( المتواصل ) والاستذكار الموزع :
كما يتضح من اسمه فإما ان يتخلل فترات الاستذكار فترة يستريح فيها الطالب ولتكن كل ساعة خمس دقائق لتجديد النشاط الذهنى والجسمى .
وإما ان بتيع الطالب اسلوب المذاكرة المتواصلة دون فاصل ، ولكن اثبت بالتجاربة ان طريق التوزيع افضل فيما يلى :
1- الاستذكار التواصل يؤدى الى التعب والملل.
2- ان ترك المذاكرة لفترة يجعله يقبل عليه بعد فترة راحة بشغف و اهتمام وخاصة بعد وجود دافع.
3- اتضح ان الاستجابات الخاطئة تنسى اسرع من الاستجابات الصحيحة اثناء فترة الراحة.
4- قد اتضح ان فترة الراحة القصيرة تثبت ما ذاكره الطالب . (2)


• التكرار يعلم الشطار :
نشير فى البداية الى ان الشخص يستطيع حفظ اشياء من مرة واحدة ولكن يوجد اسياء معقدة يلزمها التكرار وخاصة اذا كانت تتصل بالتفكير الذهنى .
واليك طريقة التكرار المثمر الذى يفيد المذاكرة ويهاجو النسيان :
1- التكرار المقترن بالتركيز والانتباه والملاحظة.
2- التكرار القائم على الفهم والتمييز بين عناصر الموضوع.
3- التكرار المقترن يتعمد الحفظ والاستيعاب بغية الوصول الى تحصيل ما هو بصدده موضوعات .
4- التكرار الذى يقترن بمعرفة الطالب مدى تقدمه فى تحصيله للعلم الذى امامه .(1)

• ذاكر بالورقة والقلم :
الطالب الذى يعتمد على ذاكرته دون الاستعانة بإشراك اكثر من حاسة كاليد فى تسجيل ما حفظة فى ورقة ثقة منه بأن المعلومات قد استقرت فى ذهنه هو اكثر عرضه للنسيان فضلا عن بذل جهد اكبر من ذلك الذى يستعين بالقلم والورقة ، ولذا كانت نصيحتى لك باستخدام الورقة والقلم فى تسجيل ما حفظته لتعرف مقدار ما حفظنه والاخطاء التى وقعت فيها .

• ازاى اذاكر :
يوجد اسلوب منميز فى المذاكرة وقد اثبت نجاحه بالتجربة وهو استخدام بعض الرموز والعلامات عند كل فقرة ووضع بعض النقاط الهامة الهامة او استخدام الوان على عنصر خفى او ثانوى او وضع اشارات او ما شابه ذلك على الافكار الرئيسية .

• عايز أنام :
وتعتبر هذه النقطة بداية مشاكل المذاكرة فمثلا يقول طالب كل لما اجى اذاكر اكون عايز انام مما اضر الى ترك المذاكرة ، فالحل فى ذلك ربط دافع قوى يجعلك ويشجعك على المذاكرة ، ضع ورقة امامك عليها هدفك فى الحياة ، خاطب نفسك بقوة وارسل لنفك رسائل ايجابية وهو انك تستطيع المذاكرة .




مشاكل x مشاكل

• انا خايف وقلقان :
وهذه تعتبر من المشاكل التى يشعر بها الفرد عند اقتراب الامتحان واليك حلها :
1- التوكل على الله :
فالاطمئنان النفسى النابع من التوكل على الله يساعد الطالب على التركيز فى دروسه واالنهماك فى تحصيلها ، فلا يشغله شاغل من وساوس او تصورات .
2- الحرص على روح المرح والفكاهة :
فلقد اثبت بالتجربة ان الشخص المرح وروحه التى يتحلى بها قادره على تجاوز المواقف العصيبة وخاصة فى خوف او قلق ، والشخص المرح تكون درجة نجاحه اكبر من الشخص الكئيب .
3- الاقتداء بنماذج الناجحين :
كما قد يصح لفت الفرد القلق المتوجس خيفة من المجهول او الرسوب الى وجوب الالتزام بسيرة اشخاص اخرين من اقرانه او ممن يكبره خبره فى الحياة ليقتدى بنفس الاساليب التى يحتذ بها هؤلاء فى اعمالهم وفى حياتهم اليومية بوجه عاك ... فهذا يحفز على السير على منوال هؤلاء الناجحين .(1)

• الملل :
فى كثر من الاحيان تصاب بالملل ( المادة دى صعبة ........ من يوم ماعرفتها وهى مش داخله دماغى )
طيب احنا عايزين نفكر ايجابية شوية ....... لماذا لا تبعد نفسك عن الملل؟ عن طريف ترويح النفس ؟
ولكن كيف حالك بعد هذه الترويحة ؟ اكيد متعب .... مرهق ..... اكثر مملا
فى الواقع انك هربت من شر ووقعت فى اشر منه ، ففى هذه الراحة انت تحتاج الى دافع قوى وسهل ياسعدك على المذاكرة .
الكوباية :
فحالتك تحتاج الى عملية افراغ كوبك اللئ ولا يتحمل لماذا لا تحركه
احضر ورقة وقلم واكتب كل ما يخطر على بالك ( قصة ، شعر)
استرخ / اغمض عينيك / احلم بالنجاح
اخرج كل ما فى جوفك فى هذه الورقة
وبعدها ستعود الى المذاكرة بكل نشاط ........


• السرحان :
علاج السرحان :
1- حدد لنفسك ساعة معينة تبدأ فيها الاستذكار .
2- البس ملابسك كأنك ستخرج ، واجلس الى مكتبك .
3- هيئ مكانا للاستذكار وإن كان لك غرفة خاصة فاغلق بابك ولا تسمح لاى صوت يشغلك.
4- ضع لنفسك هدفا محدد : اريد ان اذاكر عدد كذا من الصفحات .
5- امسك ورقة وقلك ولخص كل جزء ذكرته .
6- استعن بالتسميع الذاتى وستندهش من هذه الطريقة .(1)

• افضل ساعات المذاكرة :
اثبت العلم ان افضل ساعات المذاكرة وقتين :
الوقت الاول : من الرابعة صباحا الى الثامنة صباحا ، بسبب تاثير هواء الصباح المنعش مما يؤثر على الغة فوق الكلوية ( الغدة الكظرية ) النشاط .
الوقت الثانى : وهة فى المساء من الساعة الخامسة الى العاشرة وفيها افرازات الغدة الكظرية تصل الى ادنى درجاتها التى تساعدك على المذاكرة . (2)

• مبحبش المذاكرة :
اظن ان المذاكرة كلمة بغيضة على معظم الشباب ولكن الحل مادام لا بد منها لكى تجتاز الامتحان لتنجح
ولكن اهم شئ هة ان تنظر الى هدفك والى التقدير الذى تريد الحصول اليه ، فهو الشئ الكافى الذى يعينك على المذاكرة

ده ياجماعة للكاتب هشام عفيفى هو كاتب معرووووووف و هو طالب زينا فى سنة 4 فى جامعة عين شمس

انا برد دى اول مره هرد على الموضوع (انا مش صاحب الموضوع)
شكرا جزيلا يا مينا على المعلومات القيمه جدا جدا دى وان شاء الله هحاول بقدر الامكان انى الخص الكلام ده فى سطور نستفاد منها ايام الامتحانات لان صعب جدا ان طالب يقرا كل الكلام ده بس هوا مفيد فعلا
والسلام عليك جميعا

جزاكم الله كل الخير
الموضوع رائع
انا ليس عندي اكونت على الفيس بوك
ولكن اتمنى ان تصل الحملة الى كل مسلم على الفيس حتى ننهض بقي
كفاية نوم لحد كده
وياريت لو اى حاجة تضيفوها على الفيس
تنقلوهلنا هنا
وربنا يجعل نهضة امتنا على ايديكم
ان شاء الله
ان ولى دلك والقادر عليه
الله يعينكم

انا فى اولى ثانوى بس بزهق اوووووووى من المذاكره يعنى مثلا اقعد أذاكر ثلاث ساعات دول منهم ساعه الا ربع بره الغرفه بستريح من الزهق اللى جوه ده


+

انى مش عارف اذاكر النــــصـــوص بتاعت 1 ثانوى مش عارف احفظها
وكل اما اجى اذاكرها اسيبها واذاكر جزء اخر من العربى

الرد بسرعه لو سمحت لأن فاضل يوم على الامتحان

انا فى اولى ثانوى بس بزهق اوووووووى من المذاكره يعنى مثلا اقعد أذاكر ثلاث ساعات دول منهم ساعه الا ربع بره الغرفه بستريح من الزهق اللى جوه ده




+


انى مش عارف اذاكر النــــصـــوص بتاعت 1 ثانوى مش عارف احفظها
وكل اما اجى اذاكرها اسيبها واذاكر جزء اخر من العربى




الرد بسرعه لو سمحت لأن فاضل يوم على الامتحان





اولا مشكلة الزهق دى بقى حلولها كتير (هلخصهملك بسرعه)

1/ علاقتك مع ربنك وكثرة الاستغفار (اهتم بدينك اكثر)



2/ لو محدد هدفك كويس مثلا انك تخلص الماده دى ومحدد هدف اكبر انك تكون حد محترم ومشهور او اى حاجه انتا بتحبها لو هدفك قوى هيكون تحفيزك للمذاكره قوى جدا



3/ لو انتا حاسس انك بتنجز فى المذاكره وبتعمل حاجه جديده مش هتزهق ابدا (طبيعى انك تزهق من حاجه متعود عليها من زمان اوى) المفروض تجدد من طريقة تلقيق للمعلومات وتستمتع انتا وبتعرف المعلومه وتحاول تتطبقها فى حياتك مثلا (عندك حاجات كتيره انا لسه فاكرها تعتبر ثقافه كويسه من اولى ثانوى زى مثلا عمرو بن كلثوم وعنتره بن شداد وفيه ابيات كتيره انا فاكرها) بتدينى حماس فى الحياه عامتا
............(يعنى اعرف المعلومه ليك وبعد كده للامتحان ولو مجرد انك تحاول تحب الماده اللى انتا بتدرسها وجدد فى طريقة فهمك للمواد عامتا)




4/ الراحه بتكون بطريقة السجود اللى موجوده فى الموضوع بأسم معلومه مهمه جدا باللون الروز (تمرين للراحه) ولو هتتمشى فى البيت كويس او تبص من البلاكون مثلا
- ملحوظه هامه جدا جدا
لعدم الملل من كثرة المذاكره يوجد روشته للقدره على الاستمرار فى المذاكره دون ملل



تمرين
فى وقت الراحه ما بين ساعات المذاكره
(نبدأ نطفى نور الحجرة بدل من مشاهدة التلفاز التى تتعب العين)
ثم نقوم بوضع السجود لمدة 10 دقائق
وهى أفضل وضعية لتخرج موجات ألفا
ثم نأخذ شهيقاً مكتوماً ونخرجه زفيراً طويلا من الفم (تاخد شهيق عادى وتكتمه بسيط وتخرجه ببطىء) مع عدم التفكير فى اى شئ
وبعد ال10 دقائق ستشعر بحاله من الصحوة الجديده وتستكمل مذاكرتك





5/ اتفرج على دكتور ابراهيم الفقى وشوف (نجاح بلا حدود) وحاول تعمل اللى بيقول عليه كويس واتحفز منه (هتلاقيه فى الموضوع هنا)



وفيه طرق كتيره ولكن انتا بتمتحن يعنى مفيش وقت ولازم تجيب مجموع ومفيش تضييع وقت



بس بجد اولى ثانوى لذيذه اوى وسهله بس انتو اللى بتحبو تعقدو نفسكم (والله بعد المتحانات هتتأكدو من كده)



وحاجه مهمه حاول تعرف ايه سبب الملل اللى انتا فيه واعرف نفسك كويس وحلل نفسك واتكلم مع نفسك وصارح نفسك وافترض افتراضات لنفسك (بس خليك متفائل) واوعى تنسى ابدا او تشك ....(ان الله لا يضيع من احسن عملا) صدق ربى العظيم وبردو حاول تفضفض مع حد انتا قريب منه اوى ولو ل10 دقايق بس ترفه عن نفسك باى اسلوب ميضيعش وقتك



يالنسبه للنصوص هيا مهمه (ولكن لو انتا مش حافظ اى حاجه فيها) بقولك ........حاول انك تفهمها كويس ومتعقدش نفسك ومتنظرلهاش على انها كبيره وخلاص لاء بسط المواضيع وشوف اى استاذ مسهلها للطلبة بتوعه او اصحابك اللى بيحبوها واسالهم وهما هيكون عندهم الجواب الصح



وبردو حاول انك تحل كتير فيها بشرط مهم (متحلش اى اسئله مش محلوله لانك لو معرفتش مسأله هتعقدك) هأنتا حل واتأكد من المحلول وحل كتير وهكذا (من كتاب المدرسه او مذكرات لاستاذ بسيط وليس معقد الملزمه)



ركز هنا
وعامتا انا فى اولى ثانوى كنت بحفظ النصوص بس مش كلها طبعا لان كان فيه حاجات فيها صعبه فكنت بحفظ حاجات من الصعبه بقدر الامكان بس مكنتش بضغط على نفسى ابدا والحاجه اللى كانت هتتعبنى كنت
بتهاون فيها وبتكل على الله فيها وبقول ربنا هيسهلها وكان فعلا رقبنا بيسهلها والامتحان بيكون سهل وجايب نصوص كويسه وكنت بركز اوى اوى على النحو وبحل عليه كتير ومهتم بالقراءه ومعانيها (لان دى الثقافه من هنا)والنصوص طبعا كنت بقراها كتير والاستاذ كان بيمتعنا بيها دايما




وربنا يوفقك يا عمر وبجد تفائل خيرا ومتخافش ابدا لان ربنا معاك وانا بجد رديت عليك بتفصيل علشان تتطمن ويارب اكون اديتك حل مثالى. وتعمل بيه.



مقاطع فيديو تنميه بشريه
للدكتور ابراهيم الفقى هتفيدك ايام الامتحانات
سلسلة نجاح بلا حدود
(شاهد كل يوم مقطع وطبقه صح فى حياتك)

التوكل على الله.
(توكل على الله حقا...ايام الامتحانات محتاجين ده)
(معلومات رائعة جدا)
1/ الدكتور ابراهيم الفقي - التوكل على الله 1 اضغط هنا (http://www.youtube.com/watch?v=Rz9gAxv73wY)
2/ د. ابراهيم الفقي - التوكل على الله 2 اضغط هنا (http://www.youtube.com/watch?v=ZbEHESzti7k&feature=related)
4/ د.إبراهيم الفقي - التوكل على الله - 3 اضغط هنا (http://www.youtube.com/watch?v=rZkvItduQ_A&feature=related)

ما هو النجاح (النجاح بالنسبالنا ........ رائعه)
1/ د. إبراهيم الفقي - ماهو النجاح1 اضغط هنا (http://www.youtube.com/watch?v=c5lyeptyf2g&feature=related)
كمل من اليوتيوب باقى الاجزاء

الصبر طريق النجاح.
(انت محتاج صبر شديد ايام الامتحانات اصبر وما صبرك الا بالله ..حقا)
1/ د. إبراهيم الفقي - الصبر طريق النجاح 1اضغط هنا (http://www.youtube.com/watch?v=Upr_5wigwJs&NR=1)
باقى الاجزاء فى الموقع

السعاده والالم.
1/ د/ إبراهيم الفقي... تنمية بشرية ...السعادة و الألم 1 اضغط هنا (http://www.youtube.com/watch?v=O0_-XM9LNak&feature=related)
كمل باقى الاجزاء على اليوتيوب
سلسلة نجاح بلا حدود (شاهد كل يوم مقطع وطبقه صح فى حياتك)
1/ نجاح بلا حدود 2د. إبراهيم الفقي - الثقة في النفس اضغط هنا (http://www.youtube.com/watch?v=1TG9ZBk3FFU)
2/نجاح بلا حدود 1 د. ابراهيم الفقي - عيش حياتك اضغط هنا (http://www.youtube.com/watch?v=T3bsVG3kaQE&feature=related)
3/ نجاح بلا حدود 3 د. إبراهيم الفقي -- أساليب الطاقة اضغط هنا (http://www.youtube.com/watch?v=Cqi4Ijl-QQ8&feature=related)
4/ نجاح بلا حدود 4 د.إبراهيم الفقي الدوافع الداخلية والطاقة اضغط هنا (http://www.shtegara.com/forums/نجاح%20بلا%20حدود%204%20د.إبراهيم%20الفقي%20الدواف ع%20الداخلية%20والطاقة)
نظام يومى سليم
5/ نجاح بلا حدود 5 - إبراهيم الفقي (تنفس وتمارين) اضغط هنا (http://www.youtube.com/watch?v=QyRfpi8B7Sg&feature=related)
والسلام عليكم ومع كل تفاؤلى بالنجاح والتفوق بفضل الله






والسلام عليكم

طب انا دلخلة تانية ثانوي

وكنت عايزة اعرف ازاي اتعامل مع تانية من حيث تقسيم الوقت والمذاكرة

وكدا


وايه اهم الكتب الخارجية وكدا؟

طب انا دلخلة تانية ثانوي

وكنت عايزة اعرف ازاي اتعامل مع تانية من حيث تقسيم الوقت والمذاكرة

وكدا


وايه اهم الكتب الخارجية وكدا؟

السلام عليكم فى البدايه واهلا لعودة المشاركات فى الموضوع من جديد
بالنسبه لثانيه هنصحك كام نصيحه :
1/ التعليم المصرى وخاصتا الثانويه ارزاااق يعنى ممكن تحلى كويس جدا وتجيبى درجه وحشه والعكس صحيح
يعنى خليكى مستبيعه وعارفه ان دى اقدار ويكون عندك ايمان انك لو اتظلمتى فى سنه السنه الى بعدها ربنا هيديكى اكثر من حقك

2/ تنظيم الوقت ...اهم حاجه تذاكرى اللى تخديه فى نفس اليوم دى نصيحة الطلبه المتميزين وبالنسبه للمذاكره انتى ممكن تذاكرى فى اليوم من 5:8 ساعات يعنى يوم مثلا عندك مواد كثيره تذاكرى 6 ساعات والخ لو ايام المراجعه تذودى ساعات المذاكره وعلى حسب الوقت اللى تحبيه ممكن بليل او الصبح بس افضل وقت قبل الفجر الى الساعه 7 او 8
3/ نصيحه مهمه بردو خدى الثانويه العامه دى على انها هوايه او ثقافه متكونش ضغط وتعب وكلام ميجبش نتيجه بأمه شديده انا كنت مقضيها على الاخر هزار ولعب ولكن.....كنت بذاكر جامد اوى اوى وراجل جدا
4/ طبعا فيه نصايح عامه لكل الناس اللى هيا لو بتذاكر كويس جدا وعلاقتك بربك مش كويسه مش هتجيب درجه كويسه دى حاجه اكيده وناس جربت وده طبعا كلام موثوق فيه(ومن أعرض عن ذكري فإن له معيشة ضنكا) صدقت يارب العزه
وايضا اهتمى بالرياضه والصحه والاكل الكويس والقراءه والثقافه الدينيه ركزى عليها والثاقفه العامه ايضا والخ
5/ بالنسبه لطرق المذاكره لازم فى فترة الاجازه دى تدربى نفسك على احسن طريقه وتشوفى انهى تناسبك طبعا الطرق كتير ابحثى على النت او شوفى الموضوع ده فيه طرق وايضا الجديد ان الموضوع ده هعمله تعديل هيكون الكثر فاعليه وعمليه يعنى تعرفى نفسك كويس اوى وطريقة تفكيرك وشخصيتك وبعد كده تختارى الطريقه اللى تناسبك
6/ بالنسبه بقى للكلام العملي اوى والنصايح الواقعيه جدا

1$ حاولى تعملى علاقه طيبه مع الاساتذه بالكلمه الطيبه يعنى مثلا ازيك يا ميس مش عايزه حاجه ده طبعا وانتى خارجه من الفصل او الدرس ليييه؟؟؟ عشان تديكى المعلومات اللى تفيدك بجد ومتبخلش عليكى وعشان تهتم بيكى اهتمام خاص ومحبتك ليها هتخليكى تحسى بالمسئوليه وهكذا
مثلا انا لغاية دلقوتى بلاقى الاساتذه بتوعى بسلم عليهم واعانقهم واقبلهم من محبتى ليهم

2$ خليكى طالبه ذكيه من ناحية الوقت والاهتمام بيه يعنى لو لقيتى اى موقف هيعطلك عن المذاكره سيبك منه على طول وفى الحال مثلا واحده صاحبتك قالتلك تعالى نروح ......قوليلها وربنا ما هينفع عشان عندى مذاكره او عندى شغل فى البيت كتير اسفه بجد كده يعنى طالما انك بتحافظى على وقتك

3$ وانتى بتذاكرى متقوليش الماده صعبه او حاجه وخليكى متفائله دايما طب ازاى؟؟ هقولك
هتتخيلى لمجرد خمس دقائق انك فى جامعه او خلصتى الثانويه بس بتفاؤل وانتى بتقولى يااااااااه انا كام سنه باذن الله هكون فى جامعه وكام سنه هكون فى بيتى والخ
عارفه هتيجى بعد مرور القوت ده هتيجى وانتى فى جامعه هتقولى ياااااااه ده انا من سنتين كنت بفكر فى اليوم ده (ده احساس الذكريات بيبقى رائع جدا ويخليكى تعرفى ان الدنيا صعبه سهله )
وعلى فكره المواد الصعبه زى الكيمياء مثلا او المواد اللى بتحتاج رغى والله هيا سهله بس محتاجه تدريب ووقت وانتى لو بتذاكرى كويس هتكونى فيها اكسلنت ادخلى واحده واحده فى الماده وهتلاقيها سهله ولو فى اى حاجه وقفت معاكى اسألى صحابك او استاذك او فضفضى مع اى حد والدتك مثلا ......ز

4$ بالنسبه للكتب والملازم وكده
انتى اولا بتسمعى كلام المستر او الميس واللى تقولك عليه تخديه من غير جدل لان عندهم خبره اكثر منى ومنك
هتذاكرى من ملازم الشرح ده عشان تفهمى لو فيه حاجه مش فاهماها انصح بالكتب الخارجيه زى
الكيمياء كان على ايامنا اسمه المثالى فى الكيمياء او الامتحان ده رائع جدا ده ........ انا محتاج اعرف اكثر عن الكتب واشوف ايه الجديد وايه اللى اتغير وطبعا حل الامتحانات الكتير ده فى كل المواد

العربى من ملازم شرح استاذك وتلخصى الشرح بتاعهم فى ورق فى كشكول وياريت ده يكون مع كل المواد وايضا تدربى على حل الاسئله الكثيره المحلوله وتشوفى الحل وتحلى معاها بنفسك

والكتب .المعلم وفيه الاضواء مش عارف كان فى اعدادى ولا ثانوى بس كان كتاب جامد جدا

الرياضه : دى بقى حلى فيها على قد ما تقدرى زيها زى الكيمياء بس الكيماء اكثر بشويه فى الحل وشوفى بقى الذرس هينصحك بقيه عشان بجد مش فاكر بردو هسأل بس ركزى على النماذج والكتاب المدرسى والمسائل العاديه والمسائل العبقريه ادربى عليها بس

الانجليش ده بقى حل كتير بردو وتقريبا خليكى مع ملازم ساتاذك عشان الكتاب على ايامنا ماكناش بنذاكر منه اصلا بس المهم تكونى حافظه كلمات كتير جدا وجمل وتعرفى تكونى جمل كتيره وتحلى فى المسائل

الفرانسيه : دى بقى حلى عليها وافهميها طبعا من اى حاجه ترتاحيلها مثلا اللى يقولك عليه الميسيو من الكتب بردو مش فاكر اسامى كتب بصراحه وحلى اسئله كتيره وادربى على نظام الامتحانات دى طبعا فى كل المواد بردو

لو ماده تانيه غير الفرانسيه انصح بالايطالى اسهل منها بكتير بردو المدرس هيفيدك فيه

علم النفس دى بقى تفهميها من ملازم الاستاذ (مدرسك بردو) وتفهميها كويس جدا وتحفظى نظام الجمل فيها وازاى تكتبى زى ما كاتب الكتاب بالظبط لو عملتى كده هتجيبى 50 من 50 ان شاء الله

انا مجبتش فيها كتب خارجيه لا هيا ولا الفرانسيه ولا الفلسفه ولكن الباقىى يستدعى الكتب

الحقيقه ان اعلم اتنى لم استطيع افادتك افاده كامله ذلك لضعف معلوماتى ولكن اعدك اننى سوف اسأل اصدقائى فى كل السنوات وسوف اعرف منهم الكثير واحضره لكم

وبجد سامحينى واتمنى ان اكون قد قدمت لكى بعض من الافاادات

والسلام عليكم وبجد نورتى الموضوع بأسئلتك المهمه

والله انا انا بجد من اكتر المرات الي قرات فيها كلام كتير

وانا مستمتعة بيه

بجد حاجة جميلة اوي

والله انت شخصية محترمة وكويسة اوي

شكرا اوي يا محمود وربنا يوفقك في حياتك

انا دخلت الموضوع عشان مكتوب اوعى تذاكر من الاول دللوقتى انا مش عاىزة اقرا ههههههههههههههه

جزاكم الله كل خير
انا دخلت تجارة السنة دى والناس قلقتنى منها بس انا حاباها وحابة اخد تقدير كويس

مشكور علي المجهود

جزاك الله خيرا على هذا الموضوع .. ملحوظة الروابط اللى حضرتك واضعها انتهت فترة اتاحتها ممكن حضرتك ترفعها تانى

جزاكم الله كل خير بجد
وجعلة فى ميزان حسناتكم اللهم امييييييييييين

لو سمحتك تجاره ع احسن ولا اداب ع افيدووووونى

شكرررااا ي

الموضوع رائع
بس الروابط لا تعمل

وده حضرتك بيكون ايه نتيجته ان انا متعبش نفسى من الاول ومذاكرش من الاول

ما انا عاوز كلام منطقى ويدخل دماغى


ايه اللى هستفاده بقى

هجيب تقدير ولا راى حضرتك ايه