جهاد عودة يهدد البرادعي بالاعتقال
http://www.egyptwindow.net/Uploadedimage/NewsImg/01_03_10_10_06_%D8%A7%D9%84%D8%A8%D8%B1%D8%A7%D8%A F%D8%B9%D9%8A.jpg 01/03/2010
نافذة مصر / المصريون
في أول تهديد علني يصدر عن "لجنة السياسات" بإمكانية اعتقال الدكتور محمد البرادعي ، قال جهاد عودة عضو أمانة "السياسات" في مداخلة مع برنامج "العاشرة مساء" على فضائية "دريم" أمس الأول، أن الدكتور محمد البرادعي ليس كبيرا على الاعتقال، وقال إنه لا يمتلك أي حصانة أمام القانون، ملمحا إلى إمكانية اعتقاله، خاصة مع استخدام قانون الطوارئ الساري في مصر منذ عام 1981.
وردًا على أنه من المستبعد أن تقدم السلطة على اعتقال البرادعي نظرا لمنصبه الدولي السابق كمدير للوكالة الدولية للطاقة الذرية، وعلاقاته الدولية المتشعبة، قال عودة وهو أستاذ للعلوم السياسية إن هذا الأمر غير حقيقي، وشدد على أن البرادعي يمكن أن يتم اعتقاله، وضرب مثلا بما حدث للدكتور أيمن نور عندما رشح نفسه للرئاسة في الانتخابات السابقة في عام 2005، إذ "استطاعت الحكومة أن تتعامل معه وتم اعتقاله".
وخلال مداخلة هاتفية في مقابلة تلفزيونية مع البرادعي، حمل عودة بشدة على الأخير لإشارته إلى عدم وجود إصلاحات في مصر منذ 50 عامًا، وانتقد عدم تحديده إستراتيجية متكاملة لتطبيقها في حال وصوله إلى السلطة في مصر، وأضاف: "لا أحد ينكر على الدكتور محمد البرادعي نيته الطيبة في التغيير والإصلاح لكني أرى أن طموحات البرادعي رغم روعتها إلا أنها مجرد كلام مرسل بلا آليات ولا خريطة وهذا غير منطقي، فالديمقراطية ليست أنواع بل إجراءات وهو لا يتحدث عن أي نوع الإجراءات، واتهمه بالمبالغة حين قال إنه لا يرى في الخمسين عامًا الماضية أي إصلاحات في مصر".
يتزامن ذلك مع حملة بدأ يشنها الحزب "الوطني" على نطاق واسع تستهدف تشويه صورة البرادعي أمام الرأي العام، عبر الترويج له في الأوساط الشعبية باعتباره "مرشحا أمريكيا" يسعى إلى تحقيق الأجندة الأمريكية في مصر، والربط بين ترشحه واستغلاله كورقة للضغط على مصر، يشارك في هذه الحملة عدد من أحزاب المعارضة الصغيرة بهدف إحباط أي مساعي للقوى المعارضة وقوى الإصلاح السياسي لحشد الدعم له.
المصدر http://www.egyptwindow.net/news_Details.aspx?News_ID=7197

طول ما مبارك موجود محدش يفتح بقه :d

كل يوم يزيد اقتناعي ان النظام السياسي في مصر بضاعة جيدة لدى تاجر فاشل
ولو يمتلك من يسوق له بفاعلية لتغيرت صورته داخليا وخارجيا
اقترح تعيين طارق نور وزير للاعلان

كل يوم يزيد اقتناعي ان النظام السياسي في مصر بضاعة جيدة لدى تاجر فاشل
ولو يمتلك من يسوق له بفاعلية لتغيرت صورته داخليا وخارجيا
اقترح تعيين طارق نور وزير للاعلان
على فكرة رد حضرتك مهم جدا
على الاقل بالنسبة ليا
ولكن تاكد ان البضاعه لدى البعض معيوبه وتتنفر من ترويضها اكثر من انها تقبل
لانها ليست مجرد سلطة و قصر وحكم
دى امانة و انها يوم القيامة ستاتى حسرة و ندامه الا من عمل بحقها ورد ما اؤتمن فيها

الحكومة دي متعرفش حد كبير.

وكله تحت جزمتها.

واللي مش عاجبه

ارض الله واسعه يا أخي, شفلك بلد تانيه تعملك كرامه وتسميك مواطن!!
على الرغم إني مش مع ترشيح البرادعي للرئاسة لبعده عن مصر سنوات طويلة, وبالتالي عدم إلمامه بحياة الشعب البسيط - اللى هم احنا يعني- ونتيجة لده يبقى من الصعب عليه إفادة الناس وعمل إصلاحات ترفعهم مما هم يه من مصائب وكوارث, ولكن من العيب أن يخرج راجل كبير من الحزب ويقول الحكومة اتعاملت مع أيمن نور, لإنه كده بيأكد ان الحكومة طبخت له القضايا اللى لبسها.
ومع ذلك من الصعب عمل ده مع البرادعي لإنه شخصية دولية كبيرة, وأمريكا استفادت منه كتير أيام العراق,يبقى صعب تسيبه كده من غير رد الجميل.

وسيبك من كل الكلام ده.

احنا شعب مفتري, ومش بيريح الحاكم بتاعه.
يبقى لازم الحاكم ياخد حقه مننا قبل ما يسافر سفر اللا عودة.
والدليل على كده إننا مش بنسيب الحاكم إلا لما نخلص عليه.
يبقى يعمل اللى عايزه من غير ما حد يتكلم.
ورحم الله ما كانت تسمى ديمقراطيه
فقد غيروها إلى بلطجيه

فليحمه الرب

الحكومة دي متعرفش حد كبير.

وكله تحت جزمتها.

واللي مش عاجبه

ارض الله واسعه يا أخي, شفلك بلد تانيه تعملك كرامه وتسميك مواطن!!
على الرغم إني مش مع ترشيح البرادعي للرئاسة لبعده عن مصر سنوات طويلة, وبالتالي عدم إلمامه بحياة الشعب البسيط - اللى هم احنا يعني- ونتيجة لده يبقى من الصعب عليه إفادة الناس وعمل إصلاحات ترفعهم مما هم يه من مصائب وكوارث, ولكن من العيب أن يخرج راجل كبير من الحزب ويقول الحكومة اتعاملت مع أيمن نور, لإنه كده بيأكد ان الحكومة طبخت له القضايا اللى لبسها.
ومع ذلك من الصعب عمل ده مع البرادعي لإنه شخصية دولية كبيرة, وأمريكا استفادت منه كتير أيام العراق,يبقى صعب تسيبه كده من غير رد الجميل.

وسيبك من كل الكلام ده.

احنا شعب مفتري, ومش بيريح الحاكم بتاعه.
يبقى لازم الحاكم ياخد حقه مننا قبل ما يسافر سفر اللا عودة.
والدليل على كده إننا مش بنسيب الحاكم إلا لما نخلص عليه.
يبقى يعمل اللى عايزه من غير ما حد يتكلم.
ورحم الله ما كانت تسمى ديمقراطيه
فقد غيروها إلى بلطجيه

يا استاذى الكريم
بالنسبة لاول نقطه وهو عدم المام البرادعى بحالة الشعب نتيجة لسفره
يا اخى بالله عليك هو احنا عندنا حاجه مستخبيه
احنا معلش فى الكلمة احنا مفضوحين فى وسط كل دول العالم
مصر مفهاش حاجه مستخبيه من اول فشل النظام و محاولته لاقصاء المعارضه بشتى الطرق
و لحد حالة الشعب المنعدمة الموارد
و الرشاوى و السرقة من الوزراء و رجال الدولة
كل دول لو سالت واحد عنهم ملهوش فى السياسه حيقولك الى حضرتك ممكن متعرفهوش كمان
يعنى دا مش عائق لترشيح الدكتور البرادعى
انا معترض على ترشيحه لسبب واحد بس انه راجل محترم و مفيش حد حواليه حيبقى فريسة سهله جدا للنظام و حيضيع كل الى عمله على مدار سنين حياته

فليحمه الرب
اللهم امين يارب

يا استاذى الكريم
بالنسبة لاول نقطه وهو عدم المام البرادعى بحالة الشعب نتيجة لسفره
يا اخى بالله عليك هو احنا عندنا حاجه مستخبيه
احنا معلش فى الكلمة احنا مفضوحين فى وسط كل دول العالم
مصر مفهاش حاجه مستخبيه من اول فشل النظام و محاولته لاقصاء المعارضه بشتى الطرق
و لحد حالة الشعب المنعدمة الموارد
و الرشاوى و السرقة من الوزراء و رجال الدولة
كل دول لو سالت واحد عنهم ملهوش فى السياسه حيقولك الى حضرتك ممكن متعرفهوش كمان
يعنى دا مش عائق لترشيح الدكتور البرادعى
انا معترض على ترشيحه لسبب واحد بس انه راجل محترم و مفيش حد حواليه حيبقى فريسة سهله جدا للنظام و حيضيع كل الى عمله على مدار سنين حياته



وهو انا لما اعرف الفساد اللى في البلد وانه الدنيا مليانة رشاوي وفشل تعليم وفشل صحة
كده انا عرفت البلد ؟؟

في جوانب تانية كتير يا احمد :d
خاصة جانب التعامل الشخصي المباشر
هي التي سوف تتعامل مع هذه المشكلات لا المشكلات نفسها

وهو انا لما اعرف الفساد اللى في البلد وانه الدنيا مليانة رشاوي وفشل تعليم وفشل صحة
كده انا عرفت البلد ؟؟

في جوانب تانية كتير يا احمد :d
خاصة جانب التعامل الشخصي المباشر
هي التي سوف تتعامل مع هذه المشكلات لا المشكلات نفسها

تمام معاك حق يا محمد
بس بكدا انت تروح تجيب رئيس جمهورية من عند التارزى الى جمب بيتى
لان مش حقولك غير مستحيل انك تلاقى رئيس جمهورية فى لافترة دى ينزلك الشارع و يحتك بالناس
بكدا يبقى ان شاء الله حنعيش و نموت واحنا بنحلم بالراجل دا
احنا بتكلم على تغيير الوضع
ولما يتغير اول عقبة وهى الحكم الملكى الذى يمارثه رئيسنا بعد كدا يبقى حتلاقى هناك اصوات كتيره جدا من الى احتكوا و طلع عنيهم و عين الناس الى جمبهم كمان

الناس وعمل إصلاحات ترفعهم مما هم يه من مصائب وكوارث, ولكن من العيب أن يخرج راجل كبير من الحزب ويقول الحكومة اتعاملت مع أيمن نور, لإنه كده بيأكد ان الحكومة طبخت له القضايا اللى لبسها.

ارجو ذكر مصر هذا الكلام ومن هو المسؤل المقصود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ومازلت أصر على ضرورة ان يكون هناك من يجيد
تسويق قرارات وافكار النظام

ارجو ذكر مصر هذا الكلام ومن هو المسؤل المقصود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


هو بيتكلم عن نص نفس الخبر اللى بالاعلى

وانا اتفق معه أيضاً ان في هذه الجملة تهديد صريح للبرادعي
في حالة ترشحه

من هو جهاد عودة في الحزب ما موقعه التنظيمي؟؟؟
مع كل الاحترام له وللجميع

يمهل ولا يهمل
تجبر صدام فكانت نهايته اليمة وحقيره بكل المعاني
وتجبر عدي وقصي وكانت نهايتهم على ايدي الشعب
وتجبر حزب البعث العراقي شبيه حزب الوطني وكانت نهايته هالكه
ولذلك اقول
ان بعد العسر يسر
وان الله موجود على كل جبار متكبر
وربنا يحفظ البردعي وامثاله

الغالي سلفر واضح ان معلوماتك بها مشكلة فعدي وقصي لم تكن نهايتهم علي يد العراقيين حسب ما اذكر
والبرادعي الذي تتكلم عنه كان احد الادوات التي استخدمتها امريكا لغزو العراق
وهل تتمنى ان تكون مصر مثل العراق الأن؟؟؟؟؟؟

مبارك افضل رئيس لمصر بدون مجامله
بطل الحرب والسلام والسياسى الكبير الذى يقدره العالم كله
يااخوانا مبارك حقق لنا الاستقرار الذى نحسدنا عليه كل الدول الطامعه فى مصر
مصر دوله كبيره ومبارك هو افضل من يحكمها

الغالي سلفر واضح ان معلوماتك بها مشكلة فعدي وقصي لم تكن نهايتهم علي يد العراقيين حسب ما اذكر
والبرادعي الذي تتكلم عنه كان احد الادوات التي استخدمتها امريكا لغزو العراق
وهل تتمنى ان تكون مصر مثل العراق الأن؟؟؟؟؟؟


لولا العراقين ماكانو الامريكين عرفو يدخلو العراق او يوصلو لاي احد من كبار الفساد
الشعب ساعد امريكا وتعاون معاه وده شيء معروف
وعدي وقصي اتعرف ملجأهم بتواطؤ عراقي وهما اللي دلو الامريكان على مكانهم
ونفس الشيء مع صدام وكبار حزب البعث
اتمني ان نتحرر من الفساد لكن بايدي مصرية مخلصة


مبارك افضل رئيس لمصر بدون مجامله
بطل الحرب والسلام والسياسى الكبير الذى يقدره العالم كله
يااخوانا مبارك حقق لنا الاستقرار الذى نحسدنا عليه كل الدول الطامعه فى مصر
مصر دوله كبيره ومبارك هو افضل من يحكمها

حلوة بطل الحرب والسلام دي اللي بيغنوها من 28 سنة
لدرجة اننا نسينا كل القادة اللي تعبوا وضحوا بحياتهم وكأن هو لوحده قام بالحرب وانتصر
عموما البطل ده عدى 84 سنة يرتاح بقا شوية ويريحنا ولا ايه ;)

أقول لكم على حاجة وبدون زعل ---- أنا بحمد ربنا إن البلد دى اتحررت قبل مانهل عليها --- كانت هتبقى مصيبه وكنا بعناها فى مزاد زى هانى رمزى فى الفيلم إياه-- ياعالم هو جهاد عودة يجرأ على سرد الأحداث بهذه الطريقة اللى إنتم قولتوها - ليه هما بيلعبوا فى الحاره - ياعالم دى سياسه مش سبانخ وبعدين مين الطيب اللى يقول الكلام ده علشان يحول الدفه لصالح الخصم - ياإخوانا لما تحبوا تطبخوا طبخه زى دى إبقوا أصبروا عليها شويه لما تستوى أو استشيروا سياسى مخضرم من إياهم ماهم مترصصين فى أحزاب المعارضه فى انتظار سندباد يوصلهم للحكم وكأنهم لايصلحون لذلك رغم تاريخهم الطويل فى السياسه ولوتسمع الواحد منهم وهوبيتكلم تقول عليه غاندى وساعة الجد يفك ويهرب من الميدان ------ وشكرا للجميع

الحكومه ياشباب خايفه لا الموضوع يفلت من اديها وانا اكاد اجزم ان لو تمت انتخابات نزيها سيفوز البرادعى
ليه
مش عشان هو رجل رهيب ولكن لان اى حد غير الحالى افضل

سبونا نحلم يمكن يتحقق التغيير

الشباب كل اللى يملكوه يحلموا !!!!!!!!!! وكمان فى انتظار سندباد يغير لهم حياتهم !!!!! يبقى العواجيز يعملوا إيه ؟ياابن الناس زى ماصوتك أمانه برده فكرك أمانه واللى بيعتز بنفسه وبفكره مايقعدشى يولول وينوح ويرمى الذنب ع الحكومه وكأنه نكره
عيب ياشباب كل اللى يتزنق فى كلمه ومن قلة حيله يقول (الحكومه عملت والحكومه خلت) -- وإوعى تقولولى البلد محكومه بالعصا زى غيرك واحنا عمالين نقطع فيهم عينى عينك أهوه ---- ولاهى حجة البليد وسياسة الناس اللى بالى بالك
نعم للتغيير بينا ولينا ولأ وألف لأ للى يفرضه علينا ولا إيه رأيك ياعم ميدو -------------- وشكرا للجميع

أقول لكم على حاجة وبدون زعل ---- أنا بحمد ربنا إن البلد دى اتحررت قبل مانهل عليها --- كانت هتبقى مصيبه وكنا بعناها فى مزاد زى هانى رمزى فى الفيلم إياه-- ياعالم هو جهاد عودة يجرأ على سرد الأحداث بهذه الطريقة اللى إنتم قولتوها - ليه هما بيلعبوا فى الحاره - ياعالم دى سياسه مش سبانخ وبعدين مين الطيب اللى يقول الكلام ده علشان يحول الدفه لصالح الخصم - ياإخوانا لما تحبوا تطبخوا طبخه زى دى إبقوا أصبروا عليها شويه لما تستوى أو استشيروا سياسى مخضرم من إياهم ماهم مترصصين فى أحزاب المعارضه فى انتظار سندباد يوصلهم للحكم وكأنهم لايصلحون لذلك رغم تاريخهم الطويل فى السياسه ولوتسمع الواحد منهم وهوبيتكلم تقول عليه غاندى وساعة الجد يفك ويهرب من الميدان ------ وشكرا للجميع
استاذى الكريم
ما قاله جهاد هذا واقع
و كلنا لامسناه لما تجرئ احد المواطنين و دخل غصم جاد مع الرئيس فى انتخابات كانت بعيده كل البعد عن النزاهه و الشفافية
معك ان رجال المعارضه وهم خير رجال واعلم الرجال فى السياسه و امورها و خباياها لم يتقدم احد الى خوض الانتخابات ولكن لان هذا بسبب واضح وهو عدم ضمان سير العملية الانتخابيه
التى يكون فيها الكثير و الكثير من التزوير و الخش و النفاق
فا بالتالى اذا خاضوا الان الانتخابات سيكون مصيرهم معروف مثل ايمن نور
لهذا هم صامتون
اما بخصوص الزمان فللاسف قالها اللواء شريف كان لواء جلست معه فى مرة قال
ان الحرب ستقام حين يموت كل جيل 73 بمعنى الى حضروا الحرب دى
اذا فنحن جيل الحرب القادم ان شاء الله
وربنا يستر

يا جماعة مفيش دولة تقبلنى لاجىء عندها بلد لمواطن غلبان اى بلد لو بلاد الواق واق ونسيب البلد دى لاصحابها من لجنة السياسات والحزب الوطنى

جالكم كلامى ياشباب--استعدوا للحرب القادمه -- ومن بين سطور حضرتك خرجت بأمر غريب شوية أزاى جبهة الونج الشمال إتفقت مع جبهة الونج اليمين وبتدافع عنها بكل الصلابة دى ؟ فعلا ربنا يستر وينجينا من بينكم --وإنت فاهم كلامى -- ياكبير ياللى بتقعد مع اللواءات ومش أى لواءات دى لواءات عندهم علم الغيب --وياترى هتكون زريعة الحرب المرادى سقوط البرادعى فى الانتخابات المزوره -- واضح إن إنتم مجهزين كل المبررات من دلوقتى --بس نصيحة لوجه الله من إنسان غلبان لا هو تابع للحزب الوطنى ولا المعارضه ولا حتى الأخوان زى بعض الناس -مع احترامى لحق وحريةالجميع - إذا ضغطوا أكتر من كدا على جروح المصريين ولعبتوا بمصيرهم صدقونى العصا هتنزل ع الكل بلا إستثناء وبلا رحمة- ودا كلام واحد عايش وسط الناس مش تحت التكييف زى بعضهم -- الناس زورت من الفساد اللى شمل بعض ساسة مصر من جميع الأحزاب وغير الأحزاب والطوائف كمان

ياشروق الفتنـه-- وغروب القيــم
هتوصلونا لفين يامفســدى الذمــم
شعاركم صبح مكشوف لكل الأمـم
للتجمع لا-لا- -وللفرقه مليون نعم
ضللتوا الشباب --بأفكاركم الضاله
وذوبتوهم بخداع- فى النار والحمم
وإياكم تتغروا بسمـــاحة المصرى
واحذروا يوم تتجمع فيهــاكل الهمم
ورب العــــرش --لاتأمنوا عقابــه
فقد يعيدالحياة --لمن تحسبوه صنم
ويمد المغلوب-- قوة وعزة ومجــدا
فلربما يأتى الشفاء-- من شدة الألـم
وشكرا للجميع

اذا انتخبو حد لانه مفيش غيره مش عشان حاجه تانيه وانا اعتقد ان ده مسلسل جديد للحكومه كل شويه تطلع مسلسل جديد للالهاء للالهاء للالهاء واحنا نمشى ورا المسلسل لغاية اخر حلقه احنا نقرر هننتخب مين ونسكت ونشوف المسلسل اللى بعده ومنرغيش فيه كتير وننتبه الحكومه بتلهينا عن ايه ده المهم واكيد مفيش غير اليهود الملاعين والاحوال الماديه وغلاء الاسعار اول ما المسلسل يبدا سيب اول حلقتين وشوف الاسعار ايه ثابته طب البنزين ها او العيش زى ماهوا مفيش يبقى اليهود دخلو الاقصى واحنا لازم ننشغل نقوم نعمل ايه نسمع الكلام ونتفرج على المسلسل بسرعهونندمج فيه وننسى اى قضيه تانيه:abdoog8::confused::006et4:

جالكم كلامى ياشباب--استعدوا للحرب القادمه -- ومن بين سطور حضرتك خرجت بأمر غريب شوية أزاى جبهة الونج الشمال إتفقت مع جبهة الونج اليمين وبتدافع عنها بكل الصلابة دى ؟ فعلا ربنا يستر وينجينا من بينكم --وإنت فاهم كلامى -- ياكبير ياللى بتقعد مع اللواءات ومش أى لواءات دى لواءات عندهم علم الغيب --وياترى هتكون زريعة الحرب المرادى سقوط البرادعى فى الانتخابات المزوره
كلام حضرتك غريب بعض الشئ
و يعنى ايه ونج يمين وونج شمال ؟
ثانيا هو يعنى مفيش الا انا الى قعدت مع لواء طب ليه مسالتنيش مين اللواء دا
وكنت حقولك ان دا لوا جالنا واحنا بنعمل التربية العسكرية فى نص السنه الى فاتت دى واقسم بالله هو قالنا كلنا الكلام دا
يعنى مقليش بصفتى المرشد العام لجماعة الاخوان
او خلافه علشان يكون فى حركة سرية او اتفقا مبرم بيننا
اخى الكريم و استاذى الفاضل
لا تهاجم احد بدون مبرر او دليل ولا يوجد غير اعتقاد شخصى من حضرتك

د.جهاد دايما يحب التهريج
من حقه طبعا
اصله من الجماعة

أمال إيه التدريب اللى شغال ع الهوى فى توقيع حضرتك يابطل الحرب القادمه---- إنتم معتبرنها تسالى == لكن لو استشهد واحد والتانى فى عجز تام من عائلتك كنت عرفت يعنى إيه حرب وإنها ليست مجرد كلمه نتغنى بيها == وشكرا

أمال إيه التدريب اللى شغال ع الهوى فى توقيع حضرتك يابطل الحرب القادمه---- إنتم معتبرنها تسالى == لكن لو استشهد واحد والتانى فى عجز تام من عائلتك كنت عرفت يعنى إيه حرب وإنها ليست مجرد كلمه نتغنى بيها == وشكرا
على فكرة كل يوم بيموت حد من اخواتى فى فلسطين وكل يوم بيعتقل حد من اخوانى وانا شخصيا اعتقلت اكتر من مرة
و صامد و منتظر الحرب القادمه
ودا اكبر دليل انى لا اتغنى بكلام ولا اقول كلام
انا تم اعتقالى اكتر من مرة ولن اتراجع عن هدفى
وان شاء الله نحن شباب هذا العصر من الرجال اصحاب الحرب القادمه
والشكر لله
وجزاك الله خيرا

كلوا كلاااااااااااااام من اى حد

دة كلة كلام

فى حاجة اسهل من الكلام؟؟؟؟!!!!!!

أخجلنى كلامك وحسن ردك بس بلاش تروح لها لواحدك
والى مالوش كبير بيشترى له كبير ومسيرها يعدلها ربك
والبعيد يرجع بالنصر سعيدبس لازم تعود على الصبر قلبك
وصدقنى على قد ماكرهتك بقيت دلوقتى فى الله ولله بحبك
لأن فلسطين دى دمنا وغاليه علينا زى غلاوتها ياعم عندك
وبلاش تدخل المواضيع فى بعضها (عوده والبرادعى وانتخابات) خللى فلسطين قضيتنا وتأكد مفيش إنسا ن فى مصرإلا وبيحلم بتحريرها
وشكرا