تفضل من يكون رئيس مصر القادم :
1- البرادعي 2- عمرو موسى 3- جمال مبارك 4- حسني مبارك ولا مين في رأيك

برادعى مين اللى مش بيعرف يتكلم كلمتين على بعض حرام على اللى ينتخب حد غير حسنى مبارك ولا انتم عايزيين تخربوها

نرجو الالتزام

اما حسنى مبارك ( بشرط بدون حزبه الهلامى )
او اى شخص آخر
ربما لا يكون اسمه فى القائمة التى تطرحها باعلى الصفحة
يا رب

برادعى مين اللى مش بيعرف يتكلم كلمتين على بعض حرام على اللى ينتخب حد غير حسنى مبارك ولا انتم عايزيين تخربوها
كويس ان لك 5 مشاركات

كويس ان لك 5 مشاركات

لنا شايف ان الرئيس مبارك كتر خيره تعب من كتر مشاكل مصر و بصراحه انا بحبه لانه بطل من ابطال اكتوبر بس هو منذو 6 دورات و فشل في حل مشكلات البلد من بطاله و تعليم و اقتصاد و تلوث النيل و زيادة نسبة الامراض مثل فيرس سي و كتير فبصراحه هو ما عدش يصلح للرئاسه بس كتر خيره كانت حياته صعبه لانه متحمل مسؤلية 80 مليون مصري
اما بالنسبه للبردعي انا حاسس انه عايش في الوهم لانه ملوش برنامج انتخابي محدد و لما نزل منطقة اسطبل عنتر اصدم لانه ما كانش شايف اقع مصر
اما بالنسبه لانسب واحد للمركز ده هو الوزير رشيد محمد رشيد
لانه حارب رجال الاعمال المفترين مثل احمد عز و تجار الاسمنت و الدقيق بصراحه رجل بيحب الناس الغلابه و هذا راي الخاص قد يصيب و قد يخطئ
السلام عليكم

بداية ترددت كثيرا قبل أن اشترك في هذا الموضوع

(( حب الوطن الإسلامي فرض ، بلادي وإن جارت علي عزيزة ))



ثانيا عتاب شديد علي الأستاذ العضو الظريف الذي يعرض بالمنوفية وأقول له دعها فإنها منتنة .أليست المنوفية جزء من أرض مصر العظيمة ؟أليست المنوفية هي مصنع الرجال وأساس الجيش المصري ؟ وهذا هو سبب كره الفاشلين لها .
ثالثا اذكر نفسي واذكر الناس جميعا هل البرادعي هذا كان يذكر قبل أشهر قليلة من الآن ؟ هل يعرفه أحد ؟ أين كان ؟ ومن أين خرج ؟ ولماذا ذهب مرة أخري ؟ اعتقد أنه هو نفسه غير مصدق ما يحدث وافتكر نفسه بطل قومي ؟
ليس عالما ولا يحزنون و مجرد منصب دولي كان يشغله وانتهت وظيفته فيريد أن يتسلي بأمة ومقدراتها وأقول للناس عودوا إلي حواره مع مني الشاذلي في العاشرة مساء غير لبق ويتهته في الكلام ويقول يا مني يقلد الراحل السادات ((أزعم )) في قولته الشهيرة (( يا همت يا بنتي )) خلاصة القول حلو وحش لنفسه فقط مصر ليست مدينة أو محافظة أو شركة كبيرة مصر هي جمهورية مصر العربية أكبر دولة عربية مسلمة مصر ثمانين مليون مصري مصر مليون كيلو متر مربع مصر أقدم دولة في العالم.....

يا سادة والله العظيم أنا مدرس متعاقد مثلكم حالي حالكم وضعي وضعكم أعاني مثلما تعانون واتعرض لما له تتعرضون ولكن ما هكذا تورد الإبل لا بد من التروي والتأني ومعرفة أن مثل هذه الأمور الجسام العظام والتي تحدد مصير الأمم والشعوب لابد من التروي والتأني فيها جدا جدا .

أعرف أن بلدي مليئة بالفساد والظلم ..................إلخ كل ما يمكن أن يخطر علي الخاطر والبال .
فنحن مجتمع مثل أي مجتمع بشري لسنا بالمدينة الفاضلة ينا الصالح وفينا الطالح واذكر نفسي وأياكم بأن الله لا يغير ما بقوم حتي يغيروا ما بأنفسهم وأن الجزاء من جنس العالم وكما تكونوا يولي عليكم وحكامكم أعمالكم بمعني أن الحاكم وصلاحه مرده الرعية وصلاحها فالطبيون للطبيات والعكس صحيح لماذا لا يقول أحد هذا لا نعرف إلا الحقوق وعند الواجبات يتبخر الجميع ويختفي ولا يتكلم أحد هل نحن راضون علي أنفسنا وأفعالنا وأقوالنا ...........؟
نعود الناس تريد التغيير لمجرد التغيير فقط من يكون لا يهم هل هو جيد لا يهم فالعامل نفسي فقط لا أكثر ناتج عن الكبت والظلم وعدم وجود العدالة الاجتماعية المطلوبة
نعود للبرادعي هذا ونضع سناريو للمستقبل ونستشرف المستقبل
صدق الراجل نفسه وكتل الناس حوله ومعظم شعبنا طيب من العوام وأنصاف المتعلمين وعدم الوعي بمثل هذه الأمور العظام
هل سيترك له النظام الحالي الأمر بسهولة ...... أترك الإجابة لكم جميعا وارجو أن تحكموا العقل لا العاطفة والقلب .
سيحدث الصدام ستنتهك الأعراض سيقتل الغلابة والمشردون ((لا قدر الله ولا أتي هذا اليوم أصلا وحفظ الله بلادنا من كل سوء )) ستسوء الحال أكثر وأكثر سينفرط العقد ومصر لو تفتت ((لا قدر الله )) لن تعود علي هوانا أبدا
هناك الذئاب الجائعة المنتظرة في الداخل والخارج والجوار تنتظر أن يحدث الهرج والمرج لينهش كل منهم قطعة
فهناك
1- الملتحفون بالدين المعتبرون أنفسهم القديسين الملهمين الذين لا يأتي الباطل من بين يديهم ولا من خلفهم
2- كفاية - شايفنكم - مراقبينكم- هنوريكم- عاوزين حقنا - 6و7و8ابريل ..............إلخ هذا الهبل ولعب العيال .
3- أقباط الخارج .
4- جبهات الإنقاذ المزعومة من كل حاقد موتور مبعد
5- المهرجون من أمثال نور وأمثاله والذي يقول لن أسمح للبرادعي بأن يترشح بدلا مني .
نتجه إلي الخارج .
1- اسرائيل العدو الأول لنا والتي تنتظر أية فرصة سانحة وإذا حدث ((لا قدر الله ما يحبون وينتظرون )) فيالها من فرصة أن تسقط مصر وتتحول إلي فئات متحاربة متقاتلة يريد كل منهم أن يزيح الآخر ليتمكن هو .
2- الشيعة الذين يحاولون الولوج لنا من أية جهة وبأية طريقة لأننا العقبة الوحيدة الباقية في طريقهم وعودوا للتاريخ فأنا لا أهذي ولا اتكلم من فراغ وما يحدث علي حدودنا من تهريج وهبل باسم المقاومة والقومية العربية ....... إلخ خير شاهد علي ذلك
وها قد رأينا الصرصار المسمي بنجاد (( ورأينا جميعا ايران التي يعتبرها الإسلاميون والمقاومون مثلهم الأعلي ماذا فعلت بالمعارضة عندهم )) يمسك بيد مشعل من ناحية ورمضان شلح من ناحية أخري يسبون نبيهم ويلعنون الصحابة ويخضون في أعراض أمهات المسلمين وينتظرون منهم الخير ويقولون الغاية تبرر الوسيلة .
لايربون أبنائهم ويتركونهم يهيمون علي وجوههم لدرجة التجسس والكفر والعياذ بالله ويتوهمون بالقدرة علي أمور ومقدرات الأمم والأوطان كيف هذا ؟!!!!!!!!! لا أعلم
ذهقت وقرفت من الكلام من كثرة الجدال ومحاولة الإقناع والتعرض للسب والتخوين والعمالة والسلبية والخوف .........إلخ .
ولذلك فأنا لا أوجه كلامي إلا إلي العقلاء المخلصون من أهل هذا الوطن واذكرهم بتقوي الله في بلدهم وأن يحبوها وإن جارت عليهم وألا يكونوا أداة من أدوات الفتنة سواء بالقول أو بالعمل .
فالفتنة إذا أتت عرفها كل عالم وإذا أدبرت عرفها العوام وكل جاهل وتذكروا إخوانكم الذين يقولون الله يرحمك يا صدام حسين ومنذ 2003 م وحتي الآن ونحن نري ما يحدث ليل نهار من تفجير وتدمير وخراب ودمار .
ومن يقول مالنا ومال العراق
أقول له ضع كل الاحتمالات وفكر في التبعات واضمن لي بنسبة 100% بأنه لن تراق نقطة دماء واحدة في سبيل هذا التغيير المزعوم ولن ينتهك عرض بكرا أو يروع عجوزا أو طفلا أو يهدم حجرا أو تخرب دار أو يقتل حيوانا حتي ومن يقول لي أن هذا يحدث الآن أقول له أنت ظالم ومفتري وجائر وصاحب هوي وعندما يضمن لي كل هذا (( وهيهات )) فأنا أول من يحمل البرادعي هذا علي كتفه ويقول له معك يا مسيح معك يا مخلص معك من تملك العصا السحرية لأن نفطر العسل ونتغذي اللحوم ويملك كل منا سيارة وفيلا وشاليه في مارينا وتحضر لنا الدنيا الملعونة الزائلة والتي لاتساوي عند الله جناح بعوضة
أمن أجل هذا يكون الخروج والعصيان المدني أف لكم وما تعبدون إن هي إلا قسمة ضيزي .


بعد كل هذا الكلام والصداع ما الحل إذن ؟!!!!!!!!!!!!!!
الحل في تصور أخيكم الغلبان هو
(( أن يؤد كل منا ما عليه ولا عليه . أن يراعي ضميره . يتمسك بدينه . يعود لربه. وسنة نبيه . يراعي الله في طلابه . يخرج أجيالا صالحة لتحل محل الفساد والظلم والقهر عندها فقط ينمحي الفساد يزول الظلام . يشرق النهار . تهب علينا الرياح الطيبة النظيفة . يولي علينا ربنا الحاكم العادل ويوفقه في اختيار البطانة الصالحة . تفيض الأنهار بالخير . يصلح حال الناس . يتحقق لكل منا ما يتمناه بإذن الله تعالي ...............)).
وأخيرا اذكر نفسي وإياكم بتقوي الله واذكركم بقصة قصيرة ذكرها المؤرخون بأنه قد وجدت في خزانة أحد الخلفاء علي ما اتذكر حبة قمح كبيرة جدا مقارنة بما هي معروفه عندنا الآن وقد كتب بجوارها في ورقة "" هذا كان ينبت في زمن العدل ""
اتمني أن يكون هناك من فهم قصدي وعرف ما أريد وآسف جدا علي الإطالة . وشكرا لأن مصر تستحق منا جميعا أن نعاملها بأفضل مما نعده لها فهي الوطن الذي يسكن فينا بدون مزايدة من هذا أو ذاك والسلام علي من اتبع الهدي

عمرو موسي - البرادعي

http://www.elbaradei2011.com/arab/

أظن أن معظمنا يتذكر الدور الذي لعبه د. محمد البرادعي قبل وأثناء الغزو الأمريكي للعراق . الدور الذي كان يتمحور حول ادعاء وجود أسلحة كيماوية في العراق (والذي لم يتم إثباته حتى الآن) هذا الدور الذي كان من العوامل الأساسية لتبرير الحرب الأمريكية على الشعب العراقي.
يعني البرادعي متربي في أمريكا ومتبرمج على السمع والطاعة.
أما الرئيس الحالي فهو أيضاً يظن أن تنفيذ التعليمات هي خير وسيلة للبقاء في الحكم حتى ولو على حساب الشعب الذي ائتمنه على هذا المنصب الرفيع.
يعني كل واحد منهم فيه مشكلة كبيرة ، عايزين واحد جديد .. عايزين واحد يكون : أمين .. عنده مواصفات الزعيم .. عنده خبرة بالسياسة .. قائد بالفطرة .. على خلق ودين .
وهذه المواصفات لا تجتمع إلا في .... واحد لسه ما اتولدش

بداية ترددت كثيرا قبل أن اشترك في هذا الموضوع

(( حب الوطن الإسلامي فرض ، بلادي وإن جارت علي عزيزة ))



ثانيا عتاب شديد علي الأستاذ العضو الظريف الذي يعرض بالمنوفية وأقول له دعها فإنها منتنة .أليست المنوفية جزء من أرض مصر العظيمة ؟أليست المنوفية هي مصنع الرجال وأساس الجيش المصري ؟ وهذا هو سبب كره الفاشلين لها .
ثالثا اذكر نفسي واذكر الناس جميعا هل البرادعي هذا كان يذكر قبل أشهر قليلة من الآن ؟ هل يعرفه أحد ؟ أين كان ؟ ومن أين خرج ؟ ولماذا ذهب مرة أخري ؟ اعتقد أنه هو نفسه غير مصدق ما يحدث وافتكر نفسه بطل قومي ؟
ليس عالما ولا يحزنون و مجرد منصب دولي كان يشغله وانتهت وظيفته فيريد أن يتسلي بأمة ومقدراتها وأقول للناس عودوا إلي حواره مع مني الشاذلي في العاشرة مساء غير لبق ويتهته في الكلام ويقول يا مني يقلد الراحل السادات ((أزعم )) في قولته الشهيرة (( يا همت يا بنتي )) خلاصة القول حلو وحش لنفسه فقط مصر ليست مدينة أو محافظة أو شركة كبيرة مصر هي جمهورية مصر العربية أكبر دولة عربية مسلمة مصر ثمانين مليون مصري مصر مليون كيلو متر مربع مصر أقدم دولة في العالم.....

يا سادة والله العظيم أنا مدرس متعاقد مثلكم حالي حالكم وضعي وضعكم أعاني مثلما تعانون واتعرض لما له تتعرضون ولكن ما هكذا تورد الإبل لا بد من التروي والتأني ومعرفة أن مثل هذه الأمور الجسام العظام والتي تحدد مصير الأمم والشعوب لابد من التروي والتأني فيها جدا جدا .

أعرف أن بلدي مليئة بالفساد والظلم ..................إلخ كل ما يمكن أن يخطر علي الخاطر والبال .
فنحن مجتمع مثل أي مجتمع بشري لسنا بالمدينة الفاضلة ينا الصالح وفينا الطالح واذكر نفسي وأياكم بأن الله لا يغير ما بقوم حتي يغيروا ما بأنفسهم وأن الجزاء من جنس العالم وكما تكونوا يولي عليكم وحكامكم أعمالكم بمعني أن الحاكم وصلاحه مرده الرعية وصلاحها فالطبيون للطبيات والعكس صحيح لماذا لا يقول أحد هذا لا نعرف إلا الحقوق وعند الواجبات يتبخر الجميع ويختفي ولا يتكلم أحد هل نحن راضون علي أنفسنا وأفعالنا وأقوالنا ...........؟
نعود الناس تريد التغيير لمجرد التغيير فقط من يكون لا يهم هل هو جيد لا يهم فالعامل نفسي فقط لا أكثر ناتج عن الكبت والظلم وعدم وجود العدالة الاجتماعية المطلوبة
نعود للبرادعي هذا ونضع سناريو للمستقبل ونستشرف المستقبل
صدق الراجل نفسه وكتل الناس حوله ومعظم شعبنا طيب من العوام وأنصاف المتعلمين وعدم الوعي بمثل هذه الأمور العظام
هل سيترك له النظام الحالي الأمر بسهولة ...... أترك الإجابة لكم جميعا وارجو أن تحكموا العقل لا العاطفة والقلب .
سيحدث الصدام ستنتهك الأعراض سيقتل الغلابة والمشردون ((لا قدر الله ولا أتي هذا اليوم أصلا وحفظ الله بلادنا من كل سوء )) ستسوء الحال أكثر وأكثر سينفرط العقد ومصر لو تفتت ((لا قدر الله )) لن تعود علي هوانا أبدا
هناك الذئاب الجائعة المنتظرة في الداخل والخارج والجوار تنتظر أن يحدث الهرج والمرج لينهش كل منهم قطعة
فهناك
1- الملتحفون بالدين المعتبرون أنفسهم القديسين الملهمين الذين لا يأتي الباطل من بين يديهم ولا من خلفهم
2- كفاية - شايفنكم - مراقبينكم- هنوريكم- عاوزين حقنا - 6و7و8ابريل ..............إلخ هذا الهبل ولعب العيال .
3- أقباط الخارج .
4- جبهات الإنقاذ المزعومة من كل حاقد موتور مبعد
5- المهرجون من أمثال نور وأمثاله والذي يقول لن أسمح للبرادعي بأن يترشح بدلا مني .
نتجه إلي الخارج .
1- اسرائيل العدو الأول لنا والتي تنتظر أية فرصة سانحة وإذا حدث ((لا قدر الله ما يحبون وينتظرون )) فيالها من فرصة أن تسقط مصر وتتحول إلي فئات متحاربة متقاتلة يريد كل منهم أن يزيح الآخر ليتمكن هو .
2- الشيعة الذين يحاولون الولوج لنا من أية جهة وبأية طريقة لأننا العقبة الوحيدة الباقية في طريقهم وعودوا للتاريخ فأنا لا أهذي ولا اتكلم من فراغ وما يحدث علي حدودنا من تهريج وهبل باسم المقاومة والقومية العربية ....... إلخ خير شاهد علي ذلك
وها قد رأينا الصرصار المسمي بنجاد (( ورأينا جميعا ايران التي يعتبرها الإسلاميون والمقاومون مثلهم الأعلي ماذا فعلت بالمعارضة عندهم )) يمسك بيد مشعل من ناحية ورمضان شلح من ناحية أخري يسبون نبيهم ويلعنون الصحابة ويخضون في أعراض أمهات المسلمين وينتظرون منهم الخير ويقولون الغاية تبرر الوسيلة .
لايربون أبنائهم ويتركونهم يهيمون علي وجوههم لدرجة التجسس والكفر والعياذ بالله ويتوهمون بالقدرة علي أمور ومقدرات الأمم والأوطان كيف هذا ؟!!!!!!!!! لا أعلم
ذهقت وقرفت من الكلام من كثرة الجدال ومحاولة الإقناع والتعرض للسب والتخوين والعمالة والسلبية والخوف .........إلخ .
ولذلك فأنا لا أوجه كلامي إلا إلي العقلاء المخلصون من أهل هذا الوطن واذكرهم بتقوي الله في بلدهم وأن يحبوها وإن جارت عليهم وألا يكونوا أداة من أدوات الفتنة سواء بالقول أو بالعمل .
فالفتنة إذا أتت عرفها كل عالم وإذا أدبرت عرفها العوام وكل جاهل وتذكروا إخوانكم الذين يقولون الله يرحمك يا صدام حسين ومنذ 2003 م وحتي الآن ونحن نري ما يحدث ليل نهار من تفجير وتدمير وخراب ودمار .
ومن يقول مالنا ومال العراق
أقول له ضع كل الاحتمالات وفكر في التبعات واضمن لي بنسبة 100% بأنه لن تراق نقطة دماء واحدة في سبيل هذا التغيير المزعوم ولن ينتهك عرض بكرا أو يروع عجوزا أو طفلا أو يهدم حجرا أو تخرب دار أو يقتل حيوانا حتي ومن يقول لي أن هذا يحدث الآن أقول له أنت ظالم ومفتري وجائر وصاحب هوي وعندما يضمن لي كل هذا (( وهيهات )) فأنا أول من يحمل البرادعي هذا علي كتفه ويقول له معك يا مسيح معك يا مخلص معك من تملك العصا السحرية لأن نفطر العسل ونتغذي اللحوم ويملك كل منا سيارة وفيلا وشاليه في مارينا وتحضر لنا الدنيا الملعونة الزائلة والتي لاتساوي عند الله جناح بعوضة
أمن أجل هذا يكون الخروج والعصيان المدني أف لكم وما تعبدون إن هي إلا قسمة ضيزي .


بعد كل هذا الكلام والصداع ما الحل إذن ؟!!!!!!!!!!!!!!
الحل في تصور أخيكم الغلبان هو
(( أن يؤد كل منا ما عليه ولا عليه . أن يراعي ضميره . يتمسك بدينه . يعود لربه. وسنة نبيه . يراعي الله في طلابه . يخرج أجيالا صالحة لتحل محل الفساد والظلم والقهر عندها فقط ينمحي الفساد يزول الظلام . يشرق النهار . تهب علينا الرياح الطيبة النظيفة . يولي علينا ربنا الحاكم العادل ويوفقه في اختيار البطانة الصالحة . تفيض الأنهار بالخير . يصلح حال الناس . يتحقق لكل منا ما يتمناه بإذن الله تعالي ...............)).
وأخيرا اذكر نفسي وإياكم بتقوي الله واذكركم بقصة قصيرة ذكرها المؤرخون بأنه قد وجدت في خزانة أحد الخلفاء علي ما اتذكر حبة قمح كبيرة جدا مقارنة بما هي معروفه عندنا الآن وقد كتب بجوارها في ورقة "" هذا كان ينبت في زمن العدل ""
اتمني أن يكون هناك من فهم قصدي وعرف ما أريد وآسف جدا علي الإطالة . وشكرا لأن مصر تستحق منا جميعا أن نعاملها بأفضل مما نعده لها فهي الوطن الذي يسكن فينا بدون مزايدة من هذا أو ذاك والسلام علي من اتبع الهدي

بس أنت مزعل نفسك ليه مالسه "أبو جمال بخير"ربنا يديله طيلة العمر وبعدين طالما هو لس على وجه المعمورة مفيش حد هيكون رئيس غيره ومفيش حد هيكون ليه رأى غيره بس أنت متزعلش نفسك مع اخوانك واخواتك فى المنتدى "ونحن مع أبو جمال قلبا وقالبا"

لنا شايف ان الرئيس مبارك كتر خيره تعب من كتر مشاكل مصر و بصراحه انا بحبه لانه بطل من ابطال اكتوبر بس هو منذو 6 دورات و فشل في حل مشكلات البلد من بطاله و تعليم و اقتصاد و تلوث النيل و زيادة نسبة الامراض مثل فيرس سي و كتير فبصراحه هو ما عدش يصلح للرئاسه بس كتر خيره كانت حياته صعبه لانه متحمل مسؤلية 80 مليون مصري
اما بالنسبه للبردعي انا حاسس انه عايش في الوهم لانه ملوش برنامج انتخابي محدد و لما نزل منطقة اسطبل عنتر اصدم لانه ما كانش شايف اقع مصر
اما بالنسبه لانسب واحد للمركز ده هو الوزير رشيد محمد رشيد
لانه حارب رجال الاعمال المفترين مثل احمد عز و تجار الاسمنت و الدقيق بصراحه رجل بيحب الناس الغلابه و هذا راي الخاص قد يصيب و قد يخطئ
السلام عليكم
وهو شغال أيه الوزير رشيد محمد رشيد ده كمان أنا بصراحة أول مرة اسمع بيه بس أوع يكون بلدياتك لأنه أنا عارف الشغل ده كويس :022yb4:

طيب أنا سمعت أنه الدكتور"يسرى الجمل"هيترشح للرئاسة فإيه رأيكم فيه فأنا أظن أنه يستاهل فهو رجل مننا وعلينا ولازم نقف جنبه :d
بس مش عارف إيه وضعه القانونى يجوز ولا لايجوز

يا جماعة ده تصويت صوت لمن تريد واكتب من تريد في الرد اذ لم يكن في القائمة

لاموسى ولا برادعى لازم يكون الرئيس من عائلة مبارك
البرادعى كان سبب من الاسباب الرئيسية من غزو العراق ووقف مع امريكا ظلما ضد العراق وموسى كفاية عليه الجامعة العربية والاخ اللى بيقول اى حد بس مايكونشى من المنوفية ليه السادات كان من المنوفية والمنايفة اجدع ناس فى البلد دى لانهم عارفين الاصول ويعرفوا يحكموا اى بلد واحسن رئيس جه مصر هو حسنى مبارك

يا شباب بدون انفعال صوت وفقط

بكل صراحة وبدون نفاق ومن كل ما نراة وبنسمعة وعلى البهدلة والظروف التى يمر بيها الشعب المصرى المغلوب على أمرة أقولها وبكل صراحة أفضل من يكون رئيسا" قادما" هو الدكتور محمد البرادعى وكل واحد عارف ومتأكد فى قرارة نفسة أفضل من يكون هو الدكتور محمد البرادعى وأقول للزملاء الى بيخلطوا فى الأمور هو لم يلعب دور فى الحرب على العراق من خلال تقارير الوكالة أكبر ولا أفظع من ما لعبته حكومتنا وكفاكم نفاق وخداع لأنفسكم والى بيقول علية أنه ميعرفش يتكلم أقولة أتقى الله دا الراجل كان رئيس أكبر وكالة حيوية فى العالم وحاصل على جائزة نوبل ومهما كان هو الأفضل وعلى فكرة هو أتى فى التوقيت المناسب وأفيقوا يا مثقفى مصر خلينا نتنفس الصعداء من قانون طوارىء ملازمنا طوال حياتنا وياريت تعرفوا ميزانية الشرطة كام وميزانية التعليم والصحة كام وياريت تنزلوا وتشوفوا العشوائيات والمصريين عايشيين أزاى وكيف وياريت تقرأ و وتتصفحوا وتعرفوا أن أى وزير أو محافظ فى ظل ظروفنا الأجتماعية والمادية الصعبة والشبه معدومة لكافة أطياف الشعب لما بيطلع معاش تقاعدى أو يقال تكون ثروتة كام وأختلس وسرق كام من مقدرات وحق الشعب الغلبان وياريت تسألوا أنفسكم الحزب وأعضائة بيصرفوا من أين ومن أى ميزانيتة وياريت تسمعوا وتعرفوا عند تمرير أى قانون فى صالح الحكومة بيدفع كام أو بيحصل عضو مجلس الشعب الدى ينتمى للحزب الوطنى على آية فى هدا المقابل وكله من قوت الشعب أقرأوا وبعدين لما تسمعوا وتعلموا أن الحكومة بتعطى عضو الحزب الوطنى سنويا" على خمسة وظائف وعلى خمسة تأشيرات حج وطبعا" بيتباعوا بمبالغ طائلة للغلابة . وأفتكر أن كافة الشعب أو على الأقل 80% من الشعب المصرى من الغفير حتى الوزير بلغت لدية حتى الحلقوم وكله حاسس بالظلم وكفاكم خداع لأنفسكم وكفاكم رياء وكفاكم نفاق ونتمنى التجديد ويكون أنسان مثقف ويخاف الله فى شعبة وأبنائة وياريت تسألوا أنفسكم فى آيه فى مصر لم يبــــاع على فكرة حكم مصر حمل ثقيل جدا" جدا" جدا"على من يتحمله مستقبلا" لكى يقوم بالأصلاح والدكتور البرادعى سوف يصلح لهدا المنصب أنشاء الله وندعوا له بالتوفيق وعلى فكرة أنا من صعيد مصر ولست من أتباع أى حزب ولا أى أحد ولكن كل كلمة من الواقع الدى نراة ونشاهدة فى كل لحظة يوميا"
أبوفيــــــــــــاض

هههههههههههههه بتصوتوا على مين كام واحد بذمتكم معاه بطاقه انتخابيه لما هتيجي الانتخابات مش هيخلوك تدخل لجنه الانتخاب كوافد لو ممعكش بطاقه مش هتقدر تنتخب حد حتى لو كان المرشح اخوك

لكن البرادعي دماغه عاليه وكمان مثقف وعلاقاته الدوليه واسعه جدا على عكس مايقال عنه وله مكانه علميه لا يستهان بها ربنا معاه لو هيغير الحال اللي احنا فيه ده وتقوليش منوفي لا مش مشكله مكانه المهم عمله عبد الناصر الله يرحمه معشناش في زمنه لكن عمل حاجه لمصر وعلى فكره مصر مليانه ناس قلبها على البلد

شكل ابرادعي في التصويت ده كاسح المرشحين بس فيه ملجوظة محدش عنده ناس تانية الا واحد قال رشيد محمد رشيد

نفسي اعرف ايه اللى دخلكم فى الساسية

أبو علاء الىـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

ياجماعة المنتدى ليس منتدى سياسى

الي الاخ محمد ضعيمة واضحا انك من اسمك طعم جدا ولذيذا وانا حينما قلت المنوفية فانا اقصده فكلا من تولى المسؤلية من هذه المحافظة اللذيذة ذقنا منه الأمرين

ولقد أمر علي اللئيم يسبني فمضيت ثمت قلت لا يعنيني

دعك من كيد الحسود فإن صبرك قاتله فالنار تأكل بعضها إن لم تجد ما تأكله

يا اخوانا السياسية هي العلم والتعليم مين اللي بيقول ايه اللي دخاكم في السياسة مهو كل سياسة يا سيدي

يا جماعة مين نقل الاستطلاع هنا انا عاوزه في قسم الكادر

الناس قالت كلمتها
اكتر من 50 فى المية لصالح البرادعى
وانا متاكد ان دى مفيهاش تزوير نفسى اشوف اللى بيهاجموا البرادعى عيقولوا ايه بعد النصر الكبير ده

عمرو موسي أو البرادعي

المهم مش يكون حسني مبارك

صوت لمن تريد وستحسم النتيجة نهائيا بدون تزوير بدون ضغط على المصوت وهذه انزه من الانتخابات المصرية علنا ننفس عما بداخلنا

يا ناس اللي يدخل هنا يصوت ويلي برأيه

والله فكرة حلوة
بس يا ريت تضيفوا إسم خامس للمرشحين وهو: عباس رجب
يمكن ربنا يكرمني ويعوضني وانجح في الرئاسة بعد ما فشلت في الحصول على عضوية المجلس الموقر - أشك - .
بس بصراحة عجبني جداً تبني البرادعي لفكرة اقتناع الشعب أولاً بالتغيير وصناعة القرار بغض النظر عن إسم الرئيس.
وربنا يجعله عامر

معاك يا استاذ عباس بس ايه برنامجك الانتخابي

البرادعي أمل التغيير فهو الوحيد القادر علي المنافسة في ظل الفساد المنتشر لما له من صيت دولي ولو إني مش مقتنع بيه لأنه ممكن يكون صناعة أمريكية لكن أنا بعتبره قنطرة نعدي من خلالها لعصر أفضل من عصر مبارك

على فكرة الريس تعبان وفي المانيا وعمل عملية جراحية باستئصال المرارة

موسى ثم البرادعى

على فكرة البرادعي نسبنه بدات تقل شوية من 60 الى 51

انا مالياش فى السياسة

الانتماء للاسلام ثم حب الوطن يجب ان يكون فى اهتمام كل انسان وليس سياسة تتحدث او لا تتحدث
ولأنى طموح
أتمنى أن يكون الرئيس افضل من المذكورين بقائمة الاستطلاع

يا جماعه محلوله انا حنتخب اسامه بلادن

الانتماء للاسلام ثم حب الوطن يجب ان يكون فى اهتمام كل انسان وليس سياسة تتحدث او لا تتحدث
ولأنى طموح
أتمنى أن يكون الرئيس افضل من المذكورين بقائمة الاستطلاع
طيب يا ريت تقول لنا مين هو

دة اية الحرب دى اية ياجماعة صلوا ع النبى

ولا دايم الا الدايم

انا ارشح عادل امام مش بتريق انا من وجهة نظرى انة يدخل وربنا هيوفقة ان شاء الله

بكل صراحة وبدون نفاق ومن كل ما نراة وبنسمعة وعلى البهدلة والظروف التى يمر بيها الشعب المصرى المغلوب على أمرة أقولها وبكل صراحة أفضل من يكون رئيسا" قادما" هو الدكتور محمد البرادعى وكل واحد عارف ومتأكد فى قرارة نفسة أفضل من يكون هو الدكتور محمد البرادعى وأقول للزملاء الى بيخلطوا فى الأمور هو لم يلعب دور فى الحرب على العراق من خلال تقارير الوكالة أكبر ولا أفظع من ما لعبته حكومتنا وكفاكم نفاق وخداع لأنفسكم والى بيقول علية أنه ميعرفش يتكلم أقولة أتقى الله دا الراجل كان رئيس أكبر وكالة حيوية فى العالم وحاصل على جائزة نوبل ومهما كان هو الأفضل وعلى فكرة هو أتى فى التوقيت المناسب وأفيقوا يا مثقفى مصر خلينا نتنفس الصعداء من قانون طوارىء ملازمنا طوال حياتنا وياريت تعرفوا ميزانية الشرطة كام وميزانية التعليم والصحة كام وياريت تنزلوا وتشوفوا العشوائيات والمصريين عايشيين أزاى وكيف وياريت تقرأ و وتتصفحوا وتعرفوا أن أى وزير أو محافظ فى ظل ظروفنا الأجتماعية والمادية الصعبة والشبه معدومة لكافة أطياف الشعب لما بيطلع معاش تقاعدى أو يقال تكون ثروتة كام وأختلس وسرق كام من مقدرات وحق الشعب الغلبان وياريت تسألوا أنفسكم الحزب وأعضائة بيصرفوا من أين ومن أى ميزانيتة وياريت تسمعوا وتعرفوا عند تمرير أى قانون فى صالح الحكومة بيدفع كام أو بيحصل عضو مجلس الشعب الدى ينتمى للحزب الوطنى على آية فى هدا المقابل وكله من قوت الشعب أقرأوا وبعدين لما تسمعوا وتعلموا أن الحكومة بتعطى عضو الحزب الوطنى سنويا" على خمسة وظائف وعلى خمسة تأشيرات حج وطبعا" بيتباعوا بمبالغ طائلة للغلابة . وأفتكر أن كافة الشعب أو على الأقل 80% من الشعب المصرى من الغفير حتى الوزير بلغت لدية حتى الحلقوم وكله حاسس بالظلم وكفاكم خداع لأنفسكم وكفاكم رياء وكفاكم نفاق ونتمنى التجديد ويكون أنسان مثقف ويخاف الله فى شعبة وأبنائة وياريت تسألوا أنفسكم فى آيه فى مصر لم يبــــاع على فكرة حكم مصر حمل ثقيل جدا" جدا" جدا"على من يتحمله مستقبلا" لكى يقوم بالأصلاح والدكتور البرادعى سوف يصلح لهدا المنصب أنشاء الله وندعوا له بالتوفيق وعلى فكرة أنا من صعيد مصر ولست من أتباع أى حزب ولا أى أحد ولكن كل كلمة من الواقع الدى نراة ونشاهدة فى كل لحظة يوميا"
أبوفيــــــــــــاض


طبعا محمد البرادعى هو انسب واحد للمنصب ده لانه
1/راجل كان عايش بره وجاى بفكر جديد
2/راجل مش محتاج فلوس

عادل امام هيا ناقصة خراب وقلة ادب وعري وسفالة واهانة للدين

عادل امام اكيد عيحرر الاقصى
عادل اامام قال
طب ايه راينا فى روبى مثلا او هيفاء وهبى مع الاحترام لا ى شخص
ولكن عادل امام
هههههههههههههه
لا كده كتير

انا اتمنى ان رئيس مصر يكون واحد زى عمرو موسى
ويا حبذا لو كان مثل حمدى قنديل أو عبد الله السناوى
او مصطفى بكرى
المهم اى حد يملك الشرف والكرامة * الشرف والكرامة * الشرف والكرامة * الشرف والكرامة

عادل امام اكيد عيحرر الاقصى
عادل اامام قال
طب ايه راينا فى روبى مثلا او هيفاء وهبى مع الاحترام لا ى شخص
ولكن عادل امام
هههههههههههههه
لا كده كتير


ههههههههههه
وأنا برشح تامر حسنى
أه صحيح مينفعش هو أقل من 40
طب نقول عمرو دياب

ههههههه
إن شاء الله البرادعى

بلاش تهريج يا شباب المفروض تصوت وفقط للتعليق الجاد

ياريت يكون فى رئيس زى سيدنا عمر بن الخطاب رضى الله عنه

انا لا ارشح احد

انا شايفة انه مفيش حد منهم
صالح لهذا المنصب
*(وجهة نظر)

ياريت يكون فى رئيس زى سيدنا عمر بن الخطاب رضى الله عنه
ياااااااااااااا ريت
بس للاسف
بقى شئ مستحيل

بلاش تهريج يا شباب المفروض تصوت وفقط للتعليق الجاد


وأنا أسف
أرجو قبول اعتذارى

مقبول اخ ايساف وبارك الله فيك وشكلك ليك في التهريج وده كويس بس فيه مواضيع تانية وانا معاك فيها ومع نفسك سلام

اخت عبير مفيش حد عندك ينفع رئيس لمصر ولا انت شايفه ايه

والله حرام عليكم انتم مش عارفين اى حاجة واللى ايدة فى الميه مش زى اللى ايدة فى النار ومفيش احسن من الرئيس حسنى مبارك ربنا يشفية ويقومة بالسلامة علشان ميديش الرعاع فرصة لخراب البلد

اخى الكريم امالنا كشعب مصرى غير الواقع المرير
سؤالك وتطلعاتك فيمن تختار
ام فيمن سيفوز
لانة شتان بين الاثنين
انا فى رأى الشخصى ان ظل مبارك بصحتة سيظل رئيسا لمصر
ام ان لا قدر الله حدث اى مكروة سيكون ابنة جمال خلفا لة
الا ان يرحمنا الله عز وجل
لكم منى كل تقدير واحترام

أنا اقول ابعدوا عن المور ده والرئيس هيتعين من غير ماتختاروا حد ماشى وفروا
وافتحوا مواضيع تانيه واتتعبوا نفسكوا مع احترامى لصاحب الموضوع هذا رأيى أشغلوا أنفسكم بما يفيدكم
وجــــــــــــــــــــــــزاكم الــــــــــــــلـــه خـــــــــــــيرا

ربنا يقدر اللي فيه الخير

طب بالنسبة للاستطلاع دلوقتى

اى رئيس كن مبارك وغيره

فيه ناس معينة لازم تفضل موجودة منهم

فتحى سرور
المشير طنطاوى وزير الدفاع والانتاج الحربى
عمر سليمان
بطرس غالى
حبيب العادلى
احمد عز
زكريا عزمى

السادة دول هيفضلوا موجودين مهما حصل

ونحن فى انتظار القادم

وفى نتظار التغيير

مفتكرش ان رئيس مصر القادم هيستغنى عنهم

اولا : عمرو موسى مش هيرشح نفسة اصلا وهو قال دة قبل كدة والك عارف دة

ثانيا : انا برشح البردعى او احمد زويل

لان البلد عايزة واحد عالم او واحد فاهم يعنى اية ادارة

والله حرام عليكم انتم مش عارفين اى حاجة واللى ايدة فى الميه مش زى اللى ايدة فى النار ومفيش احسن من الرئيس حسنى مبارك ربنا يشفية ويقومة بالسلامة علشان ميديش الرعاع فرصة لخراب البلد


انا معاك والله العظيم كلامك مية مية

بجد انا معاك

وارشح جمال مبارك

لا للبرادعى اللى بيمونوة امريكا مش بنزين لا بيمنوة كل حاجة من تحت لتحت وانتوا مش عارفين حاجة

البرادعى اللى مش موجود فى مصر اصلا وموجود هناك هيحس بالشعب ازاى ؟؟!! اللى بيقول التغيير بس عشان امريكا قالتلة كدة

ياجماعة لا رئيس الا مبارك وادام مبارك هيمشى بجد يبقى جمال
عشان هو فاهم كويس وابن بلد وفاهم سياسة الدولة صح

مش واحد ملوش لزمة يطلع بكلمتين عاوز رئيس امشى العب بعيد اجرى

والله اراؤكم كلها تمام ووجهات نظر تحترم

بكل صراحة احنا ما يهمناش مين اللى يبقى الرئيس قد ما يهمنا البرنامج بتاع الرئيس مصر دى دولة كبيرة ومشاكلها كبيرة مزمنة ومستعصية ولو اى واحد فيكم فكر انه ممكن يصحى من اليوم الصبح ويلاقى نفسه رئيس دولة زى مصر بمشاكلها الحالية هيعرف ان المنصب ده ابتلاء ...... احنا بس بنطلب من اللى يبقى رئيس سواء كان من الاسماء دى أو من خارجها أن يتقى الله فى الشعب ويضرب على أيد الفاسدين ويترأف بالطبقات المطحونه .. وشكراً

البرادعى طبعا

انا معاك والله العظيم كلامك مية مية


بجد انا معاك

وارشح جمال مبارك
يااه واتخليت عن الزعيم عادل امام مش معقولة ياراجل راجع نفسك شوية

لا للبرادعى اللى بيمونوة امريكا مش بنزين لا بيمنوة كل حاجة من تحت لتحت وانتوا مش عارفين حاجة
لا انت اللى عارف ومثقف جدا وده واضح

البرادعى اللى مش موجود فى مصر اصلا وموجود هناك هيحس بالشعب ازاى ؟؟!! اللى بيقول التغيير بس عشان امريكا قالتلة كدة
عندك ادلة على كده لا طبعا ولعلمك امريكا هى اول من عارضت الدكتور البرادعى للترشح فى الوكالة الدولية عام 2005

ياجماعة لا رئيس الا مبارك وادام مبارك هيمشى بجد يبقى جمال
عشان هو فاهم كويس وابن بلد وفاهم سياسة الدولة صح
وعادل امام نسيته

مش واحد ملوش لزمة يطلع بكلمتين عاوز رئيس امشى العب بعيد اجرى

عيب لما تقول على الدكتور البرادعى ملوش لازمة
اعرف انت بتكلم مين الاول ده واخد جايزة نوبل انت مين عشان تتكلم عليه كده
ومش غريب عليك انك تقول كده يابتاع الزعيم عادل

بلاش عادل وغيره خلينا جد شوية

ارشح محمد حسني مبارك ان شايف ان هو الانسب

السلام عليكم
يا جماعة البرادعي مين اللي بتقولوا عليه !!
دا إنتوا لو حللتوله دم في أي معمل تحاليل هتلاقوه أمريكي !!
هل يُعقل ان يحكم مصر أمريكي !! ؟؟
يا جماعة دا معاه جنسية أمريكية ولا كمان زويل يصلح للرئاسة
دول معاهم جنسية أمريكية !!
إحنا عاوزين مصريين ولاد مصريين
إذا كان لما كان البرادعي في الوكالة الدولية
امريكا أحتلت العراق العربي المسلم
ظلم و أفترا
أمال بقي لما يكون رئيس مصر
هتكون مصر ولاية أمريكية !!

أعقلوا بقي ،،،

http://www3.0zz0.com/2010/03/14/12/114257706.gif
8

هو انا نفسى يبقى عمرو موسى بس حسنى رشح نفسه تانى

هههههههههه
يبدو ان البعض لا يعلم
ان مقر الوكالة الدولية فى النمسا وليس امريكا
كما يعتقد البعض

هههههههههه
يبدو ان البعض لا يعلم
ان مقر الوكالة الدولية فى النمسا وليس امريكا
كما يعتقد البعض

أعلم قبل منك

وشكراً ع المعلومة

و يعني أيه ( ههههههههههههه !! ) ؟؟

جمااااال طبعاااااااااا

بصراحه اى حد لسه صغير مش عنده 100 سنه اه انا منكرش ان مبارك عمل حجات

كتير لمصر بس ده زمان قبل ما يكبر ويتعب ويبقى مش حمل الناس دى كلها نفسى فى واحد عالم وفاهم هو بيعمل ايه

مش بتاع كلام وخلاص ويحكم البلد حكم اسلامى فعلا بس مش متعصب لأن الاسلام الصحيح غير متعصب مفيش حد

معين فى دماغى بس لو ظهر حد اكيد هنتخبه وانا معاكم ان البرادعى عالم محترم وكده بس مايحرقش النار الا الى

كبشها ده واحد عايش طول حياته مرفه فى اغنى بلد فى العالم تفتكروا يعنى ممكن يزل الاحياء الفقيره ويشوف الناس

المتبهدله ..معتقدش .

وبلاش بقى حكاية عشان هو مش عارفه من محافظة ايه والكلام الفاضى ده يعنى هى المنوفيه والغربيه والاسماعيليه

من موزامبيق يعنى كلنا فى مركب واحده وبلاش نسيب المهم ونمسك فى الهايفه مع احترامى الشديد لجميع الاراء

التصويت ده كنت متوقع له لكترمن 10 الاف شخص للاسف

محمد حسني مبارك

هاي شباب فين تصويتكم

السلام عليكم
طبعا اكيد من هو رئيس مصر القدم عامل قلق عند بعض الناس
لكنهذا تقدير من عند ربنا واللىبيختارو الله سبحانه وتعالى غصب عنى وعنك
لكن كل واحد له وجهة نظر فانا لا ارشح جمال علشان ما تمشى وراثة العملية ويتم تغير الحكومة
وما نبقاش فى القيل والقل كل شوية
ولا ارشح البرادعى لانه جاى من بره ومتفق من ايام الوكالة على السمع والطاعة واللى بيقول حاصل
على جائزة نوبل اقلك بيريز بتاع اسرائيل حاصل عليه واوباما حاصل عليها مش مقياس
لكن نتمنى االخير لمصر
ونفسى فى اتنين هما من الجيش
الوزير عمر سليمان
والفريق سامى عنن لشخصيتهم القوية
واللى ياجى ياجى والله يسترها

لا يهم من يكون المهم ان الشى الزى غيره لم يقدر ان يفعله المواطنه

التصويت ماشي كويس

التصويت بدا في مراحله الاخيرة

انا خوفى بس من الحروب اللى هندخلها لو انتخبنا البرادعى اصلها ناقصه تخلف وفقر وامراض ولحمه وقمح بايظين وكمان حروب:039uw8:

ايه الحكاية صوتوا يا جماعة

طبعاً أنا مقرتش الموضوع ودا لضيق الصدر والوقت - يعني العيب مني مش ف الموضوع -
بس من تنتون لتنتن ياقلبي لا تحزن
هات الشيطان يحكم وانا بالنسبالي مش فارقة
بس حطلي هيئة سليمة شريفة تحكم هذا المنصب ويبقا في إيديها عزله في حالة الخطأ
يعني هتجيب البرادعي هتجيب جمال هتجيب قُبح حتي
مش فارقة بينهم كلهم
:)
شكراً

انا اخترت حسنى مبارك وبديله جمال مبارك

اريد حسنى مع تغيير حكومته بالكامل

أكيد مش أنا

هههههههههههه

وبالتالي وبالصوت العالي مش هيكون غير

جمال جمال جمال

وده مش علشان أنا عايزه

ولكن مين هيغطي على بلاوى أبوه غيره؟

بس كده

وبعدين مبارك عمل عملية خطيره.

من خلالها هيقول أنا معنتش قادر,
وهيقول كمان.... من حق كل واحد يرشح نفسه ما دامت فيه الشروط الدستورية ,
وجمال مواطن زي أي مواطن

(الجملة الأخيرة دي هو اللي هيقولها مش أنا, اعملوا معروف وركزوا كده متودونيش في داهية)

وهيكمل ويقول....

بس برده أنا يا ولادي وياشعبي الحبيب هفضل اخدم فيكم لحد آآآآآآآآآآآآآآخر نفس

مش هسبكم ولا لحظة

لازم اطمن عليكم طول ما انا عايش

وبعد ما اموت كمان

علشان كده أنا اخترتلكم جمال

وحشتونا والله فينكم يا شباب

انا اتوقع حدوث فتنة كبيرة بين المصريين وبين المرشحين خلال هذه الدورة .

اممممممم والله ما اعرف
يمكن البرادعى تم و التصويت له

بصراحه أرشح نفسي أنا وفيها ايه؟؟؟؟؟؟؟؟؟
أرشح نفسي

ههههههههه طبعا مفيش حد هيرشح جمال مبارك بس هوا الي هيكسبها السنه الجايه
اصلها وراثه