السلام عليكم ورحمه الله وبركاته
طبعاً
أكيد كثير منا عندما قرأ عنوان الموضوع
" إمتيــاز مــع مرتبــة الشــرفـ "
قال
الأمير محمد جاب إمتياز " صح ولا لاء ؟؟ "
ع العموم يسمع من بُقك ربنا
بدايةً
كل عام أنتم بخير
الشكر
أولاُ وأخيراً لله ثم لـ محمود فامبير
علي هذا القسم الرائع
ذاكر معنا
وتكميلاً
لجهود فامبير و المُخترع
ع الموضوع الجميل الذي اعدوه
سوف أطرح اليوم
أصول
أصول الوصول للتقدير
علماً
علماً بأن هذا الكلام جاء علي لسان أحد
مُعيدين الكلية " جزاه الله خير عنا "
ولـ نبدء
أولاً
التركيز علي المحاضرات التي يلقيها الدكتور ومن ثم الألتزام بحضور المحاضرات
" وأنا عارف أنه طلب ثقيل علي قلب بعض الطلبة "
ثانياً
المذاكرة من الكتاب تكون فقط للموضوعات التي ألقاها الدكتور في المحاضرة
لأن هناك بعض النقاط في الكتاب لن تكوم مهمة " رغي ع الفاضي "
وهذا بالنسبة للمواد العملي كالمحاسبة
( وأنا عارف إن في ناس هتقول كتاب أيه ياعم !! دا أنت قديم أوي )
ثالثاً
غالباً ما يقوم الدكتور بتنزيل كتاب " التطبيقات " وهو عبارة عن أسئلة و أجوبة
للمادة " ومهم جداً ( أبقي أشتريها و ما تبقاش بخيل وأبقي روح المكتبة أحجزها )
وغالباً ما يوجد به اسئلة غير محلولة من أجل التعود ع الحل
وغالباً بيأتي منها اسئلة في الأمتحانات
" إلهــي يجي بـ فيدة " أقصد طبعاً مذاكرة التطبيقات
" ونصيحة نفض للملازم وما تعتمدش عليها أعتماد كُلي "
رابعاً
حاول تحصل ع الأمتحانات السابقة للدكتور وحلها والتركيز ع الأسئلة التي تتكرر
خامساً
المواد العملي مثل المحاسبة يتم التركيز فيها علي حل المسائل
أما الأجزاء النظرية في الكتاب فـ غالباً تكون للفهم و زيادة للمعرفة لا أكثر
" و كما رأينا في التيرم الأول في المحاسبة "
وقليل جداً لما بيجيب أسئلة نظري في المواد العملي كالمحاسبة
ولما بيجيب الدكتور أكيد بيقول " كما حدث في التيرم الأول في امتحانات مجموعة من إنتظام "
ونسأل
ونسأل الله أن يُعيننا ع المذاكرة و يُيسرها علينا
و نحصل علي أعلي التقديرات
أميــن
وتذكر
وتذكر قول الله تعالي
بسم الله الرحمن الرحيم
" إن الله لا يُضيع أجر من أحسن عملا "
صدق الله العظيم

الأميــر محمد

موضوع جميل شكرا يامحمد ويارب تجيب امتياز انا بقولهالك اهو

جميل يا سمو الامير محمد ايوه كده يا جماعه املئو القسم موضوعات جيله زى موضوع كريم والامير
وربنا يوفقنا الترم ده وربنا يستر على الترم الاول
والسلام عليكم

الســـلامـ عـلـيـكـم ورحمـة الله ،،
مـــوضــوع مـمـيز وجـميـل
وبيّنت يا حـمـادة فيه طريق التفوق
جميل جميل يا محمد وننتظر المزيد
،/
دمــــــــتـ بـخـيـر ـ
أخــوكـ
thenomadic

موضوع جميل شكرا يامحمد ويارب تجيب امتياز انا بقولهالك اهو الموضوع جميل بوجودكـ فيه يا حودا
ويارب أجيب امتياز أنا وأنت وكل اعضاء المنتدي
الحلوين

جميل يا سمو الامير محمد ايوه كده يا جماعه املئو القسم موضوعات جيله زى موضوع كريم والامير ربنا يخليك يا حوده ، منور الموضوع وجزاكم الله خير
" فامبير و كريم والمُخترع "
علي موضعاتكم القيمة
والمنتدي طول ما فيه ناس جميلة
هيبقي فيه موضوعات جميلة
وربنا يوفقنا الترم ده وربنا يستر على الترم الاول آميــــن يـــــــارب

والسلام عليكم وعليكم السلام ورحمه الله وبركاته

الســـلامـ عـلـيـكـم ورحمـة الله ،،
مـــوضــوع مـمـيز وجـميـل
وبيّنت يا حـمـادة فيه طريق التفوق
جميل جميل يا محمد وننتظر المزيد
،/
دمــــــــتـ بـخـيـر ـ
أخــوكـ
thenomadic


وعليكم السلام ورحمه الله وبركاته
كيف حالكـ يا كريم ؟؟
منور والله
والحمد الله إن الموضوع نال إعجابكم وارجو أن يفيد كل الطلبة
" هذا من فضل ربي "
وإن شاء الله القادم أفضل
دمتم في خير
أخوكـ
محمد

التركيز علي المحاضرات التي يلقيها الدكتور ومن ثم الألتزام بحضور المحاضرات

بص انا عملتها في الترم التاني في سنة اولي وجيبت فيه جيد جدا

ماعملتهاش في سنة تانية وجيبت جيد .. الله اعلم بقى في تالته هانعمل ايه

المذاكرة من الكتاب تكون فقط للموضوعات التي ألقاها الدكتور في المحاضرة
لأن هناك بعض النقاط في الكتاب لن تكوم مهمة " رغي ع الفاضي "

تماااام .. واضيف على دا كمان ان الموضوعات اللي بتتكرر في الامتحانات اجاباتها تتذاكر من الكتاب مباشرة

حتى لو كانت الاجابة في الكتاب طويلة ومملة وصعبة .. لان دا بيدي انطباع للدكتور لما بيصحح انك مذاكر من الكتاب

غالباً ما يقوم الدكتور بتنزيل كتاب " التطبيقات " وهو عبارة عن أسئلة و أجوبة
للمادة " ومهم جداً ( أبقي أشتريها و ما تبقاش بخيل وأبقي روح المكتبة أحجزها )

هههههههههههه اه والله فعلا ساعات بستخسر واقول انا أولى بالعشرة جنيه

والمهم ان العشرة جنيه دي تلاقيها بتتصرف على ساندوتش بطاطس فرنساوى او عند الحلاق !!

ونصيحة نفض للملازم وما تعتمدش عليها أعتماد كُلي

كلام سليم .. بس انتا اكيد تقصد ملازم السين والجيم وورق الدروس

لكن بالنسبة للمحاضرات المكتوبة فادي اعتمد عليها عادي جدا لان اللي مكتوب في الملزمة بيبقى كلام الدكتور فعلا

حاول تحصل ع الأمتحانات السابقة للدكتور وحلها والتركيز ع الأسئلة التي تتكرر

طبعا دا شئ مهم جدا جدا جدااااا لأقصى درجة .. لان بنسبة 30% الامتحان الحالى بييجي من الامتحانات السابقة

ودي متجربة معايا انا شخصياً والموضوع دا تمام اوي معايا وزي الفل

المواد العملي مثل المحاسبة يتم التركيز فيها علي حل المسائل

صح .. ودا طبعا بيبقى معتمد على التطبيقات اللي قولنا عليها من شوية

يعني بمعنى أصح تطبيقات المحاسبة والرياضة دول شئ اساسي لازم يكونوا مع اي حد

كلمة أخيرة بس أحب اقولها

أي دكتور دااااائماً مابييجي في آخر محاضرة ويقول الكلمة المشهورة ..

الامتحان لن يخرج عن المحاضرات

وبالتالى انصح ان اي حد هايشترى ملازم يبقى يشترى المحاضرات بس ..

واي ملازم تانية تبقى لزيادة التأكيد والانجاز مش اكتر

والف شكر يا محمد ع الموضوع المفيد دا

السلام عليكم ورحمه الله وبركاته

بص انا عملتها في الترم التاني في سنة اولي وجيبت فيه جيد جدا

ماعملتهاش في سنة تانية وجيبت جيد .. الله اعلم بقى في تالته هانعمل ايه يا حودا إن شاء الله ... تتكرر وتجيب جيد جداً في تالتة و رابعة ( ولو إمتياز يبقي تمام )
هههههههههههه اه والله فعلا ساعات بستخسر واقول انا أولى بالعشرة جنيه

والمهم ان العشرة جنيه دي تلاقيها بتتصرف على ساندوتش بطاطس فرنساوى او عند الحلاق !! فعلاً بيحصل ودا كان هيحصل معايا التيرم الأول
بس قولت التطبيقات أوله بالفلوس ... بس برده كنت بجيب فرنساوي ومن كافتريا العمده كمان
وبعدين دلوقتي الحلاق لو اديته 10 جنيه ... بيـبصلك بأحتكار هههههـ ( بس مش كل الحلاقين )
كلام سليم .. بس انتا اكيد تقصد ملازم السين والجيم وورق الدروس فعلا أنا قصدي ملازم الـ س و ج وبيني وبينك أنا كمان أقصد ( ملازم المراجعة النهائية ) ...
طبعا دا شئ مهم جدا جدا جدااااا لأقصى درجة .. لان بنسبة 30% الامتحان الحالى بييجي من الامتحانات السابقة

ودي متجربة معايا انا شخصياً والموضوع دا تمام اوي معايا وزي الفل إن شاء الله عُلم و ينفذ
واللي ماجبش ملزمة الإمتحانات التيرم الأول إن شاء الله يجيبها التيرم التاني ( وطبعاً يحلها )
أي دكتور دااااائماً مابييجي في آخر محاضرة ويقول الكلمة المشهورة ..

الامتحان لن يخرج عن المحاضرات فعلاً حصل معانا التيرم الأول ... وخاصاً دكاترة الرياضة
وإن شاء اللع المعلومات التي أضفتها سوف نتطبقها
وبشكرك يا فامبير ع المتابعة الجميلة دي

محمد : ولو سمحت يا فامبير ممكن أسئلك سؤالين .
فامبير : أتفصل
محمد : ماهو كورس iti ??
والسؤال الأخير ، أنت ناوي تدخل قسم أيه ( محاسبة _ إدراة _ تأمين ) ؟؟ ولمــاذا ؟؟
وجزاك الله خير
و منتظركـ
في رعاية الله

السلام عليكم جميعا

يعنى ياجماعه منعتمدش على الملازم (المراجعات)اعتماد كلى ونحل من التطبيقات
ونركز عليها اوى ونتأكد ونراجع من ملازم المراجعات
وبردو تكون مذاكرتنا من ورق المحاضرات
هنلخص ده فى كام نقطه كده:

1/ نركز على المحاضرات (ورق المحاضرات) او نكون كاتبنها فى المحاضره.
2/ نذاكر التطبيقات كويس جدا ونركز عليها ونحل كتير منها فى المواد العملى اكثر وتركز على الاسئله بس فى المواد العملى.
3/نذاكر من الكتاب اللى قاله الدكتور فى المحاضره بس وبردو اسئلة الامتحانات المتكرره ونشوف حلها من الكتاب
4/نركز اوى ونحل اسئله الامتحانات السابقه ونركز على الاسئله المتكرره

والله يا جماعه التفوق سهل بس للى يذاكر من اول الترم بجد ويكون عنده صبر وتفاؤل وحب للنجاح
ودول خلاصة الكلام اللى قاله الامير وفمبير.

والسلام عليكم جميعا ووفقنا الله دائما وربنا يستر فى التنيجه

يارب كلنا نجيب امتياااااااااااااز مع ان دى حاجه صعبه اوى علينا

ماهو كورس iti ??

دا ياسيدي عبارة عن منحة مجانية (مابتدفعش ولا مليم) ..

وبيكون تحت رعاية معهد النظم والمعلومات iTi

والمنحة اسمها برنامج تنمية مهارات طلبة وخريجى الجامعات EDU Egypt

المنحة متقسمة لمراحل متعددة اسمها phases .. كل مرحلة منهم بتمثل جزء معين من البرنامج

المرحلة الاولى : اللغة الانجليزية

ودي تحت رعاية معهد بيرتلز للغات .. ودا أحسن واغلى مكان بيدى كورسات انجليش في مصر كلها

المرحلة التانية : مهارات الكمبيوتر

المرحلة التالتة : مهارات التعامل والتنمية البشرية Communication Skills

طبعا اظن بعد ما اطلعت على مراحل البرنامج أكيد عرفت انها منحة جامدة جدا جدا جدا

لان فيها كذا ميزة :

1- مجانية بضمير .. مافيش قرش واحد بتدفعه

2- بتاخدها اثناء دراستك .. يعني فيه توفير للوقت

3- مافيش تعارض مابينها وبين محاضراتك لان جدول الكورس محطوط بالتعاون مع ادارة الكلية نفسها

4- فيها كل حاجة انتا عايزها .. انجليش وكمبيوتر ومهارات اتصال

5- اللي حاطط البرنامج دا اصلا شركات IBM - Raya - Mobinil - Etisalat - Wasla - WebPro - Vodafone

زائد بنك HSBC ودا طبعاااااا غنى عن التعريف لانه اعلى مرتب بنوك في مصر .. بيبدأ من 4200 جنيه في الشهر

عشان تخش المنحة دي لازم يتوافر فيك حاجتين :

1- تكون جايب تقدير جيد فيما فوق في (سنة تانية)

وسمعت طراطيش كلام كدا ان فيه نية ان الدراسة تكون للطلبة سنة تانية وبالتالى التقدير هايكون للي جايبين في سنة اولي

فاشد حيلك بقى .. عشان اول سنة اساسا تنزل لسنة تالته هيا السنة دي .. فاتقدر تقول ان حظى حلو

2- انك تكون عندك دراية بنسبة جيد جدا بالانجليش والكمبيوتر

لو ماعندكش الاتنين دول .. أنصحك بلاش تروح عشان ماتتعبش نفسك

فيه طبعا حاجات تانية كتير وكلام كتير عن المنحة دي ..

وان شاء الله هابقى انزلها موضوع مخصوص شامل فيه كل حاجة من الألف للياء

أنت ناوي تدخل قسم أيه ( محاسبة _ إدراة _ تأمين ) ؟؟ ولمــاذا ؟؟

أكيد محاسبة طبعا .. ودا لكذا سبب :

1- شغل المحاسبين على قفا من يشيل .. لان مافيش حتة في مصر بتشتغل من غير محاسب

2- فرصتك لما تبقى خريج محاسبة أكتر من فرصتك لما تبقى خريج ادارة في الشغل

3- خريجى الادارة معظمهم بيطلع يشتغل في شركات مبيعات وبيتمرمطوا أخر مرمطة

وبيرسى الامر في الاخر انه يروح ياخد دبلومة محاسبة في اي حتة عشان بس يعرف يشتغل محاسب مالى

4- لو كنت خريج ادارة وعايز تشتغل في حتة محترمة لازملك واسطة تقيلة (ودا عن حاجات حصلت قدام عيني)

5- عشان تخش تأمين لازم تبقى عبقرى في الرياضة وصاروخ في الحسابات

6- لو انتا خريج تأمين وعايز تشتغل في شركة محترمة لازملك تقدير يكون عالى مش اقل من جيد جدا

وعشان كل الاسباب دي معظم الناس بتخش محاسبة .. بالرغم من ان قسم المحاسبة هوا الاصعب والارخم

طبعا انا عارف انك اتظبطت في الادارة وحبيتها وقولت انا خلاص هاخش قسم ادارة ان شاء الله

بس عايز اقولك اني كنت زيك برده .. بس لما توصل وتبقى زيى هاتغير رأيك تماماً

وعموما ربنا معاك .. عدى بس في الترم الاولانى دا وشد ان شاء الله الترم دا

وربنا يجيب اللي فيه الخير

يارب كلنا نجيب امتياااااااااااااز مع ان دى حاجه صعبه اوى علينا
ازبك يا أحمد
طول ما أنت بتذاكر ومع ربنا
مفيش حاجه هتبقي صعبة أبدااااااااااااً

السلام عليكم ورحم الله وبركاته
جزاك الله خير يا vampire
يعني أفهم من كلامك عن iTi
إنها كورس انجلش وكورس كمبيوتر
يعني تُغنيك عن الكورسات ولا أيـــــــــ ؟؟ ـــه

وكلامك عن الأقسام :
أنا فعلاً فكرت في قسم الإدراة بسبب د. هشام البحيري
بس فعلاً المحاسبة شاملة كل التخصصات
بس التأمين عجبني علشان نادر اللي بيدخلوا وشغله كويس جداً
بس ربنا يسهل ونعدي الـ 3 سنين دول الأول

وإن شاء الله أنا هنتظر موضوع iTi اللي هتعمله ان شا ء الله يا vampire
علشان إن شا ء الله بفكر في المنحة دي
ما دام هتنفع في الـ c v
يبقي مفيش مانع
وعلشان أعرف التفاصيل والتقديم والأختيار والحاجات دي

والسلام عليكم ورحمه الله وبركاته

طب حد فى تانيه كليه تجاره عربى

ميرســــــــــــي (:

شكرااااااااا كتيرررررر

موضوع جميل شكرا يامحمد ويارب تجيب امتياز انا بقولهالك اهو