الرجالة تقعد في البيت أحسن ! [الأرشيف] - بوابة الثانوية العامة المصرية

مشاهدة النسخة كاملة : الرجالة تقعد في البيت أحسن !

**تسابيح**

02-03-2010, 06:03 PM

السلام عليكم ورحمة الله وبركاته
ازيكم ياجماعة ؟
عاملين ايه؟
يارب تكونوا بخير
بجد وحشتني الكتابة في المنتدي:blush:
والمنتدي وحاجات كثيرة كدا
كنت عايزة أقلكم علي موضوع يمكن نشوفوا كلنا في حياتنا وواقعنا
او بنسمع
المهم
كان مرة فيه واحد
أمه بتقول : ياحبيبي بقي ذاكر وركز عايزاك تجيب تقدير كويس
قالها : مش انا دخلت الكلية وخلاص كدا بقي اجيب اللي انا عايزة
مش مهم ايه المهم اني اتخرج والسلام!
قال له: لا يحبيبي عشان تشتغل أمال هتشتغل ازاي؟
قال: مين اللي قال اني هشتغل مبقاش دلوقتي فيه شغل !
الأم: امال ان شاء الله هتعمل ايه وهتجوز ازاي؟
الولد: بما ان الستات هي اللي بقت تشتغل في البلد دي
والرجالة مش بقي ليها شغل
هتجوز 4 يصرفوا عليه :d
يمكن هو بيهزر بس
لو شفتم بين السطور هتشوفوا حاجات كثيرة
:::::::::::
كنا بنأخذ محاضرة النهاردة وأول مرة الدكتور دا يدينا
الحاج الدكتور هيدينا عقبالكم كدا عنجليزي:d
بدأ بقي يقول ايه ياشباب مفروض تطور نفسكم
انت بتقولوا فيه بطالة وقلة معيشية وحاجات كثيرة
بس انتم مرة فاكرتم تحلوا المشكلة دي
حد مرة فكر يطور نفسه؟
حد سأل نفسه أن مش الشهادة هي اللي بتعين دلوقتي
لا ... دا خبرتك ومجهودك ومش الشهادة ولا حاجة!
اول لما تيجي تتعين بيعمل معاك (Interview)
يعني مقابلة شخصية مش بكلمك بالعربي:p
لا دا بيكلمك بالإنجليزي
يمكن ناس فاكرة ان الانجليزي اللي بتدرسة هتركنه ع الرف
وتحفظ كلمات وترسها في الامتحان وخلاص
الانجليزي هبقي معاك مهما رحت في أي مكان
والكمبيوتر
هي دي الحاجات اللي هتبقي معاك ولازم
تكون متفوق فيه
هو بيحكي عن موقف
قال(إنه مرة واحد صاحبة بيشتغل في بنك كبير في القاهرة
البنك دا محتاج شخص مصري بيعرف ألماني كويس عشان يجذب العملاء
الألمان أنهم يحطوا فلوسهم في البنك كدا
طلب من دكتورنا العزيز أنه يبحث له عن واحد بيعرف ألماني كويس
بمرتب 7000 جنية في الشهر :o
راح لكلية ما بيدرسوا فيها ألماني
وحكي للطلبة عن المهنة وكل شيء وقال اللي يلاقي نفسه متمكن
ويقدر يعمل انترفيو كويس
لأنهم 2 ألمان و2 مصريين هيجوا يختربوا الشخص دا
بيقول استنيت حد يرفع ايده مفيش ابدااا
سنه 4 يعني رخر سنة في الكلية
قالهم فيه ايه محدش اتكلم ليه
قالوا: بصراحة احنا مش بنعرف ننطق الماني
احنا بنحفظ ونكتب في الأمتحان :o... عارفين
في الآخر عمل ايه ........جاب واحد ألماني من ألمانية عشان يشتغل في مصر)
هو عايز يقول أن المهارة هو اللي بتخلي الشخص
متميز والوظائف كلها تبقي عايزة
وبعدين حكي عن واحد قابله في القاهرة في التحرير
قال له: دكتور فلان مش عرفني
قال له: مين ........
الشاب عرفه عن نفسه
في قسمنا بس دا من 5 سنيين ;)
الشخص دا كان بيحب الفرنساوي جدااا
وبيكتب قصص بالفرنساوي وبيديها للدكتور والدكتور يديها
لناس في قسمه بتراجعها له
المهم بعد لما اتخرج مش قال
طور نفسه في الفرنساوي
وقرأ أعلام في الجرائد
مترجم للسفارة الفرنسية
وتعين فيها
(عقبالي يارب ان شاء الله مترجمه عربي حتي:d)
ممكن يكون الموضوع ملخبط شويتين ثلاثة
كل اللي عايزة أقله
هل فعلا العيب في شغل المرأة اللي خلي الرجل عنده بطالة؟
ولا العيب في ثقافة الشخص ذات نفسه وعدم تطوير نفسه؟
منتظرة ردكم
دمتم في رعاية الله

εїз فيونكة فوشية εїз

02-03-2010, 07:00 PM

مع حضرتك حق فعلا
لان الانجلش مش بس مادة تى اللغه الاكثر انتشارا في العالم
وبجد الانجلش في غاية الروعه
لكن الفرنش اعوذ بالله من الشيطان الرجيم منه ولا حد عنتى في المدرسه بيطيقه
بس الانجلش كله لبلب فيه وتلاقي كل كلامنا اتقلب انجلش وبقينا نتكلم عربي مكســـــر
لكن الفرنش ته احنا بنحفظ الكتب والكلام اللى في المذكرات وادخل على الامتحان
وبعدها فضي دماغك ونخرج من الامتحان يا مولاى كما خلقتنى
هى تى مشكلتنا الخطيــــــــــرة

فعلا ته موتوع محتاج وقفه من شخص مع نفــســـــــــــه

تقبلى مرورى

ahmedkuwit

02-03-2010, 08:34 PM

هو العيب في المهملين سواء رجل أو أمراه

وشكرااااااااااا

BaNZeR

02-03-2010, 10:02 PM

هل فعلا العيب في شغل المرأة اللي خلي الرجل عنده بطالة؟
ولا العيب في ثقافة الشخص ذات نفسه وعدم تطوير نفسه؟

مع إنك مجبتيش سيرة البنات في الموضوع اصلاً
بس هما بيحبو يحشروا نفسهم كده في كل حاجة :p

بصراحة انا شايف إنك ربطتي بطريقة عجيبة الموضوع ده بموضوع البطالة

فموضوع الخبرة اللى بتحكي عنه ده يعد فشل منظومة تعليمية في الاصل
لإننا اتعودنا على "التلقين" لا على "الابداع"

وبالتالي اصبح كل شيء في حياتنا حفظ وتطبيق
لا فهم وابتكار
حتى في التجارب المعملية الفيزيائية !!

وبالتالي مهما كان ال"كائن التعليمي" اللى بيتخرج :d
مش حيكون فاهم اي حاجة من اي حاجة
بدليل إننا واحنا بنمتحن اصلاً مش فاهمين بنمتحن في ايه
وده هو هدف التعليم المصري :d

لكن ده ملوش علاقة خالص بالبطالة
ده بيمثل فرصتك في عمل افضل
منا ممكن اشتغل مهنة تكرارية
وممكن اشتغل حاجة مميزة

البطالة هي عدم تواجد الاثنان معاً :d

mohamadelhawary

03-03-2010, 12:05 PM

السلام عليكم و رحمه الله وبركاته

طبعا مقدرش احمل المرأه فوق طاقتها
و طبعا مهم اننا ننمى قدرتنا و موهبنا علشان ننجح ف المجال العمل
بس المشكله الحقيقيه فى تكافؤ الفرص و ده مش دايما (غالبا)
يعن لما يتساوى شاب و فتاه ف الكفائه و القدرات مترشحين لوظيفه بيقع الأختيار
على مين ؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
انا بشوف اعلان مكتبه خردوات دراسيه طالب بنات
محلات البقاله دلوقتى (ناقص الهوم دليفرى)
الشركات بتطلب بنات
و طبعا يشترط حسن المظهر (المحزق و مش عارف ايه )
لعلمك الان فعلا اى صاحب شغل و خاصه ف الوظائف المرموقه
ف البنوك خدمه العملاء الرسيبشن بيطلبوا بنات و لما بيتحقق الكفائه لشاب وفتاه غالبا بيقع الأختيار ع البنت
حتى ف الجامعه
الدكتور يلطع الطالب:angry2: نصف ساعه علشان يجاوبه و لو بنت ف دقيقه تسأل و يهزر معاها كمان (و تاخد حلاوه و هى ماشيه:d )
اما الشباب ف الوضع مختلف تماماً

و السلام عليكم و رحمه الله و بركاته
شكرا ع التوبيك الجميل ده
و ارجوا ان تقبلى مرورى

**تسابيح**

04-03-2010, 11:27 AM

**تسابيح**

04-03-2010, 11:28 AM

هو العيب في المهملين سواء رجل أو أمراه

وشكرااااااااااا
هو نظام تعليم فاشل في مصر
عشان كدا الناس كل اللي في دماغها حفظ بس
لكن اكيد تطوير المهارات مهم
نورت الموضوع:022yb4:

**تسابيح**

04-03-2010, 11:37 AM

مع إنك مجبتيش سيرة البنات في الموضوع اصلاً

بس هما بيحبو يحشروا نفسهم كده في كل حاجة :p

احم .....

لاحظ ان الموضوع اللي كاتبه بنت :stickjo4:

بصراحة انا شايف إنك ربطتي بطريقة عجيبة الموضوع ده بموضوع البطالة

ههههه
نحن نختلف عن الاخرين:d

فموضوع الخبرة اللى بتحكي عنه ده يعد فشل منظومة تعليمية في الاصل
لإننا اتعودنا على "التلقين" لا على "الابداع"

وبالتالي اصبح كل شيء في حياتنا حفظ وتطبيق
لا فهم وابتكار
حتى في التجارب المعملية الفيزيائية !!

وبالتالي مهما كان ال"كائن التعليمي" اللى بيتخرج :d
مش حيكون فاهم اي حاجة من اي حاجة
بدليل إننا واحنا بنمتحن اصلاً مش فاهمين بنمتحن في ايه
وده هو هدف التعليم المصري :d

هو دا العادي من طلاب مصر:p

لكن ده ملوش علاقة خالص بالبطالة
ده بيمثل فرصتك في عمل افضل
منا ممكن اشتغل مهنة تكرارية
وممكن اشتغل حاجة مميزة

البطالة هي عدم تواجد الاثنان معاً :d

بص يابانزر
أنا ذكرت المثال الأول
أن فيه اشباه رجالة مش بيهتموا بتعلمهم عشان التعليم بايظ في البلد ويتجوز ويخلي واحدة تصرف عليهم
ودا فعلا موجود
كملت كلامي وقلت
حكاوي الدكتور بأن مش هنقدر نعمل حاجة في نظام التعليم
يبقي ممكن نعلم في نفسنا
نغيرها ونطورها
مثال يعني
لو واحد عنده شركة وطالبة مهندسين
وتقدم اثنين واحد
لسه متخرج من الكلية
والثاني مدرب كويسة جدا
اكيد هيختار الثاني
لانه هو اللي هيفيده ع طول
اما الاول لسه عايز تدريب وحاجات كثيرة
ودلوقتي مفيش حاجة اسمها حكومة هتشغل
كله قطاع خاص
وعايز حد جاهز
عشان كدا بيبقي فيه شغل وكل حاجة
بس مفيش ناس مدربة تشتغل وتنجز
وبدل فيه شغل وكل حاجة
وناس مش لقيه تشتغل !
يبقي معناه ايه
ان التدريب وتطوير النفس شيء مهم عشان الشغل
واللي مش هيعمل كدا هيبقي عنده بطالة !:006et4:
نورت:022yb4:

**تسابيح**

04-03-2010, 11:48 AM

السلام عليكم و رحمه الله وبركاته
وعليكم السلام ورحمة الله وبركاته

طبعا مقدرش احمل المرأه فوق طاقتها
و طبعا مهم اننا ننمى قدرتنا و موهبنا علشان ننجح ف المجال العمل
بس المشكله الحقيقيه فى تكافؤ الفرص و ده مش دايما (غالبا)
يعن لما يتساوى شاب و فتاه ف الكفائه و القدرات مترشحين لوظيفه بيقع الأختيار
على مين ؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
انا بشوف اعلان مكتبه خردوات دراسيه طالب بنات
محلات البقاله دلوقتى (ناقص الهوم دليفرى)
الشركات بتطلب بنات
و طبعا يشترط حسن المظهر (المحزق و مش عارف ايه )
لعلمك الان فعلا اى صاحب شغل و خاصه ف الوظائف المرموقه
ف البنوك خدمه العملاء الرسيبشن بيطلبوا بنات و لما بيتحقق الكفائه لشاب وفتاه غالبا بيقع الأختيار ع البنت
ههههههه
ياعيني ع الشباب
حتى ف الجامعه
الدكتور يلطع الطالب:angry2: نصف ساعه علشان يجاوبه و لو بنت ف دقيقه تسأل و يهزر معاها كمان (و تاخد حلاوه و هى ماشيه:d )
اما الشباب ف الوضع مختلف تماماً
ههههههههههه

شكرا ع التوبيك الجميل ده
و ارجوا ان تقبلى مرورى

مش عارفة البنات مظلومة يعني :d
أكيد اللي بيطلب البنات عشان عارفين
قدرتهم الجبارة في العمل !:p
بس ع فكرة محدش بيتساوي مع حد
سواء الولد او البنت أكيد
لازم يكون فيه نقطة فاصلة
لتقيم الاثنين
امال فين القدرات الفردية !
ع العموم ان شاء الله الشباب يلاقوا شغل
شكرا ع ردك
نورت:022yb4:

إيساف

04-03-2010, 12:21 PM

نظرية برده

القائد السفاح أبو العباس الاسود

08-03-2010, 07:16 PM

مش حقول الا زمننا هذا لا يوجد فيه بنات أصلا

لاننا مش عارفين يعنى ايه بنت أقصد فتاة

بنت او فتاة يعنى حياء يعنى أخلاق عالية جداا يعنى نقاب يعنى كل الصفات الجميلة الحميدة

يعنى أقدر أقولك مفيش بنات أو فتيات الا نـــــــــــــــــــ....ـــــــــــــادرا

و طالما مفيش بنات أقصد فتيات

يعنى الامر انتهى

و هنيئا للضالة

د/بسمة الاسلام

08-03-2010, 07:21 PM

ولا العيب في ثقافة الشخص ذات نفسه وعدم تطوير نفسه

Eng. A'laa Salah

08-03-2010, 09:44 PM

مش حقول الا زمننا هذا لا يوجد فيه بنات أصلا

لاننا مش عارفين يعنى ايه بنت أقصد فتاة

بنت او فتاة يعنى حياء يعنى أخلاق عالية جداا يعنى نقاب يعنى كل الصفات الجميلة الحميدة

معلش عندي اعتراض علي الجمله دي

يعنى أقدر أقولك مفيش بنات أو فتيات الا نـــــــــــــــــــ....ـــــــــــــادرا

و طالما مفيش بنات أقصد فتيات

يعنى الامر انتهى

و هنيئا للضالة

النقاب مش شرط علشان تتواجد الصفات الجميله او الاخلاق في البنت
انا باحترم النقاب جدا وليا اكتر من صديقه منقبه بس حضرتك قصرت الصفات والاخلاق للمنقبات بس
ممكن حضرتك تكون مختلف معايا في الراي بس بلاش تقصر حاجه معينه لفئه معينه

الشفق الباكي

10-03-2010, 12:31 AM

هل فعلا العيب في شغل المرأة اللي خلي الرجل عنده بطالة؟
ولا العيب في ثقافة الشخص ذات نفسه وعدم تطوير نفسه؟

لا طبعا مش شغل المرأه اللى خلى فى بطاله
مليش دعوه دلوقتى اتصاديا لان البطاله لها مليووون سبب
بس بالنسبه ان كل واحد يقف عند حال معين ويتخرج من الجامعه زى مادخلها بدون معلومه زياده او حتى مش عايز يعرف معلومه زياده دا اكبر غلط
هو الغلط مبنى على اطراف كتير
بدايه من تعليم الابتدائى لغايه تعليم الجامعه والاسلوب الجاف فى توصيل المعلومه واحفظها زى ماهى
التعليم فى مصر محتاج من والتلميذ فى اعدادى يعرف يعنى ايه يدور على المعلومه يعنى ايه يتناقش فى الكلاس كده يعنى
اصل استحاله تعودى حد على حاجه طول 21 سنه وعايزاه بعدها يغير العاده دى
يعنى المهم البطاله ملهاش علاقه بشغل البنات
هى كل حاجه بتيجى فى البنات ليه الايام دى
عدد الولاد قليل فى الكليه يقولك اصل البنات بتحفظ وبياخدوا مكانا
احنا مالنا
ميرسى ياتوتا على التوبيك

**تسابيح**

10-03-2010, 12:43 AM

لا طبعا مش شغل المرأه اللى خلى فى بطاله
مليش دعوه دلوقتى اتصاديا لان البطاله لها مليووون سبب
بس بالنسبه ان كل واحد يقف عند حال معين ويتخرج من الجامعه زى مادخلها بدون معلومه زياده او حتى مش عايز يعرف معلومه زياده دا اكبر غلط
هو الغلط مبنى على اطراف كتير
بدايه من تعليم الابتدائى لغايه تعليم الجامعه والاسلوب الجاف فى توصيل المعلومه واحفظها زى ماهى
التعليم فى مصر محتاج من والتلميذ فى اعدادى يعرف يعنى ايه يدور على المعلومه يعنى ايه يتناقش فى الكلاس كده يعنى
اصل استحاله تعودى حد على حاجه طول 21 سنه وعايزاه بعدها يغير العاده دى
يعنى المهم البطاله ملهاش علاقه بشغل البنات
هى كل حاجه بتيجى فى البنات ليه الايام دى
عدد الولاد قليل فى الكليه يقولك اصل البنات بتحفظ وبياخدوا مكانا
احنا مالنا
ميرسى ياتوتا على التوبيك
ايوة ايوة ياموني عرفيهم اننا مش شوية في البلد:d
دا كان مجرد سؤال بس
الاولاد بيرموا بيه اهملهم في تطوير نفسهم ع البنات المساكين :blush:
مظلومين دايما كدا بقي
تعرفي أصلا ان التعليم في كل مكان في مصر تعليم فاشل
ولا ليه ادني معني ولا فايدة
يعني مش يخلي الانسان يتأهل للعمل علي طول
والشركات طبعا عايزة ناس جاهزة مش ناس لسه هتدرب
اتمني الحال يتعدل
ربنا يهدي
نورتي ياموني:022yb4:

**تسابيح**

10-03-2010, 12:59 AM

نظرية برده
شكرا ع مشاركتك
نورت:022yb4:

**تسابيح**

10-03-2010, 01:03 AM

fuoozz

10-03-2010, 02:20 AM

موضوع جميل اختى الكريمة
بس فى بلدنا هنا فى شى منتهى التناقض فى بطاله وفى ازمه عماله
يعنى فى مصانع ملابس فى مصر مفيش شباب عاوزة تشتغل فيها
اضطرت يجيبوا عماله من بنجلاديش دى دولة فى افريقيا او اسيا اظن
ليه شباب مش عاوز يشتغل فيها عشان فى الاول تدريب واول مرتب 400 جنيه
ومعظم شبابنا عاوز اول مايتخرج يشتغل فى شركة كبيرة ومرموقة
وده صعب الا فى حاله انه شخص حابب دراسته فعلا وبيتقنها عن جداره او بلاش دراسته
حابب مجال اخر غير دراسته ويكون متمكن فيه وناجح فيه
ده يشتغل على طول لانه شخص هيفيد مكان عمله
والاهم من كل ده لازم فى كل شى بنعمله يكون فى حب
يعنى عشان ادرس واذاكر وتطلع عينى لازم اكون حابب الكتاب اللى هذاكره ده
كليتى عمليه لازم اكون حابب دراستى دى فى كل شى الحب لازم يكون موجود

sympathique

10-03-2010, 09:45 PM

طيب اولا انتى عرضتى كتر من فكرة بين السطور

منها فكرة التاهيل للنفس لمواجهة الحياة العملية
التى تختلف اختلاف كلى عما ندرسه داخل الجامعة

ثانيا فكرة البطالة اللى الشعب المصرى كانت له المقدرة انه يتعايش معها ويتفنن فيها ويتفنن فى الطرق التى تساعده على كيفية الاستمتاع بالبطالة

فكرة العمل والشغل بقى للسيدات والشباب

هناك بعض الجهات التى تفضل ان يعمل بها السيدان بغض النظر بقى عن الانترفيو والخبرة المهم فى الاخر انه لو اتقدم بنت وولد فبالتالى الاختيار هيكون البنت

ما بالنسبة لحال شبابن فقليل وى منهم اللى بيحاول انه ينمى قدراته
وبرده فى الكليات العملية قليل اوى اللى بيحول يدرب علشان ياخد الخيرة فى مجاله

وحاجة كمان احب اذكرها وكثير مننا يعلمها
ان الحياة العملية تختلف اختلاف كلى عما درسناه وعما نطبقه لذلك لابد من اجراء التدريب السنوى فى مجالك حتى يكون لك قاعدة تعتمد عليها بعد انتهاء من الدراسة
وخص الشباب بالذكر وليس البنات نه فيه عواقب كتير اوى ولها الخدمة العسكرية

اللى هيحالفه الحظ ويدخل الجيش دمغه هتتفرمت زى جهاز الكمبيوتر تماما
لذلك بد من اجراء التدريبات اثناء الدراسة وفى فترة الاجازة

وبالنسبة للانجلش نا مازلت عند رايى ان كلن لازم نكون بنعرف نتكلم انجلش

كثير مننا بيجيبوا فى الثانوية العامة 50 من 50 فى انجلش معنى كده ان هو بيتكلم احسن من بوش
طب ازاى والعكس صحيح ان احن مبنعرفش حتى ننطق الكلام وبنتكلم غلط
فياريت التاهيل يكون صح من البداية

موضوع رائع ولسا عندى كم كتير وى عاوز اقوله بس للاسف مفيش وقت والدراسة واخدة الوحد

وربنا يوفق الكل

looody

11-03-2010, 04:45 PM

بارك الله فيكى
عندك حق والله

**تسابيح**

04-06-2010, 04:33 AM

**تسابيح**

04-06-2010, 04:35 AM

بارك الله فيكى
عندك حق والله
وفيك بركة ياروحي
شكراا ياحبيبتي

**تسابيح**

04-06-2010, 04:36 AM