ركله بالأقدام وهدده قائلا: هوريك أنا ابن مين..
طالب يضرب مدرسا ويهدده داخل المدرسة ببورسعيد

الثلاثاء، 2 مارس 2010 - 21:36
http://www.youm7.com/images/NewsPics/large/s120106212721.jpg
الدكتور أحمد زكى بدر وزير التربية والتعليم الدكتور أحمد زكى بدر وزير التربية والتعليم

بورسعيد - محمد فرج
Bookmark and Share Add to Google

اعتدى طالب بمدرسة بور فؤاد الثانوية ببورسعيد على أستاذه "أشرف. س"، مدرس مادة المجالات والمشرف العام على عملية الانضباط داخل وخارج الفصول، وهدده أمام جموع المدرسين.

وكان المدرس المعتدى عليه يمر ضمن إطار عمله عندما فوجئ بالطالب "ع. ع البغدادى" بالصف الثالث الثانوى، يترك الفصل محاولا الخروج من المدرسة دون استئذان، فحاول المدرس منعه فى محاولة لإعادته لفصله إلا أنه فوجئ بالطالب يسبه بألفاظ نابية ويركله بالإقدام أمام جموع المعلمين.

وعندما توجه المدرس بالطالب إلى حجرة مدير إدارة المدرسة قال الطالب للمدرس أمام مدير الإدارة "أنت أهبل ومجنون، أكيد مجنون ومش عارف أنا ابن مين؟!، أنا دلوقت أعرفك كويس أنا مين"، وعاود ضرب المدرس بالأقدام وسط حالة من الذهول من هيئة التدريس التى حاولت احتواء الأزمة، ولكن الطالب أخذته العزة بالإثم، كما أكد جموع المدرسين، وبادر بالاتصال بشقيق والدته، عميدة كلية هندسة بورسعيد، ولفيف من قيادات هيئة تدريس الكلية التى استعملت أسلوب لى الذراع فى حالة عدم تنازل المدرس عن المحضر شرطة النجدة الذى حرره المدرس ضد الطالب الذى تبين أن والدته عميدة بهندسة سيناء، وعلى صلة قوية بالدكتور أحمد زكى بدر، وزير التربية والتعليم.

ورغم كل التهديدات وتدخل قيادات تعليمية فى محاولة لإثناء المدرس عن المحضر الذى حرره ضد الطالب، ولكنه رفض، وطالب بإعادة كرامته التى انتهكت أمام جموع المدرسين بالمدرسة والطلاب، ولكن إدارة المدرسة خوفا من بطش ولى أمر الطالب، على حد قولهم، أجرت تحقيقات موسعة استمرت أربعة ساعات حتى الساعة السابعة من مساء أمس الاثنين فى سرية تامة، حتى لا يتم تسريب الخبر لوسائل الإعلام، خاصة الصحف المستقلة ولا يتم إلحاق الأذى بالمدرس ويتنازل عن محضره.
http://www.youm7.com/News.asp?NewsID=196192

أول اختبار حقيقى لوزير التعليم لاثبات تصريحاته عن اعادة كرامة المدرس

ادينا قاعدين لما نشوف اخره المهانه اللي بيتعرض لها المدرسين وهنعرف السيد الوزير هيعمل ايه الرجاء من صاحب الخبر والبورسعيديه متابعه هذا الموضوع وموافاتنا بالاخبار

وليست واقعة اعتداء المستشار على المدرس ببعيدة !!!

لكنا لم نعد نسمع أى أنباء عن التحقيق مع المستشار البلطجى ...

وسنرى ماذا سيفعل الوزير مع هذا الطالب المستقوى بصداقة أمه للوزير :bosyht9:

ايه يعني انا ابن مين عنطزه كدابه والله لو انت اهلك عرفوا يربوك مكنتش تسال سؤال زي ده بس كلمه انا ابن مين كترت اليومين دول وع الفاضى

أول اختبار حقيقى لوزير التعليم لاثبات تصريحاته عن اعادة كرامة المدرس

هو ده الكلام المظبوط

انا لو من المدرس اجلد الطالب في الطابور ويتفصل سنتين على الاقل ومش عشان امه عميده ولا سي خاله عميد تبقى العملية كدة بس في الاخر هيراضوه غصب عنه وانا بقوله ما تسيبش حقك ملعون ابو دي سياسة (الاسياد والعبيد ) هي الاية اتقلبت ولا ايه

دي اقل عقوبة للطالب وكمان تتشال فيها هيئة التدريس عشان لما مايكونش في تربية يبقى مش لازم خالص تعليم

بس هتقول لمييييييييييييييييين

لكي الله يا مصر

"أنت أهبل ومجنون، أكيد مجنون ومش عارف أنا ابن مين؟!انتو عرفتو هوه ابن مين
اظن كلنا عرفنا الاجابه
الدكتور على الدين هلال صرح مره وقال اللى يسألك السؤال ده جاوبه ايوه عارف انت ابن .........................؟

أرجو متابعة الاجراءات بكل جديه ارجوكم علشان نعرف الموضوع هينصف مين على حساب ايه

ledo2005 (http://www.thanwya.com/vb/member.php?u=106029)
ارجوك تابع الموضوع عن قرب

"أنت أهبل ومجنون، أكيد مجنون ومش عارف أنا ابن مين؟!انتو عرفتو هوه ابن مين
اظن كلنا عرفنا الاجابه
الدكتور على الدين هلال صرح مره وقال اللى يسألك السؤال ده جاوبه ايوه عارف انت ابن .........................؟



لا فض فوك سبقتنى بهذه المشاركة التى دخلت لإضافتها :bosyht9:
فقد قال الدكتور على الدين هلال للشباب :" اللى يسألك انت مش عارف انا ابن مين ؟ قوله ايوة عارف ، انت ابن .... "

اى ابن الهوهو :d

ايه اخر التفاصيل

ياريت سيادة الوزير الهمام المحترم يأخذ حق المدرس إذا كان مظلوم ويفصل الطالب فصل نهائى

لو الخبر ثبتت صحته يكون أمام الوزير أمران :
1- يأخذ حق المعلم من هذا الطالب السافل ( اللى اهله معرفوش يربوه )
2- الحل الثانى أن يستقيل الوزير لأن مصداقيته ستكون ماتت قبل أن تولد

اخبار تغم على القلب

المشكلة أنه المدرس ده ازاى يقدر يقف قدام الطلبة تانى ماخلاص هيبته لوكان عنده هيبة راحت إنا لله وانا اليه راجعون

كان الواحد زمان لما يكون المدرس معدى فى طريق الواحد يدور على طريق تانى خشية وهيبة من المعلم لايشوفه

ها هو دورك يا وزير التعليم ولكن الحل من الأول كان المدرس مسح بيه الارض وكده كده بلطجة

أعتبروا الموضوع مات يا جماعة انا لله وانا اليه راجعون

هذا موضوع خطير وتحد جديد لوزير التربية قبل التعليم كما قال سيادته
على هذا الزميل المعلم الفاضل ألا يتنازل عن حقه
وإذا تم الضغط عليه للتنازل لا يتنازل إلا إذا حضر ت والدة هذا الفاشل فى التربية والسلوك وخاله فى طابور الصباح وتقديم اعتذار للمعلم أمام جميع المعلمين بالمدرسة وكذلك التلاميذ ليكون عبرة لغيره مع قيام خاله ووالدته بضربه على وجهه وضربه بالشالوت كذلك
بعد ذلك نأخذ رأى هذا المعلم فى السماح بالعفو عنه أم لا
وياريت يرد وزيرنا الغالى على هذا الفاشل ويتبرأ من أى صداقة تربطه بوالدة وخال هذا الفاشل الفاسد

لا أظن أن سيادة الوزير يعبأ بكلامنا فهو لا يدخل كادر المعلم و لا غيره
له مخططات آخرى ...............
ندعو الله أن يثبت الزميل لينال حقه و كرامته
التى أهدرت أمام زملائه و طلابه

عموما بلطجة ببلطجة كان يجب علي المدرس ضرب الولد وكله ضرب وللاسف اصبحت مشكلة جيل يفقد الاحترام لوالدة وامه ومعلميه
ربنا يخرجنا منها بسلام

والله ياجماعة المفروض ان التلميذ الى ذى ال..................... طبعا انتم عارفين انا قاصدى ايه ينجلد ويكون عقاب راضع بس احنا فى بلد الى له ظهر ما ينضرب على بطنه

و الله حاجه تخنق . كل عيل اهله معرفوش يربوه يروح يقول انت متعرفشى انا بن مين . طبعا انت بن ستين جزمه . و الجزمه العميده امك معرفتشى تربى اللى خلفوك .

المفاجأة ان الطالب ابن الاسياد اخد 3 ايام فصل فقط ويرجع تانى يكيل للجميع اللكمات زمن عجيب اين العدل والعلم اخد لفت نظر ده شىء متوقع لان ببساط العيلة عفية واكبر من قانون الوزارة المحترمة لم ارى او اسمع عن مثل هذا الظلم 3ايام وضاعة كرامة المعلم الى لو ضرب طالب الدنيا تقوم وماتقعد ولكن لو ضرب عادى التلميذ بيأدب معلمه للامانة الخبر منقول من موقع اخر وشكرا

المفاجأة ان الطالب ابن الاسياد اخد 3 ايام فصل فقط ويرجع تانى يكيل للجميع اللكمات زمن عجيب اين العدل والعلم اخد لفت نظر ده شىء متوقع لان ببساط العيلة عفية واكبر من قانون الوزارة المحترمة لم ارى او اسمع عن مثل هذا الظلم 3ايام وضاعة كرامة المعلم الى لو ضرب طالب الدنيا تقوم وماتقعد ولكن لو ضرب عادى التلميذ بيأدب معلمه للامانة الخبر منقول من موقع اخر وشكرا

شكراً على متابعة الحادثة
ومن هنا نقول يا حلو بانت لبتك وانتو عارفين طبعا انا أقصد مين وزهقنا تصريحات.................
1- الوزير يحقق بنفسه فى واقعة ضرب المدرس للطالب اللى طلع منها برئ
2- الوزير يحول مدرس للتحقيق لأنه تنازل عن حقه لما ولى أمر تعدى عليه بالضرب
3- الوزير يصرح بأنه سيعيد هيبة المدرس
4- الوزير الوزير ...........................وقشطة يا بلد الكلام

طبعا بان من كلام سياتك Mr Reda ان الوزير كسابقيه كلالالالالالالالالالالالالالالالالالالالالالالالال الالالالالالالالالام فقط

لازم يبقى فيه وقفة جامدة ولازم الطالب اولا يتفصل على الاقل سنة والمحضر لا يتم التنازل عنه

لا حول ولا قوة الا بالله

لا حول ولا قوة الا بالله

أنا لو من المدرس كنت مسحت بيه الارض وهي كد كدة مش فارقة حاجة

لا حول ولا قوة الا بالله

طبعاً معظمكم قرأ أن الوزير فصل هذا الطالب قليل الأدب فصلاً نهائياً .. الوزير عمل اللي عليه ، ويبقى دور الزميل الذي تعرض لهذه الإهانة بتمسكه بحقه أمام الجهات المسئولة لينال هذا التلميذ العقوبة الجنائية الرادعة.