مش عاجبكم الوزير التربيه والتعليم الجديد ليييييييييييييييييييه ها؟؟ [الأرشيف]

مشاهدة النسخة كاملة : مش عاجبكم الوزير التربيه والتعليم الجديد ليييييييييييييييييييه ها؟؟

محمد(o)

03-03-2010, 11:02 AM

السلام عليكم ورحمه الله وبركاته

ازيكم جميعا اتمنى تكونوا كويسين كدا ومركزين معايا

هو انتوا ايه رايكم فى وزير التربيه والتعليم الجديد .............انا شايف ناس كتير متضايقين منه لييييييييييييييييييه بقى ها فهمونى كل دا علشان عايز يصلح كان عاجبكم الوزير الى قبله دا التعليم باظ تقويم شامل ومش عارف ايه

حصص الالعاب اول حاجه فى الجدول ههههههه اصلها اهم حاجه

لا وايه الوسايط من كل ناحيه والغياب مرتفع لاحول ولا قوه الا بالله كل دا عاجبكم

دا اوئل الثانويه العامه راحوا الكليات فشلوا ورسبوااااااااااااااا

عارفين ليه ؟؟؟؟؟؟؟؟ الى عارف يقلى

:):)

من وجهه نظرى الوزير الجديد دا كويس خالص هيصلح فساد كبير .........دا لو سابوه يعنى :d

مش عاجبكم الجدول ليه ؟؟؟؟؟؟؟؟

ما تبصوا على بتوع الازهر كام ماده وفى تالته ثانوى بيمتحنوا كل يوم :angry2:...........ولا هما مش زيكم يمكن مش بنادمين

دا انتوا خمس مواد يعنى مفيش مشكله ......لا وايه اخر دلع علمى علوم ـــــــــوعلمى رياضه

والله دا انتوا فى نعيم

امتحانات ايه الى هتيجى صعبه ؟؟؟؟؟؟؟؟؟؟؟مش من الكتاب ولا هما هيجيبوا من بره المنهج لا طبعا

وبعدين الى دخل علمى يتحمل بقى اى اسئله طبعا فى المنهج لان الى يدخل علمى مش اى حد لالالالالالالا الى يقدر يبتكبر ويفكر

لكن احنا كل همنا الى عايز يطلع دكتور والى عايز مهندس بس علشان نشبع رغباتنا مش علشان بلدنا

والدليل انتوا لو خايفين على مستقبل البلد متعترضوش على تنظيف التعليم وعلى الوزيــــــــــــــــــــر الجديد

لو سالنا عيل فى الشارع نفسك تطلع ايه يا شاطر يقلك دكتورررررررررر ههههههههه البلد مليانه دكاتره

هو انتوا لامتعرفوش ان الدكاتره اربع اضعاف المرضى عندنا فى مصر :confused::confused::confused::confused:

وياريت مساعدين حد كل واحد ملياه الانانيه .نص البلد تعبان:d

معلش ان كنت طولت عليكم اكيد كمل بس مش دلوقت

اسيبكم تتناقشوا شويه كدا بس بلاش ننم فى حد :slap1qk6::d

:078111rg3:

mustafa_abdoo

03-03-2010, 11:30 AM

طب إيه رأيك أنت في قراره الخاص بالمعلم المساعد فى إلغاء نتيجة الأكاديمية له بسبب عدم حصوله على شهادة icdl والمضحك ده ترك فرصة لتقديمها بعد ظهور النتيجة لمدة 10 أيام بس, والمضحك أيضا أن في ناس ومنهم العبد لله متقدمين لدخول امتحان الرخصة الدولية بعد تدريبنا ودفعنا التأمين فى البنك وأرسلنا المستندات الى المديرية من شهور ومازلنا منتظرين دورنا لدخول الامتحان ولم يحددوا ميعاد دخولنا للاختبار يبقى زنبنا إيه, و إيه رأيك يا أخي الكريم فى قراره ده وأين عين الرحمة اللي كل ما يقولوا فى تعيين وتثبيت نسمع بقرارات و شروط تعطيلية جديدة ليس بيدى ولا بيد الكثير حلها ,,,,,,,,,, أتمنى منك سرعة الرد يمكن يكون عندك أخبار جديدة تفرح قلوب كثير من الناس

εїз فيونكة فوشية εїз

03-03-2010, 11:36 AM

يا جماعه الوزير الجديد
قراراته معظمها صح 100%
بس مش كلها
وانا معاه في كل قراراته

Gehad Mostafa

03-03-2010, 12:00 PM

انا متفاءلة بالوزير الجديد

وعاجبني برنامجه جداااا

بس الموضوع دة محتاج وقت

يغير بس تدريجيا مش كله مرة واحدة

BaNZeR

03-03-2010, 05:08 PM

بغض النظر عن موضوع جدول الثانوية العامة
اللى فعلاً وقته صغير قدام مواد مهمة

بس انا حتى الآن مش معارض اي من اللى عمله
بس اتمنى ظني يكون غلط ومتكنش دي بداية كل كرسي جديد بس !

فداك يامصر

03-03-2010, 05:24 PM

محمد(o)

03-03-2010, 06:21 PM

محمد(o)

03-03-2010, 06:22 PM

يا جماعه الوزير الجديد
قراراته معظمها صح 100%
بس مش كلها
وانا معاه في كل قراراته

عندك حق بس ربنا يستر ويخلوه

او متكنش مجرد بدايه علشان يظهر نفسه ان شاء الله خير

شكرا لمرورك

محمد(o)

03-03-2010, 06:24 PM

انا متفاءلة بالوزير الجديد

وعاجبني برنامجه جداااا

بس الموضوع دة محتاج وقت

يغير بس تدريجيا مش كله مرة واحدة

شكرا لمرورك كل حاجه اكيد محتاج الوقت خاصه لو كانت بايظه خالص:)

thechampion

03-03-2010, 06:26 PM

بالعكس انا معجب بالوزير جدا

محمد(o)

03-03-2010, 06:28 PM

بغض النظر عن موضوع جدول الثانوية العامة
اللى فعلاً وقته صغير قدام مواد مهمة

هى صحيح مواد مهمه لكــــــن ما الازهر بيمتحن كل يوم وضغط المواد كتير ولا هو فى فرق :)

وبعدين زى ما بيقولوا الى زاكر ..زاكر زمان ......هو فى مزاكره ايام الامتحان

مش محتاجين غير مجرد مراجعه

بس انا حتى الآن مش معارض اي من اللى عمله
طيب كويس الحمد لله

بس اتمنى ظني يكون غلط ومتكنش دي بداية كل كرسي جديد بس !
ان شاء الله خير ــــــــــــــ ربنا يسهل

شكرا لمرور حضرتك

محمد(o)

03-03-2010, 06:29 PM

الحكاية كلها .. من سئ لــــ أسوء .. كل واحد يجي عايز اسمه يعمل حاجه جديدة .. كويسة مش كويسة مش فارقة معاهم اهي اسمها جديدة وخلاص .. ويشيل على قفاه دعاوي الناس عليه .. التعليم بيحتضر في بلدنا ..

يمكن بــــــــــردوا لسه هنشوف بس لحد دلوقت من وجهه نظرى معملش حاجه غلـــــط

شكرا لمرورك

محمد(o)

03-03-2010, 06:31 PM

بالعكس انا معجب بالوزير جدا

طيب كويس شكرا لمرورك

ياسمينايا

03-03-2010, 06:44 PM

ربنا يستر ..

انا شايفه بردوا ان قراراته كويسه ..بس يارب ده ميكونش تحت ستار اي حاجه تانيه لا سمح الله ..

شكرا ع الموضوع ..

tatathequeen

03-03-2010, 07:51 PM

والله انا شيفه ان قراراته الى الان جيده ومهمتها هى الارتقاء بالتعليم المصرى
بس يارب يوقفه ويكمل الطريق للنهايه

هاجر 7

03-03-2010, 09:37 PM

هو انتوا ايه رايكم فى وزير التربيه والتعليم الجديد .............انا شايف ناس كتير متضايقين منه لييييييييييييييييييه بقى ها فهمونى كل دا علشان عايز يصلح كان عاجبكم الوزير الى قبله دا التعليم باظ تقويم شامل ومش عارف ايه

مين اللى قال ان الوزراء اللى قبل كدا كانو عجبنا
اصلا التعليم فى مصر بايظ

ويمكن يكون الوزير الجديد حيصلحة ويظبته

عارفين المشكله ايه
المشكلة ان احنا مش واخدين على النظام الجديد

محدش عارف النظام الجديد دا كويس ولا لأ
وياريت يكون كويس ويعدل التعليم فى مصر

أ/ محمد محمود

03-03-2010, 10:08 PM

انا مع اى انسان يحارب الفساد
وانا سمعت انه الوزير السابق كان ليه مستشاريين وبيقيضو فلوس كتير ونظام سرقه وكده

eldalo3a & bas

03-03-2010, 10:31 PM

من رأيى انه شديد شوية اه هو كويس وكل حاجة بس مش للدرجة دى
كل حاجة غيرها عاوزين شوية رحمة

BaNZeR

03-03-2010, 10:32 PM

شكرا لمرور حضرتك

انت باين عليك ازهري
واضح من تحيزك لموضوع الامتحانات وفترتها :d

حط في اعتبارك إنه تنسيق ده غير ده

yomna1993

03-03-2010, 10:58 PM

انا مش معترضة على قراراته ,,كويسة و كل حاجة
بس لازم قبلها يكون في تعديلات و اسس
لانه بيضيف قوانين جميله بس على مبادىء غلط ..

يعني انا قصدي انه عنده فكر جميل بس مش بيوظفه صح خالص
يالا ربنا يستر

modym2020

03-03-2010, 11:04 PM

البداية ليست كافية للحكم عليه
نأمل ان يتحسن الحال

yomna1993

03-03-2010, 11:14 PM

البداية ليست كافية للحكم عليه
نأمل ان يتحسن الحال

كلامك ممكن يكون صح فعلا
و لسه معرفناش شخصيته الحقيقية
على راي مستر عندنا بيقول ( الغربال الجديد له شده )
الله اعلم هيحصل ايه ربنا يستر

محمد(o)

04-03-2010, 04:21 AM

انت باين عليك ازهري
واضح من تحيزك لموضوع الامتحانات وفترتها :d

حط في اعتبارك إنه تنسيق ده غير ده

آه التنسيق طيب شوف الطب فى كل واحد قبل من كام ماشى وبعدين فى فرق فى المواد والازهر عنده كليه طب واحده دا بالنسبه للتنسيق

اما موضوع انا ازهرى آه انا ازهرى بس الاساس عام من اولى ابتدائى وكمان السنه دى تالته ثانوى علمى رياضه:)

متقليش ازاى ماهو الدنيا بايظه :d

يقظة فكرى

04-03-2010, 04:55 AM

اخى الكريم

الازهر بياخد فى المواد بتعبته بيبقى قليل عن العام

اه عنده مواد شرعيه وكمان هما متعودين ع كده وعندهم فترة تاجيل وبياخدوا الدرجه كامله

خلاف عام وكمان بيجبوا حجات ضعبهاوى شوف الاعوام الماضيه الطلبه كانوا بينتحروا وكان اهو من المنهج

هو ممكن يجيب امتحان وهو متاكد ان مفيش حد هيجبوا دول خبرا فى الكلام ده

ولكن انا عجبنى تعديلاته خلاف الجدول تخيل معى اخى الكريم

واحد طالع من ماده شديده وكده وعاوز يراجع مش هقول هيذاكر لان مفيش حد هيذاكر فى ايام الامتحانات

هيلقى نظره فقط وبالذات المواد العلميه ولا ننكر العوامل النفسيه لو الواحد بس خاف هيلاقى نفسه

نسى كل حاجه يعنى لازم حتى يترك يوم ولا اتنين قبل كل ماده علشان بس الواحد يقدر يركز

ولا يضيع كل مجهود العام ع الفاضى ولو عاوز يغير يبقى تدريجيا وبشكل معقول

مفيش حد بيغير كده مره واحد واحنا كنا مرتبين امورنا ع النظام الامتحانات القديم

فلازم يراعى ده وده اول عام له فلازم يبقى وحده وحده وكمان متاخذش الامور اخى الفاضل

ع الطلاب فقط وكمان رحمه باولاياء الامور لن الاب ولا الام دفعين فلوس كتيره اوى

فى الدروس وهما مش لقين الفلوس دى فى الشارع دول تعبنين فيها فلازم يقدر ده

تخيل كده معايا اب ولا ام تعبوا طول السنه او السنتين بتوع الثانوى العام وقالوا احنا هنتعب بس

السنتين دول لحد الواد او البنت ما تخلض السنادى وبعد كده تدخل كليه حلوه

وبعد كده جه الوزير الجديد وعمل نظام الامتحانات ده والطالب جاب مجموع مش كويس

شوف قد ايه خيبة الامل والحسره فكر كده اخى الكريم وكمان شوف هما فلوس

المدرسين دى كتيره شوف هما بيوفروها منين من اكلهم وشربهم وكمان هدومهم

واخروج وكده ولا الفقرا ملهمش نفس يدخلوا ولادهم كليات كويسه ويفرحوا ومش كل

الناس مش هتقدر ع فلوس الدروس ولو قدروا هيكونو جيبنها من بق الاسد

بجد حرام

تقبل رائ

محمد(o)

04-03-2010, 08:54 AM

السلام عليكم ورحمه الله وبركاته

انا ملاحظ فى ارائكم انكم شايفينى ظالم او متحيز لبتوع الازهر

ومستهونين اوى بموادهم كانهم بياخدوا الابجديه

تعالوا بقى اقلكم موادهم ايه علشان انتوا بتقولوا نص مواد

العام بيدرس فى سنه تانيه كيميا كامله ورياضه 1
مــــــــــــــــاشى

الازهر سنه تانيه مش مهمه عنده
بس بيدرس

كام فصل احياء ونص الفيزيا ونص واسهل ابواب فى الكيميا الى هما اولنين اظن انهم تافهين :frown:

نيجى لتالته بقى

العام بيتخصصوا علمى علوم او علمى رياضه
ماشى

مفيش كدا فى الازهر العلمى شامل والى عاجبه عاجبه

فى العام الى بيروح علمى علوم
بياخد عربى و وانجلش وفيزيا واحياء ودين ومستوى

علمى رياضه بقى

بياخد رياضه 2 كامله وباقى المواد زى علمى علوم

ملحوظه كمان المستوى كذا حاجه ليهم حريه الاختيار

تالته اااااااااااازهر بقى اسمعوا ومتتخضوش

بتقولوا نص المواد مــــــــــــــاشى

نبدا اولا بالمواد العلميه

1- رياضه 2 كامله مش ناقصه صفحه زى العام بالضبط
2-الكيميا بقى اثقل ابواب (العضويه والاتزان والحساب الكيميائى )زى ما قلت الباقييين تافهين والى يقول غير كدا سورى بس من الاحسن يبقى ادبى

3- الفيزيــــــــــــا (الكهربيه _والحديثه ) عارف هتقولوا ايه دا دا منهج صغير

ابقوا شوفوا امتحانات الازهر فى المواد العلميه بتكون تعجيزيه

وكل سنه بيجيب افكار جديده فى امتحانات الفيزيا

4- الاحياء (التنسيق الهيرمونى - التكاثر- الوراثه - (

DNA

5- الانجلش دا زى العام

7- المستوى ودا اجبارى انه يكون انجلش بردوا الى عاجبه عاجبه والاغلب مش بينجح فيه

المواد الشرعيه

1-فقه (احكام بقى ومذاهب ومش هتقول راى واحد لالالالالالا

دول اربع مذاهب دا كفايه الفقه لما يجى فى الامتحان يقلك قول راى مثلا الشافعى وانت تتلخبط بين الفقهاء )
2- حديث (الحديث بقى عندهم بشكل تانى مش احفظه واحفظ مظاهر الجمال لالالالالالا

دا انت لازم تحفظ المعانى _والاعرابات _واراء الفقهاء _ومناسبته _وما يرشد اليه _ومين هو الراوى .....)

3-تفسير ( نفس موضوع الحديث تدرس الاعرابات - وسبب النزول - واختلافات الفقهاء مع ذكر اسم كل شيخ )

4-توحيد (دا بقى تدرس فيه ذات الله وصفاته وبيه تقدر ترد على اى ملحد او الى بيشككوا فى وحدانيه الله احاديث وايات وارارء متعدش )

الاهم من دا كله

5- القرآن الكريم

فى تالته ثانوى المقرر سوره البقره اكيد ساهله والكل خلصها اقصد طلبه الازهر

لكن الامتحان بيجى من القرآن كله

6- كتاااااااااااب ميراث دا بقى بعدما ما تاخده تقدر تقسم اى تركه

ندخــــــــــــل على العربى اقصد المواد العربيه دا مختلف خااااااااااااااالص

فى العام كتاب فى كل الحاجات فى الازهر بقى

1- كتاب نحو من حجمه كدا انت لو شفته ممكن تتخض

2- كتاب صرف زى النحو بس اصغر شويه

3- كتاب ادب ونصوص

4- البــــــــــــــــلاغه دا بردوا كتاب

ومش زى اللى بتاخدوه استخرج بس لالالالالا

دا امتحان كامل فيه اسخرج وفيه اكتب التعريفات وكل الدراسات بتوسع واستفاضه

كــــــــــــدا هو دا الازهر لو كان سهل ابقوا حولوا لو مش عارفين ممكن اساعدكم :d:d طبعا هزار لانى واثق انه مفيش حد هيستحمل كل دا والامتحانات كل يوووووووم

بالنسبه للتنسيق

الازهر كلياته محدوده وتنسيقه دايما اعلى وخاصه انه عامل تفرقه عنصريه البنات مجموعهم اكبر علشان يتقبلوا اعرف واحده جابت 92 السنه الى فاتت ومدخلتش هندسه عارفين ليييييييييييييييه لانها لازم تجيب 96 ايه رايكم تنسيق حلو اوى :022yb4:
طبعا مش حلو ولا حااااااااااااااجه دا ظالم :stickjo4:
الطب للبنات 99.5للاولاد ب 98.5

بالنسبه لموضوع انى متحيز

مش هتفرق معايا ازهر ولا عام انما هى قضيه بناقشها زى ما قلتلكم

انا فى تالته ثانوى عااااااااااااااااااااااام

بالنسبه لموضوع الدروس

اظن ان بتوع الازهر بياخدوا دروس اكتر وبيصرفوا اكتر

شوفوا كام ماده انا اعرف ناس بتاخد كانت بتاخد 9 دروس والله وبدات فى العاشر من اول شهر 3

السلام عليكم ورحمه الله وبركاته

يقظة فكرى

04-03-2010, 11:33 PM

اخى الكريم احنا مش فى حرب

ولا بنهاجمك احنا بنوضحلك الامور

ع العموم الاختلاف فى الرائ لا يفشد للود قضيه

محمد(o)

05-03-2010, 11:08 AM

اخى الكريم احنا مش فى حرب

ولا بنهاجمك احنا بنوضحلك الامور

ع العموم الاختلاف فى الرائ لا يفشد للود قضيه

السلام عليكم ورحمه الله وبركاته

مين قال اننا فى حرب طبعا مفيش كدا خالص انا حبيت اوضحلكم بس كل الجوانب

سورى ان كنت لم اوفق فى الاسلوب ــــــــــــــــ لكن ربنا يعلم انى لا مقصدش حاجه

على العموم حصل خير ربنا يكرمك :):)

Mohamed Salah 2010

26-04-2010, 05:25 PM

بصراحه
انا بكره لسبب (ارجو عدم القبض عليا)
عشان حاجتين اول حاجة عشان الزفت النشاط والتقويم والكلام الفاضي دة بس استني دا مش كلام فاضي ديه تحكمات مدرسين يغني بسبب حتت ورقة اسكتش ملزوق فيها صورة للموضوع وسطر من الموضوع تسقط! مع انها هيافة مبتفدش حد في حاجة وطبعا انا عندي مدرس معقدني ال اية عشان باخد عند مدرس ماس تاني بالذمة دة كلام وطبعا الكوسه في جيبه علطووووول
تاني حاجة بقا ان بذمتكم عشان مدرس راح قال لسيادتة احنا مش عارفين نشتغل في البيئة دية خصملوا تقريبا شهر
ايه الظلم دة مالو حضرتك عايش مع الناس وحياتك لهتعد تشتم اليوم اللي عملت فيه ده
سلالالام بس عايز اقول كلمه دة مش رأيي بس ده رأي ناس كتييييييييييير ومجددا اسف علي الكلام الجارح يا وزير

غواص في بحر الحياة

26-04-2010, 10:16 PM

المشكلة مش في الوزراء فقط
المشكلة في كل شيء في التعليم
طالب مش عارف بيتعلم ليه (نسي ان التعليم حتى نرضي الله مش للشغل فقط)
مدرس كرامته مهلهلة و حياته مبهدلة وان عطى دروس عشان يعيش حياة كريمةيبقى مجرم حرب
ولي امر كل همه يعطي ابنه فلوس ويقوله روح المدرسة من غير متابعة حقيقية لمستواه و لا يعرف اهتماماته ولا مشاكله
وزير يقرر من غير دراسة لم سبق
قرارات فجائية غير مناسبة للوافع التعليمي المتدني جدااااااااااااااا
الغشششششششششششششش
الامية بين طلاب المدارس
كل شيء باظظظظظظ

ميدو ماجيك

27-04-2010, 12:16 AM

هو كل واحد يجي يجرب فينا من غير نظام
واشمعنى احنا الجيل المغضوب علينا
يعني الجيل اللي قبلنا كان متشال عنه سنة سادسة ، وأول ما رجعوا السنة دي رجعوها علينا احنا
والجيل اللي قبلنا كان بيبقى عندهم سبعة أيام وأكثر قبل كل مادة ، اشمعنى احنا

ممكن تجاوبني حضرتك على كام سؤال ؟؟؟
الأول :- اشمعنى احنا اللي مغضوب علينا ؟؟؟
الثاني :- هل يمكن أن يكون قبل الكمياء يوم ونصف اليوم وقبل الانجليزي والفرنساوي نصف يوم فقط ؟؟؟
الثالث :- ماذا يضير السيد الوزير إذا زود الأيام التي بين الامتحانات ؟؟؟
الرابع :- ما فائدة طرح الجداول لإبداء الآراء فيها ، ثم وبعد رفضها وابداء رأينا فيها انها مش نافعة يقول سيادته اخبطوا دماغكوا في الحيط اللي ذاكر ذاكر من زمان ، ومش هايتم تغيير الجداول ، طيب كنت بتعرضها ليه ؟؟؟ هو ذل وخلاص ؟؟؟ طيب تقدر تقول هل وافقك الطلبة وأولياء الأمر على هذه الجداول ؟؟؟ أتحدى . لا يمكن أن يكون وافقه أحد ؟؟؟ طيب ليه ولمصلحة من هذا الجدول ؟؟؟
أرجو الاجابة عن هذه الأسئلة ، وبعد إذنك أنا هاطرها في موضوع عام يمكن ألاقي جواب من أحد يشفي غليلي ، أو يفهمني اللي أنا مش فاهمه .

Mohamed Salah 2010

27-04-2010, 04:24 PM

BaNZeR

28-04-2010, 03:23 PM

محمد(o)

29-04-2010, 10:04 AM

هههههه هو الموضوع صحى تانى يا ترى مين الى صحاه يلا مش مهم
معلش على التأخير الذى كان بسبين

1_ مكنتش اعرف ان الموضوع صحى تانى
2_ الامتحانات قربت والواحد خايف ربنا يستر :(
فمعلش بقى الاسئله الكتير دى مش هينفع اجاوبها هرد عليها بسؤال :)
لو انتوا زى ما بتقول كدا دفعه مغضوب عليها امال احنا ايييييييييييييييييييه
ملعونين يعنى :o؟؟؟؟؟؟؟
الواحد مش عارف يراجع حاسس انهم خمسين ماده ربنا يستر ونلاقى كليه على عهد شيخ الازهر الجديد :)
بس ان شاء الله خير الواحد يتفائل ولا يجزع
توكلوا على الله

وخليكم فاكرين الى مكتوباله حاجه هيشوفها سواء اخد شهر كل ماده ولا ماخدتش

بعدين عايزين اسبوع قبل الكيميا لييييييييييييه يعنى انتوا هتاخدوا المنهج من جديد
يا جماعه دا انا امتحان الكيميا بعدها على طول تانى يوم تفاضل وتكامل والميكانيكا مش قدامها ايام خاااااااااااااااااالص اجازه والفيزيا يوم جمعه قبلها جات بالصدفه معملوش حسابهم :d
على راى واحد صاحبى الى زاكر زاكر زمان
والى راجع راجع زمان بلاش الحجج بقى
امال انا اعمل ايه همتحن كل يوم :(هههههههههههه
ربنا يستر

شكرا BaNZeR
تمام اوى ياريت تفهمهم حضرتك :)

يلا سلام اروح ازاكر على الاقل الآقى حاجه اكتبها فى الامتحان
الله المستعان