السلام عليكم جميعا(بسم الله الرحمن الرحيم)

حسيت انكم كتير مش عارفين ازاى تذاكرو بطريقه قويه وانا بردو لما كنت فى ثانوى مكنتش عارف ازاى اذاكر بطريقه سهله او طريقه تخلينى اجيب مجموع فحبيت افيدكم بطرق وانتم تختارو منها الطريقه اللى تريحكم.

فحبيت اقدملكم جزء من الموضوع كامل على قسم زاكر معنا كلية التجاره اسمه اياك تذاكر من البداية وهتتعب نفسك ليه اللى عايز يستفاد من كل الموضوع يدخل بس هوا مفيد جدا.
واللى عايز يسأل اى سؤال انا تحت امره ممكن يسألنى
بس انا بكون موجود دايما على الرابط ده اضغط هنا (http://www.thanwya.com/vb/showthread.php?t=190293)

ونبدأ
لو انتا مش بتحب القراءه اقرا الاجزاء دى بس
وسائل تزيد من قوه التركيز اثناء المذاكرة
الطريقه التاليه دى تم ( تجميع اهم الطرق المفيده والاستفاده منها)
واسمع الفيديو هتشوف الطريقه عملى لو مفهمتهاش كتابه من الموضوع(ودى طريقه بردوممكن تختارها بس دى طريقه قويه جدا)

وركز على دى
ملحوظه هامه جدا جدا
واقرأ دى
طريقة الالوان والمسح الشامل
واقرا دى
طرق واقعية وعملية من خبرات سابقه
واختار اللى انتا عايزه وذاكر بيه
وشوف فيديو ازاى تعمل جدول مذاكره
واسمع النصائح الغذائيه مقطع صوتى
بس!!! اصل الموضوع بجد كله معلومات فيده جدا
نبدا فى جزء التوجيه كامل
2-التوجيه للمذاكره





مقدمه




1- المذاكره من بداية الترم

(والله لو بأقل مجهود وعملت اللى عليك)

هتيجى فى النهايه وترتاح

ومش هتبذل مجهود كبير وهتكون فاهم وواعى لكل الاحداث (المكان المضىء) عكس (الانسان الذى دخل مكان مظلم وصعب عليه اضائته)

وهتجيب تقدير فى النهايه بإذن الله















2- انزع مصطلح المذاكرة ، وضع مصطلح التعلم (او الثقافه)

يعنى حاجه برضاك مش غصب عنك






اذا قلت لنفسك (سأتعلم وأتثقف حتى انفع نفسى) فذلك افضل







قد يقول البعض المناهج فرضت علينا ولا نحبها

فكيف نحب ونبدع فى شىء فرض علينا ؟







الحياة ..هل اخترناها ام فرضت علينا ؟

بالطبع اختارها الله لنا ومع ذلك فالناس يتفننون فى السعاده بها وكيفيه قضاءها بكل سرور

كذلك المنهج الدراسى مفروض علينا

لكن البارع هو الذى يتفنن فى اعمال عقله لفهمه وادراكه











3- المذاكره هيا شغلنا (وظيفة) كطلبه مثل وظيفة او عمل ابائنا فلماذا نضيع عملنا ولا نجتهد ونتفانى فيه؟!
4- المذاكره بتركيز وذكاء ودهاء وصبر وعدم يأس




(( ولا تيأسوا من روح الله إنه لا ييأس من روح الله إلا القوم الكافرون )) يوسف






(وَمَا يُلَقَّاهَا إِلا الَّذِينَ صَبَرُوا وَمَا يُلَقَّاهَا إِلا ذُو حَظٍّ عَظِيمٍ))فصلت






والمثابره خير لك من المذاكره بإهمال


يعنى تكون عارف مصلحتك فين وتذاكر بضمير


( أمامك العلم ومعك العقل ..ها ..أرنا كيف سيدرك هذا العقل هذا العلم ليجعله علما نافع )














5- تحديد الهدف من المذاكره


(استحاله يجيلك احساس بالملل طالما محدد هدف واضح من المذاكره)


ولو عندك فكرة ان المذاكره ممله (من غير تحديد هدف)

مش هيجيلك احساس السعاده من ممارسه المذاكرة

















انتهت المقدمه






نبدأ .. المفهوم الحديث للمذاكره


هو عملية تلقى المعرفه (بطرق سهله) من خلال الكتب ، فى وقت محدد


ونعنى بذلك أن التعلُّم ذاته والمذاكرة أصبحت بالنسبه اليك هى الثقافه (برغبه ذاتيه من الشخص نفسه)

واكتشاف الجديد من المعلومات والتطوير فى العلم ذاته

















- اهداف المذاكرة -






(وهيا دى اهدافك من المذاكره اللى لازم تحققها)





1- تحقيق الرقى للمجتمع والتقدم



( الاخلاقى ، العلمى ، الثقافى ، الدينى ، .. الخ )


على مستوى الفرد


( نكون مهذبين خلقياً وعلماء ومثقفين ويرضى الله عنا الى يوم الدين)

وكل فرد فينا يحاول يفيد البلد العظيمه دى

2- تحقيق الاهداف الشخصيه بالعزيمه وبالمثابره
(يعنى تستمر فى عملك لتحقق الهدف وتبذل محاولات وتكرر فيها والمحاولة مع بعض التغيير فيها)
لكى تتوصل للجديد فى المذاكرة
(مثلاً لما تكون حد مشهور بعلمك)
كل اللى بتتمناه هتلاقيه جالك فى سهوله وكل الناس اللى انتا متتوقعش ابداً انهم يكلموك او يعرفوك اصلا هتلاقيهم هما اللى محتاجينك وبأفضل العروض
ويكن لك الاختيار
وطبعا انتا بالطموح والحلم هتحقق كل رغباتك وطبعا لازم يكون ليك هدف
3- طبعا غير التفوق فى الدراسه وحب الاصدقاء ليك فى الجامعه وحب الاهل ليك لان دى قاعده
( المتفوقين معروفين )
ليه انتا متبقاش منهم ؟؟



















والله سهله بس تركز كويس فى حياتك


4- المذاكره ليست لهدف الامتحان فقط



ولكن


المذاكره (بالثقافه)هتخليك تستفيد من المعلومه نفسها عملياً


فى حياتك وهتفيد غيرك بعلمك

مش لانك بمجرد ما كتبت المعلومة فى ورقة الامتحان نسيتها خلاص

لاء لازم هتكون فاكرها وكمان تتناقش بيها
وبكل معلومه انتا حصلت عليها..امثله كتيره هتلاقيها فى حياتك.





















لماذا نكره المذاكره (كثقافه) مع انها تعطينا كثيرا من الفوئد وتعود بالخير لنا ؟؟!






لن تجد الرد على هذا السؤال





وإليك الطرق التى من خلالها تستطيع المذاكره



وايضا الطريقه هيا (






مفتاح حب المذاكره نفسها)



وهذه من أفضل الطرق وأسهلها وعليك اختيار أفضلها الذى يتناسب معك شخصياً







اولاً







الطريقه الافضل على الاطلاق


(انك تألف بنفسك طريقه تتناسب مع شخصيتك وطريقة تفكيرك) ودى طبعا بتكون للى بيذاكر من اول السنه علشان كده اللى بيذاكر من اول السنه بيكون من المبدعين والمتفوقين


(وسيساعد هذا الموضوع فى الذاكره من بدايه العام)














ولكن يجب ان تراعى الاتى


وده علشان تحفز نفسك اكتر على المذاكره الفعاله وتبدع ويكون عندك احساس التجديد والابداع










1- لا تخرج عن الاطار العام للمذاكره


وتتبع منهج علمى فى تحقيق الهدف


(متكونش بغرض غير المذاكره طبعاً

وعلشان تحقق هدف النجاح والتفوق)

















2- لا تخرج عن الطرق العامه للمذاكره والطرق التى حددها علماء النفس


(يجب ان تبدع بنفسك)


3- يجب أن لا تخاطر بمستقبلك بطرق غير فعَّالة

ويجب أخذ آراء الآخرين فيها

















ويجب ان تراعى هذه النقاط


(ممكن تستفيد من النقاط الجايه دى فى ابداع طريقة جديدة)










وسائل تزيد من قوه التركيز اثناء المذاكرة


(ده المحور الاساسى للمذاكرة الفعَّالة)











1- تهيئة الجو والوقت المناسب


(اعمل جدول)


لعدم تشتيت التركيز

( بمعنى انك تجهز مكان يكون هادىء ويمنع الشتتات فى التركيز وتحدد وقت حقيقى للمذاكرة )

2- اضافة عنصر التشويق والاستمتاع بالمنهج الدراسى وطريقة المذاكره
(حاول تستمتع نفسياً وتبدع فى طريقتك للمذاكرة




















3- ملحوظه هامه جدا جدا


لعدم الملل من كثرة المذاكره يوجد روشته للقدره على الاستمرار فى المذاكره دون ملل










تمرين


فى وقت الراحه ما بين ساعات المذاكره


(نبدأ نطفى نور الحجرة بدل من مشاهدة التلفاز التى تتعب العين)

ثم نقوم بوضع السجود لمدة 10 دقائق

وهى أفضل وضعية لتخرج موجات ألفا
ثم نأخذ شهيقاً مكتوماً ونخرجه زفيراً طويلا من الفم (تاخد شهيق عادى وتكتمه بسيط وتخرجه ببطىء) مع عدم التفكير فى اى شئ
وبعد ال10 دقائق ستشعر بحاله من الصحوة الجديده وتستكمل مذاكرتك




















4- طريقتك من خلال شخصيتك





(يعنى لو انتا بتحب المذاكره بصوت عالى او صامت على حسب تركيزك)


5- طريقة المذاكرة بالورقه والقلم فى الجامعه



(تكون فى كتابة العناصر فقط لتساعدك على تذكر التفاصيل) ولايجوز ان تذاكر بها وتكتب كل الكتاب مثلا


فمن الصعب ذلك ويأخذ وقت كبير


(اما فى مرحلة ما قبل الجامعة تجوز هذه الطريقة)














6- تحديد وتنظيم الوقت المناسب


فالمذاكره النهارية يعيبها عدم القدره على التركيز


ولكن الليل افضل لك

(اوقات من 10 مساءا وحتى 8 صباحا)

يمكنك المذاكره فى أى من الاوقات التالية
لأن نسب التركيز عاليه فيها
(ولكن يجب أن لا تتعارض مع ساعات نومك)




















والمذاكره تحت سطح القمر تساعد فى المذاكره بقوة تركيز عاليه(لان القمر لديه قوة جذب تجذب الدم السائل الغنى بالاكسيجين الى المخ )


ولكن القمر لا يوجد فى جميع اوقات السنه كما نعلم










وسيتم شرح كيفية عمل جدول للمذاكره وكيفية قضاء اليوم على افضل حال





عن طريق الفيديو التالى مشاهده اون لاين وتحميل


رابط عمل جدول اضغط هنا (http://www.4shared.com/file/226803134/8826abf/__online.html)




ويمكنك سماع الفيديو علشان تفهم بعض المعلومات فى عمل الجدول من خلاله



7- يجب أن تتعود على نظام الامتحان


وتحدد نظام لكل ماده من خلال


(تعتمد على الحفظ اكثر من الفهم فكر فى طريقتك فى تكرار المعلومات التى تحتاج الى حفظ)

مثال (الموارد اقتصاديه وحفظ الارقام ...الخ)

لو الطريقه تتعتمد على الفهم اكثر
يجب ان تعتمد على فهم ماذا تدور حوله الفقره نفسها



















ووضعها فى تخيل فكرى فى ذهنك المثال فى الحاسبة (عرفة المدين والدائن ومتى يكون كذلك وتتغير بعد ذلك الجمل من خلال فهمك....والخ)


8- معلومه ونصيحه أخيرة



(يجب أن تبدع بالفعل ولاتتعود على الاستقبال فقط من الدكتور أو المدرس دون الارسال)


يعنى تكون عندك قدره على شرح ما تعلمته وابدعته لغيرك


وتتعود على انك تشرح لنفسك ولغيرك

وهذه مرحله أخرى من الابداع

















النصيحه


للحصول على طريقه عبقريه فى المذاكره


يمكن الاستفاده من

(التنميه البشريه،تنمية المهارت الفكريه والحفظ..الخ)

















هام جدا






وطبعا ايام الامتحانات بيكون


(ليس وقت الابتكارولايوجد وقت له)


ولاتفيد هذه الطريقه فى وقت الامتحانات

بقدملك الطرق العامه التى تفيد اى شخص وجربها الكثيرمن البشر وهى طرق علميه تم اختيار ادقها

ويمكنك المذاكره بإحدى الطرق العامة من بداية الترم
وهذا ايضا سيؤدى الى التفوق لان هذه الطرق العامة لا تختلف كثيراً




















الطرق والقواعد العامه فى المذاكره






الاولى


طريقة الالوان والمسح الشامل









1- المسح الشامل



عن طريق قراءه الملزمه


(المحاضره مثلا20 او10صفحات تقراهم كلهم)


زى قراءة الجرنال

وتقراهم بسرعه لو20 يأخذو10 ولو10 صفحات فى 5 دقائق من غير محاوله للحفظ او التركيز

(الغرض إحداث راحه نفسية
وألفة بين القارئ وبين الورق وهذه المرحله هامه جداً)





















2- مرحلة التلوين


تلوين العناصر الرئيسيه والفرعيه والنقاط (الكلمات) الهامه فى الفقرات


حيث يفضل اللون













الاصفر ومشتقاته




(له كثير من الفوائد فى الحفظ والتركيز ويسر الناظرين)

هذه المرحله تعرِّف الطالب الاطار العام للمحاضرة

وتعطيه شيئا من السيطره على المحاضرة
(وتزيد من الألفة والمحبة والراحة النفسية بين القارئ والورق) وايضا تاخذ هذه المرحله نفس وقت المرحله السابقة









3- مرحلة الاستيعاب السريع

يبدأ بقراءة المحاضرة بطريقة بطيئة نسبياً

(بس مش تقعد نص ساعة فى الصفحة ، بالكتير اوى 7 دقائق للصفحة الواحدة)
ملحوظه
( عدم السرحان فى المحاضره وما وراء السطور ولو لزم الأمر تأجيل فهم بعض نقاط المنهج
وأنه مع التقدم فى المنهج سوف يُفَك غموض الاجزاء القديمة مجملاً )











4- المسح الشامل

(يعنى ترجع تقرا الورق من تانى زى الخطوه الاولى مره تانيه)







5- تترك الورق (المحاضره)تماماً

وبعد(4 أو 5 أيام بس متأجلش عن كده)

تعمل مسح سريع مرة أخرى فى 10 دقايق
وتكرره كل عدة ايام
(ممنوع التأجيل)
لان التأجيل ممكن يأثر على طريقه مذاكرتك وحفظك









مدمنو الطريقه الكلاسيكيه

(طريقة الحفظ التام)

تُخَزَّن المحاضره لـ10 ايام بعد ذلك يتم نسيانها
(ده كلام علماء النفس ودا طبيعى عند البشر)
ويظنون عدم جدوى طريقة المسح الشامل
ولكن طريقة المسح والتلوين تخزن المعلومات (المحاضره)
لفترات أكبر
وبكثير من هذه الطريقة لا تقل عن تقدير الامتياز









ملحوظه هامة

لكى تغير طريقتك التقليدية لهذه الطريقة

(ستتغير تدريجيا وتكرر وتحاول وتصبر حتى تتعود عليها )








الثانيه

طرق واقعية وعملية من خبرات سابقه






الحاجات اللى كانت بتتذاكر كويس كانت كالتالى

ودى طريقة فعلا جميلة جدا

بس عايزة اللى يصبر عليها شوية والنتيجة بتاعتها مذهلة حقيقى








وده كلام كتير من اللى جربوها

اللى هى

اننا نقرأ أو نتصفح المحاضرة مثلاً فى وقت قصير جداً
ثم نلخصها كلها
(مثلا هى 20 ورقة) فى ورقة واحدة وش وظهر
حتى لو مفيهاش حاجة ممكن تُختصر
نكتبها كلها فى مكان واحد بخط صغير يدوب يتقرا









وده فايدتته ايه ؟؟




أولا

كتبت الحاجة بإيدك فحتبدأ تستوعبها أكتر

وكلمة كنت قاريها بسرعة بشكل خاطئ مثلاً وانت بتكتبها ومركز فيها صلحت معلومتك








ثانيا

قبل الامتحان الموضوع ده بيقى

"المنقذ الرهيب"
واسترجاع المعلومة من دماغك بتبقى سهلة جدا
حتى لو كنت سايب المحاضرة من اول السنة مبصتش عليها غير اخر السنة
برده حتلاقيها مستساغة جداً لانها بايدك
وانت هاتلاقى نفسك فاكر اللى انت كتبته
بمعنى انك هاتلاقى ان انتا المعلومات دي مش جديده عليك









ده لكل المواد بشكل عام

ويكون ناجح فى المواد اللى فيها شوية المفروض تحفظ






بعد كدا جمع ورق كل ماده مع بعضه بحيث انك متتلغبطش




طريقه اخرى




فى طريقه حلوة هي انك ممكن تحدد من الكتاب سطر خفيف بالقلم الرصاص على العناوين والحاجات المهمه فى الماده اللى هي لازم متتنسيش




شئ جميل انك تتجمع انت واصدقائك كلهم فى تجميع وتلخيص مادة بحيث ان لو الوقت مش كافى لانك تلخص الماده لوحدك

أو لو الوقت مش حيسعف لكل المواد

اختاروا اكتر المواد اللى محتاجينها









الطريقه التاليه دى تم ( تجميع اهم الطرق المفيده والاستفاده منها ) فى هذه الطريقه.....ثلاث خطوات


الخطوة الأولى




القراءة الثقافية

تقرا المحاضرة قراءه ثقافيه

(كأنك تقرا جرنال او مجله)
وبتركيز وتاخذ المعلومه باستمتاع وتحاول تكون فاهم وانتا بتقرا (القراءه بصوت يتسمع حتى تستخدم الذاكره السمعيه والصوتيه)وتحسس نفسك بنجاح مستمر وبانك انجزت فعلا فى الورق ده
والهدف معرفة فكره او موضوع المحاضره
وتستغرق(5 صفحات 5 دقائق)
لانك بتقوم بالقراءة بشىء من التركيز وايضا تعتبر نفس خطوة المسح الشامل









الخطوه الثانية

التلوين والكتابه

تبدأ من بداية ما قرات ومن خلال (قراءة الثقافه) مره اخرى واثناء هذه الخطوه (تحاول ان تتذكر شيئا من معلومات الخطوه الاولى)
وتبدأ فى
التخطيط والتلوين باللون الاصفر
قلم اسمه (قلم اظهاراو يختلف اسمه اللون الاصفر المائل للبرتقالى اوالمائل للاخضر) حول العناصر
وتقراها جيدا وتكتب العناصر فى ورقه خارجيه بخط سريع(تستخدم الذاكره البصريه وارتباط الذاكره بايدك)
وتركز عليها كخطوه فى عقلك
(تضع العناصر كفكره فى عقلك)
لما يحتاج للحفظ
وتضع ايضا لون
(خط بالقلم على الكلمات الهامه فى كل سطر)
ومش مهم تكتب الكلمات نفسها يكفى (فكرة الفقرة) نفسها )
"والكلمات الهامه دى هيا مفتاح الجمله"
(مفتاح الجملة هى الكلمة اللى لو نسيت الجمله كلها وافتكرت الكلمه دى باذن الله سوف تجعلك تتذكر الجمله كلها )
من خلال هذه الكلمة لانك بتربط الجمله بالكلمه








ودى طبعا فى المواد التى تحتاج حفظ (او اغلب المواد)



ويجب ان تضع دائره بالقلم الازرق (

الجاف العادى)



حول الكلمات الهامه (اللى هيا بردو مفتاح الجمله)


وهتمكنك من السيطره على الورق من خلال بعض الكلمات البسيطه

وتستغرق (نفس وقت المسح 5صفحات 5دقائق)













الخطوه الثالثة












الحفظ والتسميع والتخيل



تبدأ بعد الخطوه الثانيه


ونبدأ بالقراءة (والحفظ الدقيق لو ماده حفظ اوى)

وبالتسميع لنفسك من خلال الافكار التى وضعتها من فكره العناصر والخطوه الثانيه والاولى ايضا
(يعنى تسمع لنفسك الافكارالى فهمتها ووضعتها فى ذهنك وتحاول تقولها من غير ما تشوفها ولو فى فكره تعسرت؟ يجب ان تراها وتسمعها ايضا وهذه هى خطوة الحفظ الدقيق)
وتستغرق(7 دقائق للصفحه ويجب ان يكون وقتك دقيقا)
















وفى الحفظ الدقيق يتم

حفظ شكل الجملة ومكان السؤال ومكان الاجابه فى الورقه



وهذه تكوِّن صورة بسيطة داخل المخ تتخيلها اثناء الحفظ


(يعنى تصور شكل الصفحه وتتخيله فى عقلك)

وبعد ذلك نترك الورق










وايضا فى المراجعه سيتم مراجعه الكلمات الملونة ورسمة الفقرة والمفاتيح وده اللى هتفتكره يوم الامتحان


(هتفتكر شكل الصفحه نفسهاوستكون داخل عقلك تنظر اليها وستستدعى منها كل المعلومات التى تحتاجها )









طريقة المتفوقين والعباقره فى الحفظ









وسيتم شرح هذه الطريقه بالتفصيل عملى على مقطع الفيديو التالى مشاهده اون لاين او تحميل روابط




طريقه مفيده للمذاكره ج1 للمشاهده اضغط هنا (http://www.4shared.com/file/227683260/dcd3c5bf/_13.html)



طريقه مفيده للمذاكره ج2 اضغط هنا (http://www.4shared.com/file/227650230/4b815aa5/__23.html)





طريقه مفيده للمذاكره ج3 او الاخير2 اضغط هنا (http://www.4shared.com/file/227657534/d474b080/__2.html)


ويمكنك مشاهده الفيديو للاستفاده منه ومعرفة الطريقه













مرحلة المراجعة



كثيراً من الطلاب يعتقدون أن المراجعة تكون أيام الاختبارات فقط حيث يعللون ذلك بأنه


ما الفائدة من المراجعة طالما أنهم ينسون ما يقرؤونه بمرور الوقت

وهذا خطأ















فأريد توضيح أن المراجعة توفر لك الكثير من الوقت والجهد خاصة وأن وقت الاختبار لا يكفي لمراجعة كل ماهو مطلوب الاختبار فيه تذكر أخي الطالب أنه قد تمر بك ظروف صحية أو ظروف محيطة (كوفاة قريب أو ظروف أخرى)


وهذه هى الاختبارات الالهيه لك فتعيق مراجعتك أيام الاختبارات فيكون مصير هذه المادة مهدداً ما لم تكون ذاكرت منها ما يكفى للامتحان


من هنا تتضح أهمية المراجعة على مدار العام الدراسي

ولا نعني بذلك أن تحمل نفسك أكثر من طاقتها وأن ترهق نفسك بأكثر من قدرتها

بل خذ الأمور ببساطة وأعط لجسمك ونفسك حقهما من الراحة وكل ما يُطلَب منك هو تنظيم وقتك
مع تخصيص وقت للراحة والاستجمام وخاصة أيام العطلات














ولكي تكون مراجعتك أكثر فائدة ننصحك بما يلى










1- عندما تبدأ المراجعة تصفح أولاً العناوين الرئيسية ثم العناوين الفرعية 2- اقرأ المواضيع بسرعة مع وضع علامة أو خط تحت النقاط التي ترى أنها ضرورية أو التي ركز عليها الدكتور أثناء الشرح


3- حاول حفظ النقاط التي تحتاج الى ذلك كالنظريات والمعادلات والتواريخ


4- اقرأ النقاط التي تجد أنها صعبة أكثر من مرة وإذا تعذر فهمها حاول تذكر كلام الدكتور حولها

أو ضع علامة أمامها واسأل فيها أحد أقاربك أو زملائك أو الدكتور فى الجامعة

5- حاول الإجابة عن بعض الأسئلة الموجودة في نهاية كل موضوع أو التي سبق وأن كتبها لك الدكتور
6- اطلب من أحد أفراد أسرتك أو زملائك ويسمع لك أو يسألك في بعض النقاط
وإذا لم تجد من يقوم بذلك (سمع لنفسك واعتمد على نفسك افضل) حسب طريقتك
اكتب ما تريد حفظه على ورقة خارجية ثم افتح الكتاب وتأكد مما كتبت
7- حاول الإطلاع على اختبارات الأعوام السابقة إن أمكن
(والنقطة دي مهمة جدا جدا جدا لأقصى درجة)
8- حاول تذكر النقاط المهمة في الدرس وتسجلها على ورقة خارجية













أهمية المراجعة


تتمثل أهمية مراجعة الطالب للمواد الدراسية فيما يلى









1- الاقتصاد في الوقت والجهد








الأمر الذي يعطي الطالب فرصة مناسبة للترفية والتنزه 2- تثبيت المعلومات التي تم استذكارها


3- تفيد في سهولة استحضار المعلومات إلى الذاكرة


وهذه النقطة بالذات لها فائدة ملحوظة وكبيرة

وخاصة أثناء الإجابة عن الأسئلة

4- تساعد الطالب على فهم الجديد من الدروس والقدرة على متابعة المدرِّس أثناء شرحه للدرس
5- تساعد الطالب على تنظيم أوقات الاستذكار بطريقة عملية
6- تقلل من رهبة الامتحانات وتعمل على زيادة ثقة الطالب بنفسه وتصرفه عن الدروس الخصوصية
7- تضفي جوّاً من الاطمئنان على الأسرة
إذ من الملحوظ أن غالبية الأسر إن لم يكن كلها تصاب بالتوتر من جراء عدم اهتمام الطالب باستذكارالمواد الدراسية ومراجعتها













عزيزي الطالب





إن إعداد برنامج للمراجعة يلعب دورا كبيراً في الاستعداد للامتحانات ويتم إعداد برنامج أو جدول المراجعة تبعاً لمقدرة كل طالب وتبعاً لنوعية المواد التي سيجرى فيها الامتحان على أن يكون في الشكل التالي


1- المذاكرة المنتظمة لجميع المواد المقررة من أول العام الدراسي

2- حصر مواد الامتحان وترتيبها تبعاً لقربها الزمني من تاريخ الامتحان
وتحديد المواد التي تحتاج لمجهود ووقت أكبر في المراجعة
3- تحديد الزمن المتبقي على كل مادة وتقسيمه تبعا لها
4- وضع المادة الصعبة مع مادة أقل صعوبة في يوم المراجعة الواحد
5- تحديد فترات في الجدول للراحة ولممارسة هواية محببة وللاستحمام والنظافة الشخصية مما يساعد على تهيئة الجسم والذهن للاستيعاب الأفضل
6- تجنب أسباب التشتت الذهني وأحلام اليقظة أثناء المراجعة فمن يعمل ليس لديه وقت للأحلام
7- احذر أن تقلد زملاءك في طريقة مراجعتهم
فلكل إنسان طريقته ومقدرته التي تميزه
فإن طريقتك الخاصة في هذا الوقت هي أفضل الطرق
8- اجعل مراجعتك لكل درس بأن تضع هيكلاً للدرس في عناوين رئيسة وفرعية
ثم ابدأ بمراجعة كل ما يخص كل عنوان على حدة بعد أن تكون قد وضعت الهيكل الأساسي للمادة ككل
فهذا يساعدك إن شاء الله على تذكر كل النقاط الخاصة بكل درس عند الإجابة في الامتحان













ويجب ان تكون لديك قدر من الراحة النفسية قبل الامتحان نفسه (يعنى قبل الامتحان بساعتين متوطرش نفسك ومتفكرش خالص كتير فى المذاكره وانصح بعدم مذاكره شىء جديد "واضحك وهزر" علشان متنساش اى معلومه من المتراجع عليه)





وسنحصل على المزيد من طرق المذاكره الفعاله ولكن فيما بعد للاستفاده من باقى الكتب العلميه





واليك مقطع صوتى يوضح النصائح الغذائيه هتفيدك فى المذاكرة





رابط الصحه الغذائيه هادئ اضغط هنا (http://www.4shared.com/file/228522054/71c7fb88/__1.htm)










والسلام عليكم وامنى الكل يستفاد

وبالتوفيق والنجاح بفضل الله

بجد ألف شكر على الكلام و الواحد استفاد منه

بجد ألف شكر على الكلام و الواحد استفاد منه
الشكر لله فى البدايه ونتمنى رضا الله علينا
وشكرا جزيلا على مرور حضرتك وارجو ان يفيد الكل
ونرجو ايضا مرورك مره تانيه لان فعلا تشرفت بيك يا حسام

والله كلام جميل جداااااااااااااااااا بجد ربنا يكرمك ويكرمنا

والسلام عليكم

تمام وبجد افادت طلبة كتير جدا

مشكور جدا :friendsxs3:

جزاك الله ألف خير

موضوع مهم ومفيد جداً

جعله الله في ميزان حسناتك.

تمام وبجد افادت طلبة كتير جدا

مشكور جدا :friendsxs3:


جزاك الله ألف خير


موضوع مهم ومفيد جداً


جعله الله في ميزان حسناتك.


والله كلام جميل جداااااااااااااااااا بجد ربنا يكرمك ويكرمنا

والسلام عليكم
وعليكم السلام جميعا
وبجد سعيد جدا بردوكم واتمنى الشاركه فى الموضوع نفسه والتعليق على اي نقطه او جزئيه فيه
وبجد يا جماعه تشرفت كتير اوى بيكم(boy.bird،ManaR،يا عمري) وبجد نورتو الموضوع بردودك الجميله وجزاكم الله خيا ووفقكم الى النجاح والتفوق فى كل شىء
وياجماعه ادعولى علشان هبدأ اول محاضرت الترم الثانى النهارده وربنا يوفقنا جميعا
والسلام عليكم جميعا وامنى المشاركه فى الموضوع والتعليق على اى نقطه فيه واللى عنده اى مشكله واجهته وهوا بينفذ اللى فى الموضوع يقولها واحنا كلنا هنتناقش فيها
والسلام عليكم

يا جم\اعه ارجو الدخول على هذا الموضوع لكى يفيد الكل
بأذن الله تعالى

المذكرة فى نفس الامتحان فى يوم احسنلك

المذكرة فى نفس الامتحان فى يوم احسنلك
لو حضرتك شايف ان المذاكره يوم الامتحان هيخليك تجيب مجموع او تقدير كويس اعمل اللى شايف انه صح
بس لو ذاكرت ن بداية الترم زى ا بقول مش هتندم وهتجييب تقدييييييير كويس جدا ولو سالت طالب متفوق وقولتله ايه سبب تفوقك هيقولك (اللى باخده فى الدرس او المدرسه او المحاضره برجع البيت اذاكره من الكتاب على طول واحل تمرينات عليه ) المذاكره من البدايه طريقة العباقره طريقه من يريد ان يصبح عالم فى المستقبل
والسلام عليكم مع احترامى الشديد لك ولرايك

ميرسى ليك بس انا قراتها متاخر ازى

بجد شكرا ليك بس بالنسبه للي مذاكرش من اول السنه و الترم خلاص بيخلص و وراه حاجات كتيره ومش عارف يلمها يعمل ايه :d??

شكرا جزيلا

جزاك الله خير ربنا يباركلك ويوفقك ويوفقنا كلنا يارب

بجد شكرا ليك بس بالنسبه للي مذاكرش من اول السنه و الترم خلاص بيخلص و وراه حاجات كتيره ومش عارف يلمها يعمل ايه :d??
عليكى وعلى حل الامتحانات الكتير اوى وعلى فكره حل الامتحانات ليه فوائد كتيره اوى على الصحه النفسيه وعلى الحماس نفسه منها (بيزود الثقه فى النفس وبيزود المستوى فى المواد كلها يعنى لو انتى مستواكى فى ماده 50 % بعد حل ييجى 10 امتحانات فيها هيكون مستواكى 70% وهكذا بفضل الله طبعا

وبردو المراجعه والتلخيص لكل المواد ...المهم انك تكونى فاهمه كويس وحاطه افكار الماده فى دماغك كويس
ولو ماده حفظ تكونى فاهمه وحافظه كويس ومصوره الصفحه فى دماغك والاسئله مثلا حافظه اهم الكلمات فيها واوعى تنسى مفتاح الجمله من الكلمات والعناصر (يعنى اهم كلمه فى الجمله)

وبقولها تانى اتعودى على الحل (امتحانات سابقه) ولو سؤال مش عارفاه جيبيه للمستر ويفهمهولك وتكتبى حله ما يحلهولك علشان فى الامتحان هتلاقى اسئله جديده علشان متتفجئيش بتبقى اسئله سهله جدا بس فيها فكره بسيطه

لو عرفت موادكم بالظبط هقولكم اى نصيحه فيها بالتفصيل
لو خدت الماده دى قبل كده:)
والسلام عليكم وكالعاده اسف للاطاله

مرسي عالنصايح ده

بشكرك اووووووي على النصايح دي

جعلها الله في ميزان حسناتك


بس انا تبقى ليا شهر تقريبا وامتحانات الفترة الاخيرة في الثانوية العامة

وايام امتحانات الاشهر مذاكرتش غير للامتحاانات واتكروت عليا مواد كتير اوووي

ومليش نفس اذاكر خصوصا ان انا عايشة بالكويت وسمعت ان احنا ملناش نسب كبيرة وحاجات غريبة بالنسبة لتنسيقنا


فالواحد مش عارف يعمل ايه

وفي امتحانات قصيرة جاية ورى بعض وفي اجزاء كبيرة

اعمل ايه بالنسبة لحالتي ؟؟


بشكرك مرة اخرى اخي على مجهودك

دمت بخير

بسم الله الرحمن الرحيم
انتا عارف ان الوقت بيجرى،النهارده شوف بقى كام؟؟ يعنى ابتدا العد التنازلى للامتحان والساعه اتغيرت كمان..متخافش.. ولازم تحس بالمسئوليه فعلا علشان لما ييجى وقت الامتحان متخافش ابداً (دى ثقه)
وقبل ما تقرا معايا الكلام ده
لازم تشيل من دماغك اى فكره(سيئه) متفكرش فى يأس او تشاؤم او...<شلتهم من دماغك؟>متحاولش تفكر فى غير فى اللى هقوله
واحسبها كويس
وعيش معايا الاحاسيس دى
(اوعى تنسى==> متفكرش فى حاجه غير اللى هقولهولك).
علشان نقدر نذاكر لازم
نتابع بعض (اللى عنده مشكله يقولها ونفضفض)
واحنا كلنا نساعده ونحلها له(كده كلنا هنذاكر)
..لان احساسنا(الحماس) تجاه المذاكره بيتغير دايما
(وبيقل مع الوقت)
ولو نفسك تذاكر بجد اقرا النقاط دى وافتكرها كويس:
1/ طاعة الله..<اهم حاجه>تكون عايز ربنا يحبك ويديك على قدر حبك ليه (مش مجرد كلام لاء بالعمل)
والله لو جربت تصلى هتلاقى حياتك لذيذه جدا
(طالما انك بتصلى لما تفكر فى أخرتك وتكون عملت واجباتك هتلاقى نفسك سعيد ومش عايز حاجه تانيه )
مذاكرتك معمره بحب ربنا وثقته!!.. يااااااه لو حسيت بالاحساس ده


2/ اعرف اهدافك كويس <وفكر فيها دايما>..ترضى (ربك) لان دى مسئوليه ملزمه منك<هتتحاسب عليها>و(أهلك) اللى نفسهم تكون حاجه كويسه <متضحكش على نفسك.. انتا كده هتضيع مستقبلك بأيدك> وخليك ذكى ومتفائل انك هتكون زى حد انتا بتحبه ونفسك تكون زيه فى العلم (علشان بلدك اللى المفروض انك بتحبها)
والله مش صعبه بس خليك طموح مش هتخسر.


3/ لو عندك مشكله (نفسيه،اجتماعيه) الجأ لربنا واشكيله همك بجد وفضفض مع حد بترتاحله(صديقك) ..وحاول تمارس هوايتك وانتى مضايق )ارسم،ألف بيت شعر او حكمه مثلا) ومتفكرش في المشكله..كده هتتحل فى وقتها.
افتكر النصائح الصغيره دى كويس وحطها فى دماغك وكررها كل شويه:



* ثقتك بربك هتخليك سعيد من المذاكره واعرف كويس انك تقدر وانتا قدها فعلا.



* بص لاصحابك اللى جايبين (جيد جدا وامتياز) <واقعد معاهم واستفيد منهم> واعرف انك كان ممكن تكون واحد منهم...انت اكيد زعلان على نفسك <ولو مش زعلان هتحس فعلا بعد فوات الاوان> ولازم تقول بقوه (انا هكون متفوق زيهم)



* قول (البلد دى لازم لازم تتغير) وانا... هعمل اللى مطلوب منى
* احساسك (بالفخر والسعاده)<مش فخر على الناس!>
..وانتا بتذاكر وبتحضر محاضراتك كده هتحس ان ربنا بيحبك فعلا وهوا ده ( الانسان الراقى اخلاقيا)


* الوقت بيجرى والامتحانات بتقرب فأنت لازم تذاكر بجد واِلاا... ولازم افوووق
من اللى انا فيه (وعمرى ماهخاف طالما بذاكر)
واستغفر ربنا كتير<استغفر الله العظيم حقا> كده مش هتخاف من الامتحان


* وافتكر اقوال العلماء <وحاول تحس تعبو قد ايه>وتذكرالاقول دى كويس جدا
قال تعالى:<بسم الله الرحمن الرحيم>
(ان الله لا يضيع اجر من احسن عملا) <حس الايه دى بجد>
(ولا تيأسوا من روح الله إنه لا ييأس من روح الله إلا القوم الكافرون)
صدق الله العظيم < حقاً >
و(الفشل طريق النجاح) <بلاش يأس وحاول واصبر..هتوصل لهدفك>
(لا حياة مع الياس) لازم تكون متفائل
وهقولكم حاجه... كل ما بفضفض مع حد زيكم كده (وانا وبكتب الموضوع) حماسى تجاه المذاكره بيزيد اكتر
،هنكمل مع بعض وهنقول طرق للمذاكره وازاى نخلى مذاكرتنا فعاله ونصائح <مش نظريه> والخ....
نصائح مهمه جدا جدا:
1/ استغفر ربك كتير اوى لان ده اهم سبب يضيع الخوف ==> قول كل شويه (استغفر الله العظيم) وبأذن الله ربنا هيكرمنا
معلومه => لو حسيت بندم شديد بسبب تهاونت وكسلت فى صلاه او مذاكره يبقى انتا كده فعلا هتكون متفوق لانك هتحاول متتهاونش تانى ابدا
وادعى ربنا كتير انه يسهلك المذاكره ويوفقك وثق ان ربنا واقف معاك
واهم ما فى الموضوع ==>الحفاظ على طاعة الله
2/ لما تحس بملل قبل ما تذاكر وانك ==>(مليش نفس اذاكر) فكَر 3 دقايق مع نفسك فى ايام
الامتحانات< بتاعت الترم الاول ..فاكرها ؟ اوعى تقوللى لاء:d> افتكر الذكريات والمواقف (المضحه ،واللى أثرت فيك) و فكر فى اهدافك الحقيقية........
هتلاقى نفسك بتقول==>(لازم اذاكر علشان مقعش فى نفس الاخطاء اللى وقعت فيها ايام الامتحانات)
3/ ابقى اتفرج على د/ ابراهيم الفقى تنميه بشريه هيديك حماس شديد ومعلومات رهيبه
وفيه معلومه مهمه جدا:
انتا لو نظمت وقتك وضبطه على مواعيد الصلاه هتلاقى انك نشيط دايما (ده علميا) ويكون نظام يومك ماشى بحيث انك هتروح تصلى الفجر مثلا وترجع تذاكر وتفطر و..... وتروح تصلى الظهر وترجع بردو تذاكر و.....تصلى العصر و...
وهكذا (والله لو جربت هتلاقى نفسك من المتفوقين ده غير راحتك النفسيه)
على فكره اغلبية الطلبه ايام الامتحانات ماشيه على النظام ده <حقيقه>
وافتكر انك لازم تشد حيلك بجد ومفيش دلع.
ابتدى النهارده لو الجمعه صلَى الجمعه وارجع ذاكر هتلاقى نفسك فايق جدا اقرا شويه كده لغاية صلاة العصر ولو هتتغدا مثلا والخ.....
وربنا يوفقنا يا جماعه لان فعلا اكيد والمفروض ان كل الناس بتذاكر


(متنسوش اللى عنده مشكله يقولها)


وطبعا فيه مفاجئات جايه بفضل الله.
طريقة المذاكره الايام دى (مش عارف اذاكر) اضغط هنا وأقرا من غير ما تحرك الصفحه (http://www.shtegara.com/forums/showthread.php?40755-(الامتحانات-قربت-لازم-ازاكر-بجد)&p=812811#post812811).
استكمالا للموضوع والتأكيد على النقاط المهمه اضغط هنا بدون تحريك الصفحه (http://www.shtegara.com/forums/showthread.php?40755-الامتحانات-قربت(بذاكر-ومش-خايف)&p=817600#post817600)
نستكمل (هشام عفيفى)
اعرف هدفك ومشاكل المذاكره و.....هتعرف لما تقرا (اضغط هنا بدون تحريك الصفحه) (http://www.shtegara.com/forums/showthread.php?40755-الامتحانات-قربت(بذاكر-ومش-خايف)&p=820052#post820052)



مقاطع فيديو مهمه جدا قبل ما تبدأ تذاكر وهتفيدك الايام دى اضغط هنا بدون تحريك الصفحه. (http://www.shtegara.com/forums/showthread.php?40755-الامتحانات-قربت(بذاكر-ومش-خايف)&p=815749#post815749)




والموضوع الاصلى الرابط ده اضغط هنا (استفيد بالمعلومات الشيقه) (http://www.thanwya.com/vb/showthread.php?p=2021641)
والسلام عليكم ورحمة الله وبركاته

بشكرك اووووووي على النصايح دي

جعلها الله في ميزان حسناتك


بس انا تبقى ليا شهر تقريبا وامتحانات الفترة الاخيرة في الثانوية العامة

وايام امتحانات الاشهر مذاكرتش غير للامتحاانات واتكروت عليا مواد كتير اوووي

ومليش نفس اذاكر خصوصا ان انا عايشة بالكويت وسمعت ان احنا ملناش نسب كبيرة وحاجات غريبة بالنسبة لتنسيقنا


فالواحد مش عارف يعمل ايه

وفي امتحانات قصيرة جاية ورى بعض وفي اجزاء كبيرة

اعمل ايه بالنسبة لحالتي ؟؟


بشكرك مرة اخرى اخي على مجهودك

دمت بخير
استعينى بالله واستعينى بالصبر والصلاه ده فى البدايه
حلى امتحانات كتيره وتحلى اسئله علشان خلاص الوقت بيجرى
وهتلاقى نفسك ليكى نفس انك تحلى الامتحانات لانك عايزه تنجزيها
وانتى لازم تحسى بالمسئوليه من خلال ال20 سؤال اللى كل واحد بيسئئلهم لنفسه هنزلهم فى الموضوع ده
وبالتوفيقان شاء الله

20 سؤال يجب ان تسالهم لنفسك و(اصل الشر والخير تحفيز للمذاكره) وتكمله المتابعه للموضوع
بسم الله الرحمن الرحيم
يجب ان تفهم جيدا وتفكر كويس فى اللى انا هقولهولك ده وتحاول تحس معايا الاحاسيس دى بجد.
وقبل ما تقرا اى موضوع زى كده لازم تضع فى دماعك حاجه واحده انك هتقتنع باقل كلام يشجعك وتشيل من دماغك الافكار السيئه
اولا: اسأل نفسك الاسئله دى وحاول انك تجاوب نفسك وتصارح نفسك؟

1/ ليه انا مش بذاكر؟!!

2/ لحد امتى هكون طالب فاشل او مش بذاكر؟!!

3/ هوا انا ليه مفكرش انى اكون زى الطلبه العباقره والطلبه المتفوقين واكون زيهم فعلا او اكون عالم او مبتكر مثلا ؟!!

4/ ليه انا مش عارف مصلحتى كويس ومش بحس انى ملزم بأى مسئوليه و انى هتسأل يوم القيامه عن نفسى (جسمى ،عمرى،......) وانى هتسأل على علمى عملت بيه ايه؟!!

5/ هو على حالى ده ربنا راضى عنى؟!!

6/ هوا الطلبة اللى بيذاكرو دول بيستفادو ايه؟!!

7/ لحد امتى هيكون الناس تفكيرهم رجعى ومش عارفين مصلحتهم كويس؟!!


8/ هوا امتى البلد دى هتتقدم بينا؟!!!!!

9/ ليه مقولش مصر المباركه الطيبه وفيها علماء زينا مثلا واحنا اللى هننهض بيها؟!!

10/ هوا انا مش ممكن بمذاكرتى اكون زى العلماء دول؟!!

11/ هما العلماء دول ناس حمقا او اغبياء لانهم اختارو فعل الخير واختارو انهم يساعدو بلدهم ويساعدونا شخصيا عشان نعمل حاجه كويسه نشرف بيها بلدنا؟!!


12/ هوا انا ليه احساسى تجاه المذاكره بيقل دايما وتجاه الحاجه الكويسه بيكون اتجاهى مفيش حماس قوى؟!!

13/ وليه انا لما بذاكر كويس وحماسى يكون قوى بيضعف تانى؟!!

14/ هوا عمل الخير دلوقتى بقى حماقه ......ولا الانسان هوا اللى جاهل.. ولا ايه السبب؟!

15/ طب وليه مبقاش صريح مع نفسى دايما وصريح مع ربى ويكون احساس الصراحه حقيقى تجاه كل امور حياتى وحتى تجاه المذاكره ؟!!

16/ وهل من حماقة الانسان ان يفعل الخير ويترك الشر... او يفعل الشر ويترك الخير (مثل ترك الصلاه)؟!!

17/ ليه محسش كويس جدا بمحبة ربنا ليا او محبتى ليه؟!!

18/ ليه مش حاسس كويس بالمسئولية اللى عليا من (بلدى وربى واهلى) اللى حقهم عليا والمطلوب منى
تجاههم ؟!!

19/ ليه ميكونش ليا دعوه بالافكار الشيطانيه اللى بتسبب دمار للفرد والبلد؟!! (فكر كويس فى دى!!)

20/ وده اخر سؤال لازم اسئلو كويس لنفسى وكل شويه يتكرر جوايا وهوا
(ليييييييه انا مصمم انى اكون احمق او غبى ومش بفهم اللى المفروض اعمله ومش بستوعب الاسئله دى كويس؟!!!!!)
اسف جدا على اللفظ ده بس مضطر لكده علشان نعرف كويس احنا بقينا فين بسبب تخلفنا وعدم تقدمنا امام العالم والعالم كله بيتقدم حولينا واحنا لسه زى ما احنا (بلاش اغلط تانى).

ودى معلومه او موضوع مهم هقوله علشان يزود حماسك على المذاكره (ومن خلاله هجاوب اجابه دقيقه على بعض الاسئله السابقه)

من السؤال رقم 16 نستنتج ان:

(المذاكره مثل الصلاه) ازاى؟!!
احساس قبل المذاكره نفس احساس ما قبل الصلاه ازاى؟ لو قارنت بين حماسك قبل ما تصلى اصلا ويكون الشيطان متربصلك وعاي يسيطر عليك بكلامه ويقولك مثلا متصليش ويقعد حط فى دماغك افكار غريبه وانتا بتقنع نفسك وتصدقها!!!!!!.اما لو انتا بتحب ربنا حقا ونفسك تكون فى الجنه ومتشوفش النار خالص وبتحب الصلاه مش بتصلى اجبار او كده اكييد هتصلى وهتتقن فيها ومش هتسمع للشيطان اصلا.

نفس الحال فى المذاكره، والله هتلاقى الشيطان عمال بيصورلك حجج و افكار ملهاش لزمه ويفكرلك فى اى طريقه علشان يغلبك بيها ويخليك متعملش الطاعه دى (المذاكره يعنى).

طب نشوف اصل الحكايه من الحكمه الالهيه من حديث وتحدى الشيطان لله سبحانه وتعالى:

قَالَ فَبِعِزَّتِكَ لَأُغْوِيَنَّهُمْ أَجْمَعِينَ (٨٢) إِلَّا عِبَادَكَ مِنْهُمُ الْمُخْلَصِينَ (٨٣) قَالَ فَالْحَقُّ وَالْحَقَّ أَقُولُ (٨٤) لَأَمْلَأَنَّ جَهَنَّمَ مِنْكَ وَمِمَّنْ تَبِعَكَ مِنْهُمْ أَجْمَعِينَ (٨٥) قُلْ مَا أَسْأَلُكُمْ عَلَيْهِ مِنْ أَجْرٍ وَمَا أَنَا مِنَ الْمُتَكَلِّفِينَ (٨٦) إِنْ هُوَ إِلَّا ذِكْرٌ لِلْعَالَمِينَ (٨٧) وَلَتَعْلَمُنَّ نَبَأَهُ بَعْدَ حِينٍ (٨٨) صدق الله العظيم سورة (ص)ولو شوفنا التفسير هنفهم القصه صح

نجد ان الشيطان بيحلف بعزة ربنا انه هيخلى البشر كلهم يسمعو كلامه ويتبعوه بغير الحق بمعنى (يغويهم)
ونعرف الشيطان كده واثق من نفسه اوى وثقه قويه لانه حلف بعزة ربنا وانه بردو ما كنش قليل لان كان طاووس الملائكه لانه كان اعلم واحد فيهم ،بس بردو قال الا عبادك المخلصين يعنى مش هيغوى الكل يعنى مهما كان ثقته بنفسه قويه مش هتكون اقوى من ارادة خالق العزه والفخر،وان الخير هوا اللى هيكون فى النهايه وطالما ان الخير بنتصر على الشيطان والقوه والحكمه الالهيه اقوى منه وهى الحق والخير وهم موجودين فى الدنيا

اذاً لازم ننتصر على الشيطان ونسيطر احنا عليه بخيرنا وحقنا فى ذلك وعشان ونذاكر صح ومنسمعش كلام الشيطان خالص لكى نكون احنا (عباد الله المخلصين).وان يكون تذكر لايات الحق ذى ما ربنا قال انها تذكره للعالمين واننا هنشوف فعلا ان الخير سينتصر والله سينتصر فى النهايه ولا ننسى ان الشيطان سيقول ( إني بريء منك إني أخاف الله رب العالمين)

فلازم تكون ذكى وتذاكر وتتفوق علشان تغلب الشيطان بالحق(اللى هوا فى المذاكره والصلاه) وتمسك الكتاب فى الحال وتقرا ولو مجرد قرايه بس علشان تتعود وتضرب مفعول الشيطان وتتغلب عليه وتقرا وبعد شويه تبقى تذاكر بجد
وبجد يا جماعه اللى مش هيفهم فكرة الموضوع ده يحتاج الى دروس متخصصه فى
(الدين،التنميه البشريه والصفات الاساسيه زى الحق والحكمه والثقه والمسئوليه ويعرف اصلهم كويس وهكذا)
ونتمنى ان فكرة الموضوع الناس كلها تفهمها كويس

نكمل منع بعض:

وبعد ما حماسك زاد تجاه المذاكره احب اقولك حاجات تعملها هتفيدك اوى (كلام عملى ومجربينه)
1/ امسك الكتاب على طول من غير ما تنوى انك تذاكر(فاكر ايام الامتحانات لما كلنا ملحقناش نذاكر) لو نويت وقولت ربنا يسهل الشيطان هيلعب دوره
اقرا فى الكتاب (من اول ما اخدت فى المحاضره لغاية ما انتهيت وتكون عامل علامه فى كشكولك وعارف رقم الصفح)
2/ افتكر فى وقتها ال20 سؤال واهدافك من المذاكره علشان متملش من المذاكره
استعين بالله واستغفر ربك وابتدى اقرأ (قراءه سريعه ولكن بفهم كانك بتقرا مجلة) طب انهى ماده هذاكرها كده هقولك
(القانون والاقتصاد) هتذاكرهم بطريقة المسح والتكرار
3/ لو فيه نقطه او جمله او كلمه مش فاهمها سيبها على طول ومتخافش هتفهمها والله بعدين لما تدخل فى الكتاب
(متنساش انك بتقرأ محاضره كامله من الكتاب يعنى 30 صفحه مثلا) اكتب الكلمات والعناصر المهمه ورتتب افكار المحاضره فى دماغك او (تلتزم بطريقه من الطرق العامه)
4/ لو لقيت نفسك بتمٌل كمل قراءه وحط فى دماغك (وتقول ياااه ده انا قربت اخلص) وهتكون خلصت ييجى خمس الكتاب او ربعه وبردو تقول (ده انا بذاكر من الكتاب ده المذاكره من الكتاب دى بتاعت الناس المتفوقه) وانا زيهم
ولو لقيت نفسك تعبت من المذاكره (هتعمل الطريقة بتاعت عدم الملل بتاعت الطالب العبقرى (السجود)) وبعدها هتكون نشيط وترجع تكمل تانى
5/ وهات ملازم وذاكر منها وافه منها وعلى فكره الكتاب فى القانون والاقتصاد لذيذ جدا وسهل
اما بالنسبة للأكونتنج والبيزنس هات ملازم (من اى مكان ترتاحله) وذاكر فيها

الفيديو ده و باقى الاجزاء بتاعته لدكتور التنمية البشرية/ابراهيم الفقى
http://www.youtube.com/watch?v=vAQcLnvROag (http://www.youtube.com/watch?v=vAQcLnvROag)
هيخليكم تعرفو قيمة الوقت ويخليك تنشط من مهاراتك وتقوى قرائتك

بص للصوره دى واحلم معاها ومتخليش سبب يوقفلك حلمك ده

حذف اللينك بواسطة الادارة

انظر لذلك العالم العبقرى احمد حسن زويل .....ايه السبب اننا منبقاش زيه او ربعه حتى
والله نقدر بس نغير من نفسنا الاول
تكملة الموضوع: ده حوار مع اخت (قلقانه لان الامتحانات قربت)
اولا عايز اقولك متخافيش ان ش الله تقدرى تلمى المواد
القانون: (اقرى من الكتاب اللى تقدرى عليه وتكتبى العناصر والكلمات المهمه فى ورقه وبعد كده تبقى تراجعى عليهم(هتكونى فهمتى وحفظتى كمان)
الاقتصاد:اقرى بردو نفس الكلام اللى عملتيه فى القانون ورتبى افكار الماده وعناصرها فى دماغك زى القانون
محاسبة الشركات: هاتى ملزمه (شمس او الحرم)او التطبيقات وحلى كتير وشوفى الاجابه واتعودى تحلى لوحدك بالورقه والقلم
الاكونتنج :حلى عليها كتير واحفظى الكلمات اللى بتتكرر معاكى(ملازم اكيييد)
البيزنس: دى عايزه حفظ كتير بواسطه الكلمات والجل اللى بتتكرر معاكى هتتحفظ اكيييييد
وياريت تشرفينى فى (الامتانات قربت لازم ازاكر بجد) فيه نصائح كويسه علشان الخوف من الامتات والثقه وهيفيدك جامد براحتك النفسيه والصحيه والخ
الاكونتنج:مينفعش المواد العملى تتذاكر من الكتاب (تتذاكر من ملازم شرح) وتتفهم ويتحل عليها كتير علشان نتعود
نقلتلكم الصحه الغذائيه هنا (ايام الامتحانات قربت)
(عشان محدش يقول التويك كبير فاهمين هههه)
نكمل يا اصدقائى (ده لو هيضايكم ههه):


هناك اغذية تساعد الابناء وتمدهم بالطاقة ففى هذة الفترة يعانى يعانى الطلبة من بعض الحالات المتضاربة :
(ارق؛تعب مزمن؛صداع مستمر؛وقد يعانى بعض الطلبة من الضعف العام والاكتئاب)
وقد ثبت ان اتباع نظام غذائى متوازن لة اهمية خاصة جداا ؛فالغذاء الذى يحتوى علىكمية جيدة من النشويات والفواكة والخضراوات يوفر الطاقة التى يحتاجها الجسم فى هذة الفترة وتناول كمية مناسبة من البروتين مهم جداا لغذاء المخ وقد ينصح بعض الاطباء الاخصائيين باخذ مكملات من فيتامين b12 بالاضافة الى فيتامين c؛a والحديد والزنك لعلاج التعب المزمن لكى يبقى اتباع نظام غذائى متوازن خيار افضل من تناول هذة الاقراص المكملة ؛فبقليل من النظام سواء فى النوم او الرياضة او الغذاء يستطيع الطالب الحصول على التركيز المنشود لمعاوانتة على المذاكرة.
اليك هذة التغذية والمشروبات المفيدة فى هذة الفترة من العام:
*اولا : التغذية:
1_تناول طعاما متوازناا 50%منة اطعكة نيئة وعصائر طازجة.
2_يجب ان يكون معظم طعامك من الفواكة والحبوب والخضراوات الكاملة.
3_تناول بانتظام منتجات الالبان الحامضة مثل الزبادى واللبن الرائب للتغلب على الاجهاد المزمن.
4_تناول الكثير من الماء على الاقل 8 اكواب يوميا بمعدل كوب ماء كل ساعتين او تلات ساعات بالنهار.
5_الاستحمام بمام بارد بشكل منتظم قد يحسن اعراض الاجهاد المزمن ومع ذلك فالمصابون بامراض القلب والجهاز الدورى او اى مشاكل صحية خطيرة يجب عدم استخدام الماء البارد الا بعد استشارة الطبيب.
6:تناول قدراا قليلا من الحوم الحمراء.
7:زاول التدريبات والرياضة بانتظام(فالجسم السليم فى العقل السليم).
8:احرص على النوم واخذ الراحة الكافية للمساعدة على التكيز.
9:تناول السبانخ والطماطم فهذة الاطعمة تحتوى على الثيرامين الذى يزيد من افراز مواد تحفز المخ ويتحسن ان يكون وقت تناولها بعيدااا عن وقت النوم.
10:ابتعد عن الاطعمة المقلية والمملحة والمعباة والسكر والدقيق الابيض.
ثانياا:المشروبات:
1:الكركدية يعتبر منبهاا للاعصاب كما يفيد فى حالات البرد والوقاية منهاونظراا لوجود نسبةعالية من املاح اكسالات الكالسيوم فانة يعتبر شراابا غير مناسب لامراض الكلى كما يستحسن عدم تناولة فى حالة ضغط الدم النخفض.
2:العرقسوس وترجع قيمتة الغذائية لاحتوائة على نسبة عالية من النشويات والسكريات وعلى بعض الاملاح وهذة تمد الجسم ببعض احتياجاتة من السكر والنشا التى تفيد فى فى عمليات الاحتراق الازمة للمجهود الجسمانى لكن ينصح بالقلال من استخدامة او الامتناع نهائياا عن شربة فى حالة ارتفاع ضغط الدم ومرضى القلب والذين يعانون من امراض السمنة.
3:التمر الهندى ويؤخذ نصف كوب بعد الاكل .
4:الزنجبيل وهو مفيد جداا للمخ والاعصاب .
5:الشاى ويتحب الشاى الاخضر حيث ان الشاى الاحمر يحتوى على نسبة عالية من الكافيين وحمض التينيك وباضافة قليل من اللبن الحليب علية يترسب حمض التييك الذى يسبب الامساك ويتحسن عدم غلى الشاى بل ينقع فى الماء المغلى لمدة 3 دقائق فقط حيث ان الغليان يفرز مافى الشاى من مواد قد تكون مضرة.
الصحه الغذائيه منقوووووووول
ولو حصل معاك مشكله قولها واحنا متابعين (انتظرو لقاء اخر)
والسلام عليكم

طب انا اعمل ايه المنهج صعب وخايفة جدا من الامتحان وخصوصا الرياضة محدش يعرف يجيب نموذج من امتحان الرياضة لو سمحتو

طب انا اعمل ايه المنهج صعب وخايفة جدا من الامتحان وخصوصا الرياضة محدش يعرف يجيب نموذج من امتحان الرياضة لو سمحتو

يسعدني اني اكون اول من يرد وشكرا علي المجهود:)

شكرا علي المجهود

مشكور الموضوع مفيد جدا بس انا عندى مشكله ومش عرفه احلها ياريت تسعدونىانا ديما ماما بتزعق علطول وانا بزهق بسرعه علشان كده انا مبعرفش اذاكر ياريت تسعدونى وانا فى 2 ثانوى مشكور

رووووووووووووووووووووووعه رووووووووووووووووووعه روووووووووووووووووووووووووعه بجد ده الي بدور عليه بقالي اكتر من شهر بجد بجد بجد تسلم ايدك يا رب وربنا يوفقك ويسرلك حياتك ياااااااااااا رب ^_____________^ كده حلتلي ازمه من ازمات حياتي ربنا يسهل واعدي الثانويه العامه دي ع خير بجد شكرا ليك ^______^

جزاك الله خيرا

رررررررررررررررررررررراااااااااااااااااااااااائئئئ ئئئئئئئئئئئئئئئئئئععععععععععععععععععع

جزاك الله خيرا

شكرا ليك بجد كلامك ممتع الصراحه بس هينفع ترد عليا انا بذاكر وكل حاجة بس ساعات بنسي وساعات بمل وانا شهادة ثانوية ازهرية اعمل ايه ؟؟؟؟

انا عندي مشكله
انا لما اجي اعمل جدول للمذاكره مبعرفش امشي عليه
و تركيزي بيتشتت بسرعه و مش عارفه اعمل ايه

خلي ديما ثقتك في نفسك كبيرة :]

ربنا معانا :022yb4::022yb4::022yb4: