في البداية أحب أقولكم إن ديه من المرات القليلة جداً إللي بقول فيها إن الموضوع مش منقول :D

المهم

دلوقتي عاوز أناقشكم في موضوع شاغلني جداً من فترة طويلة

هل المنتديات بتقتل الموهبة؟ :unsure:
لما تدخل أي منتدى بغض النظر عن منتدى الثانوية العامة أو غيره
بتلاقي موضوعات كتيرة جداً منقولة
لدرجة إن فيه منتدى منع أي نقل وفتح قسم خاص بس كده بالمواضيع المنقولة :ph34r:
لأنها كترت جداً
هاه وبعدين عاوز تقول إيه؟
استنى عليا بس
أكتر من مرة بنزل موضوع ولا حاجة
وبحاول أنتقي أفضل المواضيع المتوفرة قدامي
عشان أجيبها المنتدى
ويكون أسلوب الكاتب ما فيش بعد كده
وبلاقي التفاعل قليل أو الردود مش ولابد
المفروض إن أنا كنت بنزل المواضيع ديه نوع من أنواع التيست أو الاختبار
إيه إللي هيحصل مع المواضيع ديه؟ ;)
يا ترى هتلاقي إقبال كبير؟
يا ترى إيه ردة فعل أعضاء المنتدى :P
ثم فيه حاجة تانية قبل ما أكمل الموضوع
بصراحة حاجة بايخة أوي يعني إن كل لما آجي أناقش موضوع أفوت على مشاكل المنتدى <_<
المفروض المشاكل ديه خلصت من زمان
المفروض فيه موضوعات مهمة نتبادل فيها آراءنا وبدون تعصب :ph34r: كل واحد لرأيه

يعني في الفلسفة بيقولك
كل فيلسوف بيطلع وجهة نظر فلسفية
بيؤيد وجهة نظره بالأدلة المختلفة العقلية والمنطقية والمادية إن أمكن
رغم ابتعاد الفلاسفة خصوصاً عن الأدلة المادية
المهم ممكن يطلع واحد فيلسوف تاني ويطلع وجهة نظر في نفس المبحث وتكون مخالفة تماماً له
ويجيب أدلة على كلامه برضه
وبصراحة مش بنشوف الفلاسفة دول بيمسكوا في تلابيب بعض ويتخانقوا ويسبوا بعض
إلا الحثالة منهم :blink:
فمش المفروض إنك تقول رأيك عشان الكل يقتنع بيه
المفروض إنت بتعرض رأيك وبتؤيده بكل ما تملك من قوة
لو حد حاب يناقشك عشان يغير وجهة نظرك أهلاً وسهلاً
لكن تفضل طول الوقت بس متمسك برايك والباقيين _لا مؤاخذة_ يتحرقوا بجاز
تبقى غلطان

كل المؤسسات المحترمة بيكون ليها شعار بتحاول تنفذوه وبتمشي عليه
شعار قناة الجزيرة وباعتراف الجميع هي أفضل القنوات الإخبارية العربية إطلاقاً حتى الآن
شعارها
الرأي والرأي الآخر
والقناة على الحياد
مش عارف أنا بقول الكلام ده ليه دلوقتي
خلونا في موضوعنا
هل بتعتقد إن المنتديات بتقتل الموهبة؟ :(
يعني لو رحنا لقسم فلاسفة تحت التمرين
هنلاقي يمكن 99.99% منقول
طبعاً باتباع نظرية إسلام إن الواحد من مية في المية ده بيفرق جامد
فهتلاقي إن النسبة ديه تقريباً مظبوطة :D
هل ده معناه إن ما فيش حد من المنتدى أبداً قادر على كتابة مواضيع فلسفية؟
أو ما حدش عنده وجهة نظر خاصة بموضوع ما يقدر يكتب عنها بأسلوبه؟
لأ أكيد فيه
طب ليه مش بيكتبوا؟
هوه ده السؤال

هل المنتديات بتقتل الإبداع؟
يعني من حيث إن المواضيع معظمها منقولة
ومن حيث إن فيه أعضاء معينين هما إللي بيكتبوا
والباقي صمت بكت كل مهمتهم يتابعوهم أو ينقلوا مواضيعهم إللي عجبتهم
أو يردوا عليهم بمواضيع منقولة
لما تلاقي واحد عمل بحث مفصل عن برج دبي
تجري بسرعة وتروح ناقل موضوعه
ليه إنت مش اللي تعمل البحث ده؟
الموضوع أبسط مما يمكن
ليه مثلاً ما نلاقيش حد عمل بحث عن شخصية معينة ليها تأثيرها في التاريخ عامة
أو في التاريخ المصري على وجهة الخصوص
زي ما جامبو عمل عن مصر
وبصراحة أبدع موضوع عن مصر غاية في الروعة

وكان فيه واحد عمل قاموس أو معجم للفلاسفة
ليه الموضوع ده ما كانش هوه يعملوه بدل ما ينقلوه
وعلى فكرة الموضوع لما يكون مش منقول بيكتسب قيمة أكبر صدقوني B)
نرجع لموضوعنا هل المنتديات بتقتل الموهبة والإبداع؟
أو من حيث مثلاً الاستسهال
الأسهل إني أنقل موضوع من إني أكتب موضوع
أو من ناحية الكسل
أنا لسه هبحث او هدور؟
أو الخوف من ردود الفعل
سواء كان الخوف من انعدامها أو الخوف من صلابتها وحدتها إن كان الموضوع مخالفاً بشكل ما لأحد الأعراف
زي الموضوع إللي نزلوه يوري عن الشذوذ الجنسي في مصر :o

هاه لسه السؤال مطروح
هل المنتديات بتقتل الموهبة أو الإبداع داخل الإنسان؟
ثم أنا عاوز أقول حاجة قبل ما أقفل الموضوع
مش حاجة ظريفة خالص ولا يعتبر موضوع إني أسيب السؤال وأمشي عشان أسيبكم تعرضوا رأيكم
لازم يكون فيه موضوع وأعرض بعض من حيثياته والمحيطات بيه
عشان يبقى عندكم نقاط محددة تتناقشوا فيها
مش أسيب سؤال وأمشي
هاه هل المنتديات تقتل الموهبة أو الإبداع داخل الإنسان؟
بصراحة أنا لو دخلت موضوع ولقيتوه بالطريقة ديه
يعني السؤال بس هوه اللي موجود من غير اي موضوع خالص
يا إما هرد بآه أو لأ
يا إما هرد رد مقتضب
صاحب الموضوع ما احترمش عقليتي ونزل موضوع بيسأل عن رأيي من غير هوه ما يبذل أي مجهود

خلونا نرجع لموضوعنا تاني
كمان نقطة
هل انتشار الألعاب أو وجود بديل للحوار الجاد والبديل ده قوي وجذاب
هل ده برضه بيخلي الواحد يقضي وقته ومش يفكر إنه يبدع أصلاً أو يظهر موهبته
لأنه بيقضي وقته في حاجة تانية
لو أنا عارف كل الأسباب إللي ممكن تكون سبب في قتل الموهبة أو الإبداع داخل المنتديات
ببساطة ما كنتش فتحت الموضوع للنقاش
أكيد فيه أسباب تانية ممكن تكون سبب للحكاية ديه

ثم إن سؤال الموضوع مش
ما هي الأسباب التي تقتل الإبداع والموهبة داخل المنتديات ؟
لأ سؤاله أصلاً هل المنتديات فعلاً بتقتل الموهبة
لو آه طب هل فيه أسباب تانية غير المذكورة؟
لو لأ طب وردك إيه على المكتوب فوق ده؟

الموضوع قدامكم مفتوح للنقاش قدامك شوية اختيارات على طريقة خالد الجن

1- ممكن تسيب رد تشكرني ع الموضوع وتمشي
ديه خاصية الرد
لأ مش الرد السريع
الرد الباهت

2- وكمان ممكن تمشي من غير ما تسيبش رد خالص
يبقى ريحتني وريحت دماغك

3- أما الأغلبية العظمى من الأعضاء
هتشوف الموضوع بالطول ده هتاخدها من قاصرها وتمشي
أو تقول هبقى أقراه بعدين
ولا هتقرا ولا هتعمل :lol:
شكراً ع دخلوكم الموضوع
:D
بانتظار التعليقات
ورجاء تثبيت الموضوع ليحصل على حقه من النقاش

صح الكلام ده مش عارفه ايه لازمة الواحد
ينقل موضوع والله لو كتبه بايده هيبقا افضل
انت ممكن تنقل بس من افكارك اكتب اللي انت عاوز توصله
مش مهم الاسلوب او الطريقه الاهم الهدف
وشكرااااا لصاحب الموضوع
اسنو انا لسه مش قلت راي
هقوله بعد مااسمع رايكم
الموضوع فعلا يجب ان يثبت

ياعم الموضوع ده كبير اوى لو ينفع تلخصه فى كام نقطه كده .. يبقى احسن

شكراً للدعم بخصوص التثبيت الموت الأخير وبانتظار رأيك :)

شكراً لمرورك منص
والموضوع باختصار هل المنتديات بتقتل الموهبة والإبداع ولا لأ؟
تقدر تناقش الموضوع من غير ما تقراه
لأن الموضوع ده عبارة عن حيثيات وأفكار مش أكتر
يهمني رأيك هل المنتديات بتقتل الإبداع وبتفقد الموهبة رونقها ولا لأ؟
لو عاوز تعرف إيه إللي خلاني أفكر في سؤال زي ده
تتفضل تقرا الموضوع :D
بانتظار ردك

انا شايف ان المنتديات مهمه جدا جدا
اقولك ليه بقى
مواقع النت المنتميه لاى حجاه دين , رياضه , فن
بتعرض وجهة نظر من اتجاه واحد يعنى مفيش راى وراى اخر
م الاخر اهم حاجه فى المنتدى حكاية تنوع الاراء
وانا بعترف بحاجات كتير مكنتش اعرفها وعرفتها فى المنتديات
......
اما بخصوص المواضيع المنقوله ف انا صراحه بكرها كره العمى
الا لو كان موضوع مفيد
مش تروح تاخد حق غيرك وتنشره حتى من غير كلمة منقول

انا متفق معاك جداً في اهمية المنتديات
ومتفق معاك اكتر في جزئية الحفاظ على حقوق الكاتب
السؤال هنا
ليه يكون النقل بين المنتديات هو الاساس؟
ليه كل واحد عنده فكرة عاوز يتكلم عنها
يروح ينقل موضوع
ليه مش يكتبوه هوه بنفسه؟
وهل كثرة النقل او اعتماد فرد ما على النقل بشكل رئيسي
يقتل داخله الموهبة؟
وهل المنتديات بتساعد على هذا الموضوع؟

انا احيك ع الموضوع ده
فعلا يستحق النقاش و التثبيت
المفروض ان المنتديات تنشط المواهب
و لا تقتلها لانها ميدان لتبادل الاراء و الافكار
و انا بعتبر ان الرد على اى موضوع حتى لو كان منقول
بينشط افكار
يعنى دلوقتى و انا برد بفكر هقول ايه و
و فى ناس عندها التفكير ده بجد موهبة لازم كلنا نميها و كمان فن الرد
و التعليق
يعنى مش الابداع بس فى كتابة موضوع لاء الرد و التعليق و توصيل الفكرة و ابداء الراى
و قبول الراى الاخر و تحريك دفة النقاش
كل ده ابداع
اتمنى انك تكون فاهم قصدى و اكون عرفت اوصل فكرتى
سلام
معلش طولت فى الرد

الفكرة وصلت وشكراً ع المرور والدعم لتثبيت
يا رب المشرفين يستجيبوا والأعضاء برضه يعني
المشرفين يستجيبوا للتثبيت
والأعضاء يستجيبوا ويردوا ع الموضوع
وبالفعل الرد الكامل على الموضوع (إللي هوه مش الرد الباهت زي شكرا وجزاك الله خيراً وننتظر جديدك وموضوعك جنان)
أكيد بينشط العقل
إنما الأشياء المحفوظة لا تجعل المخ يقوم بأي نوع من أنواع النشاط
بانتظار باقي المناقشات
:)

انا هعلق علي الجزء الاول من الكلام انا شايف ان نقل الموضوعات بيساهم في نشر المعلومه مثلا او الموضوع المفيد واظن انك يا اخي صلاح مش هتزعل لو حد نقل الموضوع بتاعك علشان الناس تستفاد بيه واظن انك مش هتكون زعلان خالص تمام

ايوة النقطة يا نور مش في النقل
عادي
طب ما انا لما بتكلم ممكن اثبت كلامي بمقولة شهيرة لاحد العظماء مثلاً
لكن ان كلامي كله يكون مقتبس؟
يبقى انا ما جبتش حاجة من عندي
أو إن النقل يكون هو الأساس؟
تبقى الموهبة بتضمحل يوم عن يوم
بتتناقص
والعلم اثبت ان الانسان موهوب بالفطرة
والانسان اللي بيظهر اكثر موهبة من الاخرين كل اللي عملوه انه نمى موهبته
لما بدل ما نكتب المواضيع احنا ونعرض افكارنا نقعد ننقل
ايه الموهبة في كده؟
إن لم تكن في زيادة فأنت في نقصان
لو مش كل يوم والتاني هتحاول تنمي موهبتك ايا كانت الموهبة ديه هتنتهي
وشكراً يا عم ع المرور
الموضوع نور يا نور
:D

شكرا يا حبيبي ربنا يعلم مقدار حبي لك وللمنتدي كله انا باين اتجننت ولا ايه


بس اانا ليا تعقيب انا قلت اني مقراتش الموضوع كله هههها خلي بالك بااااااي حبيي


نور

لخامس مرة بكتب
ولا يهمك يا باشا
برضه منور الموضوع
:D

ربنا يخليك وميرسي علي زوقك جدا بجد

<div align="center">موضوع متميز كالعادة يأبو صلاح
مش عارف يمكن راى غلط يمكن صح يمكن فيه شى من الغلط والصح
بس أنا مقتنع بيه لغاية حد ما يجى حد يقنعنى بالعكس
يمكن اللى بيقلل الابداع والمواهب فى المنتدى عمتا
اننا كا طلاب صحيح مش رواد المنتدى من اعضاء وشرفين وبعض الادارين بيكونه طلاب
ممكن اللى بيقلل ابدعهم او يلغيه
انه طالب فاهم يعنى ايه ؟
يعنى مثلا انا ياعم هوجع دماغى ليه وأفكر اعمل موضوع ما اخد موضوع copy & past واريح دماغى
هو انا هفكر انزل موضوع ولا هفكر فى مستقبلى ودروسى
الوقت اللى هخده فى التفكير فى عمل بحث فى موضوع
طيب منقل واحد جاهز وخلاص والوقت اللى كان هيضيع يضيع جوه كتاب فيزياء ولا كيمياء
صح ولا انا غلطان يمكن انا غلطان بس دى وجهة نظر
على العموم اللى انا شيفه ان قلة الردود فى موضوع او عدم الرد من أساسه لاتقلل من شان موضوع
لان فيه موضيع متميزه جدااااا لاتجد عليها اى رد
وإن صاحب الموضوع ممكن يصاب بالاحباط من ضياع مجهوده على موضوع لم يقراء ولن يقراء
موضوعك مهم يا ابوصلاح ومن احلى الموضيع اللى قرتها فى اخر اسبوعين
على العموم انا ليا عوده تانيه إن شاء الله داخل الموضوع
ومتابع
وهنشوف ايه حكاي</div>

جزاك الله خيرا فعلا موضوع مهم
و الله انا برضة كنت بفكر فى الموضوع دة كتير
هى المنتديات مش بتقتل المواهب لا بالعكس دى فعلا بتمنى المواهب وفعلا بنستفيد منها كتير
بس فعلا حكاية نقل المواضيع دى ::
لما تكون زيادة اوى بتبقى فعلا حاجة مملة
بس فية ساعات مواضيع بتستحق النقل فعلا
بس فعلا لازم منعتمدش على نقل المواضيع بس
لان لما بتعمل موضوع بنفسك وتلاقى فية تفاعل من الاعضاء او تحس انك افدت حد
بيبقى احسن من مليون موضوع منقول

هقوللك بيتين الفتهم دلوقتى لغاية ما ارد رد انضف نسبيا

واذا ما كتبت موضوعا ....فان الكل علـــيك باصــــق
فخير لك دون البصاق...ان تقص المواضيع و تلصق

:D
ثم انى معترض على التثبيت
في الاستفتاء
تثبيت باطل :P
لى عودة

<div class='quotetop'>إقتباس(The_Relativistic200 @ Mar 15 2007, 11:28 PM) 283583</div>


:D
ثم انى معترض على التثبيت
في الاستفتاء
تثبيت باطل :P
لى عودة
[/b]

جواز عتريس من فواده باطل باطل باطل :P

<div class='quotetop'>إقتباس(mohamed amar @ Mar 15 2007, 03:49 AM) 283100</div>
ربنا يخليك وميرسي علي زوقك جدا بجد
[/b]

:)
ولا يهمك يا باشا

<div class='quotetop'>إقتباس(المرشد @ Mar 15 2007, 09:46 AM) 283162</div>
<div align="center">موضوع متميز كالعادة يأبو صلاح
ربنا يخليك يا سلم
نورت الموضوع

مش عارف يمكن راى غلط يمكن صح يمكن فيه شى من الغلط والصح
هنبدا بقى بطرق الاقناع ديه عشان تاكل بعقلي حلاوة :lol:

بس أنا مقتنع بيه لغاية حد ما يجى حد يقنعنى بالعكس
يمكن انا؟ B)

يمكن اللى بيقلل الابداع والمواهب فى المنتدى عمتا
اننا كطلاب صحيح مش رواد المنتدى من اعضاء ومشرفين وبعض الادارين بيكونه طلاب
ممكن اللى بيقلل ابدعهم او يلغيه
انه طالب فاهم يعنى ايه ؟
ايوة فاهم قصدك من غير ما تشرح :ph34r:

يعنى مثلا انا ياعم هوجع دماغى ليه وأفكر اعمل موضوع ما اخد موضوع copy & past
هوجع دماغي ليه؟
يبقى ما فيش دافع أو حافز قوي
نقطة ممتازة يا إسلام :P

واريح دماغى
هو انا هفكر انزل موضوع ولا هفكر فى مستقبلى ودروسى
حجة البليد مسح التختة
مش الخمس دقايق دول هما اللي بيضيعوا المستقبل
;)

الوقت اللى هخده فى التفكير فى عمل بحث فى موضوع
هوه انت محتاج وقت كتير في البداية عشان تفكر هتعمل بحث في ايه؟ :blink:

طيب منقل واحد جاهز وخلاص
أريح دماغي يعني
بسبب إن ما فيش حافز قوي يخليني أسيب المذاكرة عشان اكتب موضوع
مش بقولك نقطة ممتازة يا سلم :D

والوقت اللى كان هيضيع يضيع جوه كتاب فيزياء ولا كيمياء
متأكد إنه هيضيع في الأماكن المشبوهه ديه؟ <_<

صح ولا انا غلطان يمكن انا غلطان بس دى وجهة نظر
أهم حاجة بجد استنبطتها من ردك هيه عدم وجود دافع قوي
لو فيه نقطة تانية مصمم عليها
وضح أبن أفصح
يا حضرة الزميل :D

على العموم اللى انا شيفه ان قلة الردود فى موضوع او عدم الرد من أساسه لا تقلل من شان موضوع
كده رحنا لموضوع تاني
بتفكرني بيا :lol:

لان فيه موضيع متميزه جدااااا لاتجد عليها اى رد
وإن صاحب الموضوع ممكن يصاب بالاحباط من ضياع مجهوده على موضوع لم يقراء ولن يقراء
ديه برضه نقطة تانية متفرعة من النقطة الاصلية
ان من اهم الدوافع المحفزة لكتابة موضوع هي الردود
فلو اختفت بتقلل من الدوافع والمرتب بتاع آخر الشهر :lol:

موضوعك مهم يا ابو صلاح ومن احلى الموضيع اللى قرتها فى اخر اسبوعين
ربنا يخليك يا باشا
شهادة اعتز بيها بجد
اهوه انت كده ادتني حافز
واي حافز
ما فيش علاوات؟ :P

على العموم انا ليا عوده تانيه إن شاء الله داخل الموضوع
مستنيك
واوعى تفتكر ردك على خالد هيه ديه العودة
لأ مستني عودتك :)

ومتابع
وهنشوف ايه حكاية</span>
ربنا يستر عليا يا رب
شكلي هتضرب :D

<span style="color:#000099">شكراً لمرورك يا مشرف
أسعدني مرورك واضاف قيمة لموضوعي
:)
سعدت بمناقشة ردك
[/b][/quote]

<div class='quotetop'>إقتباس(صيدلانية @ Mar 15 2007, 02:51 PM) 283268</div>
جزاك الله خيرا فعلا موضوع مهم
وجزاكي :)

و الله انا برضة كنت بفكر فى الموضوع دة كتير
هى المنتديات مش بتقتل المواهب لا بالعكس دى فعلا بتنمى المواهب وفعلا بنستفيد منها كتير
أو نقدر نعدل الجملة ديه بعد إذنك يعني عشان تبقى
Supposed to
أو المفترض إنها بتنمي المواهب باختلاف أشكالها وأنواعها
لكن هل بتقوم بالدور المنوطة بيه ولا بتأثر بالسل ولا ليس لها تأثير؟
ده موضوع النقاش :D

بس فعلا حكاية نقل المواضيع دى :: :unsure:
لما تكون زيادة اوى بتبقى فعلا حاجة مملة
فكرتي انه نقل المواضيع من منتدى لآخر لا يكون إلا للضرورة القصوى
واي واحد عاوز يعرض فكرة يكتبها بنفسه
أو يكتفي بالرد
في منتدى من ضمن قوانين وضع المواضيع في المنتدى العام
هذا المنتدى للنقاش فقط
لا يسمح بنقل المواضيع :ph34r:

بس فية ساعات مواضيع بتستحق النقل فعلا
ما نقدرش ننكر نقطة زي ديه
وليه بقى ما نكتبش احنا مواضيع تستحق تنقل؟
ليه ندفن الموهبة جوانا وننقل موهة غيرنا
ويبقى دورنا بس هو النقل؟
ليه ما نضفش؟
ليه ما نبنيش؟ :rolleyes:

بس فعلا لازم منعتمدش على نقل المواضيع بس :)
لان لما بتعمل موضوع بنفسك وتلاقى فية تفاعل من الاعضاء او تحس انك افدت حد
بيبقى احسن من مليون موضوع منقول
فعلاً شعور ممتاز أنا عايشه دلوقتي
بعد التفاعل الحقيقي من أعضاء المنتدى لأحد موضوعاتي
الغير منقولة :D
شكراً ع المرور صيدلانية :)

[/b]


<div class='quotetop'>إقتباس(The_Relativistic200 @ Mar 15 2007, 11:28 PM) 283583</div>
هقوللك بيتين الفتهم دلوقتى لغاية ما ارد رد انضف نسبيا
خالد باشا :D
فينك؟

واذا ما كتبت موضوعا ....فان الكل علـــيك باصــــق
فخير لك دون البصاق...ان تقص المواضيع و تلصق
بحر ايه ده؟
مفاعلتن مفاعلتن فواعل :D

:D
ثم انى معترض على التثبيت
ومين قال ان من حقك تعترض؟

في الاستفتاء
:angry:
تثبيت باطل :P
اصمت عليك اللحمة :P
لى عودة
بانتظار المواصلة بعد الفاصل
[/b]


<div class='quotetop'>إقتباس(المرشد @ Mar 16 2007, 02:50 AM) 283708</div>
<div class='quotetop'>إقتباس(The_Relativistic200 @ Mar 15 2007, 11:28 PM) 283583


:D
ثم انى معترض على التثبيت
في الاستفتاء
تثبيت باطل :P
لى عودة
[/b]

جواز عتريس من فواده باطل باطل باطل :P
مين فؤادة؟ :D

[/b][/quote]

المنتديات بتقتل المواهب وفى نفس الوقت مش بتقتلها
يعنى مثلا انا المنتدى ده لما بيتفتح انسى انى اقرا انى اخرج انى اعمل اى حاجه
يعنى بحتل الجهاز 24 ساعه فتركيزى بيتدمر
دى اول جريمه...
ثانيا بالنسبه لكتابه الموضوعات
غالبا اللى بينقل موضوع بيبقى عنده نقص شجاعه ادبيه
او الذوق العام بيبقى طالب حاجه هو مش متمكن اوى منها فبينقل موضوعات
وبعدين هتلاقى شكرا موضوع روعه
يقوللك هذا بعض ما عندكم وانتظرونى فى موضوعات جامده (منقوله طبعا)
واحتمال تلاقى مصيره فى جرس الفسحه ويبنى مستوطنه هناك
وده اسمه ظاهره الاسترخاء زى مادرسنا فى الفيزيا
ولكن انظر للجانب المشرق برده
احيانا اشخاص بتبقى موهبتهم الوحيده نقل المواضيع
فمش نقدر نحرمهم من الموهبه دى والا بكده هنبقى بنقتلها

وشكرا على الموضوع

<div class='quotetop'>إقتباس(Dare Angel @ Mar 16 2007, 03:07 PM) 283915</div>
المنتديات بتقتل المواهب وفى نفس الوقت مش بتقتلها
قمة التناقض <_<

يعنى مثلا انا المنتدى ده لما بيتفتح انسى انى اقرا انى اخرج انى اعمل اى حاجه
مش الموهبة إني أسيب جهاز الكمبيوتر يعني ممكن المنتديات تحفز المواهب وتطلعها وتنميها
وده المطلوب منها
لكن إحنا مش بنسأل عن الدور المطلوب منها
إحنا بنسأل هل بتؤدي ما عليها ولا بتعمل العكس؟
ومش المنتدى بس أو المنتديات عامة هوه السبب الوحيد إللي بيخلي الواحد يخلل قدام الكمبيوتر
كده رحنا لموضوع بعيد جداً
انا ممكن اخلل قدام الكمبيوتر من غير نت
وممكن اخلل قدام النت من غير منتديات ولا شات
كده فعلياً رحنا لموضوع تاني خالص

يعنى بحتل الجهاز 24 ساعه فتركيزى بيتدمر
دى اول جريمه...
ناقشناها وقلنا مش مكانها :)

ثانيا بالنسبه لكتابه الموضوعات
غالبا اللى بينقل موضوع بيبقى عنده نقص شجاعه ادبيه
او الذوق العام بيبقى طالب حاجه هو مش متمكن اوى منها فبينقل موضوعات
مش ضروري يكون عنده نقص شجاعة أدبية
في مواضيع فعلاً لو مثلاً واحد صاحبي قالي انا قريت موضوع انما ايه جنان
هزعل معاه عشان ما خلنيش اقرا الموضوع
طبعاً زعل بهذار يعني
المهم فيه موضوعات تستحق النقل
لكن هل الاعتماد التام على النقل هو الغرض من المنتديات ولا بالطريقة ديه المنتيدات بتقتل المواهب؟
وعجبتني جداً جزئية الذوق العام
أسلوب العرض والطلب
يعني حاجة مش هقدر أقدمهلكم بأسلوبي فمش هحرمكم منها
بس أعتقد إن ده بيقتل الموهبة جواه الناس التانية
من ناحية إن الفراغ تم سده
يعني أنا في بالي حالياًَ موضوع تاني للنقاش
ما أقدرش أنزلوه غير لما ده يخلص
لأن ده بيسد فراغ
فبالتالي لما واحد يقعد ينقل مواضيع
بيسد فراغ موجود من جهة المواضيع ديه
بيمتنع الافراد عن تناول نفس الموضوع لن الموضوع وقتها هيبقى مكرر :unsure:

وبعدين هتلاقى شكرا موضوع روعه
يقوللك هذا بعض ما عندكم وانتظرونى فى موضوعات جامده (منقوله طبعا)
واحتمال تلاقى مصيره فى جرس الفسحه ويبنى مستوطنه هناك
وده اسمه ظاهره الاسترخاء زى مادرسنا فى الفيزيا
ناقشنا الجزئية ديه
وقلنا عليها ممكن يكون كسل او تكبير دماغ زي ما بيقولوا

ولكن انظر للجانب المشرق برده
:D

احيانا اشخاص بتبقى موهبتهم الوحيده نقل المواضيع :rolleyes:

فمش نقدر نحرمهم من الموهبه دى والا بكده هنبقى بنقتلها
حرام نقتل المواهب فعلاً

وشكرا على الموضوع
[/b]

شكراً ع المرور يا هند

وبصراحة يا جماعة أنا عاوز أقول حاجة بيني وبينكم
أنا حاولت في كل رد من ردودي ع الأعضاء إللي شرفوا موضوعي
إني أفتح مجال النقاش أكتر وأكتر
عشان نقدر نقول إن إحنا ناقشنا الموضوع من جميع جوانبه
وأعتقد إن إحنا يمكن بتنقصنا جزئية المشاركة الجماعية
يعني اللي داخل بيدخل يناقش صاحب الموضوع مباشرة
ليه مش يناقش في الردود برضه؟
يلله منتظر كل من قال ليه عودة
وكل اللي سبلتوه أسئلة في ردي عليه :D

<div class='quotetop'>إقتباس(Dare Angel @ Mar 16 2007, 03:07 PM) 283915</div>
المنتديات بتقتل المواهب وفى نفس الوقت مش بتقتلها
يعنى مثلا انا المنتدى ده لما بيتفتح انسى انى اقرا انى اخرج انى اعمل اى حاجه
يعنى بحتل الجهاز 24 ساعه فتركيزى بيتدمر
دى اول جريمه...
ثانيا بالنسبه لكتابه الموضوعات
غالبا اللى بينقل موضوع بيبقى عنده نقص شجاعه ادبيه
او الذوق العام بيبقى طالب حاجه هو مش متمكن اوى منها فبينقل موضوعات
وبعدين هتلاقى شكرا موضوع روعه
يقوللك هذا بعض ما عندكم وانتظرونى فى موضوعات جامده (منقوله طبعا)
واحتمال تلاقى مصيره فى جرس الفسحه ويبنى مستوطنه هناك
وده اسمه ظاهره الاسترخاء زى مادرسنا فى الفيزيا
ولكن انظر للجانب المشرق برده
احيانا اشخاص بتبقى موهبتهم الوحيده نقل المواضيع
فمش نقدر نحرمهم من الموهبه دى والا بكده هنبقى بنقتلها

وشكرا على الموضوع
[/b]

كلام جميل كلام معقول مقدرش أقول حاجة عنه
لـــــــــــــــــــــكــــــــــــــــــــــــــن
ليا تعليق عليه
النت يمكن بيعلم البالده شوية بس طبعا لا يدمر التركيز
بالعكس فى احدث دراسة أمريكيه ثبت ان العاب الكمبيوتر بتساعد على تنمية القدرة على التركيز وسرعة البديهة
بس برده الجلوس الزياده بيقصر على العين :huh:
نرجع لموضوعنا ولكلام الحاجه هند ;)

انا ليا تعليق على موضع النقل
ممكناسالك سوال ياهند الاول ؟
انتى نميتى مهاراتك فى الخطابه والثقافة العامة منين
مش من الهواء اكيد اكيد قريتى موضيع
حتى لو مقرتيش موضيع كتاب المدرسة نفسه بيضيف ليكى ثقافة

وممكن انقل موضوع واضيف عليه افكارى واعدل عليه
بحيث يطلع بشكل حسن معتقدتش ان عملية النقل مع الاضافة او الاستفاده بتسبب البلده
أكيد تقصدى النقل الاعمه
على العموم انا كمان مش هحرم نفسى من الرد على كلامك ولا تعليقاتك ولا موضيع ابو صلاح
اشوفك تانى قريبا

اظاهر يا إسلام ما حدش بيحب يرد ع المواضيع المتثبتة أو بتفقد قيمتها او كل واحد متعود يسيب رده ويمشي
يلله انبسطت برضه بالمشاركات رغم كل شئ
ولو فيه حد لسه عاوز يكمل نقاش يتفضل
:)