<div align="center"><span style="font-family:Arabic">بسم الله الرحمن الرحيم

مبدأياً كدة الموضوع دا انا اترددت كتير قبل ما احطة في القسم العام لانه هو نوعا ما المفروض يبقى في قسم تاني بس انا حبيت ان الكل يشوفوا لانه مش مخصوص للشباب بس !
الموضوع عبارة عن سؤال او مجموعة اسالة ممكن نعتبره امتحان:
السؤال الاول
لو انت ولد ليه نفسك وانت صغير بتبقى عاوز تطلع ظابط او دكتور و لو بنت بتبقى عاوزة تطلعي دكتورة ؟خلينا في الولد
الاجابة النموذجيه :
عشان انت لما بتكون صغير بتاخدك الافلام مع انها فعلا افــــــــــــــــــــــلام بس لما بتكبر شوية بتاخدك البدلة و بتغرك و بتفتكر انها رسمة حلوة عشان ترسمك صح قدام البنات و قدام صحابك .... خلونا نتكلم بصراحة . و لو دكتور يبقى عشان بابا او ماما دكتورة و بتقول كدة عشان ترضيهم او عاوز تقلد او يمكن دا من جواك بس و انت مش واخد بالك .... راجع نفسك
السؤال الثاني
ليه بنربط كل حاجة بالماديات ؟ يعني مثلا انا هخش هندسة عشان افتح مكتب و اقبض مبلغ وقدرة لما اعمل كذا او هبقى دكتور عشان دول بيكسبوا قد كدة من الفزيتا ؟؟؟
الاجابة الصحيحة
لان بابا و ماما على طول بيقولولك ان الحياة صعبة و بكرة ماتلاقوش تاكلوا و الحاجة بتغلى و الكلام كلة في المادة .... راجع كتاب الاسرة باب المصروف

السؤال الثالث
ايه اول حاجة بتفكر فيها لما بتصحى من النوم ؟!
الاجابة الاكيدة
فلوس منين , فطار ايه !!!!!!!!!!!!

عاوز اقلكم حاجة الموضوع مش للضحك او لمجرد الاستخفاف بمواقف حقيقة . الموضوع عن مشكلة ان احنا بنرسم حياتنا كلها حولين حاجة واحدة هي المادة و بننس الاهم و هو المبدء لو عندك اعتراض قولي !</span></div><div align="center"> </div>

أنا عندي أعتراض أنا مش هارد علي موضوع بدلة الضابط لاني ما أعرفش بس أحب أقوللك رأي
أنا وصحباتي اننا مش بنحب الضباط ودي حقيقة
أما بالنسبة لموضوع الماديات مش كل الناس بتربط الحياة بالماديات في حاجات تانية اهم
ولا أيه؟

<div align="center"><div class='quotetop'>إقتباس(زهرة المدائن @ Mar 16 2007, 01:13 AM) 283616</div> أنا عندي أعتراض أنا مش هارد علي موضوع بدلة الضابط لاني ما أعرفش بس أحب أقوللك رأي
أنا وصحباتي اننا مش بنحب الضباط ودي حقيقة
أما بالنسبة لموضوع الماديات مش كل الناس بتربط الحياة بالماديات في حاجات تانية اهم
ولا أيه؟ [/b]</div>


<div align="center">إحنا فى عصر سادت فيه المصالح على كل شىء</span> [/b]</div>

الفكرة مش أن الضباط جد أو لا أحنا طبعا بنحترمهم لانهم حماة الوطن بس ده مايمنعش
أننا بنخاف منهم والسبب طبعا اللي بنشوفه وبنسمعه عن معاملتهم للناس في القسم :angry:

سوال كويس وموضوع كويس
أولا يامحمد
موضوع انك تكون ظابط وفكرتها وانتا صغير
الفكرة دى بتنبع من خلال اللاشعور والفكرة الموجوده والمرسخه أن الظابط ده هو البطل المدافع عن الحق والخير
بالنسبة لموضوع الطبيب الانسان الطيب اللى بيساعد الناس من غير ثمن ودى الفكرة او الانطباع الموجودين من خلال مشاهدة الافلام
لكن لما الانسان بيكبر بتبان الحقيقة قدامه من خلال الواقع وبيسقط البطل من نظره لما بيعرف الظابط والطبيب على حقيقتهم
بالنسبة لموضوع الصحيان من النوم
عادى يعنى
بقوم اكل لانى بكون جعان
شكرااا على الموضوع
وانا متابع ولى عوده
سلام