السلام عليكم

ازى حضرتك يا ميس

يارب دايما تكونى بخير وبصحة وسعادة ان شاء الله

اولاً انا اسمى آية

حضرتك انا فى مشكلة كبيرة اوى بجد

وهى انى حاسه انى عايشة ومش عايشة

هوضح لحضرتك ازاى

اى انسان المفروض علشان يحس بطعم حياته او ع الاقل يومه لازم يتعب فيه ويبذل فيه مجهود
ويحس بجد انه انجز فيه

مفيش اى حاجه من دى بتحصل معايا

انا فى اولى جامعه
كلية دار العلوم

ووالله داخله الكلية دى رغبة منى بالرغم من ان كل الناس بتقول انها صعبه

اتحديت نفسى واتحديت كل الناس ودخلتها

وكنت دخلتها بحماس جداً

بس مش عارفه ايه اللى حصلى

حالى اتقلب 180 درجة

حتى علاقتى بربنا وعلاقتى باهلى وباصحابى
وثقتى ف نفسى مهزوزة جدا

والموضوع دا ملازم ليا من فترة
تقريبا من ايام الثانوية

لانها وقتها كنت بذاكر باليل كتير
فمخى شبه اتأقلم ع كدا خلاص

من وقتها مش بعرف انام بليل نهائى
ودى المشكلة الاساسية

لانى مش بنام بليل
وبتطبق واروح الكلية الصبح
طبعا مصدعة ومش فاهمه اى حاجه

اروح انام واصحى بليل طبعا مفيش حد صاحى

عايشه حياتى لوحدى

مقصرة جدا فى علاقتى مع ربنا

يعنى كل اللى بعمله انى بصلى وبس
واحيانا كمان تتضيع منى اوقات وانا نايمه
يعنى اجمع الظهر مع العصر
او المغرب مع العشاء
علشان بكون نايمه

انا الحمد لله منتقبة

بس مش راضية عن نفسى تماما

ولا عارفه حتى اعيش الحياة اللى انا عايشاها دى

والدتى بتقولى انا مش راضية عن اللى انتى بتعمليه فى نفسك دا
ولا انا والله راضية

بس مش عارفه اتغير
مش عارفه اصلح نفسى

نفسيتى تعبت جامد
وقلبى كمان تعب

يعنى ابتدى يظهر عندى اعراض ع جسمى مش بس نفسيا
قلبى بيتعبنى جامد ونفسى بيضيق وبجد بحس انى هموت

واروح للدكاترة يقولو مش عندك حاجه

بقيت هتجنن والله مش عارفه اعمل ايه ..؟

ياريت حضرتك تنصحينى ..
اعمل ايه .. مع العلم انى حاولت كتير اغير من نفسى وللاسف فشلت

كنت اعرف انه الواحد اما يتوب من حاجه يعرف ازاى انه ربنا بل توبته
انه يحس انه بجد اتغير واتحسن وكره الحاجه اللى بيعملها ومش رجعلها تانى

لكن دا مش بيحصل معايا
كل ما اقول خلاص وارجع لربنا مش بتغير

حسيت انه ربنا مش قابلنى ولا بيحبنى

مش عارفه بجد افكر كويس

واحيانا افكر واقعد استغفر ربنا انا ازاى بفكر فى كدا ..

مش عارفه .. مش عارفه ..

حبيبتى لازم نكلم ميل
سارسل لك الميل ونتحدث سويا