الأقصى نادى والندا عالي .. فوقوا يا ناس [الأرشيف] - بوابة الثانوية العامة المصرية

مشاهدة النسخة كاملة : الأقصى نادى والندا عالي .. فوقوا يا ناس

أنت___عمري

10-03-2010, 08:26 PM

يا أقصى ناديت والندا قالوا عليه عالي
وقالوا عشانك يهون العمر لو غالي
وكتير أغاني اتلحنت غناها 100 فنان
وكتير مسارحنا اتملت بالأهل والخلان
مليون مظاهرة اتنظمت مليانة بالهتافات
بس الحقيقة اتعتمت واتبدلت هيافات
يا اقصى ناديت لحد اما اتنبح صوتك
لكن تنابلة عصرنا مستسهلة موتك
بيمصمصوا الشفة ويحضروا القطرة
ويعيطوا دمعتين على الخيبة والحسرة
وبيشجبوا دايماً وينددوا على طول
لكن بيان السيادة مايل جبان مسطول
والجامعة عربيات ومنفضة المواتير
لعبوها تعلب فات ونسوك هناك ف البير
يا أقصى وفر نداك دي أمة ملهاش عازة
اتوضى يلا اوام ع الأمة صلى جنازة
خايف يا اقصى يدوس مكان حبيبي النبي
يهود وحبة جاموس .. يا أمة يلا اندبي
يا قبة متشرفة وف ضلتك صخرة
خليها تشهد تقول الحق ف الآخرة
ع المسلمين مليار وسابوها لديابة
عبدوا دينار ودولار ونسونا ف الغابة
يا أقصى وفر نداك خلي ترابك كفن
لكل مين ينساك يفتكره دود العفن
مستنيين يرجع في يوم صلاح الدين
طب مين يكون الجيش؟ ومين يكون حطين؟
اللي انضرب بحشيش؟ اللي اتخرب بالفقر؟
حلمه يلاقي العيش وينام شوية العصر
عشان يواصل دوام يقبضله كام ملطوش
نفسه يشوف المدام ابنه كمان مشافوش
ملهي بلقمة عيش نفسه ينام ما يقوم
هتقوله اقصى يقول هو بكام التوم؟
ولا بكام البطاطس ولا بكام الدروس
كله بيغلى ولكن دايماً بترخص نفوس
يا ثالث الحرمين يا مسرى طه الأمين
امتى هنسري اليك وللسلاح ماسكين
عندي امل لسه رغم ان فيه وكسة
تخرج رجال تنجدك قلوبها بيك حاسة
يا رب اسمع ندايا خليني يومها معاهم
ولو يموت الرجال نعم الجنان مثواهم
نعم الجنان مثواهم

Gehad Mostafa

10-03-2010, 08:53 PM

يا أيتها الامة الصامتة
أما آن لكم أن تنصتوا لنداء الاقصى ؟!!
أما آن لكم أن تخرجوا من صمتكم هذا اللعين ؟!!
على أمل ان اسمع كلمة آن
الاقصى في اشد الحاجة لها الآن وليس غدا

-----
كلمات بسيطة
ومعبرة حق التعبير عما تعيشة الامة العربية الآن

تقبل مروري

أنت___عمري

10-03-2010, 08:59 PM

Mr. Medhat Salah

11-03-2010, 07:01 AM

جميييييييييييلة

alea2009

11-03-2010, 08:35 AM

جزاك الله كل خير وقصيدة فى منتهى الروعة ويارب انصر المسجد الاقصى

أنت___عمري

11-03-2010, 12:14 PM

جميييييييييييلة
تسلمي شكراً على مرورك وردك الجميل
جزاك الله كل خير وقصيدة فى منتهى الروعة ويارب انصر المسجد الاقصى
وجزاك خيراً على ردك .. وتقبل دعاءك يا رب