اخوانى الدمايطة
السلام عليكم ورحمة الله وبركاته
اولا اريد ان أتحدث معكم فى موضوع مهم جدا يخص كل دمياطى ..
من منا لا يمتلك ورشة لصناعة الاثاث او يعمل ضمن اطار مهنة الاثاث كالعمل مثلا..
( قشرجى او ايمجى او استرجى اونجار او مكانيكى او قشيط او سمسار او فى نقل الاثاث او فى المعرض او تاجر )
الاجابة .....................
طبعا حوالى 80% او 70 % تقريبا يعمل بهذه المهنة الاستراتيجية من أهالى دمياط حتى الموظف بعد انتهاء وظيفته يعمل بها ايضا ..
ولكن ................. ايه الموضوع ...........
الموضوع :
وهو كثرة الشكوى فى مثل هذه الأيام من كل عام
نسمع هذه الكلمات من أصحاب الورش
( أصل الحالة وقفة ) ( أصل لسه مبعتش الشغل )( اصل الاوضه اتضربت )
(اصل الطابعه بتاعت الاوضه الجديدة اتسرقت)
ومرارا وتكرار نسمع هذه الكلمات من معظم النجارين الا من رحم ربى ..
ايه المقصود من هذا الموضوع ..؟ حيرتنا
انا بحب دمياط جدا .. وعايزين نقف وقفه مع انفسنا ..ونعيد الحسابات ..
ونشوف الغلط فين ..
هى ليه الحاله بتقف
هل لرداءة المنتج بعد ان كان منافسا عالميا
ام لاستغناء اصحاب الورش واعتمادهم على العمالة الخارجية..
ام كثرة الورش فى المحافظة فأصبح كل كبيرا كان ام صغيرا يدلى بدلوه فى هذه المهنة
ام لوقف التصدير وتكدس الشغل بالمعارض
ام لفساد الضمائر والمنافسة فى بيع الشغل
ام..لضعف الحالة الاقتصادية فى البلد
ام......
ام ....
اسئلة كثيرة
المطلوب ..
نريد ان نسأل أنفسنا عن سبب وقف الحالة بالنسبة ( لنجار الموبليا )
وعدم الاقبال على الشراء
وماهى الحلول المقترحة لعلاج هذه المشكلة الخطيرة

واخيرا .. فى انتظار ردودكم واقتراحاتكم .
لعلنا نضع ايدينا على السبب
فى امان الله ..

بسم الله الرحمن الرحيم
وان شكرتم لازيدنكم
هذا هو القول الفصل........ الدمياطى بدل مايقول الحمد لله على السراء و الضراء ........ بيقول الحالة نايمة وهذا نكران للنعمة و العياذ بالله...............

فيا اهل دمياط كلمة الحمد لله تزيد و تفتح ابواب السموات فاتمنى ان تختفى كلمة " الحالة نايمة من قاموس الدمايطة و نستبدلها"
بكلمة " الحمد لله "
و ان يراعى كل صاحب ورشة جاره و ان يتقى الله فى مواعيد العمل و لا يحول الليل الى نهار و لا النهار لليل
فحال الدمايطة الان يشبة الانسان الذى اصيب بالنهم على جمع المال فالورش فاتحة 24 ساعة و التلوث فى كل مكان و فى الاخر الحالة نايمة و مافيش فلوس
على الرغم تن زمان كان المعلم يفتح الورشة الساعة 7 الصبح و يرش مية عشان الاصطباحة و يشغل القران و كان بيبقى اليوم جميل بفضل الله ................ و لكن الان الشياطين تلبست فى الانسان و اصبحت الورش تفتح مع اذان العصر و تغلق قبل الفجر بلحظات ..و استبدل القران باغانى هابطة تؤذى سمع الجيران و لاحول و لاقوة الا باللة ..... عرفنا الفرق بين زمان و دلوقت و عرفت ايه السبب فى كلمة الحالة نايمة
السلام عليكم و رحمة الله و بركاتة

جزاك الله كل خير
فعلا حضرتك وضعت يدك على نقاط هامه
الجشع ..
استبدال الاغانى بالقران
قلب الموازين
نسال الله الهداية والسداد

شئ محزن

ولو ان اهل القرى اتقو و امنو لانزلنا عليهم بركات من السماء

http://www.youm7.com/News.asp?NewsID=204468&SecID=97&IssueID=0

السبب هو عدم اهتمام الدمايطه بعضهم بالشغل

تمام تمام تمام

تصحيح الآية ...........


"ولو ان اهل القرى امنوا واتقوا لفتحنا عليهم بركات من السماء والارض "


ارجو الحذر عند وضع الايات القرانية
فيجب التاكد من نصها
بارك الله فيكم

تمام جزاك الله خيرا