السلام عليكم جميعا


(وارجو المتابعه من الاعضاء والمشاركه)

مقدمه:



الموضوع ده اشبه بموضوع كريم بس



(ده اشمل شويه ده لكل الناس)




من العنوان:



اتعلم من اخطائك يعنى من الافضل اننا نتعلم من اخطائنا بدل الاحباط واليأس


وهقولك على معلومه غريبه شويه عارف


(انك طول ما انتا بتخطأ يبقى انتا ماشى فى الطريق الصح!!)

دى حكمه


مش عيب انك تغلط بس العيب انك تتمادى بحماقه فى الخطأ نفسه وتكرره بعناد وانتا لما تعند انتا كده بتعاند نفسك ومستقبلك وطبعا العناد بيولد الكفر والعياذ بالله
وان العلماء بيخطئو كتير بس بيتعلمو من اخطائهم وخطأهم هوا اللى بيوصلهم للنجاح وللعلم
الحقيقى
ومفيش تجربه من غير خطأ لان الخطأ طبيعه بشريه (الانسان ناقص)
ورب العزه والكمال هوا الكامل
ولكن الانسان لما يكون كامل بالمعنى البشرى اللى هو الانسان الغير احمق او العبقرى او الذكى
وهوا فعلا اللى بيحاول يصحح من نفسه ويحاول يراقب افعال نفسه كويس وفاهم نفسه كويس بردو هوا ده العبقرى وده بيكون اى انسان بس يعمل اللى قولنا عليه(يراقب نفسه) او يحسبها مع نفسه ويكلم نفسه ويفكر فى مستقبله كويس ولازم تحس انك راضى عن نفسك .


وان الطلبه اللى جابت تقدير كويس اوعو تفتكرو انكم لم تخطئو ولكن انت اخطئتو واكيد عملتو حاجات انتو عارفينها كويس جدا اذا كانت




(تهاونت مره فى طاعه،او عملت خطأ فى المذاكره وربنا سترها معاك،حليت حاجه غلط...الخ احسبها انتا كويس مع نفسك وابقى قول انتا اخطئت فى ايه بالظبط




وان الطلبه اللى جابو تقديرات او درجات مش كويسه او نزلو فى مواد اكييييد هما بردو اخطئو وقصورو كتير

اكيد (فى علاقتهم مع ربنا ، فى المذاكره نفسها،مشاكل فى البيت مثلا والخ) انتا بردو هتكون عارف كويس
وكل الاعضاء هيشاركو بتجربتهم
وهيقولو هما عملو ايه
ونحاول نصحح لبعض ونوصل لاسباب اكيده


طب ايه الهدف:
هوا كل واحد يحسن من نفسه وبالنسبه للمتفوق هيحسن بردو من نفسه ويعرف اخطاؤه ويحاول يبقى على وضعه من غير ما يتاثر ويقل تفوقه

واللى جاب درجه قيليله
هيحاول محاوله اكيده انه يحسن من نفسه ومن نظامه ويكون للافضل
(يكون متفوق)
وده طبعا من غير احباط ولاياس
لاننا هنشكى لبعض همومنا هنا
وهنكلم بعض بحب
ولاننا بنحب بعض جامد بنخاف على بعض جامد بردو
وبنخاف على مصلحة بعض

وانا هبدأ علشان كلنا نتشجع ونفضفض مع بعض
اللى عملناه كله مش هيخرج عن الاطار ده: وسيبونى افضفض بقى:022yb4:
1/ بالنسبه للمحاضرات انا كنت بحضر كل المحاضرات بس عملت خطأ مكنتش براجع المحاضره ولا الخصها الا كل فين
وفين يعنى بكسل.
2/ المذاكره عامتا مكنتش بذاكر لان مكنتش عارف يعنى ايه مذاكره اصلا وعرفت معناها ايام الامتحانات!!وبردو مكنتش متشجع او متحف للمذاكره بس ضغط على نفسى ايام الامتحانات جامد
3/ ضيعت وقت كتير جدا وكنت فى اول السنه بروح الجامعه كل يوم وبعد كده بقو 4 ايام بس
وبعد كده بقو يومين بس يعنى بقى يوم سياحه
وبرجع البيت تعبان فباكل الاول:d وبعد كده انام
4/ ايام الامتحانات لقيت النظام مختلف والتزمت خالص بالنسبه للوقت بس بردو كنت بقصر مع نفسى فى الوقت يعنى كنت بذاكر مثلا اول يوم بين الماده ساعتين
وتانى يوم ساعتين مثلا والثالث كنت بذاكر 10 ساعات او 12 ساعه او طول اليوم مذاكره يعنى بردو بضغط على نفسى
5/ كنت بنام كتيييير يعنى ممكن انام بالنهار 5 ساعات وبالليل 7 ساعات او اكثر
6/ شكله بردو اعتمدت على الملازم اعتماد كلى ومفتحتش حاجه اسمها تطبيقات بس كنت بقرا فى الكتاب كل حين لاخر:redface:

7/ بالنسبه لامتحانات (المواد نفسها)
الرياضه:ملحقتش اذاكرها كلها واخلصها ايام الامتحانات يعنى خلصت جزء سعد السعيد
وملحقتش اذاكر جزء ناشد
وبحمد ربنا انى حليت جزء سعد فى الامتحان ولقيت نفسى ملحقتش احط قلم فى جزء ناشد مع انى مكنتش عارف فيه اى حاجه (والحمد لله نزلت فيها وجبت 7):022yb4: وطبعا لانها اول ماده نعرف فيها نظام الامتحان ازاى وعلى فكره فيه اجابيات هنقولها مع بعض لما نقول وجهة نظرنا ونعلق ونفضفض اكتر

السلوكيه: دى اول ماده كانت حفظ وكانت طويله(الملزمه38 صفحه)
عملت نفس الحوار بتاع الضغط على نفسى
جيت اول يوم ذاكرت 3 صفحات حفظ قوى
وتانى يوم حفظت 3 صفحات تقريبا والايام بتجرى
وهنا حسيت انى خلاص خايف موت اول مره اخاف كده خوف معنوى الطريقه دى
(قعددت عينيا تدمع وانا بصلى وحسيت فعلا ان ربنا واقف جنبى)فتالت يوم حفظت 15 صفحه
ورابع يوم حفظت 15 صفحه (بدللع:d:romarioxp6:)
المواد التانيه تقريبا نفس الكلام
بس المحاسبه كنت برنس فيها علشان خليت واحد تبعى يفهمنى محاسبه:d:p
اما الادراه كانت لذيذه بجد ووقتها كان كويس بس اكيد ضغط اخر يومين وريحت
بالى خالص اول يومين:d من المذاكره طبعا:p

اما الموارد فدى طبعا انا كنت مكبر دماغى منها خالص وريحت بالى منها كل الايام:022yb4::p
وكان فيه فرحة الماتش:022yb4: فقولت المتش اولى طبعا
بس حفظت كام صفحه (8) من 28 الحمد لله
كده دخلت بيهم
والحمد لله مجاش منهم غير الارز
وانا ذاكرت القمح:av4056bb7jp3::lol:
وكتبت قمح (واكيد نجحت فيها:022yb4:)
فبجد يا جماعه عايكم تقولو تجربتكم ونتناقش مع بعض ومعلش انى رغيييييت بس عشت فى الدور جامد:d معلش حأقكم عليا:d:p
بس عايز الناس تفضفض زيي

والسلام عليكم

وعــلــيــكــم السلام ورحمة الله وبركاته ،،
مـــوضــوع جــمــيــل مـن شــخص أجـمل
فـــعــلًا أنا موضوعِى مش شامل كدا
وأجمل ما بهذا الموضوع هو الاعتراف
بما كان عند الطلبة يعنى بدون تزوويق ولا كذب
حاجات كانت بتحصل حقًا
فشكرًا يا حودا على هذا الموضوع الجميل
وإن شاء الله كلن نستفيد من أخطائنا جميعًا
ومفيش حاجة فى الحياة بتأتى بالساهل
لكن همسة : فى سبب أحنا مش واخدين بالنا منه خالص هو سبب رئيسى وهو البعد عن الله
وارتكاب المعاصى والذنوب مما يغضب الله فيجعلك لا تستطيع حفظ المواد ولا تفهم شئ.

موضوع حلو ....لذيذ...صريح...شديد

كــريــم
دعواتكم

السلام عليكم

هو سبب رئيسى وهو البعد عن الله
وارتكاب المعاصى والذنوب مما يغضب الله فيجعلك لا تستطيع حفظ المواد ولا تفهم شئ.
بص يا كريم ده سبب رئيسى فعلا علشان كده ذكرته فوق
(تهاونت مره فى طاعه،او
وفعلا احنا بنعاند فى فعل المعاصى وهيا اكتر حاجه بتضيع وقتنا واكيد هيا الحاجه الوحيده اصلا اللى بضيع وقتنا هيا الذنوب
يعنى بتضيع الوقت وبتضيع الصحه اكيد وبسببلنا سيئات كتيييييييييير
وايضا بتسبب فى عدم الحفظ والمذاكره الجيده
وشكرا لوجهة نظرك القيمه

موضوع فى غاية الجمال والروعة وطويل ومفيد ويا ريت الكل يشارك برأيه وفعلا لازم نتعلم من أخطاءنا
وبالنسبة ليا انا فعلا أكبر خطأ عملتوا هو أن أنا أستهيفت بكل المواد وقولت أذاكرهم قبل الامتحان وخلاص وده كان أكبر خطأ وكمان أنا مذكرتش موارد وسلوكية علشان قولت أكيد الكل كدا كدا هينجح علشان الى هما عملوا فينا فى المدتين دول

وبالنسبة ليا انا فعلا أكبر خطأ عملتوا هو أن أنا أستهيفت بكل المواد وقولت أذاكرهم قبل الامتحان وخلاص وده كان أكبر خطأ
والله وانا كان عندى نفس الاحساس وبقول من جوايا وحاسس بالتهاون ادام المواد وبقول الايام كتير والوقت طويل
وهوا ده اللى خلانى فول مش فُل وقولت اكيد الايام هتكفى انى اذاكرهم وبردو بقنع نفسى بالغلط
وكمان أنا مذكرتش موارد وسلوكية علشان قولت أكيد الكل كدا كدا هينجح علشان الى هما عملوا فينا فى المدتين دول
بردو احساس التهاون كان اكتر فى المادتين دول وطبعا احساسى نابع من السبب الاساسى اللى هوا مخدناش محاضرات
وحجت البليد مسح ال..... :dزى ما انتو عارفين ولو كنت عايز اذاكر جامد فيهم كنت ذاكرت بس كنت بددلع والواحد ما بيصدق يلقى حجه:redface:
ويمسك اتجاهاته بيها ويقول خلاص انتهزت الفرصه ولقيت حجه:022yb4:
بس طبعا يا جماعه انا ذاكرت فيهم كويس بس مش للدرجه والموارد اتخنقت واحبتط وجانى بردو احساس عدم المسؤليه والتهاون بس بطريقه سلبيه اكتر وكنت مكبر دماغى من الموارد جامد وبردو بنفس الحجه
وغالبا الكل هيقول نفس الحجه:d بردو لاننا حججنا واحده :d

انا طبعا غلطت كتير
وقصرت فى المذكرة اكتر
انا اصلا كنت بذاكر قبل الامتحان بيوم ومذكرة اى كلام
بس ان شاء الله فى الترم ده هاحاول انى اكون الافضل
يارب

السلام عليكم ورحمة الله وبركاتة
الموضوع متميز جدا ومشجع اوى
بس اذا سمحتلى عايزة اضيف نقطة حضرتك مذكرتهاش فى الموضوع
وهى تنظيم الوقت احنا ممكن نخلى يومنا جميل جدا نذاكر فية ونخرج فية وندخل نت
دة طبعا بالاضافة للصلاة وطاعة ربنا يعنى مش هنخلى يومنا كلة مذاكرة ونشد على نفسنا جامد
لان احنا لو ضغطنا وشدينا على نفسنا جامد كنوع من الحماس طبعا اسبوع والتانى وهنرجع زى ماكنا
يعنى انا الخطا بتاعى انى مكنتش بنظم وقتى خالص بعكس ماكنت فى الثانوية كان نظام ومذاكرة ومكنتش بخلى حاجة تتراكم عليا طبعا وكان فى وقت للترفية فانا بقول نخلى لكل حاجة وقتها وحقها ومانخليش حاجة تيجى على حساب حاجة تانية
والله الموفـــــــــق

انا كنت قولت انى هكتب فى الموضوع ده لانه عاجبنى جدا وبجد بشكر المخترع عليه فعلا الموضوع جااااامد والفكرة حلوة اووووى

انا كنت هكتب فيه من امبارح لكن بجد التأخير كان لظروف عندى ان الويندوز وقع ومدوخنى معاه من امبارح بليل من الساعه 1 لحد دلوقتى بظبط فيه ولسه مخلص لانه كان فيه مشاكل جامدة عشان كده اتأخرت فى الرد معلش بقى يا محموووود
المهم ان احنا فعلا لازم نتعلم من اخطائنا يعنى انا مثلا هقولكم على بعض الاخطاء اللى كنت بعملها عشان بس تتجنبوها وياريت كل واحد فينا يكتب برضو عشان نستفيد كلنا فمثلا


انا كانت من ضمن اخطائى انى مش بركز خاااالص اثناء المذاكرة وانا بذاكر بكون مشغول بمليييييون حاجه يعنى معايا الموبايل جنبى و معظم الوقت مشغل اغانى وانا بزاكر وكنت بقول انى مش بعرف ازاكر غير كده وطبعا ده كان بيأثر جداااااا على التركيز لانى كنت بركز مع الاغنية اكتر من الملزمة اللى معايا اصلا ههههههههههههههههههه

ووصل لانى عملت عدة مرات انى بكون فاتح الياهو مثلا وانا بذاكر طبعا انتوا متخيلين ازاى الياهو وانت بتذاكر فعلالالالا انت قاعد المفروض انك بتذاكر وجنبك واحد عمال يرنلك عشان ترد بصراحه مش عارف ليه كنت بعمل الحركه دى انى اكون فاتح الياهو وانا بذاكر الا ان تفسيرها الوحيد ممكن يكون هروب من المذاكرة

حاجه كمان انى كنت بفتكر اى حاجه متأجله او متعطله وقت المذاكرة ولازم اعملها يعنى الحاجات دى كلها مش بتطلع غير لما يكون فى مذاكرة
اللى كان له دور كمان انى بنام متأخر يعنى على الساعه 3 ومش بعرف ازاكر غير الصبح فكنت بنام 3 واصحى 8 ازاكر طبعا ممكن يكون فيه تركيز بس بسيط يعنى معظم ايامى كانت كده وفى الاخر احس انى قصرت اليوم ده شويه واحاول اعوض فى اليوم التانى انى اصحى بدرى اكتر واعمل مجهود اكتر واليوم ده بيأثر على اليوم اللى بعده وكده بقىىىى

حاجه تانى انى كنت بشوف المواد دى على انها حاجه سهلة اوووى وملهاش لازمه انا كانت طريقة المزاكرة عندى
ازاكر المحاضرة احل الاسئلة بتاعتها فى الكتاب وبعدبن اللى فى التطبيقات واسمعها تانى واراجعها لمدة كذا يوم ورا بعض
كنت بلاقى نفسى حافظ اوووووووووووى وكله تمااااااااام وفى الامتحانات انا كنت بحس انى مقفلهم لانى مزاكر الحاجه دى كتير اووووووى قبل كده لدرجة انى ساعات كنت بقول نفسى لفترة كده ان الامتياز مضمون بالنسبه لى بس نزلت للارض الواقع وبطلت الافكار دى ورضيت بجيد جدا وقبل النتيجة بساعات كنت بقول يارررررب جيد بس وبعدين جبت مقبول فى الاخر
دى كمان حاجه اللى هى الثقه الزيادة يعنى

يعنى مثلا من الرغى بتاعى ده كله نطلع فى الاخر ان عيوبى ممكن نلخصها فى الاستهتار وعدم التركيز
سورررى طولت عليكم اوووووى
بس الموضوع حلو اووووووى بجد وياريت كلنا نقول عيوبنا عشان هنلخصها فى الاخر زى ما اتفقت مع المخترع
ونستنتج منها حاجات مهمة اووووووووى

ان شاء الله القادم افضل الترم ده وانا واثق انه هيكون احسن بكتييييير اووووووى من الترم اللى فات ان شاء الله

بجد الموضوع اكتر من رائع وجميييييييييييل جدا جدا جدا......
وانا عن نفس دى أخطائى:
اولا:انا كنت مسافره ونزلت متأخر يمكن قبل الامتحانان بشهر ونص وعلى ما فهمت الدنيا ماشيه ازاى خت وقت
ثانيا:جبت ورق كتييييير لكل ماده ومكنتش بركز فى ورق معين
ثالثا:كنت مركزه فى الرياضه والمحاسبه بس واهملت باقى المواد وبدأت فيهم مذاكره قبل الامتحان
رابعا:كتيييييييير كنت بضغط نفسى ومش بنام كويس وطبعا تركيزى بيبقا اقل
خامسا:ودا سبب انى طلعت بالموارد انى مش بعرف احفظ خااالص وطبعا الموارد كلها دخلت فى بعضها.........
سورى طولت عليكو...

بجد الموضوع اكتر من رائع وجميييييييييييل جدا جدا جدا......
وانا عن نفس دى أخطائى:
اولا:انا كنت مسافره ونزلت متأخر يمكن قبل الامتحانان بشهر ونص وعلى ما فهمت الدنيا ماشيه ازاى خت وقت
ثانيا:جبت ورق كتييييير لكل ماده ومكنتش بركز فى ورق معين
ثالثا:كنت مركزه فى الرياضه والمحاسبه بس واهملت باقى المواد وبدأت فيهم مذاكره قبل الامتحان
رابعا:كتيييييييير كنت بضغط نفسى ومش بنام كويس وطبعا تركيزى بيبقا اقل
خامسا:ودا سبب انى طلعت بالموارد انى مش بعرف احفظ خااالص وطبعا الموارد كلها دخلت فى بعضها.........
سورى طولت عليكو...


خلاص الاول لازم تحمدى ربنا وتقولى قدر الله ماشاء فعل
وتتعلمى من اخطائك وتتحاولى انك متكرريهاش تانى ولازم تبتدى مذاكره من دلوقتى وان شاء الله ربنا هايعوض عليكى و هايكرمك الترم ده وتجيبى تقدير ويرفعولك الموارد ان شاء الله ولا جبت فيها اقل من 7 ؟؟؟؟

http://img193.imageshack.us/img193/4422/787besmellahabeermahmou.gif


http://img269.imageshack.us/img269/467/attachmentbi5.gif

فى الاول احب اهنيك يامخترع ع الموضوع الجميل ده وجزاك الله خيرا واستمر فى موضوعاتك وافكارك المتميزه والرائعه

http://img4.imageshack.us/img4/4486/65431yc7daenr9e5262219.gif

صحيح ان الفشل هو الطريق للنجاح بس ده لو الواحد اجتهد وعمل اللى عليه وكمان مش مهم انك تفشل فى حاجه بس المهم انك تتعلم وتعرف انتا فشلت فيها ليه وتبدأ تحاول تحسن من نفسك الى الافضل وان شاء الله مفيش فشل تاني

http://img4.imageshack.us/img4/5276/123918xheac5dzk45218183.gif


ودي اهم الاخطاء اللى المفروض الكل يخلي بالو منها

http://img41.imageshack.us/img41/9196/1219492i33kufm3bv524712.gif

-واهم سبب لعدم التوفيق والنجاح زي ماكريم ما قال هو البعد عن الله وده خطأ كبير ان كل واحد فينا يقول ربنا هيساعدني وانجح ومش واخد باله اساسا ان هو السبب فى بعده عن دينه وطبعا طالما الانسان بعيد عن الله فهو بعيد عن كل عمل اخر

http://img4.imageshack.us/img4/9089/432022s1vheyatjs3337492.gif

- عدم المذاكره او باول يعني احنا كانت محاضراتنا فى الترم الاول كل اسبوع يوم واحد اللي هو الجمعه انا بقى كنت افضل طول الاسبوع بضيع فى الوقت على اي حاجه وافتكر ان في محاضرات عايزه تتذاكر وانا رايح تاني اسبوع

http://img4.imageshack.us/img4/9089/432022s1vheyatjs3337492.gif

- وكمان الاستهتار بالمواد وعدم اعطائها حجمها الطبيعي ده شيئ خطيير جدا يعني الواحد يقول دي تتلم فى اسبوع او يومين ويلاقي نفسه اضغط في ايام الامتحانات وغصب عنه بيذاكر

http://img4.imageshack.us/img4/9089/432022s1vheyatjs3337492.gif

-وكمان شايف ان اعتمادي الكلي على المذاكرات فى كل المواد هو اللي خلاني اجيب مجموع مش حلو يعني انا فى كتب تقريبا مفتحتهاش

http://img4.imageshack.us/img4/9089/432022s1vheyatjs3337492.gif

- وكمان انا كنت بعمل حاجه خطيره جدا هي ان انا كنت بذاكر جنب الكمبيوتر كنت اشغل اي حاجه عليه واقع اذاكر جنبه والموبايل كمان جنبي مستني اي مكالمه تجيلي عشان اسيب المذاكره واقوم

http://img4.imageshack.us/img4/9089/432022s1vheyatjs3337492.gif

- وعدم الصبر على المذاكره يعني انا مكنش عندي صبر يعني يوم ما كنت افكر اني اذاكر كنت الاقي نفسي اقعد مثلا بتاع نص ساعه والاقي نفسي خلاص مش طايق بس ده طبعا مش ايام الامتحانات بس ليه احنا منخليش نفسنا كاننا فى امتحانات علطول يعني نذاكر بجد وباهتمام

http://img4.imageshack.us/img4/9089/432022s1vheyatjs3337492.gif

- وفي حاجه مهمه جداا وهي التركيز .. نحصل عليه من خلال هدوء المكان والنفس وراحة البال بمعني ان انا وانا بذاكر الزم اعرف ان وقت المذاكره ده وقت مقدس لازم نحافظ عليه وطاعه لربنا لازم نتقرب اليه من خلالها

http://img4.imageshack.us/img4/9089/432022s1vheyatjs3337492.gif

- وكمان استهتارنا بالوقت .. والوقت يعتبر الحياه وراس المال الحقيقي فاذا فرطنا في جزء منه فقد خسرنا جزء من راس المال وبالتالي خسرنا جز من حياتنا بمعني ان انا كنت فى الترم الاول سايبها كده زي ماتيجي تيجي ومكنتش بنظم وقتي

http://img4.imageshack.us/img4/9089/432022s1vheyatjs3337492.gif

-ومن اهم اسباب النجاح والتفوق الترتيب .. وترتيب الاشياء يوفر نص الوقت ونص الجهد
- ولازم ترتب اولوياتك حسب الاهميه
- حدد لكل عمل وقته وكن بارعا في انجازه

http://img4.imageshack.us/img4/9089/432022s1vheyatjs3337492.gif

وطبعا فى حاجات تانيه كتيره كل لما افتكر حاجه هاكتبها عشان الكل يستفاد ويتعلم من اخطائه واخطاء غيره حتي لايقع فيها وان شاء الله الترم الثاني يكون فى اجتهاد ومذاكره

فعلا يا محمود انا النقطه 5 و 6 دول كانوا بيحصلوا معايا داييييما

كنت مستنياه يا محمود
انا بقى هفضفض بجد بس محتاجه حد يفهمنى مش يهاجمنى
انا بقى مشكلتى كبيرة اوى بجد ومش عارفه اتخلص منها
اول حاجه
انا ببقى ف لحظة عندى حماس واقول هذاكر وهعمل وهعمل وفجاه مفيش حاجهمن اللى قوتلها بتحصل خالص والله
تانى حاجه لما آجى اقول النهاردة انشاء الله هذاكر كذا برضه ولا بذاكر ولا حاجه ومش عارفه ايه اللى بيجرالى

تالت حاجه بقى ودى بجد مهمه اوووووووووى وممكن تكون عند ناس كتيرة
هو انى اعد اذاكر اذاكر بالايام ولما اروح الامتحان او الميس بتعتى تسمعلى اول ما بتصلى بنسى كل شىء وخوفى تملى بيقضى على اللى بذكره
حتى ف الامتحان كدة برضه مفتكرش غير لما اطلع من اللجنه ومش عارفه دة سببه ايه بالظبط دة كل اللى بيحصلى والله بتفصيل ودة الغلط اللى للاسف كل يوم بحاول اتخلص منه لكن بفشل

السلام عليكم
جزاك الله خير مُخترع
إن شاء الله سوف ادخل ع الموضوع بكره
لانه عاوز قراءة بعناية

سبحان الله
فيه يا جماعة طريقة جميلة لمعرفة ان كان فيه فيروس في جهازك ام لا
حمل من المرفقاااااااااات
وعيييييييييييييييييييييييييييييييييييييش

موضوع جميل ومفيد

جزاك الله خيرا

معلش يا جمااااعه انا كنت فى ثانوى عندى مشكلة سببتلى اكتئاااااب والله بس الحمد لله ربنا فكها
انا طول عمرى كنت مثالى و متفوق و من اوائل محااافظتى على طوول و الناس كانت بتتقرب منى مخصوص عشان شاطر و يستفيدوا منى المهم جيت فى تانيه ثانوى جبت 85 للاسف لاسباب و تقصير انا عارفه كويس المهم اخدتها بجد فى تالته و جبت 95 % و كنت علمى بقى كله 90 طبعا المجموع ده فى علمى مش يدخلنى غير علوم بس فضلت تجارة عشان اسهل و قولت انجح فيها ان شاء الله
انا عارف تقصيييرى كويس و واعدت نفسى انى ارجع زى زمان و اتقرب مع ربنا اكتر و اكتر
انا حبيت بس افضفض معااااااكم فى الموضوع المميز ده :)