خواطرى

أنواع من الناس

ياناس الناس فى مآس ياناس ماتحبوا الناس

فى ناس بالفم تنباس وناس فى الطين تنداس

ياناس الناس أنواع فيهم الخير والشر

واللى بيجرى ورا الهم
حال الناس ياعينى ف مآس


وناس شغلتها تكيد الناس وناس صنعتها تداوى الناس

وناس سمعتها جبارة وناس سمعتها منهارة

وناس تروح لناس عن ناس وناس بتجرى ورى كلام الناس

وناس بتجرى ورى المال وناس بتجرى ورى عيال

وناس قلوبهم مجروحين وناس قلوبهم مرتاحين
حال الناس ياعينى فى مآس


وناس قلوبهم من فضة وناس قلوبهم من خارصين

وناس قلوبهم من ذهب وناس قلوبهم من حديد

وناس قلوبهم من حجر وناس قلوبهم من ماس
حال الناس ياعينى فى مآس
ياناس ماتراعوا شعور الناس

دول ناس عيونهم سهرانين وناس عيونهم مجروحين

وناس عيونهم أمارة وناس عيونهم مكارة

وناس عيونهم فرحانين وناس عيونهم مشتاقين

حال الناس ياعينى فى مآس

وناس بتنهب ما بتصبر وناس بتصبر وبتصبر

على القليل وبتشكر وناس تنام مرتاحين

وناس ياعينى متغاظين وناس همها لهم الناس

وناس همها ما تكلم ناس وناس ياعينى مظلومين
حال الناس ياعينى فى مآس

وناس تجرى ور ى الأيام وناس بتهرب م الأيام


وناس بتجرى ورى المال وناس بتصرف مال بالكوم

فى ناس تنام ما تقوم وناس فيها طبع اللوم

وناس كلابها سعرانة وناس كلابها هلاكانة
حال الناس ياعينى فى مآس


وناس بتعطى وبتخالف وناس بتعطى ما تخالف

وناس تجرح وبتفرح وناس بتجرح وبتبكى

وناس بتأكل مابتشبع ناس بتحمد وبتشكر

على القليل وبتصبر

حال الناس ياعينى فى مآس

وناس بتفجر وبتلهى عن العيون محجوبة

ورا الحرام عمالة تجرى وسط الزحام مدفوسه

وناس تنام عريانة وناس بتلبس أحلى ملابس

وناس تتمنى ما تلاقى وناس تلاقى يوماتى

حال الناس ياعينى فى مآس

فى انتظار ردودكم
تحياتىىىىىىىىى

استاذى الفاضل
كلمات رائعه نابعه من اعماق الكثيرين
ماذ كرته يعبر عن واقع ملموس
اعزك الله استاذى وبارك لك
ولا حرمنا من ابداعاتك

http://www.ii1i.com/uploads6/b0c1961717.gif (http://www.ii1i.com)

كلمات رائعه جزاك الله الخير كله

جمييييييييييييييلة

موضوع رائع أخي سعيد
وصح هذا حال الناس
جعلنا الله من الصنف الذي يرضي الله عنه