|
مشاهدة النسخة كاملة : أمتحان الرياضة التجريبى سهل ولكنى اظن ان فكرة هذة ألامتحانات مضيعة للوقت kamel51 14-03-2010, 10:11 AM انا لسة جاى من الامتحان التجريبى وكان سهل جدا جدا جدا وجميع الاسئلة مباشرة ولكنى اظن ان هذة التجربة لا يستفيد بها الطالب لان معظم المدارس الامتحان فيها اصلا Open Book و مبيدوناش ورق اجابة ولا حتى اسئلة وكمان فى طلاب كتير مستغلة الفرصة دى علشان ميذاكروش للدروس بحجة الامتحانات دول حتى بيطلعونا بدرى عن الوقت كمان:040vk0:.... بس ياريت اساتذة الموقع يجيبولنا الامتحان و الاجابة بسرعة يوسف سالم 14-03-2010, 10:37 AM اهلا انا يوسف لسة جاى حالا من امتحان التجريبى الرياضة وبجد الامتحان سهل جداً مفهوش اى صعوبة على الاطلاق ونظام الامتحانات عندنا فى المدرسة ليس جاداً نريد اهتمام اكثر من ذلك وشكراً sindbad22 14-03-2010, 10:46 AM احب اقول ان انا مستويه جميل وحاسه ان الامتحان صعب جد جدا حتي الاولي ع المدرسه كانت بتبكي بجد ياريت حد يقولنا الاجابات بس انا حاسه ان انا ادمرت وخلاص بس الامتحان صعب اكني اول مره اشوف رياضه وكتاب الماهر مش حلو مفهوش اسئله دكاء انتو بتستخدمو ايه ارجو الرد ضروري tahahamdy 14-03-2010, 10:56 AM انا لسة جاي بردة بس انا مش عارف الامتحان جاي علي المنهج كلو ولا الترم الاولاني بسهو امتحانن محترم وخصوصا السؤال الاول ب tahahamdy 14-03-2010, 10:59 AM كتاب المعاصر طبعا ودليل التقويم kamel51 14-03-2010, 11:00 AM هوا انا شايف ان الامتحان مكانش صعب اوى كدة يعنى وانا عن نفسى باستخدم كتاب المعاصر و لامى يا جماعة لو سمحت كل واحد يقول رايه فى الامتحانات التجريبية هل بيستفيد منها ولا ... sindbad22 14-03-2010, 11:02 AM دليل التقويم لسه مجاش ولسه لامي منزلش سالت عليه يوسف سالم 14-03-2010, 11:02 AM انا شايف والله بجد ان الامتحان مفهوش اى صعوبة على الاطلاق والحمدلله وبفضل الله لم استخدم اى كتب للمراجعة وربنا يوفقكم جميعاً mmdoh45 14-03-2010, 11:03 AM الامتحان كان صعب اوى ختى مفيش ولا واحد فى المدرسة جواب على اجابة صح kamel51 14-03-2010, 11:05 AM كتاب لامى معايا من اول السنة و دليل التقويم انا جايبو من شهر و على فكرة ممكن تشترى النماذج القديمة لأن مفيش اى تغييير وده على كلام اساتذة المدرسة بتاعتى يوسف سالم 14-03-2010, 11:08 AM ياجماعة انتم خايفين لية الذاكر من اول السنة هو ال ربنا وفقة انا شايف ان كل الاسئلة انا قرأتها وحلتها وهى فى مستوى الطالب المتوسط ath_am 14-03-2010, 11:09 AM امتحان كويس جدا بس المشكلة ان هو على المنهج كلة اضاهر كدة وان صح القوا التفضاضل كلة ونصف المثلثات kamel51 14-03-2010, 11:11 AM لأ هوا مجابش كل التفاضل هوا جاب النهايات و اول درسين من المشتقات kaker 14-03-2010, 11:12 AM الامتحان صعب يوسف سالم 14-03-2010, 11:19 AM هو جاب النهايات والمشتقات والمعادلات فقط لاغير وبعدان هى الرياضة اد اية؟ دة هى كلها حبة اد كدة؟... esoo_200 14-03-2010, 11:21 AM معانا ربنا مودى راب دوت كوم 14-03-2010, 11:23 AM الامتحان سهل جدا وما فهوش اى صعوبة حسن عبده 14-03-2010, 11:24 AM الامتحان كان جميل وكان سهل بس اننا معرفتش احل نهاية الدوال المثلثية الى كانت فى اخر سءال ياري حد يقولى الاجابة abosalah_crazyboy 14-03-2010, 11:38 AM الامتحان كان جميل وكان سهل بس اننا معرفتش احل نهاية الدوال المثلثية الى كانت فى اخر سءال ياري حد يقولى الاجابة ظتاتربيع س ... هتطلع في البسط ظاتربيع س وبعدين هتقسم بسط ومقام على س تكعيب أنا حليتها كده والناتج طلع 5 ............ ياريت حد ينزل الإمتحان وحله أنا بالنسبة ليا الإمتحان كان كويس ... مش سهل أوي ولا صعب أوي ........ ده هو مش صعب أصلاً أنا بس السؤال بتاع حل المثلث جابلي شلل ... علشان الزوايا العجيبة اللي طلعتها ... Menna_shady 14-03-2010, 11:39 AM هو الامتحان كان سهل الى حد ما بس اخد وقت انا عايزة اتاكد مناجابة السؤال الاول ب sindbad22 14-03-2010, 11:42 AM انا قصدي ع لامي مراجعه نهائيه الواحد مش عارف الامتحان سهل ولا صعي يااااااااااااااااااااااااااااااااااااااريت الاجابات وفعلا حل المثلث صعبه بس الواحد زهق وع فكره ال داكر مش من اول السنه هيحل عادي لو بدا جد ربنا هيوفقه وبيقولوا دليل التقويم السنه ال فاتت ف الجبركان ف غلكات عمر سيد محمد على 14-03-2010, 11:43 AM انا ولية امر طالب الرجاء من المدرسين الافاضل للموقع وضع رايكم فى لامتحان ووضع الامتحان للغات بالاجابة النموذجية ولكم جزيلا الشكر والاحترام el_magic 14-03-2010, 11:44 AM امتحان بسيط جدا على الرغم انه فيه سؤال خارج مقرر الترم الاول واعتقد هما متعمدين كل امتحان يحطوا سؤال خارج الترم الأول انا لسة جاي بردة بس انا مش عارف الامتحان جاي علي المنهج كلو ولا الترم الاولاني بسهو امتحانن محترم وخصوصا السؤال الاول ب لو ضربت القوسين قبل ما تشتق هتعرف انه سؤال غير محترم دا سؤال بسيط nonaaaaaa 14-03-2010, 11:46 AM الامتحان كان معقول و انا شايفة ان فكرة الامتحانات ديه فكرة كويسة علشان الواحد يقيم نفسه و يعر هوة واصل لفين في كل مادة el_magic 14-03-2010, 11:47 AM هو الامتحان كان سهل الى حد ما بس اخد وقت انا عايزة اتاكد مناجابة السؤال الاول ب -1.125 اضرب القوسين الاول بعدين اشتق وعوض ب س =2 حلم العمر 1993 14-03-2010, 11:50 AM على فكره الامتحان كان كويس بس الخوف من اخر السنه عايزين الحل للامتحان borioo 14-03-2010, 11:57 AM الامتحان كان سهل جدااااا بس مش عارفه ايه اللى جرالى والله مش كنت فاكره حاجه خالص حتى القوانين وربنا يوفقنا جميعااااااااااااااااااا ان شاء الله وربنا يستر بقى تيتو نت 14-03-2010, 12:06 PM يا جماعه الامتحان كان سهل جدااااااااااااااااا و على فكره المعاصر جايب اسئله اعصب من الى جت فى الامتحان , مستوى الامتحان فى مستوى الطالب المتوسط تيتو نت 14-03-2010, 12:07 PM انا خايف يجبوا امتحانات سهله كده و نيجى اخر السنه يجبوا امتحانات نيله و صعبه فرافير 14-03-2010, 12:20 PM يا جماعة حد يقولى حالا هو احنا هنعرف الدرجات ولا لأ ضرورررررررررررررررررررررررررررررررررررررررررررررى ارجوووووووووووووكم 3an5 14-03-2010, 12:23 PM الامتحان كان سهل ممتنع عمر سيد محمد على 14-03-2010, 12:25 PM هنا فى منتدى الثانوية العامة طلاب الثانوية مظلومين فى المواد المترجمة مثل الماس والكمياء ارجو النظر لكم فرافير 14-03-2010, 12:29 PM يا جماعة هو احنا هنخدوا الدرجات ولا لأ تيتو نت 14-03-2010, 12:29 PM الدرجات المدرسين هيعلموها و انت ممكن تطلب من المدرس يعرفلك درجتك بس لازم تعرف مين الى صحح ورقتك فرافير 14-03-2010, 12:37 PM شكرا على الرد اصلهم بيقلولى انها هتنزل على النت وفى شهادات كمان تيتو نت 14-03-2010, 12:39 PM i dont think so إيمي سلامه 14-03-2010, 12:44 PM أعتقد أني معرفتي لدرجتي حتكون كارثة بالنسبة ليا بس لازم أعرفها وبيتقال أن الأمتحانات حتتصحح وتتعلق في المدرسة دة اللي أنا سمعتة:wacko::wacko::wacko::wacko::wacko: تيتو نت 14-03-2010, 12:46 PM انا برده سمعت الكلام ده إيمي سلامه 14-03-2010, 12:57 PM ربنا يستر علينا لاني حاسة أني حموت علي أخر السنة دي بسبب اللي بيتعمل فينا :(:(:(:(:( تيتو نت 14-03-2010, 12:59 PM ربنا معاكى و معانا كلنا فرافير 14-03-2010, 01:01 PM احنا عايزين حد متاكد100فى 100 من موضوع الدرجات دة Dr mo7mad ashraf 14-03-2010, 01:03 PM الامتحان كان ميه (سهل جدا )۫۫۫ dodonicefriend 14-03-2010, 01:18 PM انا قرات فى موقع اننا حناخد الدرجات و كمان حتنزل على النت اول اسبوع من شهر ابريل. و ربنا يستر . داندن 14-03-2010, 01:33 PM يا جماعة كلكم شايفين الامتحان سهل .ما عدا انا واصحابي والمدرسة كلها .مفيش غير اول مسالة نهايات واخر واحدة هي اللي سهلة بس ده حتي حل المثلث كان فيه افكار وسؤال اوجد النقط مش عارفة حله ايه ,والله اتعقدت بس كويس اني هفوق لنفسي بس ياريت حد يقولي احل ايه في لامي واالمعاصر كيمو 5 14-03-2010, 02:03 PM الحمد لله الامتحان كان جيد يعني في مستوي الطالب المتوسط بس متهيألي ان رقم ب في السؤال الاول وبتاعة ظتا تربيع مستوي متفوق BARBY1 14-03-2010, 02:20 PM امتحان جميل جداااااااااااا malak_el7ob 14-03-2010, 02:28 PM الامتحان كان جميل جدا بس كان عايز وقت مش اكتر ويارب الامتحانات النهائيه تكون كدا عمر ندا 14-03-2010, 02:39 PM يا جماعة كلكم شايفين الامتحان سهل .ما عدا انا واصحابي والمدرسة كلها .مفيش غير اول مسالة نهايات واخر واحدة هي اللي سهلة بس ده حتي حل المثلث كان فيه افكار وسؤال اوجد النقط مش عارفة حله ايه ,والله اتعقدت بس كويس اني هفوق لنفسي بس ياريت حد يقولي احل ايه في لامي واالمعاصر طيب الحمد لله ان الامتحان التجريبى موجود وربنا معاكى ومعانا يا رب المسائل متشابهة فى لامى والمعاصر بس المعاصر جميل بس اهم حاجة دليل التقويم تقبلى تحياتى والسلام عليكم ورحمة الله وبركاته osos_44 14-03-2010, 02:49 PM من الاخر اللى شايف ان الامتحان صعب يبقى منه هو مش من الامتحان يعنى يدور على مدرس تانى لان الامتحان للطالب البدائى secret Garden 14-03-2010, 03:31 PM أنا شايف إن الإمتحان سهل جدا .... و بالنسبة لتصحيح الإمتحانات فهى بتتصحح فى المدرسة أنا شفت المدرسين و هما بيصححوها .. بعد إذنك يا أخ عمر ... هو فى دليل تقويم بتاع السنة دى و لا إنتم بتحلوا من القديم ؟؟ sony w bs 14-03-2010, 03:32 PM هو الامتحان كان مستواه حلو وبالنسبة للكتب ف دليل التقويم ومعاصر مسائل وكتاب 100% dory30 14-03-2010, 04:40 PM الامتحان كان حلو بس فيه مدرسين عندنا بيقولو ان النقط الواقعه مش من منهج الترم الاول وانا حابه الامتحانات دي عشان اعرف وقت كل ماده هيكفيها ولا لا دا غير الاستفاده من الاسئله وربنا يوفقنا جميعا إيمي سلامه 14-03-2010, 04:53 PM سواء كانت الأسئلة من الترم الأول ولا لا أهو اللي حصل حصل وأنتهي الموضوع ولازم نركز في أمتحان الأنجليزي بكره ولا إيه؟؟؟!!!!!!!!:slap1qk6: elfarselzahby 14-03-2010, 05:03 PM الامتحان كان كويس وأنصح الجميع باستعمال المعاصر هو أفضل كتاب إيمي سلامه 14-03-2010, 05:09 PM أنا بفضل أستخدام كتاب دليل التقويم مع أي كتاب خارجي وليكن الماهر أو 100% أو المعاصر لاني بستخدمهم :d:d:d:d:d omnia raafta 14-03-2010, 05:20 PM الامتحان كان حلو اوى انا كنت متوقعه اصعب بس الحمد لله لكن المشكلة فى الوقت مكنش مكفى الابس تحل ومفيش مراجعة nanomoonlight 14-03-2010, 05:41 PM على فكره الامتحان جميييييييييييييييييييييييييييييييل جدا بجد و سهل بس على المذاكر بس ههههههههههههههه وانا الحمد لله ماكونتش مذاكره بس بجد حلو و مش يستاهل خالص اى انهيار بجد فى المستوى المتوسط يا رب بس الامتحان النهائى يبقى كدا قولو امين basoola 14-03-2010, 09:40 PM الامتحان كان حلووو بس انا اللى خرفت شويه .. ^_^ عمر ندا 15-03-2010, 05:47 AM أنا شايف إن الإمتحان سهل جدا .... و بالنسبة لتصحيح الإمتحانات فهى بتتصحح فى المدرسة أنا شفت المدرسين و هما بيصححوها .. بعد إذنك يا أخ عمر ... هو فى دليل تقويم بتاع السنة دى و لا إنتم بتحلوا من القديم ؟؟ لا يا باشا فى دليل التقويم 2010 موجود وهو عندى فى عندنا مكتبات مصوراه وبتبيعه فى المكتبة وشكررررررررررا zidan egy 15-03-2010, 07:31 AM اجابة السؤال الاول( ب) -9على 8 Jehad Mohamed 15-03-2010, 12:58 PM احنا محافظة البحيرة رايحين انهارده الاتنين على اساس ان احنا عندنا امتحان فرنساوى جم قالولنا الصبح عندكم امتحان رياضة ودين الصبح بذمتك ده يرضى ربنا والله حرااااااااااااااااااااااااااااااااااااااااااام حلينا واحنا مش مذاكرين حاجة خالص الا الفرنساوى على اعتبار اننا كنا هنتحنوه بكره الثلاثاء هنمتحن فرنساوى والله ده ظلم Mr.Mohamed Mahmoud 15-03-2010, 06:08 PM الامتحان كان سهل فعلا المسألة الاخيرة بس هيا اللي فيها فكرة بسيطة مستر / محمد Mr.Mohamed Mahmoud 15-03-2010, 06:11 PM احب اقول ان انا مستويه جميل وحاسه ان الامتحان صعب جد جدا حتي الاولي ع المدرسه كانت بتبكي بجد ياريت حد يقولنا الاجابات بس انا حاسه ان انا ادمرت وخلاص بس الامتحان صعب اكني اول مره اشوف رياضه وكتاب الماهر مش حلو مفهوش اسئله دكاء انتو بتستخدمو ايه ارجو الرد ضروري أنصحك بكتاب المعاصر كتاب قيم جدا ومتدرج في مستوي الاسئلة من السهولة الي الصعوبة مستر / محمد بنت بلدى 16-03-2010, 04:07 PM هو الامتحان كان صعب فعلا وخصوصا السؤال الاول <ب> ونظام المدرسة طبعا زفت دول حتى بيقعدونا اتنين فى الدسك مجدى مرعي 16-03-2010, 08:24 PM لا بجد والله في ناس خرجت من الامتحان مبسوطه وبتقول انه سهل وفي ناس زي مادخلت زي ماخرجت:bosyht9:هههههههههههههههه مجدى مرعي 16-03-2010, 08:29 PM والبعدين عندنا قالوا لنا متحلوش السؤال الاول (ب) لاننا مخدنهش اه والله دا حصل وياعالم هيعملوا ايه في الجبر دا احنا لسه هانشوف كتير اوى والله ربنا يكون في عونااااااا بلانجس 16-03-2010, 08:57 PM هو انتم بتحلو المتحانات المدرسين بيقولوا اننا منحلوش كويس عشان الامتحان يجى سهل ولا ايه النظام ريانة الجنه 16-03-2010, 09:02 PM الامتحان كان كويس بالنسبة لثانوية عامة واللى مذاكر هو اللى هيحل |