اعرفكم بنفسي الاول :
انا عندي 17 سنه واولي طب بشري (مش مشكله جامعه ايه)
مشكلتي :
ان انا مش بصاحب خالص رغم ان ده منتشر في الكليه عندنا بدرجه كبيره وكمان تعاملي مع البنات قليل جدا وفي حدود الدراسه ولو فيه ولاد هيقدروا يفيدوني في الدراسه بفضل اني اكلمهم عن اني اكلم البنات وسبب ده كله اني ولد وحيد وليا اختين وطبعا بابا دايما يقولي لازم تحافظ علي اخواتك وكده ومن المنطلق ده بحاول احافظ علي كل البنات ومبرضاش عليها اللي ما برضهوش علي اختي وطبعا محدش يرضي ان اخته تصاحب عشان كده ما بصاحبش مع ان في بنات اصلا بتبقي جايه الكليه عشان تصاحب ومعظم صحابي صاحبوا تقريبا وبيتريقوا عليا

وبصراحه اكتر انا بحب واحده معايا في الكليه بس عمري ما كلمتها ( لأني بقول انا هحافظ عليها سواء ليا او لغيري )

انا كده غلطان ولا ايه ؟؟؟ عندي مشكله؟؟؟ مع العلم اني بعاني نفسيا من الموضوع ده لأن معظم صحابي بيحسسوني بالعجز وبيتريقوا عليا

سلااااااااااااااااااااااااااااااام طولت عليكم

هي النقطة الوحيدة الممتازة في كلام حضرتك:
" انا هحافظ عليها سواء ليا او لغيري"
دي جملة مهمة جدا
ياريت تحطها قدام عنيك .. ودايما تحسبها كده.

اما بالنسبة لفكرة الانطوائية او عدم القدرة على الانتشار...: حلها الاكيد طبيب نفسي .

اتمنى لا تتصورها اهانة او استهزاء ، لكن الطبيب النفسي اهم من طبيب الانف والاذن والحنجرة .. ومن طبيب المفاصل.
ف مهم تعرض نفسك على حد مختص .

ولا يهمك يا دوكتر

الموضوع مجرد تعود..

ممكن عشان اول سنه في الجامعه مش عارف تتجاوب مع جو الجامعه والدوشه والزحمه والدكاتره ..والجو ده ..

ممكن في تانى سنه ان شاء الله تبقى اتعودت ع النظام بتاع الجامعه فتقدر تحل كتير من المشاكل دى رغم انها مشاكل عاديه جدا ..وناس كتير بيمرو بيها بالفتره دى وده طبيعى جدا ع فكره ..

الحكاية حكاية نصيب

منا مصاحب من دلوقتى انا فى 2 ثانوى ومصاحب من 1 ثانوى

بس نصيـــــــــب مش اكتـــــــــر

كل واحد لازم يستنى نصيبــوا وميزعلش

شوفت انا استنين 15 سنة لحد ما جة وانا عندى 16 سنة

شوف يا ابني انت مفيش عندك مشكلة وربنا يوفقك

أظن إنك فعلا إنسان طبيعى
و ندعو الله أن يهدى جميع شبابنا و يقتدوا بك
و لو كنت أتمنى أبناء ما تمنيت غيرك لرجاحة عقلك
أنت الصح و كلهم خطأ
سر على الدرب الله معك

انت الصح وربنا يثبتك وفكك من الي بيترقو دول بكره يندمو

هي النقطة الوحيدة الممتازة في كلام حضرتك:
" انا هحافظ عليها سواء ليا او لغيري"
دي جملة مهمة جدا
ياريت تحطها قدام عنيك .. ودايما تحسبها كده.

اما بالنسبة لفكرة الانطوائية او عدم القدرة على الانتشار...: حلها الاكيد طبيب نفسي .

اتمنى لا تتصورها اهانة او استهزاء ، لكن الطبيب النفسي اهم من طبيب الانف والاذن والحنجرة .. ومن طبيب المفاصل.
ف مهم تعرض نفسك على حد مختص .

ولا يهمك يا دوكتر


اهانه ليه ؟؟؟ عادي ده تخصص طبي موجود عندنا في الكليه
بس انا شايف ان انا الوحيد اللي اقدر اتعامل مع نفسي

الموضوع مجرد تعود..

ممكن عشان اول سنه في الجامعه مش عارف تتجاوب مع جو الجامعه والدوشه والزحمه والدكاتره ..والجو ده ..

ممكن في تانى سنه ان شاء الله تبقى اتعودت ع النظام بتاع الجامعه فتقدر تحل كتير من المشاكل دى رغم انها مشاكل عاديه جدا ..وناس كتير بيمرو بيها بالفتره دى وده طبيعى جدا ع فكره ..


شكرااااااااا لمرورك

شوف يا ابني انت مفيش عندك مشكلة وربنا يوفقك

أظن إنك فعلا إنسان طبيعى
و ندعو الله أن يهدى جميع شبابنا و يقتدوا بك
و لو كنت أتمنى أبناء ما تمنيت غيرك لرجاحة عقلك
أنت الصح و كلهم خطأ
سر على الدرب الله معك

انت الصح وربنا يثبتك وفكك من الي بيترقو دول بكره يندمو


ان شاء الله... ربنا يو فقنا جميعا

(الصح وسط الغلط يبقى غلط )فهمنى
ولو انت بتحب البنت ديه بجد قرب منه شويه بشويه وتكون جاد معاه وحافظ عليها وربنا يوفقك وطمنا عليك دايما لان اللى زيك قليل

نفسي افهم ليه كل المحترمين بيكونوا حاجة غريبة ؟!!..
لازم تكون مقتنع ان تفكيرك صح بس نصيحة ياريت تحاول تشيل الموضوع ده من دماغك يعني عشان متتصدمش
بالنسبة لأصحابك اللي مصاحبين دول معتدهمش كرامة و لا ضمير مش عارف ازاي ممكن واحد او وحدة يخونوا ثقة اهلهم فيهم و كمان هو ده اللي ماشي اليومين دول وبعدين تفكير أهلك صح جدا
اكيد انت عارف انك مهما حاولت ترضي الناس مش حيرضوا عنك فلازم تعمل اللي انت مقتنع بيه ومتسمعش رأي حد عايز يقلل ثقتك بنفسك

بص يا دكتور انت صح فيما فعلت
ولكن قولك انك تعانى من مشكله نفسيه هو نفسه مشكله نفسيه فنصيحتى ان تبعد هذه الفكره عن نفسك ولا تنشغل بها

على فكرة ياريت كل الشباب يكونوا زيك
دى مش مشكله دى حاجة محترمة

بسبب الخلل في الموقع ... تم حذف جميع المشاركات

انا بكرر شكري لكل اساتذتي اللي ردوا علي الموضوع

انتوا نسيتوا موضوعي ولا ايه؟؟؟؟

بص يادكتور
بصراحة عجبني موقفك جدااا
انك اللي مش تقبله ع اختك مش تقبله ع حد
والله ونعم الكلام
ياريت كل الشباب تفكر زيك كدا
اما البنت اللي بتحبها دي
مسألة وقت هتتعدي صدقني
لان دا مش حب حقيقي
دا لسه اولي جامعة
بعد كدا هتلاقي الانسانة الناضجة اللي هتكمل معاك حياتك
وبخصوص اصحابك
عمرك ما هتقدر ترضيهم
المهم انك ترضي ربنا فقط لا غير
بعد كدا اصحابك دول هيندموا ع كل حاجة بسبب صداقتهم للبنات دي
الله يهدي
مين اللي قال بانك مريض نفسي
بس هو الانسان الصح بيشوفوه غلط ف الزمن دا

لأ علي فكره هو حب حقيقي ومش مسأله وقت ولا حاجه

علي العموم شكرا لمرورك