<div align="center">المكان:كهف207 الدور التاني تاني بلكونه شمال
الزمان:حاجه بتاعه خماشر تمناشر الف سنه ايام الكهوف
يدور الحوار كالتالي
ههووو جوشا مبومبا خووووووووووووووت
شكننبها ثبلعصثبل ثصكصني
و ده ترجمته
هو:انا قولت مفيش شغل يعني مافيش شغل
هي:و انا قولت هشتغل يعني هشتغل انا لازم اثبت وجودي
ما اكيد مش هتفهموا لغه زمان انا بس اللي اعرفها
تعليم بقي اصلي متعلم بره (عالسلم)ما علينا
و تدور عجله الزمن
المكان:مديريه امن الاسكندريه قسم البلاغات
الزمان:عام2007 الساعه12.30الظهر
هو:كده تخبطيني بالزهريه علي دماغي يا بنت ال....كان يوم اسود يوم ما اتجوزتك..و كل ده عشان الشغل
هي:الله يخرب بيت الجواز عاللي بيتجوزوا مانا كنت في بيت ابويا زي الفل
و طبعا هتسالوا انا عرفت الكلام ده منين
لا انا مش ظابط انا مهندس بس كنت ممسوك في لجنه بس مش رخص وبلاش احراج
المهم ممكن تتخيلوا اني كنت واقف انا و الشاويش جنبي وانا اساله هو في ايه
و هو يقولي مالكش فيه
و بعدها شتيمه بينهم و اساله هو في ايه؟؟؟
يقول مالكش فيه
طبعا بعدها بربع ساعه كنت بعزم عالشاويش بسجاره و قعدنا مع بعض و حكالي الحكايه كلها و خلصنا الموضوع معاهم
الموضوع كان ان خناقه ما بينهم
عشان عاوزها تقعد في البيت و هي عاوزه تشتغل وصلت للتراشق بالايدي و الاسلحه البيضاء قنابل المولوتوف
و في قوات حفظ سلام بتخلص هناك و انا بكلمكوا دلوقتي
المهم المشكله دلوقتي اللي بقت بتهدد كل بيت
سواء جديد او بيت قديم
ان الست عاوزه تشتغل و الراجل مش موافق لانه عاوز حد ياخد باله من البيت
و الست شايفه ان الله يرحمها سعاد يونس كان عندها حق اما قالت...هو انا الجاريه اللي امك اشتريتهالك
و فعلا الموضوع ده بيصل لحد الانفصال
و بيبقي ضحيته الابناء
و السؤال هنا للاولاد
اما تتجوز...هتسيب مراتك تشتغل؟؟؟؟ ولا لأ؟؟؟؟؟؟؟
و بالنسبه للبنات
اما تتجوزي..هتشتغلي ولا هتقعدي في البيت؟؟؟و لو جوزك اصر علي انك تقعدي هتعملي ايه؟؟؟؟؟؟؟؟؟؟؟؟؟؟؟؟؟
انا بالنسبه ليا
انا هتجوز و اقعد في البيت هي الواحده مننا ليها ايه غير بيت جوزها؟؟؟
ايه التخريف اللي انا بقوله ده؟؟؟ لامؤاخذه ده كان الفيلم العربي
انا هقولوكوا رايي اما الاقي ردود في الموضوع و امانه عليكو تردوا عليا
و محدش يسالني انا كنت ممسوك في المديريه بعمل ايه
يالا سلام يا شباب</div>

والله موضوع الشغل ده مش فى نقاش بالنسبه لى
انا لو مش اشتغلت هموت لانى مش متواكله حتى لو الشخص ده سعيد الحظ سيادته
واساسا المواضيع دى مفروض يبقى متفق عليها قبل الزواج
واعتقد مش هتتجوز عيل يعنى
شكرا على الموضوع مع اننا اتناقشنا كتير فيه وبنلف فى دايره وبنوصل لنفس النتيجه
والنتيجه هى "الراجل المصرى عمره ما هيتغير ولو فى القرن السبعه وعشرين"
وكمان قليل اوى اللى مش بتشتغل دلوقتى لان الغالبيه العظمى من محدودى الدخل فهتلاقى الزوج بيدور لزوجته على شغل

<div align="center">شكرا ردك

بس الرجل المصري في تطور مستمر ههه زي الحاجة الساقعة كده

و اكبر دليل اننا بناقش موضوع زي ده

الله يرحم ايام زمان لما البنات كان عيب لما يتعلموا ........................ </div>

ده ايام زمان بقى
دلوقتى شوف الدكاتره فى الكليه
هتلاقى نصهم دكتورات (لو الجمع صح)

<div align="center">هو التعليم باظ من شوية

ربنا يكرمكم كمان و كمان </div> :D

أنا أرفض أتجوز واحدة عاوزة تشتغل
الموضوع لاغي
:D

انا ارفض بشدة انا هعد مراتى فى البيت ملكة تشتغل اية بس يعنى الشباب خلاص خلص ومش ملاحق على الشغل

انا بقى عن نفسى لازم هاشتغل ان شاء الله واكيد هاحاول ارعى بيتى جنب الشغل ومفيش حاجه فيهم تأثر على التانيه بس لو مش هاقدر احقق التوازن ده هاقعد فى البيت احسن يعنى هو احق بكل اهتمامى وبيتهيالى دلوقتى فعلا مبقتش مشكله كبيرة اوى ذى زمان يعنى الولاد اللى مش بتوافق على الشغل للبنات ده فيه اضعافهم بيوافقو وبيحترمو ده جدا مع اختلاف وجهات النظر طبعا فيه اللى عايز واحده تساعده فى المصاريف مثلا والتانى عايزها تحس بوجودها وانها انسانه ناجحه والتالت بقى عايزها تشتغل وتصرف على البيت وهو باشا اكيد بس حقيقى من حقنا نحس بقيمه تعليمنا ده ولا كانو بيوجعو دماغنا ليه من الاول؟ . تسلم ايدك على الموضوع

ثااااانكس على الموضوع
انا عن نفسي ان شاء الله لازم هاشتغل . اولا انا نفسي ادخل كلية طب وبان الله ربنا يقدرني واجيب مجموعها , واكيد يعني لما ادخل يبقى هاشتغل وسواء كنت دخلت اي حاجة تاني ( مش ينفع اني اقعد في البيت ) اول حاجة خلاص الحكاية دي مااتتت من زماااااان اوي ثانيا في الزمن دة عمر ما الراجل هايقدر يوجد كل المتطلبات ( حرام بجد نسيب المسئولية على فرد واحد لازم يكون في تعاون )

و الله في الزمان ده NEVER EVER ان my wife تشتغل ....... مش علشان انا رافض الفكرة بس علشان المجتمع مبقاش امان

الكلام فى الموضوع ده بجد مش هينفع
اصل البنت دلوقتى بتقول هشتغل ولازم اشتغل واول ماتتجوز وتحس ان بقى عليها مسئولية كبيره هتقول خلاص ماليش دعوه انا مليش دعوه بالمصاريف هو المسئول مش انا
والشاب اللى بيقول مش عايز مراته تشتغل
لما يتجوز ويحس ان المسئولية كبيره عليه هيقول لازم تساعدينى
مش قادر لوحدى ونتعاون وكده
وفعلا بيروح هو يدورلها على شغل
اكيد مش كل الشباب ولا كل البنات هيغيروا رايهم بعد الجواز
لكن معظم الشباب بيحصله كده نظرا للحاله الاقتصاديه الفظيعه اللى احنا فيها دى

البنات كلهم بيقولوا الكلام ده قبل الجواز وبعد الجواز هو انت لسه فاكر
خلاص العيال بئا والبصل (هههههههههههههههههه) وسى لطفى جوزى محكم رأيه انى مشتغلش
وده سبب كبير فى تخلفنا

انا اسفه جدا ماخدتش بالى ان ده منتدى الرجاله
انا شوفتها فى اخر المشاركات فى الشريط
معلش بجد انا اسفه لو كان الشباب هيدايقوا يعنى
بس الموضوع المفروض مش يتحط هنا
طالما محتاج مناقشه
ياريت يتنقل اى قسم تانى
لان فى بنات مش بتدخل القسم ده اصلا

انا اسفه جدا ماخدتش بالى ان ده منتدى الرجاله
انا شوفتها فى اخر المشاركات فى الشريط
معلش بجد انا اسفه لو كان الشباب هيدايقوا يعنى
بس الموضوع المفروض مش يتحط هنا
طالما محتاج مناقشه
ياريت يتنقل اى قسم تانى
لان فى بنات مش بتدخل القسم ده اصلا

لا ده رأيكم مهم لان ده موضوع يخص الطرفين ..... و شكراا

انا مش اشد المعترضين ع عمل المرأة _مع احترامي لكل الاراء_
بس بجد انا شايفة ان احسن مكان للمرأة هو البيت
فيه ممكن تثبت نفسها بجد
لما تربي اولادها كويس وطيع زوجها دا احسن
من اي شيء اما بالنسبة للتعليم زمان كانوا خطا افكرهم _مش ف كله_
ف موضوع البنت مش تتكلم لانها لما تتعلم هتربي اجيال تعرف حقها وواجباتها
ملحوظة 00000000000الموضوع جميل

انا مش تفرق معايا اشتغل او لا بس لو لقيت شغل حلو ومرموق اكيد حشتغل ولو ان شاء الله زوجى قالى متشتغليش ممكن مشتغلش لان المراه من المفروض المحافظه ع بيتها واولادها وغير كده الاسلام كرم المراه واعطاها حقوقها وهى فى البيت بس انا مش ضد عمل المراه انا احب اشتغل بس فى مكان مرموق

أنا مش حعارض بس إلا في حالة واحدة إن الست تقصر ولو بذرة في بيتها يعني لو قصرت ولو بذرة في بيتها مفيش شغل يعني من الاخر تحسسني إنها بتعمل اللي عليها ومش حطلب الزيادة

أنا عندى الشغل أهم حاجة فىحياتى وممكن متجوزش من أصله علشان أكون ناجحة فى شغلى وبعدين أنا عمرى ماهشتغل لمجرد الفلوس لكن أنا عندى طموح أوصل لأعلى مكانة فى شغلى وده رأيى اللى مقتنعة بيه

احنا نكلم بصراحة شوية و معاه شوية جد هما اكيد بيحبو يشتغلو علشان انهم تعبو فى تعليم الثانوية الخ
موضوع رائع

من رايى لو عملها له ضروره كان تعمل طبيبه نساء وتوليد
مه عدم الاختلاط
لكن لو زوجها طلب منها الا تعمل فالاحرى ان تطيعه
فطاعه الزوج من طاعه الله
شكرا على موضوعك

مبدأيا أنت كنت ممسوك ليه فى اللجنة وثانيا أنا لو أتجوزت بعد 20 سنة على أقل تقديى عمرى ماخلىزوجتى تشتغل مش كفاية الرجالة اللى قاعدين على القهاوى يحلوا مشكلة البطالة شوية