<div align="center">السلام عليكم يا شباب...دي اول مره اكتب فيها هنا و بلاش تخذلوني
وانا قاعد كده في قعده صفا مع نفسي(كنا بنلعب طاوله)و جه في دماغي موضوع احب تشاركوني فيه
كلنا كنا اطفال في يوم من الايام
و ياما عملنا بلاوي و احنا صغيرين
مره ربك يسترها معاك و محدش يكتشف
و مره تانيه متبقاش برم اوي و تتكشف
و ساعتها بتاكل علقه سقع و عينيك ما تشوف الا النور
كام مره حصلت معاك؟؟؟ اكيد كتير لاننا كنا اطفال
و بنتعامل مع الحاجه ببراءه
ايه يعني دبانه وقفت عالغدا حطييت الاكل في الغساله و هي شغاله عشان ينضف؟؟؟؟
مفيهاش حاجه يعني
كام مره مسكت القلم الجاف و حاولت تساعد اخوك الكبير في الواجب و اتحول الواجب من 1+1=2 الي رسوم ******يه تنم عن عبقريه فذه؟؟؟
ليه الناس مش بتقدر
ليه منرجعش لايام الطفوله المشرده
و نسترجع الايام الحلوه و نضحك كلنا؟؟؟؟؟
و الفكره ان كل واحد فينا يدخل
و يقول موقف عمله بوظ فيه الدنيا و هو صغنون
و اكل عليه علقه سخنه
او ربنا كرمه و ما اتكشفش
و اوعدكم ان كل اما الاقي الردود بتكتر
هاحكيلكوا عالمصايب اللي العبد لله كان بيعملها
اصل محسوبكو عبقري من يومه
و الحاجه التانيه اللي اوعدكوا بيها
الاسرار دي مش للنشر
و محش هيعرفها غيري
و اللي هيدخل
يعني من الاخر هتبقي فضيحتي قبل فضيحتكوا بجلاجل
و اتمني اشوف ردود من ناس معينه هنا هي عارفه نفسها</div>

موضوع جميل لكن شكل الناس كلت عولق كتير اوى !!!!

ياسلام لازم تفكرنا يعنى اكيد ياما خدنا ضرب ومنه الكوميدى واللى له موقف طريف ومنه المؤلم بردو

شكرااااااااااااا على الموضوع الجميل ده

بس هى الايام كده لما بتعدى بنعرف ايمتها

واحنا صغيرين كنا بنقول امتى نكبر

ولما نكبر نقول امتى نرجع ليوم من ايام الصغر