هذه الأنشودة ألقيتها فى العديد من الأمسيات وودت أن أنزلها هنا فى بيتى الأول لتقرأوها وتسمعوها
--------------------


على خدك بيرتاح النسيم
مِ الهَم
وكَم
من ليلة باسهرها
ولَم
يفارق هواكى أشواقى
تُضم
عيونى آمالى ويحلالى
أشم
عبيرك الفارد جناحاته
والم
النوَّه لَتَوِّه معالم
حِلم
على دَلفة هوا ف شِباك ألاقينى
بازِم
الشِفه ع الشِفه لتخرج آه
تِسِم
الكون الام قلبى وتتنهد عَطش حرمان
تُعُم
التوهه أوطانى تِحِن عينيا لعنيكى واشوف فيكى
أَلَم
باين وِشُوق خَاين يلملمنى
وِظُلم
عنيكى لعنيا وحضن ايديكى لإيديا وألحانك
نَغم
بيهز وجدانى أضيع تانى وألقانى
عَدم

أبص لروحى ألقانى كسير النفس
مشيانى خطاوى المد مدانى
وسحرانى حِبال السَّحره
خَنقانى حِبال ضعفى
وطلعانى جبال قهرى
على ضهرى تميل لاحمال
أعيش شيال هموم غيرى
ومين غيرى قِدر يِعفَى !

وصَمِ ِم يكون واحد ويتعاهد مع نَفسُه
ونِفسُه يِكون فِدا نَظرة
ونَظرة عينيك السَّاحره
تِفَوَّقنى
وتسبقنى
على جنه
تموت بينَّا حاجات عاشت
سنين راحت
وراحة قلبى رايحالك

تُصُُم ودانى ماسمعشى كلام غيرِك
ومن غيرِك
يِرَجَع بسمة الموال ويِهدَى البال
تِهدى جبال بتنهيده
وحيده ياروحى وِسطيهم
واعيش ليهم
واهنيهم
أعيش اللحظه لجل احظى رضا منهم
وأضيع بينهم
واهم
أشبك شبك صيدى
يخاصمنى ويحرمنى أنول عطفك
اقول وصفك
وصف لى السكه طوالى
لحد عيونك المرسى
أقوم وانسى ان انا انسان

أعلم قلبى ينساكى
واقول انسى الأسى منك
الاقى القلب وياكى
بيرقيكى سبع رقيات
واصحى وابات وانا ناسى ان انساكى
واسلم قلبى لايديكى
واقول فيكى
قصايد كل أشعارى
تلون دنيتك وردى
ينور ضلمتك بدرى
واروح لبعيد
الاقى عنيكى بدموعها
بتنده ع السما تمطر
نفسها بيسرى بيعطر
خراب الكون
وتتكون تكاوينى
الاقيكى تلاقينى
اسافر أضيع على حدودك
أحس وجودى بوجودك
سما وعودى تضلل خوفى
واتغنى على عودك

اغمِ عنيا عن حالى
ويهنالى سؤال عنى
ويبقالى أمل ممدود
أخطى حدود زمن خوفى
وخوفى يرج أوصالى
أبص لفوق الاقينى صغرت احترت
فين ارضى وأرضك؟
واكمل صبرى بسكاتى
واخبى عذابى فى بعدك
واقول بعدك هاعيش عادى
على معادى
اروح وانسى وماالقاكى
أبص عليكى ف ضلوعى
تبص عنيكى ف دموعى
أحن سنين للقياكى

واطمن روحى بسؤالك
واقولهالك
فى كل جواب
(وحشتينى)
وتفضحنى دموع عينى أمام لاغراب
مالاقى رد بيجينى
والاقينى
عشقت انى اكون فى الضل
ولا مره أمل
واصدق نفسى وأكدب كلام الناس
أعيش باحساس يشوفه الناس يقولوا جنون
أقول مجنون ويارتنى أكون جنبك
أدوب ف هواكى
وياكى أكون ضلك
واغنى فيكة أنشودتى
ولا فوتى غرامى يوم
واقول يامين
ومين قدك
على خدك بيرتاح النسيم م الهم
-----
والآن بعد قراءتها اسمحو لى أن تسمعوها وتشاهدوا الشاعر وهو يلقيها فى ملتقى شعراء النت فى الأسكندرية

http://www.youtube.com/watch?v=ni7rM-XUKss (http://www.youtube.com/watch?v=ni7rM-XUKss)

الشاعر الاستاذ محمد علي
اولا الحمد لله على سلامتك صارلك مده غايب يارب يكون خير
و اني بجد لااعرف الفرق بين الانشوده والقصيده
فهي بديعه بمعنى الكلمه وهذا ليس جديد على حضرتك
واحترت اي منها اختار فلم اقدر لانها كلها على بعض اكثر من رائعه
سلمت يداك
ودمت مبدعا ورائعا
تقبل تحياتي

الشاعر الاستاذ محمد علي
اولا الحمد لله على سلامتك صارلك مده غايب يارب يكون خير
و اني بجد لااعرف الفرق بين الانشوده والقصيده
فهي بديعه بمعنى الكلمه وهذا ليس جديد على حضرتك
واحترت اي منها اختار فلم اقدر لانها كلها على بعض اكثر من رائعه
سلمت يداك
ودمت مبدعا ورائعا
تقبل تحياتي

الأخت العزيزة نغم
إنه من الرائع زيارتك لأنشودتى لتزدان بك
أما عن إسمها:
الأنشودة هى النشيد والنشيد هو الأغنية التى نكررها صباح مساء فينشد المنشد انشودته التى يحفظها ويرددها فالشاعر أنشد أنشودته فى محبوبته التى يرتاح النسيم على خدها من الهم
شكرا لسؤالك
فأنا كنت مشغولا ولا زلت

تسلم ايدك ياشاعر
قصيده رائعه وانا اقرأها
حسيت بها انها من قصائد الزمن الجميل
مبدع والله

تسلم ايدك ياشاعر

قصيده رائعه وانا اقرأها
حسيت بها انها من قصائد الزمن الجميل

مبدع والله


شكرا جزيلاً أخت شروق الناصر

واقول يامين
ومين قدك
على خدك بيرتاح النسيم م الهم
-----