السلام عليكم جميعا

يا جماعه الموضوع ده معمول علشان نذاكر فيه ونتناقش عن المنهج وعن المواد ونذاكر فيه كل المواد
خاص بطلبة اولى انتساب القاهره
بسبب اختلاف المنهج عن باقى الجامعات
وهيكون للمناقشه والمذاكره فقط
وممنوع التعارف وردود الشكر والدعاء (ادعى بس متكتبش يعنى فى سرك) والمضايقات والتعليقات السخيفه..... والخ
اليكم بعض المبادئ عن الموضوع:
1/ احنا هنا هنقوم بدور الدكتور او الطلاب المتفوقين.
2/ نحن اصدقاء(بل اخوه) ويجب احترام مشاعر بعضنا البعض
3/ ويجب الاعتماد على بعضنا البعض بمزيد من الحب والخوف على مشاعرنا البعض.
4/ يجب ان يكون بين الاعضاء عنصر المنافسه(الهادفه) التى تحقق الكثر من الانجاز وده طبعا فى اعطاء المنهج والمعلومات.
5/ سيتم اضافة نوع من التشويق والمتعة للمذاكره و للمنهج .
ونبدأ فى نقاط
ومبادئ كيفية التطبيق العملى للموضوع:
1/ سيقوم الاعضاء بشرح او نقل وكتابه بعض من المعلومات الوجوده فى الكتاب
(مع تحديد اسم الماده اللى بنتكلم عنها فى البدايه).
او تلخيص ما يمكن تلخيصه من معلومات.
2/ يقوم الاعضاء بطرح اى سؤال عن اى معلومه عن المنهج لكى نتمكن من فهم المنهج اكثر وسنقوم بحل هذه الاسئله والمشاركه فيها لكى نتمكن من الفهم الصحيح
ومن حق الاعضاء السؤال (عن اى معلومه تدور فى فكرهم او سؤال يحيرهم فكريا) عن المنهج لكى يتم الفهم الصحيح ويفيد ذلك فى منع (عدم الثقه فى المنهج والتواصل مع الاصدقاء والثقه فى ما تذاكر منه وعدم شعور الخوف والرعب قبل الامتحان)
و(اذا تم الحل لسؤال معين يتفق الجميع عليه ومنعا لحدوث الجدل ولو وجد خطأ يتم التبليغ فورا) ،وحتى نتمكن من حفظ المعلومه لتساعدنا يوم الامتحان.
3/ ويجب احترام وجهات نظر الاخريين حتى
يمكٌن الاعضاء من التواصل الاكثر فيها بينهم.
والسلام عليكم
وسنبدا بأذن الله ويجب ان يشارك كل الاعضاء
فكرة وتنفيذ :
المخترع ومينا توتى واحمد عيد
ومحمود خضر والامير محمد
(وباقى الاعضاء)
(ولا يهمنا ذكر الاسامى كما يهمنا تنفيز الموضوع صح)

- المقدمة . (منقوله)

الفصل الاول : طبيعة وماهية شركات التضامن .

الفصل الثانى : الاجراءات المحاسبية لتكوين شركة التضامن .

الفصل الثالث : المعاملات الجارية للشركاء ومشاكل توزيع الارباح و الخسائر .

الفصل الرابع : تعديل عقد شركة التضامن .

الفصل الخامس : انضمام شريك لشركة تضامن .

الفصل السادس : انفصال شريك عن شركة التضامن .

الفصل السابع : المحاسبة عن انقضاء شركات الاشخاص .

الفصل الثامن : محاسبة شركات المحاصة .

* ملوحظة :
في اولي محاضرات دكتور تحسين الشاذلي لم يذكر تقسيم المنهج بنفس الصورة السابقة بل ذكرها بصورة لم تكن واضحة عن ذلك .

* محاسبة شركات الاشخاص مادة عملى ونظري .

* مقدمة :

# انواع المشروعات :

1 - المشروع الفردى : الترم الاول ( اللي هي المحاسبة المالية )

2 - شركات الاشخاص : الترم الثانى .

3 – شركات الاموال : السنة القادمة بمشئية الله .

# تعريف محاسبة شركات الاشخاص :

هى مجموعة من الاشخاص يكونون منشاة ، راس مال هذه المنشاة يقسم بينهم بالتساوى ، وذلك بالاتفاق بينهم ( اي هي مبالغ

يتفق عليها ) ، و المبلغ الذي يقدمه كل شريك .

شرحه : بنقول يا جماعة ان محاسبة شركات الاشخاص دي عبارة عن مجموعة من الافراد بيعملوا منشاة او مشروع كدة ، ويقسم

راس مال هذا المشروع او المنشاة بالتساوي بين بعضهم وكل دا بيبقي متفقين عليه .


# انواع شركات الاشخاص :

1 - شركة تضامن :

* وتتكون هذه الشركة من شركاء متضامنين فقط .

2 - شركة توصية بسيطة :

* وتتكون من شريك موصى او اكثر والباقى شركاء متضامنين .

3 - شركة المحاصة :

* وهي شركة موجودة في الواقع ولكن بشكل غير رسمى اي لا تعلم الحكومة بوجودها وليس لها رخصة مزاولة نشاط .

مثال :

دكتور جامعة يريد عمل مشروع ما ، ولكن هناك قاعدة قانونية تنص علي انه ممنوع ان يمارس اي نشاط تجاري خلال خدمته ، فبالتالي

يمكن ان ينشى مشروع ولكن يكتبه باسم زوجته مثلا ، وهنا الشريك لا يدير المشروع ولا يظهر فى الصورة ، وتكون مسئولية الشريك

هنا غير محدودة .

* وايضا يطلق علي شركة المحاصة اسم شركة الواقع .

* وللعلم ايضا ان هذه الشركة عبارة عن شركة تضامن او شركة توصية بسيطة لكنها فقدت احد عناصر وجودها .


في هنا بقا سؤال الناس دايما بتتلغبط فيه ،

ما هو الفرق بين الشريك المتضامن والشريك الموصى ؟

اولا : الشريك المتضامن :
1 - مسئوليته عن الشركة مطلقة .
2 - في حالة الخسائر يمكن الحجز علي امواله الخاصة .
3 - له الحق فى ادارة الشركة .

ثانيا : الشريك الموصى :
1 - مسئوليته عن الشركة محدودة .
2 - في حالة الخسائر لا يمكن الحجز علي امواله الخاصة .
3 - ليس له الحق في ادارة الشركة .

* للمزيد من المعلومات عن هذه المقدمة ممكن تزروا كتاب المادة ، والعنوان مش بعيد من صفحة 5 الي 10 طبعا المفروض بعد المقدمة نبدا بالفصل الاول ، لا احنا هنبدا من الفصل الثاني ، نظرا لان الفصل الاول نظري ولم يتم الدكتور التحدث

عنه بشكل واضح ولكن فسوف اشرحه قريبااااااا جدا ان شاء الله .


الفصل الثانى : الاجراءات المحاسبية لتكوين شركة التضامن .

يتكون راس مال شركة التضامن من مجموعة الحصص المقدمة من الشركاء سواء كانت هذه الحصص نقدية او عينية او متساوية او

غير متساوية ، ويفضل ان يكون هناك عقد للشركة بين الشركاء ( ورقة مكتوبة تبين الحقوق والواجبات ، وحصص الشركاء ، وزيادة او

تخفيض راس المال . . . . و الخ ) .

تاخد حصص الشركاء الصور الاتية :
1 - ان تكون الحصة في شكل نقدية .

2 - ان تكون الحصة في شكل اصول عينية .

3 – ان تكون الحصة في شكل اصول وخصوم .

1 – ان تكون الحصة في شكل نقدية :
ويكون القيد كالتالي :

______xx____من ح/ النقدية او ح/ البنك _______
___________xx___الي ح/ راس مال ( فلان ) ___

من غير كلام كتير ( مثال ) :

* اتفق خالد وصالح علي تكوين شركة تضامن براس مالي قدره 100.000 جنيه يوزع بينهما بالتساوى علي ان يقدم كل شريك حصته كالتالي :
1- يقدم خالد حصته نقدا .
2- يقدم صالح النصف نقدا والباقي بشيك .
المطلوب :
اجراء قيود يومية .

التمهيد :
راس مال الشركة 100.000 جنيه :

ا- حصة خالد : 50.000 جنيه .

ب- حصة صالح : 50.000 جنيه وتقسم الي :
1- نقدا : 25.000 .
2- بشيك : 25.000.

الحل :

______50.000 من ح/ الخزينة___________
_________50.000 الي ح/ راس مال خالد __
_____( ما قدمه خالد سداد لحصته )_______

____________من مذكورين______________________
______25.000 ح/ الخزينة_______________________
______25.000 ح/ البنك_________________________
________________50.000 الي ح/ راس مال صالح ____
__________( ما قدمه صالح سداد لحصته )___________


2 - ان تكون الحصة في شكل اصول عينية :

____________ من مذكورين ________________
________xx__الاصول المقدمة ______________
_____________xx__الي ح/ راس مال _( فلان)_

ملاحظات هاااااااااااامة :

1 – اذا اعطي في التمرين قيمتين لاحد الاصول الاولي دفترية والاخري معدلة او سوقية او حقيقة ناخد القيمة المعدلة .
يعني /
لو الشريك قدم سيارات مثلا قيمتها الدفترية 100.000 ج ،

ولكن الشركة اعادت تقديرها بمبلغ 70000 ،

ناخد انهي واحدة ؟ ؟ ؟

بالظبط ناخد تاني واحدة اللي هي ام 70000 جنيه .

2- اذا لم توافق الشركة علي بعض الاصول التي قدمها الشريك يتم اهمالها في الحل كان لم تكن .

ناخد مثال :
عباس وايناس اتفقا علي تكوين شركة تضامن براس مال قدره 60000 مقسم بينهم بنسبة 2 : 1 .
* بحيث يقدم عباس حصته في راس المال في صورة عينيه كما يلي :
10.000 اراضي / 20.000 مباني / الباقي بضاعة .
* وتقدم ايناس حصتها في راس المال نقدا .

المطلوب :
* اجراء قيود يومية لازامة لاثبات تكوين الشركة .

تمهيد الحل :
اولا : عباس :

60.000 * 2/3 = 40.000 .

اراضي = 10.000

مبانى = 20.000

بضاعة = 10.000

ثانيا : ايناس :

60.000 * 1/3 = 20.000

الحل :

القيود اليومية :

_____________من مذكورين____________________
_______10.000_ ح/ الاراضى ___________________
_______20.000_ ح/ المبانى____________________
_______10.000_ ح/ البضاعة ___________________
_______________40.000 الي ح/ راس مال عباس ___
( ما قدمه عباس سدادا لحصته في راس المال )

______20.000__من ح/ الخزينة______________
___________20.000__الي ح/ راس مال ايناس____
____( ما قدمته ايناس سداد لحصتها في راس المال )____

سوااااااااااااااااااال هاااااااااااااااااااااااام :

اذا كانت الاصول التي قدمها الشريك اكبر او اصغر من الحصة المتفق عليها كيف يتم تسوية الفرق ؟

الاجابة بصراحة ومن غير لف ، انا مش عارفها ،

اصبروا بس انا كنت بضحك معاكو ،

ههههههههههههههه ،

هاقولكم ايه الفرق ،

بصوا معاي ،

اولا : الاصول المقدمة اكبر من حصة الشريك .
مثلا : 50000 اكبر من 40000 .
معني كدة ان الشريك له فلوس وهو 10000 للشريك .

ويعالج كما يلي :

1 – يسحبه الشريك نقدا .

2 – يسحبه مستقبلا ( ح/ جاري الشريك ) .

ثانيا : الاصول المقدمة اصغر من حصة الشريك .
مثلا : 35000 اصغر من 40000 .
معني كدة ان الشريك عليه فلوس والفرق 5000 علي الشريك .

ويعالج كما يلي :

1- يسدده الشريك نقدا .

2- يسدده الشريك مستقبلا ( ح/ جاري الشريك ) .


وبكدة نكون خلصنا نقطتين من نقاط صور تكوين راس المال ويبقي فضلين اخر نقطة وهي ( ان تكون الحصة في شكل اصول وخصوم ) ، ان شاء الله المرة القادمة هكون شرحتها وناخد شوية امثال كدة ظريفة

كويس انك عملت الموضوع بس انا كان عندى استفسارين
الاول:انك تتكلم عن تقسيم الدكاتره على الفصول والمحاضرات وكده
والتانى:طبعا المفروض بعد المقدمة نبدا بالفصل الاول ، لا احنا هنبدا من الفصل الثاني ، نظرا لان الفصل الاول نظري ولم يتم الدكتور التحدث كده معناه ان الفصل الاول ده ملغى ولا ايه نظامه؟؟؟
ولو مش ملغى انا ابدأ أذاكر منه ولا من الفصل التانى؟؟

كده معناه ان الفصل الاول ده ملغى ولا ايه نظامه؟؟؟
مش ملغى يااحمد هوا نظرى هنقراه وخلاص علشان نفهم نظامه

http://www.thanwya.com/vb/D:\برامج\ثقافة\جامعات\كليه التجاره\تعالى نذاكر كلنا\الفصل الاول قانون.jpg

السلام عليكم يا جماعه احنا هنذاكر قانون من الكتاب نبدا
نقرا دى على السريع كده
http://dc224.4shared.com/img/249403255/6c7cfae3/___online.jpg?rnd=0.09453773778039509&sizeM=3
خلاص كده قريناها (فهمتو حاجه) ونقرا دى كمان
http://dc224.4shared.com/img/249409956/969da4dc/__2.jpg?rnd=0.3508139003332478&sizeM=3
كده فل اوى ركز فى دى كمان
http://dc224.4shared.com/img/249415057/99fd39cd/__3.jpg?sizeM=3
انتا كده تمام اوى انا ذاكرت دى ذاكرها انتا كمان
http://dc224.4shared.com/img/249415065/5cde0b22/__4.jpg?sizeM=3
دى سهله اقراها
http://dc224.4shared.com/img/249415062/c2ba9e81/__5.jpg?sizeM=3
ودى كمان استحمل شويه دول سهلين اصلا
http://dc224.4shared.com/img/249415060/2cb4ffad/__6.jpg?sizeM=3
دى اخر حاجه هتقراها داوفتى افهمها معانا
http://dc224.4shared.com/img/249415015/139f9de5/__7.jpg?sizeM=3 (http://dc224.4shared.com/img/249415015/139f9de5/__7.jpg?sizeM=7)
سلام بقى بس شوفو احنا كده وصلنا لصفحة كام وفى وقت اد ايه

يا جماعه انتظرو المحاضرات كامله
حيث سيتم نقلها من موضوع مثبت ذاكر معنا اخر مشاركاتى اضغط هنا (http://www.thanwya.com/vb/showthread.php?t=188442)
الى
هنا محاضرات تجاره انتساب القاهره (متجدد ان ش الله) (http://www.thanwya.com/vb/showthread.php?t=192873)
والسلام عليكم

السلام عليكم (مذاكرة اقتصاد)
بعد ما قرئنا من المقدمه الى ص6
ندخل فى التفاصيل من ص7 هات الكتاب واقرا معايا
انا قرات من المقدمه لغاية صفحة 38 النهارده ياريت الكل يعمل كده او اكتر كمان


يا جماعه نفسى نتجمع هنا دايما والله هنعمل شغل جامد بس نتجمع

ربنا يوفقنا ي

السلام عليكم ورحمة الله وبركاته

الفصل الاول والثاني accounting ها مين ذاكرهم





http://img683.imageshack.us/img683/8426/accounting1.jpg




http://img138.imageshack.us/img138/903/accounting2.jpg





http://img59.imageshack.us/img59/4681/accounting3.jpg

انا هذاكرهم من الكتاب دلوقتى ان شاء الله وعايزين نتجمع كلنا هنا كل يوم ونذاكر صح وياجماعه (انا هكون موجود بكره من الساعه 7 او 8 لغاية الساعه 11 اللى يرن عليا هعرف انه موجود على المنتدى وهفتح المنتدى واكلمه ياهو كمان) سلام بقى علشان اذاكرهم

http://dc141.4shared.com/img/251088548/8d3c61b5/_1__1_.jpg?rnd=0.13479749570980604&sizeM=3

http://dc141.4shared.com/img/251088556/739f7df3/_1__2_.jpg?rnd=0.5363397072968631&sizeM=3

http://dc141.4shared.com/img/251088540/83e7e987/_1_3.jpg?rnd=0.39803109169733664&sizeM=3

http://dc141.4shared.com/img/251097203/1ece525a/21_online.jpg?rnd=0.3460107531459562&sizeM=3


http://dc141.4shared.com/img/251097257/64d46206/22_online.jpg?rnd=0.6032051770884292&sizeM=3


http://dc141.4shared.com/img/251097307/1861fc74/23_online.jpg?rnd=0.09920131413863953&sizeM=3

يا اخى الكريم جدا اشكرك بشكل جامد اخر حاجة عايزين تحميل ملازم تجارة انجليزى كل المواد ولو كتب يكون كويس وياريت موضوعات ادارة انجليزى واتصالات