مشاهدة النسخة كاملة : صفحة جديدة


ReceptiveGuy
25-03-2007, 03:05 AM
يا جماعة أنا فيه حاجة خطرت في بالي أثناء حل المشكلات النهاردة أعتقد كانت أسوأ ما خطر ببالي عن المنتدى
هي المشكلة مش المنتدى يعني
الموضوع بيتكلم عن إصلاح أو تقويم أو زيادة الأداء أو الرقي بالمنتدى أو للمنتدى
الفكرة إن كل ما بيحصل مطب أو كارثة أو عاصفة
جايز بنقدر نقف لها إلى أن تنتهي وجايز لأ
بغض النظر وقفنا أو لأ والكلام عن الكل أعضاء أو مشرفين ومتأسف أو إدارة
لكن ماذا يحدث بعدها؟
وعود بالتحديث والتجديد والتطوير والرقي والارتفاع بمكانة المنتدى
ثم ماذا؟
إحباط
أو تكاسل
أو هبوط للروح المعنوية
أقرب مثال وقوف المنتدى والتصدي من فترة قريبة للمشاكل ثم الكثير من الإصلاحات منها المجموعة البريدية
ثم توقفت المجموعة البريدية
وقوف المنتدى أوقات الانتخابات الماضية
ثم توقف كل الاقتراحات والتنفيذ ومنها تنفيذ القوانين خاصة الخاصة بالصور والتواقيع
ربما كان لهذا تفسير بسيط في علم النفس لا أذكره كلية بس عارف المعنى العام
وهوه إن الواحد لما يدخل على حاجة بكل ثقله
بيسيبها برضه بكل ثقله
عشان كده أنا في موضوع الخبص على الأعضاء
ما رضيتش أقعد أدور على كل المخالفين مرة واحدة
لأ
واحدة واحدة
يا إما الموضوع مش هيتنفذ
فمش عاوزين الحماس الزائد في البداية إللي بيؤدي لإحباط كامل في النهاية
وبما إننا في موقع الثانوية
فده شبيه بالطالب إللي بيبدأ المذاكرة ليل نهار في أول السنة
وبعدين يجيله خمول مع أول استراحة
لأ
إحنا مش عاوزين ندخل نهاجم
لأننا ممكن ننفذ حاجات كتير في مدة قليلة وبعدين نوقف
وكده وحش
والمثل بيقول
قليل دائم خير من كثير منقطع
وبما إن المنتدى دخل صفحة جديدة
بالتعديلات إللي حصلت ديه خاصة حذف عضو يعتبره البعض من أنشط الأعضاء في المنتدى
وتغيير قرارات تم اتخاذها بالانتخاب العام المباشر
فبالتالي ممكن نقعد نقول وندي وقت واهتمام كبير للمنتدى وفجأة نوقف كل حاجة
لأ إن شاء الله ده مش هيحصل
مش فيه حد يغير جدوله بالنسبة للمنتدى
المطلوب عمل الإصلاحات والرقي والارتفاع بالمنتدى بس واحدة واحدة
كل يوم حاجة بسيطة نعملها
أحسن ما نعمل مرة واحدة في الأسبوع خمس مرات في يوم واحد
يبقى قليل دائم خير من كثير منقطع
الموضوع ده للمشرفين ومش بس الجدد منهم
أنا أول واحد له الموضوع ده لأنه حصل معايا أثناء إِشرافي ع الركن العام
دخلت بكل حماسة وأول صدمة تعرضت لها توقفت تماماً :(
الموضوع ده عاوز يوصل مجموعة من الأفكار ألا وهي :-
1- بالتعديلات الأخيرة التي تمت وبعزل مشرفين وتعيين جدد يدخل المنتدى صفحة جديدة
2- بعض الأقسام (الكثير منها في الواقع) تطلب إعادة تأهيل سيكون المشرفين مسؤلين عنه بشكل أو بآخر
3- غير مطلوب على الإطلاق البدء بحماسة شديدة
فقط علينا أن نتصرف بطريقة عادية وغير مكثفة على ألا نتوقف
لو أن الطرق المكثفة تجدي فتيلاً ما كنت هنا الآن أكتب هذا الموضوع
تجدي لكن لا عندما تكون في البداية
فقط حين يكون لها فترة معينة لأسباب معينة وتنهتي بانتهاء المدة
كالمذاكرة المكثفة قبل امتحانات آخر العام
علينا أن نبدأ بهمة وحماس لكن بالقدر المطلوب تماماً لا زيادة ولا أقل

بالنسبة لإشرافي
1- لم تكن تراودني الفكرة مطلقاً حتى أنني لم أرشح نفسي كمشرف في الانتخابات السابقة لكن أحد المشرفين أخبرني أن الفكرة تحت التداول وأخبرته أن يمنع حدوث مثل هذا بأي ثمن وهو يشهد على ذلك ولا زلت إلى الآن لا أريدها لكن الكلام الكثير لن يجدي وهذا ما جعلني أمنع هذا عن طريق التوقيع وإن كنت لا أزال رافضاً للفكرة :(

2- بما أنني كلفت به ولم أختره فأرجو معذرتي إن انتقص دخولي في الفترات المقبلة ربما كنت أحبذ أن يكون إشرافي في الإجازة الصيفية

3- سأبذل قصارى جهدي

=ivan=
27-03-2007, 11:21 AM
هههههه,,

ايه يابنى ده .. خطبة سياسية ..!!

شكرا صلاح ..موضوعك فوقنى شوية

zizo2_2
27-03-2007, 05:09 PM
واحنا معاك اعضاء ومشرفين لنبدأ من جديد اولى السطور في صفحات المنتدى

_the_sad_smile_
03-04-2007, 09:17 AM
ممكن تلخيص معرفش انا اقرا كل دة

The_Relativistic200
03-04-2007, 01:27 PM
حتى لا يطير الدخان <_< !!!!!!

ReceptiveGuy
03-04-2007, 06:12 PM
Khaled
PLz Show some respect