<div align="center">برحب بكل اللى دخل على فى الموضوع عشان يهنى واحده من اجمل الاعضاء عشان يقولها

!!!!!!!!!!!!! ّ ّّّّ ّ ّ ّ ّ كــــــــل سنه وانتى طيبه ّ ّ ّ ّ ّ ّ !!!!!!!!!!!!!!



انا عملت عيد الميلاد ده عشان ده كان وعد ان انا اللى اعمل عيد الميلاد ده ...

وكان نفسى يكون واحد من اجمل اعياد الميلاد ...

وفى الوقت نفسه كان نفسى اتحرر من الوعد ده عشان اللى حصل ...

المهم حصل خير ... وكلنا لازم نحتفل بعيد الميلاد ...


وكلنا لازم نجبلها اجمل الهدايا , ونقولها امل الكلام ...


عشان هى انسانه جميله اوى وتستاهل كل جميــــــــــــل ...


وانا مش هديتى هتكون متواضعة ...

هى مش جاتووووووه ولا ليه علاقة بالاكل ...

هى كانت قصيده لنسمه ...


هى كانت اغنية اصلا وملحنها ومغنيها انا وصاحبى ...

وانا هكون اول واحد يقولها كل سنه وانتى طيبه ...


ومين بقى اللى بعدى ...

بس الاول بعد ما انا اديها الهدية ...



كل سنه وانتى طيبـــــــــــــــــــــه

ومن قلوبنا دايما قريبـــــــــه

يا اكتر من طيبــــــــــــــه

واللى يضايقك تنسيه...


كل سنه وانتى بخيــــــــــــــر

يا عصفورة وسط الطيــــر

دايما يارب بخيـــــــــر

وتحققى كل اللى تتمنيه ...



كل سنه وانتى بأحسن حــــــــال

يا اسمر الجمــــــــــــــــــــال

ويوقفلك ولاد الحــــــــلال

ويعوضك بانسان كويس يحبك وتحبيه ...




واتفضلوا الاغنية اللى ليها هى وبس ...

اسف , اقصد اللى كانت المفروض تبقى ليها ...

هى اغنية صغيرة وعلى قدى حالى كده , يارب تعجبكوا ...





وبينا بــــــــــلاد *** يمكـــــــن بعاد *** بييجى معاد *** بنتلاقى فيــــــــــه

واوصفلك حبى *** وافتحلك قلبى *** وحلا الــبّــــى *** كل اللى تـتـمـنـيــــــــه



قلبى ارتاحـــــــــلك وراحــــــــــــلك *** مش عـــــارف ازاى ولا اشرحــــــــلك

يمكـــــــــن عشــــــــان اصـــــــلك *** الحــــــــــــــب اللى مستــنــيـــــــــــــه



واديــــــــــنى لقيــــــــــــتك وقابلتك *** حسّــــــــيت حبّــــــــــــيت قلبــــــــــــــك

ولا عـــــــــايز حد بعـــــــــــــــــــدك *** واللى قبـــــــــلك خــــــــــــلاص نســـيـه



وبحبــــــــــــــــــــــــــــــــــك ***حب خيال ... محال انســــــــــــــــــــــــــــــــــــــــاه

وبحبــــــــــــــــــــــــــــــــــك *** حب الحب ... وقلب لقلب ... مكنتش اتمنـــــــــــاه

وبحبـــــــــــــــــــــــــــــــــك *** حب بجد ... ومالوش حد ... من قلبى وعد ... هفضل معاه




هى الاغنية لسه مكملتش عشان اصلا محصلش نصيب ...

وخلى بالكوا , انا يهمنى رأيكو اوى ... عشان دى اول مرة اكتب اغانى حب

كنت كل مرة بكتب حزين على الاسم المستعار بتاعى ( بروكين هيرت )


انا يهمنى برضه أيكو فى الشعر


ويلا بقى عشان نحتفل بأجمــــــــــل عيد ميلاد ... لواحده من اجمل الاعضاء...


وانتظروا متابعة للشعر ده بس بعد ارائكو ...

وانتظروا برضه قصه جميلة اوى هنقولها واحنا بنهدى الهدايا لنسمه

واحنا بنحتفل بعيد الميلاد ومتجمعين , هقوله قصة جميله اوى ...


بس يلا بقى كله يحتفل معايا بعيد الميلاد ...

يلا مين اللى بعدى , عايزينه من اجمل اعياد الميلاد اللى اتعملت ...

متســتـنـيـيـيـيـيـيـيـيـيـيـيــــــــــــــــــــ ــــــــــــــــن </div>

<div align="center">اولا:: الله ينور يا مازن على اجمل عيد ميلاد اتعمل فى المنتدى لحد دلوقتى ........

وبحد يا ميزو الكلمات جميله وياريت صحبك يحس بيها بجد ...................

ثانيا:: احب اققول لنسمه كل سنه وانتى طيبه يا اجمل نسمه فى المنتدى كله...............

ويارب تفضلى فرحانه علطول وتحقى الى نفسك تعمليه فى حياتك...........

وعقبال 1000000000 سنه ...........

سلااااااااااااااام.............</div>

الله اكبر
ايه الحلاوه دي

كل سنه وانتي طيبه يا احلي نسمه في الدنيا

طبعا انا معرفكيش
بس متئوليش رخامه اني عايزه ارد يعني

بس عجبني اوي القصائد اللي مكتوبه فيكي دي

ياعم ياعم حد ادك
ومازن مروق عليكي اوي اوي اوي
كل سنه وانتي طيبه وعقباااااااااال

تلات تلاف مليون الف سنه
يلا سلام

كل سنه و انتى طيبه يا نسمه
و جامده القصايد يا مازن

كل سنة و انت طيبة يا بسمة
الحقيقة انا بردوا مش عرفاكى
بس ANY WAY
كل سنة و انت طيبة
انا لو مكانك احب عيد ميلادى يكون كل يوم علشان الكلام
الجميل اللى مازن كاتبة ده
بجد الاغنية حلوة جدا يا مازن و مستنسن الباقى اللى اكيد هيكون جامد جداااااااا (على فكرة دى مش مجاملة)
سلام

happy birthday[size=6]


:lol:

كل سنة وانت طيبة يا نسمة

وعقبال 7 مليون سنة ( متستغربيش اصل سبعه ده لازمتى ) :lol:

وفين الجاتوه يا مااازن

انا مش هجيب هدية الا اما بشوف بعينى الجاتوه











































بس رغم ان مفيش جاتوه لازم توصلكـ احلى هديه



http://www.majalisna.com/gallery/41/41_101055_1163103245.jpg



:blink:

شفتى كتاب الكيمستري بتاع السنة الى بعد الجاية طلع فى الصورة

يلا ما علينا

معلش ع الهدية البسيطة دى بس دى احلى حاجه انا بحبها فحبيت اديهالك :lol:



:)

مع انى معفش مين صاحبة عيد الميلاد

ولكن كل سنه وانتى طيبة

ويارب تكون السنة دى احسن من اللى قبلها

سلامى

<div align="center">كل عام وأنتِ بخير يا نسمة

http://img.123greetings.com/eventsnew/birth_smiles/1008-040-13-1069.gif</div>

<div align="center">كل سنه وانتى طيبه يانسمه
</div>
<div align="center">happy birthday</div>
<div align="center"> </div>
<div align="center">
http://moozah.com/uploads/d52e77bde9.gif (http://moozah.com/) </div>

كل سنه وانت طيبه وعقبال
10000000000000000000000000000000000000000 سنه
يا احلى نسمه :)
اختك نور

[size=3]هاااااااااااااااااى يا ميزو قبل كل حاجة طبعا

كل شنه وانتى طيبه يا نسومه يا قمر وعقبال مليوووووووووووووووووووون سنه يارب

اتمنى انك تعرفى انا مين بس هيبقى صعب

ايه دا يا ميزو بقى تبقى معايا وعلطول مع بعض ومعرفش انك بتكتب اغانى كده

بامااااااااااااااااااااااااانه جامد وش يعنى

ربنا معاك كدا واشوفك زى حرامى الحلل يارررررررررررررررررررررررررررب

<div align="center">اعــيّــــــط , لا والنبى سيبونى اعيّــــــــــــط ...

ايه الردود الجميلة دى كلها ... تسلمو يارب وتسلم ايد كل اللى اهتم ورد على الموضوع

( K!kO0o & فنكوشه المنكوشه & emoo & ranony & السنونو الطائر &

طالب الجنة & فتاة_الإسلام & كلكول & سنيوريتا & اندريا )



بس انا بقى هتقل عليكوا ... عشان كل واحد يرد هيرد تانى بقى ... عشان يقولى رأيه فى الباقى ...



ومتشكر على ارآئكو فى الشعر ... بجد كنت خايف دى اول مرة اكتب رومانسى ...

بس شكلها مش هتكرر ... مش عارف بقى اكمها ولا ايه ...

وشكلى كده ان شالله مش هكتب رومانسى تانى ...

بس لو انتوا طلبتوا مقدرش اتأخر ثانية ... بس اعرفوا انى بكتب ومن غير ما احس ...


المهم بقى انا كنت قولتلكوا انها 3 قصائد وقصة ...

كده فاضل قصيده وقصة ... اوك ... نبدأ بأيييييييييييييييييه ؟؟


انا بقول نبدأ بالقصة ...

هى عادية بس اثرت فيا شوية , انا هحكيها وادينا بنتسلى واحنا بنحتفل ...

وهى قصة بتحصل كل يوم مع كل اتنين ... بس المرة دى حصلت مع صاحبى واقرب الناس ليا ...



ّ ّ كان ياما كان ... فى يوم من الايام ... والقدر جمع بين اتنين وخلاهم يعرفوا بعض ...

المهم وبعد الكلام اللى حصل بينهم , الحكاية مكنتش تفرق مع صاحبى ده خالص , وكان داخل الحكاية

عشان يعرفها بس واحده واحده بدأ يتعلق بيها ... كان لازم يسمع صوتها اول ما يصحى من النوم وقبل ما ينام

وهى كانت بتقوله عن مشاعرها من نحيته وقالت كلام كتير ... وهو كان مصدقها , عشان هو كان عايز يصدقها

المهم ان الانسانه دى كانت مجروحة من حاجة فاتت ... بس صاحبى كان متفاهم اوى اوى ...

وكان معتبرها صاحبته وكل حاجة , وكانت بتشاركه كل حاجة فى حياته وقراراته ...

ويوم بعد يوم حبها , وكل يوم يعدّى كان حبه يزيد ليها ...

صاحبى كان مهموم وكان عنده مشاكل ... بس مع كل ده مكنش محسسها بأى حاجة عشان ميشغلهاش ...

كان بيحب يعملها مفاجأءآت , عشان كان بيحب يشوفها مبسوطة طول الوقت ...

واتقابلوا ... وشافوا بعض ( عشان كانت معرفة نت ) ... ولا حاجة اتغيرت , بالعكس , دول شعورهم وحبهم كبر

بعد ما قابلوا بعض ... وصاحبى ده كان بيعمل المستحيل عشان يروحلها ويشوفها ...

ومفكر انه بكده هيخليها مبسوطة وهو كمان يرتاح ...


كدبت عليه مرة , وصاحبى ده مش بيكره فى حياته قد الانسان الكداب , بس برضه سامحها ...

وكدبت عليه كمان مرة ... وبرضه سامحها ... وكان فاكرها طيبه ومش هتنسى اللى بيعمله عشانها

وكان باقى على العلاقة لغاية اخر ثانية ... عشان كلمه بحبك اللى خرجت من واحد فيهم ( هى وصاحبى )


بس اللى حصل بقى كان فوق الفظيع ,

وبمجرد ان صاحبى ده غلط غلطة واحده بس وكانت اول غلطة وهو مالوش زنب فيها ...

هى زعلت , مش كده وبس و قررت انها تنهى العلاقة ... ليه وازاى ؟؟

المهم صاحبى ده كان باقى عليها برضه ...

لو عليه ... هو انجرح قبلها ... بس ه عليها هى , كان خايف الا يكون كلام فى لحظات غضب ...

سابها لغاية ما تهدى وبعدها بتكلموا ... بس عدت ايام ... وصاحبى كلمها

كان الرد ايه ؟؟ ايييييييييييييييييييييييييييييييييييييييه ؟؟


انها رجعت للانسان اللى كانت تعرفه قبله وبين قوسين ( اللى جرحها ) ...

هو انا المفروض متكلمش ومكملش بعد كده ...


مش هقولكوا كان ايه هو احساسه ... اتخيلوا انتو !! وكل واحد يحس الحكاية كأنها معاه ... وحصلتله ...

حطوا نفسكوا مكانها وشوفوا ازاى هى عملت كده ... او مكان صاحبى وشوفوا احساسه ...

واللى حصل حصل ... انا مش عارف اكمل ولا ايه ...

عشان هو مش عارف يعمل ايه ؟؟

يحاول معاها مرة تانية ؟؟ ولا يعمل ايييييييييييييييييه ؟؟

لو حد عنده رأى مهم ياريت يقوله وياخد ثوابه ...




القصيده بقى مرتبطة بالقصة ...

بس انا لو حطتها مش عارف بقى ... عشان هى قاسيه شوية ...

شوفوا انتوا كده ...

بس يارب تكون القصة عجبتكوا ...

وياريت اللى عنده كلام فى القصة والحكاية دى يقولوا ... ياريت ...



وانتظروا الجزء الاخير من الاحتفال ... والجزء الاهم ...


وكــــــــــــــــــــــــــل سنه وانتى طيبه يا نسمه ... </div>

طبعا هو لو رجع تاني هيكون معندوش كرامه نهائيا نهائيا

وهي انسانه ندله لامواخذه وهو طيب

والطيبين كتير في زمانا دا
وهو لايسعه غير ان ينسا هذه المريضه
بس وبكره زي ما جرحته هيجي اللي يجرحها وساعتها بس هتفتكر انها في يوم من الايام جرحت انسان مكنش له زب غير انه
احبها
يلا سلام

<div align="center">والله كلام سكر ...

والله المفروض تروحى مكان اسامة منير ...

انا برضه قولت كده ...


بس هو باقى على كل حاجة جميله كانت بينهم حتى لو كانت بسيطة ...

ومستغرب ازاى؟؟ حصل كل ده ؟؟ والحال اتغير ؟؟

وعشان فى كلمه انتى قولتيها ... عرفتنى بجد ان رأييى كان صح ...

والكلمه دى هتشوفيها فى القصيده اللى هكتبها المرة الجاية

وان كان اللى فات عجبكوا

فأسمحولى انى اقول ان اللى جاية هتعجبكوا

وبشكرك اوى اوى اوى على الرد اللى بجد افادنى اوى وانا هقولو لصاحبى



بس هيعمل ايه بقى

باقى عليها ... مش كان فى بينهم زكريات ؟؟ يعمل ايه فيها </div>

[size=5]هاااااااااااااااى يا ميزو يا قلبى من جوه

الاول انت فاهم وانا فاهم وواحنا قاعدين مع بعض النهارده حكيتلى انت موضوع صاحبك دا

على فكرة يا جماعه انا مش يقتنع بحاجة اسمها كرامه فى الحب الكل لازم يغلط ولازم كل واحد يدوس على كرامته علشان

التانى دا لو كان بيحبه بجد وياريت بس يفهمممممممممممم ياررررررررررررررب

القصه بجد جميله يا مازن ويارب الجديد دايما اخوك بيشووووووووو

<div align="center">تسلم على الرد يا بيشو يا حبيبى ...

هو انا هوضح الحته اللى انت قولت عليها بتاعت الكرامة دى ...

ان فى ناس بتيجى على كرامتها من غير ما تحس ... وترجع تقول الا الكرامة

وان الواحد فى حالة الحب اللى بجد ... واخد بالك انت من اللى بجد دى

فى الحب اللى بجد العقل مش بيشتغل اوى ولا الكرامة , او تقدر تقول ان القلب وبس

ان بتكلم على الحب اللى بجد ...


يعنى كده احنا عندنا رأيين

1- بيقول ان لو رجع فى اى حال بيهين نفسه ...

2- بيقول ان ما فى حب فى الكرامة ...


الرجاء اللى يدخل يبقى يقول رأيه فى الحكاية دى ...

لغاية ما تشوفو القصيده ...

وان شالله هتعجبكوا ...

والرجاء المتابعة فى الموضوع لانه فى اجزاء ...

ويدينا رأيه فى القصة

وكـــــــــــــــــــــــــــل سنه وانتى طيبه يا نسمه </div>

كل سنة وانتى طيبة يانسمة وعقبال مليون سنة
والقصايد حلوة يامازن

<div align="center">تسلم ايدك على المرور

وعقبال ما نعملك اجمل عيد ميلاد

وياريت تتابعى الموضوع انتى وكل اللى يدخل عشان الجزء الباقى ...

يعتبر هو الاهم

بس انا كنت مستنى لما صاحبة الموضوع تدخل عشان اقدموا ليها ...

او هسيبوا ليها ... عشان احتمال مستحملش ادكون هنا وهى هنا


سيبوها للظروف ... بس القصيده هتنزل هتنزل النهارده او بكرة ...


وان شالله تعجبكوا...

تابعونا ... </div>

<div align="center">اولا انا عايز اوجه حاجه لناس كلهم وقولهم ان الحب الى بجد عمره معرف حاجه اسمها كرامه

لان الواحد لو عاش القصه دى بجد عمره محيخطر فى باله الناس ولا ايه رايهم على عمله

ولا حتا حيجى فى باله الى ممكن تفهموا من الرجوع بتاعه وحفاظه على القصه الى عشوها دى

انا بحب اققول بس ان الحب الى بجد ميعرفش حاجه اسمها كدب ولا خيانه

لازم الطرفين طالما اتوعدوا على الحب دا يبا مفيش خيانه من طرف تانى

واحب اققول لصحبنا انه المفروض يصحا لنفسه خلاص الموضوع خلص وهيا راحت للى بتحبه خلاص

وانا مش حقول حاجه على صحبتنا غير ربنا يوفقها فى الحياه الجديده الى حتعشها معا الحب القديم تانى

وبدعيلها انه ميبعهاش تانى ويسبها

دا بس الى عايز اققوله

كل سنه وانتى طيبه يا نسمه تانى</div>

<div align="center">السلام عليكم ورحمه الله وبركاته


ازيكم ياشباب كلكم


وكل سنة وانتى طيبة يانسمه مع انى معرفكيش

الاول ندى نسمة الهدايا وانا عملالها احتفال صغنون كده على قد حالى يارب يعجبها




http://aycu22.webshots.com/image/12501/2003859978681502954_rs.jpg



http://aycu05.webshots.com/image/12564/2003867961172743843_rs.jpg



http://aycu34.webshots.com/image/12753/2003898589821949979_rs.jpg



http://aycu16.webshots.com/image/13375/2003830897561052853_rs.jpg



http://aycu23.webshots.com/image/12942/2003859882348404890_rs.jpg






دول حاجة كده على ما اشوف لك حاجة حلوة لما ترجعى ان شاء الله
سلامى للناس كلها





سلام</div>

و قصيدة رائعة يا مازن :)

<div align="center">روعة يامازن
على فكرة انتا مشروع مولف
كل سنه وانتى طيبة يا نسمه
بس مين نسمه دى :unsure: </div>

شكر كبير ليك يا مازن على مجهودك فى اللى انت كتبته من قصائد حلوة وانا مش هارد على القصة وانت عارف لية طبعا

وشكرا ليكوا كلكوا

k!kooo & فنكوشة المنكوشة & emoo & ranony & السنونو الطائر & طالب الجنة & فتاة الاسلام & كلكول &

سنيوريتا & اندريا ( بيشو ) & shimaa gamal & eng_ rahaf & elma7et & المرشد

ويا جماعة اللى ما يعرفنيش

انا نسمة من السويس

تالتة ثانوى ( ادبى )

بت يا نسمه هو انتي

مل سنه وانتي طيبه

بس برضه مئولتيش وين التورته والجاتوه ولا هتضحكي علينا بئا وتهربي

هههههههههه انا مستنيه عموما


بالنسبه ليك يا مازن غلطان اللي قال ان الحب مفيهوش كرامه
واذا الكرامه ضاعت بين الطرفين ضاع الحب
الحب اساسا مبني علي الكرامه
يمكن في حاجات اه ائولك مثلا ممكن نتغاضي عنها
زي زعل اروح اصالحه يعني دا لو واحد مبيعرفش يصالح حد زيي
وكدا
انما دي كانت مخلياه استبن لحد اما الاولاني يرجع
واراهنك انوا هيسيبها قريب وساعتها تبعتلي بئا وتئولي انوا سابها

وهو بيحبها وكل حاجه
باقي علي ايه عايزه اعرف
باقي علي انسانه خاينه

يئامنلها تاني دي ازاي انا عايزه اعرف بعد اما باعته
دي انسانه خااااااااااااااااااااااااااااااااااااااينه
مهما كان فيها من صفات حلوه

وانا خلصت كلامي
الا صحيح يا مازن مين اسامه منير
والله ما اعرفه
طب ائولي هو مين علشان انا بحب اسمع الحاجات دي اوي هههههههههههههههه

يلا سلاموز بالموز

كل سنة وانتي طيبة يا نسمة .
وان شاء الله يارب عام سعيد عليكي .. :rolleyes:
وقصائد روعة بجد يا مازن .. :rolleyes:
..
..

<div align="center">دى شويه هدايا يارب تعجبك يا نسمه

اوك

سلااااااااااااااام</div>

كل سنه وانتى طيبه
http://www.kenanah.com//images/gcards/cards/s247.jpg

<div align="center">لا والنبى سيبونى اعيّــــــــــــــــــــــــــط ... ايه الجمال اللى فيكوا ده ...

اهو يا ست نسمــــــــــة ... احتفال محصلش وعيد ميلاد وقصائد ... وقصة كمــــــــــــــــــان ...

والآراء بتاعت الاهضاء اكتر من ممتازة وروعة والله ...

وفى كام رأى جميل وعجبونى وهقولهم لصاحبى والله ... عشان بجد ه ده اللى بيحصل والله ...

متشكر يا K!kO0o اوى ما انت عارف صاحبنا ده وعارف هو عامل ازاى بقى ...


وانتى يا Eng_Rahaf بجد انتى لازم تتابعى الموضوع عشان رأيك مهم اوى وعجبنى وده حصل ...

بس فى حاجة بقى , ان ده مش حبيبها الاولانى ... عشان كان فى قبله ... بس زى ما انتى قولتى هو اللى جرحها

يعنى رجعت للانسان اللى جرحها ...

هو يمكن رومانسى بس يستاهل :( :( :( :( :( :(


وبشكرك اوى يا elma7et & المرشد & mody rose & نورا 11 ويارب القصيده اللى انا هكتبها وقتى تعجبكوا ...


ومتشكر اوى يا فنكوشه المنكوشه ... بس بالنسبة لحكاية الكرامة , هو حاول يصالحها عشان هو مش بيحب يزعل

حد وده طبع فيه والله , مش بيحب يزعل حد ولا يزعل من حد ...

بس تعرفى بقى ايه الغريب ؟؟ !! انه بدأ مع مرورو الوقت ينسى كل حاجة زى ما كيكو قال ... بس اوقات بيحن ...

وبيتصل بيها عشان يسمعها ومن غير حتى ما يتكلبم عشان عارف لو اتكلم هتفتكر انه بيضعف ومش هيستغنى عنها

مهما عملت فيه ... بس مع الوقت الحكاية دى بانت انها غلط ... وهو بدأ يكون اقوى ...

اما بقى ان كانت خاينه ولا مش خاينه ... فهو كان مصدقها عشان كان عايز يصدقها وكان بيسامحها لما تكدب عليه

بس خلاص ... الحال بيتغيّر ... وما فى حد بيفضل على حاله ...



اما بقى انتى يا نسمه طبعا عارف انتى مش هتردى ليه ؟؟

بس كان يهمنى رأيك اوى ... ولا اقولك , خلاص عشان الحكاية خلاص ... انا بس عايزك تشوفى الآراء

بتاعت الاعضاء ... يمكن تستفيدى من القصة ...




متشكر يا اجمل اعضاء فى الدنيا ... وانا كنت وعدتكوا انى اكمل الجزء الاخير من الموضوع ...

اللى هو القصيده ... وكويس ان نسمه مش هنا وانا بكتبها , تبقى تشوفها فى وقت ...



!!!!!!!!!!!!!!!! ّ ّ ّ ّ ّ ّ كــــــــــــــــــل سنه وانتى طيبـــــــــــه ّ ّ ّ ّ ّ ّ !!!!!!!!!!!!!!!!!!!!!!


وعقباااااااااااااال 1000000000000000000000 سنه يارب ...


واتفضلى يا جمل اعضاء ... واتفضلى يا نسمة الجزء الاخير ...

دى انا اللى كاتبها لصاحبى عشان المفروض انه يديها للانسانه دى ...

وتكمله القصة ...

وفيها كتير اوى من الكلام اللى قولتوه ... عشان كده انا عرفت ان انتوا حسيتوا القصة ...

يارب تعجبكوا ...



رجعــــــــــــــت للى جـــرحـــــــــــــــها
اول ما جـــــــــه وصـــــــــــــالحــــها
وجـــــــــت على قلـــــــــب طــيب
هنّــــــــــاها و داوى جــروحـــــــها

وكـــل ده ليــــــــه ؟؟!!

عشـــــــــــــان حبـتـــــــها وهو أســـــى

كنـــــــــت فـــــــــاكرها وهو نســــــــــى

عشـــــــــان شــــاريها وهو بايـــــــــعها

كنـــــــت انا ليـــها وهو خـــــادعــــــها

بــس انا هـــــــــــعزرها ...


لايــقيـــــــن على بعــــــــــض *** انتى ليــــــــه وهو لــــــــيكى

ويـــــقدّره , ويــــهيــن كرامتك *** ويجـــــــــــــرح فيـــــــــــكى

لو عـــــايزك بــتجــيله جـرى *** بأشــــــــــــارة ليــــــــــــــكى

انا كـــــــان نفســى تحـبى بجد *** واهــــــنّـــــــــــــــيـــــــــــكى

كـــل اللى اقــدر اقوله دلوقت *** ربنــــــــــــــا يشــــــــفيـــــكى


***************


رجعــــــــــــــت للى جـــرحـــــــــــــــها
اول ما جـــــــــه وصـــــــــــــالحــــها
وجـــــــــت على قلـــــــــب طــيب
هنّــــــــــاها و داوى جــروحـــــــها


وكل ده ليه ؟؟!!

عشاـــــــــن وفيــــــت وهو خانـــــــها

كنــــــــت صايـــــــنها وهو هانــــــها

انا وقتــــــــــــــــــــها وهو جواهــــا

وفقلــــــــــــــــــــــــــبها دايما معاها

وعشــــــــان كده هعزرها ...

لو كنــت اعـــــرف انـــك كده *** مكنــتش عـــــــــــــــــرفتـــك

ولا كنت ادّيت الفرصة لقلبى *** لانـــــــــه يحـــــــــــــــــــــبك

بلاش تـــــرجعى ...واسمـعى *** خــــــلاص انا رافــــــــــضك

انا مش زيّـــه , مش زى حـد *** انا مش عــــــــــــــــــــــايزك

انتى طلـــعتى رخيصـــة بجد *** ومبقـــــــتش احـــــــــــــــبك

وده اسم القصيده دى ... واهى ماشية مع القصة برضه :

رخيصـــــــــــــــــــة بجــــــــــد او انـــــــــا وهـــــــو



انا مش هتكلم تانى غير لما اسمع ارآئكو

يارب القصيده تكون عجبتكوا ...

والاحتفال يكون عجبك يا نسمة ...



!!!!!!!!!!!!!! ّ ّ ّ ّ ّ ّ كـــــــــــــــل سنه وانتى طيبه ّ ّ ّ ّ ّ ّ !!!!!!!!!!!!!!!!!!!


ومستنيين ارائكوا ... وتكملوا الاحتفال بقى ...

عشان النهارده هو يوم عيد الميلاد ...

الحفلة لسه مخلصتش ...

مين اللى هيهنيها كمان مرة

يلا مستنييــــــــــــــــــــــــــــن ... </div>

الله ينور
ايه الجمال ده بجد جميله اووووووووووووووووووووووى
وكل سنه وانتى طيبه يا نسمه للمره التانيه

<div align="center">متشكر اوى يا نورا على المرور

وبشكرك كمان مرة على رأيك فى القصيده ...

يارب تكون عجبتك ...

وعقبال ما نعملك عيد ميلاد جميل كده ...

مين اللى هيقول كل سنه وانتى طيبه تانى ...

يلا مستنيــــــــــــــــــــــــــين... </div>

كل سنة وانتي طيبة يا نسمة
وعقبال مليون سنة ان شاء الله تقضيهم في خير وسعاده
وتحققي كل اللي تتمنيه
وشعرك جميل جدااااااااا يا مازن تسلم ايديك

كل سنة وانتى طيبة تانى


وربنا يحققك لك كل اللى بتتمنيه


وانا ان شاء الله متابعه الموضوع يا مازن واى موضوع كمان


بس مكنتش عارفة انى رايى حلو



بصراحة افتكرت الناس ممكن تزعل من كلامى ده



يلا عموما متشكرة على التشجيع

وشكر خاص لمحمود kiko هو اللى خلانى اشترك فى الحفلة


سلام وتحت امركم فى اى وقت

<div align="center">كل سنة وانتى طيبة يا نسمة

وعقبال 1000000000000 سنة :) </div>


<div align="center">http://www2.0zz0.com/2007/03/28/15/57144407.jpg


http://www.wardaa.com/uploads/110f155aba.jpg (http://www.wardaa.com)</div>

كل عام وهى بخي
وكل عام وهى الى الله اقرب

<div align="center">كل سنه وانتى طيبه يا بسمه


</div><div align="center"> </div>

<div align="center">اولا:: انا عايز اققول بنيابه عن صحبت الموضوع مش عارفين نقول غير يارب نفضل علطول اخوات كلنا معا بعضينا

ثانيا:: احب اوجه الرساله دى لرهف وبقولها انتى انسانه جميله وميطلعش منك غير الكلام الجميل

ثالثا:: انا لرابع مره حشارك فى الموضوع اه يا نسمه انتى ومازن وربنا يوفق صحبتنا معا الى رجعتله تانى

وبقول لصحبتا ياريت تقعد معا نفسها كدا تراجع حسبتها تانى تشوف مين الى كان شريها ومين الى كان بيعها

صح ولا انا بتكلم غلط يا جماعه...........

وربنا يوفقك يا حجه وصحبنا ميبعكيش تانى زى معمل المره الاولى وربنا نجا صحبنا من شر اعمالك

خامسا:: كل سنه وانتى طيبه يا نسمه ويارب تطكونى انبسطى من عيد الميلاد الى عملهولك مازن ها مازن

سلااااااااااااااااااااااااااااام يا مــــــــــــــــــــــــازن</div>

<div align="center"><div class='quotetop'>إقتباس(K!kO0o @ Mar 28 2007, 07:46 PM) 289657</div>

ثانيا:: احب اوجه الرساله دى لرهف وبقولها انتى انسانه جميله وميطلعش منك غير الكلام الجميل


:) محمود بطل تحرجنى تانى كده قدام الناس :)


[/b][/quote]


بما ان عيد الميلاد تقريبا خلص


كل سنة وانتى طيبة يا نسمة ويارب ماتزعليش طول عمرك

وربنا يديلك على قد نيتك وينولك اللى فى بالك


سلام

يـــــــــــــــــــــــــــــــــــارب

ايه يا جماعه خلاص ايدكوا وجعتكوا ولا ايه عيد الميلاد لسه مخلص

كدا عيب عليكوا انا زعلان منكوا كدا الواد مازن لسه متعشم فينا كلنا اننا نخلى الحفل دا جميل يلا ادخلوه لسه بدرى

سلاموا عليككوا

ازيكوا اولا

هدخل في الموضوع علي طول

اولا انا مهزئتش اي حد وانا ائولت رايي
ومتاكده مليون الميه ان البنت دي شافته او هيتقالها بالحرف
وعارفه كدا من الاول ومع ذلك قولت لان دا رايي اللي انا شايفاه من وجهه نظري صح
بالنسبه ليه فهو انسان اكثر من رائع وهي متستاهلوش بصراحه بس هو يتقل شويه
وانا شايفه انوا الحمد لله نسي او قرب ينسي
وعلي فكره انا لما اقول انها خاينه انا مش بهينها لاسمح الله

بس دي الحقيقه انا مش بجيب حاجه من عندي
انا بشتمها للو اقول فيها صفه مش كويسه مش موجوده فيها ولا ايه يا نسمه

وعاعمو ياريت مكنش دايئت حد
ولا بئا سلامو عليكوا
اي خدمه

اولا كل سنة وانى طيبة يا نسمة ولو انها متاخرة
ثانيا ان رايى ان صاحبك غلطان علشان هى اكيد
زعلت لما هوعمل حاجة اكيد تجرح كتير
وهى انا بعتبرها مظلومة
وليها حق ان هى تزعل وتنهى العلاقى دى
ثالثا القصة والثلاث قصايد جمال
واحب ابشرك بانك هتبقى مولف جامد جدا

هاى noona ازيك عاملة ايه

شكرا ليكى

وشكرا لكل الاعضاء اللى بيهننونى على عيد ميلادى

اما انت يا مازن مش هارد عليك نهائى

كل سنه وانت طيبه يا نسمه

وياريتنى كنت مكانك عشان يتعملى العيد ميلاد الجميل ده

(انا مش بحسد ولا حاجه 5 فى عينى)

والاغنيه حلو اوى

شكرا ليك

السلام عليكم

بجد القصائد اللي انت كتبها يا مازن جميل جدا

وكل سنة يا نسمة وانت طيبة وسنة جديده احلى من اللي راحت ان شاء الله

معلش كان نفسي اقولك كل سنة وانت طيبة بدري شوية

بس النت عندي كان بايز ......... وكل سنة وانتى طيبة

وانتى طيبة يا دينا عادى ولا يهمك اللى هى جت متاخرة

<div align="center">اولا:: انا حقول لعاشر مره كل سنه وانتى طيبه يا نسمه ويارب تفضلى مبسوطه وكويسه

ثنيا:: يا جماعه من الاخر انا عايز رايكم من تانى فى صحبتنا من كل الى دخلوه وردوا على الموضوع والى لسه مردش

اوكى يا جماعه وعلى فكره المفروض انتى تعملى لمازن يوم عيد ميلاده ليله لوحده المنتدى كله ميعملش حاجه غير انه يحتفل بيه


والله انا بتكلم بجد ودا اققل واجب ها ولا انتوا شايفين ايه يا جماعه

سلاااااااااام ياااااااااااا ...........</div>

ههههههههههههههههههههههههههههههههههههههههه

لا حول ولا قوه الا بالله

ازيكوا
من اول الموضوع

او من اول القصه ما بدات اصلا كنت عارفه انك انتا الشاب
وان نسمه هي البنت
وكان باين بصراحه اوي
ومع ان نسمه صحبتي علي المنتدي وحبيتها لما عرفتها
لكن مش معني >لك انها تمنعني من رائيي
وانا كنت عايزه ارد بس استنيت لما تعرفوا نفسكوا الاول
مش عايزه نسمه تزعل مني علي رائيي
لان دا رائي ارجوا انك تكوني فهماني يا نانوسه
ماشي
يلا بئا سلام

يواد يا جامد انتا ايه الحلاوه دى

بجد بجد انتى مليش حل

معليش يا نسمه اصلى لسه جديدة ومعرفش ان عيد ميلاد كان معرفش يوم ايه كل سنة و انت طيبة يا بسمة
الحقيقة انا بردوا مش عرفاكى
بس ANY WAY ;)
كل سنة و انت طيبة وانا عيد ميلادى قرب هنشوف هتعملوا ايه بس لو مش عايزيين براحتكوانا مش هزعل :lol:

بجد القصائد اللي انت كتبها يا مازن جميل جدا
كل سنه وانت طيبه يا نسمه
ومش عارفه اقول ايه تانى خلصت اللى عندى :lol: