السلام عليكم

كيف حالكم يا مشرفي المنتدى


أتقدم اليكم اليوم باقتراح من وجهة نظري انه أكثر من رائع

المقدمة :
نظرا لعدم شعورنا بالدديموقراطية في بلدنا الحبيبة مصر ونظرا لما يحدث من مهانة وذل واتخاذات قرارات والذي يتحكم فيها هو الحزب الحاكم
قد تقدم ( طالب تانية ثانوي باقتراح وانا أوافقه )


يشرفني أن اتقدم نيابة عن طالب تانية ثانوي بالموضوع


أولا : نطالب بعمل مجلس شعب بالمنتدى هذا المجلس يكون بالإنتخاب وعدد أعضاؤه 10 أعضاء وعضو واحد بالتعيين ورئيس المجلس يكون أحد الإداريين على أن يكون بالغنتخاب أيضا اي نقوم بعمل انتخابات بين الإداريين لإختيار رئيس المجلس



ثانيا : مدة المجلس ثلاثة شهور تكون له كافة الصلاحيات في اتخاذ القرارت والقوانين ويتم حل المجلس بعدها ثم تجرى انتخابات جديدة



ثالثا : اي اقتراح او قانون سواء من تعيين مشرفين أو تنفيذ القوانين الخاصة بالمنتدى او تعديل اي جزئية منها يقوم الإداريون باتخاذ قراراتهم ثم عرضها على المجلس الذي يقوم بمناقشتها هو ايضا ثم التصويت عليها وفي حالة موافقة المجلس يجرى استفتاء من قبل الاعضاء لكي يصبح القانون ساري المفعول بعد الغستفتاء وفي حالة رفض المجلس يعتبر القرار ملغي ويكون للمجلس السيادة على اي مشرف سواء اداري أو عادي ويجب أن نخضع لقراره

رابعا يسمح للمجلس عزل اي مشرف سواء كان مشرف قسم أو اداري ما عدا صاحب الموقع ( مديره ) والأستاذ جمعة بعد اتخاذ القرار يجب عليه تقديم طلب وراي المجلس للمدير العام لتنفيذه على الفور

خامسا من حق المجلس ان يقوم باستجواب اي مشر او اداري او عضو للتحقيق في مشكلة او خطا قد اقترفه

سادسا يجوز للمجلس أن يعاقب مدير الموقع العام وهذه العقوبة تتمثل في اتن يقدم المدير العام اعتذار على الملا لمن يخهطا في حقه ولا يجوز له أن يطلب بتغييره او تبديله

سابعا يجوز للمجلس ان يتخذ قرار بوقف عضوية اي عضو يخالف بعد عمل الإستفتاء اللازم

ثامنا يجوز للمجلس أن يتخذ قرارات بشان تغيير الموقع من الإستايلات والروابط بالصفحة الرئيسية

تاسعا ان يكون المجلس على استعداد تام لتقبل شكاوي الاعضاء

عاشرا أن يكون المجلس هو المجلس هو المشرف على الإنتخابت النصف سنوية للمشرفين واعلان النتيجة والمتابعة وحصر الأصوات

الحادي عشر : أن يكون للمجلس حق القبول او الرفض لأي من المشرفين الإداريين المعينن اثناء الإنتخابات باستثناء الاستاذ جمعة

الثاني عشر يجتمع المجلس مرتين في الاسبوع في وقت محدد ويعلن موعد الإجتماع بالصفحة الرئيسية


الثالث عشر : لا يجوز للعضو أو المشرف طرح قضية اثناء الإجتماع

الرابع عشر : تعقد جلسات طارئة للمجلس في حالة وجود مشاكل تستدعي ذلك

الخامس عشر في حالة تغيب أحد الأعضاء أكثر من ثلاثة جلسات يتم ايقاف عضةيته بالمجلس ويعين أخر مكانه دون سابق انذار للعضو



بصراحة أنا تعبت أوي أوي

يا ريت لو حد عايز يضيف حاجة يضيفها بقى علشان نتناقش في الفكرة ويتم تطبيقها


أما عن الهدف من ذلك فلي عودة مرة أخرى أن وجدت قبولا من المشرفين لجدية الموضوع




واشكرك طالب تانية ثانوي على طرح تلك الفكرة الرائعة كما تبدو لي ولا اعلم هل سيوافق عليها الجميع أم لا

<div align="center">أولا الموضوع أكثر من رائع
ثانيا ممكن عدد الاعضاء يكونه 9 فقط بالادارى المعين وأكيد الفكرة مفهومة
ثالثا ياريت تكون مهام المجلس محددة فى نسق معين يعنى ياريت مفيش عضو من المجلس يتدخل فى عمل مشرف الا اذا اخطاء
رابعا يمنع مبدا التحيز لان انا متاكد انه لزم هيكون موجود لو تم لن اقول اثبات انما شبهة تحيز أطلب بحذف العضو من هيئة المجلس فوراا

هى عمتا الافكار التى عرضت من قبل الاستاذ زيزو كافية فى مجملها وب انتظار مشاركة باقى المشرفين
شكراا يا استاذ على المجهود

وشكر خاص لطالب الجنة على الفكرة الرائعة</div>

موضوع رائع و يا مرشد يا ريت يكونوا 10 أعضاء و عضو بالتعيين و رئيس للمجلس

السلام عليكم ورحمة الله وبركاته

بعد اذن حضرتك يا استاذ زيزو انا لا اذكر انى اقترحت هذه الفكرة وهذه للامانه والصراحة

ثانيا الفكره اكثر من رائعة ولكن من الممكن ان يكون اعضاء المجلس 7 فقط برئيس المجلي

ثالثا يكون للمجلس الصلاحيات بالتنفيذ وليس اتخاذ القرارات فقط حتى لو رئيس المجلس فقط

رابعا هل المجلس اعضاء فقط ام مشرفين فقط ام اعضاء ومشرفين

خامسا اوافق على الفكرة ورجاء سرعة التنفيذ

والله الموفق

سلام

اللى اقترح الفكرة هوه عادل(طالب تانية ثانوى)

لازم يكون فى أعضاء داخل المجلس و انا باقترح يكون 6 مشرفين و 4 أعضاء :)

اسف جدا على الخطا

من اقترح الفكرة هو طالب في تانية ثانوي


أسف للخطأ

اوكى .. موافق جدا ..

موافق بعنف ..

كلنا موافقين ..

فين التنفيذ ؟؟

السلام عليكم ورحمة الله وبركاته
انا موافق يا اخى وعلى بركت الله
بس يكون اعضاءه عشره زى ما حضرتك قولت يكون افضل

في انتظار رأي بقية المشرفيين اللي اظن انهم أكثر من 40 مشرف
يعني عيب قوي لما نأخذ قرار ومفيش غير عدد 6 مشرفيين فقط بس اللي اعطوا رايهم
حتى نعدي النسبة 50% من المشرفيين

أحنا مستنين
وانا برده لسه عند راى العدد عدد افراد المجلس 9 علشان عملية التصويت تكون اسهل

الفكره رائعه
انا موافقه

مش عارف ليه أنا مش مقتنع بالفكرة
:huh:
يعني عدد سكان جمهورية مصر كام؟
حوالي 80 مليون تقريبا
عدد نوابهم كام؟
400 نايب ونايبة :D
بنسبة وتناسب هنلاقي كل 200 الف مواطن ليهم نايب واحد
المنتدى بالإحصائيات الحالية إللي محتاجة تجديد عدد أعضاؤه فقط 20 ألف
يعني عاوزين 1/10 نائب :D
ومجلس الشعب ليه وظيفة ومهمة واضحة ومحددة ولا يمكن أن يمر يوم دون عمل
وفكرة الانتخابات النزيهة بيتم تطبيقها في المنتدى بشكل طبيعي
يبقى فين الفكرة؟
أنا كنت لسه بناقش صاحب الفكرة وفوجئت بالأستاذ زيزو يعلن موافقته
فسكت حتى تتم المناقشة بعيدا عن الأعضاء
لو أن المجلس ولو عضو واحد فيه على الأقل لن يأخذ صلاحيات مثل صلاحيات الأستاذ أشرف
من حذف العضويات والتعديل من نسخة المنتدى سواء بتغيير الاستايل او تحديث النسخة
أو أي صلاحيات غير متوفرة فعلياً للمشرفين الإداريين
فلا أجد ضرورة له ولن يكون إلا مجلس صوري
خصوصاً العدد
ديه نقطة
تاني نقطة
جزئية القبلية السخيفة إللي بنعاني منها في مصر قبل ما نعاني منها بس في المنتدى :angry:
لو افترضنا إن فيه اتنين اصحاب في مجلس الشعب ده فقراراتهم وتصويتاتهم هتكون ثابتة دون برنامج واضح ورؤية محددة
صاحبي شايف حاجة ومش عاوز ازعله
طبعا هوه مش هيقول ده بصيغة مباشرة
انا مش هكمل ردي لسبب بسيط
ان القرار بالاغلبية :(
فمهما كان ردي مقنع او منطقي لن يجدي <_<
وعشان مش ناوي امسح كل اللي كتبتوه هخليه واكون انا اول الاصوات الرافضة
1
يعني القرار تم بالموافقة ان شاء الله لان المعارضة ضعيفة وغلبانة :lol:
آه طبعا لازم اتمسكن
:D

اانا اعترض
واشجب واستنكر <_<


لسبب ابسط ما يكون
اننا مش محتاجين لمجلس شعب ولا حاجة

مجرد افتكاسة مش موجودة فى اى منتدى تانى
لكن عشان نبقى منتدى سباق يعنى!!!!

الفكرة فى ظاهرها كويس
لكن مش عملية ابدا

وليا عودة


نفسى افهم بقى اللى بيقول رأئعة وجميلة وجامدة
على ايه بقى؟؟؟
انت حرين فى رأيكم طبعا

لكن الرد النهائى
انا معترض وطبعا هيروح فى الرجلين مع ال523423423 اللى موافقين
لكن لازم يبقى فى نقاش فى الجزئية دى


ايه الداعى من المجلس
.؟؟؟؟؟؟؟؟؟؟
ده اول سؤال بس

اللي عايز يعرف الهدف من الموضوع يقرأ البنود اللي محطوطة وهيعرف ايه الهدف منها

وانا هقولكم باختصار الهدف أولا يكون في حد منا يقدر يشرع ويعمل تشريعات وقوانين وخلافه واحنا مهمتنا التنفيذ غير ان الرئيس هيكون من الإداريين يعني هيكون ليه صلاحيات التنفيذ يا صلاح

وبالنسبة ليك يا خالد أقرا الموضوع مرة واتنين وثلاثة وانت تعرف هو عايز ايه

طبعا انتم اعلنتم الرفض وده من حقكم لكن أنا من وجهة نظري الشخصية انه هيكون موضوع جميل جدا ومفيد جدا
وكمان علفكرة أراءنا بس مش كفايا للتنفيذ لا الموضوع لو تمت الموافقة عليه هنا سيتم طرحه في استفتاء على العام لتصويت الأعضاء

موافق طبعا فكرة جميلة وانا شايف انكم قدها وقد تنفذها ان شاء الله
الى الامام

قريته يا استاذ زيزو

بس برضو
ايه اللى هيزوده بمعنى اصح...؟؟؟
عشان انا شايف صورة جميلة اوى للى هيحصل <_<


خلينا فى نقطة تانية
اما نبقى بين مطرقة الاغلبية وسندانها برضو!!!


افرض العشرة مع احترامى ....موافقين على حاجة غلط
وتتنفذ
مين اللى هينضر




ده طبعا اكيد هيوافق الاعضاء عليه
مدام المجلس منتخب وبيمثلهم




سيبنا من النقطة دى

السؤال الانسب

ايه الحاصل لو المنتدى فضل كده
او من غير مجلس؟؟؟؟؟

أنا موافقة جدا
وإلى الامام أعضاء المنتدى

مش هيحصل حاجة لو فضل كدة
لكن احنا عايزينه افضل

أنا مش بفرض عليك رايي يا خالد انا بس بعرض فكر انا أقتبسته من احد اعضاء المنتدى وضعتله قوانين

ممكن اسالك سؤال لما عضو بيخرج عن الحدود مش احنا بنوقفه ونعاقبه أو بننذره الخ ..

طيب لما مشرف يغلط مين يقول انه غلط ومين يحاسبه هي دي الفكرة

ان لازم يكون لينا قوانين وتشريعات
لازم نكون احنا اللي بنشرع

المندى ده زي ما قال طالب في تانية ثانوي وطن وبيت
وكل وطن له قوانين
وكفايا بقى نقل واقتباس قوانين من منتديات وننفذها هنا

مش كل مكان زي تاني

يعني مثلا معظم الاعضاء في مرحلة عمرية يحتاجوا لقوانين خاصة بس مين اللي المفروض يحطها ؟ احنا طبعا
لازم يكون لينا سلطة

لازم يكون لينا راي


لازم يكون لينا صوت
لازم نطبق ديموقراطية حقيقية مش قادرين نطبقها في بلدنا

أتا مشرف اداري
عايز أتحاسب منكم لما أغلط عايز مجلس يقول اني غلط عايز حد يوقف عضويتي يوقفني كمشرف مخطيء
وانا قلت ان المجلس سيكون له السيادة في التشريع وهيكون رئيسة من المشرفين الإداريين اللي له صلاحيات علشان يقدر يعمل كنترول عليه يعني مش هنسيبها عايمة وكمان مدجير الموقع هيكون السلطة التنفيذيه وقلنا نقدر نعمله استجواب ونحاسبه ونعرف منه ليه ده وليه ده ونقدر نعرف الكل ماشي ازاي

يا ريت يا خالد تكون فهمتني بجد وده طبعا مش علشان تغير رأيك وتوافق على الفكرة لأن الفكرة لسة تحت الدراسة
وانا في أوقات فراغي بعمل قوانين زي الدستور كدة لو اتوافق على المجلس ده هعرضها عليه وعلى الإداريين والشروط دي هتمشي على الإداري قبل العضو

<div class='quotetop'>إقتباس</div>طيب لما مشرف يغلط مين يقول انه غلط ومين يحاسبه هي دي الفكرة [/b]
المشرف يغلط ازاى يعنى
مشفوتهاش دى؟؟؟؟

ثم هو المشرف بيعمل حاجة اصلا
هو اللى بيعمله
ييحذف يايثبت يا يغلق
بس كده

ايه الغلط الى ممكن يعمله اساسا
ثم السلطة فى ايد المشرف م العضو
بمعنى ان المشرف ما يعمل حاجة

العضو ملوش دعوة لانه شايف انه صح
على الرغم انه غلط

وغالبية المشاكل بتبقى من الاعضاء
محدش بتقبل فكرة ان حد يحاسبه
ما بالك المشرف اصلا اللى هو صح

<div class='quotetop'>إقتباس</div>وكمان مدير الموقع هيكون السلطة التنفيذيه وقلنا نقدر نعمله استجواب ونحاسبه ونعرف منه ليه ده وليه ده ونقدر نعرف الكل ماشي ازاي [/b]
يا استاذى خليك واقعى
استاذ اشرف نادرا ما بيخش
او بيشارك بمعنى اصح
هنحاسبه مثلا على ايه
على انه مش بيخش

ولا على انه حذف عضوية واحد المفروض انه خد رأيكم قبل ما يحذفها؟؟؟؟؟؟؟


اخيرا
مجلس شعب ايه
امال احنا بنرغى وبنتناقش كده ازاى
مش ده يعتبر مجلس
بدل وجع الدماغ :unsure:

لى عودة

لا يا خالد المشرف يغلط لان في كتير فاهمين الإشراف غلط ولازم يكون في ثواب وعقاب وكمان انت ليه مش قريت تعقيبي كله
انا عايز المنتدى ده يكون وطن بجد زي ما صاحب الفكرة اقترحها عايز يكون في تشريع ويكون في ناس بتتكلم وعارفه ان ليها سلطة على الجميع وتطبق مبدأ الثواب والعقاب وتناقش وعلى الأقل اللي هنختارهم هيكونوا متواجديسن علطول يعني هيقدروا يحسوا بينا أكتر

لا انا قريت التعقيب كله

لكن على راحتكم
بس انا قولتلكم يعنى :D

أنا لسه مش مقتنع
وكمان مش كل الأسئلة بتاعة المرة إللي فاتت اتجاوب عليها
السؤال الوحيد إللي اتجاوب عليه هوه الموضوع ده ليه
وبيترتب على الاسئلة اسئلة تانية
عشان نبقى ناقشنا الموضوع بضمير وفصلناه تفصيل ولا ايه؟
بانتظار الإجابات
وبصراحة كده انا كتبت رد طويل مش اوي يعني
بس اتمسح وكان من ضمنه فعلاً مراجعة على الاسئلة اللي فاتت
لكن لاني مش هقدر اكتبوه تاني فهخلي مداخلتي انهاردة بس عشان افكركم بالاسئلة اللي فاتت في ردي السابق
ودمتم
:)

أنا موافق وفكرة رائعة ومفيدة
وأسف لتأخرى فى الرد

<div class='quotetop'>إقتباس(صلاح الدين سابقاً و مستقبلاً @ Apr 1 2007, 01:19 PM) 289952</div>
مش عارف ليه أنا مش مقتنع بالفكرة
:huh:
يعني عدد سكان جمهورية مصر كام؟
حوالي 80 مليون تقريبا
عدد نوابهم كام؟
400 نايب ونايبة :D
بنسبة وتناسب هنلاقي كل 200 الف مواطن ليهم نايب واحد
المنتدى بالإحصائيات الحالية إللي محتاجة تجديد عدد أعضاؤه فقط 20 ألف
يعني عاوزين 1/10 نائب :D

لا مجال للمقارنة يا خالد بين مصر والمنتدى وهل انت ترى ان مجلس الشعب بمصر مجلس حقيقي أم انه مجلس تنفيذ أوامر فقط خالد لا تقارن فليس هناك مجال للمقارنة فنحن هنا نريد أن ندجعل سلطة تشريعية بالنتدى
ومجلس الشعب ليه وظيفة ومهمة واضحة ومحددة ولا يمكن أن يمر يوم دون عمل
وفكرة الانتخابات النزيهة بيتم تطبيقها في المنتدى بشكل طبيعي
يبقى فين الفكرة؟
وهنا لو قريت الموضوع كويس هتلاقي أن المجلس ده هيكون ليه وظائف وفي شروط في اللي مش هيستكر لأي ظروف يوقف وينتخب مكانه واعتقد ان ده هيكون شيء مهم جدا ان المجلس ده يتخذ قرارات أنا كنت لسه بناقش صاحب الفكرة وفوجئت بالأستاذ زيزو يعلن موافقته
طبعا موافق بشدة لاني مقتنع بالفكرة جدا بس ده طبعا ميدنيش الحق في التنفيذ بدون موافقة الجميع
فسكت حتى تتم المناقشة بعيدا عن الأعضاء
وها نحن نتناقش يا حبيي

لو أن المجلس ولو عضو واحد فيه على الأقل لن يأخذ صلاحيات مثل صلاحيات الأستاذ أشرف
من حذف العضويات والتعديل من نسخة المنتدى سواء بتغيير الاستايل او تحديث النسخة
أو أي صلاحيات غير متوفرة فعلياً للمشرفين الإداريين
فلا أجد ضرورة له ولن يكون إلا مجلس صوري
أختلف معك هذا المجلس سيتم بناءا على اختيارنا واستفتاء من اعضاء المنتدى وفي حالة عدم تلبية مدير الموقع لطلباته بعدعمل الإستفتاء اللازم حينها من المكن أن نقوم بعمل الكثير كنوع من العقاب للمدير كأن نتركه وحده ثم اسالك لماذا تتوقع الفشل قبل النتيجة لماذا لا نحاول لعلنا نستطيع أن نكون جيل جديد يعرف معنى الديموقراطية يعرف معنى الإصلاح الحقيقي وهذا هو جزي من رسالتنا في المنتدى
خصوصاً العدد
ديه نقطة
تاني نقطة

اتمنى ان أكون قد أفدتك في النقطة الاولى ولكن لا تنسى ان المجلس رئيسه سيكون مشرف اداري وسيكون على الأقل اثنين من الشرفين الإداريين به الرئيس بالإنتخاب وواحد بالتعيين وواحد بالإنتخاب مش مهم النقطة دي دلوقتي موضوع الغنتخابات دي بعيدن ممكن نشوف ازاي هنعملها وازي هنختار المجلس المهم الفكرة وانا حاليا أجهز كتيب صغير كقوانين تكون للمنتدى ثابته زي الدستور كدة بالضبط بس دستور حقيقي احنا اللي هنصنعه بنفسا مش نبقى مجبورين عليه ولازم كل الأعضاء يوافقو وطبعا الحاجات دي هتتناقش قبل تنفيذها والمجلس ياخد فيها قرار وبعد قراره نعمل استفتاء حقيقي

جزئية القبلية السخيفة إللي بنعاني منها في مصر قبل ما نعاني منها بس في المنتدى :angry:
لو افترضنا إن فيه اتنين اصحاب في مجلس الشعب ده فقراراتهم وتصويتاتهم هتكون ثابتة دون برنامج واضح ورؤية محددة
صاحبي شايف حاجة ومش عاوز ازعله يا استاذي مش معنى ان المجلس وافق على حاجة او في تحيز يبقى لازم نفذ لا في استفتاء تاني وكمان لاحظ ان كل واحد هيعرض رايه وهيبان لو ي مجاملات وكمان مش نفترض حاجة لسة محلتش مش لازم نحط الغحتمالات السيئة في المقدمة دوما في مليون احتمال للثواب ممكن هي اللي تكون خط سيرنا ولاحظ كمان ان هيكون في قسم للكل يعني اللي هيخالف ضميره ربنا هيحاسبه صدقني يا صلاح انا مش ببالغ في لامر لكن بجد أنا نفسي نعمل حاجة علشان نحس بكيانا ومش بفرش احلام وردية ولا بعيش في الخيال لا انا عايز فعلا كدة واديني اهو بعرض عليكم الأمر وتارك ليكم الخيار واي قرار طبعا ش هيزعلي ولكن أنا زعلان منك طبعا لكلمتك مش هناقش لان رايي مش هيفيد لان الأغلبية موافقة المفروض يا صلاح مكنتش تقول كدة لان انت كدة بتقول ان احنا ملناش لازمة وا قرارتنا هي اللي بتمشي يا صلاح احنا بنعرض وبنتناقش ومكن راي واحد نقتنع بيه كلنا يخلينا نعلن عن الغاء الفكرة من اساسه
اتمنى ان تكونقد
ادركت اريد أن اقوله لقد تعلمت منك الكثير يا صلاح ولكن اعترض على اسلبك في تلك النقطة
طبعا هوه مش هيقول ده بصيغة مباشرة
انا مش هكمل ردي لسبب بسيط
ان القرار بالاغلبية :(
فمهما كان ردي مقنع او منطقي لن يجدي <_<
وعشان مش ناوي امسح كل اللي كتبتوه هخليه واكون انا اول الاصوات الرافضة
1
يعني القرار تم بالموافقة ان شاء الله لان المعارضة ضعيفة وغلبانة :lol:
آه طبعا لازم اتمسكن
:D
[/b]


شكرا يا صلاح على الجزئية الاخيرة اللي انا زعلان منها جدا جدا لان مينفعش تقول كدة لان ده مش اسلوب حوار يا صلاح اولا انتم مش ضعاف اتم افضل منا جميعا ونحترم رايكم والدليل اني اقوم بالرد عليه الآن ولم اتوقف ولم اقل مثلما قلت ولو كنت مكانك لم اكن لاقول مثلما انت قلت

أتمنى ان اكون اجبت على اسئلتك كما طلبت واعتذر ان كنت قد تجاوزت حدودي معك في الحديث يا صلاح ولكن يعلم لله كم اعزك

هنزعل من الرد
عموما انا رأئي من رأي الناس المعارضة للفكرة
وده رأئي انا فقط

لا انا مش زعلان يا استاذ اشرف انا بس زعلان من طريقة الكلام اللي اتكلم بيها في الآخر الموضوع مطروح للمناقشة وليس لفرض الراي عليكم جميعا


وانا لا اعترض أو أزعل أنك رفضت ولو الأغلبيية رفضت خلاص بالنسبة لي مفيش مشكلة هكون طبعاراضي
يا جماعة متفهمونيش غلط انا زعلان من صلاح علشان الطريقة بس اللي اتكلم بيها

خلاص حصل خير ..:)

ممكن نحط معاد اخير للتصويت عالفكرة ...

..اذا كان حد منتظر مننا اننا هنستنى العمر كله نتابع التصويت عالفكرة يبقى غلطان ..

لو الاغلبية موافقة نمشى الفكرة ولو حتى كتجربة .. لفترة

انا دلوقتي سايب ليكم انتم القرارا

واعتقد ان الاغلبية موافقة على الفكرة
ويا ريت نبدأ التنفيذ فورا
يعين لااستاذ اشرف يقول ابدا وسيتم عمل استفتاء لأعضاء المنتدى لو وافقوا يبقى تتنفذ علفى الفور

<div class='quotetop'>إقتباس(عبقرينومان @ Apr 3 2007, 10:56 PM) 291014</div> هنزعل من الرد
عموما انا رأئي من رأي الناس المعارضة للفكرة
وده رأئي انا فقط [/b]

زعلان منها ليه يا أستاذ أشرف!!

و عمومآ ممكن نعمل تصويت على الموضوع و نشوف

أهوه أنا قصدي كان كده يا أستذ زيزو
وربنا ما يجيب زعل
إن أنا ممكن أقعد أناقش للأبد
لكن ده لن يغير من وضعية الرأي للأغبية
ومين هيقرا ردي؟
حضرتك وبس
أو واحد اتنين كمان
أنا لسه مستعد لإكمال المناقشة
ولكن السؤال مطروح ويا رب حضرتك ما تزعلش منه
هل ده هيؤثر على اتخاذ القرار؟
لأ
يبقى أنا هتعب نفسي على الفاضي
بس ده قصدي
إن أنا ممكن أقعد أناقش للصح وبعدين تيجي الأغلبية تهدني
وأضفت تعقيب صغير
حتى لو كان كلامي منطقي
وربنا ما يجيب زعل
طب السؤال هغير صيغته ويا ريت برضه ما يبقاش فيه زعل
لو أنا ناقشت ولقينا الكلام منطقي
هل هناخد برأي الأغلبية برضه؟
ولا نمشي حسب المنطق؟
مستني الرد
:)

لو قريت ردي كويس يا صلاح عليك انا قلتلك ممكن راي واحد يغيرنا كلنا
للمرة التانية يا صلاح انت بتعقب دون ان تقرأ ردي جيدا

منطقيا لما نلاقي للموضوع حاجات هتخليه تفشل يبقى لازم يا اما نلغيه يا اما نعدله علشان ميكنش في فشل

يعني انت لما تقول رايك ونقتنع بيه هيتاخد في الأعتبار وعند وضع القوانين سنراعي تلك النقطة حتى لا تكون سبب في انهيار الموضوع

ولو وجدنا ان اسباب النجاح منعدمة يبقى بلاش منه احسن

يا ريت يا صلاح تفهم كلامي كويس


واعتقد يا صلاح ان الأغلبيه اقتنعت بالنواحي الإيجابية للموضوع

ومفيش حالجة في الدنيا مفيهاش سلبيات والنقاش معك وعرض وجهة نظرك أنت او اي حد معارض دي خطوة كويسة علشان نحاول تلافي السلبيات والحكم يكون بعد التنفيذ يعني الموضوع ممكن يتلغي بعد التنفيذ لو باء بالفشل

وممكن يتلغي قبل التنفيذ لو كانت سلبياته أكتر من ايجابياته

وكمان في نقطة بسيطة جدا ليه منجربش ( ليه ما نطبقش حاولنا ) المحاولة مش عيب يا صلاح والتجربة لو منجحتش بتفيد صح ولا غلط


وكمان متنساش ان الموضوع كله هيخضع للاشراف الإداري يا صلاح يعني هيكون عليه رقابة شديدة ولعلمك اي مشرف اداري هيشوف ايتحيز من عضو لعضو أخر هيكون ليه رد فعل طبعا


وكمانلاحظ ان المجلس ده هيكون في وضع التحكيم بين الناس وقال تعالى " واذا حكمتم بين الناس ان تحكموا بالعدل " يعني اي حد هيخالف كدة مينتظرش ان احنا اللي نحاسبه لا ربنا هيحاسبه لأن زي ما قلتلك ان هيكون في قسم وكمان احنا هنطبق الشريعة الإسلامية في كل قوانينا باذان الله


ومنتظرك لعرض سلبيات الموضوع

تعقيبي هيكون طوييييييييييييييييييييييييييييل
طالما اتأكدت إنه هيتقري
وهياخد مني وقت
و أرجو عدم اتخاذ قرار نهائي قبل قراءة التعقيب إللي بعتبره الأخير
:)

يا صلاح مع احترامي الشديد ليك من امتى يا صلاح واحنا مش بنقرا التعقيبات


انت المفروض أتكتر واحد رديت في الموضوع ومفيش ولا كلمه كتبتها الا واترد عليك فيها ما اعتقدش ان انا ههمل فكرة حطتها لازم طبعا اتابعها

وعموما منتظر تعقيبك حتى ولو كان مليون صفحة

الرأي : انا لا اوافق على الموضوع بالكامل

الأسباب :
1- الفكرة مكررة لان مجلس الاشراف ما هو الا مجلس شعب من أعضاء المنتدى ولو عايز تساعد في الديموقراطية (تخلي الصلحيات المتوقعة للمجلس المزعوم من صلاحيات الاشراف وزي ما احنا عرفين من حق اي عضو يرشح نفسه و يكون مشرف )

2- الحياة على الانترنت غير الحياة على الطبيعة يعني ممكن تكتشف في اي يوم اني انا ابقى (صلاح الدين سابقاً و مستقبلاً و The_Relativistic200 ) بس داخل بعضويات مختلفة وممكن اكون انا عضو مجلس شعب ومشرف وأداري في نفس الوقت وممكن كون 100000000000 عضو في نفس الوقت

3- عدد الاعضاء الي بتشارك في المنتدى قليل ونتيجة ده ( كل الاعضاء هايكونوا يأما مشرف او إداري أو عضو مجلس شعب المنتدى )

واللهم يسر لنا الخير حيث كان

<div align="center">السلام عليكم ورحمة الله وبركاته
بالنسبة لرأيي فأنا غير موافقة على الموضوع..
من أسباب عدم اقتناعي،، كما قال أخي عمرو جبر:
1- الفكرة مكررة لان مجلس الاشراف ما هو الا مجلس شعب من أعضاء المنتدى..
فمشرفي الأقسام والمشرفين الإداريين ما هم إلا كمجلس شعب للمنتدى.. منهم ممن تم تعيينهم وممن تم إنتخابهم، يمثلون أعضاء المنتدى..
كما أن المنتدى إذا أقيم به هذا المجلس فلن تنتهي الخلافات بل ستزداد،، فمن لم يعين مشرف يريد أن يكون عضو في المجلس، ومن لم يعين عضو في المجلس سوف يهاجم الإدارة ويتهمها بالظلم كما يحدث دائماً..
هذا مجرد رأي فقط..
السلام عليكم</div>

أستاذ زيزو
1- متأسف جداً على التأخير وأحب أؤكد لحضرتك إنه لظروف خارجة عن إرادتي
2- المناقشة مستمرة
3- لآخر مرة معلش بغير رأيي وهخليه مناقشة جزئية جزئية لأن لو حضرتك مش هتمل من القراية
فأنا حسيت إني همل من الكتابة
لكن عامة وبوجه عام أنا عارف كل نقطة هناقشها هناقش فيها إيه يعني مستعد لمناقشة شفهية
بس مش ناقص غير الكتابة
أول جزئية هبدأ أناقشها رأس الموضوع
بعون الله لن أتأخر ...
:)

منتظرك يا صلاح ولي تعقيب على فتاة الإسلام وعمرو جبر لاحقا

انا كنت موافق فى الاول بس غيرت رايى لسبب

ان اعضاء المنتدى اللى بيكتبوا او النشيطين يتعدوا على الاصابع

يبقى لما نعمل مجلس شعب هيبقى هما عشرين عضو
10 اعضاء مجلس الشعب
و10 الباقيين

ينفع 10 يحكموا 10 يبقى ده مش منتدى

سلامى

<div class='quotetop'>إقتباس(amr_gabr @ Apr 5 2007, 04:18 PM) 291958</div>
الرأي : انا لا اوافق على الموضوع بالكامل

الأسباب :
1- الفكرة مكررة لان مجلس الاشراف ما هو الا مجلس شعب من أعضاء المنتدى ولو عايز تساعد في الديموقراطية (تخلي الصلحيات المتوقعة للمجلس المزعوم من صلاحيات الاشراف وزي ما احنا عرفين من حق اي عضو يرشح نفسه و يكون مشرف )

لا مجلس الشعب غير المشرفين مفيهاش اي تكرار مجلس الشعب ده اللي هيمثل أصوات الأعضاء أمام المشرفين وكمان زي ما قلنا هيقدر يحط قوانين ويقدر يعاقب المشرف لو غلط
2- الحياة على الانترنت غير الحياة على الطبيعة يعني ممكن تكتشف في اي يوم اني انا ابقى (صلاح الدين سابقاً و مستقبلاً و The_Relativistic200 ) بس داخل بعضويات مختلفة وممكن اكون انا عضو مجلس شعب ومشرف وأداري في نفس الوقت وممكن كون 100000000000 عضو في نفس الوقت
انت صح لكن خد بالك لو قريت القوانين هتلاقي فيها قسم مش مهم بالنسبة لي ايه هي شخصية العضو الحقيقية المهم انه لما يقسم اكيد ربنا هيحاسبه لو خان الامانة والقسم

3- عدد الاعضاء الي بتشارك في المنتدى قليل ونتيجة ده ( كل الاعضاء هايكونوا يأما مشرف او إداري أو عضو مجلس شعب المنتدى )

مش معاك في دي المنتدى بقى فيه اعضاء كتير نشيطين وكمان اللي هيحصل ده هيشجع كتير انهم يشاركوا وهيزيد من فاعلية وحيوية المنتدى
واللهم يسر لنا الخير حيث كان
[/b]
اللهم امين

<div class='quotetop'>إقتباس(فتاة_الإسلام @ Apr 5 2007, 08:46 PM) 292084</div>
<div align="center">السلام عليكم ورحمة الله وبركاته
بالنسبة لرأيي فأنا غير موافقة على الموضوع..
من أسباب عدم اقتناعي،، كما قال أخي عمرو جبر: وانا رديت على عمرو جبر ومستعد للنقاش ي اي شيء
1- الفكرة مكررة لان مجلس الاشراف ما هو الا مجلس شعب من أعضاء المنتدى..
فمشرفي الأقسام والمشرفين الإداريين ما هم إلا كمجلس شعب للمنتدى.. منهم ممن تم تعيينهم وممن تم إنتخابهم، يمثلون أعضاء المنتدى..

لا يا فتاة الغسلام المشرفين هم مديرين وليسوا مجلس شعب في فرق كبير أوي بين الاتنين لو قريتي الموضوع كويس هتلاقي ان المجلس هيكون ليه صلاحيات مش موجودة لدى المشرفين وهيكون مشرع قوانين طبعا ثم احنا قلنا في مشرفين هيكونوا موجودين بالمجلس

كما أن المنتدى إذا أقيم به هذا المجلس فلن تنتهي الخلافات بل ستزداد،، فمن لم يعين مشرف يريد أن يكون عضو في المجلس، ومن لم يعين عضو في المجلس سوف يهاجم الإدارة ويتهمها بالظلم كما يحدث دائماً..
هذا مجرد رأي فقط..
السلام عليكم
[/b][/quote]
أحترم رايك ولكن ما المانع في ان يحاول العضو ويدخل الإنتخابات الغشرافية ومجلس الشعب ايضا وسيكون الموضوع علني ولن يكون هناك مجال لأن يكون به ظلم

<div class='quotetop'>إقتباس(طالب الجنة @ Apr 6 2007, 02:11 AM) 292249</div>
انا كنت موافق فى الاول بس غيرت رايى لسبب

ان اعضاء المنتدى اللى بيكتبوا او النشيطين يتعدوا على الاصابع

يبقى لما نعمل مجلس شعب هيبقى هما عشرين عضو
10 اعضاء مجلس الشعب
و10 الباقيين

ينفع 10 يحكموا 10 يبقى ده مش منتدى

سلامى
[/b]

ده مش منطق وكمان في كتير جدا بيدخلوا هما برده قليلين لكن بيسزيد مع الوقت والمنتدى دلوقتي مش زي زمان دلوقتي بقى يدخله ناس واحنا بنطوره وبنسعى لغصلاحه واكيد ان شاء الله العدد هيزيد ومش هستنى لما أقول لما يزيد العدد لا انا ابدا في التنفيذ علشان نجذب الناس

واحترم رايك ايضا في المعارضة على الفكرة

<div class='quotetop'>إقتباس</div>
الأسباب :

لا مجلس الشعب غير المشرفين مفيهاش اي تكرار مجلس الشعب ده اللي هيمثل أصوات الأعضاء أمام المشرفين وكمان زي ما قلنا هيقدر يحط قوانين ويقدر يعاقب المشرف لو غلط
ما هو يا استاذنا مجلس الاشراف منتخب من الاعضاء للادارة وسماع طلبات الاعضاء وتوصيلها للادارة الموقع ومبدئ تكافئ الفرص موجود بالانتخاب وإلا يبقى نعين مجلس الاشراف وننتخب مجلس الشعب

انت صح لكن خد بالك لو قريت القوانين هتلاقي فيها قسم مش مهم بالنسبة لي ايه هي شخصية العضو الحقيقية المهم انه لما يقسم اكيد ربنا هيحاسبه لو خان الامانة والقسم

سجب ان لا نعطي فرصة لضعاف النفوس ان يديرو موقعنا

مش معاك في دي المنتدى بقى فيه اعضاء كتير نشيطين وكمان اللي هيحصل ده هيشجع كتير انهم يشاركوا وهيزيد من فاعلية وحيوية المنتدى
واللهم يسر لنا الخير حيث كان

طيب حضرتك تفسر بأيه ان المنتدى 60% من المشريفي الي فيه بالتعيين علشان مافيش حد اتقدم للاقسام كتير في الانتخابات الي فاتت [/b]

أفسر ده بان كتير جدا لم يرغبوا في ان يتقدموا للإنتخابات ولم يكونوا يريدونها وانا واحد منهم وغيري كتير

انا موافقة على الفكرة
طبعا هي فكرة جيدة ومفيدة للمنتدى
ايفة على تاخير في الرد

شكرك يا عائشة واتمنى ان تنجح الفكرة ان وافق المشرفون عليها

شكرا لتواجدك وابداء رايك

<div class='quotetop'>إقتباس(zizo2_2 @ Apr 7 2007, 12:08 AM) 292602</div>
أفسر ده بان كتير جدا لم يرغبوا في ان يتقدموا للإنتخابات ولم يكونوا يريدونها وانا واحد منهم وغيري كتير
[/b]

و ما السبب ؟

وارجوا ان حضرتك ترد على النقطة الاولى في مشاركتي
<div class='quotetop'>إقتباس</div>
لا مجلس الشعب غير المشرفين مفيهاش اي تكرار مجلس الشعب ده اللي هيمثل أصوات الأعضاء أمام المشرفين وكمان زي ما قلنا هيقدر يحط قوانين ويقدر يعاقب المشرف لو غلط
ما هو يا استاذنا مجلس الاشراف منتخب من الاعضاء للادارة وسماع طلبات الاعضاء وتوصيلها للادارة الموقع ومبدئ تكافئ الفرص موجود بالانتخاب وإلا يبقى نعين مجلس الاشراف وننتخب مجلس الشعب[/b]

<div class='quotetop'>إقتباس(amr_gabr @ Apr 7 2007, 12:11 PM) 292856</div>
<div class='quotetop'>إقتباس(zizo2_2 @ Apr 7 2007, 12:08 AM) 292602
أفسر ده بان كتير جدا لم يرغبوا في ان يتقدموا للإنتخابات ولم يكونوا يريدونها وانا واحد منهم وغيري كتير
[/b]

و ما السبب ؟

وارجوا ان حضرتك ترد على النقطة الاولى في مشاركتي
<div class='quotetop'>إقتباس</div>
لا مجلس الشعب غير المشرفين مفيهاش اي تكرار مجلس الشعب ده اللي هيمثل أصوات الأعضاء أمام المشرفين وكمان زي ما قلنا هيقدر يحط قوانين ويقدر يعاقب المشرف لو غلط
ما هو يا استاذنا مجلس الاشراف منتخب من الاعضاء للادارة وسماع طلبات الاعضاء وتوصيلها للادارة الموقع ومبدئ تكافئ الفرص موجود بالانتخاب وإلا يبقى نعين مجلس الاشراف وننتخب مجلس الشعب[/b]
[/b][/quote]

الإشراف غير المجلس يا حبيبي

دي حاجة ودي حاجة تاني
وصلاحيات دول مش زي دووول








بالنسبة للنقطة الأولى كتير جدا لا يرغبون الإدارة ولكنهم نشيطون لانهم ليسوا ممن يحبون أن يكونوا مديرين أو لا يريدون تحمل المسؤلية



انا دلوقتي بطالب مدير الموقع بجمع التصويتات والبت في الموضوع واتخاذ القرار النهائي

و أنا باضم صوتى ليك يا أستاذ زيزو
وممكن حضرتك تعمل الأستفتاء
ونشوف الآراء و تكون هى الفيصل!!!!

أعتقد كده أننا هنخرج عن الموضوع الاساسى
وسندخل فى مناقشات جانبية ليس لها محل من الاعراب داخل الموضوع
وأعتقد ان نسبة الموافقة للفكرة أكبر من نسبة الرفض
بالتالى أقتراح البدا فى الاعداد للموضوع وطرحه على السادة الاعضاء

باجماعة
انا نادر لما بدخل هنا
المهم
الطالب وهو الاساس للمنتدي
يكون في مجلس او ميكونش
المهم
الطالب يكون موجود
وشكرا

سيتم نقل الموضوع للعام لأخذ تصويت الأعضاء مع اضافة الإستفتاء ورجاء من الإخوة الاعضاء التصويت فقط بنعم أو لا واي رد خارج عن الموضوع سيحذف وسيظل التصويت لمدة ثلاث أيام


بالنسبة للمشرفين يجب عليهم التصويت ايضا

ومن عنده اضافة اخرى للقوانين ارسالها عبر الرسائل الخاصة ليس في الموضوع نفسه

الغرض من نقل الموضوع أن يعرف الجميع أننا كنا نتناقش في الموضوع والأغلبية موافقة فبرجاء قراءة مناقشات الإدارة والمشرفين والتصويت على الموضوع

برجاء التصويت

شكرا يا محمد لتأيدك الفكرة وان شاء الله نشوفك عضو مجلس شعب

لو تمت الموافقة من قبل الأعضاء ستجرى انتخابات بعدها لتحديد الاعضاء والمشرف الإداري الرئيس للمجلس بس ده في حالة موافقة الأعضاء

<div class='quotetop'>إقتباس(عاشق الأحزان @ Apr 9 2007, 11:48 PM) 293969</div> <div align="center"> :) فكرة جميلة جدا

النقاط اللي عرضتها انت يا زيزو جميلة قوي ومفيش اضافات عليها

ربنا يوفق اللي هيدخلوا فيها كلهم :)

المهم مصلحة الموقع :)

وانا عن نفسي كعضو موافق جدا

وابارك للي هيدخلوا الإنتخابات وينجحوا بإذن الله :)

موفقون بإذن الله

دُمتم ساالمين

سلام عليكم

[/b][/quote]

<div align="center">فكره جميله جدا
وانا عن نفسى موافق
</div><div align="center"> </div>

شكرا جدا جدا يا استاذ زيزو انك عرضت فكرتي
وبيتهبالي ان مفيش اضافات علي قوانين حضرتك
وانا عن نفسي صراحه نفسي الموضوع ده يتنفذ عشان الاعضاء يبقي ليهم صوت في المنتدي
وشكرا للي وافق والي لم يوافق :)

<div align="center">بس بيتهيألى حكايه التعين دى وان عضو واحد بس دى عاوزه مناقشه يا استاذ زيزو المفروض عدد الاعضاء يزيد وتبقى انتخابات مش تعين والا ده مش هيبقى مجلس شعب

هو الغرض منه ايه اولا

مش الديموقراطيه كده بقت دكتاتوريه
</div><div align="center"> </div>

<div class='quotetop'>إقتباس(go_away_u_broken_my_heart @ Apr 10 2007, 12:43 AM) 294064</div>
<div align="center">بس بيتهيألى حكايه التعين دى وان عضو واحد بس دى عاوزه مناقشه يا استاذ زيزو المفروض عدد الاعضاء يزيد وتبقى انتخابات مش تعين والا ده مش هيبقى مجلس شعب

هو الغرض منه ايه اولا

مش الديموقراطيه كده بقت دكتاتوريه
<div align="center"> </div>
[/b][/quote]


ان شاء الله نتناقش بس يا ريت المناقشة تكون على الخاص زي ما ذكرت في الموضوع
قولنا انت عايز ايه بالضبط على الخاص واحنا ان شاء الله هننفذه بعد مناقشته

<div class='quotetop'>إقتباس(zizo2_2 @ Apr 9 2007, 01:07 AM) 293592</div>
<div class='quotetop'>إقتباس(amr_gabr @ Apr 7 2007, 12:11 PM) 292856
<div class='quotetop'>إقتباس(zizo2_2 @ Apr 7 2007, 12:08 AM) 292602
أفسر ده بان كتير جدا لم يرغبوا في ان يتقدموا للإنتخابات ولم يكونوا يريدونها وانا واحد منهم وغيري كتير
[/b]

و ما السبب ؟

وارجوا ان حضرتك ترد على النقطة الاولى في مشاركتي
<div class='quotetop'>إقتباس</div>
لا مجلس الشعب غير المشرفين مفيهاش اي تكرار مجلس الشعب ده اللي هيمثل أصوات الأعضاء أمام المشرفين وكمان زي ما قلنا هيقدر يحط قوانين ويقدر يعاقب المشرف لو غلط
ما هو يا استاذنا مجلس الاشراف منتخب من الاعضاء للادارة وسماع طلبات الاعضاء وتوصيلها للادارة الموقع ومبدئ تكافئ الفرص موجود بالانتخاب وإلا يبقى نعين مجلس الاشراف وننتخب مجلس الشعب[/b]
[/b][/quote]

الإشراف غير المجلس يا حبيبي

دي حاجة ودي حاجة تاني
وصلاحيات دول مش زي دووول








بالنسبة للنقطة الأولى كتير جدا لا يرغبون الإدارة ولكنهم نشيطون لانهم ليسوا ممن يحبون أن يكونوا مديرين أو لا يريدون تحمل المسؤلية



انا دلوقتي بطالب مدير الموقع بجمع التصويتات والبت في الموضوع واتخاذ القرار النهائي
[/b][/quote]

يا حبيبي ما فيش حتى في الدنيا المجلس التنفيذي (الوزراء) فيها بالأنتخاب والمجلس التشريعي ( الشعب ) بالأنتخاب

لوعايزين تعملوا مجلس شعب يبقى مجلس الاشراف بالتعيين (( علشان يبقى من حقك تحاسبه انما لو كان منك فا مش من حقك تحاسبه لان ببساطه ده صوتك انت و انت ممكن تكون مكانه والا نطالب بمجلس يراقب على مجلس الشعب ومجلس تاني يراقب على المجلس الي بيراقب على مجلس الشعب ونسمي المنتدى منتدى المجالس العامة ))
يعني المنتدى يكون فيه انتخابات واحده بس

في مثل مصري بيقول فيما معناه ان الحاجه الوحشه مهما حاولنا نعدلها فهي ف الاصل وحشه

المنتدي ولا محتاج مجلس ولا حاجه محتاج بس شويه تفاهم وحب بين الاعضاء والمشرفين مش شويه فاكرين نفسهم حاجه جامده اوي والباقي اقل منهم في المستوي :D

بس دا رأيي

موافق والى الامام حتى دائما
ارجو ان لو حصل المجلس ده فعلا تطبق قوانينهواعضاء المجلس مينحازوش لاي حاجة ولو كان اقرب الاقرباء الي
ويضع امام ناظريه ان عمر بن الخطاب رضي الله عنه خلى القبصي يضرب ابن عمرو بين العاص قصاصاً " عشان اخطأ " وقد قال تعالى " ان الله لا يغير ما بقو حتى يغيروا ما بأنفسهم "
وشكرا :)

أنا قلت إن الرأي بالأغلبية ومش بالمناقشة ...
آسف للتأخير مرة أخرى ...
ولأن ما فيش حد فوق العقاب
فأنا كعضو فرد من أفراد الأسرة
كنت معاقب بالحرمان من الإنترنت الفترة إللي فاتت ديه
وربنا يوفقكم يا رب ...
بس شكلي مش هقدر أكمل مناقشة ... :lol:
ده أنا غلباااااااااااااااااااااااااااااااااااان ...

و انا موافق جدآ على الفكرة
و بالتوفيق

فكرة حلوة,,
موافقة

التصويت غير كافي لإتمام المهمة ونظرا لتوقف الموقع الفترة الماضية سيتم مد فترة التصويت ثلاث ايام وان لم يتجاوز حد التصويت 100 عضو على الأقل سيكون الموضوع لاغي

الفكرة جيدة ومحدش يقدر يقول غير كدا لاكن هو فى تعقيب صغير

بالنسبة لان هيبقى فى عضو بالتعيين اقدر اعرف لية؟؟؟؟؟؟



انا بئة عندى اقتراح ان كل اعضاء المجلس يكونوا من الاعضاء
مش مشرفين ولا اداريين بسبب ان المشرفين والاداريين مينفعش يكونوا هم الرقيبين على انفسهم

دا لو فرضنا ان المجلس هيكون لة سلطة الرقابة عليهم ثم ان المجلس دة هيكون اثاث جزء من الادارة


واخيرا احب ااكد ان الفكرة مفيدة جدا لاكنى ارى بوجة نظرى المتواضعة ان جمعية عامة للمنتدى هتكون افضل
واكثر عملية بكيييييييييييييييييييييييييييير اوى من مجلس الشعب

يا أستاذ زيزو

ماحدش واخد باله من التصويت

اقترح انه يكتب فى اول الصفحة من فوق مكان شاهد تقرير الجدول دى عشان اللى يدخل ياخد باله و يقول رأيه!!!!!!!!!

<div class='quotetop'>إقتباس(elma7et @ Apr 16 2007, 04:27 PM) 295263</div>
يا أستاذ زيزو

ماحدش واخد باله من التصويت

اقترح انه يكتب فى اول الصفحة من فوق مكان شاهد تقرير الجدول دى عشان اللى يدخل ياخد باله و يقول رأيه!!!!!!!!!
[/b]
والله فعلا لان في ناس مش واخده بالها منه
فعلي راي محمود الاحسن انه يتكتب فوق

اسف للتاخير
بس موضوع جميل وفكرة اكثر من رائعة اخى زيزو

<div align="center"> <div class='quotetop'>إقتباس(طالب تانيه ثانوي @ Apr 16 2007, 09:13 PM) 295330</div> <div class='quotetop'>إقتباس(elma7et @ Apr 16 2007, 04:27 PM) 295263
يا أستاذ زيزو

ماحدش واخد باله من التصويت

اقترح انه يكتب فى اول الصفحة من فوق مكان شاهد تقرير الجدول دى عشان اللى يدخل ياخد باله و يقول رأيه!!!!!!!!!
[/b]
والله فعلا لان في ناس مش واخده بالها منه
فعلي راي محمود الاحسن انه يتكتب فوق [/b][/quote] </div>

اولا السلاام عليكم ورحمة الله وبركاته بشكر اولا صاحب الفكرة الجميلة دي وهي تكوين مجلس الشعب بس المشكلة مش في تكوين المجلس المشكلة الفكرة هيتم تطبيقها بطريقة سليمة ولا لأ واهم حاجة تطبيق فكرة الديمقراطية في المجلس ويتم على الاساس انتخاب اعضاءه وان نرجع للمجلس في كل شيء من حذف موضوعات واختيار قرارات ومنع اعضاء ويتم انتخاب اعضائه لفترة معينة من قبل الاعضاء وتوضيح عمل المشرفين وانهم مش مجرد اداة للعقاب وان تتم كل حاجة في المنتدى على اساس الاختيار والفكر الديمقراطي وان يتم تنفيذ وتفعيل خطط ديمقراطية وان نحقق ما فشل فيه حكامنا وحكومتنا بس يا ترى مين الي هيبقى فتحي سرور ومين امال عثمان ;)

انا موافق الفكرة جميلة اوي
انا حترشح اذا لسه متعملش المجلس يعني هههههه

؟أبو الريس

<div class='quotetop'>إقتباس(أبو الريــــــــــس @ May 9 2007, 11:27 AM) 302359</div>
انا موافق الفكرة جميلة اوي
انا حترشح اذا لسه متعملش المجلس يعني هههههه

؟أبو الريس
[/b]
ياعم
بس هو يتنفذ وبعد كده نتكلم

الموضوع مفتوح للتصويت و سنقرر تنفيذه من عدمه بعد الامتحانات

تم التنشيط
وفتح باب التصويت مرة اخرى

<div class='quotetop'>إقتباس(المرشد @ Jul 2 2007, 04:03 AM) 338711</div>
تم التنشيط
وفتح باب التصويت مرة اخرى
[/b]
تشكر يا باشا :)

معاك يا مان على البركه

بالتوفيق ان شاء الله ربنا معاكم انا عن نفسي موافق على الفكرة

فكرة جميله جدا
وليه لا

فكرة حلوة والله وجديدة

أنا عن نفسي موافق

لما نشوف الباقي

انا موافق ......