السلام عليكم و رحمة الله و بركاته

ازيكم يا جماعه عاملين ايه ربنا معاكم انا اخوكم محمد في كلية العلوم جامعة الاسكندرية

اولا و قبل كل شيء ربنا معاكم و يوفقكم خلاص الامتحانات قربت و لا زم تشدوا حيلكم

انا عارف الاعصاب في الاوقات دي بتكون مشدودة و مش مستحملين كلام من اي حد

بس انا عايز اقلكم ان اهم حاجة و اللي اهم من المذاكرة الراحة النفسية و لازم تعرفوا

ان انتوا عملتوا اللي عليكم و الباقي علي ربنا و ربنا عمره ما هيضيع تعب حد

تفائلوا خير و ابداول حلو اسئلة الامتحانات بتاعت السنين اللي فاتت لان امتحان الثانوية

العامة مبقاش فيه جديد هي هي نفس الاسئلة بس الطريقة اللي بيجي بيها السؤال هي اللي

بتختلف يعني مثلا سؤال السنادي كان اختياري في السنة اللي قبلها كان مسالة و اللي قبلها

كان مصطلح علمي و هكذا

عايزكم تشدوا حيلكم بجد لان فترت الثانوية العامة دي خنيقة اووووي و الكلية باه صدقوني احلي بكتير من

الثانوية صحاب و روح حلوة و جميلة مش هتبقوا عايزين تروحوا البيت

شدوا حيلكم و ان الله لا يضيع اجر من احسن عملا

بالتوفيق لكم جميعا

ربنا يطمنك يارب
ويارب ادى كل واحد على قد تعبوا
وربنا يوفأ الجميع

جزاك الله خيرا

شدوا حيلكم يا شباب

فترت الثانوية العامة دي خنيقة اووووي و الكلية باه صدقوني احلي بكتير من

الثانوية صحاب و روح حلوة و جميلة مش هتبقوا عايزين تروحوا البيت

ع عكس كل الناس
شايفه ان الثانويه احلى بكتير م الكليه مع انى كنت هتجنن واخش الكليه
بس الواحد كان براحته عنده وقت يعمل اللى هو عايزه ع عكس دلوقتى
كل يوم ف الكليه محاضرات وسكانش و حاجه تقرف
يلا بقى كله مقدر و مكتوب
ربنا يوفق الجميع