انا بجد محتااجه حد يرد علياا اولا انا لسه طالبه في الصف الثاني الثانوي بس انا امل حياتي اني ادخل صيدله عشان كده بحب ادخل القسم ده دايمااا المهم.. انا عندي احبااط فظيع ومش عارفه اذاكر وحااسه اني هدخل معهد مش هدخل صيدله وبجد مش لاقيه حد اتكلم معااه ولا حد يشجعني انا بنت وحيده وماما وبابا سيبني براحتي اووي يعني ادخل معهد ادخل صيدله مش فاارقه وده الي معقدني اكترررر الاياام جريت وانا دلؤت مش عارفه اعمل ايييه حااسه اني مذكرتش ولا كلمه ولما بسال حد بيقولي هيه الايام الاخيره احسن ايام للمراجعه حته لو مكنتيش مذاكره من اول السنه. المهم فتره المراجعه دي.. عايزه حد يقوولي احلق نفسي اذاي بجد احباط احباط احباط مش عارفه افتح كتاب ولا ابدا منين اوقاات بحس بحمااس شديد جدا بس بيقلب باحباط :(:(اعمل اييه بليز حد يقوووولي فاااضل ايام ع االامتحان وانا نفسي السنه ترجع من الاول او اعديهاا وحده صحبتي كنا بنذاكر مع بعض وبنحمس بعض وكده فجاه كده سبتني وقالتلي انا هعيد السنه طيب وناا؟؟ كل واحد دلؤت بيفكر في مصلحتو مفيش اصحاب ولا كلام من ده انا اسفه اني طولت بس بجد نفسي حد يرد علياااا مش لاقيه حد ينصحني ولا يقولي اي حاجه تحمسني حته لو يديني امل ويقولي الحق نفسي اذاي:(:(:(:( في الايام دي اسفه كمان مره اني طولت

زييى بالظبط بالمللى مش عارفه اعمل ايييييييه ربنا يستر يا دكاترررررره ساعدونا الله يكرمكو

بصي ده شعور عادي جدا ف الفتره دي
بيبقي خوف من الامتحان والنتيجه وتحسي انك مذاكرتيش والسنه ضاعت والكلام ده
ده والله عادي جدا وكلنا مرينا بالمرحله دي
المهم طلعي من دماغك فكرة الاحباط وان السنه خلصت وانك مذاكرتيش
الشهرين دول فعلا بالسنه كلها
نظمي وقتك كويس وحاولي متتضيعيش وقت

يعني قللي ساعات النوم ونظمي دروسك وكده
دول شهرين التعب
المهم انسي كل اللي فات وابداي من الاول خالص
وان شاء الله هتجيبي مجموع كبير وتدخلي صيدله
ووقتها هتعرفي ان الثانويه دي كانت سهله اوي
وربنا يوفقك

إستعيذي بالله من الشيطان
وإبدأي كل مادة من أولها خصوصآ لو وخده كمياء أو أحياء إبدأي بالمادة دي هتديك دفعة للباقي
طبعآ أيام المراجعة دي حلوة لو أنتي مش مذاكرة من الأول الكلام ده في معهد فني ........
والمراجعة إسمها كده عشان نراجع إلي ذاكرناه مش عشان نذاكر من الأول
لو بدأتم بجد من دلوقتي لسه في وقت بس مش كتيير
يعني بيحتاج جهد مضاعف متروحيش كذا مصدر علمي يا..... يا مدرسة
وده هيبقي وقته في اليوم من ساعتين ل3
باقي اليوم نظمهوم من عبادة وأكل ونوم كل ده في عشر ساعات 7 نوم والباقي...
كل 50 دقيقة مذاكرة ريحم شوية وكملوا تاني لو ذهقتم ذاكروا رياضة
وخلي أملكم في الله كبير وكل واحد بيشوف قدره

بجد مشكووووووووووووووورين اووووووي ربنا يحفظكم يعني ظهر عندي الامل بس برضو مش عاااارفه انظم وقتي ازاي انا تقريبا بطلت انام من القلق بجد ربنا يسترهااااا عاايزه اسال عن حاجه كمان انا حااسه اني ضاايغه في الرياضه مع اني باخد حصتني لما بذاكر وكده واجي احل ولاقي كام وحده معرفتهاااااش بباه مخنوووقه وده الي بيخليني محلش رياااضه ولما قولت للمدرسين قالولي مش لازم تحلي وتشتتي دماغك حلي من مصدر واااااحد بس ربنا يساامحه الوزير شكلو هينتقم مننا في الامتحاانات وبجد بشكر اي حد تعب نفسه ورد عليااا اهو اختكم الصغيره مش صغيره اوي يعني.... ربنااا يحميكم

ملكيش دعوه ببابا وماما لازم يبقالك هدف محدد وتخططيله

القلق احساس طبيعى
بس اهم حاجه تعملى اللى عليكى
وتنظمى وقتك
شهرين كتير ع فكرة وممكن تنجززى فيهم كم كبير
متحطيش ف بالك خالص حوار ان الامتحانات هتيجى صعبه
لو صعبه هتبقى ع الكل مش عليكى انتى بس
و ربنا مابيضيعش تعب حد
خلى عندك ثقه ف ربنا وف نفسك
انا لما كنت ف ثانويه عامه كان بيجيلى حالات انى خلاص مش نافعه ومش هجيب مجموع ولا حاجه
بس زى مابقلك ماتحطيش ف بالك وركزى ف مذاكرتك وماتحوليش تضيعى وقتك ف حاجات ملهاش لازمه واسءله بقى تعقد وكده الموضوع ابسط م كده بكتير
واللى رايده ربنا هيكون

بالنسبه للرياضه
لو مسأله ولا اتنين لا 5 حتى وقفوا قصادك مش مشكله انتى بس حاولى تفهمى فكرتهم
الكتب الخارجيه بتجيب اسئله صعبه اوى و طويله علشان تبيع
بس الحاجات دى مابتجيش ف الامتحان
فمتحاولبش تضيعى وقتك فيها
ممكن بس تعرى فكرتها وخلاص
انما ماتقعديش تحلى ف مسأله 3 صفح والهبل ده
الامتحان اسئلته بتبقى قصيرة علشان يغطى المنهج كله ويكفى الوقت
اللعب ف المسائل بيبقى ف فكرة بتاع انما قليل اوى لما يجبلك مسأله طويله
يارب اكون افدنك يا جميل
وربنا معاكى ويحققلك الى نفسك فيه وبكون فيه الخير ليكى
ب

ربنا معاك انش ان شاء الله بصي خلي عندك ثقة كبيرة اويفي ربنا وعلى قد الثقة دى ذاكراي كل ماتفتكرى ان ثقتك في ربنا مالهاش حدود حاذاكرى اكتر الشهرين دول بيعدى ببطء خاصة 4
استفيدي من الشهر دة كويس اوي وكثفي فيه المذاكر واهم جاجة تذاكر المنهج كويس وتطبقي باسئلة كتير وسيبك من الاسئلة المعقدة عشان مش يجيلك اكتئاب
وماكيش بالييقولك انا حاجل وانا حاشيل
والحجات دى
وبعدين ماما وبابا مش عايزينك تتعبي
اوك جميل بس انت لازم ترفعي راسهم لان ده حيفرحهم لانك بنتهم الوحيدة
ذاكري كويس وسنة تانية دى بجد هدية سهلة موووووووووووووووووووووت اسل من تالتة حاولى تجيبي فيها اكبر مجموع ربنا يقدرك عليه عشان ترتاحى في تالتة
ربنا معاك والله انا حاسة بيك
ضغط اعصاب وشدة بس خالى عندك امل كبير ومش تسمعى لكلام الناس الكتير الي مش له لازمه
وربنا يوفقك ياااااااااااااااااااااااااااااااااااارب

أنا بجد مش لاقيه حاجه أقولهالك بعد كلام الدكاترة
حاولي تعملي اللي قالوا عليه وان شاء الله ربنا هيوفقك وتحققي كل اللي نفسك فيه بس أهم حاجه تقربي من ربنا وتتوكلي عليه سبحانه وتعالى في كل حاجه وهتلاقي كل اللي بتتمنيه بيتحقق و ربنا معاكي ويوفقك دايما ياااااااااااااااااارب

انا بجد محتااجه حد يرد علياا اولا انا لسه طالبه في الصف الثاني الثانوي بس انا امل حياتي اني ادخل صيدله عشان كده بحب ادخل القسم ده دايمااا

بتفكريني بنفسي أيام الشباب بس بإستثناء إني ما كنتش بادخل القسم :d
المهم.. انا عندي احبااط فظيع ومش عارفه اذاكر وحااسه اني هدخل معهد مش هدخل صيدله وبجد مش لاقيه حد اتكلم معااه ولا حد يشجعني انا بنت وحيده وماما وبابا سيبني براحتي اووي يعني ادخل معهد ادخل صيدله مش فاارقه وده الي معقدني اكترررر الاياام جريت وانا دلؤت مش عارفه اعمل ايييه حااسه اني مذكرتش ولا كلمه
أولا ً كتابة الموضوع دا دليل علي إنك مهتمه
و طالما مهتمة بالدراسة يبقي إنتي قطعتي نص السكة
ف آخر السنه ( عن تجربه ) الواحد لما بيذاكر أكيد مش بيذاكر 24 ساعة ف اليوم أكيد في وقت ضايع المهتم بالدراسه زيك بيفكر ف الوقت الضايع دا و بينسي الوقت اللي هو ذاكره علشان كدا بيحس إنه ما أنجزش و إن اليوم ضاع منه من غير فايده لكن ف الأصل هو ذاكر
ولما بسال حد بيقولي هيه الايام الاخيره احسن ايام للمراجعه حته لو مكنتيش مذاكره من اول السنه.
أنا عارف واحد صاحبي دخل طب لما شد حيله ف الأيام الأخيرة دي و الله بجد دخل طب أسيوط أنا كنت معاه ف الحصص و كدا و شايف يعني الاهتمام بالمذاكرة بيوضح هو كان منفض خالص و مقضيها بلايستيشن :d بس شد حيله ف أيام المراجعة دي و جاب طب الحمد لله
المهم فتره المراجعه دي.. عايزه حد يقوولي الحق نفسي اذاي بجد احباط احباط احباط مش عارفه افتح كتاب ولا ابدا منين اوقاات بحس بحمااس شديد جدا بس بيقلب باحباط :(:(اعمل اييه بليز حد يقوووولي فاااضل ايام ع االامتحان وانا نفسي السنه ترجع من الاول او اعديهاا وحده صحبتي كنا بنذاكر مع بعض وبنحمس بعض وكده فجاه كده سبتني وقالتلي انا هعيد السنه طيب وناا؟؟ كل واحد دلؤت بيفكر في مصلحتو مفيش اصحاب ولا كلام من ده انا اسفه اني طولت بس بجد نفسي حد يرد علياااا مش لاقيه حد ينصحني ولا يقولي اي حاجه تحمسني حته لو يديني امل ويقولي الحق نفسي اذاي:(:(:(:( في الايام دي اسفه كمان مره اني طولت


بصي
أنا عن نفسي بذاكر بس علشان لما أشوف النتيجة ما أندمش إني كان ممكن أعمل أحسن من كدا
لكن النتيجة نفسها ربنا كاتبها عنده و مش هاتتغير
يبقي إنتي تعملي اللي عليكي اليومين دول و خلاص و اللي فات يتنسي تماما ً
تعملي جدول مذاكرة حسب الكميات مش الساعات
يعني النهاردة مثلا ً درسين قراءة و واحد نصوص و كدا يعني
الجدول دا تقسمي فيه اللي إنتي عايزة تذاكريه لغاية الامتحانات
و نصيحة قللي السهر و لو سهرتي يبقي تسهري علي رياضة
لكن المواد النظري لو سهرتي عليها مش هاتذاكريها كويس
و إستفيدي من فترة الصبح كويس
و بلاش تخلي المذاكرة تطغي علي النوم يعني لما تتعبي نامي لكن ما تذاكريش و إنتي تعبانه لأنها هتبقي زي قلتها ( أنا عن نفسي كنت باعمل كدا بس كنت بأجل الأكل شويتين لغاية ما أخلص يعني أذاكر و أنا جعان و ما أذاكرش و أنا تعبان )
الرياضة بقي

عايز أقولك إنك لما تلاقي دلوقتي سؤال صعب بتتخنقي
لكن لو لقيتيه ليلة الامتحان ( لا قدر الله ) الثقة هاتتهز
و لو لقيتيه ف الامتحان نفسه ( لا قدر الله ) تبقي مشكله
إنتي أصلا ً بتحلي علشان تعرفي اللي إنتي مش عارفاه
و الله لو كل المسائل اللي بتقابلك بتحليها يبقي الاستفادة صفر
الاستفادة الحقيقية لو فكرة مش عارفاها و عرفتيها
بس
ربنا يوفقك

ميررررررررررررررررررررررررررررررررسي اوووي علي كل الي رد عليا وربنا انا مبسووطه بكل الردود دي وكلامكم زاادني حماااس وربنا يجيب الي فييه الخير ان شاء الله هعمل كل الي عليييا وربنا يهدي الوزيرررر علينااا يارب

عاااايزه استفسار تاني معلش انا ضاايعه في الحفظ بكره حاجه اسمهاا حفظ مع اني اصحاابي اسهل حاجه عندهم الحفظ ياريت لو فييه رخاامه حد يقولي اكتر طريقه تخليني احفظ الحااجه بسرعه واحس اني حفظت بجد

الحفظ فعلا بيبقى رخم بس ممكن تتغلبي عليه بسرعة اقري الحاجة في الاول بالراحة وبعدين ابئي احفظيها بالكتابة ان شاءالله مش حتنسيها ولو حاجة جديدة اول مرة لازم تقريها يوميا تمري عليها حتلاقيكيفاكراها دايما وربنا معاك
كفاية قلق بقى وركزى في مزاكرتك
وربنا معاك ويوفقك ان شاء الله

عاااايزه استفسار تاني معلش انا ضاايعه في الحفظ بكره حاجه اسمهاا حفظ مع اني اصحاابي اسهل حاجه عندهم الحفظ ياريت لو فييه رخاامه حد يقولي اكتر طريقه تخليني احفظ الحااجه بسرعه واحس اني حفظت بجد

انا بردك كنت بكره الحفظ ومازلت ياعنى
بس بتيجى والله وماتقلقيش
لمنتهج بيتعاد و يتزاد عشرمين مرة و كل شويه امتحان و شغل الهبل ده بقى
فان شاء الله هتحفظي
انا عمرى ماكنت أتصور انى احف ظ كتاب الاحياء ده زى ماهو كده
و الميس لو حرف مش زى الكتاب كانت بتعمل مناحه
بس الحمد لله ياعنى عدت

بصى انا كنت بعمل حاجه ف الاحياء مش عارفه هي صح ولا غلط
بس حاسه انها كانت بتساعدنى
كنت لما بروح م الدرس وهنام خلاص بمسك الكتاب وانا السرير خلاص وبقرأ اللى خدته قرايرة جرنال كده بسرعه
ساعات كتير مكنتش ببقى مركزة خالص بس كنت عايزة اضري ضميرى و خلاص
وبعد كده لما اجى اذاكر بقى
كنت بقرأ الدرس كويس جدا وافهمه بس م غير ماحفظ بس ان انا ابقى فاهمه
وكنت بمسك الكتاب الخارجى وأقرأ الاسئله المقاليه بتاعته واشوف عارفه الحل ولا لا
مش ببقى حفظاه بس عارفه انه هيبقى الحته دى
وبعد كده بقى امسك الكتاب واحفظ
بس الواحد بقى بتبقى دماغه مترتبه هيحفظ ازاى لانه شاف الاسئله هتبقى عامله ازاى

انتى بس ركزى وع ملهلك
انتى كمان مش محتاجه تحفظى بسرعه اصلا
لسه قدامك وقت احفظى ع مهلك وركزى
وماتحطيش ف بالك انك مش بتعرفى تحفظى دى خالص
و بدام عندك اراده وعايزة تحفظى هتحفظى
انما طول ما بتقولى مش هعرف فمش هتحفظى حاحه
ربنا معاكى

والله كلكم دكاترة زي العسل
ربنا يخليكم علي النصائح دي

بتفكرينى بنفسى والله بصى اهم حاجه يبقى عندك امل اياك والياس انا عن تجربه بقولك انتى لو بداتى تمسكى ماده ماده من النهارده اللى هو 20 |5 وتراجعى ممكن تجيبى 97 او 98 كمان يعنى مثلا انا كنت بقول هدى للكيمياء 4 او 5 ايام وكنت مبذاكرش غير كيمياء اخلص الباب مذاكره انى افهمه واحفظه وبعدين احل اسئلته فى الكتب اللى عندى مندليف ونوبل ونماذج الوزاره وهكذا لحد ما اخلص ال9 ابواب بتوع الكيمياء وبعدين هذاكر رياضه اخصص للرياضه مثلا 3 ايام اذاكر الجبر واحل مسائل من كل حته ومن النماذج والحل يبقى فى كشكول كبير عشان قبل الامتحان يبقى الكشكول ده معايا كانى عملت لنفسى ملزمه والمسائل اللى احلها واغلط فيها او تبقى صعبه وفكرتها جديده اعلم عليها بالقلم الاحمر كده عشان قبل الامتحان اراجع عليها وهكذا التفاضل والمثلثات المفروض على حسب جدولى ده انى راجعت الكيمياء وخلصتها ودلوقتى دور الرياضه بردك متسيبيش الكيمياء هو امنحان واحد تحليه شفوى كل يوم بحيث انك متنيسيهاش وبعدين هذاكر الانجليزى مثلا يومين او ثلاته اراجع على القصه من الكتاب بتاع المدرسه واحل من اى كتب خارجيه وتدربى على الكومبريهنشن وسؤال find the mistakes وسؤال الاماكن وتحلى ترجمه وتذاكرى الدروس بتاعت الunitsمن كتاب المدرسه دى كانت على ايامنا بيجيلنا منها بالنص فى الchooseبس انتوا منهجوا اتغير مش عارفه هيبقى نفس النظام ولا لاء مش هتخسرى حاجه ذاكريهم وبردك متنسيش الرياضه والكيمياء اللى انتى راجعتيهم كل يوم امتحان واحد على الاقل شفوى كده وهكذا بقى الايطالى اذاكر من الملازم واحل النماذج وبعدين العربى كنت بذاكره اخر حاجه لانه حفظ هتراجعيه ازاى ابتدى احفظى النصوص ودروس القراءه تحفظى ازاى بانك زى ما نغم قالت لك اقرى الدرس من الكتاب شفوى الاول وبعدين اقرى اسئلته باجابتها بس حاولى تكونى مركزه بعدين احفظى واشغلى كل حواسك يعنى عينك على الكتاب وبتذاكرى بصوت عالى وترددى السؤال كذا مره على الاقل 5 مرات بعدين تسمعيه لنفسك طبعا من غير ما تشوفى وهكذا بالنسبه للقصه هما 16 فصل مش لازم تبقى مذاكراهم كلهم حاولى تبقى مذاكره اول 10 فصول كويس والباقى تبقى قرياهم مجرد انك فاهمه الاحداث هما بيجيبوا سؤالين اختيارى واحد من الاول والتانى من الاخر طبعا انا كنت فى الوقت ده وقفت ومبقتش اروح دروس ماعدا الرياضه والكيمياء كنت مخلياهم فى نفس اليوم معلشى انا رديت متاخر بس المهم انك متياسيش بدال ما تعيطى وتكتابى ذاكرى زى ما قلت لك يعنى بدال ما الواحد يخاف ويعيط من الضلمه يحاول يولع شمعه انتى بردك حاولى تولعى شمعه لنفسك وخللى عندك امل لحد ليله الامتحان انك هتذاكرى وهتجيبى مجموع كبير ومتتوتريش خلللى اعصابك جامده اعملى اللى عليكى وزى ما تيجى تيجى وربنا معاكى

وحااسه اني هدخل معهد مش هدخل صيدله
فكرتينى بواحده صاحبتنا
ماتقلقيش دخلت صيدله
انا الواحده دى
بصى بجد كل اللى فات فى كفه والشهر دا فى كفه تانيه
انتى سواء واخده احياء او كيميا انتى عارفه فيهم حاجات كتير جدا جدا
من الدرس ومن الحاجات اللى قرأتيها وذاكرتيها
الوقت دا بجد لازم قبل ماتبدأى مذاكره تستعيذى بالله من الشيطان
وتذكرى ربنا قبل ماتذاكرى هتحسى بجد انك مطمنه جدا ومش خايفه
ونصيحتى لو فعلا لسه مش قادره تلمى المواد كلها
تعملى جدول بالحاجات اللى فى المنهج
منهج الفرنش كذا وكذ
الانجلش
الاحياء او الكيميا
العربى
وتبدأى توزعى المنهج على الايام اللى لسه متبقيه دلوقتى
مثلا تقدرى تذاكرى باب الكيميا او الاحياء كامل فى اربع ساعات
وهذاكر جنبه unit english وهحل على باب كذا فى الرياضيات
صدقينى فعلا هتلاقى دايما فى وقت تنجزى فيه الحاجه وربنا هيعينك
بس ماتنسيش الدعاء قبل ماتبدأى مذاكره ولو حسيتى انك مخنوقه ادعى ربنا ماتسيبيش الشيطان يلعب كده بوقتك ويضيعه باحساسك ان الوقت ضاع
والله بتمر على الواحد اوقات اصعب من كده وبتعدى
وفى الاخر مش هتاخدى قال من نصيبك وخليكى دايما فاكره الحته دى
ان ربنا بيوزع الرزق وكله بياخد رزقه بالعدل
وماتشوفيش ان شهر قليل
بالعكس الشهر دا تقدرى تحققى فيه بارادتك حاجات كتير جدا
ربنا يوفقك ويعينك
وان شاء الله تدخلى صيدله وتشوفى معامل العضويه وتبقى صيدلانيه اد الدنيا

انا رأيي فعلا انتي تزاكري و تزاكري عشان لما تيجي النتيجه متحسيش انك كنتي هتعملي اكتر من الي انتي عملته انا ماشيه بالنظام ده علطول حتى دلوقتي في 1 / ث و الحمد لله خلصت و انا راضيه عن نفسي بالرغم من ان ممكن مكنش قفلت مواد في الامتحان بس راضيه عن نفسي و مش هاممني
اهم حاجه و خديها نصيحه من اختك الفترة دي بالذات متكلميش حد من اصحابك, قرايبك (في نفس سنك ) , ااي حد لان الكل دلوقتي بقى خلاص مش شايف غير مستقبلو و اكيد اكيد هيحبطوكي و يقولولك مش عاررفيييييييييين نزاااكر فاحسن اقطعي شويه و خلي بالك من مستقبلك انتي كمان و متفكريش في حد
معلش اذا طولت عليكي بس حطي في دماغك انك هتنجحي و ان شاء الله هتنجحي و انا اول واحده هباركلك على صيدله باذن الله ربنا ينولهالك :friendsxs3::friendsxs3: