فى الكلية هتقابل صاحبك وهتقعدوا على أى كافيه بقى




هيجى الجارسون سيب صحبك يطلب الأول وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى؟




سيبه يرغى شوية وقوله انا اصلا مبحبش الكبدة فكك




حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه





وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى



لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى
المهم تخليله التربيزة شبه التورتة



ومتنساش تعيب على الأكل وأنت بتحاسب وكمان تقول الحساب غالى





فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم



لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر



لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض



استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت



طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا





عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد



هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم



لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش



ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن



وبكده يبقى أنت مارست هوايتك وقضيت يوم رذل يا معلم




:040vk0:

يارب النصائح تعجبكم
هههههههههههههههههههههههههههههههه
يالالالالالالالالالالالالالالالالالالالالالالالالا لالالالالالالالالالالا اخلوا وشاركوا:av4056bb7jp3::av4056bb7jp3::av4056bb7jp3:: av4056bb7jp3::bosyht9::bosyht9:
:friendsxs3::friendsxs3::022yb4::022yb4:

ايه ده حرام
هو الجرسون مش بني ادم برضه

شكلك انت بتعمل كده حرام عليك ده نصايح ده ههههههه

هو ده درس فى الرذاله ولا ايه على العموم متشكرين يا استاذ على الدرس

يا لهووووووي دة انت بالطريقة دي تبقي قضيت علي نص البلد وبكدة تبقي حليت مشكلة الزيادة السكانية
انا اول مرة اعرف ان ارزالة رزلة اووووووووووي كدة

يا رخممممممممممممممممممم
مرة واخد زذل و رخم وقع على وشه و هو ماشى قال احسن

هههههههههههههههههههههههههه
ايه البلاوى دى يا عمنا
دى نصايح تودى فى داهية
انت اكيد بتهزر ..........أكيد ايه ده لازم
وإلا بصراحة تبقى رزل أوى ههههههههههههه

أنا وربنا ما قادر أبطل ضحك

بقولك ايه :
عندك برجر ؟

انت متأكد بعد ما تعمل الحاجات دي في يوم واحد حتفضل حي ؟

اييييييه
النصائح الرخمة دييييييييييييييييييييييييييييييييييييييييييييييييي يييييييييييييييييييييييييييييييييه يامعلم

حررررررررررررررررررررررررررررررررررررام عليك

انت متأكد بعد ما تعمل الحاجات دي في يوم واحد حتفضل حي ؟

أرد عليك أنا أخي بانزر

انا بقى بيتهيألي إن الجرسون مش هيخليه يكمل الرزالة دي كلها

هيعمله سندوتش رزالة وبيبعه

ببلااااااااااااااااااااااااش

أو حتى يعلقه على باب الكافتريا ويكتب على قفاه

اشتري كيلو رخامه وخد عليه خمس جنية

الواد ده عايز الحرق

احرقووووووووووووووووه

وعلى فكرة بقى دي مش أخلاق مسلم خالص

مينفعش تقول نصائح زي كده
إحنا مسلمين اخلاقنا القران

ايه الرخامة دىىى

ههههههههههههههههههه

ايه ده حرام
هو الجرسون مش بني ادم برضه
لالالا طبعا بنى ادم
شكرا على المرور

شكلك انت بتعمل كده حرام عليك ده نصايح ده ههههههه

لا والله انا لسة فى ثانوية عامة
وبعدين انا بنت واسمى بثينة اية يا جماعة انتوا ما بستوش على الاسم ولا اية

هو ده درس فى الرذاله ولا ايه على العموم متشكرين يا استاذ على الدرس
مشكورة على المرور
والله انا بثينة مش ولد

يا جماعة انا لاحظت ان كل مشراكتكم بتتكلموا على اساس انى ولد والله حرام انا بنت

اي ده بجد ..

اكيد بتهزرى ..

هههههههههههههه
انا هاروح من بكرة اجرب الغلاسة دى على صحابى
اصل انا بحب الغلاسة

موضوع جامد اوى ونصائح تجنن

خلاص متشكرين يا استاذه على درس الرذاله ههههههههههههههه

thank you for that

هههههههههههههههههه هو فعلا واخد توكيل رخامه ميرسى ليكى ياقمر على التوبيك الجميل والمضحك جدااااااااااا

يا جماعة انا لاحظت ان كل مشراكتكم بتتكلموا على اساس انى ولد والله حرام انا بنت


إيه ده
هو انت بنت
طب مش تقولي كده من الصبح ياشيخه
آه تصدقي اسمك بوثينه بجد
انت اللى غلطانه علشان كتباه بالإنجليزي
وبعدين أنا بقى معذور أنا مدرس عربي مش انجليزي
أمال بعد كل ده لو كنت والد كنت عملت إيه؟
هههههههههههه

تعيشي وتخدي غيرها

وبعدين في بنت تكتب في اسم الموضوع نصيحة من أرخم شاب

طب اكتبي شابه

ولما انت لسه في الثانوية العامة هتعملي إيه في صحاباتك لما تخش الجامعه
ربنا يرحمهم منك.

يا جماعة انا لاحظت ان كل مشراكتكم بتتكلموا على اساس انى ولد والله حرام انا بنت
لما انتي بنت بتقولي نصيحة من ارخم شاب ليه سؤتي سمعة الشباب خالص بس فعلا معظمهم بنفس الرخامة كدة
شكرا يا بثينة حلوة بجد

موضوع جامد اوى ونصائح تجنن
شكرااااااااااا

إيه ده
هو انت بنت
طب مش تقولي كده من الصبح ياشيخه
آه تصدقي اسمك بوثينه بجد
انت اللى غلطانه علشان كتباه بالإنجليزي
وبعدين أنا بقى معذور أنا مدرس عربي مش انجليزي
أمال بعد كل ده لو كنت والد كنت عملت إيه؟
هههههههههههه

تعيشي وتخدي غيرها

وبعدين في بنت تكتب في اسم الموضوع نصيحة من أرخم شاب

طب اكتبي شابه

ولما انت لسه في الثانوية العامة هتعملي إيه في صحاباتك لما تخش الجامعه
ربنا يرحمهم منك.


شكرا يا استاذ على مشاركتك
وربنا يسمحك

ههههههههههههههههههههههههههههههههههههه

معقول كمية الرخامةدى كلها فشخص واحد