بسم الله الرحمن الرحيم



حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض



يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)




حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )



انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه

حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )



يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)


حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)



هكلم باباكى اول ماكًون نفسى
(موووووووووووت يا حمااااااااااار)


عايز اشوفك كل يوم كل ساعه كل ثانيه
(عشان اصحابه يتأكدو انها حلوه)


حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (نفسسسسسسس الاسطوانه المشروخه)



انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)


معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )


ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )



ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)



حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)



اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)



اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)


عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)


عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

منقو,,,,,,,,,ل




ربنا يستر بقى وميكنش الموضوع مخالف :)

هههههههههه
واضح انك مذاكر كويس أوى
بس صدقنى معدشى فيه بنات بالسذاجة دى
دلوقتى هما اللى بيعملوا الحركات الهبلة دى

ميرسى يا محمد ع الموضوع

شكرا على الموضوع الجميل ده

هههههههههه
واضح انك مذاكر كويس أوى

الحمد لله بحاول اخلص المنهج اصل الامتحانات قربت آوى :)


بس صدقنى معدشى فيه بنات بالسذاجة دى


ليه بتحكم بالطريقه دى يمكن الى حضرتك تعرفهم بس كدا
لكن ولله للحمد هناك فتيات مسلمات تتخلق باخلاق الاسلام
وتعمل بالنصائح السليمه فى كل مكان فى ناس كويسه وناس وحشه ومش هنحكم على جنس بالاكمل من خلال بعض النماذج الغير محترمه فهذا يعتبر ظلم
دلوقتى هما اللى بيعملوا الحركات الهبلة دى

يعملوا ايه يعنى هتقولوا انا اول مره اكلمك عمرى ما كلمت اى شاب
لا يا استاذى زى ما قلتلك كل ما كان فى الكويس والوحش يعنى واحد مثلا رايح شات هيلاقى واحده عابده يعنى ومحترمه بتهزر مع الولاد فى نص الليل وبعدين تستاذن وتقله معلش هروح اقيم الليل وارجع
او واحد رايح مكان من الاماكن الوحشه ولقى واحده هتقله معلش هروح بس اصلى وارجع
معلش لكل شخص وجهه نظر
والاختلاف فى الرأى لا يفسد للود قضيه

شكــــــرا لمرورك استاذ هانى نورت الموضوع

هههههههههههههههههههههههه شكرا يا محمد على الموضوعات ونرجو المزيد منك:078111rg3::078111rg3::078111rg3:

موضوع جميل جدا..

كل الكلام ده كدب فى حقيقه

ياراجل عيب عليك الكلام ده

انت محامى جيد للدفاع عنهم انت متاكد ان أسمك محمد

اعتقد انه سوف يتم حذفه

موضوع مقبول فى انتظار الجديد

ههههههههههههه


شكرا على الموضوع الجميل دة

شكرا يا محمد على الموضوع الذيذ بس البنات مش هبله اوى كده
الرومانسيه

كل الكلام ده كدب فى حقيقه
لا مش كذا خالص الكلام دا ميه ميه صح يمكن حضرتك مشفتهوش
وانا مش مسئول عن كدا والله النت فى كتير ولسه هنشوف اكتر
فى شباب كتير وحشين وفى بنات بردوا وحشين
اصلا البنت هى بتكون السبب اوقات كتير يعنى لو واحده محترمه محدش هيقدر يقلها نص كلمه
وكمان الشباب فيه منهم كتير وحش مش بيقولوا الزن على الودان امر من السحر
بعدين والله لو كل الشباب كويسين مكنش دا بقى حال الامه فى الضياع والخسران
ادخل يا اخى اى موقع تلاقى اعلانات الشات بالهبل كتير آآآآآآآآآآوى
بعدين البنت مش غلطانه لانها لو كانت لقيت الى يربيها ويحكمها مكنتش عمله كدا
المفروض مين يحكمها بقى ابوهااااااااااا او اخوها لو مفيش يبقى ولى الامر ولا ايه:confused: والرسول امر بالضرب فى حاله العصيان


ياراجل عيب عليك الكلام ده

عيب !! ليه هو انا قلت حاجه غلط :(
فى شباب كتير وحشين مالين النت بيدعوا انهم ملائكه
انا مقلتش الكل لكن هذا لا يمنع انه فى ناس وحشه طبعا
بعدين حضرتك ليه زعلان انا مقلتش الكل وحشين انا قريت موضوع مش فاكر فى المنتدى هنا ولا فين اسمه ضحايا الانترنت
تفتكر حضرتك الضحايا دول شباب ولا بنات ؟؟؟؟
معتقدش انه فى حاجه ممكن تضر الشاب خاصه فى مجتمعنا الشرقى

انت محامى جيد للدفاع عنهم

هههههه هو احنا قسمناها طوائف هنا ولا ايه مفيش حاجه اسمها (عنهم ) انا ميخصنيش الجنس وانا مالى بيهم
بعدين محامى ازاى!!!!!! دا حتى مينفعش لانى علمى وفى سنه تالته ومفيش تحويل ربنا يستر
انت متاكد ان أسمك محمد

الحمد لله زى ما حضرتك متأكد من اسمك بالضبط
مع ان السؤال دا المفروض ميتسالش :mad:ولا حضرتك رايك ايه :mad:
بس مفيش مشاكل اكيد حد سالهولك قبل كدا فانت معتبره شئ عادى وبتسألنى
بس انا صعيدى والسؤال دا محبهوش :mad:
تحب تشوف البطاقه :078111rg3:ام ماذا !

اعتقد انه سوف يتم حذفه
عادى لا توجد عندى ادنى مشاكل يا اخى فى حذف الموضوع او بقاؤه لكلا منا وجهه نظر يناقشها ورأى يبديه والاختلاف فى الرأى لا يفسد للود قضيه
من حق الاداره طبعا انها تحذف الموضوع او تبقيه

موضوع مقبول فى انتظار الجديد




شكرا لمرور حضرتــــــك ,,,,فى امان الله

ههههههههههههه


شكرا على الموضوع الجميل دة

الشكر لله مش فاهم هو انا قلت نكته ولا ايه الكل فاهم غلط كدا ليه :)

شكرا يا محمد على الموضوع الذيذ بس البنات مش هبله اوى كده
الرومانسيه

الشكر لله
هو انا قلت البنات كدا
والله يا جماعه كل واحد وثقافته فى ناس بتدخل النت جديد بتنخدع بالكلام وبتضيع
وفى ناس مش عندها حد ينصحها وناس متعرفش حاجه
هو كل واحد أخد الكلام على نفسه ليه والله حاجه غريبه:excl:
انا لما شفت الموضوع جبنى حبيت انقله ولقيت ردود كتير مفيش حد اعترض زى ما حصل هنا

على العموم حصل خير
,,,,شكرا لمرورك ,,,,,

شكر ا محمد على الموضوع وما تعصبش نفسك خالص هههههههههههههه

ههههههههههههه موضوع جميل جدا وبعدين ياجماعه لازم فعلا الواحد يشوف السلبيات علشان ياخد باله منها ولا ايه وبعدين انا شايفه ان الموضوع مايستحقش الحذف لازم الواحد يعرف الناس بتفكر ازاى مع العلم ان فيه ناس كويسه ان كان بنات او اولاد ميرسى على التوبيك

merci mohammad
c est tres gentil de ta part de nous faire savoire ces verite

علفكره يا محمد انا مش قصدى كدا خالص الموضوع والله عجبنى
وانا اسفه انى ما وصلتش ردى صح
بجد اسفه ارجو ان تقبل اعتزارى

اعتقد غالبية الشباب بيقلوا ذلك الكلام بالرغم ليست هذه احاسيس و لكنها من قبيل الكلام المفضل للبنات

شكر ا محمد على الموضوع وما تعصبش نفسك خالص هههههههههههههه
ازيك يمامه مين قال انى متعصب ابدااا
انا بضحك اهوه :dايه رايك
شكرا لمرورك منوره

علفكره يا محمد انا مش قصدى كدا خالص الموضوع والله عجبنى
وانا اسفه انى ما وصلتش ردى صح
بجد اسفه ارجو ان تقبل اعتزارى


مفيش مشاكل خالص ومفيش داعى للاعتذار
شكرا رومانسيه الشرق وبعدين الاختلاف فى الرأى لا يفسد للود قضيه
شكرا لمرورك

اعتقد غالبية الشباب بيقلوا ذلك الكلام بالرغم ليست هذه احاسيس و لكنها من قبيل الكلام المفضل للبنات

اولا اهلا وسهلا انا شايف انى دى اول مشاركه لحضرتك
يشرفنى اوى انها تكون نقد ليا ...بس مش عارف ليه حاسس انى اعرفك
مفيش مشاكل يخلق من الشبه اربعين وخمسين :d
المهم
والله دا رايك وانت حر انا ولله للحمد انا مش عايز الفت انتباه حد
او اجمع معجبين يا اخى احنا هنا فى منتدى تعليمى اسلامى ليس لشئ اخر
بعدين انا عارف دينى كويس ودينى لايسمح لى بما انت تقوله بما انه محرم انا طبعا مش هعمله


شكــــــــــــرا لمرورك منور الموضوع والمنتدى كله:d

شكرا موضوع جامد للتذكره (فذكر ان الذكره تنفع المؤمنين )
بس بجد البنات مبتكلش دلوقتى من الاسطوانه المشروخه دى كل بقى بيقلق من كله ده انا اساسا ساعات بكون قلقانه من صحابى البنات
شكرا مره تانيه

شكرا لمرور حضرتك

أخ محمد باين عليك فهمتنى غلط


وواضح انك بتاخد الرد باعتبار شخصى بدون
ما تقدر الى قدماك عايز يوصلك معلومه بروح الفكاهه وده يرجع لشخصيتك ..........


اولا احب اوضح لك انى لما كنت طالب بالكليه كنت رئيس اسرة النادى الانجليزى بالكلية ورفضت ترشيح نفسى لرئيس اتحاد بالكلية
وعملنا مجله اسبوعيه هدفها توعية الشباب
من الجنسين

على فكره كلمة شباب المقصود بيها الولاد والبنات مع بعض

اما لسؤالى الثانى لانك مش واضع صورتك ولا حتى توقيع
ما علينا
طبعا من كلامك عرفت انك فى ثالثه ثانوى اقل نصيحه ممكن اقولها ليك

اتعب النهارده حاترتاح بكره

شكرا على الموضوع الجميل دى
وربنا يسترنا ويحمينا من الحركات دى
جزاك الله خيرا

مشكور على الموضوع ده
وربنا يحمينا

السلام عليكم
بجد موضوع جميل
واعتقد انك نقلته للفكاهه والله اعلم
بس اعتب عليك فى شئ يا اخى الله يكرمك
لا يجوز لك ابدا ان تجرح مشاعر اى بنت او ولد بكلامك انه مش متربى
لا زى مقلت ان اى مكان فيه الكويس والوحش ولا تنسى اى مكان
صحيح انا معاك ان الشات مش كويس
وان البنت اللى تدخله بتحط نفسها فى موضع شبهه
لكن ربنا عز وجل هو اعلم بخفايا النفس والقلوب
قال صلى الله عليه وسلم *سباب المسلم فسوق وقتاله كفر*
فيا اخى ان كنت اردت بكلامك حقيقته او حتى النصح او الزجر فانت اخطأت العرض او الاسلوب
لانه لا يجوز انك تقول الكلام ده لاى حد لانك بتنفره منك ومن الكلام معاك
قال الله عز وجل * وجادلوهم بالتى هى احسن*اراد الله بالايه مجادلة الكفار
فما بالك بمجادلة ونصيحه المسلم


ده ردى على موضوع الشات
بس بجد موضوعك لذيذ وطرحك للمواضيع رائع
جزاك الله خيرا ونرجوا المزيد من التألق