ممكن حد يقلي ازاى الرياضه بتتذاكر علشان انا مش عارف بتتذاكر ازاي:frown:
لان الواحد مش عارف حاجه خالص

أنا بصراحة معرفش حاجة عن الرياضة وربنا يستر السنادي ادعولي بقي

كيف ما بتعرفوا ازاى
الرياضيات عبارة عن حل المسائل
انت بتستمع الى شرح الاستاد وتنظر كيف حل ها المسائل وتطبق الحل على اى مسألة اخرى
الله معكم

انا عن نفسى شطرة فى الرياضة بس مبذكرهاش خالص معتمدة على شرح المستر بس الرياضة ممتعة اوى

انا برضه بحب الرياضه بس لاما يجي الامتحان بخاف منه اوى والحمد لله امتحنا

حل مسائل اكثر وحاول تستخدم عقلك

بيتهيألى ان الرياضة عبارة عن جزئين
الأول
قوانبن و نظريات
و الجزء ده مهم جدا عشان انت لو معرفتش القوانين و النظريات مش هتقدر تحل المسألة
الثانى
فهم و تركيز و حل مسائل
انك تفهم الشرح اللى المستر بيشرحه و تركز معاه و بعد ما تاخد الدرس تحل مسائل عليه و بالطريقة دى هتلاقى الرياضه أسهل حاجة فى الدنيا

و الحاجتين دول بالنسبة ليى أنا و اللى عنده اعتراض يقوللى
توقيع
حد كان نفسه يعرفكم ..........yogi yoh

بس انا رايي ان انت تذاكر كويس الاول وبعد لما تتاكد حل كمية كبيرة من المسائل

:av4056bb7jp3:اهم حاجة تحفظ القوانين لو في وبعدين تطبق بحل المسائل

القوانين ثم قم بالورقة و القلم وحل كتير

انا لما المستر بيشرح ببقى فاهمه كل حاجه وتمام التمام

لما باجي بقى احل او اطبق ع اى مسائل

مش بعرف احلها خاالص وبحسها صعبه اوى!!

ربنا معاانا

الرياضيات عبارة عن حل مسائل بعد حفظ القوانين طبعاً

المشكله اني بانسي القوانين

الرياضيات مادة لذيذة جداً . وهى من أحد العوامل المساعدة على تنمية العقل . وبالنسبة لمذاكرة الرياضيات . فمذاكرة الرياضيات تعتمد على جزأين : .
1- الفهم : وهو فهم المسألة وكيفية حلها ومن الممكن ايضاً فهم القانون حتى يسهل حفظه
2- الحفظ : ويتمثل فى حفظ النظريات والقوانين الهامة على الدرس
وفى النهايه أرجو أن أقول أن مادة الرياضيات من أحسن أجمل المواد الدراسية
فاحرصوا يومياً على مذاكرتها بإتقان

اول حاجة لازم تحفظ كل القوانين و النظريات
بعد كدة تطبق القانون و حل مسائل كثييييييير :d

أجمل طريقة لمذاكرة الرياضيات ( مجربة )
بعد الاستعانة بالله عز وجل
أولا : لابد من مراجعة وفهم ثم حفظ النظريات والقوانين
ثانيا : قراءة الأمثلة المحلولة فى الكتاب أو التى قام بحلها المدرس
ثالثا : محاولة حل هذه الأمثلة فى ورقة خارجية ومراجعة ماقمت بحله وان تعسر عليك الحل فعد مرة أخرى للحل وانظر إليه وركز فيه جيدا .
رابعا : ان من الله عليك وقمت بحل هذه التمارين انتقل إلى تمارين غير محلولة وقم بحلها ونصيحتى لك أثناء الحل امشى مع المسألة خطوة بخطوة
خامسا : أن صعب عليك تمرين لاتقف أمامه طويلا انتقل إلى غيره ربما عندما تحل غيره تنفتح أمامك فكرته ,انصحك بصلاة ركعتين ففيها مافيها من الخير إن شاء الله
سادسا : الرياضيات ماهى إلا ورقة وقلم فلا تذاكرها شفهيا
سابعا : اختر أوقات النشاط وصفاء الذهن حتى تكون فى كامل استيعابك
مع خالص أمنياتى بالتوفيق
محمود النجار
مدرس رياضيات بالأزهر الشريف

انا اتفق مع الأستاذ/الشيخ محمود النجار
فهذه طريقه ناجحه
وبأذن الله تصبح من المتفوقين بهذه الطريقه

انا عن نفسي بذاكر الجبر بقعد احل مسأئل كتير اخلص الكتاب الخارجي والهندسة بحفظ النظريات وببتدي احل عليها واشوف الامثله وكدة يعني

نصيحة منى ليك جمع قوانين الهندسة والجبر فى ورقة وذاكرها تبقى خلصت القوانين الهندسة اهم حاااااااااجة تحل مسائل وبراهين وتاخد افكار ياما وتركز على المعطيات والمطلوب كووووووووووووووووويس ولو اتزنقت فى مسالة ابدا باللى انت عارفه حتوصل للى متعرفهوش
اما الجبر فدا مسائل فقط يعنى تقعد تتدرب على المسائل وتحل ياما
حل اسئلة كتاب المدرسة الاول غالبا بييجى منها خصوصا البراهين وحل الكتب الخارجية واسئلة الامتحانات وربنا يكرمك باذن الله

الرياضة مادة سهلة وبسيطة بس محتاجه مذاكراه وحل مسائل كثيرة وانا عن نفسى اول ماشفت الرياضة قلت انها صعبة بس

لمافهمتها وحليت مسائل كتير دلوقتى انا بحبها اوى اكتر من كل المواد

الرياضيات تختلف عن اى مادة تقوم بدراستها

فهيا لها اساسيات (( ادوات )) يجب توافرها

يالنسبه للجبر :

1- معرفه قاعده الاشارات الجمع والطرح والضرب والقسمه
2- طريقه حل المعادله ومعنا الحل
3- قواعد الاسس


الهندسه :

معنى البرهان وكيف يكتب

توافرت لك هذه الادوات هتذاكر رياضيات

وطبعا دول ممكن اى مدرس فى 6 حصص يخلصهم لك وتيفى طالب بعرف يعرف يذاكر رياضيات.

ام طريقه مذاكره الرياضيات فهيا من وجهة نظرى

1- اقراء امثله الشرح فى كتاب به شرح (( الاثنين خارجى ومدرسي ))
وبعد ما تفهم المثال جيدا
حل نفس المثال وحدك وطابق الاجابتان
وهكذا ............

2- ابدا بحل تمارين مش محلوله وحدك
وانا شاء الله سوف يتعدل الحال الى الافضل