<div align="center">الظـــــروف


هل حاسس انك كان ممكن تكون ناجح لولا الظروف ؟
هل تعتقد ان بعض الظروف اللي حواليك هي السبب اللي بيعيقك في إنك توصل لهدفك ؟
هل بتفكر بالأسلوب ده ؟
لو كانت الإجابة: نعم.. يبقى اقرا معانا الموضوع ده
الباحثين أثبتوا - زي ما قلنا قبل كده - إن الاختلاف بين الناجحين و غير الناجحين هو حاجه واحدة بس.. الحاجه دي هي : طريقة تفكيرهم
الناجحين بيفكوا بأسلوب مختلف شوية.. و هو ده السبب الرئيسي لنجاحهم.. مش الظروف المحيطة بيهم
********
نمط غير الناجحين في التفكير
غير الناجحين دايما بيحاولوا يبرروا عدم نجاحهم..دايما لما بتواجههم مشكلة ما بيدوّروش على حلول ليها.. لكن بيستسلموا في بساطة ويدوّرا على شماعة ظريفة جدا -يعلقوا عليها فشلهم- إسمها الظروف
دايما تلاقي الشخص ده بيدور على أي حد يلومه على فشله
يلوم مديره لأنه مش متفاهم معاه
يلوم والده لأنه كان بيعاقبه في طفولته
يلوم عيلته لأنها مش موفرة جو ملائم له
يلوم أي حاجه.. انشالله الأقدار و الحظ السيء لو مالقاش حاجة يلومها
المشكلة في الشخص ده إنه بيستسلم بسهولة جدا لأنه بيعتقد إن أي حاجه في حياته هو مش مسئول عنها.. لكن أي حد أو حاجة تانية غيره هو نفسه
********
نمط الناجحين في التفكير
لو تأملت سيرة أي شخص ناجح – أي شخص ناجح !- هاتلاحظ حاجة غريبة قوي.. هاتلاحظ إن الشخص ده في بدايته كانت ظروفه في غاية القسوة و ان الطريق ماكانش مفروش أمامه بالورود و الأزهار.. هاتلاحظ إن الناس دول مابيؤمنوش بالحظ.. لكن بيؤمنوا بقدراتهم على النجاح
http://t.farok.googlepages.com/ee.jpg
بيل جيتس.. أغنى شخص في العصر الحالي وصاحب شركة مايكروسوفت , أكبر شركة للبرمجيات في العالم.. كانت بدايته غاية في القسوة و عانى من مشاكل مادية عديدة.. وفشل في دراسته في جامعة هارفارد
تعالوا نشوف عمل إيه
قعد يلعن حظه السيء و فضل قاعد على القهوة يشرب شيشة ؟؟
هل فضل يلعن أساتذته اللي ماعرفوش مواهبه؟؟
بدل مايقعد يفكر في المشاكل و يدور على شماعات يعلق عليها احباطاته, اعتبر كل المشاكل دي مجرد تحدي.. فكر بأسلوب عملي بعيد تماما عن طريقة لوم الآخرين و الظروف.. و بدأ يفكر في طرق ينجح بيها و يحقق حلمه في إنشاء شركته الخاصة
تعثر أكثر من مرة.. لكنه كان بيحاول بطرق أخرى لأن فكرة الاستسلام و لوم الظروف كانت غير واردة أساسا في ذهنه
و نجح زي ما احنا عارفين و أنشأ شركته
********
الفكره هنا إيه ؟؟
لو حد واجه أي إحباط في حياته , و لقى نفسه بيفكر بطريقة لوم الآخرين دي.. اعرف انه كده مش هايحل أي حاجه و إنه اختار الطريق السهل.. و هو الاستسلام و لوم الظروف
لما الشخص الناجح بيواجه المشاكل , بيعتبرها مجرد مطبات في طريق نجاحه.. حواجز لازم يعديها عشان يوصل لهدفه
********
عارفين الموضوع عامل زي إيه ؟؟
لو في يوم الصبح لقيت الدنيا بتمطر و انت رايح الشغل.. هاتعمل إيه ؟
الفاشل ممكن يلعن الظروف الجوية و يتغيب عن عمله
الناجح بمنتهى البساطة.. هايجيب مظلة و يروح شغله
هي دي استراتيجية التفكير الإيجابي اللي بنتكلم عنها.. أي ظروف في طريقك انت قادر تماما انك تتغلب عليها ... دا لو ماستسلمتش و و قعت في فخ اسمه : لوم الآخرين و الظروف
********
عايز تكون ناجح ؟
يبقى كون أقوى من الظروف و كمل طريقك.. امسك مظلتك و امشي في العاصفة
لوم الظروف الجوية مش هايوصلك لطريق النجاح اللي انت رايحه
********
http://t.farok.googlepages.com/497576d474.jpg
حياتنا دي احنا اللي متحكمين فيها مش أي حد تاني.. مشاكلنا كلها حلها في ايدينا احنا.. مش في إيد الظروف
********
-د.شـريف عـرفة-</div>

شكرا يا علا
على الموضوع الجميل
و فعلا الموضوع بيناقش قضيه مهمه
و ياريت اللى يقرأه يستفيد منه

<div align="center">الموضوع جميل كا العادة ياعلا
انا معاكى ان المواقف الصعبة والازمات هى اللى بتصنع الرجال
لكن ساعات الرجال دول نفسهم بتصبهم حالة من الياس الشديد والاحباط
نتيجة شعورهم وده حقيقى ان الجو السائد حوليهم غير مشجع على البذل والعطا
كل واحد مننا محتاج فرصة يثبت بيها نفسه بيل جيتس ده مبتداش ولا وصل للى هو فيه من فراغ الفرصة ولا من الصفر
اكيد كانت معاه البداية اه يحقق ويوصل للاى هو فيه
ساعات الاستسلام بيكون افيد من المواجهة اللى ممكن تسبب مشاكل
وممكن الاستسلام يكون بداية لمرحلة جديدة
موضوع جميل ولى عوده أخرى \ سلام</div>

شكرا ليك كتير على الموضوع ده

<div align="center"><div class='quotetop'>إقتباس(emoo @ Apr 5 2007, 10:39 PM) 292135</div>
شكرا يا علا
على الموضوع الجميل
و فعلا الموضوع بيناقش قضيه مهمه
و ياريت اللى يقرأه يستفيد منه
[/b]
العفو أخي أيمن، وبإذن الله يحقق هذا الموضوع الإفادة للأعضاء..
شكراً لمرورك..

<div class='quotetop'>إقتباس(JUST_MAN @ Apr 6 2007, 05:45 AM) 292292</div>
الموضوع جميل كا العادة ياعلا
انا معاكى ان المواقف الصعبة والازمات هى اللى بتصنع الرجال
لكن ساعات الرجال دول نفسهم بتصبهم حالة من الياس الشديد والاحباط
نتيجة شعورهم وده حقيقى ان الجو السائد حوليهم غير مشجع على البذل والعطا
كل واحد مننا محتاج فرصة يثبت بيها نفسه بيل جيتس ده مبتداش ولا وصل للى هو فيه من فراغ الفرصة ولا من الصفر
اكيد كانت معاه البداية اه يحقق ويوصل للاى هو فيه
ساعات الاستسلام بيكون افيد من المواجهة اللى ممكن تسبب مشاكل
وممكن الاستسلام يكون بداية لمرحلة جديدة
موضوع جميل ولى عوده أخرى \ سلام</span>
[/b][/quote]
أولاً شكراً لردك أخي إسلام..
ثانياً معنى كلامك أن من ليس لديه شيء يبدأ به حتى يحقق ما يريده يستسلم لظروفه ولا يعمل على تحقيق أمانيه!
من رأيي أن من أراد أن يحقق شيئاً، حتى وإن لم يكن لديه البداية، عليه العمل للوصول إليها، ومن ثم الإنطلاق من هذه البداية التي نتحدث عنها.. وليس الإستسلام..
من الممكن أن يكون الإستسلام أفضل في بعض الأحيان، ولكن بالتأكيد المواجهة أفضل في أكثر الأحيان.. حتى ولو سببت مشاكل، فلن تستمر هذه المشاكل طويلاً مع وجود الأمل والثقة بأن الشخص حتماً سيحقق ما يريد بإذن الله..
أما بالنسبة لأن هؤلاء الرجال تصيبهم حالة من اليأس والإحباط الشديد بسبب الجو السائد حولهم، فأنا متفقة معك.. ولكن عليهم التغلب على هذا الإحساس حتى يستطيعوا المواصلة، وإلا فليرضوا بما هم فيه ويلبثوا كما هم..
شكراً لردك مرة أخرى، وبإنتظار تعقيبك بإذن الله..

<div class=\'quotetop\'>إقتباس(L a 9 h e en @ Apr 6 2007, 05:52 AM) 292293</div><div class=\'quotemain\'>
شكرا ليك كتير على الموضوع ده
[/b][/quote]
<span style="color:#000099">العفو أخي لاشين، وشكراً لمرورك..

<div align="center">:)

أولا ازيك يا عُلا واخبار الكُلية يارب كُله تمام إن شاء الله :)
الحمد لله ماشية.. :)

والله انا مش مع الموضوع في نُقط

احيانا تفرض الظروف على الشخص انه يخسر شئ او يفقد شئ او ميقدرش يحقق حلم او يحقق جزء من حلم كبير

بس المهم هل هو هيعتبر دا اخر الطريق وانه فشل ويستسلم دا الفرق بين الناجح والفاشل

الفشل هو اول سلم وطريق للنجاح والتفوق والقدرة على العطاء

اما الاستسلام هو اول خطوات الخوف والجُبن " مش الجبنة التركي ولا الحاجات دي <_< "
معك حق في هذه النقطة.. فالإنسان لن يستطيع التغلب على الظروف في جميع الحالات،، ولكن يكفي أنه يحاول ولا ييأس.. عندها يُعتبر فعلاً إنسان ناجح بغض النظر عن تحقيق الحلم أم لا

بس لازلت اُصر انه الفرد لازم يؤمن بالحظ تماما كيما ايمانه بالقدر بس مش بنفس المرحلة
الحظ موجود ومؤمنين به ولكن لا ينبغي الإفراط في ذلك.. الإنسان الناجح هو من يصنع حظه بنفسه أو على الأقل يمكنه تسيير حظه وظروفه إلى طريق نجاحه..

الدنيا حظوظ والله ودا بيفرق لكن اللي بيفشل وبينجح بعدها أكيد بيحكي تجربته كاملة للإستفادة وفيه أمثال كتيرة قدامي على المواقع والله وكويسين جدا

المهم يعني الموضوع مش دقيق للدرجة دي في نظري

لانه لو الواحد كل مرة استسلم للحظ والحاجات دي :huh:

هيبأى فاشــــــل بكل المقاييس
شيء أكيد..

المهم انا ليا عودة تانية بإذن الله للنقاش :)

لازم اخرج حالا :)
بإنتظار تعقيبك بإذن الله..
</div>

شكراااااااااااااااااااا
على الموضوع
الرائع والجميل

انتى انسانه محترمه

وتستحقى الاسم

فتاة الاسلام

العفو أخي وشكراً جزيلاً لإطرائك..

موضوع رائع جزاكم الله خيرا

موضوع رائع بجد يا علااااااااا

تسلمى

يسلمو كتير يا علا
على الموضوع