ياجماعة عاوزين سيادتكم تتكرمو وتتقوا الله فى موضوع الابحاث والانشطة اللى تفرض على الطلاب كل شوية خلو الطلاب يعملو انشطة فى مستواهم مش اى كلام ومتقولوش للطالب اعمل نشاط فى كذا بالتحديد ولازم يكون بالشكل كذا لا خلو الموضوع فى نطاق وحدة او مجموعة وحدات معينة من المنهج انى من يومين فوجئت بأحد الأصحاب بيقولى بنتى واخدة منى اول امس 35 جنية عشان تعمل وتطبع ابحاث فى المكتبة وكل اسبوعين او ثلاثة كدة (يعنى اية الكلام دة ) دا يعنى استغلال فى حاجة ملهاش لازمة والله لان الطالب بيقول لصاحب المكتبة اعملى بحث عن موضوع كذا يقولة تعالى خده اخر النهار والطالب يقدمة للمدرس او المدرسة وبرافو عليك ياطالب بس السؤال (الطالب استفاد اية من البحث دة؟) بجد دا مش نظام ودى بصراحة كلام مش مضبوط وياريـــــــــــــــــــــــــــت امثال هؤلاء المدرسين اللى يعرفهم بيعملو كدة يرفعو الامر الى السيد معالى وزير التربية والتعليم النشاط يا جماعة ممارسة يدوية من الطالب وتلوين وحصة مكتبة وحصة كمبيوتر ( هوا احنا جايبين الكمبيوتر فى المدارس عشان البهوات يسمهو علية اغانى ويشاهدو افلام ؟ ) طيب طلاما كدة كانت الدولة تعينهم على تكتك وتشوف اللى بيعرف ويستحق المكان دة وتعينة فية دا ظلم على الطالب لما يكلف والدة حولى 200 جنية فى الشهر ابحاث وكلام من دة انى مش بقول الطالب ميعملش بس ( نعمل الصح المفروض الطالب يعمله ويستفاد منه )

شكرا ومعذرة للاطالة

أرجو تقبل الموضوع بصدر رحب كزملاء فى المهنة

اتفق معك
وعلى المعلمين الاتجاه الى الانشطة الاقل فى التكلفة والاكثر افادة
كما ان الاصل فى الانشطة ان تكون من ابداع الطالب ومن البيئة المحيطة

كما نأخذ فى الاعتبار الحالة المادية والمستوى الاجتماعى للاسرة المصرية ...

وفقكم الله وجزاكم الله خيرا

والله انا مدرسة لغة عربية بطلب من البنات انهم يشتركوا كل خمسة ويعملوا لوحة ورقية لاحد دروس المنهج او يجمعوا معلومات اوبرقية ويلونوا الورقة دون اى تكلفة

حرام اولياء الامور هيتحملوا اية ولا ايه


ثم كمان الامكانيات ضعيفة شوية بالنسبة للمدارس الحكومية