أبناؤنا فى الخارج
امتحاناتكم تجرى الأن
ندعو الله لكم بكل التوفيق يا ريت تطمنونا وتبلغونا أخباركم ايه ؟
وناقشوا معانا اراءكم فى امتحاناتكم والدروس التى جاء منها الامتحان
عشان نطمن عليكم
ولو محتاجين أى شئ اطلبوه
وإن شاء الله نحاول نجهزه سريعاً
أنا حاسة إننا أسرة واحدة يعنى أولادى وإخواتى الصغيرين هما اللى بيمتحنوا

أخوانى وأخواتى أولياء أمور أبناؤنا فى الخارج طمنونا
أولادنا قصدى أولادكم أخبارهم إيه ؟

الهم رب العباد رافع السماء بلا عمد منشأ الكون من عدم طمأن كل أب و أم

السلام عليكم ...جزاكم الله كل خير علي هذه المشاعر الطيبة منكم...وهذا امر ليس بالغريب منكم كما عودوتنا ..نعم جميعنا اسرة واحدة . والحمد لله الحال علي مايرام ...وتمضي الاختبارات في سلام ويسر الي الان ..والله معهم يجعل لهم الصعب سهلا باذن الله فلا سهل الا ماجعله الله سهلا ...وادعوا معنا

أولا شكرًا جزيلا للفاضلة المجتهدة الزكية الأستاذة أم شاهندة
ابنائنا يؤدون الامتحانات و الحمد لله ، ربنا يعديها على خير
وفى الواقع فأنا لا أذهب معهم بل والدهم لأن معى صغيرة عمرها سنة واحدة
المهم أنى لا أستطيع ان أصف غير الامتحانات نفسها التى يمتحنوها ولكن الجو والتنظيم السيء الذى أحبط الواحد لا أستطيع وصفه لأنى لم أره ولكن اولادي يحكون
بالنسبة لرأي فى امتحان اللغة العربية الصف الخامس:
معقول كله ماعدا النحو الذى جاء بطلب استخراج مضافا إليه من القطعة الموضوعة ولم أجد بها غير المضاف عبارة عن ضمير متصل ، وهذا النوع من الإضافة لم يكن مكررا على أبنائنا.
وطلب إعراب صفة ، وأنا بصراحة مش متأكدة إذا كان هذا الدرس موجود فى أي من الترمين. قولوا أنتم ........ما رايكم
بالنسبة لعلوم خامسة: أيضا معقول ماعدا سؤال عن المحاليل التى هى قالوا أنها محذوفة فى الترم الأول. والسؤال كان "" هل السلطة تعتبر من المحاليل؟"" طبعا ابنى حلها لأن ممكن أستنتاجه
الامتحانات التالية ربنا يعديها على خير وإن شاء الله بعد انتهاء الامتحانات ممكن أكتب لكم امتحان اللغة العربية لأنه الوحيد الذى رجع به ابنى.
وعلى فكرة أنا بتحدث عن امتحانات ابناءنا فى الخارج فى سفار جــــــــــــــدة
ربنا يوفق ابنائكم وابنائنا جميعا
أختكم جيهان

أختنا الفاضلة جيهان
يعلم ربى أنى أحبك فى الله
نتمنى من الله أن يتم تدارك أخطاء التنظيم وأن يتم تقسيم المقررات على تيرمين كما يحدث معنا هنا
من وجه نظرى بيكون صعب شوية على أطفال الصف الخامس أن المضاف إليه يكون ضمير متصل
(يمكن السؤال ده كان للمتميزين مثلاً)
الصفة أو النعت أعتقد أنها غير مقررة على الصف الخامس
بالنسبة لسؤال العلوم الحمد لله أن ابنك قدر يحله ( مش معقول ابن استاذة العلوم يقصر فى استناج السؤال )
وغالب الظن أن امتحاناتكم لن يكون فيها موضوع التعلم الذاتى والله أعلم


فى النهاية أتمنى أن تحصى نتاج مجهودك معهم إن شاء الله وأن تفرحى بهم فى أعلى المناصب
اللهم أمين

والله معهم يجعل لهم الصعب سهلا باذن الله فلا سهل الا ماجعله الله سهلا ...وادعوا معنا
أختنا الغالية عاشقة الأفنان

اللهم أمين
ربنا يطمنكم ويطمنا عنهم ويجعل ثمرة تعبكم وتعبهم مرضية إن شاء الله

الهم رب العباد رافع السماء بلا عمد منشأ الكون من عدم طمأن كل أب و أم
اللهم أمين
خالص تحياتى لحضرتك

:049gc0:الحمد لله الإمتحانات كانت سهلة جداً:049gc0:
سوف يتم رفع الإمتحانات للصف الثاني الإعدادي
بعد إنتهائي منها
الرجاء الدعاء في باقي الإمتحانات

:049gc0:الحمد لله الإمتحانات كانت سهلة جداً:049gc0:

سوف يتم رفع الإمتحانات للصف الثاني الإعدادي
بعد إنتهائي منها
الرجاء الدعاء في باقي الإمتحانات



طيب ما دام الامتحانات كانت سهلة والحمد لله
وخالص الشكر والتحية لأنك ناوى ترفع لنا الامتحانات بعد ما تخلص
(بس أوعى اللعب ياخدك وتنسى )


ليه بقى مخنوق من نفسك ؟:confused:


:) خالص أمنياتى بسهولة باقى الامتحانات وبالنجاح إن شاء الله

بالنسبة لامتحان سنة خامسة فى العربى ابنتى عملت اعراب المكانة العالية نعت كما علمتها ولكن فى الاستخراج المضاف اليه لم تستطع استخراجه فبالتالى قامت بشطب الاعراب النعت وكتبته مضاف اليه وبالتالى اصبح الخطا مرتين مرة فى الاعراب ومرة فى الاستخراج وهم غير مقرر عليهم النعت ولذلك شكت عندما لم تستطع التوصل اليه اما موضوع التعبير كان سهلا عن السياحة وبالنسبة للقراءة فاعتقد ان درس قواعد القصة والسؤال فيه ليس بالسهل ولكن الحمد اللهكنا مذاكرينه كويسه ولكن امام اللجنة اطفال كثيرة لم تستطع الاجابة عليه وكل اللجنه كتبت المضاف اليه خطأ اما العلوم فلم اعرف الامتحان لانها كل ما تفتكر سؤال تقوله بس كان سهل وطبعا الانجليزى سهل وبكره الرياضيات ربنا يستر
اما الصف الثانى الاعدادى امتحان العربى سهل والانجليزى سهل والحاسب الالى كويس والدراسات انا شايفة انها سهلة لكن الطلبة بتقول انه مش سهل وبالنسبه لابنى فهو يكره الحفظ جدا واخطا خطاغريب وعبيط كتب ان سعد اب ابى وقاص معركة اجنادين وليست القادسيةتصوروا هذا الخطأ فى الاختيار الغريب منه

السلام عليكم
على فكرة يا أستاذة مايا ابنى اعرب الصفة مضاف إليه زي بنتك بالضبط وقال لأنه مش لاقى غيرها.
سبحان الله.
على العموم بشكل عام الامتحانات مقبولة.وربنا يعين الأولاد وأهاليهم يا رب.
غدًا امتحان الرياضيات إن شاء الله يكون معقول.
وشكرًا للأستاذة شاهندة على فتح هذا الموضوع

أخواتى الغاليات
بارك الله فيكن وفى أبنائكن إلى يوم الدين إن شاء الله
ومعلش يا استاذة مايا خطأ ابن حضرتك زعلك أكيد لكن جل من لا يسهو
ولا تنسى أن الضغط العصبى والقلق بيكون مسيطر على الأولاد وتفكيرهم
بدليل ارتباك الصغيرة فى سؤال النعت والمضاف إليه نصيحة منى علميها زى ما أنا بقول لشاهندة
(اكتبى حل أخر أو تستخرج الاتنين وهما مضطرين يحتسبوا الصح )
لكن حكاية الحل الأخر دى لا تجوز فى اسئلة الاختيار من متعدد أو الصح والغلط هى تنفع فى الاستخراج أو فى الاعراب
أتمنى يكون أمتحانات الرياضيات أفضل
وربنا يكمل لهم باقى إختباراتهم على خير إن شاء الله
خالص تحياتى وأمنياتى لهم بالنجاح والتفوق

الحمدلله امتحان الرياضة لسنة خامسة كان سهل جدا ومباشر وسنة ثانية اعدادى امتحان الجبر كان سهلا وبكره الدراسات لخامسة والعلوم لسنه تانية اعدادى ويا رب يكون الامتحان سهل حبيت اقول ام شاهندة لانها تريد ان تطمئن

ربنا يطمن قلبكم وقلبنا على اولادكم اللى هما ولادنا
خالص الشكر والتحية لحضرتك استاذة مايا

ربنا يوفئك دايمااااااااااا

الاخت ام شاهندة

جزاكى الله كل الخير على اهتما مك والاطمئنان على ابنائك فى الخارج وشعورك الجميل

الحمدلله الامتحانات معقوله مش سهلة ولا صعبة

مادة الرياضيات تققريبا فى المادة الوحيدة اللى كان فيها اسئلة للمتمييزين اقصد الصف الرابع لغات

لكن الحمد لله ابنتى استطاعت انها تجيب الاسئلة

لم يتبقى الا مادة الدراسات اليوم 00دعواتك لابنائنا ان ييسرالله لهم كل عسير

ويارب يوفقهم جميعا ويحصلوا على اعلى الدرجات


وان شاء الله بمجرد انتهاء الامتحانات سيتم تحميل الاسئلة على موقعكم المتميز والاكثرمن رائع


وجزاكى الله كل الخير

جزانا وإياكم
أختى الغالية
إن شاء الله ربنا حيعوض تعبكم هذا بفرحة نجاحهم وتفوقهم بإذن الله
وياريت لا تنسوا كل من لديه نماذج من اسئلة الاختبارات لأى صف دراسى ولأى مواد يحاول يرفعها لنا بعد انتهاء الإختبارات
ما ستضعه سيساعد غيرك فى العام القادم
وما يضعه غيرك قد يساعدك وقتما تحتاجه
خالص تحياتى وأمنياتى للجميع بدوام التفوق إن شاء الله

الحمدلله الأمتحانات الي الأن معقولة ,بالنسبة للصف السادس الأمتحانات في مستوي الطالب المتوسط والحمدلله,
أحنا مش عارفين نشكر مين ولامين في هذا الموقع علي المجهود الذي يبذلونة .

في النهاية نشكركل من ساهم في هذا الموقع بمجهودة أوبقلبة ولكم جزيل الشكر ويارب يكون كل ذلك في ميزان حسناتكم

السلام عليكم ورحمة الله وبركاته
الحمد لله عز وجل الامتحانات انتهت للصف الخامس
وكانت سهلة والآن ، الواحد حيأخذ نفسه ولازم قبل هذه الاستراحة أن أتوجه بالشكر لكل القائمين على هذا الموقع
ولكل المشتركين الذين يستفيدوا ويفيدونا ، ويا رب يبقى هذا الصرح مستمرًا رمزا للتعاون بين المصريين الذين حتى لم ير أحدًا منهم الآخر.
دعواتى للقائمين على الموقع ان يسدد الله خطاهم
وأنا كنت وعدت أن انقل ورقة امتحان العربي لكن عمر أضاعها أو وضعها فى مكان ونسى
لما أجدها سوف أنقلها إن شاء الله
و نتقابل فى العام الدراسي الجديد بإذن الله

ألف مبروك بدء الإجازة يا أستاذة جيهان
وإن شاء الله إجازة سعيدة ونتائج مرضية بإذن الله وعقبال باقى إخواتنا فى الخارج
إن شاء الله

الحمد لله انتهى العام الدراسى على خير

وشكر لكل من ساهم فى هذا الموقع الاكثر من رائع وجزاكم الله كل الخير

وان شاء الله سيتم رفع االامتحانات قريبا جدا


مدام 00جيهان ابوشعيشع

جزاكى الله كل الخير على ملخصاتك الجميلة والاكثر من رائعه

وان شاء الله

تفرحى باولادك ويجيبوا اعلى الدرجات

وماتنسيش مع بداية العام الجديد احنا فى انتظار كل اعمالك الجميلة للصف الخامس

ويااااااااااااااااارب اجازة سعيدة للجميع

وعقبال مانهنى ابنائنا داخل مصر بالاجازة

شكرااااااااااااااااااااااا للجميع

وجزاكم الله كل الخير

وشكر خاص للاخت ام شاهندة

:078111rg3:الاخت العزيزة الفاضلة ام شاهندة شكرا جزيلا لكى ولكل القائمين على هذا الصرح التعليمى العظيم الذى يساعدنا فى الاوقات الصعبة ويذلل لنا ولابنائنا كل العقبات فلكم الشكر جميعاوشكر خاص للاستاذ ممدوح مصطفى الانصارى وجعله الله فى ميزان حسناتكم انتم وجميع من يشارك فى تقديم اى معلومات من الاعضاء الافاضل واخص بالذكر الاستاذة الفاضلة جيهان ابوشعيشع ويارب النجاح والتفوق لجميع ابناءنا وخالص الشكر والتحية للجميع

السلام عليكم مبروك الاجازة لكن امتحان العلوم للصف الثالث الاعدادى

الرسمة كانت غير واضحة اطلاقا لجميع الطلبة وهى رسمة انبات حبوب اللقاح على مياسم الازهار

وما هو العمل فى مثل هذه الحالة

برجاء الرد

الأمر بيكون تقديرى فى يد المسئولين عن توزيع درجات الامتحان
قد يقوموا بحذف السؤال لو كانت الأغلبية فعلا تعذر عليها استنتاج الرسم
و يتم توزيع درجاته على الأسئلة الأخرى
والله أعلم

وياريت لو نقدر نرفع الامتحانات على الموقع لأنها أكيد حتفيد طلاب العام القادم
وغيرك لما يرفع امتحانه حتقدر تلاقى نموذج يساعدك العام القادم



خالص التمنيات بالنجاح والتفوق إن شاء الله

السلام عليكم
انا ابني اختبر اولى ثانوي والحمد لله كان دائما يرجع من الاختبار بيقول ان الأسئلة معظمها مباشر وغالبا كان عنده غلطة او اتنين لكن مش مشكلة لأنه اول مرة بيذاكر المناهج المصرية
الاهم من ذلك ان انا عودت اولادي على عدم الغش نهائيا في الاختبارات ولكن في الواقع انه كان بيروح الاختبار بيلاقي غش غير عادي لدرجة ان بعض الطلاب كانوا بيدخلوا بالملازم والملخصات وكان الطلاب في اللجان بيتكلموا كتير جدا لغاية ما يخلصوا حل الاختبار كله وكان المراقبين بيعملوا نفسهم مش شايفين فكانت نفسيته بتتحطم لما يشوف كده ويقول ايه الفايدة لما اذاكر واحل وغيري بيدخل بالملخصات ينقل منها كل اللي هو عايزة ومش عايزة اقول لكم ازاي كنت ابذل مجهود كبير علشان اقنعه ان اللي بيعمله هو اللي بيرضي ربنا وانه يعمل اللي عليه و يترك الباقي على الله وان شاء الله ربنا هيبارك له في حياته العلمية والعملية وكل ما يلهمني به ربي كنت اقوله له ..
كل ما استعجب منه هو لماذا يفعل المراقبون ذلك وما الذي سوف يكسبونه من وراء ذلك
وكل ما اتمنى ان يفهمه المراقبين انهم بهذه الطريقة لا يخدمون الطلاب كما هم يعتقدون وانهم بهذه الطريقة لن يجنوا سوى غضب الله عز وجل ولابد ان نفهم جميعا ان الدين ليس مظاهر فقط ولكن الدين هو تطبيق على كل صغيرة وكبيرة في حياتنا
وهذا هو ما حث عليه اسلامنا الغالي ...
"ان الله يحب اذا عمل احدكم عملا ان يتقنه"
" وقل اعملوا فسيرى الله عملكم ورسوله والمؤمنون "
"من غشنا فليس منا "
"إن الله لا ينظر إلى أجسامكم ، ولا إلى صوركم ، ولكن ينظر إلى قلوبكم "
"ومن يتق الله يجهل له من أمره يسرا "
"ياأيها الذين آمنوا ان تتقوا الله يجعل لكم فرقانا"
والسلام عليكم ورحمة الله

والله معك حق ,فبناتي أمتحنوا السنة دي أول مرة سفارة وكانوا بيقولوا نفس الكلام (كل البنات بتغش من بعض)وأنا مربية بناتي علي عدم الغش.
بنتي في سنة رابعة كانت جالسة بين أثنين في سنة سادسة بيغشوا ولما أشتكت للمراقبة أنها مش عارفة تركز منهم لأنهم صوتهم عالي ,جائت أخت واحدة من البنات اليوم التالي غضبانة من بنتي أنها أشتكت للمراقبة و قالت لها (أن والدتك معرفتش تربيكي)
أنا معرفتش أربي بنتي لأنها أشتكت الي بيغشوا شفتوا أخر زمن.

أخواتى الفاضلات
للأسف ده بيحصل هنا كمان مش امتحانات السفارة بس
بل وبعض أولياء الأمور بيطلبوا من المراقبين أنهم يسهلوا اللجان ويدعوا لهم لو عرفوا من الاولاد بعد اللجنة أن المراقبين سابوهم يغشوا من بعض او حتى غششوهم بنفسهم
أنا شاهندة بنتى فى سنة تالتة ابتدائى فى امتحان التيرم الأول المراقبة فى مادة الدين لما لقيتها خلصت والحمد لله ورقتها أجابات نموذجية
أخدت ورقتها تقرأ منها للأولاد فى اللجنة التانية وأعطتها ورقة إجابة البنت اللى وراها تكمل لها اللى ناقص فيها
تصوروا و مادة الدين (هم يضحك وهم يبكى )
طبعا البنت رجعت زعلانة جدا ومنهارة وتقولى خلاص بلاش تضغطى عليا فى المذاكرة وهما حيقولولى اللى مش عارفاه
وطبعا قلت لها حتروحى من ربنا فين ومن غشنا فليس منا والكلام ده كله
وتانى يوم رحت المدرسة وحاولت اقابل حد طبعا انتم عارفين تالتة لجنة خارجية وممنوع الدخول والكلام ده كله وادارة المدرسة تقول لى معلش المدرسين مش من عندنا
صراحة مسكتش قابلت البنت اللى غشت من بنتى عارفين كان ردها ايه ؟
(مش بذاكر الدين عشان مش لاقية وقت
كفاية باقى المواد )
لكن إحقاقاً للحق تانى يوم كانت اللجنة صارمة وممتازة وممنوع الغش وآخر انضباط
يعنى مش كل المراقبين أو المدرسين كدة


وفى النهاية عرفتى بنتى ان ربنا شايف وعارف
وحسبى الله ونعم الوكيل

مش عايزين نعمم ونسيئ لاولادنا والله احنا هنا في لجنة ابها جدة بنين وبنات لايوجد غش كما نسمع من الاخوة في اللجان الاخرى وبالاخص في لجنة البنات ربنا ابتلانا برئيسة لجنة في منتهى السوء والافتراء والتجبر وقد قمنا برفع طلب للسفارة حول تعسفها وارهابها للبنات.
وكل سته وانتم طيبين.

مفيش اساءة لاولادنا ولا حاجة لكن لابد اننا نعلم اولادنا التصرفات اللي بيشفوها امامهم ما الخاطئ منها ليتجنبوه حتى لو تضايقوا قلبلا وما هو الصواب منها ليتعلموه حتى لو كان صعب عليهم وفعلا لما يكونوا اولادك بيذاكروا طول السنة وبعدين يجوا في الاختبار يلاقوا طلاب بياخدوا الاجابات على الجاهز أكيد ان ده هيأثر في نفوسهم ولابد لنا ان نقف بجانبهم ونقويهم تجاه هذه الفتنة حتى لا تؤثر عليهم مستقبلا والا سوف نجدهم لا قدر الله هم نفسهم اولادنا بيغشوا في كل حاجة في حياتهم مستقبلا وطبعا انتي فاهماني وكنا نتمى من المدرسين والمراقبين ان يساعدوا اولادنا على ذلك وهذا يعتبر من صميم عملهم الذي سوف يحاسبهم الله عليه والمديرة اللي عندكم يمكن تكون متعسفة لانها تعرف ما تواجهه من بعض اولياء الامور فهي بتعمل كده علشان تمنع الغش بالقوة فربنا يبارك لها