مشاهدة النسخة كاملة : عايز وزير يدخل ويجاوبني
the keng 14-04-2010, 12:19 AM هل التعاقد في كل الوظائف الحكومية ؟
معاليك هترد نعم ده نظام دولة في كل الوزارات .
هقلك كداب التعاقد نظام عمل به من اجل الوساطة والمحسوبية .
بص معاليك الكهرباء العقد فيها = 40 الف جنيه
الاتصالت = 30 الف جنيه .
البترول = 45 الف، 000000000000
اكمل ولو معاليك عندك التسعيره.اكيد معك ولا متعرفش الزيادة ممكن ابعتهالك.
ليه لان هذه الوزارات _ وزارات الاكابر _ التعاقد فيها لمدة لاتزيد عن 6 اشهر وبعدين التعيين .
اما ابناء البطة السوداء فلقد تكرمتم وتفضلتم مشكورين بترك وزارات التربية والتعليم _ والوزارات الفقيرة _ امامهم بالعقد الابدي الذل وبكام ب 330 جنيه. ده اعلي مرتب بالعقد وانت عارف وبلاش كدب
تقدر تقولي ايه الفرق بيني وانا حاصل علي بكالريوس علوم وتربية وبين واحد اخر فاشل في الثانوية وخد صنايع.
اقوللك انا اتعينت مدرس منذ 4 سنوات ب 105 ثم _ من غير حسد _ كادر وزيادة في شهر 7 تكرمتم بيه حضرتكم لاصبح 330 جنيه ايه رايك ؟ يعني امال عايز كام انت رايح تنهب ايه البلطجة دي قول الحمد لله انت رايح تكفر.
اما الاخر فلان ابوه ذيك اقصد واسطه رتبة في الدولة اتعين في (البترول _ الكهرباء _الاتصالات ) مرتبه اصبح 1500 جنيه علي الاقل
هو ده العدل أقصد العدل المصري .
حسبي الله ونعم الوكيل في من سلبنا حقنا ،ومن لم يعطينا حقنا ،ومن سكت عن حقنا .
واتقولي حب مصر علي ايه وعلشان ايه ، مصر دي بتعتك انت وحدك اماانا وامثالي فن في كوكب اخر بعيد عن جنابك.
لامكان لنا في دولة اكل كبارها صغارها ، لم يصبح هناك عدل اومساوة . مرحب بك في دولة الوساطة دولة انت ابن مين ، معاك كام .
اللهم انت المنتقم اللهم انت المنتقم اللهم انت المنتقم
أ/محمد على عاشور 14-04-2010, 12:28 AM كلنا فى الهم و الخيبة سوا
the keng 14-04-2010, 12:30 AM بس ايه الحل
لو مفيش حل يبقي نموت احسن
eslamkobessy 14-04-2010, 01:43 PM أنت اكيد لغة عربية مش علوم
the keng 14-04-2010, 02:02 PM أنت اكيد لغة عربية مش علوم
بكالريوس علوم وتربية ( عام ) جيد جدا
ahmed salh 14-04-2010, 05:13 PM طيب احنا عارفين الكلام ده لكن ايه الحل
للموضوع ده
ahmed salh 14-04-2010, 05:20 PM انا عارف موظفين دبلوم تجاره في محكمه استئناف المنصوره المرتب ذي ما انت قلت وكمان فيه مزايا عينيه مثل
1 توزيع قطع اراضي اسكان عليهم
2 لهم الحق في تعيين اقاربهم عند اي مسابقه في وزاره العدل مثل الاخ والاخت زالزوجه
the keng 14-04-2010, 06:45 PM احنا دلوقتي بنجهز مطالبنا
وبنحاول نفكر في الطرق الشرعية لاستردادها
ارجوا المشاركة معنا
توتا25 14-04-2010, 07:29 PM والله ياجماعه الكوسه والمحسوبيه فى بلدنا بقيت فى كل حاجه انا اول مره اتصدم بهذا الامر لما كنت فى 2 ثانوى ورايحه اعمل البطاقه تخيل والله العظيم 3مرات والباشا يقول الكمبيوتر عطلان لغايه ما جبت واسطه دخلنى قدام الكمبيوتر من غير مايبص حتى ع الورق وبعد كده توالت الحكايات ومنها ان فى مسابقه اول ما اتخرجت وقالوا مش عايزين 2006 واتصادف ان زميلتى الى معايا وفى نفس المدرسه جالها العقد ليه علشان الوسطه ده الموت دلوقتى بواسطه احنا هنطالب بتغير رمز النسر من العلم وخليها رمز الكوسه
حسبى الله ونعم الوكيل فى الى يحطم امل شاب او اب و ابن الى بيحطم احلام الناس
وعلى الله نتوكل
Miss Doaa H 14-04-2010, 07:42 PM ربنا ينتقم منهم
M.Ahmed Elsaid 17-04-2010, 02:28 AM لكى الله يا مصر
لكم الله يا مصريون
حسبنا الله ونعم الوكيل
اصبر وما صبرك الا بالله
zezo_math 20-04-2010, 09:02 PM كل الناس يحصلون على حقوقهم الا المعلم المساعد
فى جلسه مجلس الشعب يوم 19 ابريل 2010 د مفيد شهاب
اكد على ان عمال ( الكتان) موظفو المعلومات وفى ناس كمان
بس انا مش فاكر فى شهر 7 خلاص كل حقوقهم هيخدوها
اظن الكلام واضح
بوسي111 21-04-2010, 05:54 PM لما يحصل الظلم ده كله يبقى انت أكيد في المخروبه ........مصر مش المحروسه
حسبي الله ونعم الوكيل...
أ/محمد على عاشور 22-04-2010, 10:50 PM ولسه ياما هنشوف بعد كده هنمسح المدارس ونكس الفصول
the keng 25-04-2010, 07:04 PM ولسه ياما هنشوف بعد كده هنمسح المدارس ونكس الفصول
والله العمال في المدارس ( مع كامل احترامي لهم ) عندهم وضع وكرامة افضل من المتعاقد
hishamhassan 29-04-2010, 10:33 AM حسبى الله و نعم الوكيل
الأستاذ أحمد راشد 03-05-2010, 12:43 AM بارك الله فيك
محمد عاطف 22 03-05-2010, 11:11 PM بكالريوس علوم وتربية ( عام ) جيد جدا
اسمك keng المفروض يبقى king
ثانيا حاطط علم مصر
صورة شخصية
يبقى انتا اكيد بتحب البلد دى
لما جم يسئلو المواطنين الامريكيين تفضلوا مين فى الانتخابات بوش ولا اوباما
قالوا بالحرف الواحد
اللى يأكلنا كويس ويشربنا ويرفع اجورنا
مش مجرد اسماء
معك قلبا وقالبا فى ان كل مبفتح الثلاجة عندنا بلاقى كوسة
بعرف انى فى مصر
the keng 04-05-2010, 12:10 AM اسمك keng المفروض يبقى king
ثانيا حاطط علم مصر
صورة شخصية
يبقى انتا اكيد بتحب البلد دى
لما جم يسئلو المواطنين الامريكيين تفضلوا مين فى الانتخابات بوش ولا اوباما
قالوا بالحرف الواحد
اللى يأكلنا كويس ويشربنا ويرفع اجورنا
مش مجرد اسماء
معك قلبا وقالبا فى ان كل مبفتح الثلاجة عندنا بلاقى كوسة
بعرف انى فى مصر
1 -نظرا الاني مشترك في اكثر من منتدي فإن لقب king موجود ، ولكن لقب keng غير موجود في كل المنتديات المشترك بها ولذلك فإني افضل المشاركة به في كل المنتديات منعا للنسيان
2- ايوه انا بحب البلد دي بس هل هفضل احبها علي طول صدقني انا فعلا خلاص مبقدشي قادر فانه حب من طرف واحد يعني حب مكتوب له الموت .
3- انت قارنت بين مصر واميريكا ، انا عايز اقولك ان المقارنة لا تصح باي حال من الاحوال فنحن دولة يحكمها افراد ، ولكن امريكا دولة يحكمها شعب ،وهو ده الفرق .
4- ادعوا الله من كل قلبي ان ياتي هذا اليوم الذي لا يكون فيه كوسه ولا محسوبية ، مع العلم بأن ذلك هو الحدث المستحيل .
hemalotfy 04-05-2010, 12:17 AM حسبي الله ونعم الوكيـــــــــــــــــــــــــــــل
طارق الشعواطى 04-05-2010, 12:31 PM والله كلامك منطقى بس نعمل ايه لاخير فى الازهر ولا التربية والتعليم
الواحد اللى بيشتغل نجار ولا سباك احسن مننا يكتييييييير
الواحد بجد زهق ومش عارف يعمل ايه :abdoog8:
اخصائي اجتماعي2010 04-05-2010, 05:48 PM منهم لله اللي ظلمونا ربنا يدمدم الارض عليهم نفسي اشوف فيهم يوم
صبحى غريب عبدالعزيز 27-07-2010, 05:28 PM يا جماعه حب الوطن من الايمان الافراد زائلون والوطن هو الباقى قبل الثورة كان الناس بيقولوا مستحيل نخرج من هذا الوضع ومستحيل يخرج الاحتلال من بلدنا وهنستمر فى تدهور والحمد لله اتحسن الوضع بعد الثوره وخرج الاحتلال وان شاء الله هيخرج احتلال اهل بلدنا لينا ضاقت فلما استحكمت حلقاتها فرجت وكنت اظنها لا تفرج
صبحى غريب عبدالعزيز 27-07-2010, 05:30 PM يا متعاقد لما:giljotiiniug3:هنعينك ونزود معاش اولادك ان وجدو
mmm6666 27-07-2010, 11:45 PM لا نملك الا ان نقول حسبى الله ونعم الوكيل
فى كل من ظلمنا ( إذا بارتِ الحيلُ وضاقتِ السُّبُلُ وانتهتِ الآمالُ وتقطَّعتِ الحبالُ ، نادوا : يا الله. )
Mr.AI 28-07-2010, 12:20 AM حسبى الله و نعم الوكيل
بحر العرب 28-07-2010, 12:39 AM فعلا كلام واقعى ومنطقى وصريح إن دل فإنما يدل على الشجاعة فى أبداء الرأي ..[
لو حسيت بشباب حيران ...ومهموم دايما وجعان... يبقي أنت أكيد أكيد فى مصر ..
لما تلاقى مدرس غلبان ...ماشي فى الشارع حفيان ..يبقي أنت أكيد أكيد فى مصر.
لما تلاقي شلة حرامية ..والكدب وعدم مصداقية ...يبقي أنت أكيد أكيد فى مصر
لما تلاقي الإيد في الإيد ...والشرطة حطاك فى حديد ..يبقي أنت أكيد أكيد فى مصر
لما تلاقى الشرطة معاك ...ودايما تديك على قفاك ..يبقي أنت أكيد أكيد فى مصر .
لما تلاقي الشرطة على الباب.... ومعاها قانون أرهاب ..يبقي أنت أكيد أكيد في مصر .
samirhassan 28-07-2010, 12:44 AM يا عم البلد دى مش بتاعتنا احنا يا ريت يعاملونا زى ما بيعاملو اليهود
mrkimoo 28-07-2010, 05:14 AM لما تلاقى الايد فى الايد ( بتديها رشوة ) يبقى انت اكيد اكيد فى مصر
hossam_azazi 28-07-2010, 10:32 AM بصوا يا جماعة انا حاولت اشطب الشقة بعد 30 سنة من العمر لكن اتصدمت من اسعار الصنيعية كل واحد يجى يشتغل يوم او اتنين ياخد 700او 1000 جنيه ويمشى ويتشرط عليك كمان ودول احنا بنستنى المكافأة من سنة لسنة
هههههههههههههههههههههههههههههههههه
mratwa7 28-07-2010, 02:43 PM الناس قربت تتجنن- ربنا يستر
mhegazi 28-07-2010, 03:37 PM واتقولي حب مصر علي ايه وعلشان ايه ، مصر دي بتعتك انت وحدك اماانا وامثالي فن في كوكب اخر بعيد عن جنابك.
انا معاك في كل اللي انت كاتبه ماعدا الجملة دي
البلد دي بتاعتنا احنا وحتفضل بتاعتنا حتى لو ماكناش واخدين حقنا دلوقت اكيد بكرة حناخده
دولة الظلم ساعة واحدة ودولة الحق كل ساعة.
mhegazi 28-07-2010, 03:39 PM فعلا كلام واقعى ومنطقى وصريح إن دل فإنما يدل على الشجاعة فى أبداء الرأي ..[
لو حسيت بشباب حيران ...ومهموم دايما وجعان... يبقي أنت أكيد أكيد فى مصر ..
لما تلاقى مدرس غلبان ...ماشي فى الشارع حفيان ..يبقي أنت أكيد أكيد فى مصر.
لما تلاقي شلة حرامية ..والكدب وعدم مصداقية ...يبقي أنت أكيد أكيد فى مصر
لما تلاقي الإيد في الإيد ...والشرطة حطاك فى حديد ..يبقي أنت أكيد أكيد فى مصر
لما تلاقى الشرطة معاك ...ودايما تديك على قفاك ..يبقي أنت أكيد أكيد فى مصر .
لما تلاقي الشرطة على الباب.... ومعاها قانون أرهاب ..يبقي أنت أكيد أكيد في مصر .
يبقى انت اكيد اكيد في مصر
ABDOURAGAB 28-07-2010, 05:25 PM انا الوزيييييييييييييييييييييييييييييييييييييييييييييي يييييير احمد ربنا انك متعين بعقد ببلاش
داليا مصطفى ابراهيم 28-07-2010, 05:32 PM هى مصر دى امى ولا هى متبنيانى
انا اكيد بحبها لكن هى بتحب حد تانى
وان كنت اليوم تحت ظلها هيجى اليوم وتنسانى
وان كنت حاسس بظلم غلاوتك يا مصر مقويانى
moha_5500 28-07-2010, 07:43 PM ياسيدى الفاضل بكل بساطه الوزير لو قرأ الكلام ده هيرد و يقول
1- انتوا يامعلمين يامساعدين عددكم حوالى تمانين ألف معلم غير المليون المثبتين . يعنى عدد ضخم جدا يساوى سكان دوله قطر اربع مرات تقريبا .
2- العدد بتاع اى وزاره تانيه مايجيش ربعنا .
3- احنا وزاره التربيه و التعليم تعتبر عبء على الدخل القومى و الميزانيه العامه للدوله يعنى وزاره مستهلكه .
4- وزاره البترول و الاتصالات و الكهرباء لها دخل تعتبر وزاره منتجه و ليست مستهلكه .
5- الاهم من ده كله اننا بنصرف ع التعليم من غير ما نهتم بيه يعنى الاسم بيقبضونا فلوس و الناتج فلوس ما تأكلشى عيش حاف
عشان كده عمر ما التعليم هيتحسن و لا أحوالنا هتبقى افضل .
|