انا الحمد الله مستواية فى المدرسة كويسة بس يعنى مش اوى انا بطلع الخامسة فى ترتيب الفصل
بس انا عندى مشكلة مبحبش اذاكر كلما امسك كتاب سبحان الله افتكر ان انا كنت عايزة اعمل حاجة
فاسيب المذكرة وان دا محصلش واقعدت اذكر مافهمش حاجة فانا باعتمد على الحصة بتاعت المدرسة والدرس وانا دخلة على ثانوية عامة ومحتاسة وحاجة كمان مبعرفش امشى على جدول مذكرة لان مش بقدر اقيم وقتى لظروف معينة فبجد عايزة حد يساعدنى انا محتاسة جداااااااااااااااااااا:abdoog8::abdoog8::confused: :confused::confused::abdoog8::giljotiiniug3::giljo tiiniug3::frown::frown::eek::eek::wacko::wacko:

انصحك بالمذاكره فى وقت تقل فيه المشاغل مثل وقت الصباح عند الفجر وهو ايضا انسب وقت للمذاكره

انا زيك بالضبط ومش عارفة اعمل اية

السبب انكو ماتعودتوش تزاكرو وتنجحو بمجهودكو من 1 ابتدائى

لو انتو كنتو بتزاكرو دروسكم بضمير وتنجحو بمجهودكم من 1 ابتدائى

ماكنتوش اتحطيتو فى الموقف دة

وعلى فكرة للاسف انا زيكو
وربنا يسهل

طب ممكن اقولكم حاجة
انا برده مش كنت بذاكر
بس سبحان الله اجى على الامتحانات واذاكر شوية ربنا بيوفقنى جدا
وبدخل الامتحان والحمد لله بطلع الاولى او الاولى مكرر
بس لما دخلت الثانوى المذاكرة بقيت اكتر
يعنى محتاجة مجهود زيادة شوية
سيبك من الترتيب وفكرى فى المجموع دلوقتى
اولى سهلة جدا جدا
بس الباقى محتاج مذاكرة وتركيز كتير
ممكن تذاكرى نص ساعة وربنا يوفقك فيها تخلصي كتير
وممكن تذاكرى ست او سبع ساعات من غير ما تنجزى او تفهمى منها حاجة
اولا واخرا ده توفيق ربنا
بس حطى فى دماغك هدف *دافع* عايزة توصليله
وحطى الدافع ده فى دماغك دايما
اى لحظة كسل او زهق او يأس افتكريه فورا
وصممى انك لازم تحققي هدفك ده مهما حصل
حتى لو صعب ... مش مستحيل .
وقت انتى اللى لازم تحدديه عايزاه ازاى
حددى ساعات نومك
وحددى ساعات الدروس والمدرسة
وساعات هتساعدى فيها مامتك او تاخديها راحة م المذاكرة او اى حاجة تانية بتعمليها
واطرحيها من عدد ساعات اليوم
والباقى استغليه اقصي استفادة ممكنة بكل ثانية فيه
الوقت دلوقتى اغلى من الدهب والالماس
ومادام بتستفادى من المدرسة والدروس يبقي ركزى اقصي تركيز تقدرى عليه اثناء الشرح
حاجة كمان
خلي عندك ايمان بربنا و*ان الله لا يضيع اجر من احسن عملا*
اكيد لو اجتهدتى بجد ربنا مش هيضيع تعبك ابدا
ربنا يوفقك يا قمر


اها حاجة اخيرة
ردا على الاخ اللى كتب رد قبلي*يا من ذل*
ازاى قدرت تطلع كل دة وتوصل لنهاية الثانوى
ومش بنفسك ولامجهودك!
حتى لو مش طلعت بمجهودك لازم تعمل حاجة
الوقت دلوقتى صعب جدا لازم تلحق
والمرة دى لازم تكون بمجهودك انت وبس
على الاقل لما تنجح المرة دى تفتخر انك وصلتها بنفسك وا ده تعبك بجد مش تعب حد تانى
ربنا يوفقك لما يحبه ويرضاه ويتقبله منك
ربنا معاكم ويوفقكم
فى راية الله وامنه

بصى بجد بجد فى علم النفس عندنا حاجة اسمها كيف
اسس الاستذكار الجيد انصحك تقرئيها دة كل اللى عندى تقبلوا مرورى وننتظر المزيد

بجدشرا لكل اللى ردو بجد انا استفدت بس فى ملحوظة صغيرة انا مابنجحش بالغش وعمرى ماعتمدمت عليه وبيكون اخر حاجة افكر فيها فى الامتحان من يوم مادخلت المدرسة