السلام عليكم ورحمة الله وبركاته

انا عندى مشكلة كبيرة اوى وبرضوا لازم احلها انتوا عارفين ان النحو من المواد

المهمة الى بتخليها مع الواحد على طول

المهم انا اقرا القواعد وافهما

بس اجى اطبق معرفش اطبق حاجة

بحس ان الكلمات كلها شكل بعض يعنى الفاعل شكل الفعل زى المفعول

مع انى فى اوقات فراغى بألف اغانى راب

بس باجى على حكاية النحو دى وابقى زى العبيط

انا فى الامتحان بعرب بالبركة :o

ايه رأيكم ؟

فيه طبعا فررق بين الفاعل والفعل والمفعول
الفاعل هو اللي بيقوم بالفعل
مثلا انا وانت وهو وهي
احنا كلنا لما نعمل حاجة معينة بنكون فاعل للحاجة دي
مثلا
شرب إبراهيم اللبن
مين اللي شرب اللبن.؟؟؟ ابراهيم
يبقي ابراهيم فاعل
لانه قام بالشرب
مثلا
الفعل
طبعا عشان تعرفه ح ألف ولام
ولو عرفت تنطقه يبقي اسم
لو مش عرفت يبقي فعل
مثلا
يشرب
اليشرب
مينفعش ننطقها كدا
يبقي يشرب فعل
أما محمد
المحمد
عرفنا ننطقها
يبقي محمد اسم
المفعول هو اللي وقع عليه فعل الفاعل
يعني شرب مصطفي اللبن
مين اللي شرب مصطفي يبقي مصطفي الفاعل
شرب ايه
اللبن
يبقي مفعول
اللبن هو المفعول
بس كدا سهل خالص
اما بقي نصيحة انت محتاج حل كثير جداا قطع نحوية
وقطع محلولة مع مساعدة استاذ العربي
بالتوفيق

كان نفسى اديلك نصيحة حلوة
لكن فاقد الشئ لا يعطية للاسف

انا كمان مشكبتي زيك

بحل الامتحان كله صح الا النحو

ما حد يشوفلنا ملزمة لتعليم اساسيات الاعراب

الحل انك تحل امتحانات سابقه فى النحو وتتعود عليها
والسلام عليكم

لا حاول بس تركز شوية

يعني حاول تعرف أساسيات النحو الأول

اللي هي الفعل والفاعل والمبتدأ والخبر

وواحدة واحدة

هتلاقي نفسك ان شاء الله كويس

بس المهم يكون الأساس صح

هو انت سنه كام؟؟؟
يعني وصلت لقواعد ايه في النحو
انت احسنلك تاخد درس نحو تشتغل مع المدرس نحو بس
يأسسك فيه

يا جماعة انا مثلاف ياولي ثانوي

انا كل حاجة ماشية فيها بس

يعني الي مخوفني درجة العربي بتعتي في الترم الاول

هو الصراحة الامتحان كان صعب جدا الورقة التانية

وانا جبت 21.5 من 24

الموضوع دا عملي قلق جامد الدرجات دي راحت تعبير ولا نحو ولا صعوبة امتحان

وانا من كتر صعوبة الامتحان مش كان عندي اعصاب اراجع الامتحان مع المستر انتوا ايه

رايكم في المووضوع دا بالنسبة ليا؟

يا جماعة انا مثلاف ياولي ثانوي

انا كل حاجة ماشية فيها بس

يعني الي مخوفني درجة العربي بتعتي في الترم الاول

هو الصراحة الامتحان كان صعب جدا الورقة التانية

وانا جبت 21.5 من 24

الموضوع دا عملي قلق جامد الدرجات دي راحت تعبير ولا نحو ولا صعوبة امتحان

وانا من كتر صعوبة الامتحان مش كان عندي اعصاب اراجع الامتحان مع المستر انتوا ايه

رايكم في المووضوع دا بالنسبة ليا؟
احنا كمان كان عندنا امتحان العربي الورقة التانية كانت وحشة اوي

وبالذات البلاغة

هي اللي نقصتني اصلا في الامتحان

انا جبت 20.5 من 24 في العربي

مع العلم اني مش باخد درس فيه

و أكدب عليكي لو قلتلك معيطتش او مزعلتش على درجتي في العربي

بس رجعت وقلت سنة اولى مش مأثره في حاجة

وتركيزنا كله على تانية ان شاء الله

ومتخليش الزعل الجامد ده يأثر على اعصابك

علشان غلط خالص عليكي

مش هتعرفي تركزي في الحل

بص دا كويس اوي في الاعراب انا شوفته

وقرأت حاجات عالسريع

http://www.khayma.com/medhatfoda/nho.htm

شوفه وقول

بص دا كويس اوي في الاعراب انا شوفته

وقرأت حاجات عالسريع

http://www.khayma.com/medhatfoda/nho.htm

شوفه وقول



جزاك الله كل خير

جميل اوى الرابط دا فية شرح الغة العربية كلو وحتى النحو ومبسط

شكـــــــــــــــــــــــــــــــــــــــــــــــر ااا


:022yb4: تحياتى:022yb4:

www.mr3leem.clic-topic.com (http://www.mr3leem.clic-topic.com)

في عندك الموقع ده هتلاقي فيه حبة حاجات يمكن تفيدك
يعني هو فيه نحو لاعدادي و فيه الممنوع من الصرف بتاعنا